رواية إذا ناداك الحب الفصل الثالث 3 بقلم سلمى سعيد

رواية إذا ناداك الحب الفصل الثالث 3 بقلم سلمى سعيد

رواية إذا ناداك الحب الجزء الثالث

رواية إذا ناداك الحب البارت الثالث

رواية إذا ناداك الحب الحلقة الثالثة

جميلة: انا عايزة اروح

ياسين: قولتلك مش هينفع يا جميلة، عشان اكرم سافر ومعاه الدادة وانتي هتفضلي هنا معايا ، جميلة هو انتي ايه اللي خلاكي ترمي نفسك من فوق كده انتي مخفتيش لا يحصلك حاجة

جميلة مردتش وتنحت كأنها مش عارفة هو بيقول ايه اصلا!!

ياسين: طب خلاص مش مهم ، انا هبعتلك الدادة عشان تسعدك في اللبس…انا جبتلك لبس من عندي

جميلة: لا انا عايزة الهدوم بتاعتى

ياسين: ما هو لبسك لسه في الشقة عند أكرم..بكرا انا هجبلك هدوم حلوة اوي ماشي بس البسي دول دلوقتي

جميلة تجاهلته وراحت مسكت الهدوم، وقعدت تبصلها بعدم رضا..رمتها في الأرض وداست عليها

جميلة: الهدوم دي وحشه و بتاعة ولاد…انا عايز هدومي الحلوة بتاعة سندريلا

ياسين اتعصب من اللي هي عملته ، مقدرش يمسك نفسه وزعقلها : ايه الي انتي عملتيه دا يا غبيه..في حد يعمل كده انتي متخلفه

جميلة ضمت نفسها بعيد عنه وبصتله بذهول من عصبيته، اكرم و دادة زينب محدش فيهم بيزعقلها ، بدات تعيط بصوت عالي وتصرخ وتضرب رجلها في الارض

ياسين : خلاص…خلاص انا اسف اهدي

بس جميلة كانت منهارة تاني ،وزعيق ياسين خوفها اوي

ياسين مسك كتفها وحاول يهديها ويثبتها عشان يكلمها..بس هي كانت بتتحرك بهستريا

ياسين: اثبتي بقي كفايا فرك ،اهدي

جميلة: او عاااااااااا…اععععععععع يا وحش ابعد اعععععععع

ياسين ملقاش غير حل واحد عشان تسكت

شدها لحضنه بسرعة…وحضنها جامد كدا وش جميلة بقي مكتوم في صدره لأنها قصيرة اوي عليه

الغريبه ان جميله هديت فعلا وسكتت خالص من غير اي حركة ولا صوت، بعد ما كان صوتها مالي المكان

ياسين بهمس: اشششش اهدي..اهدي يا جميلة

بشكل غريب جميله حست بسكون في حضن ياسين فسكتت خالص، مسكت في هدومه جامد..وياسين للحظة نسي نفسه وضمها ليه اكتر

وأيده بتسرح شعرها في هدوء

ياسين بتوهان : ريحتك حلوة اوي يا جميله

جميله بنعاس: انا عايزة انام

ياسين: طب ممكن تغيري هدومك الاول

جميله : حاضر.يا..يا انت اسمك ايه

ياسين: اسمي ياسين.

جميله: اسمك حلو يا ياسو

ياسين: ياسو…انا ياسو

جميله: ايوا ياسو…انا بدلعك زي ابيه اكرم ، بس هو مش بيحب ادلعه

ياسين: وانتي مدلعه ابيه تكرم بايه

جميله: بقوله يا ابيه كركر

ياسين ضحك

جميله: انت بتضحك ليه يا ياسو

ياسين: شكلك شقيه يا جميله

جميله: لا خالص انا مش شقيه..جميله حلوة وبتسمع الكلام وبتاكل الاكل كله كله لوحدها

الباب خبط

ياسين: نعم

عبد العال الجنايني: اوامرك يا ياسين باشا ، انا والجماعة هنا

ياسين: خليكي هنا يا جميله والدادة هتيجي تلبسك

جميله : حاضر

ياسين خرج

ياسين: ازيك يا رضا

رضا: في نعمه يا باشا ربنا يخليك

ياسين: في بنت جوا في الاوضه انا عايزك تدخلى تساعديها في اللبس وتعمليها بهدوء خالص وحرص

