رواية احباء يجمعهم القدر الفصل التاسع عشر 19 بقلم لولا
رواية احباء يجمعهم القدر الجزء التاسع عشر
رواية احباء يجمعهم القدر البارت التاسع عشر
رواية احباء يجمعهم القدر الحلقة التاسعة عشر
روح بصتله بدموع بمعني متقولش حاجه فطبطب علي ايديها وهو ساندها واكمل يعني هتبقي جده بعد 9 شهور مدام روح يوسف عز الدين الشافعي مرات ابنك حامل في ولي العهد ووريث عيلتك الوحيد
يوسف قام وقف واكمل بتفاجئ وفرح حااامل
سعاد بصدمه ايييه حامل ومرااته
فارس اه حامل ومراته رسمي علي سنه الله ورسوله فمفيش داعي انه يتجوز تاني وروح كده كده مش هتقبل بضره عليها
مني بحده دي اكيد كدابه وحامل في الحرام اتجوزته امتي يعني انا شوفت في تليفون يوسف علي الشاشه صوره حضناه وعايشه حياتها ايه يخلينا نصدقها
يوسف ضربها بلقلم واكمل بعصبيه يا زباله اللي بتتكلمي عنها مراتي ورسمي والصوره دي يوم كتب كتابنا وفتح فونه وجاب صوره القسيمه اللي كان مصورها وحطها قدامها ووراها للناس واكمل اهي مش روح اللي تقرب من واحد مش جوزها شوفي نفسك ومسمحلكييش ابدااا تتخطي حدودك وتتكلمي عن مراتي بلشكل ده
سعاد بدموع انت ازاي تعمل كده يا يوسف اتجوزت من وراايا عادي كده قدرت تعمل كده
يوسف بحده قولتلك انا بحب روح ومش هتجوز غيرها انتي صممتي وانا مش عيل صغير علشان امشي ورا كلامك انا بس كنت بهاودك علشان عمليتك وهي كتر خيرها وافقت تسكت عن حقها وتسمح اخطب غيرها الفتره دي انما محدش هيشيل اسمي تاني بعد روح
شيماء بحده يعني ايه ااكلام ده
يوسف بحده يعني مفيش خطوبه ولا جواز فرركش
وراح حضن روح واكمل بفرح وهو بيبوس جبينها وايديها ازاي متقوليش ليا انك حامل يا روح ازاي قدرتي تخبي عليا حاجه زي كده
روح خرجت من حضنه واكملت بدموع عايزه امشي يا فارس
يوسف بستغراب مالك يا حبيبتي
روح بدموع انت كنت قاعد بتعمل ايه ماسك ايد عمها لييييه يا يوسف وكمان حضنتها وهي باستك وجاي بكل بجاحه تمثل قداامي الحب اقولك ليه علشان اللي في بطني مش كده
يوسف بعصبيه انتي بتخرفي بتقولي اييه انتي اتجننتي هو انتي مش مصدقه اني بحبك انتي وعايزك انتي بعد كل اللي عملته ده
مني بخبث حقها منتا كنت هتكتب عليا اهو لو هي مكانتش جات ولما شوفتها وقفت
يوسف بعصبيه مني انتي تسكتي خاالص
روح بعصبيه ودموع تسكت ليه ماهي صح انا لو كنت اتاخرت شويه انت كنت كسرت وعدك وكتبت عليها بسببك انا اتهزقت منها كلمتني وقالتلي اوحش الكلام ليه كل ده خليها تشبع بيك يلا يا فارس
يوسف مسك ايديها واكمل بعصبيه يلا يا فارس ايه انتي اتجننتي ومين دي الي هزقتك وازاي يعني
روح بدموع اديت تليفونك لمني ليه يا يوسف
يوسف علشان قاطعته روح واكملت بدموع اقولك انا علشان ايه علشان قال ايه تتصور طبعا عايزها تسجل لحظاات يومكم السعيد علي تليفونك ومش بس كده كمان راحت هي كلمتني وسمعتني كلام وحش وقالتلي انكم هتكتبوا انهارده وقالتلي ابعد عن حيااتكم وانت مفهمني انها خطوبه مؤقتا حلو والله
يوسف بعصبيه روح انتي اتجننتي انا فعلا كنت فاكر انها خطوبه انا اتفاجئت زيي زيك
روح بدموع وانا مش مصدقاك وبصت لفارس واكملت بدموع انا يتيمه اب وام ومليش حد انت مش اخويا الكبير ?
فارس مسح دموعها واكمل طبعا يا حبيبتي اخوكي الكبير وجمبك متخافيش
روح بحزن ووجع خلي صاحبك يطلقني ويقعد يكمل جوازه
فارس بحزن روح ممكن تهدي مينفعش كده
روح بدموع وبحده فاااارس احنا جينا كان ماسك ايد عمها وهيكتب انت بتقول اييه نفترض مكناش جينا كان
يوسف بمقاطعه اكمل بعصبيه كنت همشي واسيب الفرح كلللله انتي عبيطه ولا هبله انا مش عايز غيرك وبقولها قدام الدنيا كلهااااا
مني بخبث وطلما انت بتحبها يا روميو معلنتش انها مراتك ليه بدل ماهي يا حرام صغننه وحامل كده بلزمه صحابها في الفصل لما كانت بتمتحن لما تتعب وترجع يقولوها ايه وهي في نظر الكل انسه بس هي مدام
شروق بحده انتي بت مش
فارس بمقاطعه اكمل بحده شرروووق معندناش حريم تتدخل هي بقي ربايتها ناقصه وبتقف تتكلم قدام الكبار ده عيب علي اللي ربوها
شروق بصتلها بقرف واكملت حاضر يا فارس
يوسف بعصبيه ده حقيقي هي ربايه ناقصه انتي بتتكلمي عن مين كده يا زباله انتي هو انتي فكراها زيييك انا من حبي فيها يا حيوانه انتي مستنتش امي تعمل العمليه واتجوزتها وكنت هعلنها بمجرد طلوع امي من العمليات مش مخبيها ده انا من حظي انها مراتي وبعدين الصغننه دي هي الوحيده اللي قدرت تحتل قلبي وتحلف مافي واحده غيرها تدخل مكانها بصي لنفسك عملتي كل حاجه علشان ابصلك ولا عبرتك وهي معملتش اي حاجه غير انها سحرتني وحبيتها وبقيت مراتي وام ابني
مني بضحك معبرتنيش اي هو احنا هنضحك علي بعض ولا ايه يا چو منتا حضني الصبح ولا دي فوتوشوب
صاحبتها حصل وقدامنا كلنا
شيماء انت تكتب علي بنتي دلوقتي حالا وتطلق الجربوعه دي
يوسف بعصبيه حضن ايه وهبل ايه. ده انتي رميتي نفسك في حضني وهزقتك هنستعبط واطلق مين يا ست انتي اللي بتشتميها دي مرااتي ومش هسمح لحد يتكلم عليها نص كلمه انا لحد دلوقتي محترم انك قد امي انما هتكتري في الكلام مش هعمل حساب لحد
مني بضحك انتوا بقاالكوا مده سوا وتعرفوا بعض ايش عرفنا الحمل ده قبل الجواز ولا بعده هو احنا عارفين ليكم حاجه ما كله في الضلمه وهمست ولا تكون مش بنت بنوت فبتدارو علي الفضيحه
يوسف ضربها بلقلم واكمل بعصبيه كفياكي كده اللي هتفتح بوقها علي مراتي تاني هتشوف مني وش تاني خااالص مراتي دي اشرف من عيلتك نفر نفر يا زباله
روح بدموع فاااارس مستنياك برا انا مش قادره بجدد
وجريت علي برا
فارس بتنهيده يا شيح حرام عليك علي كل اللي حصل ده لو كنت قولتلي كنت علنت جوازها منك واقنعتلك انا طنط بدل ما كل واحده ناقصه ربايه جايه تتكلم عليها
مني بحده انت ازاي
فارس بعصبيه هششششش موجهتش لاهلك اي كلام
