رواية أبيض وأسود الفصل السادس عشر 16 بقلم منى محمود
رواية أبيض وأسود البارت السادس عشر
رواية أبيض وأسود الجزء السادس عشر
رواية أبيض وأسود الحلقة السادسة عشر
(( المواجهه ))
لما بتكون الاذيه من اقرب ناس لينا الكلام بيبقي صعب يطلع … تحاول تتكلم لكن ولا حرف بيخرج منك … علي قد ما بتكون مجروح علي قد ما بردو بتخاف تجرحه
تجرحه ازاي وهو أقرب من نفسك ليك !!
ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ــ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
عند علا
الباب اتفتح والكل بصلها بتفاجا وترقب شكلها كان يصعب علي اي حد دموعها نازله نظراتها زايغه ماسكة في الباب لأنها مش قادرة تقف وقبل ما ميادة ونجاة يقربو منها شاورت بايديها أن كلهم يقفو مكانهم واتكلمت بضعف حاولت تداريه
ــ في ايه ؟ ليه صوتكم عالي كدة ؟
ميادة بخوف
ــ انتي كويسه يا علا ؟؟
نجاة
ــ كويس انك فوقتي يلا عشان نمشي من هنا وحياة امك لاعرفه قيمتك كويس اوي
علا
ــ قصدك مؤمن ؟ مؤمن عارف قيمتي كويس اوي يا ماما بس يا تري بقا حضرتك وبابا عارفين قيمتي ولا لا ؟
صبري بحدة
ــ قصدك اي بقا أن شاء الله هو كنا احنا اللي زعلاناكي ولا جوزك اللي جابك تعبانه وسابك لامه ونزل شغله بردو واهو بقاله خمس ساعات ولا اكتر تلفونه مقفول
ميادة كانت هترد قاطعتها علا
ــ هي ماما مقالتش لحضرتك ولا اي ؟ شايفه حضرتك بتتكلم بثقه اوي أن مؤمن سبب تعبي
نجاة بتوتر
ــ قلتله اي بالظبط ؟ انتي شكلك حماتك وجوزك ملوكي مننا خلاص يلا يلا يا صبري خلينا نمشي
علا
ــ يبقي مقولتيش … طيب يا بابا أنا مؤمن لسه نازل انهاردة الشغل كان قاعد فعلا معايا ومش بيخليني اعمل اي حاجة ولما عرف أنه لازم ينزل ماماته جت تراعيني وتاخد بالها مني وقبل ما تقولي ما كنتي قاعدة عندي معلش محدش بيرتاح غير ف بيته وماما عمرها ما وافقت تفضل هنا معايا عشان حضرتك مبتعرفش تبات برة بيتك ولا وهي بعيدة عنك ف مؤمن كمان زيك لا بيعرف يبات برة بيته ولا عايز يبعد عني عشان كدة ماماته جت تبات معايا … كتر خيرهم يشكرو … المهم عشان نخلص لاني مش قادرة اتكلم ماما بقا لما عرفت الكلام دا اتعصبت عليا في التلفون وسمعتني كلام كتير يوجع وفي الآخر قالتلي ربنا ياخدك وقفلت السكة في وشي محستش بنفسي غير دلوقتي وانا نايمة ع السرير وسامعه صوتكم بس كدة دا كل اللي حصل
صبري
ــ الكلام دا حصل يا نجاة ؟
نجاة بعصبيه وصوت عالي
ــ تصدقي أن أنا اللي غلطانه اني قلقت عليكي وقلبي كان هيخرج من مكانه من الخوف عشانك انتي بت ناكره للجميل وجاحدة
صبري
ــ ردي عليا يا نجاة انتي اللي وصلتي البت للحاله دي ؟ وسيباني قاعد اهين ف الراجل وهو غايب مش موجود حتي يدافع عن نفسه ؟؟؟
علا ضحكت بوجع
ــ دا كل اللي همك يا بابا ! انك غلطت مؤمن وطلع مش هو السبب
صبري ب مكابرة لوجود ميادة
ــ انتي عارفه أن امك عصبيه وساعات كتير بيطلع منها دبش لكن قلبها مفيش اطيب منه وبيتحبك وانتي كل دنياتها
علا بدموع
