رواية دار الايتام الفصل الثالث 3 بقلم شهد أحمد

رواية دار الايتام الجزء الثالث

رواية دار الايتام البارت الثالث

رواية دار الايتام الحلقة الثالثة

تاني يوم وليندا في الشغل شافت خبر عاجل المحامي المشهور حمزه عمل حادث سير
وكانت صدمه علي ليندا 😳😳
فريده. مالك ي ليندا مصدومه كده لي ليندا ليندا انتي ي بنتي وفضلت تزق فيها بس ليندا كانت مصدومه اووي ومن صدمتها صرختت ب اسم حمززه
فريده. مالك بتصرخي لي كده وحمزه ماله
ليندا. بصدمه ودموع حمزه حمزه عمل حادثه ي فريده و
طلعت تجري بره الشركه وفريده كانت وراها وكانت بتقولها أنها تستني واخيرا لحقتها واخدتها وراحت معاها المستشفى اللي حمزه فيها وبعد شويه كانت وصلت
واول ما دخلت شافت ام حمزه واقفه وعماله تعيط
ليندا. جريت عليها وقالت ليها حمزه فين ي طنط وهو كويس طيب هو عمل اي طمنيني عليه
ام حمزه. بدموع انتي اي اللي جابك هنا انا مش قولتلك ابعدي عن ابني اكيد اللي حصله ده من وراكي تلاقي كنتي بتكلميه وهو سايق علشان كده عمل حادثه وي عالم هيقوم منها ولا لا انتي السبب لو ابني جراله حاجه مش هرحمك فاهمه وقعدت تعيط
ليندا. بدموع انا جيت اطمن عليه انا والله ي طنط مكلمتوش من ساعه ما قولتي اني ابعد عنه والله ما كلمته وبعدين حمزه مش هيحصل ليه حاجه انا عندي ثقه ب ربنا أنه هيحميه وحمزه بيحبني ومستحيل يسبني اطمني ي طنط وادعيله هو قالي أنه حتي لو سبته هو مستحيل يسبني اهي اهي
فريده. اهدي ي حبيبتي هو هيكون كويس
ليندا. انا خايفه عليه ي فريده
فريده. اطمني ي ليندا حمزه هيكون كويس
وبعد شويه الدكتور طلع
ام حمزه وليندا جريوا عليه وقالوا حمزه عامل اي ي دكتور هو كويس
الدكتور. احنا انقذناه بصعوبة هو حالته شبه مستقره بس فيه مشكله
ام حمزه. مشكله اي دي ي دكتور ابني ماله
الدكتور. ابنك ي مدام مش هيقدر أنه يمشي علي رجليه تاني
ام حمزه وليندا بصدمه 😳 انت بتقول اي
الدكتور. ي ريت تتفهموا الوضع علشان لما يفوق تقدروا انكم تكوني دعم وسند ليه وتخلوه يتقبل الوضع
ام حمزه. بدموع ي حبيبي ي ابني ي ريت كنت انا وانت لا ي حبيبي وقعدت تعيط وانهارت
ليندا. لما لقتها كده راحت عندها واخدتها في حضنها وقالت متخفيش ي طنط حمزه هيكون كويس وهيرجع يمشي تاني ومسحت ليها دموعها وقالت لازم نكون أقوياء علشان خاطر حمزه ولازم نكون سند ليه علشان يتقبل الوضع احنا لسه مش عارفين لما يفوق ويعرف حالته هتكون عامله ازاي لو شافك بالحاله دي اكيد هينهار اكتر
ام حمزه. معاكي حق بس غصب عني مقدرش اشوف ابني بالحاله دي ده هو سندي ومليش غيره
ليندا. ان شاء الله هيكون كويس وانا معاكي ومش هسيبك وهكون سند ليكي لحد ما حمزه يتحسن وبعد كده يبقا ابعد عنه زي ما انتي عايزه بس يتحسن الاول
ام حمزه. انا مش عرفه اقولك اي
ليندا. متقوليش حاجه وانا متفهمه الوضع وعارفه انتي ليه مش بتحبيني بس كل ده مش وقته يلا قومي وخليكي قويه علشان ندخل ل حمزه
وبعد شويه الدكتور سمح أنهم يدخلوا ل حمزه
وبعد ما دخلوا ام حمزه راحت عند حمزه وقربت منه وقالت حمزه حبيبي قوم بقا متوجعش قلبي عليك اكتر من كده قوم وفجاه حمزه فتح عيونه واول ما فتحهم ليندا جريت عنده وهيا حبسه دموعها وقالت حمزه انت كويس
حمزه. اه ولقي أمه بتبو،س أيده وتقوله سلامتك
حمزه. الله يسلمك
ليندا. حاسس بحاجه انادي لل الدكتور
حمزه. انا كويس بسس هو انا لي مش حاسس برجليه
وفضل يحرك فيهم قدامهم بس مش بيتحرك وبعدين قال انا رجليه مالها حد ينادي الدكتور
ليندا. قربت منه وقالت حمزه اهدي مش كده انت كويس ومفيش حاجه بس هو يعني
حمزه. بعصبية بس اي في اي
ام حمزه. بدموع هو انت بس مش هتقدر انك تمشي علي رجليك وانت ي حبيبي مؤمن بقضاء ربنا ف قول الحمد لله وان شاء الله فتره وهترجع تاني تمشي على رجليك
حمزه. بصدمه 😳 انتي بتقولي ايه ي امي يعني اي يعني عجزت خلاص ومش همشي علي رجليا تاني وحاول أنه يحركهم بس مفيش فايده وفضل يصرخخ ويقول رجليه رجليه
ليندا. اهدا ي حمزه مش كده والحمد لله انك كويس ومش خسرناك واكيد هترجع تمشي تاني
حمزه. اهدا اي وزفت أي انا مش قادر احرك رجليه انتي مستوعبه انا خلاص عجزت وارتاحي ي امي بقا مفيش وحده هتقبل ب ابنك وهو عاجز كنتي رافضه ليندا علشان معندهاش أهل وأنها تربيه دار ايتام اهو ابنك دلوقتي هو اللي هيترفض ومحدش هيقبل بيه مفيش وحده هتقبل ب واحد عاجز ارتاحتي ولا بقا فيه ليندا ولا حتي بقا فيه غيرها
ام حمزه. بدموع حقك عليا ي حبيبي انا اسفه
حمزه. بدموع وهيفيد ب اي ما خلاص انا عجزت وانتي ليه واقفه عندك يلا امشي مش كنتي عايزه تبعدي عني يلا امشي وابعدي وقفه تتفرجي علي اي امشيي انا خلاص عجزت وبقيت مش انفع ليكي روحي شوفي واحد غيري يكون بيمشي علشان يقدر أنه يكون سند ليكي امشي اطلعي بررره
وفجاه زين دخل وقال اهدي ي حمزه مش كده
حمزه. خليها تطلع بره انا مش عايز حد اطلعوا بره كلكمم وغمض عيونه
زين. تعالي معايا ي طنط يلا نطلع بره ونكلم الدكتور يديله حقنه مهدء
ام حمزه. بدموع يلا ي ابني وطلعت معاه وكانت ليندا لسه وقفه كانت لسه بتستوعب كل كلمه قالها حمزه
ليندا. حمزه
حمزه. انتي لسه هنا قولتلك امشي
ليندا. ،،،،،،،،،،