رواية احببت ظابطه شرطه الفصل الرابع والعشرون 24 بقلم ياسمين حسين

رواية احببت ظابطه شرطه الجزء الرابع والعشرون

رواية احببت ظابطه شرطه البارت الرابع والعشرون

رواية احببت ظابطه شرطه الحلقة الرابعة والعشرون

أستيقظت نور فى الصباح بألم شديد فى جميع انحاء جسدها بسبب نومها على الأرض فهى فى النهايه ضحت براحتها من أجل أن تجعله ينام على فراشها بعد أن أعتادت عليه بصعوبه
نهضت من على الارض بصعوبه ونظرت الى وجهه البادى على قسماته أبتسامه هادئه فكزت على أسنانها بغل ونظرت حولها فوجدت زجاجة مياه وقامت بسكبها عليها فنهض من على السرير بفزع وهتف بغضب: فى حد عاقل يعمل كده برضو
نور: انا مش بفول ولا حاجة بحسبك موت فا خوفت عليك وكنت بفوقك بس يا حبيبى
أدهم: يادى أم ديه عيشه مش سامعك يا نور.. بس انا هستنتج بقى أنتى لقتينى نايم مبسوط وفأمان الله فا قلتى والله ابدا اكون انا نايمة على الأرض وهو نايم على السرير والله لأنكد على أمه
نور: هههههههههه….حتى وأنت اطرش ذكى ما شاء الله عليك صراحه
ادهم: حد قالك أنك عندك خاله هبله..سمعتى قبل واخد أنطرش ذكائة قل
نور: يمكن…بتحصل يا ادهم يا حبيبى صدقنى
ادهم: أه بتحصل عارفة ليه عشان شفت العينه ديه قبل كده واحد كل ما ينام يصحى يلاقه نفسه ذكائه قل
نور : ايه ده بجد دا مين ده ..؟!
ادهم: انتى يا نور انتى ..غورى عشان مش طايقك.غورى
نور: الله ليه بس يا حبيبى
ادهم: عارفة ليه يا حبيبتى عشان انتى غبيه وهتفقعيلى مرارتى شفتى عريس قبل فرحه مات فجأة او بذبحه صدريه كده
نور : اكيد يعنى بتحصل أنت هتعترض على قضاء ربنا
ادهم: انا استغفر الله العظيم هعترض على حاجة واحدة أنك غبيه كده وانى هتجوزك ليه ياربى مجوزتنيش واحدة ليه زى انجلينا جولى ولا كيم كاردشيان حتى
نور: يا سلااام ليه يا حبيبى توم كروز وانا مش واخده بالى وبعدين مش عاجبالك عينى الملونه ديه هااا رد عليا
أقترب ادهم من وجهاا ليدقق النظر وهو يقول بخبث: يا شيخه دا أنا بحسبها عدسات لاصقة
نور: عدسات لاصقه..!! اتلكك بقى ما انت مش لاقى أى حاجة تعايب فيها
ادهم: وحياتك أحلى جوز عيون شوفتهم فى حياتى..هو كان اعتراضى الوحيد بس على غبائك يعنى انا طول عمرى اعرف الطفل الأول بيكون ذكى كده بس انتى ماشاء الله الحمدلله أن مامتك وباباكى اكتفوا بيكى
نور: قصدك اى ان احنا عيلة بتجيب عيال متخلفين يعنى
أدهم: اعوذ بالله منك انتى هتعملى مشكله من غير مشكله يا حبيبتى انتى مفيش فى ذكائك اتنين يا قلبى والله
نور: منك لله يا ادهم أنا رايحة أشوف التدريبات الى ورايا يا سلام على حظى فعلا ناس مستريحه وناس مطحونه هنا
ادهم: آآآه..هموت
نور: مثل..مثل ناس بتلاقى العضم فى الكرشه بصحيح آه يا حظى يا انا
رحلت نور الى مكان التدريب وبدأت بالتدريب مع الفرق المنضمه إليهم ..
