رواية إمتلاك بالإجبار الفصل الثالث والثلاثون 33 بقلم هاجر عبدالحليم

رواية إمتلاك بالإجبار الجزء الثالث والثلاثون

رواية إمتلاك بالإجبار البارت الثالث والثلاثون

رواية إمتلاك بالإجبار الحلقة الثالثة والثلاثون

فى اوضة جاسر وعيون
جاسر فتح عينه لقا عيون سرحانة وبصة فى السقف
جاسر:عيون
عيون بصتله وقالت:ايوة
جاسر:لسة كلام ستى معلق فى دماغك
عيون:ايوة للاسف مش قادرة اشيله من دماغى
جاسر:طب قومى غيرى خلينا ننزل
عيون:رايح السبوع انهردة مش كدة
جاسر:ايوة رايح وانتى هتيجى معايا جنة نفسها تشوفك
عيون:ماشى
طق طق
جاسر بصوت عالى:ايوة
يسرية:فى واحدة تحت عايزة تشوفك ياسيدى
جاسر باستغراب:واحدة مين دى يايسرية
يسرية:لما تنزل ياسيدى هتعرف هى على العموم مستنياك تحت
جاسر:ماشى يايسرية
عيون بغيرة:انا هنزل اشوف مين يالهوى لو اللى فى دماغى صح قسما بالله منا قاعدالك فيها
جاسر:قومى ياعيون بطلى هبل
عيون:انت شايفنى بشد فشعرى علشان تقولى هبلة ثم انا معايا حق اكيد ستى جيبالك واحدة علشان خاطر تتجوزها
جاسر:طب لو فردنا ان دى حقيقة يهمك فى ايه
عيون:انت عايز تجنننى ياجاسر
جاسر:لا انا عايزك تعقلى قولتلك انى مش هتجوز عليكى…يبقى خلاص تسكتى ومتتكلميش فى الموضوع تانى…انا هنزل اشوف مين
عيون:جاية معاك
جاسر:تعالى ياعيون
فى الصالة
ايات:السلام عليكم
الكل:وعليكم السلام
فاطمة:خارجة ولا ايه ياايات
ايات:ايوة ياستى…بس مش هتاخر…مين العسل دى ياستى انا اول مرة اشوفها
فاطمة:دى تبقى سما اقرب واحدة لجاسر تقدرى تقولى صديقة طفولته
ايات:اه تشرفنا
سما:الشرف ليا انا…ستى انا زهقت هو مش ناوى ينزل ولا ايه…مش معقولة كل دة نايم
ايات:انا همشى علشان سليم مستنى عن اذنكم
ومشيت
شوية عيون وجاسر نزلوا
جاسر بصدمة:سما
سما جريت عليه وحضنته وقالت:وحشتنى موت ياجاسر.كدة متسالش عليا طول المدة دى….يعنى لولا ستى كلمتنى وقالتلى على اللى حصل مكنتش هتعبرنى
عيون:انتى مين بقا ياقطة
سما:قطة…ليه شايفانى بنونو ولا ايه…جاسر تعرف من ساعت معرفت بخبر جوازك اتضايقت موت وقررت مجيش مصر خالص بس بعد مستى قالتلى على الخبر اللى فرحنى فعلا قولت لازم اجى على مصر…جاسر انا موافقة نتجوز واوعدك انى هجيبلك الولد اللى نفسك فيه
عيون بصريخ:هو ايه اللى بيحصل هنا بالظبط…جواز ايه…الكلام دة مش ممكن يحصل الا على موتى…جاسر متتكلم انت ساكت ليه
فاطمة:مينفعش يتكلم انا خلاص قررت وهو اللى لازم ينفذ
جاسر بعصبية:انا مش قولتلك ان موضوع الجواز دة تشيليه من دماغك خالص….وبعدين من امتى الموضوع دة كان فى دماغك…انتى ازاى تفكرى انى ممكن اتجوز على عيون
سما:جاسر الشرع حلل كذا واحدة…وبعدين انا موافقة انى ادخل على ضرة..وهقبل انها تشاركنى فيك على الرغم ان دة مصدر عذاب ليا
عيون بغيرة:جاسر ابعد البت دى عنى…والله العظيم نفسى اضربها…تدخلى على مين ياحيلاتها انتى شاربة ستروكس قبل متيجى هنا ولا ايه طب فكرى كدة تقربى من جاسر وانتى مش هتاخدى جاجة غير الشبشب