يوسف طلع بسرعه ورا روح وكلهم طلعوا وراه
روح كانت في الشارع وماشيه بتعيط
فارس بخوف شروق اختك مش في العربيه
شروق بخوف ايييه
يوسف بخوف ازاي يعني راحت فيين
ومشيوا يدورا عليها فلمحها يوسف
يوسف رووووح
روح سمعته بس مرديتش ترد عليه وماشيه مش واخده بالها وفي عربيه جايه سريعه
يوسف بخووف حااااسبي ياروح وبيجري علشان يلحقها بس سواق العربيه داس فرامل في الاخر و خبطها في ضهرها وبقيت كل الخبطه المتأثره علي ضهرها اكتر حاجه فحطت ايديها علي بطنها ووقعت دماغها اتعورت
يوسف جري عليها وحضنها واكمل بدموع وهو بيطبطب علي وشها روح حبيبتي ابوس ايديكي قومي والله ماهتجوز حد ولا عايز حد غيرك انا اسف حقك علياااا
شروق جات واكملت بدموع روووح قومي يا حبيبتي فيكي اييييه ياروح ردي عليااا ارجوكي
فارس بعصبيه يا جماعه انقلوها علي المستشفي كده خطر علي حياتها مش وقته الكلام ده
سعاد كانت جات واكملت بخوف مالها يا يوسف
يوسف بصلها بحزن ولوم وشال روح اللي ابتدت تنزف بين ايديه وطلع مع فارس في العربيه ومشي
مني بضحك وادينا خلصنا منه
سعاد بدموع من مين
مني بضحك من حفيدك يا حماتي مالك في ايه انا خرجت وشوفتها قبل يوسف وهي ماشيه وشوف السواق ده واديته فلوس وقولتله اخبطها بس متموتهاش انا عايزاها تسقط بس واديه حصل ابتدت تنزف
سعاد ضربتها بلقلم واكملت بدموع انتي ايييه يا بت اييه جبروتك ده عيل لسه مجاش علي الدنيا عايزه تموتيه علشان تنفذي اللي في دماغك انا ازاي كنت كده وازاي كنت هجوز ابني قتاله قتله ده انا هوديكي انتي واللي خبط مرات ابني في 60 داهيه يا حيوانه
مني بدموع طنط انتي بتقولي ايه انا عملت كده علشان اتجوز يوسف وميضغطش عليكي بي البيبي
سعاد بدموع وحفيدي اللي حته من ابني ده عادي تموتيه ده انتي شيطانه وكويس عرفتك علي حقيقتك بس انا حقيقي اللي كنت غلط واجبرت ابني يخطب واحده زيك كويس ربنا رتب كده ومشلتيش اسمه مكنتش هسامح نفسي ابدااا وبحذرك اهو مرات ابني او اللي في بطنها لو حصلهم حاجه هوديكي في 60 داهيه جتك الارف
شيماء بحده مالك يا سعاد مش كنتي مش عايزه روح
سعاد روح دي الوحيده اللي حبت ابني لشخصه مش لفلوسه ووافقت تبقي مراته في السر وهي جوازها شرعي وعلي سنه الله ورسورله حتي حملها كان ممكن من ساعه ماحملت تضغط علينا بيه بس هي سكتت علشان ناخدها لشخصها ومستغلتش بقي الفرصه وانها شايله وريث عيلتي الوحيد حقيقي انا اللي فهمتها غلط ولازم اصلح كل ده وعلاقتي بيكي انتي وبنتك المجرمه انتهت من اللحظه دي وركبت تاكسي وقاالتله علي اقرب مستشفي في المكان علشان توقعت ان اكيد هياخدوها هناك
في العربيه
يوسف بدموع انجز يا فارس ابوس ايديك روح بتنزف
فارس بخوف والله بسرعه اهو
شروق بعياط مسكت ايديها باستها واكملت يا حبيبتي قلبي واجعني عليكي اوي يا روح
فارس بخوف اهدي يا شروق اهدي يا حبيبتي باذن الله مش هيحصلها هي ولا اللي في بطنها حاجه
شروق بعياط بتنزف يا فارس صعبانه عليا اوي
فارس بخوف اهدي اهدي وادعيلها
ودقايق ووصلوا وشالها يوسف ودخلوا
فارس بخوف ترولي بسرعه
الممرضين جابته وحطها يوسف
والدكتوره جات
فارس بخوف ارجوكي خلي بالك منها هي حامل في اول ايام الشهر الاول وخبطتها عربيه وبتنزف
الدكتوره حاضر يا فندم اكيد ودخلت
يوسف قعد علي الارض جمب الاوضه ودموعه بتنزل بصمت وحاطط ايديه علي دماغه بحزن
فارس بتنهيده ينفع اللي انتوا فيه ده ومن امتي بتخبي عليا اي حاجه انت
يوسف بدموع كنت ناوي اقولك بس خفت تمنعني قولت هقولك لما اكتب بس مجتش فرصه
فارس انا عارف نيتك كويس وانك مكنتش هتتجوز مني ومش بتحب غير روح بس هي حاليا شافتك قاعد هتكتب وسمعت في حق شرفها كلام بما فيه الكفايه
يوسف بحده ودموع يعني انا سكت يا فااارس
فارس بحده مسكتش بس هما عندهم حق بنت شريفه هتخبي خبر جوازها وتتجوز في شقه اربع حيطااان ليه يا متعلم يا فاهم ما تعلن يخش حتي علي النت المهم الدنيا كلها تعرف ومراتك تمشي رافعه راسها اللي انت عملته كان تهور وغلط وحسابك معايا بعدين علشان انت مش ناقص دلوقتي ومش معني انك صاحبي هسكتلك روح اختي والكلام اللي اتقال جرحني زي ماهو جرحها ينفع الكلام اللي قالته الزبااله مني في حقها ده قدام كل المعازيم
يوسف بدموع مينفعش وانا بردو ضربتها بلقلم ووريت القسيمه لكل الناس وهو فعلا كانت الطريقه غلط بس مش ندمان لان كل ما الزمن يرجع بيا هختار اتجوز روح تاني وتالت انا بحبها يا فارس ويوم جوازي منها ده احلي يوم عيشته في حياتي انت مش متخيل فرحتي كانت قد ايه من شويه لما عرفت انها حامل
شروق بحده ودموع اللي بيحب بيكون مصدر امان لحبيبته تهرب من الدنيا ليه هو مش تحاول تهرب من الدنيا منه وتنتحر بسببه انا لو حصل لاختي او لابنها حاجه مش هسامحك ليوم الدين
فارس بحده بس انتي ياشروق قولت
يوسف بخوف ايه تنتحر ايه هي روح كانت هتموت نفسها بسببي لييه حصل ايه
فارس بحزن روح فعلا مش حاسه معاك بامان يا يوسف وكده حبها ليك ناقص الاحساس ده وانت بتحبها بس معرفتش توريها فعل يحسسها بده فعلا الفتره دي لما مني كلمتها وقالتلها تبعد عن حياتكم وانك هتكتب كتابك عليها انهارده حطت علبه الدوا كلها في بوقها ولولا اني لحقتها كانت موتت نفسها او كانت موتت اللي في بطنها لو لحقناها هي
يوسف بدموع ازاي روح يوصل بيها تعمل كده
فارس كله منك انت عمرك ماحسستها انك قادر تفرض رايك وانها هتبقي غصب عن اي حد رسمي في حياتك قدام الناس دي خافت تعرفك انها حامل امك توافق بيها مؤقتا بعدين تخليك تطلقها لما تخلف قالت مش هقوله غير لما احس انه قادر يفرض رايه علي امه