رضا: عيوني يا باشا هخلي بالي منها زي عنيا

ياسين: عايزك تلزميها وكمان تباتي معاها، ولو حصل اي حاجه انتي المسؤله قدامي

عبد العال: متخفش يا بيه دي رضا نبيها اوي

ياسين: ماشي..هي في اوضتي روحي ساعديها تغير و تسرح لها شعرها ضفيره

عبد العال و رضا بصو لبعض باستغراب، دي اول مرة ياسين يجيب واحدة المزرعة لأنه رجل مستقيم جدا

ياسين: في ايه يلا اتحركي، وأنت يا عبد العال نضف المكان انا هقعد هنا يومين ،وكمان هات حاجات فى التلاجة

عبد العال:أوامرك يا باشا ، بس انا كل يوم بنضف البيت والله

ياسين: نضفه تاني..انت عارف انا بقرف من القذارة والبهدله وامير وأصحابه كانوا هنا

عبد العال: أوامرك يا باشا ….مشي عبد العال

خرجت رضا وهي بتقول بخضه: الحقني يا ياسين باشا

جري ياسين على الاوضه..بس وقف مصدوم فجاة لما شاف اللي جميله لبسا…لبسه قميص البجامه بس هو صحيح طويل عليها بس مبين كل رجلها

وكمان نايمه بإهمال على السرير

ياسين في سره: يا بنتي هو انتى ربنا بعتك ليا فتنة ولا ايه ، ارحمي امي..

رضا: والله يا بيه انا دخلت لقتها كده…هي عيشه ولا ايه

ياسين: ايه الغباء ده انتي مش شايفه، ما هي نايمه اهه…روحي غطيها كويس واقعدي جنبها

خرج ياسين وهو مش طايق نفسه،طلع فونه واتصل بامير

ياسين: روحت

أمير: ايوا انا في اوضتي

ياسين: بكره تبقي في الجامعة يا أمير، واعمل حسابك في نظام تاني هتمشي عليه..آسيا هتقولك نظامك الجديد من بكرا..واعمل حسابك كمان يا أمير..لو منجحتش السنادي انا هرميك في الشارع..وهسيب عليك كلاب الشارع تعرفك الحياة صح بدل المعلقة الدهب اللي بقك دى

قفل ياسين من غير ما يسمع اي اجابه ، قعد على الكنبه وبقي باصص علي الجنينه من الحيطة الازاز وهو سرحان هيعمل ايه مع جميله

_____________________

في مقر المخابرات

اكرم بغضب: حد وصل لحاجة

اللواء مختار: الحقيقة يا اكرم مفيش اثر لحد دلوقتي والعربيه كانت من غير نيمار..واضح ان اللي خطفها عارف هو بيعمل ايه كويس..احنا محتاجين وقت اكتر

اكرم بغضب: يعني ايه..انا اختي مخطوفه وانا ظابط و مش عارف اوصلها..اختي الصغيرة المريضة..امانه امي وابويا انا معرفتش احميها تخيل انا حاسس بايه دلوقتي..مش عارف حلها ايه دلوقتي والله اعلم اللي خطفنها دول تبع مين ولا بيعملو فيها ايه دلوقتي..

