رواية أسيرة عائلة القناوي الفصل الثلاثون 30 بقلم يوستينا سامي
رواية أسيرة عائلة القناوي الجزء الثلاثون
رواية أسيرة عائلة القناوي البارت الثلاثون
رواية أسيرة عائلة القناوي الحلقة الثلاثون
في عربية مراد 🚗
ملك بتوتر / بعدين احنا في الشارع كدة ممكن نتفضح والله
مراد / انا ممكن ابعد عنك في حالة لو انتي ادتيني بوسة حالا.. بس اي تكون حاجة عليها القيمة
ملك بصدمة كانت هترد و لكن سمعوا حد بيخبط علي الازاز و لما مراد بص لقه ظابط بيخبطله علي الازاز
الظابط بعصبية و صوت عالي / انزلي يا اخويا ، اي فاكر ان العربية دي اوضة نوم ده انت يومك هيبقي اسوود
ملك لطمت علي وشها بصدمة / يا نهار اسود رحنا في داهية ربنا يخدك يا مراد
مراد بزهول / اهدي متخفيش مش هيحصل حاجة
و خرج مراد من العربية و وقف مع الضابط و حاول انه يلين معاه الموضوع بس فشل .. و الضابط أثر انهم يروحوا ع القسم
مراد قرب ناحيه العربيه وفتح لملك الباب وقالها بهدوء / يلا بينا بقى يا ملك
ملك وهي بتاخد نفسها براحة / ايه فهمته سوء التفاهم اللي حصل صح و هنمشي
مراد ببتسامه سمجة / لا هو عايز يسمعني اساسا و بعدين مصمم ياخدنا على البوكس و انا في رايي نروح معاه من غير شوشره عشان شكلنا قدام الناس في الشارع وكده
ملك بصيتله بصدمه وهي مش مصدقة انه بيتكلم ببرود وبيبتسم وقالتله / روح الله يحرقك يا مراد اشوف فيك يوم و تتفضح زي ما انت فاضحني كدة
مراد ببتسامة / يوووه يا ملك انا مش عايزك تقلقي طول ما انتي معايا ، و بعدين ما جايز يقعدونا في زنزانة واحدة ساعتها هنكمل اللي كنا بنعمله
ملك بغيظ ضر”بته بالبوكس في بطنه و الضابط قرب منهم و قال بعصبية/ جرا اي يا روح امك انت و هي انتوا هتفضلوا تتعازموا كدة … يلا قدامي
و اخدهم هما الاتنين علي البوكس 😂🤦 (ياعيني عليكي يا ملك لبستي في واحد مجنون)
في البوكس
ملك كانت عماله تعط في ايد مراد بغل و بتقول بصوت واطي / اشوف يوم يا بعيد يا رب تولع
مراد /كفايه عض في ذراعي انتي ايه ما صدقتي و بعدين
ما احنا كنا في العربيه لوحدينا حبكت دلوقتي
ملك برقت بصدمه / انت سافل وحقير اصبر عليا يا مراد وربنا انا لابطحك بحاجه بس استنى
مراد / طب اخرسي بقى خليني اكلم عاصي يتصرف في اللي احنا فيه ده .
وطلع مراد تليفونه وفضل يرن على عاصي كثير جدا لحد
ما صحي هو ونور من صوت التليفون ورد عليه اخيرا
______________________________________________
و في نفس الوقت في اوضة عاصي
عاصي و هو مغمض عينيه / ايه مين …. امم عايز اي
يا مراد ع الصبح
و فاجاه اتنفض من علي السرير بخضة / ايه ..
رايحين الاسم يعني ايه .. مين انت وملك !
