رواية البر التاني الفصل الثاني والعشرون 22 بقلم لولو محمد
رواية البر التاني الجزء الثاني والعشرون
رواية البر التاني البارت الثاني والعشرون
رواية البر التاني الحلقة الثانية والعشرون
عباده يبص لناصر
ناصر / سكت يعني .. ايه وحشه
عباده / لا مش وحشه بس
ناصر / بس ايه مالها يعيبها ايه
عباده / ما يعبهاش خديجه زى الفل بس دى كلها كام سنه و تبقي صيدلانيه
ناصر / و هو انت شويه انت عباده شاكر الزيني
عباده / مش قصدى انا اقصد انها
ناصر / فكر فيها و لو روحك راحتلها قولى و انا اطلبهالك يلا تصبح على خير
ناصر يقوم و عباده متابعه
عباده / خديجه !!!
……………..
فى شقه هند تانى يوم
جرس الباب يضرب هند تروح تبص من العين تلاقي يوسف ما تفتحش و ترتبك جرس الباب يضرب تانى تروح تلبس الاسدال و تروح تفتح
هند / نعم
يوسف / انا اسف
هند / على ايه بقي ان شاء الله
يوسف/ ما تاخدينيش بذنب ابويا انا ما ليش دعوه باللى حصل و لا كنت اعرف عنه حاجه انا حتى قطعت معاهم و مش بكلمهم خالص
هند / دى حاجه بينك و بينهم ما تخصنيش
يوسف / هند لو سمحتي
هند / يوسف لو سمحت انت انا تعبت
يوسف / و انا كمان تعبت والله يا هند تعبت من كتر المشاكل دى احنا ايه اللى جرالنا
صوت حمحمه على السلم يوسف يبص وراه يلاقي مختار طالع على السلم شايل اكياس كتير
يوسف / فكرى فى كلامى يا هند
مختار / حاضر من عنينا هنفكر
يوسف يبص لمختار مختار يبص لهند
مختار / فى حد عندك
هند / لا
مختار / طب خدى دخلى دول جوه
هند تاخد منه الحاجه و تدخل مختار يبص ليوسف
مختار /مفيش حد جوه مش هينفع تدخل و انت بنفسك اتكلمت عن وقفه السلم بس لو تحب تيجي تشرب معايا حاجه
يوسف يبص لمختار و يمشي مختار يبص جوه هند تطلع
مختار / ما كانش المفروض تفتحى و انتى لوحدك
هند / اصل ….
مختار / انا جعان عندكوا غدى
هند تبتسم
هند / عامله صينيه بطاطس بالفراخ و رز معمر لسه طافيه عليهم الفرن ثوانى اغرفلك
مختار / مرزق من يومى
هند / هههههههههههههههههههه
……………………
قدام العماره
يوسف يطلع و هو بينفخ يركب العربيه و يمسك التليفون
يوسف / انت فين
يس / فى البيت بزاكر
يوسف / انا جايلك
يس / تنور تعال
يوسف / كلم على و الرجاله على ماجى
يس / انت مش جاى تزاكر بقي
يوسف / انا هطق يا يس هنفجر مش قادر
يس / يا ابني احنا مش اتفقنا نعدى بس فتره الامتحانات دى و هنعملك اللى انت عاوزه
يوسف / انا عملتلها كل حاجه ضحيت عشانها بكل حاجه و برده مفيش فايده هطق هتجنن
يس / يبقي ما تضحيش بمستقبلك بقي و تهدى
يوسف / الفرح بعد الامتحانات ما بقاش كتب كتاب بس بقي دخله
يس / ليه كدا
يوسف / اللى حصل
يس / انا مش عارف اقولك ايه و فعلا ما عدش فى فى ايدي حاجه اعملهالك
يوسف / لما اجى نتكلم
يس / تمام مستنيك
يوسف يقفل تليفونه يرن وسام يكنسل و يسوق
…………………
فى شقه هند
مختار و هند كل واحد بيكتب حاجه بسرعه فى كشكول هند تقوم تقف و تعطل مختار
هند / خلصت خلصت انا كسبت انا كسبت
مختار / ما يمكن حاله غلط
هند تديله الكشكول بكل ثقه
هند / اتفضل يا استاذ احنا جامدين اوى و واثقين من نفسنا جامد اوى اوى
مختار بيبص فى الكشكول هند تشد كشكوله و تبص فيه
مختار يحط كشكولها على الترابيزه
مختار / للاسف صح تكسبي
هند / ايوه بقي هتفسحنى فين
مختار / مكان ما تحبى
شيري تطلع من المطبخ شايله صينيه عليها اكل هند تقوم تساعدها
شيري / العشا يا ولاد
عبد الله يطلع من اوضته جرى
عبد الله / سامع كلمه عشا
شيري / انت بقيت فظيع فى موضوع الاكل
عبد الله / دا مرض نفسي اسمه متلازمه الهروب من المزاكره بالاكل
شيري /دا بجد يا عبد الله
عبد الله / مش عارف بس انا متاكد اننا لو دورنا هنلاقي حاجه زى كدا
شيري تضربه على دماغه و الكل يقوم ياكل
شيري / كام كام
مختار / بنتك مقطعانى يا امى بتكتب بسرعه اوى
هند / المهم انى بكتب صح
مختار / المهم تكتبى كدا فى الامتحان
هند / لا ما تقلقش عليا
عبد الله / الواحد كل ما بيشوفكوا بتزاكروا سوا بيفكر جدا انه يخطب و دا اكيد برده مرض نفسي اسمه متلازمه انا مليش فى التعليم انا عاوز اتجوز و اقعد فى البيت
مختار / المتلازمه دى بتيجي للستات بس يا عبد الله
عبد الله / لا ما انا هتجوز ست عجوزه تصرف عليا
مختار / ههههههههههههههههههه
شيري / ادعى عليك بايه و انت فيك كل العبر
هند / تعرف يا مختار عبد الله كان ناوى يطلع رجل اعمال كبير جدا و هو صغير
عبد الله / ههههههههههههههههههه طب والله كانت فكره بره الصندوق
هند / البيه كان ناوى يفتح شركه لتصدير حفاضات الاطفال المستعمله
مختار يبص بقرف
شيري / الانقح تصدير قشر اللب الابيض
هند / و لا لما كان ناوى يشتغل قشاره و يقشر للناس اللب بعشره جنيه الكيلو
عبد الله / ما انا كان بقي بيتهرى من تقشير اللب لياسو بلوشي و ما كنتش حتى بدوق لبايه واحده
مختار / ههههههههههههههههههه كفايا يا جماعه مش قادر اخد نفسي
عبد الله / طب ما تحكيلنا انت شويه عن فضايحك
هند / مالوش حاولت اقرر كل بنات السرايا ملوش
مختار / و انتى صدقتي
هند / كانوا بيحلوا البضاعه يعني و لا ايه
مختار / لا بس احنا ستر و غطا على بعض
هند / و هو انا لسه ما بقيتش من العيله و لا ايه
عبد الله / سيبك انتى … انت قولنا احكيلنا شويه عن طفولتك المشرده
مختار / عادى زى اى عيل بحب افك الحاجه و معرفش اركبها فاضطر اتاويها و يلاقوها و اخد علقه معتبره و اكررها لحد ما بقت اى حاجه تختفى من البيت كلو يدور عليا
هند / مين كان بيضربك
مختار / اللى يقفشنى ناصر عمى شاكر مره عمى زكريا الله يرحمه ضربني كف هو كان كف واحد روحت المستشفي
