رواية أزهار الصبار الفصل الأول 1 بقلم ولائيات
رواية أزهار الصبار البارت الأول
رواية أزهار الصبار الجزء الأول
رواية أزهار الصبار الحلقة الأولى
لمحات الماضي
كل ما اتذكره عن الماضي انه كان ماضي به افراح واحزان فكم كان ابي حنونا ولكن فقد امي كان بمثابه بئر من الاحزان عميق سقطنا بداخله في ظلام مشاعرنا وقد ساعدني ابي واختي الكبري علي اجتياز تلك الكارثه التي احلت بنا فقد كنت في الصف الثالث الثانوي وكنت اكثر شخص مرتبط بامي واقترب موعد الامتحانات ولم استطيع ان اكمل لسوء حالتي النفسيه واضطررت للتاجيل
اختي غادة كانت هي الام الصغري تغمرنا بحنانها
غادة : تقي مينفعش كدا احنا مؤمنين بالله وكمان احنا قدرنا حالتك النفسيه واجلنا الامتحانات انما كدا ماما هتكون زعلانه انك بتضيعي حلمها وتكوني دكتوره
تقي: انا وعدتها اني اطلع دكتوره اخفف الامها بس هي راحت يا غادة اعمل ايه مش متخيله حياتي من غيرها
غادة : كلنا مش متخيلين بس دي ارادة ربنا ولازم نكمل انا طلبت من عزت ننقل قريب من بيت بابا وقدمت طلب نقل لفرع الشركة الي هنا علشان اكون جنبك
تقي : وابيه عزت هيغير كل حياته ليه
غاده : علشانك يا قلبي وتفضي لمذاكرتك
تقي : انا كويسه يا غادة كدا ابيه عزت هيتضايق وكمان مدرسه نورين
غادة : بالعكس عزت رحب جدا انتي عارفه انه بيحبك اد ايه وهننقل مدرسة نورين هنا كمان وخصوصا ان بابا صحته مش هتتحمل وانتو محتاجين حد يرتب معاكم حياتكم
تقي: دادا نوال معانا انتي عارفه كانت بتاخد بالها من البيت وماما علشان تعبانه مش هنقدر نفرط فيها
غاده : مين قال اننا هنفرط في نوال بس برضه الموضوع مش نضافة وترتيب بس بصراحة كدا انا هتابع معاكي دروسك ونظامهاعلشان بابا يكون مطمن
تقي : بس انتي كنتي علمي رياضه وانا علمي علوم
غاده : لاء انا عارفه انك شطورة وهتتولي مذاكرتك دا ميمنعش ان لو محتاجه حاجة في الفزياء ولا الكمياء انا معاكي انتي عارفه احنا مهندسين وبتكون المواد دي سهله لينا
تقي : ربنا يخليكي ليا يا غاده انتي وابيه عزت بس هو شغله هيعمل فيه ايه
غادة : عزت هيفتح مكتب هندسي هنا هو واحد صاحبه هما درسو الموضوع ومكنوش استقرو علي المكان بس لقو ان هنا المكان كويس هنا بعدنا بعمارتين وكمان عم راجح كان الي في العماره الي قصادنا هيبيع شقته هنشتريها وننقل فيها
تقي: غادة انا تعبتكم اوي بس غصب عني انا كنت بحب ماما اوي
غاده كلنا بنحبها بس كل واحد بطريقته المهم انك تكوني قويه
……………………………
عزت : خلاص يا مراد هنروح نمضي العقد
مراد: شكلك مش مبسوط يا عزت
عزت : لاء ابدا بس هننقل البيت والشغل والمكتب ومدرسه نورين فدنيا ملخبطة ومشاوير كتير
مراد : يا حبيبي ركز انت في حاجات البيت انت والمهندسه غادة ومتقلقش انت عارف اننا ساكنين قريب من هنا وكمان مصطفي اخويا في تايه هندسه هيساعدني
عزت : مصطفي يااه الدنيا بتجري لسه كنا امبارح بنذاكر له
مراد: اه والله بس الحقيقه هو شاطر ودماغه حلوة بقوله يشد حيله ويجيب تقديرات ويتعين في الجامعه بيقولي التدريس دا مش من طموحه عاوز يسافر يعمل ماستر بره
عزت : سيبه براحته فاكر احنا كنا بنحلم نفتح مكتبنا من امتي ولولا مساعده عمي مصلح والدك مكناش عرفنا نحققه
مراد : اه فاكر الحمد لله فات سنين بس الحلم علي وشك يتحقق ربنا يخلي لنا بابا اتفق لينا علي كام مشروع نبدا بيه من الباطن وعملنا اسم ناقص بقي يبقي رسمي
…………………………….