طب اقفل يا مراد و انا هجيلك بس اعرفلي اني قسم
و قولي يلااا غور
وقام عاصي بسرعه وفتح الدولاب عشان يغير هدومه ويلحق اخوه نور قامت وقفت وراه وهي مخضوضة وقالت / في ايه يا عاصي هو حصل حاجه زين كويس
عاصي بصلها بقرف وقالها / وانتي مالك بزين .. عموما هيبقى كويس و اطمني هعرف مين اللي عمل فيه كده على فكره وساعتها عمري ما هسامحه
نور بعصبيه / في ايه انت بتكلمني كده ليه وليه شاكك فيا انا بالذات .. شكلي كده لما فتحتلك قلبي وحبيتك انت سوقت فيها و بقيت تدوس عليا زي الاول
عاصي بصلها باستغراب وما كانش فاهم معنى كلامها اساسا / ايه اللي انتي بتقوليه ده هو اي كلام حافظاه من برامج تيجي تقوليهولي ، بقولك يا بنت الناس غوري من وشي عشان انا مش طايقك
ولبس القميص من غير حتى ما يقفله ولسه هيفتح الباب و هيخرج من الاوضه اتفاجئ بنور وهي بتعيط وبتقوله بشحتفه / طيب طالما عايز يعرف مين اللي عمل كده في اخوك فانا هقولك علشان ارتاح
تمارا اللي كانت بتحط المخد*رات لزين بامر من ملك و رهف كانت بتساعدها وحد من الخدامين اللي عندك كمان كان بيساعدها وانا كنت عارفه بكل حاجة هااا ارتاحت
عاصي كان واقف ومديها ظهره ولكن ما كانش عارف يتحكم في اعصابه وبرغم انه كان واثق ان الغدر منهم الا انه اتوجع قوي و في لحظه غباء وعدم سيطره على اعصابه عمل 🤭🤭
______________________________________________
في العربية
بعد ما نهى اسر هو وكريم صلاتهم وكانوا راكبين عربيه بيشربوا عصير
اسر / يا عم ما تنجز بقي العصير خلص في ايدك ما ترد يا كريم و قولي قرارك هو انت رافضني
كريم ابتسم و قاله / واني هرفضك ليه بجي ، طب ده انت متربي معايا و عارف عنك كل حاچة بس حط نفسك مكاني يا اسر واحد شاف اختي امبارح و عايز يتقدملها النهاردة تفتكر هقوله اي .. رد
اسر / هقوله اني معشرك و عارف انك راجل و هتصون اختي علشان كدة هوافق انكم تتخطبوا فتره علشان تعرفوا طباع بعض ، و لانك دغري و ملكش في المياصة هنخليها كتب كتاب بالمره
كريم ضحك جامد و قاله / انت كمان بتقررلي ماشي يا اسر واني موافج بس بشرط تفض الشراكة اللي بينك و بين مراد لاني معنديش استعداد اللي حصل زمان يتكرر.. ماردش دلوجتي علشان تعرف تاخد القرار الصح
اسر بص لكريم بعصبية و اتحرك بالعربية للفيلا
منغير ما اي حد فيهم يتكلم نص كلمة
تفتكروا اي اللي حصل زمان ده ؟؟
________________________________________________
في اوضة عاصي
عاصي لف وبعزم قوته ضرب نور بالقلم و زقها بغل
عاصي / واطية و رخيصة شبهم
نور وقعت علي الارض من اثر زقته ليها واتخبط في الكوميدينو في راسها بقوة
نور و هي بتصرخ بوجع و حاطة ايديها علي راسها / الرخيص ده يبقي انت ، انت اللي ابوك كان تاجر سلا*ح و دمرناا متتكلمش عن الرخص و انتم اساسه
عاصي قرب ناحيتها و جابها من شعرها وقالها بغل/ وا*طيه وزباله و بعدين تجار السلا*ح دول اللي مش عجيبنك اسياد البلد اللي ابوكي و امك كانوا شغالين خدامين عندهم
و بغل مسك نور من رقبتها و قال / و بعدين رايحة تنتقمي من اخويا الصغير ليه يا واطية ، ده انتي بذات كانت مشكلتك معايا انا ، مش انتي سمعتيني وانا بقول لماجده اني مش عايزك لو شفتك همو*تك ليه تعملي كده اخويا
