رواية أحببت معاق الفصل الثاني 2 بقلم رودينا محمد
رواية أحببت معاق الجزء الثاني
رواية أحببت معاق البارت الثاني
رواية أحببت معاق الحلقة الثانية
قدام بيت كبير شبيه شويتين للقصر وقفت وهي بتبص للبيت بنبهار
سيلا: هوبا هو أنتوا عايشين في البيت هنا
مازن: اه ايه رايك بقا
سيف وهو بيبصلها: مش هتدخلي
سيلا بهبل سيكا: بص اصل انا بنت جميله وأخاف عليك من الفتنه اه
سيف بأرف: طب اتفضلي خشي ياست فتنه
-دخلت سيلا وهي بتبص في أنحاء البيت وبتقول بتوتر
سيلا: هي عيلتك التوكسيكيه فين
مازن: اطلعي بقا من جو الأفلام شويه احنا عيلتنا محترمين اوي
سيلا: احلف امال انتوا بتهربوا من مين
-قرب منها سيف بجمود وقال
سيف: من الأخر بقا انتي هنا ضيفه فامتوجعيش دماغنا اوضتك فوق لو احتاجتي حاجه نادي الداده
سيلا بخوف: طب انتوا جايبني هنا ليه مانا لازم افهم
سيف بنفاذ صبر: من الأخر ومش عايز رغي كتير انقذناكي لأنهم مكنوش هيسيبوكي في الاه لما تموتي انتي هنا لحد ما نرجعك لأهلك خلصنا
– بصلته سيلا وهي لسه خايفه منه
سيف بزعيق: ماااااازن خودها على اوضه الضيوف ووصي الداده عليها
_سيلا وهي ماشيه مع مازن
سيلا: بقولك ايه يسطا ماتعرفني على المطبخ
مازن بتعجب: هو انتي ناويه تسكني هنا ولا ايه
سيلا: لا بس انا مش هقدر اوعدك اني احب صاحبك الكشري ده
مازن: ومين قالك اني عايزك تحبيه سيف متجوز
سيلا بصدمه: ااحلف ياختاي يعني ايه مبيحصلش كده في الروايات
مازن: يخربيت ام الروايات الي واكله عقلك دي اوضتك لو عوزتي حاجه نادي على الداده
-قعدت سيلا على السرير وهي بتكلم نفسها
سيلا: أكيد كل الي انا عيشته ده حلم انا انام بقا وكل ده ينتهي
_نامت وبعد خمس دقايق فتحت عنيها ولقت نفس سقف البيت في وشها
سيلا بصوت مبحوح: يوه بقا ده مش حلم
-كانت هتعيط من كتر الخوف بس بصت للأندومي الي بيداوي الجروح وقالت: مفيش حد بيخفف توتري غيرك تعالى ياغالي
_خرجت تتسحب وقعدت تدور على مطبخ لحد مالقته
سيلا: ايه التعب ده كله ده عشان اوصل المطبخ الناس دي محتاجه توكتوك هنا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
(نروح في الليفنج في بيت عائله العزايزي)
كان قاعد راجل كبير في السن وقدامه سيف بيكمله
سيف: تم كل حاجه ياحج تقريبا كده خلصنا على كله
نعيم: كنت واثق في يبني
-ابتسملوا سيف بمجامله وكان ليه هيتكلم ولكن شموا ريحه
حاجه غريبه
نعيم: ايه الريحه
سيف: معرفش بس تعالى نشوف
راحوا ناحيه المطبخ وبص سيف لسيلا وقالها بزعيق: انتي بتهببي ايه عندك
