رواية اعشقك ولكن كبريائي يمنعني الفصل الثاني عشر 12 بقلم لوكا

رواية اعشقك ولكن كبريائي يمنعني الجزء الثاني عشر

رواية اعشقك ولكن كبريائي يمنعني البارت الثاني عشر

رواية اعشقك ولكن كبريائي يمنعني الحلقة الثانية عشر

وفى وسط اليوم فجاه امل اغمى عليها
فرح طلعت تجرى عليهم خلت حسام شالها طلعها اوضتها
واسر دخل يكشف عليها
حسام بره:يا رب استر
ادهم:يا عم متقلقش تلاقيها مكلتش كويس فداخت
حسام:لا الموضوع شكله كبير بقالها كام يوم مش مظبوطه
جاسر:تفائلوا بالخير متخافش ان شاء الله خير
حسام:يا رب
تحت كانوا قلقانين فؤاد وفاروق والبنات كلهم قلقانين عليها
اما بقى عند امل فى الاوضه فاقت لقت فرح واسر جمبها
امل:فى ايه ايه اللى حصل
فرح:متخافيش اغمى عليكى بس
امل:ليه انا عندى ايه؟؟
اسر:مبروك يا مدام امل انتى حامل
امل :ها مالى؟؟
فرح:حامل
امل بفرحه شديده:بجد انا حامل
اسر:ايوه مبروك بس ترتاحى بقى وتابعى مع حد نسا
خرج اسر جرى عليه حسام
حسام:مالها يا اسر ؟؟
اسر:مبروك يا حسام
حسام:مبروك علشان اغمى عليها يا عم قولى مالها
اسر:مراتك حامل
حسام:يعنى مالها؟؟
اسر:حامل
حسام ويكاد يطير من الفرحه:قول والله حامل
اسر بضحك:والله حامل
حسام:ادهم امل حامل يا ادهم
ادهم:حامل يا حسام مبروك
دخل حسام يجرى على امل
حسام:انتى حامل بجد
امل بدموع:اه حامل
فرح اول ما دخل حسام سابتهم وخرجت
لقت ادهم واقف مبتسم
ادهم:وشك خير عليهم
فرح:واضح انهم مستنين الحمل ده من زمان
ادهم:فعلا بقالهم 5 سنين متجوزين
فرح:كل شىء باوان
نزلوا فرحوهم بالخبر واليوم خلص على كده
والكل كان فرحان لامل
وهم ماشين
اسر :فرح خدى عربيتك معاكى
فرح:ماشى يا حبيبى
وخرجوا بره عند العربيات
فرح:انا هروح بعربيتى
فاروق:خلاص يا فريد خد انت عربيه ادهم
وادهم يركب مع فرح فى عربيتها
فى الطريق وادهم سايق عربيه فرح
فرح:ادهم ممكن نروح شويه على الكورنيش
ادهم:حاضر
فرح:معلش هتعبك معايا بس محتاجه اقعد على النيل شويه
ادهم:مفيش تعب ولا حاجه
راحوا قعدوا على النيل وفرح قعدت بتفكر فى ل حاجه فى حياتها
فرح فى نفسها:هو انا ليه حاسه كده مينفعش احس كده
هو عمل كده علشان كان قدام بابا مكنش قاصد حاجه
اكيد مش قاصد هو اصلا مبيطقنيش
طب ليه هو عمل كده بس اكيد علشان بابا
بابا انا بعمل كل ده علشانه اصلا
كل الناس عاوزه تعرف انا بعمل معاه كده ليه
انا اصلا مش عارفه انا بعمل كده ليه؟؟؟؟؟
يمكن علشان هو كل حاجه بالنسبالى فى الدنيا
يمكن علشان هو كان الاب والام
يمكن علشان متجوزش وجابلى مرات اب
مش عارفه بس اللى متاكده منه انى مش قادره
اقوله لا على اى حاجه
خلاص يا فرح ادهم هتعامليه زى ما هو طلب اخوات
هو اخويا وبس مينفعش يكون حاجه هو مش عاوزها
اما ادهم:هو انا ليه شايفها كده
اكيد مش حب هى شخصيه غريبه بس عاوز اعرفها
فرح هتعاملها اخت وبس مينفعش تبقى حاجه تانيه
كفايه مها واللى عملته فيا
قطع شروده فرح
فرح:يلا يا ادهم
ادهم:يلا يا فرح
وركبوا العربيه وطول الطريق ساكتين محدش فيهم بيتكلم خالص
وصلوا البيت وطلعوا الاوضه دخلت فرح الحمام اللى فى الاوضه غيرت
وخرجت ودخل ادهم غير وخرج
ادهم:انا هنام هنا على الكنبه وانتى نامى على السرير
فرح:مش هتعرف تنام على الكنبه انت طويل نام انت على السرير
ادهم:متحاوليش هو انا على الكنبه زى ما قولت
المهم ناموا وصحيوا ساعت الفجر صلوا وفرح قرت قران زى كل يوم
ولبست ونزلت المطبخ تحضر الفطار
دخلت عليها سعاد
سعاد:بتعملى ايه يا فرح؟؟
فرح:بحضر الفطار
سعاد:يا حبيبتى انا بحضره او امل انتى عروسه جديده مش كفايه
عزومه امبارح
فرح:والله انا مش مضايقه انى بعمل حاجه بالعكس ببقى مبسوطه
وبعدين حضرتك تستريحى وانا اعمل وعاوزين امل كمان تستريح
علشان الحمل
سعاد:يا حبيبتى فى شغالين فى البيت بينضفوا اما الاكل عمك
مبيرضاش حد من الشغالين يعملوا
فرح:انا مش تعبانه سيبينى براحتى وبعدين انا مش زى مريم يعنى
سعاد:طبعا يا حبيبتى
وخلصت فرح تحضير وقعدوا يفطروا
على الاكل
سعاد:والله يا فرح انتى بتتعبى نفسك يا بنتى انتى عروسه جديده
فرح:جديده ايه بس وبعدين انا نازله الكليه النهارده اجازتى خلصت
ادهم:هتيجى امتى؟؟؟
فرح:على 12 كده هخلص واجى علطول
فاروق:ربنا معاكى يا بنتى
مريم:احنا عندنا محاضره الساعه 8 صح
فرح:ايوه
خلصت فرح فطار ومشيت وراحت الجامعه خلصت محاضرتها
ومشيت رجعت البيت
دخلت لقت سعاد وامل فى المطبخ
فرح:ينفع كده يعنى مش قولنا نرتاح
سعاد:بنحضر الغدا
فرح:اقعدوا وانا هعمله
لسه هيتكلموا
فرح:على فكره مفيش مناقشه الموضوع منتهى
وقعدت فرح بتعمل الاكل وبتتكلم معاهم وبيضحكوا ويهزروا
بعد اما فرح خلصت الاكل
سعاد:تعالى يا فرح عوزاكى فى موضوع