اللواء بصرامة : امسك نفسك كده يا أكرم مالك في ايه ، انت لازم تبقي قوي عشان خاطر جميله ترجع لازم تبقي في كامل عقلك وتركيزك وهدوئك

فون اكرم رن

داده زينب: ايه يا أكرم لقتوها..ادهالي اكلمها

اكرم: لسه يا دادة بس متخفيش انا هرجع جميله البيت بخير ان شاء الله

دادة زينب: يا لهوي عليكي يا جميلة يا بنتي كان مستخبيلك فين ده كله بس ، ربنا يسترك و يحفظك وترجعي بالسلامة يا رب…يا ترا حالك ايه دلوقتي يا كبدي

اكرم مستحملش كلام زينب و عياطها، اللي خلاه يخاف اكتر،ما هو خايف على اخته الصغيرة اللي ليه في الدنيا…حاسس انه عايز يصرخ ويكسر الدنيا عشان يلاقي جميله وفي نفس الوقت مش عارف يعمل ايه

شريف : سيادة اللوا احنا جاهزين للمهمة

اللواء مختار:تمام يا شريف اطلع انت في القيادة لأن أكرم مش هيحضر المهمة اكيد

شريف: ان شاء الله تلاقي جميله يا أكرم متخفش

(شريف محمد .صاحب اكرم اوي..٣٠سنة..عايش لوحده لانه يتيم)

اللواء مختار: الشرطة لسه ملقوش حاجة،وانا بعت امهر الظباط في مهمة البحث عن جميلة

كانو بيتكلمو وأكرم دماغه في حته تانيه..احساس انه عاجز انه يلاقي اخته وجعه اوي..بيفكرو بالي حصل لامه وابوه زمان واللي مقدرش يساعدهم هما كمان

تكرم: انت تطلع المهمة

اللواء مختار: انت بتقول ايه يا أكرم مستحيل

شريف: تكرم انت بتقول ايه مش هينفع

اكرم: انا لو مطلعتش المهمه دي هفضل مشغول بخطف جميله…اللي لو فضلت قاعد لحد ما نلاقيها هتجنن..وبعدين المهمه دي فيها حياة ناس…يمكن ربنا يجازيني خير في المهمة دي ويرجعلي اختي بخير

اللواء مختار: انت متاكد يا اكرم

شريف : سيادة اللواء اعتقد ان اكرم عنده حق في كلامه

اكرم: عن اذنك يا فندم انا رايح اجهز

اكرم وشريف وصلو مكان المهمة

اكرم: حاصرو انتو المكان من برا وانا وباقي المجموعه هندخل من ورا و نهجم في نفس اللحظة مع الاشارة..يلا

بعد دقايق كان كل واحد في مكانه

اكرم: عملية الهجوم تبدأ

فجاة المكان كله بقي ضرب نار..اكرم اتحرك وبداء يدور هو والرجاله عن مكان البنات المخطوفين…لحد ما لقو قبو تحت الارض

شريف: استنى يا أكرم ممكن يكون فخ

اكرم: متخفش احنا صفينا كل افراد العصابه برا

فتح اكرم القبو بس هنا كانت المفاجأة !!!

______________________

في قصر زهران

دخل أمير اوضته…وهو بيفكر وخايف من اللي ياسين ممكن يعمله معاه لما يرجع..ياسين رغم انه هادي جدا بس في غضبه مبيعرفش حد خصوصاً في غلط زي ده

بالمناسبة

( امير زهران..ابن خالد زهران…تؤام اسيا ، لسه في رابعه جامعه بقاله اربع سنين بيسقط ، ٢٥ سنه ، عيونه سودا وجسمه رياضي )

شكريه دخلت عليه

شكريه: انت كنت فين يا امير و مجتش الحفله ليه..كده سبت الاضواء كلها لياسين كالعادة ،هو في ايه اسيا محسساني انها شغاله عنده وانت شايل ايدك من كل حاجة..وفي الاخر هو بقي كبيرنا والآمر والناهي في البيت ده

امير : خير يا ماما مالك دخلة حامية عليا كده ليه…مالك

شكريه بغيظ: ماليش يا اخويا بس انت وابوك هتموتوني..هو ولا بيهش ولا بينش وسايب نصيبه في الورث وكل حاله في ايد ياسين ابن امنه ، وانت مش راضي تنجح في الجامعة وتمسك الشركة مع ياسين واسيا..اسيا اللي مش عارفة تخلي ياسين يحبها ويتجوزها بقالي خمس سنين بحاول اجوزهم ومفيش فايدة..فلحالي بس تروح تعيش لوحدها وفي الشركة، خدامة عند ياسين ولا كأنها ليها في الشركة