هند / ايه القسوه دى
مختار / هو ما كانش يقصد يحصل كدا حتى حلف مهو مادد ايده عليا و لا على اى عيل صغير تانى
عبد الله / برده الضرب ما بيبقاش كدا
مختار /أصلى يوميها بوظتله ساعه كانت غاليه عليه اوى
شيري / مهما كان تمنها يا مختار مش مبرر
مختار / مش حوار فلوس اصلها كانت هديه من الحجه ام عبد الرحمن مراته قبل ما يطلقها و انا ما كانش المفروض ادخل اوضته من غير اذنه و اسرق الساعه و ابوظها انا كنت غلطان .. مره تانيه عملنا سبق فى البحر انا و عباده و مغاورى و المد كان عالى و كنا هنغرق احنا التلاته بس الحمد لله ربنا ستر و لحقونا و مره كنت بلعب بسلاح ناصر ضرب طلقه جت فى كتف عمى شاكر
هند / كفايا دى مش طفوله دى انتوا ايه
مختار / مش انتى اللى عاوزه تعرفي دا فى من دا كتير
هند / صوره الطفل المثالى اللى كانت فى خيالي ليك اتشخرمت
عبد الله / طفل مثالي ايه بعد اللى حكاه ده
مختار / افتكرت حاجه كمان انا مره طلعت الجبل لوحدى بالليل و كانت الديابه هتاكلنى لولا ستر ربنا
هند / كفايا يا ابني بجد انا والله غلطانه انى سالت
شيري / مع ان ما يبانش عليك خالص يا مختار اللى يشوفك يقول هادى و عاقل
مختار / مهو الواحد بيتعلم من اخطائه و انا اخطائي كتير عشان كدا اتعلمت بسرعه … انتى بقي احكى عن طفولتك المشرده
هند / ما ليش انا الطفله المؤدبه اللى ما بتغلطش
مختار / ماشي و انا هصدقك
شيري / صدقها هند طول عمرها غلبانه زى ما انت شايف مكان ما تحطها تلاقيها
مختار / سمعان الكلام حلو برده
هند / هقوم اعلق على الشاى
…………………
فى السرايا
فاطمه و عباده قاعدين يتودودوا فى اوضه فاطمه
فاطمه / و هى خديجه وحشه طب بس هى توافق
عباده / تصدقى انا غلطان انى حكيتلك
فاطمه / بعد ما ناصر رفض مغاورى بيضمن النسب بينا يدوم بس بدل ما بنتنا هى اللى تبقي فى دارهم بنتهم هم اللى تبقي عندنا
عباده / انتى بتقولى ايه يا اما
فاطمه / بقول عباده كبير الزنايته و الجوارحه
عباده / ليه مغاورى مات و لا ايه و ان مات رجاله الجوارحه دول كلهم و نسايبهم هيسيبوا جوز اصغر بنت لشاهين الجارحى يبقي الكبير
فاطمه / لما تبقي كبير الزنايته ما حدش فيهم هيقف قصادك حتى مغاورى نفسه هيحط ايده فى ايدك و يتقى شرك
عباده / ما نعيبش على الناس و احنا معيبه قولنا ازاى مغاورى يتقدم لمريم و فى فرق كبير بين شهاداتهم اقوم انا اروح اطلب خديجه
فاطمه / يا واد انت صدقت مختار هو اللى رفض عشان علاقته بمغاورى مش ولا بد و بعدين ما تنساش انك رفعت السلاح فوشه و اكيد شايلهالك
عباده / اهى دى حاجه تانيه امبارح ارفع السلاح عليه و النهرده اطلب اخته
فاطمه / النسب بيمسح كل ده و انا عجبانى خديجه و مش هلاقيلك احسن منها و ناصر لو ما كانش مالى ايده منهم ما كانش فاتحك
عباده / مش عارف
فاطمه / اقولك صلى استخاره و بعدين خديجه مننا و علينا و متربيه وسطينا و عارفين اصلها و فصلها و اخلاقها
عباده / لا خديجه ما تتعيبش
فاطمه / و حلوه و نغشه ودمها خفيف
عباده يبص لامه
فاطمه / كلم ابوك و قوله يطلبهالك جوازك من خديجه ان ما فادكش تبقي كبير الجوارحه هيفيدك تضمن مركزك قدام مختار الجوارحه كلهم فى ضهرك هيقوك و يسندوك
عباده / هيسندونى قدام اخويا و ابن عمى !!!
فاطمه / ما اقصدش اقصد
عباده / خلاص يا اما مش مشكله انا فاهم قصدك
شاكر يفتح الباب عباده و فاطمه يقوموا يقفوا
فاطمه / خلاص يا عباده روح ارتاح شويه و انا هتكلم مع ابوك فى الموضوع ده
شاكر / موضوع ايه ده يا عباده
فاطمه تاخد من شاكر العبايه و تعلقها و شاكر يقعد على كرسي
فاطمه / ناصر رشح لعباده خديجه الجارحى و عباده كان بياخد راينا قولتله الكلمه كلمه ابوك و الشوره شورته فكان موسطنى عندك يعني
شاكر / والله خديجه بنت زى الفل و ما تتعيبش و لو دى اللى هتسعدك بكره الصبح اطلبهالك
فاطمه / تعيش يا سيد الناس بوس ايد ابوك و اشكره يا عباده
عباده يبوس ايد ابوه
عباده / ربنا يديك طوله العمر و الصحه يا ابا
شاكر يبتسم و يطبطب على ضهر عباده
عباده / عن اذنكوا اروح ارتاح
عباده يمشي و يقفل الباب وراه
فاطمه / اجبلك المايه و الملح و ادعكلك رجليك
شاكر / لا كتر خيرك انا هنام عضمى مكسر و مش قادر اقعد
فاطمه / سلامتك يا خويا مالك
شاكر / مالى يا فاطمه السن هاخد زمنى و زمن غيرى
فاطمه / طب خلى غيرك يقول الكلام ده الله و لا انت بتغزى العين
شاكر / هههههههههههههه الله يحظك يا فاطمه
شاكر يقوم يقلع الجلبيه و فاطمه تساعده و يدخل فى السرير فاطمه تغطيه و تدخل جنبه و تنام فى حضنه يبتسم و يبوس راسها تطفى النور و يناموا
……………………..
فى اوضه سماح
سماح بتكلم عصام فى التليفون
سماح / انا بقيت بضايق اوى من كلامنا فى التليفون
عصام / احنا مش بنتكلم فى حاجه وحشه
سماح / احنا صعايده و اخويا و لا حد من اهلى عرفوا مش بعيد ياذوك و ياذونى انا مش خايفه عليا انا خايفه عليك انت … انت ما لكش ذنب انت كنت بتحاول تهتم بيا
عصام / سماح .. انا فى موضوع بقاله فتره شاغلنى و كنت عاوز افاتحك فيه
سماح / موضوع ايه ده يا استاذ
عصام / قولت مليون مره قوليلى عصام عادى
سماح / اخاف لسانى ياخد عليها ما قولتليش موضوع ايه ده
عصام / سماح انا بقالى فتره طويله بفكر فيكي و كل مره
سماح / لا مؤاخذه انا لازم اقفل لحسن فى حد بره هكلمك بعدين
سماح تقفل و هى بتضحك و تحط الموبايل جنبها و تنام
سماح / تصبح على خير يا عصام ابقي اكلمك بعدين بقى نشوف الموضوع ههههههههههههههه
…………………….
