رواية احباء يجمعهم القدر الفصل الثالث والثلاثون 33 بقلم لولا
رواية احباء يجمعهم القدر الجزء الثالث والثلاثون
رواية احباء يجمعهم القدر البارت الثالث والثلاثون
رواية احباء يجمعهم القدر الحلقة الثالثة والثلاثون
اميره من ورا الباب خبطت علي صدرها بخوف واكملت ياااا نهااار اسود لالا لازم اعرف فهد بس ازاي ياربي ازااي وبصت علي فون جمال وجريت بسرعه فتحته وفضلت تدور علي رقم فهد
اميره بفرح ايوه اهو ونقلته عندها وسابت فون جمال خالص
———————————–
عند فهد وليلي
ليلي بصوت عالي نسبياا فهد يلا يا حبيبي كل ده بتاخد شاور
فهد من جوه حاضر يا ليلي طالع
وفونه رن
ليلي مسكته واستغربت انه رقم غريب وردت
ليلي الو
اميره بخوف الو عايزه فهد لو سمحتي
ليلي بحده نعم وانتي عايزه فهد ليه انشاء الله
اميره بخوف موضوع مهم هو يعرفه
ليلي بحده والله واقوله مين الحلوه
اميره بخوف اميره انا ابقي
وقاطعها صوت خبط علي الباب قفلت في وش ليلي بسرعه
اميره بتوتر خير يا عاصم عايز ايه
عاصم ابدا بندخل الطلبات اللي كنتي طلباها امبارح يا هانم
اميره بتوتر تمام اتفضل دخلها
عند ليلي
ليلي بعصبيه اه يابنت الكلب بتقفلي السكه في وشي ماشي يا فهد ماااشي لما تتطلعي طبعا ما حبايبك كتير وعنيها دمعت بوجع وهي للاسف بسبب البنت اللي اتصلت بتتذكر سوء حظها ان اكتر حد هي حبيته كان مع كتير غيرها الفكره بتخليها تولع من الغيره في فكره ان حد شاركها فيه و عايزه تمسك فهد تضربه بس فضلت تهدي في نفسها
ليلي بدموع استغفر الله العظيم يارب اهدي يا ليلي اهدي وهدي نفسك خلاص اللي فات مات وهو بقي واحد تاني انسي بقي انسسي ومسحت دموعها
فهد خرج لافف فوطه علي وسطه واكمل اديني خرجت يا روح قلبي
ليلي بجمود تمام وقامت ورايحه تدخل بس ايده منعتها وشد وسطها ليه
ليلي خير يا فهد
فهد مالك يا حبيبي عنيكي فيها حزن ليه
ليلي بجمود مفيش حاجه كويسه
فهد عليا انا يا ليلي
ليلي مفيش فعلا يا فهد لو في كنت هقولك
فهد باس خدها واكمل بهمس واحشتيني اوي
ليلي بحده مش رايقه خالص عن اذنك ورايحه تمشي شدها ليه بقوه
فهد بحده في ايه يا ليلي ماتتعدلي عملتلك ايه علشان طريقتك دي
ليلي بحده معملتش انا بقي واحده مفتريه
فهد بحده انتي شكلك اتجننتي في ايه يابنتي ايه غيرك ماكنتي كويسه
ليلي بدموع وحده لا كنت غبيه مش كويسه انا متغيرتش انا كده رجعت ليلي تاني يا معتز عن اذنك
فهد مسك دراعها جامد واكمل بهدوء مخيف لحظه انتي قولتي يا ايييه
ليلي بتدمع وساكته
فهد بحده سمعينيييي انتي قولتي ايييه
ليلي بحده ودموع اييه وجعتك اوييي ما قرفك اللي مصمم يفكرني ورفعت صباعها واكملت و اياااك تفكر تلمسني تاني خلينا كده اخوات وحبايب مع بعض احسن
فهد بعصبيه انتي اتجننتي ياااابت ولا اييه في ااييييه ماااالك
ليلي بدموع مين اميره يا فهد
فهد بستغراب اميره! !! اميره مين
ليلي بدموع قولي بس بتاعت انهي ليله دي واحكيلي حكايتها انا مراتك بردو وضحكت واكملت تصدق انا مش شايفه فرق بيني وبينهم انا خلاص بقيت عندك زيي زيهم بجد ايه الفرق انك جوزي وانا حلالك اه ده فرق كويس ليا انما بنسبالك انت اييه بقي انا مش مميزه لان انت عملت كده معاهم كلهم زيي زيهم يعني مكنتش ليا لوحدي يعني ابسط حقوقي انك تكون ملكي انا بس مخدتهاش وسكت ونسيت بس وصلت ان بنات تتصل بيك لهنا طب عرفهم ان الحيوانه اللي متجوزها عندها مشاعر وبتحس وانك بطلت القرف ده