يوسف بدموع ووجع انا مش كده يا فارس انا لو كنت كده مكنتش اتجوزتها يمكن اه اتهورت شويه بس برود اختارتها هي وكنت هفرضها علي امي بلعافيه ولو موافقتش كنت هسبلها الدنيا كلها و اخد مراتي وامشي انا انهارده كنت فعلا هسيبلهم الدنيا وامشي واتعصبت بس انتوا جيتوا انا لو هموت مكنتش اتجوزت مني
فارس بتنهيده انت بتقولي انا ليه الكلام ده كله انا عارف انت ايه كويس وقولتلها بس هي حقها متحسش بكده ده دورك انت بقي وصح اللي هتقوله روح انا هنفذه ومش هاجي عليهااا خالص حتي لو عارف نيتك ايه انا دوري عملته تجاهك وقولتلها يوسف مش كده
يوسف يعني ايه يا فارس
فارس بحده يعني زي ماسمعت انا مش هاجي عليها مرضيتش تروح معاك مش هجبرها مش عايزاك الفتره دي مش هجبرها حقها هي بقي تختار مره بمزاجها هي عايزه ايه
يوسف يعني ايه يا فارس دي مراتي
فارس بحده انا قولت اللي عندي وخلصنا الكلمه دي جايه متاخر شويه كنت محتاج تقولها من اول يوم مش من دلوقتي
سعاد جات واكملت بخوف ودموع هي عامله ايه يابني طمني
يوسف بحده ودموع وانت فااارق معاااكي ايه اصلاااا مش خربتيها بسببك مراتي وابني في خطر ومش هسامحك يا امي لو حصلهم حاجه علشان انا حاولت بكل طاقتي اراضيكي وانتي بكل بساطه دمرتي حياتي
سعاد بدموع حضنته واكملت اخص عليك يا يوسف انا يابني اعمل فيك كل ده لا طبعا انا كنت فاكره نفسي صح و كنت ظلماها ومعرفهاش كويس فحكمت عليها اني مش عايزاها بس لما شوفتها لا بت طيبه وباين عليها جدعه وهتصونك كفايه مستغلتش حملها علشان تجبرك تفرضها عليا لا هي سكتت وسابتك تتصرف وتخليك تخليني اقبلها من غير حمل
شروق بحده هو انتي يا طنط بتقولي كده علشان هي حامل
سعاد بدموع لالالا ابداا والله يابنتي حتي لو بعد الشر بعد الشر حصل حاجه للي في بطنها انا عايزاها
فارس لما هي بقي تختار عايزاكم ولالا
يوسف بدموع فارس لو سمحت بلاش الطريقه دي
فارس بحده انت خبيت جوازكم فتره وامك رفضتها فتره هي بقي حقها تختار تعمل ايه
سعاد بدموع حقها يابني وكفايه اللي سمعته بس بردو انا عايزه اراضيها
شروق بدموع نطمن بس الاول
يوسف بدموع يارب يارب
وطلعت الدكتوره
فارس بقلق طمنينا يا دكتوره
يوسف بدموع وخوف طمنيني عليها الله يخليكي هي عامله ايه
الدكتوره الحمدلله قدرنا ننقذ الام ونوقف النزيف وهي والجنين بخير
فارس تنهد بارتياح واكمل الحمدلله ياارب الحمدلله
شروق بفرح الحمدلله نشكر ربنا
يوسف بفرح الحمدلله شكرا جداااا ربنا يخليكي يا دكتوره فرحتي قلبي والله طب هتمشي امتي كده
سعاد بفرح باذن الله انهارده مش كده يا وش السعد انتي
الدكتوره بحزن هي كويسه والبيبي كويس بس
يوسف بخوف بس ايه يا دكتوره
فارس بخوف الله يخليكي قولي مره واحده
الدكتوره بحزن انا قولت اطمنكم عليها الاول وهي بخير بس الضربه كانت قويه علي العمود الفقري وده سبب انها مش هتقدر تمشي علي رجلها الفتره دي للاسف بس هترجع تاني تمشي بلعلاج الطبيعي
شروق بعياط وصراخ ايييه يعني اختي اتشللللت ليييه هي عملت ايه تستااهل عليه كل ده
فارس حضنها واكمل بدموع بس بس اهدي ياحبيبتي ميصحش كده ده اعتراض يا شروق قدر الله ومشاء فعل وباذن الله هترجع تاني تمشي واحسن من الاول
يوسف بدموع ووجع هشوفها امتي
الدكتوره دلوقتي حالا ننقلها وشوفوها وخدوها انهارده عادي بس اهم حاجه نفسيتها دي اهم عامل في العلاج الطبيعي
سعاد حضنت ابنها واكملت بدموع حقك عليا يا يوسف حقك عليا يا حبيبي باذن الله مراتك هتبقي زي الفل قادر يا كريم تشفيها وتعافيها
الممرضه تقدروا تدخلولها نقلناها الاوضه
فارس بحزن يلا
في الاوضه
روح قاعده دموعها علي خدها وساكته وباصه للفراغ وحاطه ايدها علي بطنها
ودخلولها
شروق بدموع سلامتك يا نورعيني باذن الله هتبقي كويسه يا حبيبتي تجربه وهتخلص
يوسف قعد قدامها ومسك ايديها باسها ومال باس بطنها واكمل بدموع سلامتك يا حبيبتي حقك عليا يا نورعيني
روح فارس
فارس قعد من الناحيه التانيه ليها واكمل بحزن ايه يا حبيبتي
روح بصتله واكملت انت معايا مش كده
فارس طبطب علي ايديها واكمل اكيد معاكي قولتلك انا اخوكي الكبير
روح بدموع تمام وبصت قدامها ومن غير ماتوجه نظرها ليوسف اكملت طلقني
سعاد شهقت واكملت بدموع يطلقك ايه يابنتي ايه الكلام ده احنا اه غلطنا بس ربنا بيسامح وحقك عليا انا انا السبب انا اسفه يا بنتي
روح بوجع ودموع ماما انا مطلبتش منك اعتذار انتي زي امي ميصحش بس دي مشكله بيني وبين جوزي وانا مش هرتاح غير للحل ده
يوسف بحده ودموع انتي اتجننتي اطلق مين مش هيحصل حتي لو وقفتي علي شعر راسك انا مقدر الحاله اللي انتي فيها بس مش معني كده تيجي عليا وتظلميني وانتي عارفه اني بحبك
روح بدموع انا مش هقولك بتحبني قد ايه انا هقولك انت عملت علشااااني ايه يثبت الحب ده اصلا انا مبقتش بحس معاك بامان زي الاول ولا من ساعه ماحبيتك ارتاحت مره تقولي نتجوز عرفي مره رسمي في الضلمه وتخلي انسانه زباله زي مني تتكلم عن شرفي ومره كدب علياااا وتقولي خطوبه لييه يعني ليييه كل ده علشان حبيتك ياخي ملعون ابو الحب لو هيذل وملعون ابو قلبي لو فكر واشتاق للي يوجعه انا بسببك كنت هنتحر وعملت كل حاجه غلط واتجوزت من ورا اختي الكبيره واللي هي عندي امي اصلا وكسرت فرحتها بيا وفارس اللي قالي هتيجي تطلبني منه انا كنت بنت بنوت ومعززه مكرمه كنت المفروض اتاخد من بيتي لبيت جوزي في وسط كل الناااس مش انا يتقاااالي ايش عرفنا اللي في بطنك قبل الجواز ولا بعد انا عملت علشانك كل حاجه يا يوسف بس انت لا