فى الكليه اول يوم امتحانات
مختار طالع من اللجنه يلاقي هند قاعده بعيد و على رجلها علبه بيتزا بتاكل فيها يروحلها
مختار / بتعملى ايه يا هند
هند / اخيرا انا كنت هخلل من القاعده فى الحر ده تاكل حته
مختار / حته ايه عيش ملحوس جبنه لا شكرا لما اروح ابقي اكل حاجه نضيفه
هند / عيش ملحوس دى بيتزا يا ابنى ارتقوا بقي ارتقوا
مختار / الف هنا يلا قومى اما نروح
هند / لما اخلص العيش الملحوس ابقي اقوم
مختار / ههههههههههههههه ماشي كلى
هند / شكلك جعان متاكد انك مش عاوز حته
مختار / مع ان شكلك و انتى بتاكلى يفتح النفس بس لا شكرا
هند / براحتك اكلها انا
مختار يبتسم
هند / عملت ايه فى الامتحان
مختار / ما طلعش عن اللى زاكرناه
هند / فعلا بس انت اتاخرت اوى جوه
مختار/ انتى اللى خرجتى بدرى
هند / خلصت قفلت و سلمت الورقه و طلعت
مختار / ما بتراجعيش
هند / براجع طبعا بتاكد انى حليت كل الاسئله و اسلم الورقه و امشي اصلى اذكى اخواتى لما براجع اللى كتبته بمسح الصح و اكتب غلط
مختار / ههههههههههههههه اعرف كتير من عينتك
هند تقوم ترمى العلبه فى الزباله مختار يقوم يشيل حاجته و يروحلها
مختار / يلا بينا
هند / هتاخدنى تفسحنى فين بقي
مختار / الامتحانات لسه ما خلصتش على فكره
هند / ايوه بس احنا اكيد مش هنزاكر النهرده يعني ناخد على الاقل ساعتين تلاته نفصل بيهم عشان خاطرى
مختار / اؤمرى يا ستى تحبي تروحى فيه
هند / اى حته ممكن .. مثلا .. تعزمنى على ايسكريم
مختار / هو بعد البيتزا دى فى مكان لايسكريم
هند / حدقنا نحلى
مختار / لا وجهه نظر برده اتفضلي
هند / يلا
مختار و هند يمشوا و هم بيضحكوا و يوسف خارج من اللجنه يشوفهم و هو بيغلى وسام تطلع
وسام / انا كنت خايفه ما تجيش الامتحان عشان تهرب منى
يوسف / ازيك يا وسام عملتى ايه فى الامتحان
وسام / ما بتردش على تليفوناتى ليه
يوسف / كان عندى شويه ظروف و بزاكر
وسام / ظروف و لا بتزاكر
يوسف / الاتنين يا وسام طنط عامله ايه
وسام / على ما افتكرت تسال ما يمكن كان جرالها حاجه و بستنجد بيك
يوسف / انا مش قادرلك يا وسام انتى و تخيلاتك مامتك كويسه و بتتكلم مع ماما كل يوم ايه تانى
وسام / و اخرتها
يوسف / انا مطبق من امبارح و مش فايق اقسم بالله فلو سمحتى لو سمحتى
وسام / العيب مش عليك فعلا عن اذنك
وسام تسيبه و تمشي
يوسف / والله العيب عليا انى مشيت وراكى فى فكرتك الزباله دى
……………………..
فى العربيه
مختار و هند بياكلوا ايسكريم
هند / على فكره انا مش علاطول نفسي مفتوحه اوى كدا بس يمكن عشان الامتحان حلو فانا مبسوطه شويه
مختار / طب ارد اقول ايه ادعيلك تنبسطى علاطول اصحى فى يوم ما لاقيش دراعى
هند تزغده بهزار
مختار / نهارك ابيض عارفه لو حد غيرك اللى عمل الحركه دى
هند / هتعمل ايه يعني
مختار / كلى كلى خلينا نروح
مختار ياكل الايسكريم و هند مبتسمه
هند / هو انت عارف الايسكريم اللى بتاكله ده نضيف و لا لا
مختار / لا ما اعرفش و ما تقرفنيش فيه عشان انا بتلكك اساسا
هند / ههههههههههههههه خلاص سكت
مختار / بتفكريني بالبت مريم انت بتروح تشرب شاى فى قهاوى بلدى و انت مش عارف المايه اللى معمول منها الشاى نضيفه و لا لا و لا عارف السكر نضيف و لا لا ما يمكن السكر مليان نمل
هند / و بترد عليها تقول ايه
مختار / ما بعرفش ارد اصل معاها حق بس اهو نص العمى و لا العمى كله
هند / ماشي صاحبك على عيبه
مختار / طب الحمد لله ان ده بس عيبي و لا انا فيا عيوب تانيه
هند / تصدق و تؤمن بايه
مختار / لا اله الا الله
هند / انا ما بشوفش فيك عيوب خالص مش عارفه بقي مرايه الحب عاميه و لا انت اللى مداريها كويس مهو اكيد ما حدش كامل
مختار / انتى اللى بتحبيني بس
هند / مرايه الحب عاميه يعنى طب ايه هى عيوبك
مختار / ما اعرفش لو اعرف عيبي كنت غيرته
هند / ما حدش بيتغير
مختار / الكمال لله واحده صحيح بس ما يمنعش ان الواحد يحاول يبقي كويس
هند / طب و انا يا مختار بتحبنى زى ما بحبك و لا شايف عيوبي
مختار / شايف عيوبك و حاببها
هند / انا بقول يعملوا مسلسلات صعيدي بعد كدا عشان غلب التركى بمراحل
مختار يبتسم موبايله يرن برسايل واتس يطلعه يشوف ايه
مختار / دى مريم … دى اوضتنا العفش وصل و فرشوها
هند تاخد منه الموبايل و تبص فيه و هى مبتسمه
هند / حلوه اوى و حطولى التلاجه و الميكرويف زى ما طلبت
مختار / مش فاضل غير نفرش اللبس و نقفلها بس مش هيعرفوا عشان مفتاح اوضتى معايا .. لما اروح بقي ابقي اديهولهم يفرشوها
هند / بصراحه مش قادره اصدق انى هتجوز فى اوضه بحمامها … يعني … اقصد
مختار / عاوزه شقه و تقعدى فيها لوحدك
هند / لا ما اقصدش بس مش عارفه … الواحده يعني بيجيلها ناس تصبح عليها تفرجهم على جهازها انا اصلا ما ليش جهاز ههههههههه
مختار / فى البلد عندنا فى رجاله و ستات بيدخلوا السجن و هم بيجهزوا بناتهم بيشتروا جهاز و شوار بالوف و يداينوا و العروسه بتدخل بيتها و هم بيدخلوا السجن لو كانوا جوزوهم على قدهم و ادوهم فلوس فى دهب او فى حته ارض مش كان افيد
هند / عشان كدا بتجيبوا شبكه غاليه
مختار / ليه و انا ما جبتلكيش شقه بفرشها و لا اللى عندى دى مش عجباكى اعتبرى نفسك جهزتى شقتك و مسافره فى الغربه مع جوزك مش هتقفلى على جهازك و تعيشي معاه فى سكنه
هند / انا والله ما اعترض
مختار / عارف بس الشيطان ابن كلب ما بيسكتش و مش هيسكت و هيقعد يدورلك على مليون سبب و سبب يدخلك منه و ينكد علينا عشان يفرق بينا
هند / مش هسمحله
مختار / توعديني يا هند
هند / اوعدك … بس اوعدك بايه
