رواية الان اقول احبك الفصل الأول 1 بقلم ندى سامي
رواية الان اقول احبك الجزء الأول
رواية الان اقول احبك البارت الأول
رواية الان اقول احبك الحلقة الأولى
ف المنصوره من 15 سنه
فارس : انا بحبك اوى يا لوما
احلام : وانا كمان بحبك اوى
فارس بحب اطفال : وعد منى أننا أول م نكبر هتجوزك
احلام بفرحه : وانا هستناك
ضحكو و عملو ب ايدهم حركه الوعد و مشيو
_______________________
بعد 15 سنه ف القاهره ف فيلا فؤاد دمنهور
_ بابا انا نازله
كان الأب واقف بيتكلم مع شخص ف الصالون و اول م هى نزلت وقف
– ماشى يا ساره بس قبل م تمشى ده فارس هيبقى السواق بتاعك و هيوديكى و يجيبك
ساره : يا بابا هو انا طفله جايبلى سواق م انا بعرف اسوق
– انتى لسه خابطه العربيه من اسبوعين يا ساره
ساره : بس يا بابا ..
– يلا إلى قولتو هيتنفذ .. روح معاها يا فارس
الاب رجع قعد مكانو و فارس شاور ل ساره عشان تتحرك ف بصتله بغيظ و مشيت و هو مشى وراها و ركبو العربيه و مشيو
” ساره 24 سنه خريجه كليه صيدله و بتشتغل ف مصنع ادويه طيبه بس مش بتحب تبين كده ع طول و فيها حته تكبر و طريقتها مش حلوه ف التعامل مع كل الناس بس هى اصلا من جواها شخصيه حلوه و قموره اوى … فارس 26 سنه خريج كليه تجاره بجسم رياضى و شخصيه حلوه جدا بس عصبى … الاب فؤاد صاحب اكبر مصانع عربيات فى الدول العربيه و مع ذالك طيب جدا و متواضع و عمرو م اتكبر ع حد ”
_______________________
ف الطريق
ساره : بقولك يا اسمك ايه عشان نبقى كويسين مع بعض انا بعرف اسوق كويس جدا مش معنى انى خبطت العربيه ب الغلط يبقى محتاجه سواق ده اولاً ثانياً انت مش هتدودينى ولا ترجعنى من حته بعد كده و هتقول ل بابا انك بتودينى و ترجعنى عادى .. انا بس محبتش اتكلم كتير مع بابا عشان ميتعبش تمام
فارس بهدوء : لا يا فندم مش هينفع للاسف
ساره بعصبيه : هو ايه الى مش هينفع انا …
و قبل م تكمل فونها رن ف سكتت و ابتسمت لما شافت الاسم و ردت ع الفون
ساره : حبيبى ازيك
_ كويس يا حبيبتى وانتى
ساره بسعاده : انا كويسه الحمدلله
_ انتى فين دلوقتى
ساره : ف الطريق رايحه الشغل
_ طب بقولك ايه يا حبيبتى هبعتلك لوكيشن مكان تعالى فيه الاول عايز اقعد معاكى شويه قبل الشغل
ساره : ماشى يلا باى جايه
قفلت معاه و هى مبتسمه و هو بعتلها اللوكيشن و بعدين رجعت بصت لفارس بضيق
ساره : روح كافيه ***
فارس : تمام
_______________________
ف الكافيه
وصلت ساره و هى مبتسمه و اول م شافته فرحت اكتر
ساره : ضياااء وحشتنى
ضياء : وانتى اكتر يا حبيبتى تعالى اقعدى
قعدت و بعد شويه جه الجارسون و خد الطلبات و مشى
ساره : عملت ايه ف السفر
ضياء : كان حلو اوى و كان ناقصك
ساره : هنسافر تانى مع بعض مش كده
ضياء : اكيد
بعد شويه الجارسون و حط الطلبات و مشى
ضياء : بقولك يا حبيبتى ينفع طلب
ساره : طبعا قول
ضياء : كنت محتاج منك مبلغ صغير خالص عشان للاسف فلوسى خلصت ف السفر و كنت محتاج الفلوس عشان استلفت من صاحبى و هرجعهملك اكيد
ساره : ايوه طبعا ممكن عايز كام
ضياء : 2500
ساره مسكت الشنطه و طلعت منها الفلوس و اتدهالو و قعدت تشرب النسكافيه و وهما قاعدين جه واحد يسلم ع ساره
_ ساااره عاش من شافك يا شيخه وحشتينى
قال كده و هى لما قامت تسلم حضنها و هى اتخضت و بصت ل ضياء الى كان باصللهم بعدم اهتمام و استغربت من رده فعلو
_ وحشتينى اوى عامله ايه
ساره و هى بتبعد : الحمدلله انت عامل ايه
_ الحمدلله فكرانى مش كده
ساره : اه اكيد رامى !
