رواية إذا ناداك الحب الفصل الثاني 2 بقلم سلمى سعيد
رواية إذا ناداك الحب الجزء الثاني
رواية إذا ناداك الحب البارت الثاني
رواية إذا ناداك الحب الحلقة الثانية
ياسين: يا انسه..فوقي يا انسه
جميلة اغمي عليها رغم ان ياسين لحقها بسرعة
ياسين: حد يجيب دكتور بسرعة دي قطعة النفس
شال ياسن جميلة ودخل الفيلا، طبعا امير وصحابه كانوا سامعين كل حاجة بس قبل ما يخرجو كان حراس ياسين قدمهم
ياسين بغضب: انت بتبص على ايه يا حيوان انت وهو، حسابكم معايا بعدين وخصوصا انت يا امير
دخل ياسين اوضته اللي في المزرعة و حط البنت على السرير، راح جاب فوط عشان ينشف نفسه
: لا لا لا لا
ياسين : يا انسه..يا انسه انتي كويسه
بعد الشعر عن وشها وبدا ينشفها، وهو مش مركز مع وشها خالص
ياسين: يا ترى انتي ايه اللي رماكي قدمهم
فجاة ياسين رجع افتكر اللي أمير عمله، غطة البنت وقفل الباب و طلع برا
ياسين : مين فيكم بقي صاحب الفكرة العظيمة دي
امير بتوتر: انت فاهم غلط يا ياسين انا هفهمك..انت بتعمل ايه
ياسين : لا ابدا بشمر بس عشان الدم
حسن : دم ايه
ياسين مردش، بس غفلهم لما شد امجد تحت دراعة لانه اقرب واحد جنبه
ياسين: لو انتو فاكرين ان اللي انتو بتعملوه دا هيعدى،فاحب اقولكم ان انتو عيال برياله ومتعرفوش تمن اللي انتو عملتوا ده ثمنه ايه
حسن بخوف: والله محد قربلها ولا لمسها
ياسين: دا انت تحمد ربنا على ده، لان لو كان حصل للبنت دي حاجة كنت هحبسكم واولكم ابني عمي العزيز..ايه يا امير مش سامع صوتك يعني
امير: انت ملكش تحسبني على فكرة ، دي حياتي الشخصية
ياسين: وحياة امك، دا على اساس اني قفشك جايب ورد لبنت الجيران..فوق يا بيه..انت وصحابك خاطفين واحدة عشان تختصبوها ..فوووووق بقي فووووق..العيال دول جننوك انت عمرك ما كنت كده يا امير
امجد: ونبي سبني يا ياسين هتخنق ونبي سبني
ياسين: ياسين باشا يا حيوان
امجد:حاضر بس ونبي سبني ربنا يخليك…هتخنق
ياسين بعد امجد عنه بعنف على الارض، عارف صوته وتكلم بتحذير وتهديد: انا مش هاسكت على اللي حصل دا خليكو فاهمين،وكلكم هتتحسبوا و اولكم امير..مش ياسين زهران اللي يتستر على مجرمين زيكم
امير: يعني ايه..هتحبسني
ياسين: ايوا هحبسك يمكن تفوق من اللي انت فيه وتبعد عن الاشكال الزباله دي وترجع زي زمان
الحارس:ياسين باشا..الدكتور النبطشي هنا
ياسين: اهلا يا دكتور
الدكتور: اهلا يا باشا..شرف ليا اني اقبلك
ياسين: تعالا ورايا…وجه كلامه للحرس..وانتم خلو عينكم عليهم محدش منهم يتحرك لحد ما ارجع
ياسين دخل وفتح كل الانوار الاوضة عشان الدكتور يشوف البنت كويس
ياسن: اتفضل اكشف عليها..هي وقعت في حمام السباحة بس انا لحقتها بسرعه بس مش عارف ليه هي مغمى عليها
الدكتور ابتدائي يكشف على البنت، ياسين دخل غرفة الملابس وغير هدومه لترنج رياضي أسود يبرز عضلاته..سرح شعره بايده وهو. خارج للدكتور..كل دا ياسين مشفش وش البنت لسه
ياسين : ايه يا دكتور كل دا بتكشف عليها هي مالها
الدكتور: بص حضرتك هو مفيش اي حاجة عضويه..هي كويسه بس تقريبا اغمي عليها كده من الخضة…كمان انا ادتها حقنه مقاومة للبرد عشان هدومها المبلوله والدنيا برد..بس لقيت في ايدها اثار حقن!!!
