رواية احببتها وسط انتقامي الفصل الثاني والعشرون 22 بقلم فريدة أحمد
رواية احببتها وسط انتقامي الجزء الثاني والعشرون
رواية احببتها وسط انتقامي البارت الثاني والعشرون
رواية احببتها وسط انتقامي الحلقة الثانية والعشرون
مر اسبوع عليهم. فريده اللي لسه في بيت اهلها وباباها مانعها انها ترجع عند ياسين تاني. وياسين اللي فريده كل شويه بتكلمه وتهديه انه ما يعملش حاجه عشان الدنيا ما تتعقدش اكتر من كده وانها بتحاول تتكلم مع ابوها عشان يوافق انها ترجع من غير ما يحصل مشاكل ونوح اللي طول الوقت بره البيت ولسه زعلان من فريده ومش عايز يكلمها. وادهم اللي طول الوقت قاعد في شقته وحزين على اللي حصل بينو وبين مراته وبيحاول يصلح بس ميرنا مش مدياله فرصه ومصممه على الطلاق وميرنا رجعت شغلها وبتكمل حياتها عادي وبتحاول تنسى الوجع بس مش قادره. ملحوظه ..ميرنا كانت بتشتغل مذيعه بس لما اتجوزت ادهم ادهم منعها انها تشتغل وهي دلوقتي لشغلها تاني بس ادهم لسه ما يعرفش وعمر اللي طول الوقت بيحاول يقرب من نهي بس نهى بتعاملو بكل برود ومش ناسيه اللي عملومعاها **** عند ياسين كان قاعد في مكتبه هو وعمر وكان باين عليه الغضب عمر .. ممكن تهدى بس. ان شاء الله كل حاجه هتتحل من غير مشاكل فريده عندها حق يمكن ابوها يقتنع ويخليها ترجع من غير مشاكل. ياسين بعصبيه .. انا اقدر اروح اجيبها دلوقتي حالا. سكت شويه وكمل بس انا مش عايز اتعامل بعنف عشان هي ما تزعلش مني …انا مش عايز اخسرها يا عمر عمر .. ان شاء الله مش هتخسرها وكل حاجه هتتحل **** عند ميرنا. كانت نازله من المكان اللي هي بتشتغل فيه بعد ما خلصت ورايحه تركب عربيتها اتفاجئت بادهم واقف ساند على العربيه والغضب باين عليه. ميرنا بصت ليه ورجعت اتجاهلته تاني وراحت عشان تركب عربيتها. ادهم بحده ..
تعالي اركبي ميرنا بصت ليه وشاورت على عربيتها انا معايا عربيتي ادهم .. سيبيها وتعالي اركبي معايا. ميرنا .. وانا بقى هركب معاك ليه. ادهم .. من غير كلام كتير اركبي يلا واخلصيي ميرنا برود وبتحاول تستفزه.. ولو ما ركبتش معاك هتعمل ايه يعني ادهم كان بيشرب سيجاره خد نفس منها ورماها في الارض وداس عليها برجله وراح ماسك ايدها وشدها راح مدخلها في العربيه بالغصب ولف وركب وساق من غير ما يتكلم طبعا ميرنا كانت هتموت من الغضب والعصبيه. ميرنا .. انت ازاااي تعمل كده انت مالك بيا اصلاا انا مش قلت لك طلقني بقاا عاايز مني ايه تاني سيبني في حاااالي بقااا… رد عليااا عاايز مني ايييه. ادهم كان سايق بسرعة جنونية وماكانش بيرد عليها ميرنا بعصبية.. انا بكلمك رد عليااا. ادهم وقف العربية علي جنب وطلع سيجاره ولعها نفخ دخانها بهدوء قبل مايبصلها ويتكلم. ادهم .. رجعتي تشتغلي ليه وانتي عارفه اني مش موافق ميرنا.. الكلام ده أيام لما كنا مع بعض ..بس دلوقتي خلاص ادهم باستغراب ..خلاص ايه ..انا لسه جوزك. ميرنا ببرود .. ماانت هطلقني. ادهم بسخرية.. طيب من هنا بقا لحد مااطلاقك مفيش شغل ميرنا .. يعني ايه يعني مفيش شغل.. انا مضيت معاهم العقد وخلاص بدأت شغل ادهم .. وانا قلت مفيش شغل تاني.. وقسما بالله لو عرفت انك روحتي تاني صدقيني هاتزعلي مني. ميرنا ..
