رواية أسيرة عائلة القناوي الفصل الثامن والثلاثون 38 بقلم يوستينا سامي
رواية أسيرة عائلة القناوي الجزء الثامن والثلاثون
رواية أسيرة عائلة القناوي البارت الثامن والثلاثون
رواية أسيرة عائلة القناوي الحلقة الثامنة والثلاثون
في شقة كريم و جميلة
كريم كان قاعد مضايق و شغال علي ورق مهم اتفاجاه بجميلة و هي بتلف ايديها حوالين رقبته و بتبوسه بحنية من رقبته / بقالك كتير بعيد عني و بصراحة انا مش متعودة علي كدة
كريم ابتسم بخبث و شدها و قعدها علي رجله بعد ما بعد الورق من ايده / في ده بجي ، ما اني طول الوجت جدامك ..
و ضغط علي وسطها بعشق اكبر / و بعدين تعالي هنا بجي انتي ازاي بتحلوي اكده كل شوية
جميلة و هي بتحرك ايديها علي دقنه / يمكن علشان انت بتحبني اوي اوي علشان كدة شايفني قمر .
و قربت من ودنه و قالت بخبث / بقولك اي انا عملالك مفاجاه هتعجبك اوي في الاوضة دي
كريم اتهند بصعوبه / بجولك اي يا بنت الناس اني عندي شغل مهم جوي ، اجليها بالله عليكي
جميلة قامت من علي رجله ببرائة / براحتك خالص .. عموما انا هدخل انام احسن تعبانة اووي
و قلعت روب اللي كانت لابساه و ظهر قميص النوم اللي كانت لابسااه و دخلت الاوضة بهددوء
_______________________________________________
في الشارع
مراد كان نازل يجري ورا عاصي بلهفه وكان خايف جدا عليه ولكن فجاه لقه عاصي نزل على ركبته في الشارع بضعف و حاطط ايده علي راسه
مراد بخضة / عااااااصي 😳😳
مالك!! انت قعدت كدة ليه في الشارع .. قوم معايا قووم اسند علياا
عاصي كان بياخد نفسه بصعوبه بصله بعتاب / انا تمام .. انا بس دوخت و حسيت ان رجلي خلاص مبقتش شايلاني ، انا عاذرها ياما شافت
و زقه بايده بارهاق/ سيبني و امشي يا مراد انا عايز ابقي لوحدي
مراد بلهفة و خوف / لا مش همشي .. قوم اسند عليا انت شكلك ميطمنش ابداا قوم
عاصي ابتسم بتريقة / كنت عايز خوفك و لهفتك ديت ساعة لما خرجت من المستشفى شفتني قاعد في قبر أمك بعيط … كنت محتاج ايدك تسندني و تقولي متخفش هنعدي اللي فات ، كنت محتاجك من ست شهور يا مراد
مراد اتوجع قوي اول لما افتكر بوفاه والدته اللي اتخطفت من وسطهم فجاه من غير اي سبب وكان ربنا عايز يرحمها قبل ما تشوف عيالها الثلاثه وهم بيتدمروا وبياكلوا في بعض ..
