رواية لنرقص تحت المطر الفصل الرابع 4 بقلم نورهان حلمي

رواية لنرقص تحت المطر الجزء الرابع

رواية لنرقص تحت المطر البارت الرابع

رواية لنرقص تحت المطر الحلقة الرابعة

كان ثابت مكانه ما بيعملش اي حاجه غير انه مصدوم وبعدين انا بعدت عنه بالتدريج وشلت ايدي من عليه وانا ببصله ما كنتش مستوعبه اللي عملته ولا اللي انا حاسه بيه
كانت دقات قلبي متسارعه لدرجه ما كنتش قادره اخد نفسي واطرافي كانت متلجه
مشيت من قدامه بسرعه ونزلت تحت الغطا غطيت بيه حتى وشي
ما كنتش سامعاه بيتحرك كأنه كان لسه واقف مكانه مش مستوعب حاجه فضلت بتنفس بالتدريج وانا حاسه اني مش عايزاه يسمع حتى صوت نفسي بعد شويه سمعت صوت وهو بيقعد على الكنبه شلت الغطا شويه وانا ببص عليه لقيته نايم على ظهره و بيبص للسقف
رجعت راسي تحت الغلط تاني وانا حاسه اني عايزه اضرب نفسي مليون جزمه… ازاي عملت كده معاه وكمان اول بوسه في حياتي اديتها لشاب من غير ما يبادلني حتى!!!
كنت حاسه ان هتجنن من تصرفي دا وبعد فتره روحت في النوم
في صباح اليوم التالي
صفاء
نور اصحي…يا نور
فتحت عيني وانا ببص على خالتي و بعدين اتعدلت مكاني
نور بإرهاق
بتصحيني من بدري كده ليه!!
صفاء
هو انتي اتخانقتي مع عز امبارح!!
هرشت في راسي وبعدين كلمتها قطعتني و انا بتاوب وبصيتلها وانا بحاول افتكر اللي حصل امبارح وبعد ما افتكرت برقت عيني وانا ببص لها بإرتباك
نور
هو..هو قالك حاجه
صفاء
يبقى شكوكي طلعت صح فعلا اتخانقتوا مع بعض امبارح!!!
نور
لا انا بس بسألك
صفاء
اصل هو صحي الصبح من بدري اوي وقال ان هو راجع اسكندريه لان عنده دراسه كتيره هناك وكمان قال لو عايزين نقعد هنا فتره نقعد بس يبقى حد من اللي موجودين هنا يوصلنا اسكندريه لانه مش هيجي تاني
نور بسخرية
لدرجة دي!!
صفاء
لدرجة دي ايه!!
نور
طب ايه رأيك بقى انا مش همشي من هنا غير بعد مش بعد اسبوعين
صفاء
انت شكلك نسيتي انك بتدرسي صح!!
نور
ما غاده بتبعتلي المحاضرات وانا بذاكرها اول بأول
صفاء
على فكره انت في تمريض يعني في دراسه عملي
نور
انا مش عايزه ابص في وشه يا خالتو
صفاء
ليه هو حصل ايه لكل ده!!
نور بغضب
ده اللي عصبني ان ما حصلش حاجه عشان كل اللي هو بيعمله ده ولا انا طلعت فعلا مقرفه بالنسباله
صفاء
مقرفة!! مين قال الكلام دا!!!
نور
بما ان النهارده الجمعه يعني كده كده اجازه فخلينا نطلع نتمشى في البلد مع بعض وبكره الصبح نبقى نسافر
صفاء
بصراحه يا نور انا ما بقيتش اقدر استحمل تصرفات جدك ده انا لحد دلوقتي خايفه اقوله ان عز سافر
نور
ما تشغليش بالك بيه انا هبقى اكلمه ودلوقتي انا هقوم اجهز عشان نفطر
قومت من مكاني وانا بغير هدومي وبحاول على قد ما اقدر اداري غضبي قدام خالتو وبعدين فتحت تليفوني وبصيت لرقم عز اللي كنت لسه مسجلاه (Bro💙🌎) وقفت قدام الرقم وانا بفكر ارن عليه ولا هبقى بدمر اخر جزء في كرامتي!!
تراجعت عن اني ارن عليه في اللحظه الاخيره وبعدين جهزت ونزلت الفطار وبعد ما خلصنا طلعت انا وخالتي صفاء قضينا مع بعض وقت ما كناش قضيناها من زمان وانشغلت عن التفكير فيه لشويه صغيرين كنت كل ما افتح تليفوني وابص لصورتنا مع بعض اللي كانت خلفيه ابقى مش قادره اصدق ليه بيتصرف معايا بالقسوة دي كلها..
يعني الشخص اللي كنت بشوفه قدوه ليا كنت انا بالنسبه له ولا حاجه!