مر اليوم بملل فظيع على نور بسبب عدم مشاركه ادهم معها بيومها بعد انتهائها من هذا اليوم المرهق تحركت بأتجاه مخيمها فوجدته مستلقى بهدوء ويمسك بيده كتاب تحركت بأتجاه وقامت بسحبه منهو وهتفت بحنق : ميبقاش انا طالع انا عينى من الصبح وانت قاعد هنا بتقرى قصة لأ واىه كمان كيف تستجم فى ١٠أيام انت قاصد تستفزنى يعنى
أدهم: يا فتاح يا عليم يا رزاق يا كريم خير يا أمى مين زعلك
نور: محدش زفتنى
أدهم: مالك يا بنتى
نور: مليش
أدهم: مش هقول مالك تانى
نور: يوووه اصل حصل خناقه النهاردة و……
أدهم: شششش انا تعبان مش قادر اسمع حاجة
قام الطبيب بالحمحمة من الخارج وتقدم بأتجاه المخيم عندما أذن له أدهم بالدخول وأعطى أدهم سماعه مخصصه لتكبير الصوت حتى تجعله يسمع بصوره أوضح
شعر ادهم براحه كبيره عندما وضعها فهتفت نور بأبتسامه وصوت عالى : مبروك عليك بقيت تسمع مره تانيه وهتكمل تدريب
ادهم: خد يا دكتور انا مش عايزاها أنا عايز أفضل اطرش
نور: أنا غلطانه والله دا أنت شخص مش معقول
صراحه انا غلطانه انى واقفه جنبك
ادهم: تسلم ايدك يا دكتور معلش تعبناك معانا
الطبيب: ولا يهمك اهم حاجة تقوملنا انت بالسلامه يا كابتن أدهم
ادهم: الله يخليك شكرا يا دكتور
رحل الطبيب من المكان فنظر أدهم الى نور وهتف بضيق: انا خلاص مش قادر أستحمل العيشه ديه أنا هطلقك
نور: هطلقنى..!! هى حصلت..!! أقصد هو أحنا متجوزين اصلا
أدهم: وماله اتجوزك واطلقك مفيهاش حاجة بس والله انا كنت سعيد انى كنت اطرش
نور: ليه يا حبيبى
أدهم: عشان صوت الكروان بتاعك ده مكنتش بسمعه
قذفت نور عليه احد الوسائد بعنف لترتطم فى وجهه بقوه وهتفت بحنق: لو مش عاجبك صوت الكروان أغيره بحاجة تانيه عشان أعجب
ادهم: والله يا حبيبتى دا أحلى واطعم صوت سمعته فى ودانى
نور: يا راجل..!! كداب اوى
أدهم: كداب بيكى يا حبيبتى
نور: انت بتقول اي كلام وخلاص ايه الهبل ده
أدهم: عجز لسانى عن النطق بأى كلمه حلوه أمام جمالك الطاغى
نور: نام يا أدهم نام يا حبيبى ديه هلاوس قبل النوم
تثائب أدهم بتمثيل وقام برفع الغطاء عليه وهتف بنعاس: ايوا… أنا قلت كده برضو صبحى على خير يا حبيبتى
نور بغيظ: وانت من أهله يا حبيبى
مرت باقى الأيام بهدوء تام حتى استعدوا للرجوع مره أخرى كانت نور سعيدة لانتهائها من ذلك التدريب الممل جدا بدون مشاركه ادهم لها نعم لقد كانت تحتاجه فى يومها لأنها أعتادت عليه اصبح شيئا اساسى ليمائ حياتها بالمغامرات والمشاكسه معا والحب والحنان لقد شعرت بأنها انسانه جديدة معه وتغير كل شئ بها فهى أصبحت تحب ولأول مره
اتفق ادهم مع نور بزيارتهم فى المنزل للجلوس معهم
ارتدت نور فستان باللون البنفسجى يصل الى أسفل ركبتها وبأكمام واسعه وارتدت عقد من اللؤلؤ ووضعت بعض مساحيق التجميل الخفيف لتنظر الى نفسها فى المرأة برضا تام
خرجت نحو الصالون وهى تحمل اكواب من العصير ووضعتها أمامه ثم جلست حمحم ادهم وقال بضيق يعنى قولى السلام عليكم حتى
نور: وعليكم السلام
أدهم: المهم يا عمى كنت بقول لحضرتك أنا عايز أحدد معاد للفرح ان شاء الله
عبدالحق: معنديش مانع يا ابنى قولى انت حابب يكون امتى
أدهم: ان شاء الله بعد ٣اسابيع كده ايه رأى حضرتك
عبدالحق: مفيش مشكله بس ناخد رأى العروسه..اى رايك يا عروسه
ردت نور بخجل: الى تشوفه حضرتك يا بابا
عبدالحق: خلاص يا ابنى موافقين بعد ٣اسابيع ان شاء الله
أدهم: على خيره الله استأذن انا بقى يا عمى
عبدالحق: ملحقتش تقعد يا ابنى
ادهم: لا معلش مره تانيه ان شاء الله..
