رواية ابن السلطان الفصل الأول 1 بقلم سارة عاطف

رواية ابن السلطان البارت الأول

رواية ابن السلطان الجزء الأول

رواية ابن السلطان الحلقة الأولى

= خالتى ، خالتى
* ايوة ي حبيبتى انا هنا اهو
= هنا فين !
سامعة صوتها من بعيد عرفت انها ف اوضتها ، دخلت وفعلا كانت هناك
قاعدة تخيط لبسها
= معقولة ي خالتى دى انتى خيطيها مليون مرة قبل كدا !
ابتسمت برضا
طيب اى رايك لو ننزل نشترى حتة قماش وتعمليها او اعملهالك انا !؟
* لا ي بنتى ده انا عايزة اشترى مكنه غير دى دى بقيت قديمة اوى
= يا خالتى متشليش هم
* مشلش هم ازاى … نفسي ي هبة افرح بيكى واجبلك كل إلى نفسك فيه زى بنات الحارة
قمت لفيت حواليها وحضنتها من ضهرها
= بكرة اتخرج واخد الليسانس واشتغل ونشترى مكنة جديدة ونجيب كل إلى نفسنا فيه
* ربنا يوفقك ي بنتى
= انا نفسي بس ننكس البيت إلى قرب يقع علينا ده
* ربنا يستر ي هبة
لما طلعت للدنيا ملقتش غيرها يرعينى ويخاف عليا ، رافضت تتجوز بس مش علشانى او ف الاول كنت فاهمة كدا لحد ما وقعت ف قصة حب وانا فى مرحلة المراهقة
* بقالك كام يوم مش عجبانى مش ناوية تحكى ليا ف ايه ؟!
كنت مكسوفة منها ، مش عارفة هى هتفهم إلى هحكيه ولا لاء
= بحب ، سكتت وكأنها عارفة
بس جه من يومين كدا قالى اننا صغيرين وان الحب ده للكبار وانه نفسه يكون مهندس وسمعت انهم هيمشوا من الحارة بكرة
* ادهم ؟
= ايوة
* انتى يدوب عندك ١٥ سنه لسه قدامك عمرك ياما هتقابلى ناس تقربي منهم وتبعدى عنهم او هم يبعدو عنك
= المفروض اعمل اى ؟
* ذاكرى ركزى ف مستقبلك يابنتى حب اى دلوقتى محدش عارف الدنيا مخبية لينا اى تانى
= مخبية اى يعنى اى !
بدأت تحكى ليا عن زمان…
كان يوم صعب ، كان متعود ولدك يسافر وفى وقت سفره مات كل الناس اللي ف القطار نزلوا الا هو كان آخر نفس يتنفسه يخرج وميرجعش تانى … !
بعدها ولدتك رجعت لبيت جدك بعد شهر واحد من موت ولدك ، كانت الحياة صعبة وقتها كانت اللقمة بتتقسم علينا ، كانت حامل فيكى وجيتى انتى للدنيا ومشيت ولدتك منها يمكن لو كنا روحنا الوحدة الصحية ولحقنها كان زمانها كويسة ومعانا بس كله بأمر الله
… وقتها سألتها ليه متجوزتش ؟
* علشان حبيت
بصيت ف ذهول
ضحكت وعينه دمعت
اصل ي بنتى الحب ده صعب، يجى حد يدخل قلبك كدا و تحبيه
= بس زمان يا خالتى !
* مكنش فيه ايوة ، تعرفي انه كان ابن الجيران برضو
= واى حصل ؟
* كنت ابص من الشيش إلى برة ده وكان يشوفنى ف دكانه ابوه ، إلى هى دكانه عمك رجب دلوقتى
= اااه كملى
حطت ايدها ع خدها
* شاورلى ابتسمت جدك شافنى وهو معدى
طلع هنا وكسر عضمى حرمت افتح الشيش وفضل يجوا عرسان ويمشوا عرسان وانا اقولهم لا وكل لا بضربة حلوة … راح اتقدم
= إلى كنتى بتحبيه !؟
* ايوة وجدتك موفقش ، كان قلبى فرحان لما عرفت انه قاعد برة ف صالة بتنا … الله يسمحه بقا
= بس ليه مكملتيش حياتك الحياة مبتقفش ع حد
* بتقف ي بنتى لو حبيتى من قلبك بتقف ،وكان هو بيحبك من قلبه الحياة فعلا بتقف وهو ده الشخص إلى حياتى وقفت علشانه
= وراح فين ؟!
* سنتين قاعدهم هنا ومشي ، وسمعت انه مات بعد كدا
= طب أتجوز يا خالتى ؟
* لا هو كمان متجوزش
= قالك بحبك ؟
* ضحكت ومسحت دموعها
ايوة كنت على سطح البيت باكل الحمام فوق جدك كان يربيه وينزل يبيعه ،طلع لحد هناك وقالى ي هناء انا بحبك