فهد بعصبيه مسك دراعها واكمل لالالا ده انتي شكلك اتجننتي خلاااااص بتشكي فياا يا ليلي بعد كل اللي عملته علشانك اولا انا معرفش حد اسمه اميره خااالص ثانيا يا محترمه يا بتاعت الفرق بيني وبينهم ايه هقولهالك بعيدا عن انك مراتي وحلالي وده فرق كبير جدا لاني معملتش الخطوه دي غير معاكي ولو مش انتي مكنتش عملتها خالص وهقولك مع ان المفروض انك تكوني حسيتي انا قدامك انتي بضعف اوي مبعرفش اسيطر علي مشاعري خالص ولما كنتي رفضاني كنت باجي علي نفسي بلعافيه لان الفرق بينك وبين بنات الدنيااااا كلهاا مش هما بس انك الوحيده اللي جوااايا الوحيده اللي حبيتها و قلبي طالبني بيهااا هما كلهم كان اذي مش اكتر انا كنت مجرد بدمر حياتهم مش بحس بأي مشاعر ولا حتي اني عايز كده من حد منهم كااااان مجردد اذي ليهم لازم كده علشان يشتغلوا انما عمري ماحسيت ما حد زي منا بحس معاكي انا عمري ماحسيت اني عايز حد فيهم اصلا و انا معاكي حسيت اني عمري ماعملت كده في حياتي قبلك اصلااا لانك حبيبتي وطبعا احساسي معاكي مختلف جداااا وكأني اول مره اكون مع بنت بس انتي انسااانه غبيه وهتفضلي غبيه طول عمرك ومن كلمتين تنسي كل حاجه
ليلي بدموع ووجع علشان بحبككك انا تعبانه كل ده علشاااان بحبكككك اوي يا فهد انت ليه مش فاهمني وضربته في صدره بايديها الاتنين وهي بتعيط واكملت ليه مش حاااسس بيا وبلنار اللي جوااايا لييه شايف اني بخلق مشاكل من العدم مش هو الموضوع كبير فعلا انا ابسط حقوقي ان الانسان الوحيد اللي حبيته في حياتي يكون ليا لوحدي واكون انا الست الوحيده اللي قربلها انا عارفه كل كلامك ومصدقاه وعارفه انك محبتش غيري ولا كنت بتبقي مبسوط وانت معاهم عارفه انك بتبقي مش عايز كده اصلا منهم بس اهو شغل والسلام وانت وافقت بيه بس كل ما احاول اتخطي حاجه تيجي تفكرني والموضوع ده كاسرني اووييي يا فهد اووييي وتقولي غبيه ليه غبيه علشان موجوعه ولا علشان من كتر حبي ليك حاسه بكده وقعدت علي ركبتها بتعب واكملت بعياط انا بموت من جوايا كل ما افتكر ان حصل كده بحس بنااار بتحرقني وكل ما افتكر ان فهد ابن عمي اللي كان ملكي انا بس شاف كتير بعدي حتي لو مش حب بس توجع وكل القهر ده ليه معلشان بحبك وبحبك اكتر من دنيتي كلها وانت مش قادر تفهمني ولا تحس بياا يا فهد
فهد قومها وحضنها واكمل بدموع انا اسف يا ليلي حقك عليا ياريت كنت موت ولا اشوفك موجوعه كده بسببي
ليلي بعياط انا بحبك يا فهد بحبك اوي ومش قصدي اضايقك بجد بس انا تعبت اوي من الموضوع ده وكل ما انسي حاجه تفكرني
فهد مسح دموعها واكمل بحزن ودموع حقك علي راسي يا ست البنات انا فعلا غلطت بس اديكي شهدتي اني اتغيرت ووحياتك عندي انا فعلا معرفش اميره مين
ليلي وهي بتمسح دموعها ازاي اومال مين دي
فهد معرفش هنكلمها ونشوف ولمح ان ستاره البلكونه مفتوحه شويه فاكمل بحده ليلي انتي ازاي لابسه قصير وحماله وفاتحه الستاره شويه انتي عبيطه
ليلي فهد مفيش حد غيرنا
فهد وهو بيقفل الستاره اكمل قولتلك متضمنيش حد يجي ولمح اتنين رجاله من بعيد اوي ماشين في طريقهم للخروج من المكان فاستغرب ان محدش بيجي هنا وقلق
ليلي حاضر يا فهد مش هفتحها تاني بس دي حته صغيره عموما مش مبينه حاجه
فهد وهو بيلبس اكمل بحده ولا صغيره ولا كبيره متتفتحش خالص
ليلي حاضر
فهد لبس بنطلون اسود وتيشرت ابيض وكوتش ابيض وقام وقف ومسك ايديها باسها واكمل بحب حقك عليا وانا هثبتلك اني مليش علاقه باميره دي
ليلي بابتسامه حزينه خلاص يا حبيبي محصلش حاجه
فهد قرب باسها بحب واكمل نازل شويه وطالعلك
ليلي هتروح فين هنا
فهد قدام شويه بس وجاي هفهمك يا ليلي لما اجي
ليلي ماشي انا هاخد شاور
فهد ماشي
ونزل
————————————
في الفيلا في اوضه شروق وفارس
شروق صحيت وبصت لقيت فارس حاضنها خرجت بهدوء من حضنه وقامت خدت شاور ولبست ونزلت
روح علي فين
شروق بتوتر ايه اه علي فين اه انا رايحه للدكتوره بتاعتي
نفين وفين فارس ماراحش معاكي ليه
شروق بسرعه لالا فارس خليه نايم وانا هروح وارجع بسرعه
تولين بستغراب ليه يا شروق فيها ايه لو راح معاكي واهو متبقيش لوحدك
شروق ماهو بصراحه انا بتحرج منه اوي وانا بكشف نسا وكده
سعاد بضحك يخيبك بت بتتحرجي من جوزك وابو اللي في بطنك انا عرفت كده روح طالعه لمين