مرت الايام وغاده بين شغلها وترتيب بيتها وترتيب بيت باباها و مساعدة اختها ومر الوقت ونجحت تقي بمجموع كبير
تقي: ابيه عت ابيه عزت انا نجحت
عزت : مبروك يا توتو الف مبروك غادة عرفت
تقي : لاء انا جيت المكتب اشوفها وافرحها هي فين
عزت : جوا في مكتبها بتضبط الاجهزة يلا ندخل نفرحها
دخلت تهرول مندفعه وهي تنادي
انا نجحت انا نجت يا غاده اين انتي وفتحت الباب وهي تجري جبت 96%
غاده : توتو حبيبتي الف مبروك ياااه انا اد ايه سعيده
تقي : انا اسفه كنت فاكره انك لوحدك
غاده : محدش غريب دي ريتاج ونور مهندسات معانا ودا مصطفي اخو مراد شريك عزت وعشرة عمر
درش
غاده : طيب يا عزت انا مش هاجي انا بليل
عزت : لاء دا كله انهارده اجازة احتفالا ببنوتتنا الجميله ونجاحها المبهر يلا يا بشمهندسين اجازة انهارده
المهندسات : مبروك يا بشمهندسه غاده الف مبروك
مصطفي : الف مبرك طيب ممكن نكمل البرامج وقت تاني
عزت : ايه يا درش مستعجل ولا ايه
مصطفي : لاء يا بشمهندس ابدا بس عندي محاضرة واسيبكم تحتفلو بالانسه
عزت : دي تقي اخت غادة واكيد هنعمل لها حفله وكلكم معزومين
غاده : اكيد طبعا معلش يا مصطفي تعبناك معانا وبنعطلك عن الكليه
مصطفي : مفيش اي تعب خالص انا حتي بعتبر دي فرصه ليا في مشروعي الخاص
مراد يدخل المكتب اذيكم يا جماعه هو فين الناس دخلت لقيت المكتب فاضي
عزت اهلا يا مراد تعالي دي تقي نجحت في الثانويه العامة وكمان بترتيب من الاوائل ف اديت باقي اليوم اجازه وهنروح نحتفل بيها
مراد: مبروك يا تقي ربنا عوض تعبك انتي وغاده بكل خير
تقي : الله يبارك في حضرتك يا بشمهندس مراد
مراد : دا كدا محتاجه بقي احتفال كبير يا عزت اسيبكم بقي تروحو تحتفلو وانا عندي شغل هخلصه
عزت : تسيب مين يا اخينا انت بتهزر انت هتجيب عمي مصلح وطنط
وهنبلغ حمايا العزيز وكلكم معزومين
مصطفي : الف مبروك انسه تقي انا هستاذن انا ورايا محاضرات
غادة : استني يا مصطفي انت هتخلص محاضرات ولازم تيجي
يلا يا تقي نروح نفرح بابا و نشتري حاجات وناخد نورين
عزت : وانا هرتب كل حاجه وابلغكم عندنا كام توتو هي واحده
مراد : انا هروح اكلم الحاج والحاجه يجهزو
………………………..