امير: الكلام ده مش صح ياسين بيعامل آسيا كأنها اخته بالظبط ومخلي الكلمه الاولى و الاخيرة في الشركة ليها في غيابه…لانه طبعاً شايفها اخته مستحيل يفكر يتجوزها و كمان اسيا مش بتحبه ولا بتفكر فيه

شكريه: ازيك قولتها وهو مش موجود ليها كلمه، يعني باردو خدامة عندو

امير بزهق؛ انتي عايزة ايه دلوقتي مش فاهم انتي متعصبه كده ليه

شكريه: النهاردة في الحفله كل سيدات الاعمال والستات قاعدين حولين مرات عمك اللي عملالي فيها ست الشيخه وماشيه تنظر عليا ، الكل عمال يمدح فيها وفي تربيتها لياسين وأخلاقه وذكائه و وسامته المفرطة …وكل واحدة حاطة عنيها عليه لبنتها ..دي مرات رئيس الوزراء قالتلي بالسنها أن حلم عمرها أن ياسين يتجوز بنتها ، شايف يا خايب حتى الحكومة عايزة تناسب ياسين وانا محدش عبرني ولا جاب سيرتي ولا سيرتكم

امير ببرود: معلش يا ماما

شكريه بجنون: معلش يعني بتكلم معاك وكل ده عشان تقولي معلش انت عايز تجنني

أمير: يوووه يا ماما اومال انتي عايزاني اقولك ايه روحي اقتلي مرات عمي اللي بتكرهيها..ولا اروح انا اقول ياسين وامسك كل حاجة…يا شيخه ارحميني وارحمي نفسك من الغل ده كله انا تعبت …لو سمحتي اخرجي عشان عايز انام

شكريه: انت في ايه يا امير انت اتجننت

امير: لا متجننتش بس زهقت…لو سمحتي اخرجي

______________________

اسيا كانت قاعدة في الروف بتاع شقتها اللي في احد الابراج بتاعتهم على النيل…كانت سرحانه خرجها من سرحانها صوت جاي من البلكونه اللي جنبها

: بتفكري في ايه يا هانم

اسيا: اسلام..انت رجعت أمتي من امريكا

اسلام: طب مفيش حمدلله على السلامة الاول حتي

اسيا: لا ازاى حمدلله على السلامه يا دكتور اسلام

اسلام: الله يسلمك يا جارتي العزيزة

اسيا: عملت ايه في المؤتمر

اسلام: تمام اوي..خلاص انا قربت اخلص رسالة الدكتوراه بتاعتي

اسيا: طب حلو اوي…ياريت بقي تبقي دكتور شاطر ومطيع وتجددلي الدوا بتاعي

اسلام برفض: لا طبعا مستحيل..انتي كده بقالك شهور منمتيش يا اسيا..انتي كده هيحصلك حاجة

اسيا: اعمل ايه عندي شغل ملهوش اخر..لازم افضل صحيا

اسلام: لا مش حقيقه ..انتي صحيه عشان الاحلام اللي بتجيلك

اسيا: مش عايزة اتكلم في الموضوع

اسلام: ليه يا اسيا بس

اسيا: لانه بيبقا في كل أحلامي يا اسلام..وظهوره بيوجعني ويخوفني اوي…وانا لا عايزة اتجوع ولا اخاف..اسيا الجديدة مش بتخاف من حاجة

اسلام: انتي ليه مصره تفصلي بين آسيا القديمة واسيا الحالية..رغم انهم نفس الشخصيه…وجهين لنفس العملة..مختلفين بس الاساس واحد

اسيا: اسيا القديمة كانت ساذجة وغبية ضيعت كل حاجة حلوة فيها بسبب علاقه حقيرة مع راجل حقير

