رواية احببت وكيل النائب العام الفصل الحادي عشر 11 بقلم أسماء عطاالله

رواية احببت وكيل النائب العام الجزء الحادي عشر

رواية احببت وكيل النائب العام البارت الحادي عشر

رواية احببت وكيل النائب العام الحلقة الحادية عشر

ياسمين:عمركنت عاوزه اقولك علي حاجه
عمر:اتفضلي
ياسمين:انا موافقه اتجوزك يا عمر
عمر اتصدم من قرارها ومش بيرد
ياسمين حست بتوتر اتكلمت وقالت:عمو سيف قالي ان انت عاوز تتجوزني ولسه بتحبني
عمر شدها لحضنه واتكلم وقال:بحبك بس دا انا بعشقك
ياسمين حست باحساس غريب لمجرد ان عمر حضنها وقد ايه هو مكنش يستاهل انها ترفضه زمان عشان خاطر احمد واسمه وشغله
ياسمين طلعت من حضن عمر و كانت لسه هتتكلم قاطعها دخول مريم اللي جايبلها الاكل بنفسها
مريم بحنيه:يلا يا حبيبتي عشان تاكلي
ياسمين:بس انا مش جعانه دلوقتي
عمر: يعني ماما هي اللي جايبلك الاكل بنفسها وتقوليلها مش جعانه وبعدين الدكتور قال لازم تأكلي كويس
ياسمين:طيب خلاص هأكل بس لو تخنت انت بردوا هتتجوزني
عمر:اه انا اتدبست رسمي
مريم واقفه مش مستوعبه هما بيتكلموا في ايه
مريم بابتسامه:هو في ايه جواز ايه اللي بتتكلموا فيه
ياسمين:عمر عرض عليا الجواز وانا وافقت
مريم بفرحه عشان عمر: بجد الف مبروك يا حبيبي وحضنت عمر
عمر:الله يبارك فيكي
ياسمين: طب وانا مش هتحضنيني وتقوليلي الف مبروك
مريم راحت عليها وحضنتها:الف مبروك يا حبيبتي
ياسمين:الله يبارك فيكي يا طنط
مريم:طب ايه هتعملوا فرح علي طول
عمر: صحيح يا ياسمين هو انت قولتي لعمي يوسف علي قرارك دا
ياسمين:لاء هو بابا لسه عرف اصلا ان انت اتقدمتلي
عمر خلاص انا هروح اتكلم معاه وطلع عمر وراح لعمه يوسف
ومفيش غير مريم وياسمين
مريم بابتسامه:انا فرحانه جدااا اخيراً هفرح بعمر
ياسمين افتكرت امها اللي ماتت وسابتهامن وهي صغيره اتجمع في عنيها دموع و اتكلمت وقالت طنط مريم
مريم باستغراب ملامح ياسمين نعم
ياسمين بعياط:ممكن تحضنيني
مريم في نفسها هي دي ياسمين المستفره ولا مين دي وراحت عليها وحضنتهاياسمين:انا ماما وحشتني اوي يا طنط مريم انا مفيش حد هيبقي جمبي وانا بتجوز
مريم عيطت: وقالت والله ازعل منك اومال انا روحت فين
انا مامتك يا حبيبتي قبل ما اكون مامت عمر
واكملت بحنيه ايه رايك لو انام معاكي انهارده
ياسمين: ياريت والله
مريم بهزار: وهي واخده ياسمين في حضنها احكيلك حدوته
ياسمين:هههههه حدوته لا احكيلي عن عمر
مريم:عمر بيحبك اوووي ياسمين وصدقيني عمره ما هيزعلك و هشيلك في عنيه
ياسمين:وانا ولا عمري هزعله وهشيله في عنيا
مريم:ربنا يسعدكم يارب
ياسمين :يارب
ونامت ياسمين في حضن مريم
عند عمر كان اتكلم مع عمه يوسف اللي طبعا وافق
