رواية أريدك لقلبي الفصل الرابع 4 بقلم ندى أحمد

رواية أريدك لقلبي الفصل الرابع 4 بقلم ندى أحمد

رواية أريدك لقلبي الجزء الرابع

رواية أريدك لقلبي البارت الرابع

رواية أريدك لقلبي الحلقة الرابعة

 و فالاخر خالص كان فيه رساله كبيره

فتحتها ‘ المصحف دا الي كنت بقرأ منه دايما بنيه انك تكوني نصيبي وانك توافقي عليا .. انا عارف انك بترفضي اي حد يتقدملك ف هديتك المصحف دا عشان تعرفي اد ايه انا مختلف عن الي قبلي وانك كنتي علي بالي دايما و كل مره بدعي فيها بتكوني اول دعوه بدعيها .. انا ختمت القران تلاتين مره عشانك يا حور ‘

حور لما قرأت الرساله مكنتش عارفه تعمل ايه .. مقدرتش تبلغ مامتها بالرفض و قالت هتستني شويه و تعمل استخاره

*اليوم الي بعدو *

صحيت الصبح و اتصلت بشيماء عشان تشوف لو عرفت توصل لحاجه عن مالك بس شيماء جاوبتها بالرفض وانه شخص غامض ومش اي حد يقدر يوصله

^ها يحبيبتي قررتي هتوافقي علي شادي ولا هترفضيه

-لسا يا ماما بفكر

^ تمام يحبيبتي خدي وقتك

حور لبست ونزلت و كانت بتتمشي فالشوارع من غير هدف .. كان نفسها توصل لمالك وتعتذرله عن الي قالتهوله

بس معرفتش تلاقيه او مقابلتهوش صدفه مثلا

استمر الحال دا اسبوع وهي كل يوم تحاول توصل لحاجه عنه بس كأنه فص ملح و داب حتي الكليه بقت ففتره اجازه عشان الامتحانات ف مكنش حد بيروح الجامعه كله فالبيت بيحضر للامتحانات ف معرفتش حتي تحضر محاضرات تانيه مع دفعته

+ علي فكره يا حور انتي مكبره الموضوع بتاع مالك .. يعني انتو مكنش بينكم قصه حب عظيمه مثلا لا دا هو موقف واحد بس ف اكيد دا اعجاب يا حور .. وافقي علي الي بيحبك ومتضيعهوش يا حور

-عندك حق يا شيماء انا هوافق علي شادي

*فالبيت*

-ماما انا موافقه علي شادي

بفرحه ^ ايوا كدا هي دي الاخبار التمام .. انا هتصل ب اهله دلوقتي و نحدد معاد قرايه الفاتحه

-تمام يا ماما

دخلت اوضتها وهي حاسه انها مرتاحه .. هي صح مش بتحب شادي بس فقدت الامل انها تلاقي مالك وكمان شادي بيحبها و مع الوقت اكيد هيحببها فيه

و اهل شادي حددو قرايه الفاتحه فاليوم الي بعدو

*يوم قرايه الفاتحه *

بفرحه ~انا بجد مكنتش مصدق نفسي لما وافقتي عليا

حور مردتش عليه لان معرفتش تقول ايه واكتفت بالابتسامه

~ تحبي الخطوبه تكون امتي يا حوري

-قبل الخطوبه عايزه نتفق علي حاجات

~ الي تؤمري بيه

-اولا مش هنكتب كتاب ولا نتجوز غير لما اتخرج و ابدأ اشتغل كمان ثانيا مينفعش تتدخل فالشغل لما اتخرج واقدم علي الشغل بحكم مثلا انك عايز تخليني اشتغل ف اسرع وقت عشان نتجوز .. لا انا هشتغل بمجهودي مش بالواسطه بس هما دول الشرطين

~ بس يا حور انتي لسا ف سنه تانيه يعني فاضلك ٣ سنين وتتخرجي ..

-دي شروطي يا شادي ..

~ عموما انا موافق تكون الخطوبه تلت سنين

ب ابتسامه -خلاص كدا يبقا الخطوبه ف اي يوم انت تحدده

~ تمام

و فعلا الخطوبه اتحددت بعد قرايه الفاتحه بيومين

 ~تعرفي ان انهارده انا اسعد انسان عشان خطبت البنت الي بحبها

-انا كمان مبسوطه جداا

~ رغم ان الفرح بعد ٣ سنين بس اوعدك ان سنين الخطوبه هيكونو احلي من السنين الي عدت كلها

حور مكنتش اختارت الشبكه ولا شافتها قبل كدا .. هي قالتله يختارها وهي واثقه ف ذوقه

اتفاجأت فالخطوبه وهو بيلبسها الشبكه انها شبكه الماظ و كان باين عليها غاليه جدا

طبعا حور مكنش هاممها تمنها هي بس عجبتها شكلها

-زوقك حلو يا شادي تسلم

*بعد الخطوبه *

^شفتي ازاي كان عندي حق لما قولتلك شادي هو المناسب .. شفتي الشبكه الي جبهالك ؟ يا تري الفقير الي كنتي عايزاه كان هيجيبلك شبكه من البلاستيك ؟ 😂😂

-يا ماما خلاص اهو اتخطبت لشادي زي م انتي عايزه .. متجبيش سيره مالك تاني هو خلاص مشي بسببك يماما ..