اسلام: عمر ما كانت الثقة والحب غباء يا اسيا..مش معني انك اخترتي غلط مرة انك تحرقي شخصية بحالها لمجرد انها اتخدعت من واحد رسم عليها الحب وهي في مراهقتها

اسيا: اوووف عليك يا اسلام…معنديش طاقه اتكلم معاك في الموضوع واتجادل…انا هدخل انام..لان الدوا اللي بيصحيني خلص وكل ده بسببك

اسلام: خلصتي علبه الدوا في اسبوعين سفر يا مفتريا

اسيا: دي ميزة ان الدكتور النفسي بتاعي يكون صديق ليا..بيكتبلي الدوا اللي انا عايزاه مش كده يا اسلام مش الصحاب لبعضهم

اسلام: وانا في امريكا يا اسيا علموني حاجة حلوة اوي هناك

اسيا: ايه هيا

اسلام: مفيش صاحب بقى صاحب مفيش راجل بقى راجل…عشان كده انا مش صاحب يا آسيا ومش هديكي الدوا

اسيا: انت كده مش صاحب…انت كده مش راجل يا اسلام ولا حتى جدع …اسفوخس عليك

اسلام: اسفوخس عليا…تبا لكي يا امرأة

اسيا: ثكلتك أمك يا دكتور

اسلام : خسأتي يا بومة برأسين

اسيا: انا بومة براسين يا إنسان برأس كلب انت

اسلام : احممم اسيا انا داخل انام عشان حاسس اني بتهزق وانا دكتور نفساوي محترم

اسيا: ماشي يا دكتور يا نفساوي امشي يلا…انا دخلا انام انا كمان

______________________

ياسين خرج في الجنينه والحرس كلهم وقفين قدامه وهو قاعد حاطط رجل على رجل بكل هيبه…كانت الدنيا هديه خالص الا من صوت العصافير لأن النهار شبه طلع

ياسين : انا عايزكم تركزوا معايا كويس…العربيه بتاعه امير تختفي خالص..وتشوفو حبيبنا في الداخليه..عايز اعرف كل حاجة عن بحثهم عن البنت اللي هنا…لازم نسبقهم بخطوة …واخيرا لو حصل اي حاجة غير اللي انا عايزها انتو الجانين على نفسكم

كل الحرس في صوت واحد: أوامرك يا باشا

______________________

في الجامعة الامريكية

امير: صباح الخير يا شباب

رانيا: ايه دا…اميرر باشا جه الجامعه يا جماعة

شادي:الجامعة نورت يا امير..فينك يا باشا مجتش سهرة امبارح ليه

امير: كنت في سهرة تانيه

رانيا: و يا ترى السهرة دي كان فيها بنات بقي

امير: وده يخصك في ايه

احمد: ايه يا مو جاي الجامعة ليه

امير: جيت اتعلم ان شاء الله

رانيا: واضح ان امير قرر ينجح النسادي

امير: اللي يشوف التريقه يقول إنكم بتنجحو كل سنه..احمد اهو بقاله ٧ سنين في سنه رابعة

احمد: يا باشا انا خلاص بقيت ايقونه في الجامعه

شادي: طب يلا يا شباب عشان المحاضرة

دخلو المحاضرة…امير كان باصص في الفون

: صباح الخير..انا الدكتورة يُمني دكتورة التسويق الجديدة…النهاردة اول يوم ليا معاكم مكان دكتور سامح لانه ساب الجامعة…يلا نبدا

أمير رفع رأسه ببطء عن الفون بعد.ماسمع صوت رقيق جدا بيتكلم…لاقى الدكتورة مدياله ضهرها وبتكتب على البورد…شعرها اسود متوسط الطول ولابسه بدله نسائية بيچ…حس بفضول انه يشوف وشها

فجاة لفت الدكتورة…بنت جميله و ملامحها هاديه جدا وجذابه

امير حس بقلبه بيدق بسرعه اوي لما شافها

يمني: يلا بينا نبداء

امير كان مركز معاها بشكل ملفت جدا..مشلش عينه من عليها..فجاة شاف دبله في ايدها الشمال

امير: ايه دا…دي متجوزة!!!