رامى : كويس انك فاكره .. مين ده صحيح
ضياء و هو بيسلم عليه : انا ضياء حبيبها
رامى : اهلا بيك .. همشى انا بقى يلا سلام
ساره : سلام
قعدو و ساره فضلت بصاله شويه باستغراب مستنياه يعلق بس مقالش حاجه
ساره و هى بتقوم : همشى بقى عشان متأخرش ع الشغل
ضياء : تمام سلام
سلمت عليه و خرجت لقت فارس قاعد مستنيها ف العربيه ف بصتله بضيق و ركبت و مشيو
” ضياء 25 سنه هو و ساره مرتبطين بقالهم 4 شهور و ساره بتحبو جدا ”
_______________________
ف المصنع
المدير : رقيه فين ساره !؟
رقيه : مش عارفه زمانها جايه
المدير بعصبيه : الساعه 7 ونص متاخره نص ساعه ليه
قبل م ترد عليه كانت ساره جايه عليهم
رقيه : أهى ساره جت اهى
ساره : فى حاجه !؟
المدير : تأخير نص ساعه ليه مش فاهم مش فى شغل هنا
ساره بكدب : الطريق كان زحمه
المدير : اخر مره المره الجايه هخصم منك
قال كده و مشى من قدامهم
رقيه : ايه يا بنتى إلى اخرك كده انتى عارفه ان المدير رخم و بيتعصب بسرعه
ساره ببرود : كنت مع ضياء اعملو ايه يعنى
رقيه : ضياء تانى يا ساره
ساره : مقابلش حبيبى يعنى
رقيه : مش ف معاد الشغل يعنى ع العموم روحى شوفى الشغل بسرعه عشان ميجيش يزعق تانى
قالت كده و كل واحده راحت تشوف شغلها و ساره راحت تشرف ع العمال و تعاين ع الادويه قبل م يتم تغليفها و تشوف لو فى حاجه غلط او بايظه
” رقيه 24 سنه صاحبه ساره من الجامعه قريبين من بعض اوى و بيحكو لبعض كل حاجه و ع طول مع بعض ”
_______________________
ف الطريق كان فارس راجع الفيلا و وهو واقف ف الاشاره لقى فون بيرن ف استغرب عشان مش فونو ف بص ورا لقى فون ساره ف خدو و مشى ركن ع جمب و كان فؤاد إلى بيرن ف فارس رد عليه
فارس : السلام عليكم
فؤاد بقلق : و عليكم السلام هى ساره كويسه مش بترد ليه
فارس : ايوه يا فندم كويسه هى بس نسيت الموبايل ف العربيه و انا لسه واخد بالى ف رديت ع حضرتك
فؤاد : طب الحمدلله .. كويس انها منسيتش الموبايل ف حته تانيه
فارس : اعدى على حضرتك اديهولك
فؤاد : لا هى اكيد عايزاه معلش لو تعرف ترجع تديهولها
فارس : اكيد طبعا تحت امرك
فؤاد بطيبه : ربنا يخليك هقفل انا دلوقتى عشان تلحق تروحلها
قفل معاه و فارس لف و رجع ب العربيه للمصنع
_______________________
ف المصنع
كانت ساره قالبه شنطتها كلها ع المكتب و هى متعصبه و عماله تدور ع فونها لحد م دخلت عليها رقيه
رقيه باستغراب : ايه يا بنتى ده قالبه الشنطه كده ليه
ساره : مش لاقيه الفون يا رقيه دورت ف كل حته مش لاقياه
رقيه : طب اهدى هتلاقيه أن شاء الله تلاقيكى نسيتيه لما كنتى مع ضياء
ساره : لا انا ممسكتش الفون طول م كنت معاه
رقيه : طب استهدى بالله و أن شاء الله هتلاقيه
و هما بيدورو الباب خبط و دخل فارس
فارس : احم انسه ساره حضرتك نسيتى موبايلك ف الشنطه
ساره راحتلو ب انفعال و شدت الفون من ايدو
ساره : انت إلى سرقتو صح
فارس بصدمه : نعم اكيد لا حضرتك نسيتيه ف العربيه
ساره : لا انت امال هيكون مين انت اكيد كنت هتاخده بس قولت عشان باباها ميعمليش مشاكل مش كده
رقيه : ساره خلاص عيب كده ” وجهت كلامها ل فارس ” حقك عليا اتفضل انت دلوقتى
فارس بصلهم و مشى و هو كاتم عصبيتو عشان مش بيحب حد يتهمه ب حاجه ولا يهينو
_______________________
بليل ف الفيلا
دخلت ساره و وراها فارس إلى صممت يدخل وراها و راحت وقفت قدام فؤاد إلى بصلهم باستغراب
ساره بعصبيه : بابا انت جايبلنا حرامى يشتغل سواق !!
