رواية إغتصاب ولكن بدافع الحب الفصل الثاني 2 بقلم إسراء علي

رواية إغتصاب ولكن بدافع الحب الجزء الثاني

رواية إغتصاب ولكن بدافع الحب البارت الثاني

رواية إغتصاب ولكن بدافع الحب الحلقة الثانية

مايا: ياسمين لازم نمشي من هنا حالاً
ياسمين: ليه بس حصل أي..؟
مايا : لما نخرج ح ابقى أقولك مش وقت أسئلة
ياسمين : طيب ماشي
أخدتها من ايديها وكانت مايا بتمشي بسرعة لغاية ما خرجو من المطعم
مايا: اسكتي يابت يا ياسمين مش شفت الواد حمادة قاعد مع صحابو شوية بس وكان ح يشوفني
ياسمين : حمادة مين؟
مايا : حمادة يا بت صاحب علاء اللي كنت بزوغ معاه من المدرسة واتفصلت بسببو كمان
ياسمين : ايوة عرفت عرفت طب مانتي شفتي حمادة هو انتي شفتي علاء معاه ولا اي ؟
مايا : كل المقاطيع كانو قاعدين وطبعاً ح يكونو عارفين ان الامتحانات خلصت الليلة ما كانوش ح يسيبوني و ح يصرو يخرجونا معاهم
ياسمين : هو انتي بعد ما ارتبطتي انتي وأمجد ما قطعتيش علاقتك معاهم ولا اي؟
مايا : يا بنت اقطع اي واسيب اي عموما انا بطلت اكلم اي واحد فيهم بس علاء كان بيتصل عليا كذا مرة أيام الامتحانات عشان يعرف عملت اي بس انا ما رديتش عليه
ياسمين : يا فرحتي يا ختي … مايا يا بنتي انتي لازم تكوني واضحة وصريحة وتقطعي علاقتك مع علاء وشلتو عشان لو قابلتيهم تاني ما تتوتريش كدا وتخلينا نسيب المكان ونجري زي العاملين مصيبة كدا
مايا : والله عندك حق يا بت
ياسمين: وبعدين تعالي هنا مش انتي قولتي لي انك مش شايفة حد في الدنيا غير أمجد وبتحبيه اووي و…و…. ليه عايزة تخلي في حياتك ناس تانيين
مايا : خلاص يا ياسمينا لو علاء اتصل عليا تاني ح اقولو اللي بينا خلص على كدا ح انهي معاه كل حاجة
ياسمين: ايوة بقى هو دا الكلام المظبوط
مايا: ربنا يخليك ليا يا مستشاري العاطفي يا جميل انت
ياسمين: رفعت الجلسة يلا نشوف لينا مطعم تاني انا عصافير بطني بتصوصو اووي
مايا : في مطعم قريب من هنا بيعمل بيتزا جامدة نضرب لنا بيتزا؟
ياسمين: نضرب لينا عشرين بيتزا المهم اكل يا بنتي
………………………… …………………………………………….
واحدة في المواصلات كانت بتتكلم مع حد وكان بيوصف لها مكان عشان ح تنزل فيه البنت دي كان اسمها ايمان
ايمان : ايوة عرفت طب ح انزل فين بالضبط؟
………
ايمان : لا انا كدا اتلغبطت اوي ياعمي اوصف لي من جديد
……….