مراد بص لمراد بوجع / كان صعب عليا صدقني كان صعب اخدك في حضني و اقويك وانا مكسور
انا كنت بموت يا عاصي في المستشفى لوحدي و لما رجعت قولت هدفي في حضن امي لقيتها ماتت وحتى ما عرفتش ادفنها
لا و لقيت البني ادمه الوحيده اللي بحبها سابتني و سافرت حتى اقرب صاحب ليا عايرني بالابويا عمله زمان وبعد عني
انا كمان تعبت اقسم بالله تعبت و لا انا اكمني بضحك يعني قدامكم ومش باين عليا
عاصي بوجع / ياااه كل ده جواك .. ده انا قولت انك معندكش دم يا ابني
مراد ضحك / ساعات برضو يا ابني انا متنوع يلا هات ايدك يا عاصي و قوووم .. يلااا
حط ايده في ايد مراد وقام معاه بس مراد اصر ان هما يروحوا المستشفى يطمنوا عليه وخصوصا ان وشه كان اصفر قوي ويخض
_____________________________________________
اوضه نور
كانت قاعده بتعيط وملك جمبها
ملك و هي بترميها بالمخده / طالما بتحبيه قوي كده ليه عملتي كده يا نور ليه قلتيله انك بتحبي حسن وكسرتيه بكلامك ده
نور بعياط / هتصدقيني لو قلتلك ان ما كانش في دماغي اعمل كل ده وكنت هاجري على حضنه واقوله بحبك بس ما قدرتش لقيت نفسي بستفزه وعشان اشوفه هيمد ايده عليا زي ما عمل فيا ولا لاء
عارفه يا ملك اصعب احساس في الدنيا لما تكوني مديه الامان لشخص والشخص دوت هو اللي يدوس عليكي و يحسسك بعجزك .. و عاصي عمل فيا كدة و انا مش عارفة اتعافي والله ما عارفه
ملك اخدتها في حضنها / والله هتروح و تحلي و بكره تقولي ملك قالت
______________________________________________
في الصالة عند كريم
كريم حاول يتمالك اعصابه و يكمل شغل بس سمع صوت اغاني اشتغل في الاوضة في اللحظة دي مقدرش يتمالك اعصابه اكتر من كدة
كريم و هو بيكلم نفسه / يا اخي ابو الشغل علي اللي عايز يشتغله بجي .. اني اجوم تلاجيها عايزاني في حوار كبير جوي
و قام و فتح باب الاوضة بس اتصدم اول ما لقاها لابسة بدلة رقص شرقي لونها احمر و هو بيعشق اللون الاحمر عليها لدرجة انه يرفض يخليها تلبسه برا البيت
كريم دخل بسرعة و قفل الباب / يخرب عجلك يا چميلة ايه اللي انتي عملاه ده
جميلة بخبث / اي هو انت ايه اللي جابك .. انا كنت لابساها ليا انا بصراحة كنت حابة ادلع نفسي و خصوصا ان جوزي خلاص نسيتني
كريم اتنهد و قرب ناحيتها / لااه مجدرش .. بس اكده امك هتسمع صوتنا و فضيحتنا هتبجي بجلاجل
جميلة اتكسفت ووطت راسها / الله هو هيحصل حاجة اساسا.. انا بس كنت برقص
كريم و هو بيقرب منها بحب / لااه ده هيحصل كتييير جوي .. بس الاول ترجصيلي
و راح جاب شال و لفه حوالين وسطها و شغل الاغاني تاني ، و اتفاجاه بجميلة انها قاومت كسوفها و رقصت قدامه بجرائة كبيره اووي
______________________________________________
في امريكا
في مكان اشبه بصحراا كان متجمع فيه شباب كثير وبنات من الجامعة عند زين .. وفي نفس الوقت في ناس ثانيه مشاركه في التحدي من برا الجامعة منهم مسجلين خطر
و اول ما الساعة جات ٨ المكان بقي مليان بالموتوسيكلات وعربيات واقفين عمالين يشجعوا علشان هتقوم مصارعه بين الشخصين على فلوس لكن اللي هيخرج عايش من المعركة دي هو اللي هيكسبهاا