مختار / ههههههههههههه ان ما فيش حاجه هتفرق بينا و تصبرى عليا و تفهميني
هند / اوعدك بس انت كمان توعدنى
مختار/ اوعدك بايه
هند / انك مش هتكون غير ليا و لا هتسمح انى اكون غير ليك مهما حصل
مختار / اوعدك
هند / و انت من الرجاله اللى بينفذوا وعدهم لو على رقبتهم
هند تبص قدامها و هى مبتسمه
مختار / فى حاجه مهمه لازم تعرفيها عنى يا هند
تليفون هند يرن
هند / دى ماما
مختار يبص قدامه
هند / ايوه يا ماما … لا والله … والله كان كويس بس قولنا يعني نتمشي شويه … خلاص جايين … لا طبعا هيجي جرى
هند تغطى السماعه
هند / ماما عملالك ملوخيه و بط
مختار يرمي باقي الايسكريم من الشباك و يسوق العربيه
هند / ههههههههههههه جايين فى الطريق يا ماما اهو
…………………………
فى السرايا
عباده / انا قولت ما نحرجش نفسنا
شاكر / الراجل ما رفضش الراجل قال نستنى اما تخلص امتحانات و هيفاتحها فى الموضوع ما حصلش حاجه
عباده / اسبوعين تخلص امتحانات و اسبوعين استخاره و بعدين ترفض
ناصر / ترفض و لا تقبل انت واقف عليها يعني
عباده / لا بس ما تربطنيش جنبها يعني
ناصر / حوش العرايس اللى زاحمين حوش السرايا
عباده يبتسم
عباده / هى بقت كدا
ناصر / ههههههههههههههههه ان قبلت كسبت و ان رفضت ما خسرناش يبقي ربنا رايدلك الاحسن
شاكر / الحريم فرشوا حاجه العرسان
ناصر / ايوه ما عادش ناقص غير فرش الدولاب مختار قافل على الحاجه فى اوضته و واخد المفتاح معاه
عباده / هتتسرق يعني و لا ايه من امتى بيعمل كدا
ناصر / يعمل و لا ما يعملش هتفرق فى ايه هو الفرح بكره يعني هو حر هو كان قافل على حاجتنا دا قافل على حاجته
عباده / مش قصدى انا اقصد
ناصر / خلينا فى اشغالنا اخبار الحدود ايه
شاكر / هاديه و ما فيش جديد
عباده / و عند وهدان كمان هاديه انا بقول دا انسب وقت
شاكر / لا يا عباده استني شويه
عباده / المخازن هتفضي و هنحتاس
شاكر / الرجاله اللى بتروح ما بتتعوضش يا عباده استنى شويه
ناصر / انا اتكلمت مع الحج شاهين و هو كمان مهدى الشغل خالص اليومين دول
عباده / انا كنت بقول يعني نملا المخازن قبل الفرح و ننام عليها فتره لحد ما مختار يرتب اموره مع عروسته
ناصر / مختار بيكلم هند ما تشغلش بالك
عباده / بيكلمها و لا كلمها تفرق
ناصر / والله يا عباده زنك على السيره دى و لا زن الحريم
عباده / ههههههههههههههههه دى اخرتها يا كبير
ناصر / فلقت دماغى اعملك ايه
شاكر / خلينا فى اشغالنا المخازن فيها قد ايه يا عباده و يقعدنا قد ايه
عباده يطلع اجنده و يقلب فى الصفح
………………..
فى شقه هند
شيري / انا كنت عارفه اننا هنتزنق الزنقه دى
مختار / ليه بس يا امى ما كل حاجه جاهزه اهو
شيري / حاجتك انت اه لكن هى لا
هند / و انا هجيب ايه ما كل اللبس اتجاب خلاص
شيري / يا بنتى انتى عروسه عارفه يعني ايه عروسه
عبد الله / شكل امى بتتكلم عن العمره
شيري / اخرس انت و قوم زاكر بلا مياعه
عبد الله / بقيتي قاسيه اوى يا ماما
عبد الله يدخل و مختار بيضحك و كاتمها
مختار / يا ست الكل الفرح مش اخر يوم فى الامتحانات يعني لو عاوزه اسبوع كمان نديها وقتها تجهز يعني
شيري / و الله لو ادتها شهر
هند / ايه يا ماما انا مش محتاجه الشغل دا كلو فى ايه يقول ايه هو
شيري / انا مش بتكلم عن كدا
مختار / انتى بس مش قادره تتخيلى انها هتبعد عنك
شيري / اهو مختار فهم
مختار / و انا كنت غبى و لا ايه
شيري / هههههههههههههههههه مقصدش ما تركبنيش الغلط
مختار / عارف بهزر معاكى
هند / بقولك ايه هو شهر العسل و بعدين … ايه ده صحيح هو ايه نظام الهانيمون عندكوا
مختار / يا ستى شوفى عاوزه تروحى فين و اوديكي
هند / الجونه بيقولوا حلوه اوى و لا تلاقيها حر احنا فى الصيف خلاص الساحل بقي اى حته فى الساحل و لا ايه
مختار / من عنيا حاضر هنشوف حد يحجزلنا اسبوع و لا حاجه
هند / و جاى على نفسك كدا ليه ما كفايا خميس و جمعه
مختار / يا ستى شهر سنه احنا بس نخلص من الإمتحانات دى و بعدين افوقلك
هند / طب بالراحه طيب فى ايه
شيري / هقوم اعملكوا شاى و اسيبكوا تزاكروا
شيري تقوم
هند / اقل من شهر ما فيش جواز تعمل حسابك
مختار يبتسم و يفتح الكتاب
………………………
بعد اسبوعين فى شقه مختار
مختار بيقفل شنطته و بيتكلم فى التليفون
مختار / لا هتيجي على الفرح اختارت كوافيره هنا هتروحلها لحد ما كل حاجه تجهز و هتيجي على الفرح
انتصار / ما احنا عندنا ناس شاطرين فى الحاجات دى
مختار / جهزيلها انتى بس واحده حلوه للحنه و الفرح
انتصار / جاهزه يا خويا هو البنات عاتقينها دى بقت مقيمه معانا هنا
مختار / ههههههههههههههههههه ناقصكوا حاجه
انتصار / مش ناقصنا غير دخلتك علينا
مختار / انا خلاص قفلت حاجتى هخرج انا و الجماعه مشوار كام ساعه و من هناك اطلع عليكوا
انتصار / خد بالك من طريقك لو مش هتقدر خليك و تعال بكره
مختار / لا باذن الله هقدر نايم كويس امبارح
جرس الباب يضرب و مختار يروح يفتح
مختار / هستاذنك اقفل
انتصار / استودعتك الله اللذى لا تضيع ودائعه
مختار يفتح الباب يلاقي هند بصاله و مبتسمه و مشبكه ايديها ورا ضهرها
مختار / سلام
مختار يقفل
هند / لقيت تليفونك مشغول قولت اقفشك متلبس
مختار / برئ يا بيه دا البلد
هند / جهزت كل حاجه
مختار / حصل هدخل اجيب الشنطه و ننزل سوا
هند / خليها و لما ترجع خدها
مختار / لا خليها معايا عشان اقفل الشقه مره واحده قبل ما انزل عشان ما اضيعش وقت
هند / تمام يلا
مختار يدخل جوه و هند تروح تقف قدام شقتها
هند / يلا يا جماعه عشان ما نتاخرش
…………………….