يوسف بدموع ووجع ياااه للدرجه دي كل ده من جواكي ناحيتي ياروح اولا انا عملت كل حاجه علشان اكون معاكي واخرهم اني لما اتخنقت من طريقه امي جيت قولتلك يلا وهكتب عليكي ورسمي وجبتلك كل اصحابك واصحابي وشغلنا اغاني واتصورنا وفرحنا ولو عملت كده ومستنتش امي تخرج من العمليات ده علشان انا عايزك غصب عن اي حد وهفرضك عليها بلعافيه ولو صممت كنت هاخدك ونمشي خالص ولما كملت جوازي منك بردو علشان انا بحبك وانا بردو مفرحتش امي بيا ولا شافتني عريس مع اني ابنها الوحيد بس اختارت اكون معاكي ومبصتش لاي حد بس معقوله توصل بيكي تلعني قلبك اللي حبني يا روح ده انا برا بقول لفارس مندمتش ولو الزمن رجع بيا هتجوزها تاني وتالت انا عايزها وبحبها تالت حاجه بقي يا حبيبتي يا ام ابني ياللي معندكيش ثقه فيا انا مكنتش اعرف وغلاوتك انتي وابني انه كتب كتاب وخربت الدنيا وكنت همشي وامي اللي حطت ايدي في ايد عم خراا وكنت هقوم واتعصبت بس انتوا جيتوا ولما فارس قال انك حامل انا قلبي دخله فرحه غير طبيعيه ونسيت كل الموقف اللي انا فيه وخدتك في حضني لاني مش عامل للموضوع كله اي اعتبار اساسا وعارف نفسي مش هتجوز غيرك مفرقش معايا غير ان البنت اللي حبيتها واتمنيتها حامل فابني او بنتي ودي عندي كانت بلدنيا وبلنسبه للامان اللي انتي محستيهوش مش هلومك بس هقولك حقك انا معملتش موقف في موضوع مني يثبتلك ده قدامك بس من وراكي كنت عارف نفسي وواثق ان محدش غيرك هيشيل اسمي وطول العمر يا روح وبلنسبه للتليفون مني قالتلي ان هتتصور صوره بيه وتجيبوا لاكتر ولا اقل وادته ليها مقفول بس الكاميرا بتشتغل ولان مني عارفه حبي ليكي اكتر منك طلع موبايله وكتب قدامهم روح ففتح وظهرت صورتهم واكمل فعرفت اني اكيد هسميه باسمك ففتح معاها وعملت كل ده
سعاد بدموع ايوه يابنتي كل كلامه صح هو صمم عليكي اوي وزعق فيا كتير حتي انهارده فعلا والمصحف مكنش يعرف انه كتب كتاب فاكر خطوبه
روح بدموع تمام مقدره كل ده بس انا تعبانه واعصابي تعبانه يا يوسف وانت ملكش عندي غير اللي في بطني ولو كان عائق هنزله
يوسف بعصبيه انتي اتجننتي تنزلي مييين ومييين قالك اني هسمحلك اصلااا
روح بدموع فارس لو سمحت خدني ويلا
فارس بتنهيده علي راحتك
سعاد قعدت قدامها واكملت بدموع ابوس ايديكي يا بنتي سامحيني وتعالي بيتك وانا هحطك جوا عنيا ورحمه امك وابوكي يا بنتي علشان خاطري
روح مسحت دموعها واكملت بدموع يا امي قولتلك متعمليش كده انتي زي ماما خاطرك غالي بس انا تعبانه اوي انتي لو عندك بنت ترضي يحصلها اللي حصل ده
سعاد بدموع لا مرضاش ومن انهارده انتي بنتي ياروح ولو يوسف غلط في حقك انا اللي هقفله بس تعالي بيتك وسامحيني يابنتي وساعديني اصلح اللي فات واللي نتج عن غلطي انا مش يوسف خالص لو علي يوسف فمحبش غيرك ولا كان هيتجوز
روح بصت لفارس واكملت بدموع انت شايف ايه
فارس وطي لمستواها وباس ايديها واكمل بحب انا قولتلهم برا اللي انتي تقرريه انا هنفذه علطول ومفيش نقاش بس لو هتاخدي رايي وهتعملي بيه فا يوسف غلط اوي بس بيحاول يصلح ده وانا قولتلك انا عارفه كويس وبيحبك وانتي كمان بتحبيه مش هنكدب علي بعض فعلشان حبيب خالو اللي لسه مجاش ده نروح معاه ونعدي ونستحمل واللي جاي هيبقي احلي وهيجي اللي في بطنك وهيقوي علاقتكم اكتر
روح حضنته واكملت بدموع شكرا اوي يا فارس انا اول مره احس ان ليا ضهر بعد وفاه بابا لان حتي معشتش معاه كتير ربنا يخليك ليا يارب
يوسف الا معاملتيها لجوزك
فارس بضحك ملكش دعوه انت ومسح دموع روح وباس جبينها واكمل من غير شكر ده واجبي يا روح وانا معاكي للنهايه ويخليكي ليا يا حبيبتي وقام وقف واكمل ليوسف في عنيك انا مش هوصيك عليها اقسم بالله لو زعلتها حسابك معايا انا
يوسف بحب في قلبي مش عنيا بس وراح علشان يشيلها
روح بحده انت بتعمل ايه
يوسف شالها واكمل بشيلك علشان نروح يابنت المجانين مالك
روح ضربته في كتفه واكملت اتلللم هاا
يوسف بضحك اااه يابنت اللذينه انتي
سعاد بضحك والله عسل يابت ياروح
شروق بابتسامه حب خلي بالك من نفسك ومن حبيب خالتو هبقي اكلمك
يوسف بضحك يعني انتي حبيب خالتو وهو حبيب خالو غمز واكمل كده معناه انكم اخوات عيب في حقك يا دي برو
فارس بضحك والله مفرقتش كتير
شروق زغدته بايديها واكملت باحراج بس يا فارس اتلم
فارس بضحك حاضر يا حبيبتي
وفعلا ركبت روح مع يوسف العربيه هو وسعاد وشروق ركبت مع فارس ومشيوا
في عربيه يوسف
سعاد واحده واحده يا يوسف متجريش
يوسف عارف يا حبيبتي متخافيش
سعاد ارجعلك الكرسي ورا شويه علشان ضهرك يا حبيبتي
روح بتعب اه ياريت يا ماما معلش
وفعلا سعاد رجعته واكملت كده مرتاحه يا حبيبتي
روح بحب اه تسلمي يارب
————————————
في بيت ليلي وفهد
فهد دخل وقفل الباب واكمل بصوت عالي نسبيا ليلي بت فينك
ودخل الاوضه لقاها قاعده علي السرير ودموعها علي خدها
فهد بتنهيده قبل ما احرق بنزين كتير هو سؤال واحد انتي مصدقه ان لميس حامل
ليلي بضحك من بين دموعها حلوه دي لا ده سؤال حلو بس هجاوبك ومش هصدق ليه بقي مثلا سواء انت ولا هي بتقوموا من علي السجاده مثلا منتوا الاتنين زباله
فهد بحده ليلي اتكلمي عدل انا مش مضطر ابررلك حاجه ومع ذلك سبت الدنيا كلها وجيت اشرحلك قدري ده
ليلي بحده وهتفرق معاك ايييه افهمك صح من غلط وانت صح مش مضطر تبررلي لانك كلك علي بعضك متفرقليش يا معتز وهتطلقني ورجلك فوق رقبتك بس هي مسأله وقت وهتشوف ولو مطلقتنيش بلذوق هخلعك والمحاكم بينا سواء لميس حامل او غيرها مش هتفرق كتير مانتا عملت كده مع توب الارض ولو محملتش بس انت مقرف وعملت كده بردو
فهد مسك دراعها جامد واكمل بعصبيه خدي باااالك اني ابتديت ازهق من المحايله قولتلك اتنيلت غلطت وعاارف بس مش كل شويه تفكريني خلااص بغير من نفسي وده من ساعه ماتنيلت قاابلتك وكلمه طلاق دي لو اتقالت تاني هتزعلي وبلجامد يا ليلي
ليلي بحده انت اصلا مش مضطر تتغير ولا تبرر انا مش فارقلي كتييير
فهد بحده وانتي متقدريش تعاقبيني علي ماضي قبلك يا ليلي وخصوصا انك من ساعه مادخلتي حياتي اتغيرت وانتي عارفه كويس ان لميس كدابه
ليلي بدموع بصت في عنيه واكملت ماضيك قبلي اه طب لو مكانتش كدابه يا معتز ??