بس انا ماضية علي شرط جزائي بمليون جنيه وماينفعش. ادهم بمقاطعة ..ملكيش دعوة انتي انا هاتصرف في الموضوع ده ..بس المهم انك مش هتكملي ميرنا .. انت لييه بتعمل معايا كده سيبني اشتغل وابدا حياتي من جديد مش كفايه اللي انت عملتو معايا عايز تعمل فيا ايه تاني.. عايز تضيع مستقبلي .. خدت نفس وكملت بس انا بقى مش هسمحلك يا ادهم ادهم بسخريه .. وهتعملي ايه بقى. ميرنا بتوتر وخوف بس بتحاول تبان قوية ..هرفع عليك قضيه خلع وهتطلق منك ادهم مسك دراعها بغضب وجذبها ليه ادهم بعصبيه ..ما تختبريش صبري يا ميرنا انا لحد دلوقتي هادي معاكي بس مش هفضل كده كتير ميرنا بتحاول تعصبه .. اعمل ايه انا قلتلك طلقني بالذوق وانت اللي مش راضي ما قداميش حل تاني ***** عند فريدة فريده قاعده في اوضتها مع صاحبتها ميريهان فريده بحزن .. انا مش عارفه بابا بيعمل لي كده هيستفاد ايه من كل ده ..هيستفاد ايه من عداوته مع ياسين انا خلاص كنت حاسه ان ياسين بطل يفكر في موضوع الانتقام ده ..بس بابا عايز يبدأ المشاكل تاني من اول وجديد مريهان.. طيب انتي ليه واثقة في ياسين اوي كده.. انتي ازاي اصلا مش خايفة منو فريده .. ياسين لو في دماغه يإذيني كان اذاني من الاول بس هو ما اذانيش.. وبعدين انا واثقه انه بيحبني ومصدقاه ميريهان ..طيب وانتي فريده ..انا ايه. مريهان.. بتحبيه. فريده ابتسمت مريهان ..ايه ده بتحبيه فريده هزت دماغها ..ايوا. مريهان سقفت على ايديها بحماس ..لا ده انتي تحكيلي بقى مريهان.. يعني احنا نبقى قاعدين هنموت من القلق عليكي وانتي مخطوفه وانتي رايحه تحبيلي احكي. فريده بدات تحكيلها. فريده.. بس بقى يا ستي انتي شايفه ايه مش لو كان عايز يأذيني كان اذاني من وقت ماخطفني مريهان.. بصي انتي كل اللي قولتيه انامعاكي فيه انو هو كان كويس وكل حاجه ..بس برده ما فكرتيش ان هو ممكن يكون بيمثل عليكي وانه عايز يوصل لحاجه. فريده ..انتي هتخوفيني ليه بقى ميريهان.. مش بخوفك والله ولا حاجه بس خايفه عليكي.. ياسين مش سهل يا فريده **** عند عمر ونهى في الشركه. عمرخرج من مكتبه بزهق وقرب من نهي اللي قاعده بتشتغل على الورق بتركيز. عمر.. نهى نهى بصت ليه ورجعت بصت للورق تاني. نهى ..نعم
عمر ..ايه رايك نروح نتعشى سوا النهارده في اي مكان. نهى.. وانا بقى اخرج معاك بصفتك ايه عمر بضيق .. ي ايه هتفضلي مصدرالي الوش الخشب ده كتير ..انا بصالح فيكي بقيلي فتره وانتي ما فيش اي نتيجه… طيب قوليلي اعمل ايه عشان ترضي عني. نهى ببرود .. تبعد عني وتسيبني في حالي عمر .. يعني انتي عايزه كده نهى ..ااه.. يا ريت عمر وهو ماشي على مكتبه.. طب ايه رايك بقى اني هتجوزك برضاكي او غصب عنك. نهي ابتسمت عليه ورجعت كملت شغل تاني ***** عند ياسين ياسين وصلت له رساله على الموبايل من محمد الالفي بيقول له فيها طلق بنتي بالذوق بدل ما اخليها تخلعك ياسين شاف الرساله وتجنن وركب عربيته وطلع بيها على بيت محمد الالفي بعد وقت قصير ياسين وصل البيت ونزل من العربيه وحط سلا”حه في جيبه ودخل بيت محمد الالفي ياسين دخل بغضب. فريده كانت قاعده هي ومامتها محمد الالفي كان جوه في المكتب فريده شافت ياسين مره واحده قدامها فريده همست .. ياسين ياسين قرب منها ..تعالي معايا فريده بتوتر ..مش هينفع. ياسين بعصبيه.. ليه مش هينفع.. مش انتي عايزاني. فريده هزت دماغها وبدموع
..ايوه بس بابا محمد لما سمع الصوت خرج من المكتب محمد.. لو فاكر انك هتقدر تاخد بنتي غصب عني تبقى غلطان ياسين.. انت عارف ان اقدر اخدها غصب عنك محمد بغضب.. اسمع انا اللي يفكر ياخد مني حاجه غصب عني اخد روحه ..اظن انت اكتر واحد عارفني. لو فكرت انك تقرب من بنتي هتبقى بموتك يا ياسين انت مش هتبقى اغلى من ابوك اللي كان صاحبي ياسين لما سمع اسم ابوه في الوقت ده كان هاين عليه هو اللي ياخد روحه ياسين بغضب مكانش قادر يداريه بص لفريده اللي واقفه بتعيط ياسين.. يلاا فريده لسه هتتكلم ياسين شدها من ايدها ولسه هيخرج كان محمد الالفي طلع مسد”سه وراح ضر”ب ياسين بالنا*ر فريده صرخت.. يا ياسييييين. فريده بصت لابوها ..لييييه يا بابا كده ليه ليييييه ياسين قبل ما يفقد الوعي طلع مسد”سه وضر”ب محمد الالفي طلق”تين ورا بعض
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية احببتها وسط انتقامي)
2 تعليقات