وكان رايح علي اوضته بس دخل يطمن علي ياسمين واتفأجي جدااا لما شاف مريم وهي واخده ياسمين في حضنها ونايمين كأنهم ام وبنتها راح عليهم وباسهم من راسهم وطلع علي اوضته وهو فرحان وفي نفس الوقت بيفكر يا تري ياسمين رفضت احمد ليه
قاطع تفكيره دخول سيف وهو بيقول عمر امك فين
عمر:ماما نايمه مع ياسمين
سيف باستغراب:مريم نايمه مع ياسمين
عمر:عشان ياسمين تعبت شويه وكدا
سيف بخضه عشان ياسمين :مالها ياسمين
عمر:كويسه يا بابا متقلقش
وكمل وقال بابا ياسمين وافقت
سيف بابتسامه:كنت عارف انها هتوافق مبروك ياعمر
عمر:الله يبارك في حضرتك
سيف:تصبح علي خير
عمر:وحضرتك من اهله
وطلع سيف راح لاوضته وعمر نام
عند احمد كان قاعد بيقلب في كتاب اسماء لحد مالقاها رسمه قلب وكاتبه جوا احمد
احمد ابتسم وقام جاب قلم ورسملها قلب في الكتاب وكتب جواه احمد واسماء
وقفل الكتاب ونام
وعدا اليوم علي ابطالنا
كدا كل اللي في قصر عرفوا ان ياسمين وعمر هيتجوزوا ما عدا احمد
صباحا في قصر سيف الانصاري
احمد كان نازل رايح شغله ومعاه كتاب اسماء شاف امه وياسمين اللي قاعدين بيتكلموا بهدوء
احمد نزل نضارته ورفع حاحبه
مريم بابتسامه:صباح الخير يا باشا
احمد :صباح النور
ياسمين:صباح الخير
احمد في نفسه:صباح الاستفزاز
مريم راحت عليه واتكلمت وقالت:بارك لياسمين عشان هتتجوز هي وعمر
احمد باستغراب فرحه مريم:وانت فرحانه كدا ليه يا ماما هتسيبي المستفزه دي تتجوز ابنك
مريم:دي ياسمين طيبه والله يا احمد هي بس اللي كانت متغاظه منك عشان انت رفضتها
احمد: طيب ماشي يا ماما بعد اذنك
مريم مسكته من دراعه:لا روح بارك لياسمين الاول
احمد وهو بيكز علي اسنانه:حاضر
احمد راح علي ياسمين واتكلم وقال:مبروك يا ياسمين
ياسمين:الله يبارك فيك
وطلع احمد راح علي عربيته
مصطفي:صباح الخير يا باشا
احمد:صباح النور يا مصطفي
مصطفي كنت عاوز اقول لحضرتك حاجه
احمد: بسرعه بس عشان متأخر
مصطفي:سليم قرب يطلع من السجن واكيد مش هيسكت
احمد: نعمممم يعني مش هيسكت دي اعلي ما في خيله يركبه
مصطفي بخوف عشان احمدبس حضرتك لازم تاخد بالك
احمد بابتسامه وحط ايده علي كتف مصطفي: متقلقش عليا مصطفي
مصطفي:ماشي ربنا يحميك ويخليك ليا يارب
احمد حضنه ويخليك ليا مصطفي انت اخويا قبل ماتكون صاحبي ودراعي اليمين
مصطفي:دا شرف ليا والله يا احمد باشا
احمد:طب انا اتأخرت بقا ولازم امشي سلام
مصطفي بابتسامه:مع السلامه يا باشا
عند اسماء في بيتها كانت صحيت وصلت وطلعت من اوضتها عشان تفطر
اسماء:راحت علي بابها وباسته وقالت صباح الخير يا احلي بابا في الدنيا
محمد:صباح الجمال
ليلي بتبص لاسماء ومحمد واتكلمت وقالت:وايه كمان يست هانم
اسماءراحت عليها وباستها وقالت صباح الخير ياجمل ماما في الدنيا