نور وهي بتزقه بعيد عنها وبتتكلم بعصبيه / عشان كنت بكرهك وعشان حبي لملك وتماره وقهرتي عليهم انهم تيتمي زيي . ارتحت يا عاصي كنت بكرهك زي ما انا بكرهك دلوقتي ومش طايقه نفسك ابعد عني
وقربها من ناحيته واتكلم بغل وكرهه حسيته في عينه وفي قربه منها / انا بكر*هك قوي ملعون ابو ده حب اللي بيخليني اكتشف كل يوم اني كنت عايش مع واحده شيطانه زيك بس انا اللي غلطان لان اللي عاشوا طول عمرهم في صفيحة الزبالة عمرهم ما هينضفوا اتفوووو عليكي وعليهم
وخرج عاصي من الاوضه وقفل الباب على نور اللي كانت عماله تصرخ وتخبط على الباب بعزم صوتها عشان يفتحلها ولكن لا حياه لمن ينادي 😭
ومجرد ما نزل الجنينه لقه رهف واقفه على اعصابها وهي مستنيه يا كريم واسر يجوا
رهف اول ما شافت عاصي جريت ناحيته وقالت بفرحه / الحق يا عاصي اسر طلب ايدي من كريم تفتكر هيوافق
عاصي بصلها بغل وقال / لو كريم وافق انا مش هوافق لان خلاص من هنا ورايح انتي مكانك مش هيبقي وسطنااا خلصت يا بنت ماجدة
هي مفهمتش كلامه لكن اتفاجئت بيه بيمسك دراعها وبيطلعها اوضه نور وبيزقها على جوه وبيقفل عليهم هما الاثنين بالمفتاح ..
_______________________________________________
في القسم
الضابط وهو بيبصلهم بقرف / ايه وانتم بقى عاملين نفسكم اثنين حبيبه ومقضينها في العربيات طب يا اخي ما تشوفولكم شقه مفروشه تلمكم
ملك / لا لا يا فندم والله حضرتك فهمت غلط انا دكتوره محترمه و اللي حصل ده سوء تفاهم
مراد وهو بيبتسم بخبث / ايوه يا فندم اتنين بيحبوا بعض اي المشكلة يعني
ملك بصدمه / يحبوا بعض اي الله يخرب بيتك ايه اللي انت بتقوله ده .. على فكره يا فندم انا ما اعرفش البني ادم ده ما هو اجبرني اخش معاه العربيه
مراد ضحك بصوت عالي بتريقه وقال / ههه ب اسال الظابط يا فندم اللي قفشنا في العربية كنا عاملين ازاي مع بعض يمكن هي نسيت
الظابط بعصبيه / ما تخلص يلا انت وهي و بعدين اطمن يا اخويا انتوا كدة كدة هتتحبسوا لان اللي حصل ده اسمعوا فعل فاضح في الطريق العام
ملك بتوتر / فعل فاضح ايه بس يا فندم بقول لحضرتك انا دكتوره طب حتى استنى انا معايا بطاقتي
وفتحت ملك شنطتها وطلعت البطاقه لظابط وفعلا كانت الدكتوره و مراد استغرب جدا لان اول مره يعرف المعلومه دي عن ملك وحب ان هو يقلل توترها و قال ان هو من عيله القناوي وفعلا لم نفسه وسابهم في المكتب لحد ما يجي عاصي عشان يضمنهم
______________________________________________
ملك كانت قاعدة عمالة تحرك رجليها بتوتر و قلق و مراد قاعد بيضحك / ما كفاية توتر بقي عاصي زمانه جاي
ملك / انت بتضحك ع اي يا منيل انت عجبك يعني اللي احنا في ده
مراد / مالنا يعني ما احنا زي القمر اهووو .. وبعدين بعد ده كله طلعتي في اخر دكتوره ده انا هتعالج عند مراتي ببلاش يا جدعان بقي
ملك ما قدرتش ان هي تكتم ضحكتها وضحكت على طريقه كلامه وهزاره معاها ولكن لقوا الباب بيتفتح ودخل عاصي والظابط واتحلت المشكله وفعلا ضمنهم وخرجوا كلهم من القسم .
