رواية أجبرتني قسوة الحياة الفصل التاسع 9 بقلم آية السيد

رواية أجبرتني قسوة الحياة الفصل التاسع 9 بقلم آية السيد

رواية أجبرتني قسوة الحياة الجزء التاسع

رواية أجبرتني قسوة الحياة البارت التاسع

رواية أجبرتني قسوة الحياة الحلقة التاسعة

رنا : اااااااااه
أمينه : يا مصبتي… قولتلك هدي السرعه يا ياسر
ارتجل ياسر من السياره وتبعته أمينه لينظرا لتلك الجالسه على الأرض وتذرف الدموع اعتقدا أنها تبكي لصدمته لها لكنها تبكي على فراق صديقتها التي تعتقد أنها توفت قبل قليل، نظرت إليه وهي تجفف دموعها وتقول
رنا : أ..أ..أنا آسفه
ياسر: المفروض أنا الي أتأسف بس إنتِ ظهرتي قدامي فجأه والله… حضرتك كويسه؟!
اومأت رنا برأسها بالإيجاب
أمينه: لازم ناخدها المستشفى… تعالي يا حببتي
وأسندت رنا لتقف على رجلها
رنا : لا لا أنا كويسه… بعد إذنكم
ياسر : طيب اركبي معانا هنوصلك
رنا : لا شكرا …
أمينه: إنتِ رايحه فين بس يمكن يكون نفس طريقنا!
رنا : أنا رايحه عنوان ……
ياسر : طيب دا طريقنا او تقريبا نفس المكان…. اركبي متخافيش
ركبت أميره وأثناء الطريق كانت تسيل الدموع من عينيها بصمت، تحاول أن تتحكم بدموعها ولا تستطيع، تخاف على أميره وتخشى أن تكون قد فارقت الحياة، أما ياسر فكان ينظر لها عبر المرآه من حين لأخر يؤنب نفسه على ما فعله لتلك الفتاة يظن أن صدمته لها قد آلمتها.
______________________