ليلي:صباح القمر
اسماءقعدت معاهم واتكلمت وقالت انا هقعد بس لو جيبتوا سيره الامتحان هقوم تاني
محمد غمز ليلي وسابوها تأكل الاول وقبل ماتقوم محمد:صحيح يا سمسم فاضل بالظبط 23 يوم علي امتحانك عاوزك ترفعي راسي انا وامك
اسماء بعصبيه وقامت:طب والله ما انا واكله بقا ودخلت اوضتها
ليلي بضحكه:تعالي كوليني احسن
اسماء في اوضتها:يارب اخلص بقا من السنه دي وقعدت تذاكر لحد ما جات الساعه تلاته وقامت عشان تلبس و تروح السنتر وبعديها تقابل احمد تاخد منه الكتاب
فتحت دولابها ومحتاره تلبس ايه كلمت منه تاخد رايها
منه:الوياسمسم
اسماءبضيق:منه انا محتاره مش عارفه البس ايه انهارده وانا رايحه السنتر
منه:اسماء الدرس لسه الساعه سته والساعه دلوقتي تلاته بتختاري تلبسي ايه من دلوقتي وبعدين من امتا وانت بتهتمي باللبس ولا بقا عشان بقيتي حبيبه وكيل النيابه
اسماء:قصدك ايه بقا بمن امتا وانا بهتم باللبس دي
منه:لا قصدي من امتا وانت بتهتمي باللبس وانت رايحه السنتر
اسماء:لا ما انا مش هروح السنتر بس هقابل احمد واخد الكتاب
منه:اممم قولي كدا بقا
اسماء:اديني قولت كدا بقا يارب تساعديني وتختاري معايا البس ايه
منه:عندك شميز كدا لونه نبيتي بيبقا حلو عليكي
وبنطلون جينز
اسماء:طب سلام بقا عشان يدوب الحق البس وقفلت
منه بشهقه:والله دي اخرتها بتقفلي في وشي ماشي
عند اسماء كانت واقفه قدام المرايه ولابسه الطقم اللي منه اختارته معاها وبتحط حجابها اللي ظهر جمالها اكتر وبصت لنفسها باعجاب وطلعت من اوضتها
ليلي:ايه الشياكه دي كلها
اسماء بصت لمامتها بثقه:طول عمري
ليلي:طب ايه رايحه فين كدا
اسماءباستغراب:رايحه السنتر يا ماما
ليلي بشك:طيب ماشي
اسماء:مع السلامه
ونزلت راحت السنتر وحضرت الدرس
وطلعت هي ومنه
منه:بقا بتقفلي في وشي التليفون يا اسماء
اسماء:هو انا قفلت في وشك والله كنت مستعجله
منه:اممممم بس الطقم حلو اهوو جاتك القرف فيكي وفي حلاوتك الله يخربيت جمال امك وكملت وقالت لو كان ليك اخ والله مكنت هسيبه وكنت اتجوزته
اسماء:هههههههه
منه:ايه هتروحي الكافيه تقابليه
اسماء:ايوا فكرتيني لو ماما كلمتك قاطعتها منه متقلقيش يا اسماء من الناحيه دي
اسماء:شكرا يا منه بجد ربنا يخليكي ليا وحضنتها
اسماء باستغراب:منه هو ليه مش بتنصحيني ان انا كدا غلطانه عشان بكدب علي ماما ولسه بشوف احمد
منه:بصي يا يستي اولا عشان انا واثقه فيكي انك عمرك ما تعملي حاجه غلط
ثانيا بقا انتي معاه احمد الانصاري وكيل النيابه راجل بجد ومحترم انا بجد بتمناهولك انت تستاهلي كل خير
اسماءحضنتها واتكلمت قالت اولابقا انت احلا واجمل اخت في الدنيا
ثانيا بقاانت تعرفي كل الحاجات دي عن احمد منين