________________________________________________
في الشارع
مراد كان ساند ايده على كتف عاصي بيقوله بهزار / تسلم
يا شقيق اهي دي الاخوات يا جدعان
عاصي نزل ايد مراد من عليه بعصبيه وقاله / كنت بتعمل ايه انت وبني ادمه دي في الشارع عشان تتمسكوا اداب يا محترم
مراد بص لعاصي باستغراب وقاله / جرا اي عاصي ايه طريقه الكلام دي موقف و خلص خلاص
عاصي بصله بفخر وتريقه / الله عليك اخويا يتمسك اداب و يبجح و يقولي بثقة موقف و خلص خلاص .. ايه اول ما شفتها رجعتلك ريلت عليها
و خبطه في كتفه بغل / مالك يلاا ما تسترجل كده ولا انت نسيت هي عملت فيك ، اممم شكلك كده بتحب اللي يديك على دماغك ويقل منك
مراد مسك عاصي من القميص بتاعه بعصبيه / نقي كلامك معايا لاني مش هسكتلك وبعدين ليه راجع تقولي كلامك ده دلوقتي اذا كان انت اللي دخلتها البيلا اصلا وقفت قدام العيله كلها ولا ناسي .. واه يا عاصي انا بحب ملك ومن زمان قوي وانت عارف كده كويس وهتجوزها
زق مراد بعيد عنه / هتتجوز اللي كانت هتمو*ت اخوك يا دكر اي ما ترد علي سؤالي هتتجوز اللي كانت هتمو*ت زين اخوك الصغير اللي عشت حياتك بتحاربني علشان زين ما يطلعش شبهي وشبهك مش ده زين اخوك اللي كنت بتتمنى انه يتعلم بره مصر ويبعد عن القرف اللي انا وانت فيه و ميعرفش حقيقة ابوه
مراد بص ناحية ملك باستغراب وما كانش فاهم الكلام بس اتفاجاه انها حاطة ايديها علي بقها و بتعيط .. رجع تاني بص لعاصي و قال بضعف/ هي عملت اي لكل ده يا عاصي ما هي و*لعت في المخزن ولعت فيا انا شخصيا وضر*بته بالنا*ر هتبقى عملت اي او*سخ من كل دول
عاصي بتريقة / والله انا كنت فاكرها بتعمل حاجات بطيش تو*لع في مخزن تو*لع في ارض اي حاجه عشان تهدي النا*ر اللي جوه قلبها بس طلعت شيطانه بقالها شهور بتخطط وترتب عشان تخلي اخوك مد*من ويمو*ت هي دي اللي عايز تتجوزها وتامنلها علي عيالك يا مراد .. اي ما ترد
مراد بص لملك بحزن و قرب ناحيتها / انتي عملتي كدة بجد .. ردي عليا يا ملك عملتي كدة
ملك بنهيار / انا اسفة. انا كنت فاكره اني برجع حق ابويا اللي ما*ت غدر والله العظيم ما كنت اقصد حاجة
مراد انا عارفة اني اذ*يتكم كتير بس والله ما اقصد اعمل اي بس اعمل اي
و سابتهم ملك و مشيت بس مراد مسكها من ايديها و رجعها تاني وقالها بلهفة/ انا هسامحك بس متبعديش عني تاني ملك انا بحبك اووي والله العظيم
ملك و هي بتمسح دموعها بكف ايديها/ بس عاصي معاه حق انا منفعكش يا مراد ده بجد انا منفعش اي حد ، قبل اديك الحب اللي انت عايزه لازم اتعلم اصلا اني احب لاني عمري ما عرفته . لو عايز نصيحة مني انساني
و سابته ملك و مشيت وهي كانت بتدمع بوجع ،كانت بتمشي في الشارع وهي مش عارفه هي رايحه فين بس كانت بتقول لنفسها / اللي عملته هو الصح .. انا لازم ابعد ما فيش حد هينسى اللي حصل وما فيش حد هيحبني ولا انا ولا اخواتي ..