خالد : مالك مصدوم ليه كدا
ضمه فارس وهو يربت على ظهره
فارس : يا عم خضتني عليك… الحمد لله انك عايش …الحمد لله
كان مزهولًا لا يعلم ماذا يجرى فقد استيقظ من نومه للتو ويظن أنه قد يكون حُلمًا لا يستوعب ما يجري!
أمل: أومال فين أميره يا دكتور ؟
أشار لها خالد على غرفة أميره التي لا تزل غارقة في النوم
دخلتا أمل ونورهان لأميره
نورهان : دي نايمه وإحنا هنتجنن عليها !!
امل : والبت رنا زمانها هتتجنن… لما اتصل عليها أقولها وبعدين نصحي الأخت دي
طلبت امل رقم رنا
رنا ببكاء: إيه الي حصل دا يا أمل قوليلي إنها إشاعه أو مقلب من مقالبكم!
أمل: طيب بس بطلي عياط البت أميره نايمه أهيه وزي الفل… إنتِ فين يا رنوش؟
جففت دموعها
رنا: جايه أهو في الطريق يعني أميره وخالد كويسين؟
نظرت لها أمينه بانتباه لسماعها اسم خالد
امل : اهدي بس أميره كويسه والله ونايمه كمان… وخالد تمام التمام
رنا بإبتسامه : الحمد لله ياااارب الحمد لله… طيب أنا جايه في الطريق أهوه.
امل :اشطا يا موزتي… خلي بالك من نفسك… سلام يحبعمري
رنا بإبتسامه: سلام
وبعد انتهاء رنا من المكالمه
أمينه : معلش أنا سمعتك بتقولي أميره وخالد …هو إنتِ قصدك خالد الشريف
رنا : أيوه هو حضرتك تعرفيه؟
أمينه : أنا الداده أمينه وتقريبا الي مربياه
رنا : اهاااا…. عارفه حضرتك اميره حكتلي عنك أهلًا بيكِ
آمينه: هما بخير صح ؟
رنا : أيوه أمل صاحبتنا قالت الخبر طلع اشاعه منهم لله الي نشروه …أنا اتفزعت
أمينه: طيب الحمد لله… والله قلبي كان بيأكدلي انهم بخير
كان ياسر يتابع كلامها عبر المرآه، طريقتها وابتسامتها وعيناها، فحتمًا سيصاب بلعنة تلك النظرات ويقع في حبها…
ياسر : الحمد لله الخبر طلع كذب… متسمعونا زغروطه بقا …
أمينه : هههههه إنت بتقول فيها دا انا عايزه أنزل من العربيه أرقص
ابتسموا جميعًا، نظر ياسر عبر المرآه لرنا وأردف
ياسر : حضرتك أخت زوجة خالد بقا؟
رنا: لأ دي صحبتي وزي أختي بالظبط
ياسر: واضح فعلًا، لأنك كنتِ منهاره من العياط وأنا الي كنت فاكرك بتعيطي عشان الخبطه!… يلا الحمد لله إنهم بخير
ردد الجميع: الحمد لله
___________
وصل ياسر ورنا وأمينه إلى البيت
ارتجلوا من السياره ولكن رنا شعرت ببعض الألم بقدميها وهي تنزل فوقفت وقالت بهمس
رنا : ااااه
أمينه: ألف سلامه يا حببتي إحنا لازم نوديكِ مستشفى ولا حاجه
رنا: لا إن شاء الله مفيش حاجه تلاقيها كدمه بسيطه، لعله خير …الحمد لله جت سليمه
ياسر بإبتسامه: تحبي أشيلك لو مش قادره تمشي… مش عارف ازاي خبطتك والله… سامحيني بقا
تغاضت رنا عن جملته الأولى وأردفت لحياء
رنا : ولا يهمك أنا الي مأخدتش بالي
أخذ ياسر يحدق بعينيها الخضراء وكأن هناك مغناطيس يجذبه إليها حدث حاله قائلًا: يخربيت حلاوة أمك …ايه يا بت العيون الحلوه دي
رنا في نفسها وهي تنظر للأرض: هو بيبصلي كدا ليه !! عيب كدا هحبك والله… أنا أصلًا عندي فراغ عاطفي ومهصدق! صبرني يارب… استغفر الله العظيم
نظرت أمينه لياسر أن توقف عن ذالك، لأنها شعرت بإحراج رنا
ياسر : ي..يلا بينا
سارت رنا أمامهم وابتعدت قليلا
أمينه لياسر بصوت يكاد هو يسمعه: ماشي يا ياسر .. ..بتبص للبت كدا ليه هتاكلها بعينك… هو دا غض البصر؟! حسابك بدأ يتقل
ياسر بإبتسامه: يا خالتو لا حساب على أول نظرة… ولو لاحظتي هي كانت نظره واحده بس طولت شويه
أمينه بإبتسامه: بس بصراحه البت حلوه ولا ايه رأيك؟
ياسر : يالهوووي حلوه أوي يا خالتي
أمينه : ياااااسر… عيب كدا
ياسر : الله!! ..مش انتي الي طلبتي رأيي؟
أمينه : قدامي …امشي امشي