ــ عارف يا بابا من يوم ما كلامها بقا زي السهم اللي بيرشق في قلبي وانا بقول لنفسي كلامك دا دي امك اللي بتحبك متزعليش منها ملهاش غيرك بتخاف عليكي كل الكلام دا بقالي سنين بقولو لنفسي بس ولا مرة خفف من وجع قلبي وهي بتهني أو بتوجعني بالعكس كل مرة بتوجع اكتر من المرة اللي قبلها لحد ما قلبي اتملي ومبقاش فيه مكان تاني خلاص والله
نجاة بغضب
ــ دا اللي ربنا قدرك عليه يا ست علا خلاص كبرتي وطلعلك صوت و اول ما يطلع هيطلع علي امك يا علا دي اخرتها … بقا انتي مشفتيش مني الا وحش بس ؟ خلاص نسيتي عملت معاكي اي ؟ دي اخرتها يا بنت بطني ؟ كتر خيرك كتر الف الف خيرك
صبري
ــ اهدي يا نجاة البنت تعبانة مش هنحاسبها في تعباها دا .. وانتي انتي عارفه كويس اوي أن محدش في الدنيا دي كلها هيحبك زي امك ولا ربع حبها ليكي حتي بلاش حبه كلام حلوين ولا حنيه من حد يقسيكي علي امك يا علا
علا
ــ وليه حضرتك متقلش أن لما شفت الحنيه اللي استحقها بدأت اشوف التقصير اللي كان ومازال في حقي
نجاة
ــ كسر حوقك يا قليله الادب انا اصلا قاعدة بتكلم في اي قوم يا صبري خلينا نمشي قوم
صبري
ــ استني يا نجاة خلينا نخلص من الموضوع دا … علا انتي بنتنا أنا اللي تعبنا عليكي وكبرناكي وسهرنا جمبك في تعبك اللي يفرحك كان يفرحنا واللي يزعلك يقهرنا … يمكن طريقتنا في إظهار حبنا مكنتش صح مش هنكر دا لكن دا مش معناه ابدا أن بعد العمر دا كله توقفينا كدة وتحاسيبنا وتحسسينا اننا اعداءك مش اهلك اللي بتحبك وتخاف عليكي
نجاة كملت
ــ تنكري انك كنتي واخدة كل اهتمامنا وحبنا وراعيتنا ؟ احنا معرفناش نجيب اخ ولا اخت ليكي بس كنا طول الوقت بنحاول نحافظ عليكي … تنكري اني كنت بخاف عليكي من الهوا الطاير وان لو كنت اطول اجبلك نجمه من السما كنت جبتلك تنكري يا علا كل دا !!!!
علا ودموعها نازله
ــ ولا عمري اقدر أنكر والله … بس تنكرو انتم أن شكلكم قدام الناس كان أهم من نفسيتي ؟ تنكرو أن كلام الناس كان أهم من رغبتي ؟ تنكرو أن ولا مرة واحدة حسستوني اني ليا قيمة وراي وليا حق اعبر عن اي حاجة بالرفض أو القبول ؟
تنكري يا ماما انك ياما احرجتيني قدام الناس ؟ بطلي تأكلي بصوت كدة عيب … اي دا سايبه الملعقه جوة الصينيه يا آخرة صبري دا اللي عملتهولك … وهو انتي بتعرفي تعملي حاجة عدله ابدا … كسفاني كدة ديما … راي اي يا ام راي احنا وافقنا خلاص … مين دي اللي تتجوز بشكلها دا هتعنس جمبي يختي يا ميله بختك يا نجاة حتة بت واحدة ومش عارفه حتي تهتم بشكلها ولا تحليه شويه … تنكري انك خليتيني شخصيه ضعيفه مهزوزة معندهاش ثقه في نفسها ولا في اي حد حتي لما مؤمن اتقدملي وقدام مين ما كان تقولي معرفش بصلك علي اي دا قمر ما شاء الله عليه حتي حجابي كنت مصممة اقلعه في الفرح عشان شكلي يبقا حلو شويه جمب مؤمن القمر مش كدة ؟؟ دا حب دا ؟ دا حب يموت دا حب يدبح ويوجع ويقهر ومع ذلك مش انا اللي اتكلمت انتي اللي لما لاقتيني مبسوطة وحياتي مستقرة وجوزي وحماتي كويسين معايا مش راضيه تسيبني اعيش مبسوطة مش عارفه اي مشكلتك في اني اكون مبسوووووطة وفي الاخر دعيتي عليا قولتلي ربنا ياخدك وانا معملتش حاجة والله العظيم ما عملتلك اي حاجة عشان تقوليلي كدة يا ماما حرام عليكي بقا والله