والد تقي : يا يا حبيبه ابوكي انتي تعبتي وربنا عوض تعبك خير الله يرحمها امك كان نفسها تشوف اليوم دا
غادة : الله الله يا حاج ايه احنا هنقلبها نكد ولا ايه زمان ماما الله يرحمها روحها معانا وحاسه بينا
تقي : انا هدخل طب علشان دي كانت رغبتها واي حاله غير مقتدره هعالجها واوهب العلاج صدقة علي روح امي بدات تبكي بشده
حضنتها غاده بكل حب وهي تقول لها : بلاش عياط الله قولنا ايه بقي
الاب : طيب خدي بقي انزلي اشتري الي نفسك فيه
غاده : عزت حجز لنا مطعم وهنحتفل بيها يا بابا انا كنت اتفقت انزل معاها بس لازم اجيب نورين الاول
الاب : حبيبه جدو انا الي هروح اجيبها واغديها وتقعد معايا ملكوش دعوة بيها روحو انتو هاتو الي نفسكم فيه واوعي يا غاده تدفعي مليم واحد من جيبك انتو الاتنين بناتي مفهوم
غاده: ربنا يخليك لينا يا حبيبي بس انا مش عاوزة حاجه
الاب : هاتي ليكي ولاختك يا غاده وشوفي هي محتاجه ايه هديه هاتيه انتو ادري ببعض
يلا يا نوال يا نوال
نوال : ايوه يا استاذ محمود
محمود: حضري الاكل الي بتحبه نورين بس احنا هنتغدا بره انهارده وخدي دول هاتي لنفسك الي نفسك فيه
نوال : الله بس دا كتير اوي
محمود: دا الدكتورة تقي نجحت ودا منها ليكي
نوال : الف مبروك الف مبروك يا بنتي ربنا يفرح قلبك ويسعدك يارب
تقي : الله يبارك فيكي يا دادا
غاده : نوال اوعي نورين تتعب بابا هي شقيه
نوال : الله وانا مش هسيبه نوارتنا دي انا هجهز لها كل الي بتحبه
غادة يلا يا توتو علشان نلحق
…………………….
مراد : بابا ماما يا جماعه اين انتم
مصلح : ايه يا مراد مالك
مراد : فين ماما
الام وخارجه من المطبخ : جيت بدري يعني مقولتش انا لسه بجهز الغدا
مراد: لاء متتعبوش نفسكم احنا معزومين بره
مصلح : معزومين فين
مراد : تقي اخت غادة مرات عزت نجحت في الثانويه العامة بترتيب وهنحتفل بيها
مصلح: ايوه يا ابني واحنا هنيجي ليه
مراد: يا بابا تقي السنه الي فاتت كانت ثانويه عامة ووالدتها اتوفت واضطرت تاجل ودخلت في حاله نفسيه وحشه وعلشان كدا عزت نقل كل حياته جبهم علشان غاده تاخد باله منها
مصلح : اه يا حبيبي فاكر كل دا
مراد: عزت بقي عاوز يحسسها بالعيله ولمه وانا وهو اصحاب وعشره عمر وغادة مراته زي نهال اختي ومش عاوزين تقي تحس بفقد امها
الام: يا حبيبتي يا بنتي لاء هنروح يا حبيبي ونجيب لها هديه حلوة كمان انا شفتها في العزا فعلا البنت كانت حالتها وحشه اوي وغادة ضغطت علي نفسها علشانها
مصلح : طيب الي تشفوه انتو عارفين انا مليش في الهدايا خدي الفلوس الي عاوزاها وهاتي الي عاوزاه
مراد: انا هروح مع عزت ارتب معاه وانتو انا قولت ل مصطفي يخلص كليته ويجي لماما تجيب الي عاوزاه ومتنسيش يا ست الكل تنقي هديه قيمه باسمي ليها انا برضه مليش في الشرا
الام: حاضر يا حبيبي
مصلح: يا ابني اتجوز بقي وريح امك من مشاويرك دي
مراد : اول ما اتكعبل في بنت الحلال هقولك علطول
الام: ربنا يصلح حالك يا مراد يا ابن قلبي
قبل يدها : اهو انا عايش بدعواتك دي يا ست الكل
……………………………..