_____________________

في غرفة أميره

يجلسا أمل ونورهان ويتكلمان بصوت عالي لتستيقظ أميره
أمل : ومجننانا ومقومانا من النجمه ونايمه يختي
نورهان : كل دا مش حاسه بينا !!!
أمل : يا أميره هانم ….يا ست أميره… يا أميرة الأمره
ذهبت نورهان بجانب أميره وصرخت : أميرااااه
فتحت أميره عينها
أميره بإستغراب : إيه دا!!! ايه الي جابكم هنا؟ لابسين أسمر ليه !!! هو أنتوا بجد ولا أنا لسه نايمه!
أمل : قومي يا حلوه يا بلحه يا مئمعه
قامت وهي تمط ذراعها وتفرد جسدها من أثر النوم، تفتح عينها وتغلقها
أميره : أحلى صباح دا ولا ايه صباح الفل بقا
نورهان : صباح النور يختي قومي اغسلي وشك كدا عشان فارس برده وبالصلاة على النبي كدا اعمليلنا فطار أحنا جعانين وجاين على ملا وشنا ع الصبح
أميره : وانتو بقا جاين تفطرو عندنا؟ طيب عندكم المطبخ روحوا يا حلوين اعملو الي عاوزينه وسيبوني أنام
وفي هذه الحظه طرقت رنا باب الغرفه ودخلت لتهب من نظرات ياسر
رنا : تنامي ايه يالي تنشكي في رجلك قومي يا بت قوووومي
جلست أميره: هو فيه ايه ….بجد انتو هنا ليه ؟
رنا : قومي يختي اغسلي وشك وهتفهمي كل حاجه… وخلصي عشان داد أمينه بره ومعاها واحد كدا عمال يبصلي
قامت أميره من سريرها مسرعه
تكلمت أميره بنعاس فلم تكن بكامل تركيزها : بتتكلموا بجد …هو انا مش بحلم طاااه …هو انتوا جاين ليه طيب ؟
نورهان: خير يا أميره ناقص تقوليلنا اطلعوا بره كل شويه انتوا جاين ليه؟
أمل بابتسامه: أنا هفهمك
وبدأت أمل تسرد عليها ما حدث من البدايه وشاركتها رنا بسرد ما حدث لها
_____________________
خالد : منورين والله يجماعه… بغض النظر عن الي حصل دا والإشاعه الي طلعت ان أنا مت… بعد الشر عليا طبعا
ياسر : بعد الشر يا صاحبي
خالد : طيب ثواني بقا كدا هروح أقول لأميره تجهز فطار
فارس : لا يا دكتور انا ماشي ورايا شغل
ياسر : وأنا كمان همشي… ولا ايه يا داده
أمينه : أيوه يلا بينا كويس اننا اطمنا عليكم …بس هروح أسلم على أميره وأجي
خالد : والله ما ينفع يعني أخضكم وتمشوا من غير فطار
ورسم خط وهمي على الأرض
وقال :الي يعدي الخط دا هكهربه وبعدين داده أمينه مش هتتحرك من هنا خلاص انت بقيت كويس يا عم ياسر
أمينه : لا يا خالد انت لسه عريس وانا قولتلك كمان أسبوع هبقى أجي
خالد : قضي الأمر خلاص… مفيش خروج من هنا بلا عريس بلا بطيخ
أمينه بإبتسامه: طيب انا أساعد أميره في الفطار وبعدين نتكلم في الموضوع
______________________
أميره : ياااااه…. كل دا حصل وأنا نايمه!
أمل : الدنيا اتقلبت يبنتي وحضرتك نايمه
طرق خالد باب غرفة أميره فأذنت له بالدخول
خالد : أميره… داده أمينه
دلفت أمينه للغرفه
أمينه : مبروك يا عروسه… بسم الله ما شاء الله زي القمر
أميره : الله يبارك فيكي يا داده… إنتِ الي قمر

تكلموا قليلا ثم دخلوا جميعا إلى المطبخ وأعدوا الإفطار للجميع وبعد فتره ذهب كل منهم إلى بيته، ولكن أصر خالد على بقاء داده أمينه فوافقت في أخر الأمر
أما ياسر فيعتقد أنه قد آن الأوان لينهي حياة العزوبيه، فكان ينظر لرنا بين حين وأخر يراقب كلامها وضحكها وكل حركاتها بكثير من الإعجاب وهي تلاحظ نظراته وتحاول الهروب منها..
مر اليوم سريعا وفي المساء
يجلس خالد وداده أمينه وأميره
أمينه : أنا ارتحتلك أوي يا أميره… دمك شربات وإنتِ كلك على بعضك زي العسل يا بخت خالد بيكِ
أميره : اه والله محظوظ بقا ان ياخد عروسه زيي طبعا
خالد ساخرًا : محظوظ أووي
اميره بنظره تحدي: إنكر بقا؛
خالد بإبتسامه: مقدرش، ا الساحره الشريره كانت موتتني
ضحكت أميره على كلامه وأخذت تسرد لأمينه ما فعلته مع خالد ويتبادلان الحديث وسط الكثير من الضحكات وبعد فتره الت الداده
أمينه : طيب أنا هدخل أنام بقا تصبحوا على خير
أميره : اتفضلي يا داده وإنتِ من أهل الخير
دخلت أمينه لتنام بغرفة أميره فهي غرفتها من البدايه
أميره : هي الداده هتنام فين يا خالد !!
خالد : والله مش عارف أجيبهالك ازاي بس دي أوضتها
اميره : مش فاهمه!
خالد : يعني أوضتك دي بتاعت الداده
أميره بصدمه : ايه دا!! طيب وأنا ؟
خالد : هتنامي معايا طبعا في أوضتي
أميره : نااااعم… لا طبعا مستحيل أنام مع واحد غريب
خالد : غريب!! معلش افتكري بس أنا المفروض جوزك
أميره : بس برده مينفعش احنا متفقناش على كدا!
خالد : أنا داخل أنام لما تحبي تنامي ابقي تعالي الأوضه مفتوحه.. تصبحي على خير
أميره بصوت مكتوم يوشك على البكاء : ازاي يعني! مش هعرف أنام كدا
نظر لها خالد: اعقلي يا أميره
أميره : يعني أنا مجنونه ولا ايه يعني ؟
خالد : مش قصدي كدا… قصدي افهمي
أميره : يعني أنا مبفهمش !!
خالد: أميره إنتِ عايزه تتخانقي وخلاص ..
أميره : ماشي
خالد : ماشي ايه !!
أميره : ملكش دعوه
خالد : قومي يا أميره ادخلي قدامي والا هيكون ليا تصرف تاني
أميره : إنت بتكلمني كدا ليه مش قايمه يلا بقا
نظر لها خالد بغضب
خالد: قولت قومي متخلنيش أعلي صوتي والداده تسمعني
أميره بحركه طفوليه: اوووف… طيب
ودخلت غرفة خالد
أميره في نفسها : هنااام ازاي دا مفيش غير سرير واحد!!!
جلست على السرير تنظر في أرجاء الغرفه وتتأمل ما بها من أثاث وملابس مرتبه وكتب رتبها خالد بطريقة رائعة
_____________________