حسن بغضب
يعني ايه سافر قبلكم ويعني ايه مسافرين بكره الصبح!!!
نور
يا جدو احنا الاتنين في الكليه ومش فاضيين خالص وكمان مش هينفع ناخد اجازه اكثر من كده واكيد هنرجع تاني يعني
حسن
القاعده مع خالتك خليتك شبهها يا نور مش بتسمعي كلام حد وبتاخدي قرارات من نفسك!!
صفاء
خلاص بقى يا بابا عشان خاطري انا هنطلع ننام دلوقتي عشان بكره ورانا سافر من بدري
حسن
عمر ابن اخوكي هيبقى يوصلكم بالعربيه بتاعتي بكره
هنزينا راسنا ليه واحنا بنبتسم وبعدين طلعت للاوضه بتاعتي و فتحت تليفوني تاني وانا ببص على الرقم بتاعه وبعدين غيرت اسمي و كتبت “عز” بصيت شويه عن الرقم وبعدين قررت ان ارن عليه
اداني شويه جرس وبعدين رد عليا حبست انفاسي وانا اساسا مش عارفه اقوله ايه وهو كمان كان ساكت وبعد 35 ثانيه قررت ان انا اتكلم
نور
مشيت بردو!
مردش عليا وبعدين انا اكملت
نور
مشيت علشان تعند فيا ولا عشان تهرب مني!!
عز
اوعي تكرري اللي عملتيه دا تاني!!
نور
بعد ما عرفت انك سافرت كرامتي انجرحت بسبب ان اللي عملته ما اثرش فيك وخلاك برده تنفذ اللي في دماغك… عشان كده انا كمان هنفذ اللي قلتلك عليه و هكون قد كلمتي…. في مستقبلنا مع بعض مش هتعامل بحدود وكل ما هكون معاك هتجاوز الحد اللي انت بترسمه بينا!!
عز
يبقى انت بتحكمي على علاقتنا بالفشل
نور
كده كده انحكم عليها بالفشل من قبل ما تبدأ
عز
نور انتي نسيتي انتي بتتكلمي مع مين!
نور
انت اللي بتنسى اني مراتك بس انا دايما هفكرك!
قفلت الخط في وشه وبعدين قومت من مكاني و ربعت ايدي وانا واقفه قدام الشباك الشعور بالتوتر اللي حسيته امبارح مكنش موجود النهارده يمكن لان كان غضبي اكبر!!
في اليوم التاني
صفاء
مش معقوله هتمشي بالسرعه دي كلها يا عمر ده انت لسه موصلنا اطلع خلينا نتغدى مع بعض وبعدين اوريك جمال اسكندريه وبكره الصبح ابقي سافر
عمر
مش هينفع والله يا عمتي انا عندي شغل كتير
صفاء
يوم واحد اجازه مش هيخسرك حاجه يلا بسرعه اطلع معايا
بصلنا عمر بتفكير وبعدين ابتسمت وانا بهز راسي انه يطلع معانا وفعلا اخد الشنط و وصلنا لفوق
عمر
فين شقه نور وعزه علشان احط الشنطه بتاعتها فيها
صفاء
هي الشنطه هتطير اقعد بس ارتاح و لما عز يجي هيبقي هينزل الشنطه في الشقة
دخلت على اوضتي على طول وبعدين غيرت هدومي واترميت على السرير بإرهاق وفجأه سمعت صوت عز بره وهو بيسلم على عمر جريت على المرايه وانا بعدل شكلي وبعدين طلعت من الاوضه اول ما شافني عز بص على الارض وبعدين بعد نظره عني
صفاء
اطلبلنا اكل يا عز خلينا نتغدى محدش فيه حيل يطبخ بعد المسافه الطويله دي
عز
حاضر
دخل عز اوضه وبعدين انا دخلت وراه
نور
انت حتي مسلمتش عليا
عز
جاي من الكليه تعبان ومش مركز!!
نور
على فكره انت وحشتني!!
وقف اللي كان بيعمله وبعدين رفع عينيه و هو بيبصلي وبعدين قام من مكانه وهو بيقرب من ناحيتي
عز
مستعد ارجع علاقتنا القديمه زي الاول بشرط..
نور
…………
عز
اسم البنت اللي عملت فيكي كده قوليلي عليها… ساعديني ان انا اوصلها!!
نور
مين قال لك ان انا عايزه علاقتنا الاولى ترجع!!! انا اصلا عايزه تغير جذرياً
عز
نور ما تعصبنيش لو سمحتي انا مش فاهم انتي اتغيرت ازاي كده
نور
انت كمان اتغيرت..
عز بنغعال
اتغيرت بسببك و بسبب تصرفتك المجنونه!!!!
نور بصوت عالي
عز كلامك بيجرح لاحظ دا!!!