ياسين باستغراب: حقن!!..انت متاكد.
الدكتور: اه والله يا فندم حتي تعالي شوف
ياسين قرب من البنت وبص على دراعها لقي اثار حقن كتير على ايدها..زاد استغرابه..رفع راسه يبص لوش البنت..لقي عيونها مقفوله بس وشها احمر جدا وملامحها صغيرة ورقيقة..كان شكلها حلو..حلو اوي
دا اللي قاله ياسين في باله، بعد عنها و وقف يتكلم بهدوئه المعتاد
ياسين: تمام..قولتلي هي هتفوق امتى
الدكتور: في اي لحظة..زي ما قولت لحضرتك هي معندهاش اي مشاكل..غير انها خافت شويه بس
ياسين : طب اتفضل انت يا دكتور..الحراس هيوصلوك المستشفى..واتمنى ان انت متجبش سيرة لحد على الموضوع دا
الدكتور اتوتر من طريقة ياسين..هز راسه وخرج في هدوء، مال ياسين على البنت واتكلم باستغراب
ياسين : يا ترا انتي مين بقي، وايه اللي وقعك في طريق أمير وأصحابه..وايه آثار الحقن اللي في ايدك دي
اتنهد ياسمين وخرج لامير وأصحابه لقاهم قاعدين جنب بعض على الكنبة والحرس حوليهم..قعد قدمهم وحط رجل على رجل واتكلم بكل صرامة : بكل هدوء كده عايز اعرف كل حاجة، مين البنت دي و جبتوها منين..واللي هحس انه بيكدب مش هتطلع عليه شمس وانتو عارفين حبايبي في الدخلية كتير..يعني ممكن اوديكم ورا الشمس من غير،ما اوسخ ايدي..واولهم انت يا امير بيه يا ابن القصول يا متربي
امير: انت ليه مكبر الموضوع كده مش فاهم ولا عشان انا اللي عملت كده..لو انت اللي عملت كده كان هيبقى عادي صح
ياسين: دا كلام عقلك البايظ بيقلهولك يا استاذ، انا بعمل حساب كل خطوة بخدها عشانا..عشان العيلة والسمعة وقبل كل دا بخاف ربنا..انت ناسي ان انت عندك اخت، ترضى حد يعمل معاها كده ويخطفها…وبعدين يا ابن الاصول ولاد الاصول هما اللي عارفين الغلط من الصح مش بالفلوس..بالتربية يا أمير..التربيه اللي انت نسيتها وانت بتعمل عملتك يا ابن عمي..ويالي مربيك على ايدي..صدقني انا مش قادر اصدق ان انت تعمل كده
امير سكت وبص في الارض..كمل ياسين: يالا حد ينطق جبتو البنت دي منين
امجد: جارة…جارة حسن
حسن: انت بتقول ايه يا امجد…اسكت..والله ما اعرفها يا ياسين باشا..احنا لقناها مشيه في الشارع..متقول حاجة يا امير
امير: لا يا حسن جارتك..واحنا استنناها لحد ما نزلت من العمارة وخطفناها
ياسين: حسن..معاك خمس دقايق تقولي البنت دي مين لاما اقسم بالله اسيب عليك الكلاب
حسن: خلاص خلاص هقول…البنت دي اسمها جميلة وهي جارتنا في الدور اللي تحتنا..البنت دي مجنونة
ياسين بانتباه: مجنونة ازاي يعني
حسن :مجنونة..عندها حالات كده بتتعامل وتتكلم كائنها بنت صغيرة ، عندها عشرين سنة بس بدماغ طفلة..اخوها اكرم صالح ظابط في المخابرات..هي عايشه معاه هو والمربية بتعتها ..ياسين باشا..والله انا اسف ارجوك سامحنا، وخلينا نمشي
ياسين: تمشي تمشي فين يا حيلتها…انتو متخيلين المصيبه اللي انتو رامين نفسكم فيها..انت بتقول اخوها ضابط مخابرات..يعني زمانه قالب الدنيا عليها..يعني هتتحبسو هتتحبسو