روح بضحك يا ماما انا غيرها انا بعدت عن يوسف فتره تقريبا يوم فرحنا وبس كنا قريبين و اتجمعنا بقي لما حملت انما هي من اول جوازها مع فارس وفارس حب عمرها انا ويوسف حبينا بعض سنه ونص واتجوزنا فاهي مفروض متتكسفش مش انا
شروق الكسوف مفيهوش كام سنه حب ياختي لا طبعا
تولين بضحك والله انتي مجنونه طب اجي معاكي انا ولا تتكسفي
نفين اه يابنتي خدي حد معاكي
شروق يا حبايبي متقلقوش مش هتاخر والله يلا بقي قبل ما فارس يصحي اكون جيت
ومشيت
نفين بستغراب لتكون مش قيلاله علشان خايفه يصحي
روح ايه ده لا متقدرش
تولين لو كده فعلا رفعت ايديها واكملت نقرا الفاتحه علي روحها
سعاد بضحك يخربيتك اتهدي يابت اكيد لا قيلاله
نفين اه هي قد عصبيه فارس ولا زعله ياختاااي عليه
الباب خبط تولين فتحت
تولين بفرح سيييف
سيف بحب قلب سيف واحشتيني
تولين بحب انت اكتر تعاالي ادخل
نفين بحب صباح الخير يا حبيبي
سيف صباح الفل يا حبيبتي وسلم علي سعاد وروح ونفين
وقعد جمب تولين
تولين بفرح بجد مبسوطه انك جيت
سيف بحب اهو شوفتي لما لقيت نفسي مش مضغوط اوي خلصت اللي اقدر عليه وجيت ازاي علشان تعرفي ان غصب عني
تولين بحب عارفه يا حبيبي
————————————
في العياده
شروق قاعده متوتره وبتفرك في ايديها وهي شايفه الدكتوره بتبص للورق
شروق بتوتر ها يا دكتوره خير طمنيني ارجوكي انا رجعت تاني للتعب اللي قولتلك عليه
الدكتوره وهي بتقلع النضاره اكملت بصي يا شروق الحمل بتاعك مش مستقر وده نتيجه ارتفاع حاد في ضغط الدم ومشاكل في الرحم وده غلط علي الجنين وممكن جدا ينزل بس لو نزل في الشهور الاولي تمام انما لو بعد كده مش هنعرف ننزله لانه هيبقي خطر علي حياتك ومعرفش المضعافاات في الشهور الاخيره هيحصل ايه
شروق بدموع ووجع اكملت يعني ايه طب والحل يا دكتوره
الدكتوره بحزن انا عارفه اني بوجعك بكلامي بس التحاليل اثبتت ان نسبه ان حملك يكمل قليله جداا صحتك مش متحمله فانا رايي متخاطريش بحياتك وسقطيه ولما تتحسني ابقي احملي تاني باذن الله
شروق بوجع ودموع لالالا يا دكتوره انا مش عايزه انزله انا عايزاه يجي ارجوكي
الدكتوره بحزن انتي كده بتخاطري بحياتك ياشروق حملك صعب ولو سقط بعد كده خطر متضمنيش ممكن يحصل ايه في الاول افضل
شروق بدموع دكتوره هو نسبه ان البيبي يجي الدنيا بخير كام %
الدكتوره بحزن للاسف 50% يعني الكفتين متساويين
شروق بدموع ولو 1% انا هفضل متمسكه بيه انا مضمنش احمل تاني بسرعه اصلا لا ده فارس كان هيطير بيه طير من فرحته وانا انا حلمت بلطفل ده مش هقدر اسقطه انا صحتي متدهوره اصلا افرض لقدر الله رحمي تضرر وانا بجهض لانه زي ماقولتي في مشاكل ابقي اتحكم عليا مبقاش ام طول العمر لالا يا دكتوره انا هكمل حملي وهمشي علي العلاج ارجوكي
الدكتوره بحزن تمام يا شروق بس من فضلك اهتمام كبير وحاولي متنزليش الشغل غير قليل او متنزليش خالص احسن وكمان فارس مينفعش يقربلك خالص لحد ما حملك يستقر مش اول 3 شهور بس
شروق بدموع ووجع تمام هعمل كده وهعمل اي حاجه بس ابوس ايدك ساعديني نجيب البيبي بخير ارجوكي يا دكتوره
الدكتوره بحزن باذن الله ياحبيبتي انا هكتبلك علي ادويه وحقن ارجوكي التزمي بيها ونعمل اللي علينا والباقي علي ربنا
شروق بدموع ونعم بالله تمام اكتبي
الدكتوره بابتسامه حزينه مخوفتيش من الحقن المره دي يعني
شروق بدموع اانا استحمل امشي علي جمر مولع. مش مشكله بس ابني يجي بخير
الدكتوره بابتسامه حزينه باذن الله يا حبيبتي اهدي وقولي يارب ربنا يفرح قلبك بيه يارب
شروق بدموع ووجع ياااارب يااااارب بجد
————————————
عند فهد
ماشي وهو مستغرب شكل ولبس الناس الماشيه وانهم اول مره يشوفهم
وفونه رن فهد شاف انه رقم غريب ففهم ان اكيد ده الرقم اللي قصدته ليلي
فهد بحده الو مين حضرتك
اميره بخوف فهد فهد ارجوك اسمعني انا اميره حبيبت جمال
فهد بصدمه جمال مين الجمال الدمنهوري
اميره بخوف اه هو انا هقولك كلمتين واسمعهم مني ونفذهم بسرعه
فهد بحده وانتي فكرك اني هصدقك تبقي مجنونه
