رواية أحبك ولكن الفصل الثالث 3 بقلم روان مسلم

رواية أحبك ولكن الجزء الثالث

رواية أحبك ولكن البارت الثالث

رواية أحبك ولكن الحلقة الثالثة

عليا =مستحيل يا نور ….. انا مش هاتجوز مراد
مراد =وانا مستحيل اتجوزك غصب عنك أو حتي قبل ما تسامحيني
عليا =ودي كمان مستحيله…… خلاص كلو بقا بايظ بينا
نور =ومين قال أنكم هاتتحوزوا انا قولت هانعلن بس
مراد بتعجب=يعني ايه ؟
نور =يعني احنا مضطرين نعلن ده علشان نكذب أخبار انفصلكم …..اللي اتسببت في وقوف الصفقه ودي أكبر صفقه في تاريخ شركات غزال جروب وأكبر ضربة لكل المنافسين
مراد=وانا وعليا دخلنا ايه بده ؟
نور =دخلكم ايه……افتح الأخبار وشوف بتقول ايه انتو بقيتوا عناوين في جرايد بسبب عملتك اللي زي الزفت
فتح فهد هاتفه وقراء الخبر من أحد أكبر صفحات الأخبار في مصر وكان الخبر يقول
(يبدو أن مراد غزال لم يحب ابنة عمه كما اظهر للجميع وانها لم تكن علاقه بل صفقه عائلية من أجل البيزنس العائلي الذي يربط شركات غزال ببعضها البعض ……لقد كام مراد أحمد غزال بخيانتها مع سكرتارية مكتبه الخاص وتم الذكر انها رائتهم في وضع ليس بالجيد في مكتبه )
صدمة مراد كانت قويه ظاهره علي ملامح وجهه فهو لم يتوقع أن ينتشر الخبر أو يعرف أحد
دمعت عيون عليا لقد أصبحت خيانتها علانيه امام الجميع
مراد= عليا صدقيني.
ولكنها ذهبت وتركته ونظر له قاسم وسليم
قاسم=لو شوفتك في طريق اختي تاني هاخلص عليك يامراد ومش هايفرق معايا انك ابن عمي
نور بعصبيه=خلاص نتكلم بعد الخطوبه يلا اخرجوا علشان تبدء الحفله
.#########################
في الخارج كانت التحضيرات ملكيه وكل شئ تم تجهيزه علي اتم وجه حيث كانت الطاولات باللون الذهبي المختلط بالأبيض وكانت الكراسي مغطاه بأغطيه بيضاء وعليها حروف T N باللون الذهبي دخل طلال وكان ينظر بحب الي المكان انه حلم يتحقق بعد دقائق ستكون اول خطواته بتجاه من يحب
وهنا فتح باب القصر وخرجت نور و والدها يمسك بيدها كانت في غاية الجمال كانت مميزه لاتشبه اب أحد كان لها اطلالاتها الخاصه
اقتربت منه وكلما اقتربت وضحت ملامحها التي تسحره في كل مره كأنه يرها للمره الاولي يبدو انها خطفت قلبه بلا شك
ولكن عندنا أصبحت أمامه دمعت عينيه نعم انها امامه لقد مروا بالكثير معا
طلال=شكرا يا عمي انت علي كده ممكن اخد من كانت في كل صلاة دعوه
احمد= انت هاتبدئها من دلوقتي دي لسه خطوبه
امسك طلال يدها وسحبها تجاهه
طلال=عيونك هذه ام سهام تخترق قلبي يا هذه
نور=يا فتي انك انت من تذيب قلبي في حبك
طلال = ايه ده ….ايه ده …..بقنا نقول شعر
نور=اومااااال….احنا جامدين اوي اوي
طلال =بس مش ملاحظه انك طالعه احلي من احلي واحده اتخيلتها في حياتي مش هاقول شوفت لانك كده كده احلي من كل نساء الأرض انتي ملكتهم ومين غيرك
نور =انا مش محتاجه اكون ملكتهم لاني كسبت كل حاجه لما بقيت ملكة ده
وأشارت بيدها علي قلبه
طلال=لا ده شعر ورومانسيه كانت فين الحلاوه دي كلها وانتي بترفعي عليا مطو*ي في الشات