رصيدي ح يخلص يا ايمان ممكن ترجعي لي افهمك
ايمان : طيب تمام ، الخط قطعت وهي كانت بتحاول تتصل من تلفونها بس اكتشفت ان هي كمان ما عندهاش رصيد
ايمان : ينهار اسود هو الرصيد بتاعي راح فين دلوقتي اكيد مودة خلصت عليه يخربيتها طب انا اعمل اي دلوقتي انا مش عارفة السكة لسه
ايمان بصت حواليها لقت جنبها ولد لابس نضارة وحاطط السماعات في ودنو باين عليه تقيل ووسيم برضو
ايمان: اكلم الواد الجامد دا ولا ح ينفض لي مانا مضطرة اعمل اي بس( بصوت رقيق ) إحم لو سمحت يا أخ ممكن اعمل مكالمة من تلفونك ؟ أصل رصيدي خلص والمكالمة دي ضرورية جدا
الولد 🙁 بص لها وهو لابس نضارة الشمس بعدها ابتسم ابتسامة باردة وقلع النضارة وقالها بصوت واطي ) اقولك على سر
ايمان: أي مش سامعة والله
الولد :(قرب منها شوية وردد الكلام ببطء) اقولك .. على .. سر
ايمان: ( بابتسامة ) أي
الولد: ما بحبش كلمة أخ دي بصراحة
ايمان : (ضحكت بصوت واطي) طب اقولك اي
الولد : مرتضى ، هو دا اسمي يااا…. (اشر بصباعو ناحيتها)
ايمان : انا ايمان اسمي ايمان
مرتضى: اممم، ايمان قولتي لي جميل ايمان ، اتفضلي التلفون يا ايمان (ومد ليها التلفون )
ايمان: (في سرها ) اي الواد دا بس دا خلاني اقول لو على اسمي في ثانية
ايمان اتصلت على النمرة من تلفون مرتضى ووصف لها المكان اللي ح تنزل فيه وبعدين قفلت السكة
ايمان :(وهي بتمد التلفون ) بجد ميرسي اووي يا مرتضى انا بشكرك لمساعدتك ليا دي
مرتضى: لو بتشكريني فعلاً كنت تسجلي لي نمرتك أصلي حاسس اني عايز أكلمك
ايمان: ( في سرها) اي دااااا هي وصلت لنمرتي طب اعمل اي بس الواد دا باين عليه غامض بس عاجبني اووي طيب انا ح اديه نمرتي ولو قل ادبو معايا ساعتها مافيش حاجة ح تشفع له أبداً
ايمان: اي دا عايز نمرة تلفوني ليه؟
مرتضى: ( بابتسامة ساحرة ) مانا قلتها من شوية حاسس اني ح اكلمك ومش ح اقدر اكلمك من غيرها
ايمان : هاه هي اي ؟
مرتضى: نمرة تلفونك ( وهو بمد التلفون لإيمان)
ايمان:(مسكت التلفون ) طيب حاضر (وسجلت النمرة على تلفون مرتضى )
مرتضى:(اخد التلفون منها و رن عليها ) شفتي الرقم الجميل دا هو رقمي يلا مع السلامة انا ح انزل هنا
ايمان :(بتفاجؤ) اي دا بجد نازل هنا؟
مرتضى: (بابتسامة ) انا فوت محطتي عشانك بس مضطر انزل هنا عشان ما ابعدش اوي (مد ايده) فرصة سعيدة يا ايمان
ايمان: (صافحته) انا اسعد يا مرتضى
بعدها مرتضى نزل من الميكروباص ايمان حست انو اخد قلبها وراح 😂 بس حاولت تتجاهل الاحساس دا بسرعة
ايمان :(في سرها) انتي مجنونة يا بت دا انتي شفتيه ما بقالكيش ربع ساعة اي جو وحشني وحاسة انو خطف قلبي … اااه يخربيت جمالو
بعدها بحوالي ١٠ دقايق ايمان نزلت في المكان المحدد ومشيت في شارع طوويل لغاية ما لقت بيت على اول الشارع كدا لونو ازرق
ايمان : بدون ما اتأكد حسب الوصف والالوان هو دا البيت
بعد شوية طلع راجل اربعيني كدا من البيت وهو بيرش الشجر اللي قدام البيت
ايمان: عموووو (مشيت على الراجل ) ازيك يا عموو واحشني
العم : اهلا اهلا ببنت اخويا الغالي تعالي في حضن عمك يا ايمان
ايمان (حضنت عمها ) والله واحشني اوي اوي يا عمو كنت مشغولة اوي بالجامعة لدرجة اني ما لحقتش ابارك لك البيت الجديد
العم: ولا يهمك يا بنتي انا مقدر انك مشغولة مع الدراسة ربنا يعينك،.. بس ماشاء الله عليكي عرفتي الوصف
ايمان: ماهو المكان كان واضح والبيت باين عليه جميل ماشاء الله ربنا يبارك لكم فيه انت ومراتك
العم: امين يا رب ربنا يخليكي ليا يا حبيبة عموو،.. ادخلي جوة مراتي نعمة مستنياكي
ايمان: دي واحشاني اوي والله ح ادخل لها
وايمان دخلت جوة البيت
…………………………………….. .. . . . . …………….