جاسر فرح علشان عيون غارت عليه
سما:جاسر انت بتضحك عليه…وبعدين انت ازاى تتجوز واحدة شوارعية كدة
جاسر بعصبية:اتلمى ياسما احسلك….انتى ف بيتى فهتاخدى واجب الضيافة وتمشى وبعدين انت جاية مخصوص من امريكا علشان خاطر الموضوع دة
سما:انت عارف ياجاسر انى بحبك بس انت روحت واتجوت…واول لما ماتت قفلت قلبك بس روحت واتجوزت تانى انا لو كنت اعرف كدة كنت جيت وقربت من بسملة علشان خاطر تتجوزنى
فاطمة:جاسر عيون دى لازم تتطلقها يااما تقبل ان سما تبقى مراتك…وانت اكيد هتعرف تعدل ما بينهم تعرف لو معملتش كدة لسانى مش هيخاطب لسانك مهما حصل
جاسر بعصبية:ستى هو مش لاوى دراع…جواز مش هتجوز…واللى عايزة تعمليه اعمليه
وشد ايد عيون وطلعوا فى الاوضة
فى العربية
ايات:احنا هنروح فين
سليم:مش عايز اسمع منك كلام عقبال منوصل…متقلقيش مش هخطفك
ايات:انت بتعمل معايا كدة ليه
سليم بصلها وقال:علشان احنا صحاب…وانا شايفاك ف محنة ولازم اساعدك
ايات:دة مش سبب مقنع يخليك تساعدنى
سليم:ياستى بالنسبالى مقنع….بصى ياايات من الاخر كدة احنا هنتجوز عايشة تعيشى فى القصر موافق عايزانى اجيبلك شقة برده موافق…..وبالنسبة لاهلى مش هيفرقوا معايا كتير…انا عارف اقنعهم ازاى…ومعلش من ساعت م العزبى دة عمل اللى عمله وانا خايف عليكى…مش هطمن الا وانتى ف بيتى…وعارف هتقولى ايه امى لسة ميته ومش هقدر اعمل فرح…خلاص هكتب كتابى عليكى وهخلى الفرح فى اى وقت تانى..وهيحصل اشهار وهعرف الناس كلها ان سليم الصمدى هيتجوز اظن كدة جاوبتك على كل اسالتك
ايات:انا فعلا كنت هسالك…بس انت خلاص جاوبتنى….يعنى هو احنا رايحين عند اهلك
سليم:ايوة رايحين عند اهلى..وممكن بقا تتضحكى علشان شكلك وحش وانتى زعلانة
ايات:حاضر
فى قصر الصمدى
ايات:انا حاسة ان التاريخ بيعيد نفسه تانى
سليم:مش فاهم قصدك
ايات:ولا حاجة…هو احنا بنعمل ايه هنا
سليم:هتعرفى دلوقتى اهم حاجة تفضلى ساكتة وتسيبينى انا اتكلم
ايات:ماشى
فى فلة الالفى
عيون بعياط:لا انا لازم امشى من هنا دى خلاص جابتلك العروسة وتعالى هنا انت ازاى متقوليش انك كنت بتحب واحدة زمان
جاسر ببرود:وانتى مالك..ملكيش حق تحاسبينى على حاجة عملتها قبل معرفك
عيون:لا ياجاسر وبعدين سما دى لازم تخرج من هنا….والا انا اللى هخرج
جاسر قرب منها وقال:طب متقوليها وريحينى
عيون ضربته ف صدره وقالت:ايوة بحبك ارتحت كدة
جاسر بفرحة:حاسس ان الدنيا بتضحكلى من جديد علشان انتى السبب..وبعدين موضوع سما هيخلص متقلقيش
عيون:ازاى هيخلص وستى مصممة انك تتجوزهاد…بس الاول مين سما دى
جاسر:دى واحدة كنت بحبها بس حب مراهقين…يعنى اختفا من زمان….بس معرفش ليه ستى عملت كدة…معقول حوار الخلفة بفرق معاها للدرجادى
عيون:ايوة طبعا يفرق معاها…بس انا معنديش استعداد ان ضرة تدخل عليا ياريت تفهم كدة
جاسر:فاهم ياعيون قلبى
