رواية اداة انتقامي اصبحت عشقي الفصل الثالث 3 بقلم نشوة عادل

رواية اداة انتقامي اصبحت عشقي الجزء الثالث

رواية اداة انتقامي اصبحت عشقي البارت الثالث

رواية اداة انتقامي اصبحت عشقي الحلقة الثالثة

-وانا موافقة اروح مع جوزى
ماجد كان مصدوم من رد فعل عهد خصوصاً انها عارفة انه فارس كان بيستغلها عشان ينتقم منه فقال: ايه اللى بتقوليه ده يا عهد انتى موافقة تروحى معاه بعد ما عرفتيه ع حقيقته؟!
عهد بقوة: مش هيبقى اسوء من اللى انت عملته معايا وفيا انا فقدت فيك الامان مش هتيجى ع الغريب يعنى
ماجد: يا بنتى انا ابوكى مهما عملت وكنت معاكى قاسى هتوجعينى لو حد اذاكى لو خايفة منه انا هحميكى مش هيقدر ياخدك غصب عنك
عهد: بس انا اخدت قرارى وعاوزة اروح مع جوزى وده حقه
دخلت عهد ع غرفتها وحضرت شنطتها وسلمت ع امها ونزلت مع فارس بدون ما تنطق بكلمة وصلوا ع الشقة ودخلوا قعدوا بدون كلام
عهد: احنا لازم نتكلم
فارس: مفيش كلام عشان يتقال اصلا اظن انتى كده فهمتى انك بالنسبة ليا مجرد كارت واتحرق
عهد بجمود: فارس انا كبرت بيك وجيت معاك انت وكسرت كلمة ابويا اظن من ابسط حقوقى اعرف ايه اللى بينك وبينه ؟!
فارس بوجع: عايزة تعرفى حقيقة ابوكى حاضر …. ابوكى كان متجوز امى وكانت وارثة من ابويا الله يرحمه مصنع اقمشة وفلوس كتير وعملت لابوكى بصفاء نية توكيل عام رسمى بالتصرف فى كل حاجة تخصها اخد كل حاجة اللى وراها واللى ادامها لحد ما ماتت من حصرتها واتشردت انا واخواتى فى الشوارع معرفناش نتلم ع شمل بعض واكتشفت ان اختى ماتت فى حادثة اما رامى فهو اخويا التانى عرفتى بقى ابوكى عمل فينا ايه!
عهد كانت بتسمع بصدمة : طب وانا ذنبى ايه فى ده كله؟!
فارس: واحنا كان ذنبنا ايه لما ابوكى اكل مال ايتام وحرمهم من امهم وفلوسهم وخلاهم يتشتتوا فى كل بلد شويه
عهد: انت معاك حق بس احب اقولك انك غلطان انت مكسرتش ابويا بيا ولا حاجة انا وامى بالنسبة لبابا صفر ع الشمال
فارس: بس اخدتك بفضيحة وسط الناس ووطيت راسه وخلاص
عهد: ويا ترى بعد ده بردت نارك يا فارس
فارس: لسه مش هرتاح غير لما ارجعه شحات تانى
قامت عهد دخلت ع اوضتها وفضلت تبكى ع حظها اللى ابتلاها بأب قاسى وحبيب مزيف…. يعدى الوقت والحياة بين فارس وعهد جامدة مفيش فيها اى مشاعر
عهد : هتطلقنى امتى ؟
فارس : نعم ؟! انتى عاوزة تطلقى؟!
عهد: اظن ان انت محبتنيش عشان افضل ع ذمتك انت كنت بتنتقم مش اكتر وانتقامك تم خلاص هتعوز منى ايه تانى
فارس حس بوجع فى قلبه ع حالتها لكنه اتجاهل ده ومردش عليها وسابها ونزل لقى كريمان فى وشه
فارس: اهلا يا حماتى عهد فوق اطلعى ليها
كريمان: بس انا مش جاية لبنتى انا جاية ليك انت
فارس باندهاش: ليا انا؟! ليه ؟!
كريمان: انا مستعدة اساعدك ترجع الفلوس اللى اخدها منكم ماجد زمان بس ليا شرط واحد
فارس: شرط ايه؟!
كريمان: بنتى تفضل تحت حمايتك ولو جرى ليا اى حاجة فهى امانة فى رقبتك انت توعدنى بده؟!
فارس: اوعدك بس انتى بتعملى كده ليه؟!
كريمان: لان المال الحرام عمره ما بيدوم ولا بيبنى بيت انا اتجوزت ماجد وانا عارفة الحقيقة بس قولت الفلوس هتخلينى اعيش مرتاحة ومبسوطة لكن اكتشفت ان مال الدنيا كله يغور قصاد نومة مرتاحة البال مش ظالمة حد ولا حد داعى عليا
فارس: بس انتى ملكيش ذنب فى اللى عمله انتى عرفتيه بعدها
كريمان: بس قبلت اعيش معاه وانا عارفة حقيقته
اتفق كريمان وفارس ع كل شئ واتجهت كريمان للمحامى وطلبت منه يحضر لها ورق بتوكيل عام رسمى بالتصرف فى املاك ماجد وووووو…….