ياسمين ومايا بعد ما اكلو البيتزا وشربو معاها مشروب غازي
ياسمين : يا سلاااام البيتزا دي نزلت في قلبي مش في بطني
مايا: يولاااا قلبك مافيش حد فيه غير البيتزا والنبي انتي غلبانة يابت XD
ياسمين : اعمل اي كانت حلوة بشكل خلتني احبها
مايا : طب ياستي ابقى اطلبي ايدها بعدين ماشي (تتثاءب) تصدقي ان انا عايزة انام دلوقت
ياسمين : اصدقك والله ماحنا امبارح ساهرنا لغاية الساعة ٣ صباحا
مايا : كلو بسبب الزفت الرياضيات وياريت كنا حلينا عدل كلو محصل بعضو
ياسمين: اه والله يا بت ياريتنا كنا نايمين بدل السهرة اللي جات ع الفاضي دي
مايا : ع الفاضي ليه ما احنا رغينا شوية في حبيب قلبي مجودة ^^
ياسمين : ايوة صح السهرة كانت برعاية مايا اللي واقعة في حب أمجد
مايا: اتريقي يا استاذة … بس قولي لي مافيش حد انتي واقعة في دباديبو؟
ياسمين: مانا قلتلك على حب الطفولة احمد ابن عمتي
مايا : يا بنتي حب الطفولة دا ما بيأكلش عيش دا غير انو ناسييكي من اصلو
ياسمين : اهو قلبي وما يريد يا ستي
مايا : والنبي قلبك دا هو اللي جايبك لورا بلا خيبة
ياسمين: سيبك مني دلوقت ح نعمل اي احنا ؟
مايا: حاسة اني عايزة انام وبس وعايزة انام في بيتنا كمان
ياسمين : بيتكم مين ياختي ؟ انتي مش بايتة معايا النهاردة كمان؟
مايا: والله ما قادرة يا بت سيبيني ارتاح لي كم يوم و بعدها ح اطب عليكي في بيتكم
ياسمين: طب وحاجاتك اللي عندي مش عايزاها ؟
مايا: خليها ح ابقى اجي اخدها يوم تاني
ياسمين : يعني قلبك ح يطاوعك تسيبني الليلة انام لوحدي ؟🥺
مايا : بلاش صعبانيات ياختي قلت لك كم يوم و ح انط لك في البيت
ياسمين : وليه بقى كم يوم ؟
مايا: عايزة اغسل هدومي يابت ما عنديش ولا حتة غيار نضيف دا غير ماما اللي عايزاني اخلص الليلة قبل بكرة عشان اساعدها في البيت
ياسمين: انتي تساعدني طنط في البيت يا بت مش عليا لو قلتي لي على ملك اختك اصدق بس انتي استحالة طبعاً
مايا : ماشي يا ست ابقى طبي عليا بعد يومين في و ح تلاقيني بقيت مرمطون البيت تمام
ياسمين: ماشي ياختي بس انا مش مصدقاكي
مايا : بس يابت يلا بينا على بيوتنا
…………………………………………………………………………
– ايمان حبيبتي وحشتيني
ايمان: ازيك يا طنط نعمة والله انتي واحشاني اكتر
نعمة : يا سلام طب ليه ما جيتيش عندي البيت ولو مرة واحدة بعد ما عزلت؟
ايمان: غصب عني والله الجامعة والامتحانات مانتي عارفة
نعمة : ايوة عارفة كدا انتي ليكي عذرك يا ستي ، طمنيني امك عاملة اي وازي مودة اختك كلكم بخير ؟ صحيح هي ما جتش معاكي ليه
ايمان : كلهم بخير الحمد لله ، اصل مودة بعافية شوية
نعمة: سلامتها الف سلامة ربنا يشفيها يارب
ايمان : الله يسلمك عنها التهاب خفيف كدا
نعمة: ربنا يعافيها (تأشر علي غرفة ) ادخلي هنا يا حبيبتي غيري همومك وارتاحي تلاقيكي تعبتي من المشوار
ايمان : هو انا جاية مشي مانا ركبت مواصلات
نعمة : بطلي لماضة يابت وروحي ارتاحي
ايمان: ماشي يا نعمة يا طعمة انتي ( باستها في خدها )
نعمة :(بضحك) اه منك يا بكاشة ، والله ليكي وحشة يا حبيبتي
…………………………………………………………………………………….