وشد وسطها ليه وقال:هو انتى حلوة انهردة كدة ليه
عيون:لا ياشيخ…كل بعقلى حلاوة
جاسر:لحد امتى قسما بالله انا على اخرى..متخلصينى بقا وقوليلى موافقة
عيون:موافقة على ايه
جاسر شالها وقال:تعالى اقولك
شالها وحطها على السرير
عيون:جاسر انا خايفة هو ايه اللى هيحصل
جاسر:متخافيش طول منا جمبك
وقرب منها جاى يبوسها بس اللى منعه
طق طق
يسرية:الحقنى ياسيدى الست فاطمة شكلها تعبان اوى اغمى عليها ومش عايزة تفوق
فى قصر الصمدى
عادل:برده عملت اللى فى دماغك وجيبتها
سليم:بابا انا بحبها…لو سمحت انا نفسى افرح معاكم…ايه عايز يحصلى زى اللى حصل لمومن
عادل:بعد الشر عنك ليه كدة بس يبنى…خلاص طالما عايز تتجوزها يبقى على بركة الله….بس ياريت تقنع اختك علشان شكلها مش هتجيبها لبر
سليم حضن ابوه وقال:انا بحبك اوى وان شاء الله تكون ايات زى بنتك واكتر
عادل:انا عايز كتب الكتاب يبقى بكرة
سليم:بس يابابا ليه بدرى اوى كدة…بس بينى وبينك كدة احسن…ياريت تبلغ ماما ان كتب الكتاب هيبقى عند جاسر وبعد كدة هاخدها واجيبها على هنا وياريت كمان تنزل فى الجرايد ان سليم الصمدى اتجوز طبعا علشان حضرتك عارف ان والدة ايات ماتت
عادل ضحك وقال:ماشى ياسليم ولا يهمك اهم حاجة اشوفك مبسوط
فى نادى ما
مارينا:انتى بتقولى ايه معقولة كتب كتاب سليم بكرة…وانتوا ازاى توافقوا على المهزلة دى للدرجادى مش فارق معاكم مشاعرى
سمر:يابنتى اخوكى دماغوا ناشفة لو ابوكى رفض كان ببساطة هيسيب البيت واحنا مش عايزين كدة
مارينا:طب ميسيب البيت ويمشى ايه اللى هجيرا يعنى ماما انا مش هخلى ايات تطلع لسانها ليا ابدا…..والله العظيم مهخليها تتهنى بسليم لحظة
سمر:اغزى الشيطان يامارينا مش ناقصين مشاكل مع اخوكى
مارينا:اقفلى ياامى…علشان الصراحة انا على اخرى سلام
فى العربية
سليم:انتى اكيد مستغربة علشان ابويا وافق بالسهولة دى مش كدة
ايات:الصراحة اه مستغربة هو انت تقدر تسيب البيت وتبقى معتمد على نفسك
سليم:انا كدة فعلا انا فاتح صيدلية باسمى…والحمد لله شغالة كويس ياما بابا طلب منى اقفلها واجى اشتغل معاه فى الشركة بس انا الصراحة اللى كنت رافض
ايات ضحكت وقالت:حاجة حلوة اوى انك تعتمد على نفسك..ومش تستنى حد يساعدك
سليم:ايات هو انتى زعلانة منى
ايات:لا ازعل منك ليه هو انت عملت حاجة تزعلنى
سليم:علشان رفعت ايدى عليكى سامحينى ياايات والله عقلى كان مش موجود
ايات:خلاص ياسليم انا مش زعلانة
سليم مسك ايدها وقال:ربنا بخليكى ليا
ايات اتوترت وبعدت ايدها بسرعة هو حس انه اتسرع فبص للطريق ومتكملش تانى
فى قصر الالفى
فى اوضة جاسر وعيون
عيون بصريخ:طلقناااااى خلاص قررت تتجوز…دى اكيد ضحكت علينا وفهمتك انها تعبانة علشان توافق وتتجوز وفعلا خطتها نجحت وانت اهو عايش تتجوز عليا
جاسر جاى يقرب بس عيون منعته وقالت:انا دلوقتى محرمة عليك اوعى تقرب منى