و في وسط كل العالم ده زين كان واقف بشورت اسود و عاري الصدر بعد نا قلع كل هدومه بيستعد مع صحابه .. و لكن لقه معاذ واقف جمبه
وبيقوله بغيظ / انا قلت اه عليك غبي بس مش لدرجه انك تضحي بعمرك عشان تحدي تافه وممل زي ده
زين بصله بلا مبلاه ووهو ماسك في ايده كاس وبيشربه / الملل والتفاهه دي بقت حياتي وبعدين سبق وقلتلك لو شفتك ثاني انا هزعلك بس شكلك مش خايف على حياتك
معاذ/ زين بطل غباوه انت داخل تلعب مع روكي اللي لسه خارج امبارح من السجن … بقي انت هتقدر تنافسه و تضربه كمان ،ما تفوق يا ابني بقي
زين ابتسم بملل ورمى كاس على الارض وقاله / اه هعرف وعد مني اول ما اخلص التحدي ده واكسب الدور هيبقى عليك انت
وسمع زين صوت ضرب النار اللي بيوحي بالاستعداد وبعد عن معاذ ودخل جوه الدايره اللي هيحصل فيها المعركه وكانت المنافسه غير عادله اطلاقا لان زين صفر على الشمال بالنسبه لروكي
يا ترااا زين هيحصله اي 😭
______________________________________________
في السينما
كانت رهف و اسر لسه خارجين و كان اسر مغطيها بجاكت بتاعه رهف مكسوفة اوي / ابني ما تشيل ايدك بقى الناس كلها بتتفرج علينا
اسر /طب ما تتفرج واحد وحاضن مراته وخايف عليها من السقعه احسن تبرد هي وابنه ما حدش ليه عندي حاجه
رهف بحب ابتسمت ببرائتها وقالت /هو انت فرحان قوي كده بالبيبي ولا شايف ان احنا كنا نستنى شويه عقبال ما نفرح بشبابنا
اسر رفع حاجبه باستغراب / ايه العقليه دي ما احنا ممكن نفرح في شبابنا ومعانا ابننا عادي
رهف بغيظ/ وليه ما تقولش و بنتنا معانا ..امم دي ذكورية صح
اسر ضحك / لا وربنا ما فارق معايا ومش بفكر في الموضوع دوت اطلاقا انتي لو خلفتي ارنب انا هتبسط بيه اووي
رهف قربت منه وباسيته من خده بفرحه / ايوه كده هو ده اسوري حبيبي قولي بقى هنرجع البيت امتى
اسر /انسي حوار البيت ده دلوقتي خالص انا مش عايز حوارات وبعدين طب ده انا حتى مدلعك و مهيصك صح يا بنت
و غمزلها اسر بهزار وهي ضحكت وقالتله / ايوه بصراحه وبتفسحني كل يوم بس نور وتماره وملك وحشوني وعايزه اطمن عليهم
اسر /يا ستي اعتبريني بجدد شهر العسل . ويلا بقى احسن الجو بدا يسقع وانا خايف على ابني احسن يبرد اه كله الا ابن اسر .. يلاا
رهف خبطته في كتفه بغيظ و قالت / طيب افضل انت توه كدة كتير وانا عارفه انك هربان من مراد ومش عايز تواجهه
اسر ضحك / يا واد انت يا خبيث شاطره يا بت تعالي بقى عشان تبقي تستنصحي عليا
واتفاجئت رهف باسر وهو شايلها على ذراعه وبيركبها عربيه وبيرجعوا الاوتيل مره ثانيه
____________________________________________
في البيت عند البنات
ملك بتوتر كانت ماسكه التليفون وعماله ترن على مراد وهي بتحرك يمين وشمال/ بقى كده يا مراد بتطنشني يلا ومش عايز ترد عليا طب وربنا لاطين عيشتك اول ما تيجي
سجى بحده / وبعدين معاكي بقى روشتيني اقعدي اول ما يفضي اكيد هيكلمك
ملك / اسكتي انتي يا حربايه انا متوتره جدا عليه وخايفه يمسك هو وعاصي في بعض … والزفت اللي اسمه كريم ده مش بيرد
ونور كمان خرجت من الاوضه وهي ماسكه التليفون في ايديها وواضح انها متوتره وقالت / وكمان عاصي على فكره مش بيرد تفتكري حصل حاجه