امير: لا نتحبس ايه يا ياسين، احنا نرجعها بيتها، والله العظيم محدش لمسها
ياسين: هي البنت شافتكم
امير: ايوا وعورت حسن في رقبته بضوافرها
ياسين: شافتكم يعني اخوها هيعرف يجبكم
حسن: بس هي مش هتعرف توصفنا دي مجنونة
ياسين: وتفتكر لو عرفت توصفكم، اعمل ايه انا سعتها هودي اخويا فى دهيه
امير: طب وبعدين يا ياسين
ياسين قام وقف وقال : الحراس هيروحوكم بيتكم دلوقتي…ولو حد فيكم حاول يكلم امير،او يقربله هعتبره بيجني على نفسه ..امير روح مع الحرس و انا هفضل هنا
امير: هتعمل ايه مع البنت
ياسين: ملكش دعو..روح واياك تجيب سيرة لحد في القصر بحاجة …وجه كلامه لحسن…وانت قولي عنوانك
_______روايات سلمي سعيد ________
: اهدا يا اكرم ..ان شاء الله هنلاقيها
اكرم: يا سيادة اللواء..عدا اكتر من تلات ساعات واختي بعيد عني ، حضرتك عارف حالتها وعارف انها متقدرش تدافع عن نفسها
اللواء مختار: متخفش ان شاء الله خير..كل الوحدات بتدور عليها و اكيد هنوصلها
اكرم: يا رب يا سيادة اللواء يا رب…يارب دي اختي الوحيدة.هي اللي بقيالي من بعد امي وابويا..يارب ترجع بخير
________روايات سلمي سعيد________
ياسين كان واقف بيراقب الجو برا و بيفكر يعمل ايه مع البنت دي، عنده فضول غريب يعرف ايه مكان الحقن اللي في ايدها دي وكمان كأنه عايز يعرفها ويعرف مالها..هز راسه برفض وكلم نفسه : انت اتجننت يا ياسين وانت مالك بيها..خليك في مشكله ابن عمك احسن وحل المشكلة بهدوء
طلع فونه: آسيا هبعتلك اسم وعنوان دلوقتي عايزك تعرفي كل حاجة عن صاحب العنوان دا..وخصوصا جميلة صالح..عايز كل المعلومات عنها وكل التفاصيل
آسيا: حاضر عايز الكلام دا امتي
ياسين: معاكي ساعتين يا اسيا
آسيا: نعم…انا كده مش هلحق
ياسين: اتصرفي يا آسيا…اتصرفي..انتي فين
اسيا: في شقتي..انت اللي مروحتش القصر ليه لحد دلوقتي
ياسين:لا انا هبات في المزرعة النهاردة…عايز اريح راسي شويه
اسيا: تمام..هبعتلك اللي انت عايزة كمان ساعتين
قفل ياسين مع أسيا، ندا على الحارس
ياسين: روح صحي عبد العال الجنايني ومراته خليه يجبها ويجي..
الحارس: أوامرك يا باشا
فجأة ظهر صوت صراخ جاي من اوضة ياسين،وقف الحرس وجري هو على الاوضه..لقي جميلة قعدة في ركن في الاوضه وبتصرخ جامد..قرب منها بيحاول يهديها
ياسين: يا انسه انتي كويسه..ممكن تهدي بلاش صريخ
جميله كانت بتعيط وتصرخ عشان خايفه ان اكرم والدادة زينب مش حوليها ، ياسين حاول يلمسها بس هي بعدت ايده وبقت تصرخ اكتر
جميله: لا لا لا….لا لا ابعد ….ابعد ابعد لا لا لا
ياسين: اهدي انا مش هعملك حاجة والله بس اهدي
جميلة بصتله لقته قاعد جنبها ورافع ايده في الهوا عشان يهديها، بص ياسن في عيونها لقاها عسلي و واسعة..شكلها حلو اوي كده..وشعرها مفرود حوليها بالشكل ده
جميلة: فين الدبدوب بتاعى
ياسين: نعم..دبدوب!!