فى السرايا
فاطمه / و هى يعني بتاعه مصر دى هتعمل اكتر من اللى ام داوود بتعمله دا حتى ايدها خفيفه
سماح / تلاقيها حاجزه ليزر
انتصار / قومى يا بت يا سماح شوفى وراكى ايه
سماح / موراييش حاجه
انتصار / هطلع ابص على اوضتك و ان لقيت فيها قشايه
سماح / اتوزعت
سماح تقوم
فاطمه / والله لقول لابوكى يا عديمه الربايه اما قطعتلك لسانك ده اما وريتك ازاى تردى على الاكبر منك
انتصار / مشيت خلاص
فاطمه / ما تاخذيهاش يا اختى صغيره و ما تفهمش
انتصار / حصل خير
فاطمه / بس مش كان مختار سابلنا المفتاح على الاقل كنا روقناله الاوضه بدل ما تلاقيها مردومه عفار من القفله
انتصار / يبقي يبات النهرده فى المضيفه لحد ما ننضفها ما تشغليش بالك انتى
فاطمه / تلاقي هند و لا امها هم اللى شاروا عليه بالشوره دى علشان ما حدش يشوف جهازها
انتصار / ما افتكرش ما تطلعش منهم
فاطمه / ليه يعنى مش حريم امال لو ما كانش ان كيدهن عظيم
انتصار / انا رايحه ابص على المطبخ
انتصار تسيب المكان و تمشي و فاطمه متبعاها
فاطمه / قال يعني جابت اللى ما حدش جابه
………………………
فى شقه يوسف
يوسف نايم على السرير باصص للسقف اسراء تدخل
اسراء / و اخرتها يعني
يوسف / اطلعى بره لو سمحتى و اقفلى الباب
اسراء / تستاهل يعنى تقهر نفسك عشانها
يوسف يقوم يقعد
يوسف / قولى انها وحشه قولى انها ملعب مهو لو ما كنتيش عملتى اللى عملتيه
اسراء / انت هتجيبها فيا عمرها ما اشترتك
يوسف / يوووووه مش هنخلص بقي انا سيبهالك و ماشي
اسراء / استني هنا هتروح فين
يوسف / فى اى داهيه تاخدنى بعيد عنكوا
اسراء / يا ابنى فوق لنفسك سايب اللى شرياك و مستحمله مزاجك اللى كل شويه بحال و بتجرى ورا حته بت لا
يوسف / و لا كلمه كفايا بقي و لا كلمه
اسراء / انا خايفه عليك انا امك
يوسف / انا ماشي سلام
يوسف يسيب المكان و يمشي
اسراء / منك لله يا شيريهان انتى و بنتك
…………………….
فى شقه حامد
مرات حامد قاعده مع مرات حمدى و مرات حمدى بتعد فلوس
م حامد / عشان تبقي تصدقيني
م حمدى / انا لو ما كنتش شوفت بعيني ما كنتش صدقت
م حامد / روحى بقي فكى رهن الدهب بتاعك قبل ما يروح عليكي
م حمدى / افك رهنه ايه انا هروح ابيعه خالص و ادخل بالفلوس كلها
م حامد / طب على الاقل شورى جوزك
م حمدى / بكره اجيب احلى منه مليون مره دا انا هجيب بيت من بابه
م حامد / ابقي افتكريني بشقه
م حمدى / انتى هتبطلى
م حامد / نبطل ايه دا باب رزق واسع بحر فلوس نغرف و نعبى دا حتى احمد اخويا باع عربيته و دهب مراته و دخل معانا
م حمدى / مش كانت اسراء دخلت معانا
م حامد / شوف الوليه هى مقالتلكيش
م حمدى / لا ما قالتش ايه اللى حصل
م حامد / دى داخله بربع مليون جنيه غير اللى داخل بيه اخواتها
م حمدى / ربع مليون !!!
م حامد / امال انتى فاكره ايه مش هيرجعولها باقل من مليون و شويه
م حمدى / للدرجادى
م حامد / امال ايه و بعدين هى دى فلوس بالنسبالها دا كفايا ورثها من ابوها و لا شبكتها و لا نصيبها فى محلات اخواتها دا غير فلوس محمود
م حمدى / يالا ربنا يباركلها لحسن تسمعنا تفتكرنا بنحسدها و لا حاجه
……………………….
فى الملاهى
هند / يااااه انا دخت اوى
مختار / مش انتى اللى صممتى تركبى
عبد الله / تعال نلعب نشان
مختار / يا ابني استنى اما افوق من اللعبه اللى فاتت
عبد الله / دا انسب وقت امال هفضل اخسر طول عمرى
مختار / ما تتعشمش اوى برده عشان برده هكسبك
عبد الله / يلا
مختار و عبد الله يمشوا بسرعه و هند و شيري و ياسمينا يمشوا وراهم بسرعه اقل
شيري / اخوكى بيحبه اوى
هند / لقى فيه اللى ما لقاهوش فى عيلتنا كلها
شيري / ربنا بيعوض
هند / ما تفكرى تانى و تيجوا معانا
شيري / قولتلك ما ينفعش يا هند مش كل شويه نعيد نفس السيره
هند / يا ماما انا اتكلمت مع مختار و قالى ايرادك هيوصلك كل اول شهر و لو عاوزه تاجرى شقتك تجبلك دخل هيجبلها مستاجر
شيري / انا ما حدش غريب ينام على فرشي و قفلى السيره بقي احنا جايين نتفسح و ننبسط
………………………
على قهوه
يس / و هى يعني لما هتشوفك يعني بالمنظر ده هتصعب عليها يعني يا ابني البت ما بتحبكش و احنا جربنا كل حاجه
يوسف / مش ههرب من امى فى البيت اجى الاقيك هنا نقطنى بسكاتك
يس / دا بدل ما تفكر هتعمل ايه بعد التخرج و لا تشتغل فين مش كان زمانك مهندس دلوقت و بتشتغل فى شركه مقاولات و لا شركه اتصالات و بتقبض قد كدا
يوسف / كل ده بسبب خيلانى و اللى عملوه كتفونى و خلوا رقبتى قد السمسمه و كل ما احاول اكلمها
يس / هتكلمها تقولها ايه يا ابنى مش هتسمعلك
يوسف / اقول اى حاجه اقول اللى جوايا مهى لازم تحس
يس / يادى النيله مش هنخلص يعني امال خطبت وسام ليه بقي
تاكس يقف و على ينزل يجرى على يوسف
على / مش هتصدقوا عرفت ايه
يوسف / مش وقتك خالص
على / انا جبتلك قراره اما الواد ده طلع حكايه حقيقي ميه من تحت تبن بصحيح
يس / انت بتتكلم عن مين
على / مين غيره الملاك الهادى اللى ما بيفوتش فرض
يوسف / ماله مختار اتكلم
على / جبتلك قرار قراره اعتبره طار يا معلم
………………
قدام بيت هند
مختار يركن العربيه و هند و عبد الله و شيري و ياسمينا ينزلوا
هند / اول ما توصل كلمنى و لو وقفت فى اى ريست كلمنى برده
مختار / من عنيا حاضر
هند تشاورله باى و تيجي تمشي
مختار / هند
هند تبصله ينزل من العربيه
مختار / معاكى فلوس كفايه
هند / ابقي اسالنى بعد اسبوع يلا سلام
