رواية اتفاقية زواج الفصل الخامس 5 بقلم حبيبة
رواية اتفاقية زواج البارت الخامس
رواية اتفاقية زواج الجزء الخامس
رواية اتفاقية زواج الحلقة الخامسة
مديره الميتم: اهلا يا استاذ فهمي اتفضل
انكل فهمي: ازاي حضرتك كنت جاي عشان اشوف تاج
مديره الميتم: ايوا طبعا اتفضل
فهمي: مش جاي لوحدي معيا نور بنت صديقي وهيه بتحب الاطفال وجايه عشان تشوفهم
مديره الميتم: اه طبعا اتفضلي
—دخلت ولقيت اطفال كتير اووي ولقيت المديره جابت تاج وجت طبعا اول ما شوفتو جريت عليه وحضنتو وفضلت اعيط بس انكل فهمي فضل يهديني شويه عشان المديره متخدش بالها اني اعرف تاج
اتنهدت وفضلت قاعده واخده تاج في حضني وانكل فهمي طلب من المديره تسبنا شويه
نور: وحشتني اووي يا تاج
اوعدك هحاول اعمل ايه حاجه عشان ارجعك ليا
مش هسيبك هنا…
انكل فهمي: متزعليش يا بنتي انشاء الله هنلاقي حل
……
—يا نور يا بنتي وقت الزياره خلص
نور: بس ملحقتش اقعد معاه
انكل فهمي: معلش يا بنتي هنيجي تاني
اتنهدت واخدت تاج في حضني جامد وفضلت اشم ريحتو وجت الداده اخدتو مني وقفتها وطلبت منها تهتم بتاج وانا هديها المبلغ اللي تطلبو وطلعت فلوس واديتهالها وطلبت منها تيجبلو انضف انوع اللبن والبامبرز وانضف الهدوم وطبعا اديت مبلغ للمديره الميتم كا تبرع يعني ومشيت انا وانكل فهمي..
وصلت البيت وجريت اترميت علي السرير وفضلت اعيط لحد ما نمت.
بعد شويه صحيت علي الباب بيخبط ف خرجت وشوفت لقيت سيف
نور: سيف خير في حاجه؟؟؟
سيف: جاي اطمن عليكي… قصدي علي تاج وجبت معيا بيتزا عارف انك بتحبيها
—بصيتلو باستغراب بس معلقتش لاني بصراحه كنت جعانه ف اخدتها منو وقعدنا اكلنا
نور: رحت شوفت تاج انهارده
سيف: بجد طب لي مقولتليش
نور: لانو انكل فهمي كلمني وقالي انو اشوفو في الميتم من الفرحة نسيت اقولك
سيف: طيب ينفع اروح اشوفو
نور: هقول لانكل فهمي ونروح
سيف: تمام
فضلت ابص عليها وعلي ملامحها الحزينه وشكلها البريئ اللي زي الاطفال بس الحزن غطي عليه وحسيت بشعور غريب جوايا بس فضلت اقول لنفسي….. فوق يا سيف هيه عمرها ما هتحبك هيه منسيتش انك كنت عاوز تاخد حقها وقولت عليها فاشله واهنتها فوق
قطع تفكيري صوت نور وهيه بتنادي عليا
سيف.. يا سييييف
—هااا ايوا
نور: كنت سرحان في اي؟؟
سيف: لا ولا حاجه
نور: طيب…. شكرا علي البيتزا
سيف: العفو
طيب انا هامشي بقا واشوفك بكره في الشركه
نور: ماشي.
تاني يوم الصبح صحيت وجهزت ونزلت كالعاده رحت الشركه
واليوم عدي وروحت البيت رتبتو ودخلت اخدت شاور وببص لقيت انو انكل فهمي رن خمس مرات
ف رحت رنيت عليه
—الو ايوا يا انكل فهمي معلش مسمعتش الفون
—ازيك يا بنتي مش مشكله بس كنت عاوزك في حاجه مهمه
—خير يا انكل اتفضل
—مش هينفع علي الفون هبعتلك اللوكيشن وتيجي علي هناك
—حاضر يا انكل
طبعا رحت لبست واخدت عربيتي ورحت
وصلت علي المكان اللي انكل فهمي قالي عليه
لقيتو واقف مستنيني
نور: خير يا انكل في ايه؟؟…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتفاقية زواج)
تعليق واحد