ملك وهي بتغمزلها بشقاوه / ايه ده ايه ده الله الله ايه الحركات دي هو انت بتكلمي عاصي يا بت يا شقية …طب كان اي لازمته دور شادية اللي حصل من شوية ده
نور / هو اني كمان اتكلم و اطلع اللي جوايا ممنوع طب على الاقل علشان لما ارجعه ابقى صافيه
ملك و هي بتضحك / يا خرابي عليكي شقية انتي يا بنت والله
مفاجاه لقوا سجى بتسقف بفرحه وقالت / اخيرا بقى الحمد لله كده انا اطمنت عليكم ملك هتتجوز مراد ونور هترجع لعاصي …. بس بصراحة انا كنت كل يوم بدعي انك ما ترجعلوش عشان انا كنت عايزة اتجوزه
ملك قعدت تضحك جامد و نور بصتلها بصدمه وهي بتقولها / كده برده يا سجى حرام عليكي ده انا محبتش في دنيتي كلها غيره
سجي / ما انا بصراحه قلت اسيبه يختار و للاسف اختارك انتي يلا ما ليش نصيب فيه
نور ضحكت و حضنتها/ ماشي يا اوزعة
_____________________________________________
في امريكااا
كان بدا التحدي بين زين و روكي
وزين كان بيحاول انه يفتكر كل حاجه وجعاه وخانقاه وبيطلع غضبه ولكن ما قدرش وانهال روكي عليه بالضرب من غير رحمه ولا شفقه ما كانش زين قادر ان هو يردله اي ضربه ما كانش حاسس باي حاجه حواليه الا بصوت صريخ الناس و تشجيعهم لروكي .. و غصب عنه بدا يفكر اخر لقااء ليه مع تمارا
فلاااااش بااااااك
في المصحة
زين كان قاعد علي السرير بيعيط بعد ما عرف بموت امه و اللي تمارا عملته فيه من زين لكن اتفاجاه بتمارا بتجري عليه و تحضنه بخوف
تمارا / حمدالله علي السلامة انا مرضتش اسافر معاهم منغيرك .. كنت هموت و اشوفك يا زين
زين بكره وعصبيه زقها بعيظ عنه / اي جاية تضحكي عليا تاني صح زي ما كنتي بتعملي
و مسكها من دراعها بكره / كنتي بتعمليها ازاي هاا يعني كنتي في حضني وعلى سريري وبين ايديا يا تمارا وبتحطيلي مخدرات
تماره بعياط كانت موطيه راسها وبتقوله بصوت متقطع / انا اسفه يا زين انا غصب عني انا كنت راجعه اجيب حقي
زين بوجع / لسه كدة بس ..ليه ده انا اكثر حاجه بكرهها في حياتي هي الكدب وانتي ما كذبتيش عليا انت خدعتيني بحب وخوف وكل حاجه … لما كنت بتوجع قدامك كنتي بتيجي تحضنيني وانتي اساسا سبب في وجعي انا مش عايز اشوفك تاني …. حتى لو بحبك وروحي فيكي مش عايزه اشوفك تاني .. انتي سم ومرض لازم اتعافى منه انتي طالق يا تمارا .
و في اللحظة دي فاااق زين علي صوت دراعه و هو بيتكسر من روكي و صريخ معاذ و خوفه عليه و هوو بيقوله / لا يا زين متستسلمش كدة ..قوم يا زين.. قوووم هيموتك والنبي قووم
لكن خلاااص زين غمض عينيه و ادي عقله الاذن انه ينفصل عن العالم و فقد الوعي و روكي بعد عنه بعد ما كسب التحدي و اخد الفلوس و كل اللي موجودين جريه عليه علشان يحيوه حتي صحاب زين الا معاذ اللي جري ناحيته و شاله للعربيه ووصله لحد المستشفى
_______________________________________________
بعد حوالي ساعة
في المستشفى عند عاصي
كان متعلقله محاليل و مراد جمبه بس لقه تليفونه بيرن رد مراد عليه بس فتح المايك
معاذ في التليفون / ايوه يا مراد أنا معاذ صاحب زين
مراد بص لعاصي باستغراب وقاله / ايوه يا معاذ في حاجه حصلت ولا ايه زين كويس
معاذ بعصبيه/ لا طبعا مش كويس وبعدين انتوا ليه سايبينه كده وايه حصله في مصر خلاه يوصل للحاله دي .
