رواية أمير وبتول الفصل الخامس 5 بقلم ميرنا ناصر
رواية أمير وبتول البارت الخامس
رواية أمير وبتول الجزء الخامس
رواية أمير وبتول الحلقة الخامسة
_ انا عارفة إنى غلطانة وإنى السبب فى المشكلة.. وانى عكيت وانا كنت متعصبة وا
= الايلاينر مش مظبوط على فكرة.
_ إيـه دا؟!! انت بجد!
_ صدقينى مش مظبوط.
= ــــــــــــــــــــــــــــــــــــ
_ هو انا إتلغبطت هو مش اسمه إيلاينر ولا إيه؟! مش انتِ حفظتينى اسمه؟
= اسمه إيلاينر فعلًا.
_ فى خط بقى أطول من خط.
= خط!! أمير احنا شادين مع بعض واحنا هنا جايين نكمل الخناقة.
_ انتِ عايزانا نكمل المشكلة والايلاينر مش مظبوط.. إنتِ عايزة الناس تاكل وشك!. إستنى نصلحه وبعدين نكمل خناقة على نضافة.
= وجهه نظر تُحترم جدًا.
_هو انا قولتلك قبل كدا عيونك حلوين أوى، وبمجرد النظر فيهم بنسى الدنيا؟
= وانت كمان عيونك حلوة أوى.
_ انا عارف إنك مضغوطة يابتول، وان الفترة دى ضغط الشغل والمسئوليات اللى عليكِ كتيرة جدًا.
= انا اسفة حقك عليا.. انا غلطت.
_ انتِ مابتغلطيش.. مفيش ملاك بيغلط..
انا مش محتاج أسف اصلا.
= ملاك!
_ ملاكى انا يابتول.. عارفة المشكلة كلها بتتلخص فى إيه؟
= أنا، المشكلة كلها فى عصبيتى.
_ المشكلة كلها فيا ان معرفتش أحتوى عصبيتك حقك عليا، بحبك.
= انا كمان بحبك أوى أوى.
_ عارفة أغنية ام كلثوم اللى بتقول ” وقابلته ونسيت إنى خاصمتة ونسيت الليل اللى سهرته ”
= بحبها
_ عشان كدا كل لما نشد بحب أقابلك عشان لو زعلان منك حتى ولو بنسبة صغيرة أوى أنسى بمجرد لما أشوفك..موقفى بيضعف أوى فى الخناقة..بس قُصاد العيون دول مش مشكلة موقفى دلوقت خالص.
= أجازة..أجازة لمدة إسبوع من النكد لأجل حلاوتك دى .. بحبك تانى
#تمت
لقراءة الرواية كاملة اضغط على : (رواية أمير وبتول)