خلصت كلامها وفضلت تتنفس بسرعه كلهم كانو متأثرين حتي نجاة لاول مرة تحس انها اذت بنتها من غير ما تقصد صبري مسك نجاة من ايديها وسحبها بكل هدوء برة الشقه كان واثق أن لو الاتنين فضلو تاني قدام بعض النهايه مش هتكون كويسه لحد فيهم ابدا
أما ميادة ف حطت نيجار علي الكنبه اللي جنبها وجريت خدت علا في حضنها اللي انهارت في العياط
ــ بس بس كفايه يا حبيبتي… كفايه عشان خاطري … بس يا علا خلاص خلاص يا قلبي
ــ أنا مكنتش عايزة اقولها كدة … مكنتش عايزة اجرحها والله مكنتش عايزة
ــ خلاص اهدي خلاص كل حاجة خلصت اهدي بس عشان خاطر بنتك حتي بنتك محتاجلك يا علا بس يا حبيبتي
تلفون ميادة رن لكنها تجاهلته وفضلت واخدة علا في حضنها لكن التلفون مبطلش رن طلعتها من حضنها وراحت تشوف مين لاقتيه رقم غريب استغربت وردت
ــ الو
ــ اي يا ماما مبترديش علي طول ليه دا رابع مرة اتصل
ــ مؤمن ! دا رقم مين دا ؟ وتلفونك ماله ؟
ــ تلفوني فصل شحن ومعيش باور نسيته هو كمان طمنيني بس عليكم
ــ تعالي يا مؤمن علا تعبت تاني وجبتلها دكتور واهلها جم وحصل شد بينهم تعالي يا بني مراتك محتجالك اكتر من اي حد
ــ أنا قلبي كان حاسس والله حاضر يا ماما نص ساعه واكون عندك خليكي جمبها لحد ما اجي
ــ حاضر يا حبيبي متقلقش
ــ هما أهلها عندك لسه ؟
ــ لا لسه نازلين حالا
ـ طيب تمام مسافه السكة واكون عندك سلام
ــ سلام
ـ-ــ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-
مؤمن قفل معاهم وقرب من بهاء وبكر اللي كانو قاعدين مع اتنين من هاكر اللي صعب حد يقدر يوصلهم
مؤمن
ــ بهاء ممكن ثواني ل سمحت
بهاء
ــ تمام … ثواني يا رجاله .. خير يا مؤمن ؟ في اي ؟
مؤمن
ــ أنا آسف يا بهاء لازم امشي دلوقتي غصب عني والله
بهاء
ــ فهمني طيب في اي ؟
مؤمن
ــ علا مراتي تعبانه وامي جبتلها الدكتور في البيت دي تاني مرة تتعب في وقت قليل وكل مرة مكنش جمبها
بهاء بتفهم
ــ لا طبعا ميصحش خلاص روح يلا أنا مش لوحدي بكر معايا اهو لما نخلص وكله يبقي تمام هتصل بيك متقلقش
مؤمن بأسف
ــ أنا آسف بجد يا بهاء أنا
قاطعه بهاء
ــ بطل الكلام الاهبل دا يلا روح ل مراتك ربنا يطمنك عليها يارب يا حبيبي
خرج مؤمن بسرعه وبهاء عرف بكر اللي حصل وأنهم هيكملو لوحدهم … كانو مجتمعين في بيت واحد من الاتنين الهاكر عشان يكون مأمن المكان كويس ومشوش علي أجهزة الموبايل تحسبا لأي تجسس … بكر كان قافل خط الموبايل الرئيسي بتاعه وفاتح الخط الشخصي اللي مع ناس قليله اوي زي بهاء وبدور و فتحي …
بهاء
ــ ها يا شباب فهمتو مضمون البوستات اي ؟
واحد منهم ويدعي بيتر
ــ فهمنا يا باشا متقلقش
التاني ويدعي هاني
ــ بس في حاجة كدة محتاجة تتظبط ينفع اقولها ؟
بهاء
ــ اكيد طبعا
هاني
ــ احنا مش هنكتب ولا مصدر ل كلامنا ودا هيضعف موقفنا جدا وهيرجح اننا الطرف اللي بيشهر ب شخص مات غدر علي ايد واحد تاني في فيديو له وهو بيقتله في الشارع بدم بارد حضرتك فهمني ؟ لازم حاجة مأثرة تنزل مع البوست تغطي علي تأثير الفيديو اللي واثق أن بعد دقائق من نزول البوست الفيديو دا هيكون مغرق الدنيا وبيكدبونا بيه
بكر بحيره
ــ زي اي ؟ احنا وعدنا المصدر اننا منجبش سيرته خوفا علي حياته …