فهد سكت بحزن ووجع
ليلي بدموع وبحده شوفت سكت ازاي حتي انتي مش متاكد لانك مقرف
فهد بوجع ودموع بس محصلش ارجوكي متضغطيش عليا اكتر من كده
ليلي بدموع مفيش واحده ست تستاهل تتعامل بلطريقه دي من الراجل اللي حملت منه وشايله ابنه يا معتز مترميش غلطك علي لميس هي معملتش كده لوحدها ولا اجبرتك
فهد بحده ودموع قولتلك هي مش حامل قسما بالله مش حامل دي كدااابه وعايزه ترجعني وحش تاني فكانت بتجربني علشان اقولها انا مش بقرب ليكي فتقولي شوفت اديك اعترفت انك متغير بسس يعني بتوقعني
ليلي بدموع ولنفترض كلامك صح القرف ده كان بيحصل وخلاص وكل ما احاول اتخطاه ترجع تاني بكل بجاحه تفكرني
فهد بضيق نفخ يعني هو انا اللي فكرتك يا ليلي
ليلي بدموع برا يا معتز عايزه افضل لوحدي ومتفكرش عياطي ده حب فيك لااا و اوعي خيالك يصورلك كده انا بعيط لاني شايله اسمك وده كده غلط في حقي كست حتي لو مش مدياك حقك الشرعي فطريقه الحيوانات اللي مش بيهمها غير رغباتها دي انا مش قادره اقبلها وعايزاك تفتكر دايما انا مش بحبك ولا هحبك انا بحب فهد اللي مشفش ولا حب ولا حتي رفع عينه لبنت غير ليلي وميقدرش يخونها مهما حصل انا عارفه اني جيت عليه وظلمته وبسبي اتشرد هو وفارس واكيد شافوا كتير بس هتحايل عليه يسامحني وهيرضي
فهد قلبه وجعه اوي من كلامها وخاف اوييي واكمل بدموع يبخته و اكيد هيسامحك بس انتي هتسامحيه يا ليلي
ليلي بستغراب مش فاهمه
فهد بتوتر يعني هتسامحيه انه سابك كل ده
ليلي بدموع اه هسامحه لااني انا اللي جيت عليه وظلمته واديني ظلمته تاني لما اتجوزتك بس هو حبيبي الوحيد وانت هتطلقني ولما ربنا يجمعني بيه هتجوزه محدش غيره يستحق ليلي ولا حد غيره هيقرب مني واخلف منه وده وعد وعدته لنفسي من يوم ماحبيته
فهد بوجع ودموع اممم يعني انتي شايفه كده يا ليلي
ليلي بدموع ووجع اه وانا صدقتك ان لميس مش حامل يا معتز بس عموما دي حياتك وانت حر
فهد دموعه زادت واكمل تمام عن اذنك
ليلي بدموع رايح فين
فهد بوجع ودموع قلبي واجعني اوي وحاسس اني تعبان فا نازل شويه
ليلي بدموع و بقلق لا متنزلش وانت كده انت في العاده لما بتتخنق كنت بتعمل ايه
فهد بدموع زمان كنت بترمي في حضن حبيبتي واحكيلها هي او امي او اخويا بس بعدين فضلت عشر سنين معيطيش ولا بتهز ولما شوفتك رجعتي قلبي يحس تاني يا ليلي
ليلي بوجع انت كنت بتحب وعندك اخوات
معتز بدموع اه بحب واكمل بتوتر بس اخويا مهاجر
ليلي بدموع و كانت حلوه حبيبتك
فهد بص في عنيها بحب واكمل احلي البنات وكأن ربنا حط في وشها حلاوه الدنيا كلهاا
ليلي وراحت فين
فهد بتنهيده مليانه وجع اكمل بدموع دي بلذات مش هقدر اقولها بس كل اللي اقدر اقوله اني متاكد انها مش هتسامحني مهما يحصل
ليلي بدموع علشان خونتها طبعا
فهد بوجع اه بلظبط بس والله كان غصب عني الغضب والكره للبنات عموا قلبي بس اديني فوقت يا ليلي وبدعي ربنا يسامحني فانتي خلاص بقيتي مراتي سامحيني انتي كمان
ليلي مسحت دموعها وفتحت ايديها واكملت بحزن انا دلوقتي مراتك وحلالك احضني زي ماكنت بتحضن حبيبتك يا معتز ومتنزلش
فهد مترردش وحضنها وكأنه مصدق الكلمه دي منها وفضل يبكي بوجع حتي ليلي استغربت نبره صوته اللي مليانه وجع وندم
ليلي قعدت بيه علي السرير وهي لسه حضناه واكملت بدموع وهي بطبطب عليه بس بس اهدي كل ده جواك يا معتز
فهد بوجع ودموع. اكمل وهو في حضنها تعبان اوي يا ليلي اوي ومحتاجك جمبي علشان اقدر اتخطي كل ده انا حاسس ان الدنيا كلها عليا واني بحارب كل حاجه لوحدي ااه غلطت وغلط كبير بس والمصحف بحاول اصلحه واتغيرت كتير عن زمان انا من يوم ماشوفتك يا ليلي كان اخر يوم فيه معتز انتي دخلتي حياتي وقتلتيه وغيرتيني وحرمتي عليا بنات العالم كله معاداكي انا والله بحبك واكتر من كل الدنيا مش طالب غير فرصه
ليلي بدموع طبطبت عليه واكملت بعدين يا معتز الكلام ده تعرف انا اوقات بحس ان حنيه الدنيا فيك وانك مستحيل تبقي الشخص اللي انا شوفته معتدي علي بنت ده ومش فارقله عياطها بستغربك اوي لانك باين من جواك انك مش كده تبان قاسي اوي بس جواك لا فيه اسرار تانيه وغموض وحنيه وبحه صوتك مليانه وجع وندم
فهد بعيون حمره من الدموع اكمل ده حقيقي ومش طالب غير تصدقي اني اتغيرت
ليلي بتنهيده حزينه ربنا يسهل يا معتز
فهد اتعدل في حضنها وقرب منها اوي واكمل بحب عنيا يا ليلي مش عارفه تشوفي فيها العشق ليكي علشان تعرفي اني مش كداب
ليلي بصت في عنيه واكملت بتوتر من قربه قولتلك قبل كده بشوف فيهاا حب وكبير ليا بس انا بردو غصب عني
فهد بهيام انتي مش عايزه تدي نفسك فرصه اصلا تشوفي انتي رفضاني من جواكي ولالا يا ليلي وتعرفي ايه اكبر دليل
ليلي بتوتر ايه
فهد قرب اكتر وباسها بحب وهي اتوترت ودقات قلبها زادت بس بعدين اطمنت وتجاوبت معاه وحطت ايديها حوالين رقبته وهو شدها ليه اكتر ولاحظ عدم رفضها بس بعدين ابتدت تزقه عنها بخفه فبعد عنها واكملت بتوتر وهي بتتنفس انت ايه اللي انت عملته ده
فهد بحب باس خدها واكمل انتي مراتي انا مغلطش في اي حاجه يا ليلي
ليلي دقات قلبها زادت واكملت بدموع متحاولش تشدني ليك يا معتز
فهد بابتسامه حب انا معملتش حاجه اصلا يا ليلي المفروض انك متتهزيش طلما مش بتحبيني فرق معاكي ايه بقي
ليلي بتوتر ميخصكش المهم متقربش مني كده تاني انا مش هسمحلك