اميره بخوف عماله تتلفت حواليها اكملت وغلاوه ابني اللي لسه مجاش الدنيا كل كلمه هقولها صدق وربنا يحاسبني عليها يوم ما اقف قدامه
فهد حس بصدق كلامها فاكمل بهدوء قولي عايزه ايه
اميره بحزن انا كنت بزور جمال وقولتله اني حامل وهو ضربني واهني ومشيت وكنت ناويه اسافر بس بعت رجالته يمنعني وكأن كل ده ترتيب من ربنا علشان افضل ومسافرش و اسمعهم وانقذك انت ومراتك
فهد بمقاطعه اكمل بخوف ايه في ايه كملي
اميره بحزن رجاله جمال الجديده عرفت مكانك انت وليلي وجمال علشان اتحبس قال لرجالته كلهم يعتدوا علي مراتك قدام عنيك بعدين يموتوك وانا سمعته وهو بيقول لواحد منهم كده بعدين سمعت خالد هو بيقول لعاصم انه عرفوا مكانكم فجيت ابلغك غير مكانك يا فهد غير مكانك واهرب ولو انت قلقان مني اكسر خطك علشان محدش يجيبك بس اقسم بالله كل كلمه قولتها صدق
فهد خاف وقلبه وجعه اوي وافتكر انه ساب ليلي لوحدها في الحمام واكمل بسرعه وهو بيجري ناحيه الفيلا انا انا بجد مش عارف اشكرك ازاي يا مدام اميره واكيد اكيد لازم اعوضك عن جمايلك دي ومش عارف اقولك ايه بجد انتي ست جدعه واصيله ربنا يخليكي شكراا بجد واديني رايح هلم كل حاجتنا بسرعه علشان نلحق نمشي
اميره بابتسامه متقولش حاجه انا عملت الصح واللي يرضي ربنا وانت من يوم مابعدت عن جمال راضيت ربنا وتوبت فربنا راضاك ووقف معاك وخلاني اقف اسمع لاجلك وعطل سفري ربنا معاك يا فهد وينجيك من اللي انت فيه انت ومراتك علي خير واكملت بوجع ودموع ويهدي جمال قبل مايقابله برغم ان اللي انت عملته فيه وجعني اوي وهيخلي ابني يتيم قبل مايجي الدنيا بس مفرقتش هو كده كده مش عايزه ويبقي ابوه ميت اهون من انه عايش و مش معترف بيه وانا مش زعلانه منك يا فهد لانك كنت مع الحق وعملت الصح وانا ربنا يصبر قلبي
فهد وهو بينهج من الجري اكمل بحزن مدام اميره حقيقي كان غصب عني اني اعمل كده حقك عليا انتي وابنك انا حقيقي مش عارف واحده زيك حبت جمال ازاي اصلا
اميره بدموع ووجع النصيب يا فهد نصيبي وانا رضيت بيه خلاص ابقي 26 سنه ووصلت لكل ده بس عادي الحمدلله روح انت لمراتك وطمني عليكم
فهد حزن من اجلها واكمل تمام ماشي
اميره باي
فهد باي
وقفل معاها
————————————
عند اميره
اميره قعدت علي الارض وفضلت تبكي بوجع وهي ضامه رجليها لصدرها واكملت ليه ليه احبك وتظهر في حياتي واعمل علشانك كل ده واضيع معاك سنين عمري وياريتك قدرتني واتجوزتني لا سبتني ليك كده وقال انا الهبله صدقت انك حبتني طب اديك من كتر قرفك هتسبني وتمشي وانا 26 سنه وحامل وقدام الكل حتي مش مطلقه حرام عليك يا جمال انا عملتلك اييه لكل ده حرام عليك ربنا ينتقم مني ومن قلبي اللي حبك مكنتش استاهل منك كده انا مش وحشه كده علشان اتوجع بلشكل ده عملت ايه استاهل عليه يحصلي كل ده بجد
وقامت بحزن فتحت الباب
عاصم بخوف في ايه يا مدام اميره بتعيطي ليه
اميره بجمود مفيش يا عاصم قولي بقي هخرج من سجني امتي انا عايزه اسافر
عاصم معلش يا مدام اميره لما ارجع نتكلم حاليا رايحين مشوار مهم جدا بس هو كلام البيه ان نسيبك تسافري بعد حكم القضيه بتاعته ودي التحقيقات هتطول شويه منا منوصل للحكم الاخير
اميره بدموع ووجع قوله اني عايزه اسافر مش هستحمل اسمع حكمه بلموت يا عاصم
عاصم بخوف انتي بتقولي اييه يا مدام بعد الشر
اميره بدموع ووجع انت بتضحك علي نفسك يا عاصم القضيه مهما طولت في التحقيقات ده علشان جمال تقيل شويه اما اخرته معروفه
عاصم بحزن طب ممكن حضرتك تدخلي لاننا هنمشي
اميره بحده وبسلامتكم كلكم رايحين فين
عاصم لا هنسيب اتنين واحنا ماشين ورانا مصلحه وجايين بسرعه متخافيش
اميره دخلت وقفلت الباب واكلمت بخوف ربنا يستر ويلحقوا يمشوا
———————————–
في الفيلا
فهد لما وصل فتح وجري علي فوق بسرعه
فهد بخوف وصراخ لييليييي ليليييي
ليلي وهي بتلبس اكملت بخضه اييه في اييه يا فهد
فهد شافها قدامه حضنها جامد واكمل بدموع الحمدلله اشكرك يااارب الحمدلله انك بخير