عز
اول امبارح ما رضيتش ان انا اجرحك بالكلام هربت زي ما قولتي من غير ما اقول ولا كلمه لاني لو كنت اتكلمت ساعتها كنت هجرحك بجد
نور
انا عايزك تدي علاقتنا فرصة…
عز بغضب
كلامك هيجنني بجد فرصه ايه اللي اديها لعلاقتنا ما فيش بينا علاقه غير الرابط اللي امك جمعتنا بيه.. غير كده مفيش حاجه..
ما كملش كلمته ومسكته من قميصه وانا بحضنه وبحرك ايدي على شعره انفاسه بدأت تهدى وبعدين انا ضغطت عليه اكتر
نور بهمس
ما حدش هيحسسك بالساكينه دي غيري…دايما كنت بتقولي كدا!!
ضغط عليه اكتر وانا حاسه اني على وشك ادخله بين ضلوعي وبعدين بدأت احرك ايدي على شعره زي ما هو كان بيعمل معايا لما يحضني
عز
هو انتي بتحبني!!
نور
معرفش..بس لو اجابتي مهمه بالنسبالك انا مستعده افكر من دلوقتي
رفع ايديه وهو بيحطها على كتفي وبعدين بعدني عنه
عز
لا ما تفكريش مش عايزك تحبيني
دموعي اتجمدت في عيني وبعدين بصيت للارض وهو مسح دموعي اللي على وشي
عز بستياء
عمري ما كنت اتخيل في حياتي اني هكون في يوم من الايام السبب في دموعك يا ريتني ما كنت وفقت على الجواز يا ريتني ما كنت خسرت نور اختي..يارتني ما كنت السبب في وجعك
نزلت ايديه من على دراعي وبعدين رفعت وشي وانا ببصله وبحاول ابتسم
نور
البنت اللي كانت اختك قويه جدا ومش بتفلت من ايديها حاجه هي عايزاها بسهوله انا من دلوقتي هديلك مساحتك الشخصيه انك تفكر بهدوء و تبصيلي بنظره تانية.. خلال اللحظه دي انا هكون زوجه ليك بمعنى الكلمه هحاول مره واتنين وعشره ولحد ما انت تيجيلي وتقولي انا عايزك تكوني ليا طول عمري..
هز راسه بقوه كأنه مش قادر يستحمل كلامي او يسمعني وبعدين انا حطيت ايدي على وشه وخليته يبصلي وانا بكمل كلامي
نور بدموع
بابي هيفضل مفتوحلك لحد الوقت اللي هتقرر فيه انك تخبط عليه
عز
انت بتعملي كده عشان ترضي غرورك مش عشان بتحبيني…
نور مقطعه بنفعال
الله يلعن غروري…و لا فاااارق معايا حاجة غيرك!!!
عز
………….
نور
اعمل كل اللي انت عايزه برده مش هسيب ايدك…حاول علي قد ما تقدر..او اعتبرها حرب حتي..بس اتأكد اني مش هطلع منها غير و انا كسبانه!!
الباب خبط ساعتها وبعدين دخلت خالتي صفاء وهي بتبصلنا واحنا الاتنين بصين على بعض … عز وشه احمر من كتر الانفعال وانا اثار الدموع على وشي
صفاء
صوتكم جايب اخر العمارة..لدرجة ان عمر ابن عمك راح هو يجيب الاكل عشان يشيل من عليا الاحراج اللي كنت فيه…حصل ايه لكل دا
عز
محصلش حاجة يا خالتو
صفاء
في ايه يا نور
بصيتلها وبعدين عديت من جنبها ودخلت اوضتي وقفلت الباب ورايا وبعدين اترميت عن المخده وانا بعيط
صفاء
ممكن تقولي ايه اللي حصل
عز
قلتلك ما حصلش حاجه يا خالتو!!
صفاء
من دلوقتي حصل بينكم مشاكل زوجيه مش قادرين تحكوا لي عنها
عز بنفعال
مشاكل زوجيه ايه انتي كمان بس…
صفاء
ايه ده يا عز في ايه انا اول مره اشوفك في حياتي منفعل بالطريقه دي من امتى وانت بتتعصب كده!!
عز
بنت اختك هتطير صوابي هتجنن بسببها بجد
صفاء
هي عملت ايه عشان كل ده!!
عز
ممكن افهم الاول الجوازه دي هتنتهي بعد قد ايه لان خلال الفتره دي انا هروح اعيش في الشقه اللي فوقينا بتاعت ماما
صفاء
كده او كده انتم الاتنين هتطلعوا وتنقلوا فيها… مش احنا اتفقنا على كده
عز
لأ انا غيرت رأي و هطلع فيها لوحدي ونور هتفضل هنا يا اما امشي واسيب العماره كلها
صفاء
ياااه…لدرجه دي!!! هاين عليك تسبنا لوحدنا يا عز عشان ايه كل دا!!