فهد قرب من وشها اكتر واكمل بحب من اول مره بوستك فيها في الشغل وانتي بتحاولي تداري مشاعرك عني يا ليلي انتي في حاجه بتشدك ليا وانتي مش راضيه تقتنعي
ليلي بتوتر من قربه اكملت لا طبعا وانسي الكلام ده انا بحب فهد وبس
فهد بحب مش فارقه كتير ومش هتعصب مهما قولتي عنه وباسها تااني بحب وبعد واكمل فكلامك ده مبيأثرش فيا نهائي
ليلي قامت من حضنه واكملت بتوتر انا رايحه احضر الغدا وانشر الغسيل
فهد فهم انها بتهرب منه فاكمل بضحك روحي يا ليلي
ليلي باحراج ماشي
فهد بس لما تيجي تنشري البسي الاسدال
ليلي من برا حاضر
————————————
في فيلا العامري
فارس اومال فين تولين يا داده
نفين تولين مع سيف بيتغدوا برا
فارس بتذكر ااه صح قالتلي
شروق انت زحمه المشاكل نستك حاجات كتير
فارس بخبث ضحك واكمل اه والله يا شوش بفتكر بلعافيه
شروق بحزن اممم تمام عن اذنك
نفين استني اتغدي يابنتي
شروق بحزن مليش نفس وطلعت
نفين بستغراب مالها يابني وفين روح
فارس روح كانت كتبت كتابها علي يوسف وراحت معاه بيته وهي انا عارف مالها سيبك منها دلوقتي
نفين بفرح يا الف نهار ابيض مبروك ليهم يارب عقبال مانفرح بعوضك يا فارس
فارس بحب اللهم امين يارب
نفين بعتاب بس اخص عليك يا فارس صالح البت
فارس بضحك والله حاضر انا قاصد اضايقها دلوقتي متقلقيش
نفين ربنا يسعدكم يارب
فارس وهو طالع اكمل امين يارب
ودخل الاوضه من غير مايتكلم بعدين لبس بدله انيقه جدا وحط ساعته والبرفيوم الخاص بيه
شروق اممم علي فين تكونش رايح تتجوز عليا علي كل اللي انت عامله ده
فارس بضحك لالا مش للدرجه دي انا معاايا ست البنات كلهم قومي غيري عندنا خطوبه
شروق بستغراب خطوبه .. خطوبه مين
فارس خطوبه واحد صاحبي انجزي يلا يا شروق هنتاخر
شروق تمام وقامت خدت فستان بكم بيبي لو مطرز من عند الصدر وطرحه نفس اللون ودخلت لبسته وطلعت حطت ميكاب ولفت الطرحه
فارس لفيها كويس شعرك كله طالع
شروق البندانه مش عارفه اظبطها
فارس قام وقف وراح ناحيتها وشال الطرحه نزلها علي كتفها ودخل كل شعرها البندانه كويس بعدين رفع الطرحه ولفها ليها بطريقه حلوه ورقيقه
شروق بتفاجئ جميله بس عرفت منين تعملها كده
فارس بضحك كنت بفضل اجرب في تولين علشان اقنعها تلبسها بس صممت علي انها هتلبسها لما تكون عارفه نفسها مش هتخلعها تاني فاتعلمت دي
شروق بحب تسلم ايدك يا حبيبي
فارس بحب تسلميلي انتي يا غاليه يلا ومسك ايديها ونزلوا وركبوا العربيه وبعد شويه وقفوا
شروق بستغراب وصلنا كده
فارس اه يلا انزلي وفتحلها باب العربيه وخدها ومشي
شروق باعجاب واو هو هيعمل خطوبته في اليخت ده
فارس بضحك اه ياستي العروسه بتحب البحر جدا فاصممت يتعمل وسط البحر
شروق بحب فكره جميله جداا مشاء الله
وطلعت اليخت وفارس طلع معاها ولما طلعوا اتحرك بيهم وكان مكون من دورين دور يخص السواق وده قافل علي نفسه دوره ومش بيطلع منه وفي كل اللي هيحتاجه ودور يخص فارس وشروق وفيه اوض وواسع جدا وشكله رائع وسلم يطلع اعلي اليخت مكان واسع فيه تربيزه وكرسين وكنب يقعدوا عليه علشان يشوفوا البحر مباشراا وكان مليان زينه وانواز والتربيزه عليها تورته كبيره جدااا عليها صوره شروق ومكتوب عليها كل سنه وانتي اجمل ما رأت عيني
شروق بستغراب فارس احنا فين انا مش فاهمه والراجل مشي بينا قبل مايجوا المعازيم والعرسان ده مفيش غيرنا في المكان الكبير جداا ده ازاي يعني
فارس بحب ادخلي الاوضه دي غيري وتعالي اوريكي حاجه في اخر دور
شروق بستغراب ليه وحش فستاني
فارس بضحك لا طبعا زي القمر بس يلا ادخلي بقي
شروق حاضر ودخلت الاوضه وانبهرت بشكلها وتصميها الرائع والوانها المتناسقه وشافت فستان محطوط علي السرير وحواليه ورد كتير فخدته ولبسته ووقفت انبهرت بشكلها كان فستان ابيض كتافه مرميه ومطرز ويلمع بشده وقصير لحد الركبه وسابت شعرها البني فاتح طويل لاخر ضهرها وعدلت المكياب بتاعها ووقفت منبهره بشكلها
شروق باعجاب ايه القمر ده اللي انا فيه بس المشكله اطلع بيه ازاي ده هو فارس اتجنن ده قصير وكتافه هاڤ شوردر وراحت عند الباب واكملت فارس
فارس جيه واكمل ايه يا حبيبتي
شروق بخجل حبيبي هو تحفه اوي بصراحه بس انا اتحجبت ولا نسيت مينفعش اطلع كده الناس تقول ايه
فارس بضحك افتحي يا شروق مين قالك حتي لو مش محجبه كنت هلبسهولك قدام حد ربنا يهديكي يابنتي اطلعي
شروق باحراج مكسوفه افتح صراحه
فارس بضحك يابنتي افتحي وخلصي هتشليني معاكي بجد
شروق فتحت واكملت باحراج ها ايه رايك
فارس انبهر واكمل بتصفير باعجاب وحب تخيلت هيبقي جميل اوي عليكي بس مش هيبقي تحفه كده ده حقيقي انتي اللي زودتيه جمال لما لبستيه
شروق بضحك علشان تعرف بس انك متجوزتش اي حد
فارس شالها بين ايديه واكمل بحب انا كده كده عارف
شروق بخجل يخربيتك نزلني نزلني حالا بتعمل ايه انت
فارس طلع بيها لفوق اليخت وهو بيضحك عليها ونزلها بهدوء واكمل بحب ها ايه رايك يا ست البنات
شروق بانبهار وااعجاب بصت علي كل حاجه والزينه والتورته وكانت مش قادره تصدق فاكملت بدموع فرح فارس انت منستش عيد ميلادي
فارس بحب تؤ تؤ انا انسي اي يوم الا اليوم ده مقدرش انساه اليوم اللي ربنا كتبلك فيه تيجي الدنيا علشان احبك من وانتي صغيره خالص وتكبري يجمعني بيكي تاني وتبقي مراتي ومسك ايديها باسها واكمل ده انا بعتبره يوم ميلادي معاكي يا شروق لان حياتي قبل وجودك مكانتش حياه و مش محسوبه