ليلي بقلق في ايه يا حبيبي
فهد مسك شنطه السفر واكمل بخوف مفيش وقت يلا بسرعه رجاله جمال جايين علي هنا
ليلي بصدمه وخوف ايييه ازاي يعني انت بتهزرر عرفوا المكان منين
فهد وهو بيجري فكل الاوضه بيحط حاجتهم في الشنطه اكمل بخوف معرفش يا ليلي معرفش كل اللي اعرفه ان اميره دي بنت حلال واسم علي مسمي حقيقي
ليلي بغيره وبحده لا والله اتاريك اتاخرت تحت واقف بقي بتتعرف بي الهانم
فهد بحده ليلييي اقسم بالله مش وقتك خالص بقولك رجاله جمال جايين وسعي كده وزقها براحه وفضل يلم فكل حاجتهم واكمل بحده اميره دي حبيبت جمال وام ابنه بس هي غيرو خالص انسانه محترمه حقيقي خساره في اشكاله الزبااله
ليلي بصدمه هي مش مراته
فهد بحزن لا مش مراته جمال زباله عمره ماتجوز عايش في الحرام ومش كده وسلاح وبلاوي سودا واكمل وهو بيقفل سوسته الشنطه انا مش عارف ايه يخليها ترضي بكل ده بجد
ليلي بوجع الحب اكيد بتحبه يا فهد مستحيل تقبل بكل ده وهي مش عايزاه او مجبوره
فهد بتنهيده ده حقيقي وبتحبه اوي سمعت نبره صوتها وهي بتتكلم عن انه هيموت وجعتني اوي يا ليلي وصعبت عليا هي وابنها اللي اتيتم من قبل مايجي بس ااعمل ايه مفيش بايدي حاجه
ليلي بدموع بجد ربنا يصبرها وجعت قلبي عليها هي بجد ازاي هتواجه الدنيا لوحدها هي وابنها كده
فهد بحزن ربنا يتولاها بجد ويلا كملي لبس مفيش وقت ابوس ايدك
ليلي بتوتر حاضر بسرعه اهو
————————————
في الفيلا
تولين بحب بص ياسيف الفستان ده قمر اوي
سيف بص في الفون واكمل اممم قمر فعلا بس مينفعش القمر يلبس قمر يا روحي
تولين مش فاهمه يعني ايه يا سيف
سيف بحده يعني برفضه بشياكه علشان منكدش عليكي واعمله حوار عايزه انتي تعمليه حوار انا سداد وبحب الخناق
تولين بنفخ بجد في ايه يعني انا مش محجبه طبيعي يبقي كات او غيره عادي
سيف بحده معنديش انا ااكلام ده الحجاب قولت ده لازم عن اقتناع معلش سيبها مع الوقت هتاخدي قرار انك تلبسيه انما عايزه تلبسي المسخره دي مش هيحصل
تولين بحزن خلاص يا سيف مش هتنيل
سيف بنفخ استغفرالله العظيم يارب هو مين مفروض يزعل يعني انا بعمل كده بحبك وغيران عليكي يا تولين ومرضاش ان مراتي تلبس كده قدام اي حد
تولين بحزن خلاص محصلش حاجه
سيف بحب طب افرضي وشك
تولين مردتش تبصله وسكتت
سيف بحب وحياه سيف لتفرضي وشك
تولين عايز ايه
سيف بضحك عايز احضنك وانتي قمر وانتي مقموصه كده بس مش عارف
تولين بضحك اتلم يا سيف
سيف رفع ايديها باسها واكمل قلب سيف من جوه
فارس وهو نازل احممم احممم
تولين قامت بسرعه واكملت بتوتر ص صباح الخير يا حبيبي
فارس بضحك ده انتي ليلتك سودا بس بعدين
تولين بخوف فارس والله هو اللي مسك ايدي باسها انا مليش دعوه اهو عندك بقي
سيف بضحك كده بتسلميني تسليم اهالي يا تولي ماااشي
فارس بضحك يعني انا دلوقتي لو هزقتكم انكم شكلكم كده طفشتوا كل اللي في الصالون علشان البيه يقعد يحب فيكي براحته ابقي غلطان ?
تولين بخوف والله لا ده هما اللي بيمشوا احنا مقولناش لحد يمشي اصلا
سيف بضحك اسلك وافهم صح هاا انا زعلتها فكنت براضيها مش اكتر
فارس وزعلتها ليه
سيف بضحك ها اوريه زعلتك ليه
تولين بتوتر حااضر جايه يا نيفو جاايه طنط نفين عايزاني يا جماعه وجريت علي المطبخ
فارس زعقتلها ليه بجد
سيف بضحك اتفرج يا عم عايزه تبقي تلبس ده
فارس بصدمه يانهار اسود ايه ده واكمل بحده وبصوت مسموع طب كانت تعملها علشان اهزقها
سيف بضحك خلاص بقي ما اخوك اداها كلمتين
فارس قعد واكمل والله يا جدع الواحد مش عارف يربي تولين ولا شروق الاتنين تاعبني وقبلهم كان فهد ويوسف شويه علشان موضوع جوازه ده
سيف بضحك ربنا يعينك
فارس بتنهيده ده حقيقي بجد
سعاد طلعت واكلمت يلا اقعدوا الفطار جهز
روح هي شروق لسه ماجتش ??
فارس بصدمه قام وقف واكمل لسه مجاتش ازاي يعني هي راحت فين اصلااا ??
تولين بتوتر هي مقالتلكش ??