مختار يبتسم و هند تشاورله باى و تطلع و يتابعها لحد ما تطلع و يركب العربيه و يمشي يعدي من جنب عربيه يوسف الناحيه التانيه بعيد يوسف راكب العربيه و صحابه مكتفينه
يوسف / سبونى اموته
يس / تموت مين دا تلاقيه مجرم دولى سيبه يبعد شويه و اطلع اتكلم معاها بهدوء
على / مش هتسمعله اعمل زى ما امها عملت و لم عيلتك كلها على الاقل يسندوك
يوسف / لسه هستنى اما الم عيلتى
يس / ما تتهورش يا يوسف هتطلع تتخانق مع امها و اخوها زى كل مره
على / انا رأيي تستنى اما اخوها ينزل يروح فى اى حته و تطلع
يوسف / و انا هخاف من سي زفت دا كمان و لا ايه انا طالعلها
شاب / نيجي معاك نسندك
يوسف / مش محتاج حد يسندنى
يوسف ينزل و يطلع فوق يضرب الجرس عبد الله يروح يبص من العين ما يفتحش و يدخل شيري تطلع و يوسف عمال يضرب الجرس
شيري / مين يا عبد الله
عبد الله / سي زفت انا عارف ايه اللى رماه علينا السعادى مش كنا خلصنا منه
شيري / ادخل جوه انا هتكلم معاه
عبد الله / انتى لسه هتتكلمى انا هطلبله البوليس
شيري / بلاش يا عبد الله بلاش
هند تطلع من الاوضه و صوت ضرب الجرس يزيد و يبقي متواصل مع رزع
صوت يوسف / هند افتحى يا هند
شيري / خشى جوه يا هند و مهما حصل ما تطلعيش
هند / اكلم مختار يرجع
شيري / اوعى يجوا يموتوا بعض احنا مش ناقصين
صوت يوسف / افتحى يا هند لازم اتكلم معاكى افتحى بقولك
عبد الله / خشي جوه انا هفتحله
هند تبص لعبد الله و الرزع يزيد
شيري / خشي يا هند
هند تدخل و شيري تروح تفتح الباب
شيري / عاوز ايه دى طريقه خبط دى
يوسف / انا لازم اتكلم مع هند لازم اقولها
عبد الله / ما تحلوا عننا بقي و تسيبونا فى حالنا هى تلاقيح جتت
يوسف / مختار طلع مجرم مختار مش زى ما انتوا فاكرين لازم تسمعونى
عبد الله / المجرم اللى اجر بلطجيه يقتلو مختار و لا اللى اجر بلطجيه و سلطهم على بنت اخوهم و ان كنت ناسي افكرك
يوسف / يا ابني افهم مختار دا زى خط الصعيد مختار مش زى ما انتوا فاهمين
شيري / انت مش بلغتنا كتر خيرك امشي بقي
يوسف / يا طنط ارجوكى اسمعيني انا مش بقول اى كلام مختار وحش
عبد الله / ما تغور بقي يا اخى
يوسف ينادى بصوت عالى
يوسف / يا هند يا هند انا لازم اتكلم معاكى يا هند
عبد الله / انا مش هستنى ثانيه واحده انا هطلبلك البوليس
يوسف / تطلبلى انا انا اللى جاى افوقكوا
شيري / امشي بقي يا يوسف ما تقرفناش لو خبطت تانى بجد هطلبلك البوليس الله
شيري ترزع الباب
عبد الله / هى دى خطتهم الجديده جربوا كل حاجه و الدور على دى و هبل احنا عشان نصدقهم و نمشي وراهم طب والله لو مختار مجرم هيبقي اهون عندى منك يا ابن الكلب يا واطى
شيري تروح تبص ما تلاقيش حد
شيري / شكله مشي
عبد الله / داهيه تاخده ما ترجعه
هند تطلع من الاوضه و تبص لشيري و عبد الله
……………….
ناحيه عربيه يوسف
على / انا مش فاهم عاجبه فيها ايه على دا كله
يوسف يدخل و هو هيطق شرار
يوسف / معايا و لا هتخيبوا
يس / كلمتها
يوسف / ابن الكلب و امه منعونى ادخلها انا لازم ادخلها لازم اتكلم معاها
يس / طب ما تستني ينزل
يوسف / ما ينفعش لازم حالا قبل ما تتصلت بمختار و يرجع ممكن ياخدها البلد وسط بلطجيته و مش هعرف انجيها من ايديه
على / ما تكلم اهلك ابوك و اعمامك
يوسف / ما فيش وقت انا هطلع احاول معاها تانى كل اللى انا عاوزه انكوا تفضولى السكه هتبعدوا اخوها و امها عن طريقي خمس دقايق بس
شاب ١ / الموضوع كدا هيوسع منك يا يوسف
يوسف / انا مش محتاج اكتر من خمس دقايق هند لازم تعرف الحقيقه لازم انقذها منه معايا و لا لا
على / يا يوسف
يوسف / معايا و لا لا
……………………
فى شقه هند
شيرى / خلاص مشي فضوها سيره بقي
عبد الله / مختار لازم يعرف على فكره
شيري / مختار مش لازم يعرف اى حاجه كلها يومين و نسافر كلنا خليهم يعدوا على خير بدل ما مختار يرجع هو و اهله و يرتكبوا جنايه
عبد الله / ايوه بقي انا كدا فهمت هى دى خطتهم الحقيقيه يعملوا مشكله مختار يتنرفز و يدخل فيعملوله محضر و يحبسوه و يبوظوا الفرح
باب الشقه يتكسر و يوسف واقف عبد الله يروح يزقه بره
عبد الله / انت اتجننت يا ابن الكلب و الله لاحبسك
يوسف يضرب عبد الله بالركبه فى بطنه شيرى تحوش بينهم و هى بتصرخ هى و هند صحاب يوسف يدخلوا فى نفس اللحظه يس يمسك شيري و يكممها و على و الاتنين شباب يكمموا عبد الله و يكتفوه هند تحاول توصل للبلكونه يوسف يلحقها و يمنعها قبل ما تفتحها تحاول تضربه بالكوع يفاديها و يلطشها بالقلم عبد الله يزوم عليها
يوسف / انا مش جاى ائذيكي انا جاى اقولك حقيقه الحيوان اللى انتى مخطوباله
هند / الحيوان هو اللى يتهجم على البيوت ويرعب اهلها بالشكل ده
يوسف / ما انتى لو تسمعيني
هند تصرخ فيه
هند / مش عاوزه اسمعك مش عاوزه اشوفك مش عاوزه اعرفك اطلع بره
يوسف يشدها من شعرها على اوضتها و هى بتصرخ
يوسف / ما انتى هتسمعيني يعني هتسمعيني
عبد الله يحاول يمنعه واحد من صحاب يوسف يشد سكينه من طبق فاكهه على السفره و يحطه على رقبه عبد الله
الشاب / اهمد ياض بدل ما تودع اهلك هيتكلم معاها كلمتين و هنمشي
شيري تزوم على عبد الله و هو مش ثابت و بيقاوم صحاب يوسف يشدوه هو و امه فى اوضه ياسمينا قاعده فى ركن خايفه و بتعيط شيري تشوفها تحاول تفلت و تروحلها الشاب يحط السكينه على الكومدينو و يفتح الدولاب يطلع الطرح و يربط عبد الله و شيري و يكممهم و صوت هند بتصرخ فى الاوضه التانيه