في الحفله كانت تقي في غايه الجمال والاناقه و كانت غاده تحتويها كابنتها
مراد: الف مبروك يا تقي
تقي: شكرا يا بشمهندس مراد تعبت نفسك ليه
الام: الف مبروك يا بنتي ربنا يوفقك
تقي : ميرسي يا طنط بس دا كتير
الام: الله مفيش حاجه تكتر عليكي هو انا مش زي ماما ولا ايه
غاده : ازاي يا طنط دا حضرتك مامتنا كلنا
كفايه تعبك معانا ايام الامتحانات
مصلح: تعب ايه يا غادة يا بنتي انتي بنتنا زي زي نهله بالضبط
وتقي بقي الصغيره الاعز علي قلوبنا
غاده : دا احساسي يا عمي والله
محمود: اهلا اهلا بالناس الطيبه
مصلح: اهلا يا استاذ محمود ينفع كدا منسمعش صوتك مره بالغلط
محمود: مشاغل والله من يوم وفاة المرحومه والدنيا اتكركبت علي دماغي
مصلح كان الله في العون
مصطفي: طيب هو انا ممكن اسلم
تنظر له تقي وتضحك علي منظره فهو يحمل الكتير من الشنط وعلبه ضخمه تغطي وجهه
مراد: اهلا بالبطل هات بقي هنا
عزت : لاء استني يا مراد تعالي يا مصطفي حط الحاجات هنا
مصطفي: اه الله يخليك يا بشمهندس عزت اخدتني بعيد عن الزحمه ما ممكن يحكو بعد ما يقعدو
غادة : مصطفي علطول تعبينك
مصطفي: لاء ابدا حضرتك اخت لينا
عزت : ادي يا ستي التورتايه الي وصيتي عليها
غادة : ياااه يا عزت دي تجنن شكرا ليك
عزت : الحقيقه مراد الي ضبطها
شكرا يا مراد
مراد: عزت دي تقي الصغيره بتاعتنا شكرا علي ايه
(غادة ومصطفي اتزوجو وهما لسه في الكليه مصطفي اصلا هو ومراد كان بيعملو شغل وكون نفسه ولمرض والدتها كانت بتذاكر هي ومصطفي مع مراد لان كانو بيشتغلو علي نفس مشروع التخرج ووالدة مراد تولتهم جميعا فعلاقاتهم اسريه )
تقي : كل دا ليا يااه دا كتير عليا
والدة مراد: لاء دي عزومه اختك وجوزها انما انا بقي عزومتي حاجه تانيه الجمعه الجايه كلكم عندي علي الغدا
غاده : طنط اكلها يجنن بجد مشفتش ولا اكلت زيه
عزت : دا حقيقي بجد دي امنا كلنا
محمود: وهما بناتكم وكفايه تعبك مع عزت وغاده من وهما في الجامعه
ام مراد: يا استاذ محمود كلهم ولادي
مراد: ايه يا عزت انت هتجوعنا ولا ايه
عزت : لاء دقايق بس علي وصول استعجليهم يا غاده
مراد: هما مين دول
عزت بغمزة دي غاده عزمت المهندسه ريتاج والمهندسه نور يا سيدي
مراد: بفرحه ايه دا بجد
كويس والله دول تعبو معانا
ام مراد لزوجها : ابنك شاكله واقع يا ابو مراد
مصلح : كله هيبان يا ستي ربنا يسعده
………………………………………
مصطفي : وانتي ناويه بقي علي ايه
تقي : طب عين شمس ان شاء الله
مصطفي : هنبقي زمايل انا هندسه عين شمس بس هي بره الجامعه في عبده باشا
تقي: اسمع ان عين شمس قويه وصعبه في كله
مصطفي : الناس الي زيك بتذاكر مفيش حاجه هتكون صعبه عليها وبعدين انا اصحابي في طب لو احتاجتي حاجه هيساعدوكي
تقي : ايه دا كويس والله شكلك منتشر
مصطفي: ابدا انا بس بجيب لهم اجهزه وبرامج ل شغلهم واضبطها لهم
تقي : هو حضرتك بتعرف في الكمبيوتر كويس
مصطفي: بيقولو اني عبقري انا في كليه هندسه قسم كمبيوتر يعني مجال دراستي وبشتغل شغل حر في نفس المجال جنب كليه بتاعتي من وانا في ثانوي وواخد كورسات كتير
شكلكم اتعرفتو يقدر بقي يساعدك يا تقي
مصطفي : انا تحت امرها
غادة : اصل تقي عاوزة تجيب لاب توب من فتره فاكيد هتساعدنا يا مصطفي
مصطفي : طبعا اي وقت انسه تقي تقول بس ايه المطلوب وهجيبه لها بسعر ممتاز
عزت : دا العشم برضه يا
مصطفي : ربنا يوفقك اي وقت انا جاهز اديني الموصفات ومتقلقيش
مراد: خلاص يا مصطفي تقي في امانتك
محمود: يا جماعه متتعبهوش معاكم
مصلحك هيتعب في ايه دا مدمن كمبيوتر يا سيدي جيل غريب
ضحك الجميع ومر الوقت سريعا لطيف جدا
وبعد فترة قدمت تقي في طب وبدات الدراسه وفي يوم
كانت تسير في الجامعه تبكي بشده
يقابلها شخص وو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزهار الصبار)