فارس بحده قالتلي ايييه ده انا هقتلهااا انهارده هي خرجت من غير ماتقولي اززااااي
روح بخوف فارس اهدي هي اكيد قالتلك وانت نايم فمركزتش
نفين بخوف اهدي يا حبيبي البت حامل وراحت تطمن علي حملها ومش هطول متكبرش الدنيا
فارس بعصبيه والله لهعلمها االادب من اول وجديد هو انا علشان بدلعها خلااااص هتنزل من ورااايا
سعاد بحزن اهدي يابني مش كده هي اكيد متقصدش عيله وغلطت
فارس بعصبيه غلطت اكسر راسها معنديش انا الكلام ده مش فارس العامري اللي مراته تخرج من غير ماتعرفه ولا اكن ليها حيوااان مفروض يعرف هي فين وطلع ورزع الباب وراه
روح بدموع يوسف يوسف قوم شوفه ليضربها ولا يزعقلها
يوسف بتنيهده حزينه مش هيضربها بس اختك غلطت انا مردتش اتكلم علشان مسخنش الدنيا اكتر بس بصراحه حقه
سيف بتنهيده و انا معاه مفيش راجل يستحمل كده يعني ينفع منظره قدامنا لما فاكر مراته هنا واتفاجئ انها براا وبقالها شويه كمان طب هي لو قالت نازله للدكتوره كان حصل ايه يعني اكيد مكنش قالها لا
تولين بحزن هي غلطت بس محدش يتكلم قدام فارس ويقول كده
نفين بخوف ربنا يستر هو اصلا ياختي مش مستني كلامنا يعصبه هو علي اخره خلقه
سيف لما يجي نهدي قدامه غلط شروق ده نقوله بينا وبين بعض بس
يوسف بتنهيده اكيد
روح بدموع ربنا يستر بجد
————————————
عند فهد وليلي
فهد وهو بيجري مع ليلي اكمل الو يا عمر
عمر ايه يا حبيبي جايلك اهو شوفت المسدج واتس بس في ايه مش فاهم حاجه
فهد وهو بينهج اكمل رجاله جمال عرفت مكانا يا عمر انجز ابوس ايديك
عمر بخوف ايه يااانهار اسود حااضر جاي حالا
فهد بسرعه يلا هقفل معاك علشان امسك ليلي كويس هي تعبانه مش قادره تجري
عمر بخوف مااشي واانا جاي حاالا 10 دقايق واكون عندك
ليلي بنهج فهد فهد انا تعبت ابوس ايديك اهدي شويه
فهد ليلي ارجوكي لو فضلنا وارد يحصلنا حاجه معلش تعالي علي نفسك شويه والله لولا الشنطه كنت شيلتك بس غصب عني
ليلي بتعب عادي عادي بس يلا بسرعه علشان مبقتش قادره وخرجوا علي طريق سريع فاضي وفضلوا علي نفس الوضع بيجروا
فهد لمح ان في عربيه سودا جايه فخاف يكون حد منهم
فهد بخوف ليلي تعالي في حضني
ليلي هو ده وقته يا فهد يلااا انجز
فهد وقف مع ليلي علي جمب شويه ولف طرحه ليلي علي وشها وحضنها ودفن وشه فيها وهو ضاممها اوي والعربيه عدت بسررعه من جمبهم بس بعيد عنهم بحوالي مترين وفعلا كان فيها رجاله جمال
ليلي بحده يخربيتك هو ده وقت محن يا فهد هنموووت
فهد بحده هشش اسكتي العربيه اللي عدت عربيه جمال انا عارفها يا متخلفه كنا هنستخبي فين هنا وسط الطرق الفاضيه دي
ليلي بخوف ايييه يانهار اسود وابتدت تعيط فهد انا خايفه اوي
فهد بصلها بحزن وضمها ليه واكمل بحزن والله ماتعيطي قولتلك من زمان وهقولك مينفعش تقولي الكلمه دي وانا موجود وانتي في حضني وفضل يطبطب عليها
ليلي اطمنت وتنهدت براحه وهي بتدعي ربنا ينجيهم وفعلا دقايق من جريهم قابلوا عمر
عمر بسرعه يلااا اطلعوا
فهد دخل ليلي العربيه ودخل جمبها وخد الشنطه
فهد اطلع يا عمرر
عمر طلع بلعربيه بسرعه جداا
عمر عرف مكانك منين ابن الكلب ده
فهد رجع راسه لورا وغمض بتعب والله منا عارف يا عمر بس حبيبته هي اللي قالتلي انه عرف ربنا يجازيها خير ويعوضها
عمر بستغراب حبيبت مين
فهد بتنهيده حبيبت جمال بس هقولك التفاصيل بعدين
عمر بص احنا عندنا مزرعه وفيها فيلا كنا بنروح كل سنه انا وامي وخالتي والعيله بنغير هناك جو علشان حواليها خضره وارض وزرع واحناا بنرتاح نفسيا من كده فانا هوديك هناك وهناك محدش هيقدر يروحلك باذن الله لحد ماتخلص
فهد بحب حقيقي بتعبك معايا يا عمر دايما
عمر بحب متقولش كده يا غاالي احنا اخوات واكمل بضحك انت بس استغل الفرص اللي عماله تجيلك دي وهاتلنا فهد الصغير وغمز
ليلي اتكسفت وخبت وشها في حضن فهد
فهد ضمها ليه وهو بيضحك وباس راسها واكمل قول يارب يا عمور
عمر بحب يارب يا حبيبي يسعدك ونشوف عوضك
فهد وليلي مع بعض بحب اللهم امين يارب
وبصوا لبعض وابتسموا ففهد قرب باس خدها
ليلي باحراج فهد اتلللم وضربته في صدره
فهد بضحك ااه يخربيتك بتجيبي القوه دي منين
عمر بضحك ربنا يخليكم لبعض يارب
فهد بحب ونفرح بيك انت وحور يارب بجد كان نفسي احضر خطوبتك بس تتعوض في الليله الكبيره ربنا يتمملك بخير يا حبيبي
عمر بحب ياباشا كانك موجود انت بس ارجعلنا بلسلامه علشان والله مستنيك فعلا
فهد بحب مش بحبك ومأمنك علي كل اسراري وامنتك علي مراتي قبل كده من بلاش حقيقي انت ونعم الصاحب والاخ يا عمر
عمر بحب وعلشان انا كده فا ده واجبي
————————————
في عربيه فارس متعصب جدااا من شروق وبيتمني يشوفها متاخر شويه علشان يكون هدي وميطلعش عصبيته فيهاا
عند شروق ماشيه من عند الدكتوره وهي مضايقه جدا في شارع فاضي وهادي ودموعها علي خدها وسرحانه
طلع 3 شباب عليها
الاول بضحك ده ايه القمر ده ماشي لوحدك ليه يا جميل
شروق مردتش ومشيت
ااتاني طب يمكن اعجبك انا طيب
التالت انتوا لسه هتحايلوا فيها طلعوا المنوم ويلا ناخدها باين عليها جامده وغمز بوقاحه
شروق بعصبيه وخوف انت اتجننت منك ليه اوعي كده جتكم الارف عايزه امشي اووووعي بقولك
الاول بضحك لا مش قبل ماتيجي معانا وبعدين هنسيبك بس بمزاجنا
شروق ضربته بلقلم واكملت بحده هو انت فاكرني ايه يا ابن الكلب منك ليه بقولك اييه انت وهو اوعي منك ليه بدل ما والله اوديكم في 60 داهيه انتوا مش عاارفين انا مرات ميين ولا ايه
التاني بضحك مين يعني حد مهم
الاول بعصبيه ده انا هوريكي ازاي تمدي ايديك عليا يا حيوانه انتي
شروق بحده انا مرات فارس العامري ولو عرف بس انكم حاولتوا تضايقوني وجيتوا تحت ايده والله ماهتشوفوا الشمس تاني
التاني بضحك طب اكدبي كدبه غيرهااا طب
التالت بضحك انا عارفو بشوفه في الجورنال والتلفزيون اثبتيلي بقي انه جوزك يا موزه وبيقرب منها
شروق بحده وهي بترجع لورا اقسم بالله هديك قلم يظبتك صحيح ابعد كده يا حيوان يا زباله
الاول بحده انا هطلع المنوم واخلص والشارع فاضي قبل ماحد يجي
وفي نفس الوقت عربيه فارس معديه ولمح شروق بتحاول تهرب من الشباب فنزل بسرعه
فارس بحده شررروق
شروق شافته اتصدمت وخافت
التالت بخوف يانهار اسود سيبها ده هو فعلا فارس العامري
فا التلاته جريوا بسرعه البرق وسابوها
فارس مسك دراعها واكمل بعصبيه ايه اللي كان بيحصل ددده حلو اللي حصل ده يعني يا شروق ???