^ خلاص يحبيبتي المهم يلا بقا اتشجعي و ذاكري عشان تتخرجي و بعدها تتجوزي

-حاضر يماما

*اليوم الي بعدو *

^ قومي يا حور .. شادي مستنيكي فالصاله

-حاضر يا ماما روحي انتي و انا هطلعله حاضر

لبست و طلعت لشادي فالصاله

-شادي انت لحقت تروح امبارح بعد الخطوبه متأخر و كمان تصحي الساعه ٧ الصبح النهارده ؟ انت شكلك بتنام قليل

~ لا انا منمتش اصلا .. معرفتش انام بصراحه من الفرحه

-طيب يا شادي انا ففتره تحضير للامتحانات حاليا ف مش هينفع نتقابل كتير

~ اه انا مقدر دا عشان كدا جيت دلوقتي و جبتلك المحاضرات كلها الي هتحتاجيها بدل متنزلي يعني وتجيبي الي ناقصك فيهم

باستغراب -ايه دا عرفت ازاي اني لسا مجبتش كل المحاضرات

~ اصل عارف انك بتزنقي نفسك للاخر فالمذاكره

-اكيد مش ماما الي قالتلك كدا لانها اصلا مش عارفه .. انت بقا عارف منين ؟

~ سمعتك مره وانتي داخله البرج و بتكلمي صحبتك فالموبايل بتقوليلها لسا مشترتيش باقي المحاضرات وانك بتسبيهم للاخر

-ياه يا شادي دا انت مركز معايا جدا يعني

~ الي بيحب حد لازم يركز معاه

حور احمر وجهها من الكسوف واخدت المحاضرات منه وشكرته و ودعته

*بعد اسبوع*

كانت ليله امتحان اصعب ماده عندها وهي كمان مكنتش بتذاكرها اول بأول و دا خلاها اصعب .. كانت قاعده ف اوضتها قافله الباب وبتعيط

سمعت صوت فالبلكونه بتاعت اوضتها

خرجت للبلكونه واتفاجأه لما شافت احجار فالبلكونه

بصت لتحت عشان تشوف مين رمي الاحجار

اتفاجأت انه شادي

-شادي !! بترمي احجار ليه يا شادي عالبلكونه بتاعتي ؟

~ فيه باسكت عندكم تقدري ترميه لتحت ؟!

-مش فاهمه يا شادي وبعدين يا شادي انا قولتلك بلاش نتكلم لغايه لما اخلص امتحانات

~ شوفي باسكت الزباله بتاع اوضتك اربطيه بالحبل و نزليه

-يا شادي مش فاضيه للهبل دا !!!

~ اسمعي بس الكلام

حور سمعت كلامه عشان تخلص و رمت الباسكت تحت بعد لما ربطته بالحبل

~ خلاص اسحبيه عندك تاني

سحبت الحبل و اتفاجأت لما شافت فالباسكت ورق مكتوب بطريقه منظمه

-ايه دا يا شادي !!

~ ملخصات للماده الي عليكي بكرا ..

-بجد !! لقيتها فين الملخصات دي دا محدش ملخصها اصلا

~ انا لخصتهالك بنفسي

-بجد !! تسلم بجد يا شادي مش عارفه اقولك ايه

~ هوصلك الصبح للامتحان هخبط علي شقتكم الساعه ٧ ونص

-٧ ونص !! بس الامتحان ٩ يا شادي يعني ٧ ونص دي بدري خالص

~ لازم ٧ ونص عشان هاخدك نفطر مع بعض الاول عشان تركزي فالامتحان

-بجد يا شادي انت مفيش منك اتنين .. تسلم فرحتني بدل م كنت بعيط

~ لا اوعي تعيطي ابدا .. انا لو ينفع اذاكر معاكي كنت ذاكرت بس مامتك مش هترضي

-لا كفايه اني تعبتك فالتلخيصات تسلم بجد

واليوم الي بعدو فعلا اخدها الصبح فطرو مع بعض بعدها راحت للامتحان وحلت حلو جدا بفضل تلخيصاته .. واستمر الحال دا طول ايام الامتحانات بس برغم تلخيصاته وتعبه معاها الا انها جابت تقدير جيد