شروق بحب حضنته جامد واكملت بدموع مكنتش غلط لما قولتلك اني احسنت الاختيار لما حبيتك يافارس كنت فين كل السنين دي كنت محتجالك اوي انا كنت بنسي عيد ميلادي كتير ومش بحتفل اصلا بس من يوم منتا دخلت حياتي وانا كل يوم بنسبالي عيد وفرح بوجودك انتي دايما بتحبني وتفرحني و تقولي انيي حلوه وست البنات وبتحققلي كل اللي بتمناه بس منعرفش اني بحلو بوجودك يا فارس من يوم منتا بقيت في حياتي بس الدنيا كلها احلوت في عيني اتمنيتك فكل صلاه وكل عيد ميلاد وحقيقي انت احلي واغلي هديه من ربنا واحلي واغلي هديه فكل حياتي وده احسن عيد ميلاد عدي بيا علشان انت معاايا فيه وفي حضني وكمان شايله اسمك انا مكنتش عايزه حاجه غير كده بس لما حصل بقيت اتمني امنيه تانيه اني اخلف منك ومش هعوز حاجه تاني من الدنيا
فارس باس جبينهاا وخدها في حضنه واكمل كل سنه وانتي حبيبتي وامي واختي وصاحبتي ومراتي وكل ماليا زي منتي اتمنتيني انا كل صلاه وكل عيد ميلاد اتمنيتك ياشروق ومش عايز غير تفضلي في حضني العمركله ونجيب اطفال وحياتنا تستقر ونعمل اسره تانيه وبوجودك ده هيحصل تعرفي احنا علاقتنا ببعض حلوة اووي بجد علاقتنا دي اللي بيبقى فيها الطرفين مقتنعين تماما ان مهما اتخانقو ومهما حصل بينهم خلاف ومشاكل مش هيبعدو عن بعض ومش هتنتهي القصة بفراق وكل واحد في حاله عارفين ان مهما بعدو بيقربو تاني خلافاتهم بتقوي علاقتهم ببعض مش بتضعفها حاطين لنفسهم حدود في البعد كأنهم في دايرة حالفة ماتنتهي غير بيهم سوا وبرغم كل المشاكل اللي جوا الدايرة الا انهم ف كل مرة ملهومش غير بعض اللي مهما واجهتهم مشاكل كبيرة او صغيرة ف الاخر حبهم بيكسب وبيقوى مش بيتدمر في كل مرة بيتخانقو ويبعدو طرف منهم بيتنازل وبيقرب وانا وانتي كده يا شروق ودايما ومن زمان حد يتنازل ويصالح التاني من صغرنا المهم منبعدش وفي امان حسينه احنا الاتنين وعارفين ان مهما حصل مش هنبعد وهو شويه زعل وكده كده احنا علي قلب بعض وثقتنا في بعض كبيره اوي ودي عندي بلدنيا كلها انا لو قولتلك بحبك قد ايه اكيد مش هوفي بلكلام بس فعلا انا بحبك اكتر من اي حاجه في الدنيا يا شروق كل سنه وانتي اطيب واجمل قلب عرفته في حياتي يابختي بيكي ويبختي انك مراتي حقيقي بتشرف بكوني اخدتك وجمعت فيكي كل حظ الدنيا وربنا عوضني بيكي بعد تعب كنتي نهايه مفرحه لطريق كله تعب ياشروق
شروق باست خده واكملت بحب وهي في حضنه ولسه دي بدايه وهنشوف كتير بس بردو هنفضل يا فارس وحقيقي انا اللي يبختي بيك لما بصحي من النوم والاقيك في حضني بفضل ابص للسما واحمد ربنا علي فضله ونعمته العظيمه بقوله ادتني زي ماتمنيت واكتر يارب وكل سنه وانت حبيبي وصاحبي واخويا وجوزي وكل دنيتي يا فارس حقيقي فرحتي بللي عملتوا ده وحبي ليك مش عارفه اطلع كلام يعبر عنهم بس انا هطير من الفرحه
فارس باس ايديها بحب ووقفوا مع بعض واحتفلوا بعيد ميلادها وشروق اتمنت امنيه وطفت الشمعه وقطعت من الكيكه واكلت فارس
فارس وهو بياكل خد منها الكيكه واكلها واكمل بحب كل سنه وانتي طيبه ومعايا يا حبيبتي
شروق بحب وفرح وانت معايا يا حبيبي
فارس بحب ها اتمنيتي ايه المره دي منا معاكي
شروق بضحك اممم وحضنته واكملت اتمنيت افضل هنا في حضنك طول عمري واجيب نسخه منك
فارس شالها بين ايديه واكمل بضحك بس كده عنيا الاولي محلوله التانيه هنفكر في حلها حالا
شروق بضحك فارس اتلم واحترم نفسك ونزلني
فارس نزل بيها ودخل اوضتهم ونزلها واكمل اهو يا ست البنات
شروق بحب تسلملي ايوه كده محترم
فارس شد وسطها ليه واكمل بحب لا منا قررت مفيش محترم تاني خلاص
شروق بضحك بس بس انت هتاخدوني في دوكه ليه فين هديه عيد ميلادي
فارس بضحك ااه هتشتغلي علي كده تمام ماشي وطلع من الدولاب علبه واكمل بحب ها ست شروق كانت طالبه مني ايه
شروق بفرح لا متقولش جبت السلسله الدهب اللي عليها فارس
فارس بضحك ذكيه ولماحه
شروق بفرح والله العظيم جبتها
فارس فتح العلبه وطلع السلسله واكمل بحب اهو ياست شروق وكبيره مش صغيره علشان تعرفي بس
شروق بفرح واااو تحفه بجد لبسهالي حالا
فارس بحب عنيا ولفت شروق ورفعت شعرها ولبسهالها وباس رقبتها وحضنها من ضهرها وهي حطت ايديها علي ايديه
فارس بضحك مع ان فوق كنت انا هديتك بس دلوقتي علشان تتحججي عايزه الهديه ها مش مفروض نحقق امنيتك بقي ولا ايه ولا في حجج تانيه
شروق لفتله واكملت بحب وخجل لا خلاص مفيش حجج تانيه خلاص
فارس بضحك قولي والله
شروق ضحكت واكملت بخجل والله
فارس قرب منها وباسها بحب وهي حطت ايديها حوالين رقبته بخجل فشدها ليه اكتر بعدين هديت نوعا ما ونزلت ايدها رمت جاكته و فكت زراير قميصه وهو ابتدي يسحب السوسته اللي علي ضهرها واحده واحده
وبعد شويه اصبحت شروق زوجا له شرعا وقانونا
شروق وهي نايمه علي صدره العاري اكملت بحب شكرا علي كل حاجه يا فارس بجد
فارس ضمها ليه اكتر واكمل بحب ده شكرا علي وجودك انتي في حياتي وبعدين انا مبحبش تشكريني علي حاجه سبق وقولتلك احنا واحد
شروق غمضت عنيها بفرح واكملت ده اكيد حقيقي فرحتي السنه دي غير اي سنه
فارس باس راسها واكمل بضحك يااه يا شروق اخيرا رضيتي عليا ده انا حااسس عجائب الدنيا السبعه بقيوا تمانيه
شروق بضحك ضربته علي صدره واكلمت فارس اتلم بجد
فارس بضحك الله مش مراتي خلاص اقول اللي انا عايزو وباس خدها
شروق بحب طبعا مراتك دي احلي حقيقه في حياتي اصلا
فارس بحب ربنا مايحرمني منك بجد يا شروق
شروق بحب ولا منك يا نورعين شروق
وضمها لحضنه اكتر وناموا بسعاده