ياسمين ومايا ركبت المواصلات مع بعض وما راجعين لبيوتهم مايا حاطة راسها على كتف ياسمين
مايا: لما تيجي المحطة بتاعتي قولي لي حاسة اني ح انام حرفياا
ياسمين : صحصحي يا ست محطتك قربت
مايا: بتقتلي المتعة ليه بس (رفعت راسها ) احنا فين دلوقت
ياسمين : والله ما هاين عليا اسيبك تمشي بس رأفةً بهدومك اللي قربت تعفن دي روحي والقلب داعي لك
مايا : ما تقوليها في ميكروفون يابت خلي الناس كلها تعرف احنا هدومي مش نضيفة يخربيتك
ياسمين : (تضحك ) ماهي دي الحقيقة ولا ح تنكري
مايا : الحقيقة انك ح توحشيني يلا انا ح انزل هنا( مايا ودعت ياسمين ) يلا يا حب اشوفك قريب ان شاء الله
ياسمين : وانتي كمان يا قلبي ح توحشيني والله (تبوسها) يلا سلمي لي علي طنط وملك وماجد
مايا : حاضر يا ياسمينو يوصل
نزلت مايا من المواصلات وكانت ياسمين متابعاها لغاية ما نزلت شاورت لها ومايا برضو شاورت لياسمين ومشيت
أثناء ما كانت مايا ماشية في الطريق فكرت تروح تسلم على أمجد هو ابن جيرانهم وعندهم محل بتاع اثاثات جنبهم ابوهم متوفي واللي بيديرو المحل هو وأخوه الكبير
مايا : أما اروح اسلم عليه اصلو واحشني اوي اوي
مايا راحت باتجاه المعرض بتاع الاثاثات دخلت من الباب وشوفت بنت قاعدة مع أمجد في المكتب بتاعو واحد كان بيتكلم معاها وهو قاعد يبتسم
مايا: يخربيتك ، هو دا اللي مشغول ومش ح اقدر اخرجك ماشي يا امجد
مايا اتجهت عليهم وهما في المكتب ووقفت قدام أمجد، وامجد شافها
أمجد: ( بفرحة ) مايا .. ازيك ؟
مايا :(بغضب ) كويسة ازيك انت (وهي بتبص للبت اللي معاه )
أمجد: انا كمان كويس الحمد لله استأذنك شوية بس اخلص مع الزبونة دي وح اجي
مايا : لا وعلى اي خليكم قاعدين انا اللي ح اروح (وضربت على درج المكتب وراحت بزعل)
امجد:(بصوت واطي)يخربيت غيرتها عسل يا مايا(يوجه كلامو للزبونة) اقري شروط العقد يا فندم ولما تكوني جاهزة للتوقيع وقعي على طول عن اذنك بس شوية وراجع
(وراح لاحق مايا)
أمجد: مايا استني يا بت مالك في اي
مايا : لا ولا حاجة قمت وسبت الزبونة دي تجي برضو؟
أمجد: دا انا اسيب رئيس الجمهورية واجي لك انت يا جميل مالك بس زعلانة ليه
مايا : كنت جاية اسلم عليك ولقيتك بتلطف في الجو مع البت الي معاك
أمجد: يا ستي دي زبونة والله جاية تشتري أوضة سفرة واوضة نوم ولولا ان جوزها أو الراجل اللي ح يتجوزها مع العمال في الشقة بتاعتهم كنتي ح تلاقيهم الاتنين سوا مش انا وهي
مايا( بابتسامة ) ماشي يا حبيبي عقبالنا كدا لما نشتري عفش بيتنا
أمجد: ( بصوت عالي ) ياخرابي بحبك يابت بحبك
مايا: وانا كمان بحبك يلا روح شوف الزبونة وانا ح اقابلك بعدين
أمجد : ليه بس ما تستني شوية لغاية اما اخلص معاها
مايا: نعسانة وتعبانة ومافيياش حيل استنى .. ح ابقى اقابلك بعدين يا حبيبي ماشي يلا
أمجد: طيب يا قلبي ماشي
………………… …………………………………………………………..
ياسمين نزلت من المواصلات وكانت رايحة باتجاه بيتهم
ياسمين : ااه من التعب انا كمان ح انام زييك يا مايا كويس اننا ما خرجناش ورجعنا بيوتنا ( تتثاءب) ااه يا ربي
دخلت من باب البيت لقت الباب مفتوح وشوفت شنطة قدام الباب
ياسمين: اي دا مين اللي جيه من السفر ؟ .ياسمين كانت ماشية جوة البيت بعدها شافت قدامها
– الناس اللي خلصت امتحانات
ياسمين رفعت راسها وشوفت مين اللي بيكلمها فجأة حست انها قلبها وقف ودقاتو زايدة
ياسمين: اي دا…. دا هوو