______________________

في الشركة …دخلت السكرتيرة مكتب اسيا

السكرتيرة: اسيا هانم في واحد برا عايز يقبلك

اسيا: مين دا…اسمه ايه

السكرتيرة: بيقول انه صديق قديم ليكي و انك معندكيش مانع تقبليه

آسيا: هو قالك كده

السكرتيرة: ايوا يا فندم

اسيا: داخليه

ثواني و حد دخل بس اسيا كانت بصه في الورق قدمها

: صباح الخير

اسيا ايدها ثبتت فجأة…دا صوته..هي عرفة صوته كويس..مش معقول يكون هو

: ايه يا اسيا…معرفتنيش ولا ايه..انا زيدان الورداني

اسيا بصتله بثبات

زيدان : وحشتيني اوي يا سو

اسيا: منور يا زيدان بيه..اتفضل اقعد

زيدان: عملا ايه يا اسيا..بقالنا سنين مشفناش بعض

اسيا: خير في حاجة

زيدان: ايه المقبله الوحشه دي يا اسيا

اسيا: انت عايز ايه

زيدان: وحشتيني بقالي خمس سنين مشفتكيش يا بنت البندر

اسيا بصتله بحاجب مرفوع..كان زمان علطول ينادلها بنت البندر

اسيا: بس انا بشوفك…الصحافة مورهاش حاجة غير جواز وطلاق زيدان الورداني..

زيدان: ده انتي متبعاني بقي يا آسيا

اسيا: انا مبشغلش نفسي بحاجات تافهه زي دي بس السوق والصحافة مفيش حاجة بتخفي عنهم…زيدان لو سمحت تقولي انت جاي ليه انا مش فضيه

زيدان: كنت جاي اشوف نفسي في عنيكي وماشي

اسيا: نعم!!!

______________________

رضا: الحقني يا ياسين بيه

ياسين: في ايه

رضا: البنت اللي جوا صحيت وعمالا تكسر في كل حاجة تشوفها قدمها وتصرخ.

ياسين جري جوا الفيلا ودخل على جميله لقاهاةبتكسر كل حاجة وفي حاله مش طبيعية

ياسين: جميله في ايه يا جميله

جميلة كانت بتصرخ بهستيريا وكسرت الكوبايه تحت رجل ياسين

رضا: يامصبتي

ياسين: اطلعي برا واقفلي الباب

ياسين حاول يقرب من جميله زي امبارح بس هي خربشت ايده جامد وهي بتصرخ..لما حاول يقرب تاني وهو قلبه خايف عليها لا تعمل في نفسها حاجة

جريت جميلة تمسك كوبايه المايه التانيه من على احد الطاولات بس لشدة غضبها الكوبايه اتكسرت في ايدها

ياسين جرى عليها اوام وحضنها من ظهرها وهي بتصرخ وبتتحرك بهستريا زيادة بعد ما شافت الدم

وقع بيها على الارض وضهم رجله علي رجلها عشان يثبتها وهي بقت تصرخ زيادة

ياسين كان على الأرض وهي فوق

ثبتها جامد وخد ايدها المتعورة وبدا ينفخ عليها ويكلم جميله

ياسين:اشششش…ايه ده يا جميله…جميله الحلوة اتعورة…بصي اوووف…التعويرة هتروح دلوقتي اهدي

كانت جميله لسه بتفرك بس هديت شويه وهى بتعيط على ايدها اللي اتعورت

ياسين: ايه ده بصي ياسين كمان اتعور

خد قطعة ازاز وعور نفسه بيها

ياسين: بصي يا جميله انا اتعورت زيك…شوفي ياسين اتعور ومش بيعيط

جميله لفت راسها له وقالتله حاجة غريبة اوي!!!!

يتبع…

لقراءة الفصل التالي : اضغط هنا

الرواية  كاملة اضغط على : (رواية إذا ناداك الحب)