شروق بخوف فارس والله مافي حاجه ده هما كانوا عايزين يخطفوني ويحطولي منوم علي وشي بس الحمدلله انت جيت
فارس بعصبيه ده انا هوريكي صح هعمل فيكي اييه بس مش هنا وشدها للعربيه وقعدها وقفل بعصبيه ودخل قعد وبدا يسوق باقصي سرعه
شروق بخوف ودموع فارس والله انت فاهم غلط كل الحكايه ان
فارس بعصبيه هششششش انا مطلبتش من اهلك مبرر ولا عايز اسمعه لان اللي حصل مالوش تبرير وطول الطريق صوتك مسمعوش مفهوووم
شروق بدموع وخوف مفهوم
بعد شويه وصلوا الفيلا
فارس فتح باب العربيه شد ايديها ومشي بعصبيه وبسرعه
شروق بدموع براحه يا فاارس
ودخل الفيلا
يوسف بتنهيده فارس خلاص دي
فارس بمقاطعه وعصبيه محدش يدخللل علشان مزعلش حد مني دي مراتي وغلطت وانا حر اعمل ايه
وشد شروق واتجه انه يطلع السلم
نفين بخوف يابني براحه عليها بطنها
شروق بدموع فارس سبني افهمك علشان خاطري
روح بدموع مش عارفه اعملها حاجه وده مضايقني
تولين بحزن فارس زعله صعب وهي المفروض عارفه وبصراحه هو مبيزعلهاش ومهنيها ومخليها دايما مبسوطه وبيفرحها ويهتم بيها مالوش لزوم الموقف ده كانت تقوله علي الاقل مكنش حصل حاجه
نفين بحزن غلطت احنا عارفين واخوكي مش هيرحمها
روح بدموع وخوف هو ممكن يضربها ?
يوسف بتنهيده لا طبعا عمره ماعملها بس خدوها مني ده صاحب عمري فيها عقاب لشروق فارس مش هيعديها كده
سعاد بحزن ربنا يستر يابني
سيف يارتني قادر ادخل بس اديكم سمعتوا
في اوضه فارس وشروق
فارس دخل وشدها لجوه وقفل الباب
شروق بعياط والله والله مكنت قصدي كل ده يحصل انا تعبت فاجاه بس فقولت مش عايزه اقلقك وهطمن علطول وجايه مكنتش اعرف هيحصل كل ده
فارس بعصبيه انا عايز افهم بسسس حاجه واحده هو انتي علشان انا بحبك وبدلعك ومش بقولك لا خالص وحبيبتي ليل نهااار خلاص هتنسي انا مين وتنسي طباااعي انااا ياشروق اناا تحطيني في موقف زي االزفت تحت يقولولي ايه ده هي مقالتلكش رايحه فيين قدام يوسف وسيف لييه انشاء الله ده مفيش واحده من اللي معاهم تقدر تعملها بس انا اللي دلعتك زياده ده حقيقي ويظهر ده نساكي اني عصبيتي وزعلي وحشين اوووييي وسبحان ما ماسك نفسي عنك بس وعهد الله ماهعتدي بلساهل ياشروق
شروق بعياط حقك عليا والله مكنش قصدي انت عارف اني بنفذ كلمتك بس انا قولت مش هتاخر اطمن وارجع علطول بس والله
فارس مسك دراعها جامد واكمل بعصبيه يعني يا هانم يا محتررمه لو انا مكنتش جيت تخيلي كده عايزك تتخيلي بس كان زمان بيحصل فيكي ايييه دلوقتي من شويه شمامين وكل ده ليييه لانك مش محترمه الحيوان اللي متجوزاه ولا عملاله حساااب اصلا بس ماشي يا شروق مااااشي
شروق بعياط والله وحياتك عندي انا عارفه اني غلطت و اووي كمان بس مكنتش اقصد ده كله والله انا اسفه يا فارس بجد
فارس بعصبيه استفدت اييه انا من اعتذارك انسااانه غبيه ومبتعرفيش تفكري وراجعه من شارع مقطوع علي رجلك يعني حتي مفكرتيش تركبي يقوم يطلع عليكي شويه شمااامين انا عايز افهم بس هو انتييي لو كنتييي قولتيلييي عااايزه اروح للدكتوره يا فارس انا مكنتش هاجي معاكي ?? ده لو ورايا اجتماع كنت هلغيه وهروح معاكي هو انا عندي اغلي منك انتي واللي في بطنك بس لا ازاااي منا مش متجوزه راجل فعادي اروح علي مزاجي واجي علي مزاجي هو يعرف زي الناس او ميعرفش خالص يغور هو في داااهيه اصلا
شروق بدموع. كفايه اني بقولك عارفه اني غلطت يا فارس ومش زي منتا بتقول ابداا والله حقك عليا انت راجل وسيد الرجال وانا اللي غلطت من الاول ووعد مني مش هتتقرر تاني انا دايما بسمع كلمتك يا فارس ودي اول واخر مره والله وانا مرضتش اقولك لاني بتكسف منك ومبعرفش اخد راحتي عند الدكتوره