عز
خلاص يبقى اتصرفي انتي وقوليلها ما تتعاملش معايا نهائي..
قولت كده وبعدين اخدت تليفوني من على السرير وطلعت من الشقه وقفلت الباب ورايا بقوه
صفاء
افتحي يا نور..نور
فضلت خالتو تخبط عليا ولكن انا ما ردتش عليها لحد ما روحت في النوم
#نورهان_حلمي
***********************
بعد مرور شهر
غادة
لسه ما تعرفيش حاجه عن نرمين!!!
نور
لا ولا بقى الموضوع شاغل بالي دلوقتي لان مشاكلي بقت اكبر من كده بكتير
غادة
ليه اي اللي حصل اكبر من كده!!
نور
عز هيتقدم لريم يوم الخميس الجاي
غادة
هي دي حاجة مزعلاكي..
نور
مفيش حاجه مزعلان غير انه بقاله شهر موجهليش كلمه… ولا حتي بيقعد في المكان اللي انا بقعد فيه… ده غير انه بيدخل اوضته في الميعاد اللي المفروض ان انا بنام فيه ويصحى قبلي يروح المستشفى عشان التدريب بتاعه
غادة
لو جيتي للحق… انا مصدومه من مشاعرك ليه..ما بالك بقي هو
نور
انا بس عايزه اسأل سؤال هي ريم دي احسن مني في ايه!!!
غادة
ما تحسبيهاش كده يا نور الفكره كلها انك انتي لو ما كنتيش عشتي مع عز كأخت عمرك كله كان زمانه شايفك حاجه تانيه دلوقتي
نور
طب ما انا كمان كنت عايشه معاه زيه ومع ذلك ما عملتش كل اللي هو عمله ده
غادة
انتي مشاعرك كانت مختلفه خالص انت ما كنتيش بتشوفي شكلك وانت بتتكلمي عنه بكل فخر من و انتي صغيره.. كنت طول الوقت تمدحي فيه وتشوفيه حاجه كبيره جدا كنت متعلقه بيه قوي بطريقه زايده عن اللزوم عشان كده مشاعرك انتي اتحركت ليه اسرع
نور
انا مش متقبله فكره ان ممكن اطلع من كل ده خسرانه.. اعمل ايه عشان امنعه
غادة
من وجهه نظري تستسلمي وما تتصرفيش معاه بأنانيه من حقه يفرح
نور
وهو انا يعني همنعه من انه يفرح، بالعكس انا هفرحه جدا… بس معايا!
غادة
ناويه على ايه!!
نور
لسه معرفش…بس بردو مش هتخلي عنه
طلعت من الجامعه وبعدين كنت قبل ما اوصل للشارع بتاعنا لقيت محل لبس..و لفت نظري فستان ستان قصير جدا و من الضهر مش عليه غير شويه احبال… بصيتله شويه بتأمل وبعدين اخذت القرار…
روحت البيت و قعدت قدام التلفزيون مع خالتي وبعدها دخلت الاوضه ذاكرت لحد ما جه معاد العشا اتعشيت انا وهي لوحدنا زي الشهر اللي عدا وبعدين دخلت اوضتي
عرفت ان خالتي صفاء دخلت تنام ،وانا قومت من مكاني و بفتحت الكيسه اللي فيها الفستان اللي اشتريته وبعدين لبسته واستشورت شعري وحطيت ميكاب… كنت حاسه ان ما فيش اكسجين جوايا من كتر كتمت نفسي… شعور غريب و صعب جدا اعتقد انه كان مختلط بالتوتر والاحراج والاستغراب والتردد والغضب والخوف كانت تركيبه كبيره محطوطه جوايا كفيله انها تقتل اي حد
اول ما سمعت صوت الباب بيتفتح حبست نفسي وبرقت قدام المرايه وانا حاسه ان توتري ذات اكثر..
لبست حلق و سلسلة على شكل فراشه كان جايبها لي يوم عيد ميلادي وبعدين سمعت صوته طالع من الحمام ودخل على اوضته..حطيت برفان علي رقبتي و رجعت شعري لورا
نور
قبل نهاية الحرب بشويه…لازم الشخص يستغمل كل الأسلحة اللي في ايديه عشان لو خسر..ميندمتش علي حاجة!!
صبرت نفسي بكده وبعدين حسيت اني اصلا ما عنديش حاجه اخاف عليها غير هو..
فتحت باب اوضتي وبعدين وقفت قدام باب الاوضه بتاعته وانا ماسكه الإوكره وحاسه ان دقات قلبي هتنفجر من كتر ما هي سريعه خبطت على الباب خبطتين بهدوء وبعدين دخلت….