= كدا مرة واحدة!
* كان راجل دوغري مكنش ليه ف الف والدوران
= هو جدى كان رفض ليه !
* فقير كان شايف انه هيزودنى فقر ع فقري وجوع ع جوعى
= وده كان صح ؟
* لا حتى امك كانت شايفة ان ده صح علشان كدا اتجوزت ابوكى كان غنى اوى وتاجر كبير هو واخوه بس بعد موته رموكى ورموا امك ف الشارع
انا فاكرة اليوم ده كويس جدك رجع وهو مكسور وقال بالحرف ان الدنيا مش مضمونة
وقتها فهمت واتاكد ان الحب ده مش لينا مش للناس الفقيرة الى زيينا احنا بنقضي باقى عشانا نوم احناهنا مجرد ضيوف ، ضيوف ف الدنيا وضيوف ع إلى فيها …
من اليوم ده بقيت اقرب حد ليا اقرب من نفسي كمان … ودايما تفضلنى عليها ف اكل ولبس وكل شئ …
دخلت ثانوى وجامعة اختارت أدرس لغة فرنسية … واتعلمت اشتغل على مكنة الخياطة زي خالتى وبقينا بنعمل هدوم الحارة كلها ونصلحها لو فيها عيوب … كنت بحلم باليوم إلى اشتغل فيها واريحها من كل ده …
* هتنزلى كدا من غير فطار !
= هاكل ف الجامعة ي خالتى
* وهو ده اكل ،،، ده انتى يومك طويل …
= معلش ي خالتى
نزلت ع السلم اجرى علشان الحقى محاضراتى
عمرى ما اتأخرت عن الكلية… كانت اول مرة…!
لحقت الاتوبيس ع اخر لحظة ،،، كان ف شاب جميل قاعد ع الكرسي قام بكل ذوق وطلب منى اقعد ووقف هو وسط الزحمة فضل يبص عليا ومركز اوى كان حاله مبهدل الجزمة عليها تراب وقميصه مكرمش وبنطلونه كأنه بقاله سنين كتير عليه … ! لكن شكله وملامحه وعيونه ،كان جميل حتى ابتسامته لطيفة ومريحة نزلت من الاتوبيس ع باب الجامعة وهو نزل ورايا وفضل يندهنى فضلت امشي بسرعة لحد الباب
– يا انسة يا انسة يا استاذة
وقفت عند الباب
= ايوة
– الكشكول …
بصيت ف ايده ،،، كان كشكولى تقريبا وقع منى وانا بنزل ومختش بالى
= متشكرة اوى
ابتسم وسبته ودخلت الجامعة … لحقت اول محاضرة روحت بعد اليوم الطويل
= خالتى الحقينى باى اكل هموت من الجوع
* قولتلك ، بعد كدا هعملك سندوتشات تاخديها معاكى
= هو انا لسه طفلة ي خالتى !
* ف عينى انتى لسه طفلة
= طيب امسكى دول
مديت ايدى
* اى دول !؟
= دى قماشة ليكى يا خالتى
* ليا !
= انتى نسبتى النهاردة عيد الام كل سنة وانتى طيبة
* وجبتى فلوسها منين ؟
= كنت بحوش وكل عيد ام كنت بجيب حاجة قليلة لكن المرة دى صممت اجيب حاجة احسن
* والتانية دى لمين ؟
= ل خالتى ام فريد كانت موصيانى اجبلها قماش علشان تفصلهم وتلبسهم ع فرح فريد ابنها
* عقبال ما افرح بيكى يا هبة
= قوليلى بقا مين اختار اسم هبة ده !؟
* انا كان نفسي اسمى بنتى هبة
حضتنتها جامد
= قوليلى بقا تحبى افصلهالك ازاى !؟
فضلنا نفكر ونقول هنعمل حته القماش دى ازاى علشان مش كل يوم بنجيب كان نفسي افصلها حلو وافرحها كنا بناكل ونحكى زى كل يوم
قطع كلامنا الباب إلى خبط … مرة واحدة
* اقعدى كملى اكلك
فتحت لقت ابن عمى رجب
* عايز اى ي أحمد
^ قولى ل ابلة هبة ان ف تليفون علشانها
* تليفون !؟
= تليفون من مين ياحمد؟
^ مش عارفة ي ابلة هبة بس هو قال ل ابويا اسمك كامل وقالى اطلعك وانده عليكى
نزلت انا وخالتى مش ب العادة يجى لينا تليفون احنا إلى ننزل نكلم خالتى إلى متجوزة ف بلد بعيدة وعمرها مكلمتنا هى
= متقلقيش ي خالتى اكيد خالتى ابتسام
* ربنا يستر ويكونوا بخير
نزلنا الدكانة عند عمى رجب ….