هند / والله لو موتنى من الضرب ما هصدقك
يوسف يشدها من شعرها و يحدفها على السرير
يوسف / بتكدبيني انا و تصدقيه هو
هند تقوم و تحاول بكل قوتها توصل للباب يزقها يوقعها فى الارض
هند / اتشطر على واحده يا عيل هو ارجل منك و من كل عينتك
يوسف / اهدى و اسمعيني انا مش جاى ائذيكي
هند / تتهجم عليا انا و اهلى انت و البلطجيه بتوعك و تقول مش جاى تاذيني افتح الباب ده
يوسف / لما تسمعيني الاول
هند / افتح الباب بقولك
هند تحاول توصل للباب يوسف يضربها بالقلم و يشدها من شعرها و هى بتصرخ و تقاوم
يوسف / مختار دا مجرم مجرم انتى فاهمه مجرم
هند / انت اللى مجرم و ستين مجرم
يوسف يزق هند يخبطها فى ضهرها فى الباب اوكره الباب تدخل فى جنبها هند تتالم
يوسف / اسمعيني و لو مره واحده فى حياتك اسمعيني انا
هند / مش هسمعك و مش هسيب مختار مش هكدب عيني و اصدق واحد واطى زيك
يوسف / انا واطى انا هوريكى دلوقت مين اللى واطى
يوسف يفك حزام البنطلون هند عنيها توسع و تحاول تفتح شباك الاوضه يجيبها من شعرها يوقعها فى الارض و ينزل فوقيها ضرب بالحزام و هى بتعيط و تصرخ
يوسف / كل اللى طلبته انك تسمعيني انتى عاوزه تتعاملى كدا هعاملك انتى ما بتمشيش غير بالضرب حاضر
هند / كفايا
هند ترفع ايدها و هى بتعيط و مش قادره و بتعيط
هند / كفايا مش قادره ارجوك
يوسف / العيب مش عليكي العيب على اخوكى الديوث و امك اللى مش عامله حرمه لابوكى الميت انا هعرف اتصرف معاهم ازاى
يوسف يروح يفتح الباب هند تترجاه بضعف
هند / يوسف ما تسبنيش .. يوسف ارجوك انا بحبك
يوسف ماسك اوكره الباب و بيبص لهند بتبصله باستعطاف و هى فى الارض مش قادره تتحرك
هند / انا بحبك
………………
فى الاوضه التانيه
عبد الله بيحاول يفك نفسه شاب يضربه بالرجل فى بطنه شيري ترمى نفسها فوقيه و ياسمينا قاعده فى جنب بتعيط و خايفه على يحوش
على / بس بس احنا مش جايين نعمل مشاكل
الشاب ١ / مهو لو يسكت هيقولها الكلمتين و نمشي
الشاب ٢ يروح ناحيه يس
الشاب ٢ / صوت الصريخ سكت لتكون ماتت فى ايده
يس / غشيم لو كانت ماتت كان خرج شكلهم اتفقوا
يس و صاحبه يضحكوا و عبد الله بيحاول يقوم و شيري منعاه و بتعيط
……………….
فى اوضه هند
يوسف / انتى بتتكلمى جد يا هند و لا بتدحكى عليا
هند بتعيط
هند / قولى اثبتلك ازاى و انا اعمل
يوسف يرجع لهند
يوسف / انا كنت جاى اقولك حقيقه مختار
هند / غلطه مختار كان غلطه انا مش عاوزه غيرك
يوسف / انتى بتقولى كدا و خلاص
هند / لا لا انا بحبك انت مختار كان غلطه
يوسف / كلميه و قوليله قوليله انك عرفتى حقيقته قوليله انك بتحبيني انا قوليله انك هتتجوزيني انا
يوسف يمسك هند من كتافها تتوجع و تعيط
هند / اااااااه مش قادره مش قادره كل حته فيا بتوجعنى
يوسف / انا ما كانش قصدى اوجعك انا كنت بحاول اخليكي تسمعيني
هند / انا اسفه انى ما سمعتلكش انا اسفه
هند تعيط جامد يوسف يبصلها بحب و خوف
يوسف / قومى معايا اوديكي المستشفي
يوسف يحاول يقومها تتوجع و تعيط
هند / رجلى بتوجعنى كلى بيوجعنى مش قادره اتحرك
يوسف / حقك عليا حقك عليا والله ما كنت اقصد انتى اللى نرفزتيني انتى اللى ما رضيتيش تسمعى
هند / انا اسفه انا اسفه والله ما هعمل كدا تانى انا اسفه
يوسف / انا هطلبلك الاسعاف
هند تغمض عنيها يوسف يتصل بالاسعاف يشوف موبايل هند على السرير يروح يجيبه و يديهولها
يوسف / اثبتيلى الاول انك فعلا اختارتيني انا
هند / ازاى
يوسف / اطلبي الكلب ده و قوليله يخرج من حياتك قوليله الكلام اللى قولتيهولى قوليله انه غلطه و انك مش عاوزه تشوفيه تانى
هند / اطلبه و انا اكلمه اطلبه و هقوله اللى انت عاوزه
يوسف / لو طلعتى بتدحكى عليا يا هند
هند تعيط
هند / ابدا والله هقوله اللى انت عاوزه بس اطلبه
يوسف يقلب فى النمر يلاقي نمره مختار متسجله باسم حب عمرى يبص لهند
يوسف / حب عمرى هاه
هند تحاول تحمى نفسها
يوسف / هنتحاسب عليها بعدين
يوسف يطلبه و يحط التليفون على ودن هند و هى بتعيط
مختار / السلام عليكم ايه لحقت اوحشك
هند تبص ليوسف و تتكلم و هى بتعيط
هند / انا مش عاوزه اعرفك تانى
مختار / هند !!!
هند / انا بكرهك
مختار / هند انتى بتقولى ايه بتعيطي ليه يا هند
هند / اخرج من حياتي اخرج و ما تجيش تانى اوعى ترجع انا مش عاوزه اشوفك مش عاوزه اعرفك
يوسف يقفل السكه و يحضن هند و هى بتعيط التليفون يرن و هند بتعيط على اخرها و تتوجع
يوسف / ما تقلقيش يا هند انا مش هسمحله يقرب منك انا هطلب الاسعاف و لا تحبي اشيلك بنفسي
يوسف يحاول يشيلها تتالم
يوسف / هطلب الاسعاف هطلب الاسعاف لا هياخدوا وقت انا اللى هوديكي
يوسف يشيلها و يطلع بيها بره
……………..
فى الشقه قدام هند
فاروق يطلع البلكونه و هو بيتكلم فى التليفون
فاروق / الستاير مقفوله و ما فيش صوت خالص يا سى مختار
مختار / انت متاكد ان ما فيش حد عندهم
فاروق يبص على الشارع يمين و شمال
فاروق / مفيش اى عربيه غريبه و مفيش صوت
مختار / انزل روحلهم انا متاكد ان فى حاجه غلط انا كدا كدا فى الطريق راجع
فاروق يبص يلاقي يوسف خارج من العماره شايل هند يقف قدام تاكس معدى و يركب فيه و التاكس يمشي
مختار / فاروق روحتلهم … وصلت و لا لسه يا فاروق
فاروق / فى حاجه كبيره حصلت يا سي مختار مش عارف هقولهالك ازاى
……………….