فؤاد : ساره الزمى حدك ايه إلى بتقوليه ده
ساره : الاستاذ إلى حضرتك جايبه كان هيسرق فونى بس لولا انو خاف منك و جه جابهولى تلاقيه قال بلاش اخدو لحسن ابوها يعملى مشاكل
فؤاد بعصبيه : ساره احترمى نفسك انتى إلى نسيتى الموبايل و هو اول م خد بالو من تليفونك رد عليا لما كنت برن وانا إلى قولتلو يوديهولك .. اتفضلى اعتذريله
ساره بصتلو باحراج شويه و بعدين قالت : اسفه
فارس بعصبيه مكتومه : انا راجل محترم و خريج كليه تجاره و بشتغل كده بس عشان اقدر احسن دخلى و اصرف على نفسى مش عشان أسرق الناس إلى شغال عندهم
ساره بصتله بنظره احترام و احراج و هو بصلها و سكت
فؤاد : اطلعى على فوق يا ساره
ساره بصتلو و بعدين بصت ل فارس و طلعت
فؤاد : حقك عليا يا فارس معلش هى ساره كده طايشه و مش بتعرف تفكر ف تصرفاتها و كلامها بس هى طيبه والله
فارس : ولا يهمك يا فندم عن اذنك انا هروح و لو هى حبت تروح حته بلغنى وانا هاجى لحضرتك
فؤاد : متشكر ليك اوى
فارس ابتسمله و سلم عليه و مشى
_______________________
بعد يومين بليل عند ساره
رجعت م الشغل و اتغدت و طلعت قعدت ف الاوضه و قعدت تفكر ف ضياء ف رنت عليه كذا مره بس لقتو مبيردش ف قالت يمكن مشغول بس فتحت الانستجرام بتاعها لقتو منزل استوريهات و بوستات انو ف مكان سهران فيه مع صحابو و كانو شله بنات و ولاد ف اضايقت انو مش بيرد عليها عشانهم و ف نفس الوقت ده رنت عليها صاحبتها ف ردت
ساره : يا روما عامله ايه
ميريام : الحمدلله وانتى
ساره : الحمدلله
ميريام : بقولك ايه ايه رأيك نطلع يومين السخنه ” كملت بخبث ” و ابقى قولى لضياء يجى معاكى برضو
ساره بضيق : لا م انا مش بكلمه
ميريام : ايه ده ليه
ساره حكتلها إلى حصل من شويه
ميريام : يعنى انتى مضايقه منو عشان كده تلاقيه مخدش بالو م الفون
ساره : لا برضو مش هقولو حاجه
ميريام : طب ايه مش هنسافر كده
ساره : انتو هتسافرو امتى
ميريام : الاسبوع الجاى
ساره : طب هشوف بابا و اقولك
ميريام : تمام متنسيش
قفلو مع بعض و ساره نزلت تحت عشان تقول ل باباها
~~~~~~~~ ف الريسبشن
ساره نزلت و قعدت جمب فؤاد و هى مبتسمه
فؤاد : خير مبتسمه كده ليه
ساره : ايه يا حبيبى مبسوطه عشان قاعده معاك
فؤاد : اه مدام حبيبى يبقى عايزه حاجه خير
ساره : دى حاجه بسيطه خالص
فؤاد : قولى يا مصيبه
ساره : عايزه اسافر مع صحابى السخنه يومين الاسبوع الجاى و الله يباركلك وافق بقالى كتير مسافرتش
فؤاد بتفكير : امم ماشى بس بشرط …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
تعليق واحد