منه:من خالد خطيب اختي ما هو صاحبه اومال احمد كان بيعمل ايه في
خطوبه اختي
اسماء:اممممم
منه:يلا بقا روحي عشان متتاخريش
اسماء:ماشي سلام
وراحت اسماء الكافيه كانت واقفه علي الباب بتدور تشوفه قاعد فين احمد شافها بصلها باعجاب وحب وشاورلها
اسماء ابتسمتله:وراحت قعدت اسفه لو اتأخرت
احمدبابتسامه:عامله ايه
اسماء:الحمدلله انت عامل ايه
احمد:الحمدلله وكمل وقال تشربي ايه
اسماء:لاشكرا انا هاخد الكتاب وامشي
احمد:لا لازم تشربي حاجه
اسماء:طيب خلاص اشرب قهوه
احمد:هو انت بتشربي قهوه
اسماء:ايوا
احمد:طلبلها عصير وطلب لنفسه قهوه
اسماء:انا قولت هشرب قهوه
احمد:بس يا عسل قهوه ايه اللي بتشربيها انتي لسه طفله
اسماء:طفله!!!! انا عندي18 سنه
احمد:18 سنه بحالهم
اسماء:ايوا والله ما انا قولتلك قبل كدا
احمد:وانا قولت هتشربي عصير يعني هتشربي عصير
اسماءفي نفسها:طب هنشوف
وبعدين جيه شاب حط العصير قدام اسماء والقهوه قدام احمد
اسماء شدت القهوه من قدام احمد و بتحطله العصير
احمد بصلها بحده
اسماءفي نفسها:انت هتتحول ولا ايه ورفعت الفنجان وشربت منه بق وعنيها بتبص لاحمد
احمد بحده:طب والله لو منزلتي الفنجان ورجعتيه مكانه واخدتي العصير
انت حره
اسماء بخوف:حاضرر يا باشا انت تؤمر واحنا ننفذ ونزلت الفنجان ورجعتهوله واخدت العصير
وشربت العصير وهي مرعوبه من نظراته
احمد كان بيشرب القهوه
اسماء:انا شربت العصير اهوو فين الكتاب بقا
احمد طلعلها الكتاب وابتسم بخبث وفتح علي الصفحه اللي كانت راسمه فيها القلب وكاتبه اسمه جواها
احمد:شاورلها علي القلب ووراها القلب اللي هو رسمه وكتب اسمهم هما الاتنين
اسماء بتوتر وكسوف:احمممم وبصت لرسمته
احمد:بس انتي رسمك احلي
اسماء بثقه:اكيد طبعا وريني القلب اللي انت رسمه كدا وشدت الكتاب ايه دا دا انت رسمك معاق
احمد:هههههههه انا رسمي معاق
اسماءهههههههه اه والله اوعي ترسم تاني
احمدسرح في ضحكتها وفضلوا يتكلموا والوقت اخدهم محسوش ان عدا ساعتين
اسماء بتبص في الساعه:يالهوي دي الساعه عشره
احمد:اتأخرتي صح يلا عشان اروحك
اسماء يلا وطلعت معاه
عند ليلي اسماء اتأخرت اووي
دي لو كانت طلعت مع وكيل النيابه دا تاني
واكملت بعصبيه وعامله الزفت علي دماغها صامت
انا هتصل علي منه
واتصلت علي منه
منه كانت في الحمام بتاخد شاور
ومامتها ردت:الو ميس ليلي في حاجه ولا ايه
ليلي:هي منه ناسيه تليفونها ولا ايه
والده منه:لاء دا منه رجعت من الدرس
ليلي:رجعت امتا
والده منه:بقالها ساعتين هي اسماء لسه مرجعتش
#يتبع….
لو البارت دا جاب تفاعل حلو هنزل واحد كمان باليل
نعرف في مين سليم اللي في لسجن ومصطفي خايف علي احمد منه
وليلي ليه مش عاوزه اسماء تقابل احمد