ضحكت نور وهي تنظر في عينيه نعم انها تحبه بكل ما فيها انها تعشقه أيضا
بدأت الحفله ولكن طلال أخذ المايك وهو يقف أمام الجميع وبدء في الكلام
طلال =اليوم هو يومها اني لها من اليوم للفتاه التي كانت في صلاتي دعاء وفي نومي حلم وفي قلبي حب وفي عيني اجمل نساء الارض
تأكدي اني سأكون لكي خير الرجال وتأكدي انني أجيد الاختيار وكانت اعظم الخيارات هي انتي يا من في القلب تربعتي وفي العقل سكنتي
نظرت نور إليه انها لاتصدق ان بعد كل تلك المتاعب التي مرت بها وجدت من يحبها بذلك القدر لقد عانت الكثير وترك الزمن علي جسدها علامته انها تخفي اكثر مما يظنه الجميع
########################
في غرفة من غرف القصر حيث وقفت نغم تعدل الميك آب الخاص بها
دخل أحد وبدء يقترب منها فصرخت
فهد =بس هاتفضيحنا…..واللاقي طرزان بتاعك ده جاي وانا ماسك نفسي عنو بالعافيه
نغم =ابعد كده انت شكلك اتجننت عالاخر
فهد =بسببك انتي وسي زفت
واقترب منها اكثر وهو يقول
فهد=انتي ليا ….حبيبتي…..صديقتي ……شريكة حياتي ….بتاعتي….مش بتاعتة حد ولو شوفت فرقع لوز ده قريب منك تاني مش هايحصل طيب انتي جبتي اخري خلاص
نغم=واما انا ده كلوا ليه قولت كده
فهد=علشان غبي ومغفل وعبيط
ابتسمت نغم واحتضنته وهي تضحك
فهد=لا كده أضعف وانا شاب اعزب مع بنت زي القمر وانا بحبها وكمان حضناني كده اعمل حاجات هاموت واعملها
ابتعدت عنه نغم وضربته في كتفه برقه
نغم =بطل قلة ادب بقا
فهد=اموت فيها محبش غيرها
نغم =طب ايه مش هاتمتشنج معايا بقا
فهد =ده انا مش هاتمتشنج وبس ده انا احتمال ألبسك انتي شخصيا بدل الواد الملزق ده علشان انا هاين عليا اطبق وشوا بين كفوف ايدي
نغم بضحك=ده حتي مروان لطيف
فهد بقرف=لطشيييق……لا ما هو واضح ده عليه سماجه مش علي حد …..ثم متقوليش اسمو
وقاطعهم طرقات علي الباب فتح مراد ليجد مراون مبتسم
مروان =ايه ياقلبي مش يلا
نظر له فهد وعينيه تخرج نيران من الغيره =بص المسلسل خلص وخلاص بطل تمثيل
مروان وهو ينفجر من الضحك =لا بس دخلت عليك ايه تعرف حاجه لولا اني انا وهي راضعين علي بعض واخوات كان زماني خاطفها منك
فهد= متقدرش
مروان=لا اقدر بوسامتي وضحكتي وشخصيتي اللي تجنن
فهد=نينينينينيني ……. وشخصيتك اللي تقرف الكلب من السماجه……يلا غور من وشي
مروان=اغور فين حضرتك؟……وسع كده لما تبقا تتجوزها تبقا تقعد معاها في اوضه لوحدك
ومد يده لها وهو يقول =يلا يا نغمي
نغم=يلا يامرواني
وذهبت معه وفهد يكاد يجن منها ومن ذاك المروان
بعد دقائق خرج فهد وهو يرتدي بدله بنفس لون فستانها وهو يعدلها وهو يخرج ولكنه سمع صوت قاسم قريب منه
قاسم =لا مستحيل آخر مره الدكتور قال ان مفيش اضرار وان كتفها تمام ومفيش آثار للجرح
المتصل =**************
قاسم =اكيد يعني مفيش حد بيحب يتصا*ب في كتفه مرتين بمزاجوا …..اعمل ايه يعني انت عارف نور عنيده واخر صفقه مكنتش في وعيها لما كنا بنسلم الاوراق واتهاجمنا وهي اتصا*بت
المتصل=******************