فى شقه هند
يس بيتصل بيوسف فى التليفون ما بيردش و الكل متوتر
على / هو احنا هنفضل هنا لحد امتى
شاب ٢ / قولتلك قتلها ما سمعتش كلامى
شيري تزوم و تعيط
يس / ما بيردش برده ما بيردش
شاب ١ / يبقي نفكهم و نمشي
شاب ٢ / هتصوت و تلم علينا الناس
شيري تهز راسها لا
على / احنا ما كناش جايين فى ازى يوسف كان عاوز يتكلم معاكوا
فاروق و عيسي و الرجاله يدخلوا يشوفوا المنظر عبد الله يزوم جامد فاروق و الرجاله يضربوا صحاب يوسف عيسي يفك شيري تحضن ياسمينا اللى بتصرخ على اخرها و تلف شعرها بطرحه و تشد موبايل من السفره و تنزل تجرى فى الشارع توقف تاكس تركب عبد الله يخرج من العماره يركب جنبها عيسي يطلع يجرى وراهم يركب عربيه و يطلع وراهم يتوهوا منه فى الطريق عيسي يضرب على الدركسيون يتصل بحد
عيسي / الو الو
فاروق / دا انا يا عيسي نسيت الموبايل فى البيت
عيسي / شوف عندك رقم عبد الله و ابعتهولى حالا انا مش لاقيهم
فاروق / حالا
…………………
فى مستشفي
هند نايمه على ترولى و بيجروا بيها دكتوره تقابل يوسف
الدكتوره / ايه اللى حصل
يوسف / مش عارف بس اللحقوها و بعدين نشوف
الدكتوره / تمام
تليفون يوسف يرن
يوسف / ايوه يا عبد الله ما تقلقش احنا فى المستشفي
شيري / بنتى فين يا يوسف عملت فيها ايه يا يوسف
يوسف / قولت فى المستشفي هند كويسه
شيري / انهى مستشفي قولى بنتى فين
عبد الله / والله ما هرحمك يا ابن الكلب
يوسف / انا الغلطان انى رديت عليكوا يعنى لفوا بقي عليها فى المستشفيات
يوسف يقفل السكه و يتصل بمحمود
يوسف / انت فين يا بابا
محمود / طايرين على الطريق اهو دخلت
يوسف / اه دخلت بس انا مش عارف اعمل ايه و خايف
محمود / ما تعملش احنا فى الطريق اهو
امن المستشفي يجروا على يوسف و يمسكوه
يوسف / فى ايه ؟ فى ايه ؟ انا ما عملتش حاجه دا انا اللى جبتها سيبونى سيبونى
………………….
قدام شقه اسراء
التاكس يركن و شيري تنزل تجرى
شيري / خليك جنب اختك هنا
عبد الله / اجى
شيري / قولت استني
شيري تسيبه و تطلع تجرى السواق
السواق / الاجره كدا تقلت اوى يا بهوات و شكل الليله هتطول
عبد الله / حقك هتاخده
السواق يبص قدامه
………………….
فى شقه اسراء
شيري تضرب الجرس و ترزع على الباب اسراء تفتح و هى لابسه
اسراء / انتى يا جلابه المصايب
شيري / ابنك فين ابنك فين بدل ما اقتلك و اروح فيكوا فى داهيه
اسراء / عاوزين منه ايه بعد اللى عملتوه بهدلتوه و ضيعتوا مستقبله
شيري / ابنك خطف بنتى قولى ابنك فين
اسراء / كان اولى سابها تموت و لا لحقهاش يا ناكرين الجميل كان سبها تتجوز الواد المجرم السوابق بتاعها الحق عليه قلبه كان عليها
شيري / ابوس ايدك ابوس ايدك قوليلى بنتى فى انهى مستشفي
التليفون يرن فى ايد شيري
اسراء / احسن خليكي بقهرتك خلي ولاد الكلب اللى ركبتيهم علينا يلاقوهالك اياكش تفطسوا كلكوا مره واحده اوعى
اسراء تطلع و تقفل باب الشقه وراها شيري تشدها
شيري / انتى رايحه فيه ريحاله صح
اسراء / اه ريحاله ريحاله القسم بنتك بعد ما نجاها من الموت سلمته للبوليس قليله الاصل زى اللى ربتها
شيري / قوليلى هى فين قوليلى و انا هتنازل هخليها تتنازل بس طمنيني عليها
اسراء / مش هقولك و ابنى كدا كدا خارج
اسراء تيجي تمشي شيري تمنعها التليفون فى ايد شيري يرن تانى
اسراء / ما تردى عليه قوليله يلاقيهالك
شيري / انتى ايه ما عندكيش قلب قوليلى بنتى فى انهى مستشفي
اسراء تاخد منها الموبايل
اسراء / تعالى هوديكي بس تبعدى الكلاب دول عن حياتنا خليها تنضف
شيري تبص لاسراء اسراء تفتح الموبايل و تطلع الشريحه و تكسرها و ترجعلها الموبايل و شيري بتعيط
……………….
قدام بيت هند
مختار يركن العربيه بسرعه و ينزل يطلع يجرى على فوق
يلاقى فاروق واقف قدام الشقه يشوفه يبص فى الارض
مختار / هند فين يا فاروق
فاروق يبص لمختار و يبص فى الارض مختار يمسكه من هدومه و يلزقه فى الحيطه و يزعق فيه
مختار / هند فين يا فاروق هند اللى امنتك عليها فين
فاروق / والله يا سي مختار نزلت اجرى وراهم ما لحقتهمش كانت ساعه زاحمه و اتصلت بيهم كذا مره اول مره قالوا لسه ما عرفوش هى فين و بعد كدا ما بيردوش و بعد كدا الموبايل اتقفل
مختار / انا لو كنت موقف حريم ما كانوش خابوا خيبتك تخليك مرزوع هنا يمكن حد يرجع
مختار ينزل يجرى فى الشارع يقابل عيسي
مختار / قولى ان عندك اخبار ليا
عيسي / ما عنديش غير ان العيال كلهم اتلموا فى القسم و هناك الناس امم اهل العيال محاميين للركب ما عرفتش اقابل حد و لا اسال عن اى حاجه
مختار / هند هند انا عاوز اخبار عن هند
عيسي يبص فى الارض مختار يبصله بقرف و يركب عربيته و يطلع يجرى
……………………
فى المستشفي
شيري تدخل تجرى هى و عبد الله شايل ياسمينا و اسراء بتمشي بالبطئ وراهم
عبد الله / والله ما هرحمهم والله ما
شيرى / نطمن على اختك اوعى تعمل حاجه لحد ما نطمن على اختك
شيري توصل لكوريدور الاوضه تلاقي محمود واقف هو و اخواته
شيري / بنتى فين
محمود / بيكشفوا عليها جوه
الدكتوره تطلع من جوه شيري تجري عليها
شيري / بنتى يا دكتوره بنتى عامله ايه
الدكتوره / البنت لسه بكر بيتهيالي كدا حضرتك تهدى بنت اخوك اشرف من الشرف و اى محاوله تانيه منك انا هطلبلك الامن
شيري تبص للدكتوره و مش فاهمه
شيري / انتى بتقولى ايه
عبد الله / ابنك هيدفع تمن اللى عمله المرادى ابنك لازم يتحاسب كلكوا هتتحاسبوا
محمود / انتوا هتلبسوها فى ابنى روحوا شوفوا الصايع اللى كانت مرفقاه
عبد الله يحاول يضرب محمود عمامه و ولاد عمامه يحوشوا شيري تمسك محمود من هدومه
شيري / انت خلتهم يكشفوا على بنتى يا ابن الكلب يا واطى انت بتشكك فى شرف بنتى يا عديم الشرف
اسراء و باقي العمام يحوشوا و يشدوا شيري بعيد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
2 تعليقات