ووقفت في الشارع و هي بتتنهد بتعب و بتقول بحر*قة قلب / و لازم اتغير كفاية مؤامرات انا تعبت
وكملت ملك طريقها …
______________________________________________
بعد مروووووور حوالي ست شهور
في دبي 🔥
كانت ملك ورهف ونور وتمارا عايشين في بيت هناك لوحدهم
رهف كانت بتحط الاكل على السفره وبتنادي عليهم بعلو صوتها / ما يلا بقى يا جماعه الاكل برد انا زهقت
وفجاه كلهم اتجمعوا على السفره عشان ياكلوا مع بعض ما عدا ملك اللي كانت بتمسك شنطتها والبالطو بتاعها وبتجري وبتقول / مش هينفع اكل معاكوا دلوقتي عشان اتاخرت قوي على المستشفى يلا باي
وجريت ملك على تحت ، وحصلتها كمان نور اللي مسكت شنطتها والجاكيت بتاعها وقالت / وانا كمان اتاخرت اشوفكم لاحقا باي باي
وقبل ما توصل عند الباب لفت ثاني وبصيتلهم وقالت / اه النهارده حسن عايز يجي يتقدملي و بصراحه انا وافقت
رهف وهي بتبعتلها بوسه في الهوا / لاه ده احنا بقينا جامدين قوي بنوقع الدكاتره بتاعتنا كمان جامد يا نور خدي بوسة تاني
ابتسمت نور وكانت هتنزل بس كلام تمارا وقفها اللي قالت / طب وعاصي يا نور
نور بصت لتماره بهدوء ولبست نظارتها بكل ثبات انفعالي وقالتلها / بس انا ما اعرفش حد بالاسم ده يلا باي باي يا بنات
وخرجت نور من الشقه وهي حاول تتماسك باعصابها وبتفتكر اخر كلمة قالتها لعاصي
فلاش باااااااااااااااااااااك 🔥
في المخزن ..
نور كانت مضرو*بة جامد في وشهاا و مناخيرها بتنز*ف بشده و كانت بتبص لعاصي بغل و قال / لو كنت عضم في قفة في عاصي يا قناوي مستحيل ارجعلك او ان اسمي يتربط باسمك تاني
عاصي / وانا وعد مني ان طول ما فيكي الروح هتفضلي مزلو*لة تحت رجلي بتتمني اني ارجعلك .
استووووووووووووووووووب 🙈
احم ربنا يستر منكم حقيقي لاني خايفة 🤭
انا عارفه ان في ناس كتير هتضايق من اللي حصل ولكن لازم تعرفوا ان اللي حصل مش سهل ان هما يعدوه بسهوله
وبقلبه عاصي عليهم تدل انهم عمرهم ما هينسوا اللي حصل زمان ❤️
وزي كل مره برجوكم ما تنسوش الدعاء لاخواتنا في فلس*طين بان ربنا يرحم موتا*هم ويصبر اهاليهم وينقذهم من المحنة اللي هما فيها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة عائلة القناوي)
الرواية تحفة جدا 🤍🤍
الرواية جميلة جدا 🤍🤍
ليه كدااااااا
المفروض يرجعوا لبعض
ليه كدا يعني
كل واحد فيهم ضحيه بشكل مختلف
مش ينتهي حبهم كدا