————————————
في فيلا يوسف وتحديدا في اوضه يوسف وروح
يوسف جاب صنيه الاكل ودخل واكمل بحب يلا يا حبيبتي تاكلي علشان ادويتك
روح بتعب مش عايزه يا يوسف
يوسف بحب مش هينفع يا حبيبي انتي مكالتيش من الصبح ورجعتي كتير
روح بضيق مااقولت لا يا يوسف معدتي تعباني
يوسف معلشان مش واكله حاجه بصي لو مش علشانك تعالي علي نفسك علشان اللي في بطنك
روح تنهدت بحزن واكملت تمام
يوسف بحب ايوه كده حبيبتي الشاطره وبدا يأكلها بعدين اداها دواها وشربها مايه وشالها بين ايديه
يوسف يلا بقي ناخد شاور
روح بتوتر شاور لمين انت اتجننت
يوسف بضحك لمراتي القمر لمين يعني
روح بحده نزلني يا قليل الادب يا حيوان حالا انا مش هتنيل اخد شاور
يوسف بهدوء طب انا مش عايز ازعقلك ف اتلمي واحترمي نفسك وصوتك ميعلاش تاني وطبعا لازم تاخدي شاور انتي نزفتي ولا نسيتي
روح بحده لا مش هتديني انت شاور اكملت بصراااخ ماااااما يا ماااما
سعاد بخوف ايه يا روح في ايه يابنتي بتصرخي ليه
يوسف بضحك بعتدي عليها
روح ضربته في صدره واكملت اتلم يا قليل الادب انت
سعاد بضحك ينيلك بت بتصرخي ليه صحيح علشان شايلك متخافيش ده اخره علشان البيبي كده كده
يوسف بضحك لا مش كده طبعااا انتي فهمتي ايه يا حجه انا عاوزها تاخد شاور وهي مش راضيه انا اخليها تاخده
روح بدموع شايف قله ادبك خلت ماما تقول ايه نزلني وبطل بجد قله ادب انت بتستغل اني مشلوله صح
يوسف بضحك يا حول الله يارب بستغل ايه يابنتي انتي هبله ولا عبيطه وبعدين انا اللي ناديت علي ماما ولا انتي ليه محسساني اني هغتصبك كده مش هساعدك في الشاور
سعاد بضحك يخربيتك اتربي ايه اللي بتقوله لمراتك ده
روح بدموع تصدق انك فعلا متربتش اوعي نزلني اوووعي
يوسف بضحك اصل بصراحه يا ماما هتشلني بدماغها الناشفه دي بتفكر ازاي دي مراتي وام ابني يعني مش شايف سبب لكسوف ليله الفرح اللي هي عايشه فيه ده
سعاد بضحك معلش يا حبيبي مخادتش لسه عليك
روح بدموع شايف هي مقدره ازاي وانت قليل الادب ازاي
يوسف بضحك باس خدها واكمل حقك عليا يا ست البنات خلاص بقي تعبت من شيلتك تخنتي
روح ضربته علي كتفه واكملت بحده مين اللي تخنت هااا
يوسف بضحك اااه اااه يخربيتك خلاص بهزر
روح طب نزلني وماما تساعدني في الشاور
سعاد بضحك خلاص اطلع انت يا يوسف
يوسف بضحك اقسم بالله مايحصل الكلام ده انتي هتعيشي دور حماتي انا ليه اطلعي منها كده يا ست الكل
سعاد بضحك ياواد اتربي ميصحش كده
يوسف مراتي يا ست الكل فبراحتي
روح حطت ايديها علي رقبته واكملت بحب يوسف
يوسف بحب ياخرابي علي يوسف السكر دي قلب يوسف والمصحف اؤمري يا عمري
روح بحب ينفع تسبني وماما تساعدني
يوسف بحب والله ما هيحصل بس حتي لو كنت هسيبك بعد التسبيل ده مستحيل انسي
سعاد بضحك ربنا يسعدكم يابني يارب وتقوملنا بالف سلامه ياروح يارب
يوسف بحب اللهم امين يارب
روح بضيق يعني مفيش حاجه نافعه معاك خالص
يوسف بضحك بلظبط كده يلا يا ست الكل شرفتي الشويه دول
سعاد بضحك نازله ومعلش يا روحي خليها عليكي زي جوزك بردو
وطلعت وقفلت
يوسف وهو داخل اكمل بضحك بقي بتسلميني تسليم اهالي وبتنادي علي امي اديني نفذت اللي في دماغي بردو وقعدها علي رخامه الحمام ومسك تيشرتها
روح باحراج لالا بتعمل ايه
يوسف بضحك مالك يا حبيبتي هتاخدي شاور بيه مثلا
روح بتوتر لا بس بس غمض عنيك النور شغال يا يوسف
يوسف بضحك طب وفيها ايه مش فاهم هطفي النور مثلا اشوف ازاي
روح باحراج يووووسف
يوسف بضحك ياللي دماغك مش سالكه اقصد اشوف علشان اساعدك في الشاور ازاي مش ذمبي انك مش سالكه
روح بتوتر اه منا عارفه وغمضت عنيها وهي بتترعش
يوسف بحب ممكن تهدي مفيش حاجه خالص علي فكره عارف انك مش واخده عليا لسه بس انا جوزك يا روح متخافيش مني كده
روح بتقطيع ت ت تمام
يوسف بضحك يخربيتك يا شيخه اشحال مكنش اللي في بطنك ابني يعني كنتي هتعملي ايه وقرب باسها بحب وهي مغمضه فاهي فتحت عنيها من الخضه بعدين سند جبينه علي جبينها واكمل بحب وهمس اهدي تمام مفيش اي حاجه
روح بحب هديت
وبدا يوسف في نزع هدومها وشالها وحطها في البانيو اللي مليان مايه ورجع ضهرها لورا وغسلها شعرها حلو جدا بعدين خلص كل الشاور وشالها من البانيو وحطها علي الرخامه ونشفها وجاب بيجامه مكونه من شورت وبدي كات ولبسها وشالها حطها في السرير وجاب مشت وتوكه وسرح شعرها ولمهولها ضفيره ونيمها في حضنه واكمل بحب وهو بيطبطب عليها ها بقيتي احسن
روح وهي مغمضه امممم جدااا
يوسف باس جبينها وخدها في حضنه ونام
————————————
عند فهد وليلي
ليلي خلصت الغدا واتغدوا وشربوا القهوه فروقت الشقه بعدين لبست الاسدال تنشر الغسيل
ووقفت تنشر وجيه فهد حضنها من ضهرها
ليلي بخضه خضتني يا معتز
فهد بضحك حقك عليا بس مش كفاياكي بقي تعبتي اوي في البيت انهارده
ليلي خلاص اهو بنشر وخلاص
تحت البيت
احد الرجال الو يا لميس هانم هو موجود في شقه في المقطم الدور الرابع وفي بنت معاه بتنشر غسيل
لميس بستغراااب وصدمه بنت بنت مين
الراجل الحقيقه مش قادر اعرفها هي مين مشوفتهاش قبل كده
لميس بتفكير شعرها احمر طيب ?
الراجل لا محجبه
لميس بصدمه محجبه هو معتز هيعرف محجابين طب ازاي بقولك ايه تعرف تصورهم
الراجل اه
لميس بسرعه صورها وابعتلي حالا
الراجل فتح الكاميرا وصورهم وليلي في حضن فهد وبييوس راسها
وبعتها
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