عاصي قام من على السرير ومسك التليفون من مراد وقال بخوف/ ماله زين ايه اللي حصل
معاذ/ تقريبا زين عارف ان انتحار حرام فبيموت نفسه بالبطيء النهارده دخل في تحدي وكان هيموت ودي مش اول مره يعملها
عاصي الرعب دخل قلبه و قال بخوف/ وهو فين دلوقتي
و عرف عاصي كل اللي حصل من معاش و رمي المحلول من ايده و خرج من المستشفى و هو بيجري. و مراد كان وراه
_____________________________________________
في اوضة عاصي
كان بيغير هدومه وبعد ما اخذ شاور عشان يلحق يسافر هو ومراد امريكا و يطمنوا على اخوه لكن لقه نور بتحط ايديها على كتفه
عاصي ابتسم بكسره / ما تقلقيش انا عارف انت جايه تقولي ايه .. انا كويس يا نور . متخفيش لسه متجننتش .
نور / عاصي ممكن تبصلي …علشان خاطري
عاصي ساب الشنطه اللي كانت في ايده و بصلها بهدوء / خييير في اي
نور / انا .. انا اسفة
عاصي اتنهد بارهاق / علي اي . لو في حد يستاهل يتاسف يبقي انا .. عموما انا هسافر لزين و مش هرجع تاني . هي باينلها كدة زي ما قولتي خلصت
و مسك الشنطة و كان لسه هيتحرك بس نور خبطته بايديها في كتفه بعصبية / هو مش بمزاجك على فكره تقول خلصت ولا ما خلصتش انت مش من حقك تكرر من نفسك انا بحب , اه غلست شويه ، اه وجعتك بكلام زي ما انت عملت .. بس مش هتسيبني يا عاصي ..سامع مش هتسيبني تاني
عاصي ما صدقش الكلام اللي سامعه وقرب ناحيته و مسك وشها بايده وقالها / انتي بتتكلمي جد .. انتي سامحتني يا نور .. اقسم بالله لو طلعت بتكدبي عليا وبتقولي اي كلام عشان توجعيني هموتك فيها
نور حضنته جامد وقالت / لا لا والله بحبك ومش هقدر ابعد عنك تاني انا عارف اني وجعتك وفتحت وجعك اللي انت بتحاول تنساه … بس. كنت متغاظة منك و كمان
عاصي مدهاش فرصة تكمل كلامها و قرب منها و باسها بشتياااق و حب و نور بدلته عشقه و هو. كان هيتجنن من قربها منه و فاجأه شالها و حطها علي السرير 🤭🤭
___________________________________________
في اوضه مراد
ملك كانت بتطلعله جاكيت/ هتلبس ده يعني هتلبسه الجو هناك اكيد هيبقى ساقعه وانا خايفه تاخد برد
مراد بستغراب / هو انا مسافر بوركينا فاسو هو ناقص عته اوعي يا ملك بقي من وشي
ملك / اوعي من وشك اروح فين يعني .. انا هبات هناا
مراد بصلها بصدمة / ده بجد هتنامي في حضني لا لا متقوليش كدة
و قرب منها و شدها من وسطها ليه بس ملك ضربته برجليها في رجله / اوعي ياض يا مغيب انت .. انا قصدي هقعد معاك لحد ما تسافر ..هو انت مش مسافر الفجر
مراد و هو ماسك رجله بوجع/ اه يا غشيمة مسافر الفجر و غوري بقي بدل ما افتح نفوغك علي الضربه دي .
ملك / لا ما انا هونسك هناااا … و بعدين هو انت مينفعش تاجل السفر لحد ما نكتب الكتاب انا مش عارفة ليه الجوازة دي مبصوص فيها كدة
مراد غمزلها و قالها / لا انا راي نكتب الكتاب بعد ما ارجع احسن و ربناااا لو كتبنااه انا مش هعرف ابعد هاا فاهمة قصدي
ملك بجرائه ضحكت / و مسن قالك تبعد اصلااا … ده القرب حلوو و ربناا
مراد ضحك جامد / وانا اللي كنت فاكرك مؤدبة ..يا شيخة ابو سفالتك قومي يا بت من هنااا
و قعدوا يضحكوا هما الاتنين
و فاجاه لقوا سجي داخلة تعيط جامد و بتتشحتف
سجي / مرااااد .. الحقني 😭
طبعا انا بعتذر على التاخير دوت بس كان غصب عني كان عندي التهاب في عيني اليمين ومش بقدر امسك التليفون
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة عائلة القناوي)
