رواية أحببت معاق الفصل الأول 1 بقلم رودينا محمد

الساعه ١١بالليل كانت خارجه بتتسحب بخطوات هاديه وعماله تبص في كل حته حواليها فتحت باب الشقه وخرجت وقفلت بالراحه وحطت ودنها تشوف امها قلقت ولالا هي وهي نازله على السلم

سيلا: ياااه اخيرا تم الجزء الأول من الخطه بنجاح

-بصت للعشره جنيه الي في ايديها وقالت

سيلا: كله فدا حبيب القلب اخيرا هيجبه بعد ماكنت ممنوعه منه

-بقالي شهر سامحيني بقا يانبع الحنان بس الهوا غلاب

-نزلت وراحت السوبر ماركت الي تحت البيت

سيلا: لو سمحت عايزة أتنين أندومي بالخضار

: للأسف يا أنسه خلصان

سيلا بحسره: احلف أكيد نبع الحنان دعت اه ياني حته وانتي نايمه يماما

: بتقولي حاجه يا انسه

سيلا: لا ياخويا

: عمتا لو عايزه عندك في السوبر ماركت الي على اول الشارع هناك

سيلا: لا يعم المسافه طويله

-الولد افتكر انها مثلا خايفه تمشي لوحدها

: لو حابه اجي اقفلك لحد ماتروحي وترجعي ماعنديش مانع

سيلا: لا لا مش الي في دماغك انا مش خايفه بس انا معنديش صحه

امشي المسافه دي كلها وارجع تاني

الولد بصدمه: نعم ياختي اتفضلي يا انسه من هنا هي ناقصه

سيلا بذهول مزيف: اخس عليك ده بدل ماتقولي هروح اجبهولك انا فين الشهاااااامه فين النخوووه

الولد: انتي بتهزري يا انسه بقولك الله يرضي عنك طرقينا عشان ده مكان اكل عيش ومش عايز اتغابى عليكي

سيلا: ايه هي الناس مبقتش لبعضها ليه ياستير يارب

-مشيت سيلا وهي ركبها بتخبط في بعض والشارع فاضي وضلمه

سيلا في نفسها: ايه ده هو الشارع فاضي كده ليه هو في حد ينام دلوقتي

-وصلت للسوبر ماركت واشترت الأندومي الي هي عايزاه وطلعت وهي هتموت من الفرحه

سيلا وهي ماشيه وماسكه الكيس الي فيه الأندومي: يلا ياعيوني هنعمل سهره يس

-كانت ماشيه مبسوطه وهتنتط من الفرحه فجأه لاقت خمس عربيات سوده بيجروا ورا بعض وضرب النار اشتغل وقفت على جنب ركبها بتخبط في بعضها وبتصوت يالهووووتاي دول بيضربوا طاخ طيخ هتشلوح وهبقا شهيدة الأندومي ادي اخره الي يعصي كلام امه يارب استرها معايا يارب يارب ده غلابنه يارب، واحد من العصابه شافها ووقف قدامها قالها بنبره خشنه: شوفتي ايه يابت

سيلا بصوت في رعشه: انا انا عاميه اصلا

الراجل بنبره غليظه اوي: ااه ولو بردو تعالي يابت

-سمعت صوت طلقه بس هي بخير استغربت فتحت عينيها لقت الراجل واقع الأرض سيلا بصويت: يالهوي الحقوني

وقف راجل قدامها ورماها في عربيه من ضمن العربيات وركب وكان جمبه واحد بدء في السواقه

سيلا وهي حاضنه كيس الأندومي: انتوا ناوين تبيعوا اعضائي صح

-محدش رد عليها

سيلا: لا ماهو بص شغل الروايات ده تنساه خالص انا مش هاجي معاك القصر ولا هسمع قصتك البائسه ولا هحبك

الولد الي جمب الي بيسوق: وانتي عرفتي منين انه عنده قصر

سيلا: ايه اعم دي مهروسه في ميه فيلم وروايه

الولد: اه قولتيلي طب وانتي ايه الي نزلك متأخر كده

شاورت سيلا علي كيس الأندومي: منه لله هو السبب

-بصلها الشب وضحك بصوت عالي والأخر بصلهم بقرف

نعرف الشخصيات بقا

سيلا الأسيوطي(بنت جميله زي اي بنت عادي جسمها متوسط بشرتها حنطيه طولها 160سم عندها 19سنه عنيها لونهم عسلي فاتح)

سيف العزيزي(شاب هادي وبارد طويل القامه جسمه في شويه عنده عضلات طوله170سم عينيه لونها بني غامق عنده35سنه)

مازن العزيزي(شاب مرح وبيحب الضحك متوسط القامه جسمه رياضي عنده 31سنه طوله 170سم)

باقي الشخصيات هنعرفها البارت الجاي إن شاءالله

ياترى ايه الي هيحصل في سيلا