فارس بعصبيه كلمتي ااه ده كلمتي دي بتمشي علي تولين اللي معتبراني اخوها ويوسف وروح كله بيعملي خاطر وحساب الا مراتي خلت شكلي زي الزفت وبعدين ايه بتكسف منك دي انتي عبيطه ولا بتستعبطي اللي في بطنك ابنيي هو خلاص الهبل جاب معاكي ان السبب المقنع لكل اللي حصل ده انك مسكوفه من جوزك شررررروق الكلام خلص لحد كده لان كلامك بيستفزني وانا مش عايز امد ايدي عليكي
شروق فضلت تعيط بصمت وسكتت هي فعلا معندهاش حاجه تقولها ومش عايزه تعرفه بخطوره حملها
فارس بحده ومن اللحظه دي عتبت البيت مش هتخطيهااا وده اخر كلام عندي وفتح الباب وخرج
شروق بعياط فاااارس يااافاارس ونزلت وراه
نفين علي فين يابني
فارس بحده اي داهيه
وفتح باب البيت
ورايح يخرج وقفه صوت شروق
شروق بعياط وهي رايحه ناحيته فارس استني ارجوك متمشيش وانت مضايق
فارس بحده مكاااااانك انا قولتها كلمه واحده قسمااا بالله ماهعتدي عتبه البيت وطلما خرجتي بمزاجك يبقي مش هترجعي تخرجي غير بمزاجي اناا
شروق بدموع وبلنسبه لشغلي
فارس بحده مفيش شغل تاني خلاص كده كده انتي ست حامل اقعدي بقي وفوقي للي في بطنك
وخرج ورزع الباب
يوسف جري وراه هو وسيف علشان ميبقاش لوحده
نفين بحزن حلو اللي عملتيه ده يا شروق
شروق قعدت علي الارض واكملت بتعب ودموع والله ما كان قصدي خالص يا طنط نفين يحصل كل ده انا ربنا يعلم مقولتش ليه
سعاد بحزن ربنا يهدي سرك يابنتي
تولين حضنتها واكملت بدموع متزعليش نفسك علشان اللي في بطنك يا شروق ولما يجي فارس صالحيه
شروق بسخريه ودموع يعني انتي مش عارفه اخوكي علشان كلمه صالحيه دي
تولين بحزن اه زعله وحش بس حاولي هو بيحبك
روح بحزن وعلشان بيحبها اتوجع كده منها مش حركه تطلع منك دي يا شروق
شروق بحده ودموع يااا جماعه انااا ليا اسبااابي متضغطوش عليا اكتر منا مضغوطه وتعبانه وفارس كمل انا بجد تعبت اوووي تعبببت مفيش فرحه بتكملي ولا في حاجه متهنيه بيهاا حتي شغلي اللي كنت بلاهي نفسي فيه من وجعي وتعبي وتفكيري اخوكي ياست تولين منعني. منه انا تعبت اوي بجد اوي ومحدش فيكم حاااسس بيا ولا هيحس ولا اصلا فاااهمين حاجه خالص
وطلعت اوضتها ورزعت الباب وقعدت وراه وفضلت تعيط بوجع
————————————
في فيلا المزرعه
ليلي باعجاب واو طب والله هنا مع ان مفيش بحر بس المنظر احلي ويرد الروح
عمر بحب اهم حاجه تكون عجبتكم
ليلي بمرح جداااا بجد
فهد باعجاب حقيقي جميله والاماكن الطبيعيه فكل مكان روعه تعبناك يا عمور بجد
عمر بحب يا غالي تعبك راحه يلا استأذن انا بقي
فهد بحب اتفضل يا حبيبي
و عمر مشي
بعد شويه في عربيه عمر وصل تحت بيت حور وهي نزلتله
عمر بحب ايه القمر ده يا جماعه هو في قمر بيطلع بلنهاار
حور بضحك طب ااطلع ياخويا يلا خلينا نشوف مشوار ايه اللي عايزنا فيه
عمر بحب خير باذن الله يا ست البناات
حور بحب اكيد خير طبعا هو هيجي من وراك غير خير
عمر باس ايديها واكمل بحب تعجبني ثقتك فيااا يابت يا حور بتثبتيني
حور بضحك عيب عليك
بعد شويه وقفت العربيه
عمر يلا انزلي
حور نزلت ومسك ايديها
حور بقلق ايه ده جايبني هنا ليه المكان غريب اوي
عمر يلا بس وهتفهمي جوا
والرجاله فتحت المخزن
عمر تسلم يا مؤمن تعبتك اوي معايا
مؤمن انت تؤمر يا باشا
حور بخوف همست عمر انت جايبني هنا ليه بجد
عمر بحب قولنا متقلقيش بقي
ودخلوا واكمل بخبث بصي قدامك هتعرفي جبتك ليه
حور بصت واتصدمت من اللي شافته
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