جاسر:انتى عبيطة يعنى ايه محرمة عليا…..وبعدين ستى بتموت دى كانت بتترعش تحت ايدى…من حقها تكون عايزة ابن لحفيدها
عيون بعياط:يبقى طلقنى انت واحد انانى…انا سهل عليا اعيش فى الشارع بس لا يمكن اعيش معاك وانت متجوز عليا
جاسر قرب منها وشد دراعها جامد:تعرفى لو سمعتك بتقولى سيرة الطلاق دى مرة تانية على لسانك هعرفك مين هو جاسر الالفى على حق…وبعدين لو حصل الامر واتجوزت سما مش هجور على حقك
عيون بعياط:انت ليه مش حاسس بيا
جاسر:صدقينى حاسس بيكى
ومسك ايدها وباسها وقال:صدقينى الوضع دة مش هيستمر كتير…انت اللى هتفضلى ف قلبى لاخر نفس فى عمرى
عيون بعياط:جاسر اوعى تتجوز عليا…انت ليه مش مقتنع ان دى حاجة بتاعت ربنا…انا مليش يد فيها….انت ليه بتعاقبنى…جاسر انا بحبك…مش هستحمل اغمض عينى واتخيل ان فى واحدة ف حضنك دلوقتى والله الفكرة نفسها بتقتلنى لا الموت عندى اهون جاسر روح قولها انك رافض صدقنى هى كويسة وبتضحك عليم
جاسر حضنها جامد وقال بحنية:عيون اوعى تبعدى عنى…صدقينى مش عارف اعمل ايه….ستى دى انتى متعرفيش هى بالنسبالى ايه…انا حسيت ان روحى بتتسحب منى وانا شايفها تعبانة وبتترعش بين ايديا افهمينى ياعيون
عيون:مش عايزة افهم حاجة وبعدين ابعد عنى انا مش قولتلك انك لو عملت كدة هتحرم عليك اوعى
جت تبعد هو شدها ليه تانى وهمس فى ودانها وقال:انتى حلالى وحقى مش متحرمة عليا
عيون بعدت عنه وقالت:انا عارفة ان ستك بتحبها اكتر منى…ممكن تدوس عليا وعلى مشاعرى علشان خاطرها..ماشى ياجاسر روح خلف من سما واعمل حسابك ان باب الاوضة دى مش هتدخلها ابدا
جاسر:نعم ياختى يعنى ايه الكلام دة ان شاء الله
عيون:يعنى من اول بكرة هتلاقى هدومك فى اوضة الضيوف انا رايي توضبها وتخليها اوضتك انت والهانم التانية…..انت بجد اثبتلى انك عيل
جاسر ضربها قلم وقال بزعيق:عيون…انتى جرا لعقلك حاجة….بصى ياعيون انا مقدر وضعك اعملى كل اللى يريحك لكن طلاق مش هطلق وورينى هتعملى ايه
وفتح الباب وخرج ايات شافته وراحت عند عيون لقيتها قاعدة على السرير عمالة بتعيط
ايات جربت عليها وحضنتها وقال:فى ايه ياعيون ايه اللى حصل
عيون:حاسر خلاص قرر انه عايز يتجوز سته اللى كنت هعتبرها زى امى واكتر عصيته عليا فهمته انها تعبانة..ولو اى حد قرر يزعلها ممكن السكر والضغط بعلو عندها وممكن كمان يحصلها جلطة يمكن تروح فيها…انا بستحيل اشوفه مع واحدة تانية وهو مش عايز يطلقنى لو حصلت اهرب من هنا هعمل كدة
ايات بصدمة:استعيذى بالله ياعيون…ايه الكلام دة هروب ايه بس…اهدى ياحبيتى وان شاء الله الموضوع هيتحل…جاسر بيحبك وانتى الوحيدة اللى ف قلبه وجوازه اكيد مجبور عليه علشان خاطر سته
عيون::انا هروح اكلم سته حالا دلوقتى مش هقبل اشوف نظرة الشماتة فى عيون الزفتة سما
ايات بفرحة:يعنى انا كدة كتب كتابى اتاجل
عيون:هو امتى
ايات:بكرة
عيون:وهيتاجل ليه…انتى مالك اصلا دى مشكلتى انا مش مشكلتك
ايات:ربنا يهدى سرك ياعيون
عيون:يارب