قاسم =يعني استدعاء تاني للميتا اكيد لا مش ينفع هي مش بقت نور اللي بايعه عمرها زي زمان ده مينفعش
المتصل=**************
قاسم =اتصرف يا دوك مش جديده عليك يا دوك مش عايزينها ترجع تاني للدوامه دي
صدم فهد لقد تأكدت شكوكه يبدو أن نور تخفي الكثير وتعرضت للأكثر للحفاظ عليهم يجب ان يعرف الحقيقه كامله ولكن سينتظر انتهاء حفلتها فلن يفسد سعادة من تصنع السعاده في حياته
##########################
في الخارج حيث وقف طلال يرقص مع نور علي اغنية رومانسيه ولكن أشارت نور لأحدهم لتبدء اغنية اصاله بنت أكابر و بدئت من منتصفها تقريبا عند مقطع
من تقله أنا جزيت نابي بتسوى منه على جنابي
يظهر ميعرفش جنابي ولا يعرف أني بمية عيلة
كل البلاد هنا دعياني بنت الأصول عين أعياني
وده صابني همه وآه ياني وعيلتي يمه أنا مية عيلة
يا بوي على جماله رواية شربات عنب يروي رواية
عطشانه جبني على عماية ومشيت وقلبي يا ناس خالي
مع إن توبة ماهوش توبي طالع في قدري ومكتوبي
وعشان ما سبني ورمى توبي بشكي لناسه وناس خالي
ضحك طلال وهو ينظر لها وهي تردد الكلمات وتنظر له مال علي رقبتها وهو يقول
طلال =بقا من تقلي انا جزيتي نابك امال ال٧ سنين اللي لفيت فيهم كعب داير وراكي دول ايه ها قولي ؟
نور=لا انا اللي تعبت من تقلك معايا
طلال=ده انا اعترفت بحبي بكل الطرق في روايات وكتبت وشعر وألفت كلام واتكلمت اتقدم واتقدمت ٥٠٠ مره بدل مره لغايت ما اتقبلت وبقيتي معايا خلاص
نور=خلاص كنت بنكشك….كده علي خفيف
طلال =علي قلبي زي المانجا يا مانجا
نور=ليه مانجا؟
طلال =علشان مانجا كده وقمر…….متركزيش…..متركزيش
عند مراد الذي كان يقف جزء منه سعيد من أجل نور وجزء حزين علي عليا انها حبيبته…صديقته…من تغير من اجلها من كان ليهدم العالم أمام نظره من عينيها ولكن ما يمنعه اقوي بكثير
مراد =بس هي فين عليا
بدء يبحث عنها بعينيه ولكنها غير موجوده في كل الحفله اين هي ؟؟؟ هل أصابها مكروه؟ام هي حزينه بسببه
تحرك بتجاه سليم وسأله عنها
مراد=متعرفش فين عليا
سليم ببرود=وانت مالك بيها؟
مراد=مختفيه خوفت يكون حصلها حاجه
سليم =استني هارن عليها يمكن روحت البيت
مراد=بس هي مش بتعرف تسوق اصلا
سليم =ما في سواق
مراد أخذه من يده بتجاه المركن الخاص بهم وكانت سيارتها موجوده به
مراد=اهو عربيتها اهه…… تقدر تقولي هي فين
تحركوا ليبحثوا عنها داخل القصر
##########################
بالقرب من غرفته بدء يستمع لأنين خافت جدا
ولكن عندما دخل الي الغرفه صرخ بصوت عالي
مراد=علياااااااا
واقترب منها بسرعه لقد كانت علي الارض تسيل الدماء من رأسها ملابسها ممزقه جسدها يحمل الكثير من الخدوش وعلامات الأصابع يبدو انها تعرضت للضرب وكانت تقاوم شده انها مستسلمه تماما علي الارض
مراد يده تحت رأسها نظرت له وقالت
عليا=ا ب ع د و ا…..ع ن ي
وفقدت وعيها وسط صدمة مراد وألمه من فعل بها هذا ؟
وهنا دخل سليم الذي جاء علي صوت مراد
ولكن قبل أن يتكلم كان صوت طلقا*ت ناريه يأتي من الخارج