جميلة: انت حرامي…انت سرقت دبدوبي
ياسين باستغراب اسلوبها في الكلام : لا والله مسرقتوش..
جميلة رجعت تصرخ اول لما ياسين قرب خطوة..رجع ياسين تاني لورا
ياسين: اهدي اهدي..متخافيش انا مش هعملك حاجة
جميلة: انت مع الناس الوحشة اللي جابتني هنا
ياسين: لا انا مش معاهم..انا طيب ومش هائزيكي..بس اهدي
جميلة: انا عايزة الدبدوب بتاعى
ياسين : حاضر هجبهولك بس بلاش عياط
جميلة:حاضر انا شاطرة وبسمع الكلام .. انا عايزة الدبدوب
ياسين : حاضر هجبلك الدبدوب بس ممكن تقومي معايا عشان تغيري هدومك المبلوله دي
جميلة: مين هيغير لي..انت
ياسين بذهول : انتي مش بتعرفي تغيري لوحدك
جميله بطفوله: تؤتؤ دادة زينب هي اللي بتغير لي…انا سقعت وعايزة دادة زينب
ياسين: بصي هو مفيش دادة زينب بس فيه..دادة تانيه ممكن تسعدك
جميلة: انا عايزة أبيه اكرم هو فين
ياسين: ابيه اكرم مسافر وقالي اجيبك هنا واخد بالي منك لحد ما يجرع يا جميلة
جميلة بزعل: ودادة زينب فين
ياسين:دادة زينب مع اكرم..بصي لو سمحتي متزعليش انا هعملك كل اللى انتى عايزاه يا جميله بس اهدي
جميلة: ماشي…جميلة حلوة ومش هتعيط
ياسين بريبة: هو انتي عندك كام سنة
جميله عدت له على صوابعها ٤
ياسين: اربع سنين..انتي متاكده يا جميلة
جميلة هزت راسها بتأكيد، قام ياسين وقف بذهول..ازاي بنت عندها ٢٠ سنه تقول انها عندها ٤ سنين..لا وكمان بتتكلم بشكل طفولي مكسر..وبتشرح كل حاجة بايدها
ياسين: قومي يا جميله هبعتلك الدادة عشان تغيرلك
جميلة: هو انا هروح أمتي عند دادة زينب وابيه كرم
ياسين: قريب قريب يا جميلة
فون ياسين رن
آسيا: جبتلك اللى انت عايزة يا ياسين
ياسين: قوليلي كل المعلومات عن البنت الاول
آسيا: جميلة صالح..عندها ٢٠ سنه عندها انفصام من يوم ما ابوها وامها ماتو من عشر سنين انسه بعقل طفله..الدكاترة بيقولو صدمة ودا بسبب انها شافت امها وابوها وهما بيتقتلو..بس مش معروف مين القاتل..اخوها المسؤول عنها وبالمناسبة هي مختفيه وهو بيدور عليها
ياسين: هي مش مختفيه يا اسيا..البنت دي معايا
آسيا: معاك ازاي يعني
ياسين: هشرحلك بعدين سلام دلوقتي يا آسيا
قفل ياسين وبص الجميلة اللي كانت بتبص حوليها باستغراب، وقال في سره : انتي ايه اللي وقتك في طريقي يا جميلة ،شكل قدرنا يجمعنا مع بعض كتير،الفترة الجاية
يتبع…
لقراءة الفصل التالي : اضغط هنا
الرواية كاملة اضغط على : (رواية إذا ناداك الحب)