عبدالحق:روحى وصلى خطيبك يا بنتى
نور: حاضر يا بابا
تحركت نور برفقه أدهم باتجاه الباب فابتسم لها وهو يقول: هتوحشينى لغايه ال٣أسابيع وبعديها هتبقى ملكى وفى بيتى
نور بخجل: ان شاء الله
رحل أدهم فأغلقت نور الباب وتوجهت الى غرفتها وابتسمت بفرح فألتقطت هاتفها عندما أعلن عن رسالة وابتسمت عندما وجدتها منهو …غدا ستكونين لى ومعى فا الفرحه ستجمعنا فى ليلة العمر المنظره معكى يا حبيبتى يا متملكه فؤادى
آآه يا حبيبتى لو تعملين كم اشتاق الى نظره من عيناكى وابتسامة من شفتيك..احبك يا معذبتى الأولى والأخيرة..أحبك..❤
احتضنت نور هاتفها وابتسمت بسعادة وهمست بسرها: وانا كمان بحبك…بحبك اوى
*************
أستعد الجميع لتلك الليلة بفرح كبير ودعت والدة نور جميع الأقارب والأحباء من أجل فرح أبنتها الوحيدة
ذهبت نور برفقه صديقاتها من المعسكر ياسمين وفاطمة فرحت الفتاتان بذلك الخبر كثيرا وبدأوا بمساعدة نور لهذا اليوم ورافقوها الى الكوافير
اضفت الكوافيره لمساتها الأخيره لتظهر نور كالأميره فى فستان الزفاف الأبيض نظرت نور الى نفسها فى المرأة بفرحه كبيرة وبأعجاب شديد رغم أنها وضعت القليل من مساحيق التجميل الا انها وضعت بأيدى مختصه فرحت ياسمين وفاطمه واحتضنوا نور بقوة ليعبروا لها عن مدى فرحتهم بها
پدأت السيارت بالقدوم عند الكوافير وأبواق السيارت ترتفع أصواتها
هبط ادهم بحلته السوداء من سيارته وتقدم بأتجاه الكوافير ليصطحب عروسته أبتسم ادهم عندما رأها بذلك الجمال وهتف بأبتسامه واسعه : أحمدك يارب فلوسى مضاعتش على الأرض
نور بغيظ: الحمدلله يا اخويا
أدهم: بس زى القمر يا حبيبتى
نور: ميرسى
ركبت نور برفقه ادهم فى سيارته وانطلقوا الى القاعه وفور وصولهم أشتغلت الأغانى بصوت عالى فى أرجاء المكان
جلس ادهم ونور على الكوشه ليدا الجميع بالتقدم نحوهم والمباركه لهم ثم أشتغلت موسيقى هادئة ليلتقط أدهم يد نور ويدعوها الى الرقص
تقدمت نور برفقته ومن ثم وضع يداه الأثنان على ظرها ووضعت هى يدها على كتفه ليبداوا بالرقص
أقترب من أذنها ليهمس لها : بصى بقى أنا طول عمرى مستنى اللحظه ديه عشان اعرف بيقولوا اى لما يوشوشوا بعض كده
نور: ههههههه وعرفت بيقولوا ايه..؟!
ادهم: ما هى ديه المشكله انى معرفتش هههههه
بعد انتهائهم من الرقصم توجهوا نحو البوفيه وبدأوا بالأكل
أقترب وائل من ادهم وهتف بمرح: ربنا يتمم على خير كل جمبرى بقى كله فسفور وكده
ادهم: بطل قله ادب ياض
نور: ازيك يا وائل يا حبيبى
وائل: ازيك يا قطة
أدهم: ما تلم نفسك انت وعى واي وائل ية حبيبى ديه هو أناى عندك ٤٠سنه يا حاجة دا انتى بينك وبينه كام سنه
نور: انا بعتبره زى ابنى انت مالك أنتى
وائل: ابنك ايه يا حاجة بس ربنا يكون فى عونك كل كل يا ابنى
أدهم: ما انا هاكل بس هاكل على قفايا باين
نور : بتقول حاجة
أدهم: لا يا حبيبتى سلامتك
انتهوا من الاكل ليجلسوا مره ثانيه ليلتقط لهم المصور بعد الصور وبعد انتهائهم رقصوا مره اخرى لينهوا اليوم ويودعهم الجميع مع بعض الألحان المعتادة وينطلق برفقه نور الى شقتهم
وصلوا أسفل البنايه وقاام أدهم بفتح باب السياره لها وهمس بأبتسامه : اتفضلى يا عروسه
نور: ايه ده مش هتشلنى
أدهم: أشيلك…تعالى يختى
قام أدهم بمحاولة حملها بصعوبه ودلف بها الى البنايه وصعد بها الى الدور ال٤على قدمه ثم دلف الى الشقه وتوجه ناحيه غرفه النوم ثم ألقاها على السرير بتعب وهتف بأراهاق: اي ده يا شيخه مكنتش أعرف انك تقيله كده
نور: أنا تقيله حرام عليك دا أنا سمبتيك
ادهم: هه واضح فعلا ..بقلك ايه أنا هكتشف دلوقتى أنتى سمبتيك ولا اى
نور: مش عايزين قله ادب اي هتكتشف ديه
ادهم: ايوووه فهمتينى غلط يا حبيبتى انا عايز اكتشفك عارفه برنامجthe voiceده مش بيكتشفوا المواهب فيه
نور: اه
ادهم: خلاص انا بقى عايز اكتشف موهبتك واقدملك فى برنامج
نور : تفتكر ممكن أقدم فى برنام اى..؟!
ادهم: برنامج للغباء هتاخدى المركز الاوى يا حبيبتى والله
ضربت نور صدر إدهم بقبضتها الصغيرتين وهتفت بغيظ: بقى كده يا ادهم طب والله ماشى
ادهم: هههههههه..بحبك والله يا نونى
نور : وأنا كمان بحبك يا دومى
أدهم: إخلع بقى انا السماعه ونعيش حياتنا
نور: ايه ده هتخلعها ليه..؟!
غمز لها ادهم بطرف عينه وهتف بخبث: هبقى اقولك بعدين
نوربخجل: ماشى
أدهم بضحك: بعشقك يا مجنانى…❤
***********************