كمال : لسه زعلانه مني يا هاله
هاله : ………
كمال : خلاص بقا أنا آسف يا لولا… مش هتتكرر
هاله : أعتبر دا وعد!
كمال : وعد يا ستي مش هتعرض لخالد دا تاني وكمان هنسافر أخر الشهر زي ما وعدتك
هاله بسعاده : بجد يا كمال
كمال : جد الجد كمان
______________________

جلست على السرير تلعب على هاتفها حين دلف خالد للغرفه بعد أن انتهى من الإستحمام
أميره : انت هتنام فين ؟
خالد : هنام على السرير
اميره : طيب وأنا ؟
خالد : على السرير
قامت أميره من على السرير مسرعه ووقفت واضعة كلتا يدها حول خصرها قائله
أميره : ازاي إحنا الاتنين هننام على السرير؟
قام خالد وذهب في باتجاهها
خالد : يا بت بطلي بقا يا بت جننتيني معاكِ
أميره: أنا مش بت انا ليا إسم علفكره
طل خالد يقترب منها وهو يقول
خالد : والله بجد!
أميره : انت بتقرب كدا ليه! إثبت مكانك وإلا… وإلا….
قاطعها خالد ضاحكا : هتعملي إيه؟
أميره : هصوت وألم عليك الناس
خالد : مجنونه وتعمليها
وابتعد عنها قائلا : نامي يا أميره تصبحي على خير
أميره : أنام فيييييبن ؟
خالد : في المكان الي يريحك
أميره: يا خالد ورحمة جدي أنا بضرب الي نايم جنبي باليل
ابتسم خالد وهو يفرد ظهره على السرير وقال: تصبحي على خير يا مجنناني
أطفأ الضوء إلا من شعلة بسيطة على الكمود، وأغلق عينيه لينام، وقفت أميره للحظات تنظر إليه ثم جلست بجواره على السرير تنظر إليه وهو يرقد وقد أغلق عينيه محاولًا النوم، فقد رضخت للأمر الواقع وستنام، غلبها النعاس فذهبت في ثبات عميق، وفي منتصف اليل إستيقظ خالد مفزوع من أثر صفعه على وجهه…….

“لفته”
لا بجوز الحلفان بغير الله
وحياة أمي
ورحمة جدي
والنبي
والكعبه
وغيرها من الحلفان
فلا يجوز الحلف بغير الله سبحانه وتعالى
قال الرسول ﷺ :”إن الله ينهاكم أن تحلفو بأبائكم ومن كان حالفا فليحلف بالله أو ليصمت ”
وخرج الترمذي بإسناد صحيح
قال ﷺ : “من حلف بغير الله فقد كفر أو أشرك ”
والكفارة
إذا حلفت بغير الله بدون قصد فلتقل: لا إله إلا الله

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية أجبرتني قسوة الحياة)