*يوم النتيجه*

بعياط – جبت تقدير جيد يا شادي .. ضيعت تعبك عالفاضي

~ يحبيبتي امسحي دموعك بس اصلا مؤهلاتك دي بيتنا اولي بيها

حور ضحكت علي كلامه

-بجد يا شادي انت عوض ربنا ليا .. انت اول حد يهتم بيا للدرجه دي

وعدت الايااام و شادي وحور كل يوم يتكلمو وكل مشكله بتواجهها شادي بيحلهالها و حتي لما كانت بتكسل تروح المحاضرات كان بيروح معاها كنوع من التشجيع انها تروح وكانت الدنيا تمام

*بعد ٣ سنين *

حور اتخرجت بتقدير عام جيد ..

~ هانت يا حور فاضل بس تشتغلي و كدا هنقدر نتجوز بعد لما اتحققت شروطك

-ايوا يا شادي هانت .. انا من بكرا هروح اقدم فالشغل فالشركات الصغيره

~ تمام يا حوري

وفعلا حور قدمت ال cv بتاعها فكل الشركات الصغيره بس مفيش ولا شركه قبلت بيها .. قعدت شهر عالحال دا وهي مستنيه الموبايل يرن بس مش بيرن ..

بحزن -معقول يا شادي مفيش ولا شركه اتقبلت فيها ..

~ هتتقبلي ان شاء الله خليكي متفائله

-اتقبل ايه بس يا شادي انا قدمت فكل الشركات متبقاش غير شركه واحده مقدمتش فيها و هي اصلا اكبر شركه فالبلد عشان كدا مقدمتش فيها لان عارفه هترفض

~ طيب قدمي ونشوف يمكن تتقبلي

-ماشي يا شادي مع انها هتبقا معجزه لو اتقبلت

حور اليوم الي بعدو راحت للشركه الكبيره الي كانت بتتكلم عنها و عملت الانترڤيو

عدي اسبوع ومفيش اي خبر من الشركه

-شفت يا شادي قولتلك مش هيقبلوني

~ طيب اسمحيلي بس اساعدك .. انا اقدر اخليكي تشتغلي فالشركه الي تشاوري عليها

-لا يا شادي انا عايزه اشتغل من غير واسطه

~ تمام هنستني ولو متقبلتيش كدا نروح اسكندريه مثلا وتقدمي فالشركات الي هناك بما ان شركات القاهره مكنش فيهم خير

-يعني بجد يا شادي هتسافر للاسكندريه وتنقل حياتك كلها هناك بس عشان خاطري ؟

~ايوا طبعا يا حوري وبعدين كدا هنقدر نتجوز لما تتقبلي فالوظيفه وعادي نبقا نشطب شقه هناك ف اسرع وقت

-تسلم بجد يا شادي

وهما قاعدين بيتكلمو اتفاجأت برقم غريب بيرن عليها

ردت وكان واحد من ال HR بيبلغها انها اتقبلت

كانت فرحانه جدا و بتنطط من الفرحه

بفرحه -انا اتقبلت يا شادي !!

~ انا بجد مبسوطلك اوووي وكمان كدا نقدر نحدد فرحنا بعد شهر صح ؟!

-ايوه خلاص بعد شهر هنتجوز اخيرا يا شادي

~ انا هحجز القاعه من دلوقتي بإذن الله

-انا فرحانه جدا يا شادي

*اليوم الي بعدو*

كان اول يوم لحور فالشركه

شادي ساعدها ف اختيار اللبس الي هي هتلبسه وحتي انه هو الي وصلها للشركه

-ادعيلي يا شادي

~ بدعيلك دايما .. هيعدي علي خير متقلقيش

دخلت الشركه و هناك السكرتيره قالتلها انها هتشتغل كمتدربه مش هتشتغل مهندسه فالشركه

طبعا حور اتصدمت لما سمعت الكلام دا

-انا عايزه اقابل المدير التنفيدي !! يعني اي متدربه ؟؟! انتو قلتو اتقبلت ف معني كدا اني هشتغل مهندسه هنا !

السكرتيره : استني هاخدلك اذن من المدير بعدها تقدري تدخلي تقوليله الي عايزاه

-اذن ايه انا هدخل علي كدا .. قال ايه هيخلوني متدربه بعد كل سنين الكليه دي

دخلت مكتب المدير التنفيذي و اتصدمت لما شافت ان المدير هو مالك

-مالك !!!

يتبع…

لقراءة الفصل التالي : اضغط هنا 

الرواية كاملة اضغط على : (رواية أريدك لقلبي)