بهاء
ــ بس نصر لما اتكلم كان واثق اني عرفت من المصدر بدليل أنه قال اسمه واتك اوي عليه
بيتر
ــ المصدر دا بقا كلامة وظهوره هو حمايته مش العكس
بهاء وفهم قصده
ــ قصدك أنها لما تتعرف لو حصلها حاجة دا هياكد أنهم مجرمين فعلا
بيتر بتوضيح
ــ مش بس كدة … تعرف في كام صفحة صحافه وناقلين اخبار علي الفيس واليوتيوب ؟ وعندهم متابعين بالملايين ومش بينقلو من مكانهم وبس لا دول بينزلو وبيصورو مع الناس كمان زي مذيعين التلفزيون بالظبط اصلا معظم اللي بيطلعو في البرامج بيكونو طالعين الاول ع النت زبقو تريند ف البرامج دي جابتهم … المصدر بتاعك هيظهر علي شاشه الميديا وشاشه التلفزيون كمان اي خدش يحصله هيكون ضدهم وهيثبت للكل ضعف موقفهم وبالنسبه للحرب اللي هتكون علي النت بينا المصدر بتاعك هيكون قصاد فيديو موت عمر اللي هيعرضوه
بهاء
ــ ولو المصدر رفض الظهور ؟
بيتر
ــ هنكمل لكن موقفنا هيكون ضعيف جدا وهتبقي مخاطرة كبيرة اوي
بكر
ــ ما تيجي نحاول تاني يا باشا مش هنخسر حاجة
بهاء
ــ طيب ينفع تجهزو انتم وانا ساعه بالظبط وابلغكم
هاني
ــ لو المصدر وافق عرفنا المكان هنجيب معدتنا ونيجي نصور كلامة فيديو وننشر وفي خلال خمس دقائق الفيديو هيكون في كل مكان
بهاء
ــ تمام ربنا يسهل … يلا يا بكر
بكر
ــ يلا يا باشا
اتحركو بسرعه ل بيت نعمة وطول الطريق بيجهزو سوا الكلام اللي هيقولو ل نعمة عشان يقنعوها بالظهور وان دا لمصلحتها اكتر
تلفون بكر كان بينور ويطفي كتير برقم فتحي لكنه كان مركز مع بهاء جدا ومحسش بيه
ـ-ـ-ـ-ـ-ـ-ـ-ـ-ـ-ـ-ـ-ـ–ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ــ-ـ-ـ
فتحي كان واقف قدام المستشفى مش عارف يوصل لبكر عشان يبلغه بموت بركات مدبوح علي ايد مجهول
فكر يتصل علي بدور أخته لكنه تراجع وخاف من غضب بكر ف فضل مكانه بيراقب اللي بيحصل من بعيد وايديه علي تلفونه مبطلش اتصال ب بكر
في شقه بدور
كانت ام اسلام في المطبخ علي وبدور قاعدة في الصاله علي الكرسي سانده رأسها علي رجلها وسرحانه ومش عارفه ازاي بكر يسامحها ويرجع يبقي جمبها تاني
ــ ست علا مش هتاكلي ؟ انتي من الصبح محطيتش حاجة في بؤك يا بنتي
ــ مليش نفس يا ام اسلام
ــ ليه كدة بس انتي فاكرة قله الاكل هتشفيه يعني لا دا لما يفوق ويعرف اللي انتي عملاه في نفسك دا هيزعل منك اوي
بدور بصلتها وهي ضامه حواجبها بعدم فهم
ــ هو مين دا الي يفوق ؟ ! هو بكر تعبان ؟؟ بكر فيه حاجة ؟؟
ام اسلام بسرعه
ــ لا لا والله سي بكر زي الفل أنا أقصد علي الحج بركات ابوكي
بدور ب همس
ــ بركات !
ام اسلام مكمله
ــ والله اسلام بيقولي القسم كله زعلان عشان استاذ بكر بيقولو أن حالة الحج حرجة وعشان كدة في العنايه المركزه بس مفيش حاجة صعبه علي ربنا اه اومال ايه وانتي بدل الحزن دا كلي لقمة كدة تصلبي بيها طولك وصلي وادعيله ربنا يشفيه ويشيل عنه وينتقم من اللي كان السبب
وقبل ما تفوق من صدمتها بسبب الكلام اللي بتسمعه سمعت صوت تلفونها بيرن ب رساله 🤫 واتصدمت اكتر ووقعت من طولها لما لاقتها من امجد
ـــ انا خدت ب تار بنتي … لو عايزاها ولسه فارقه معاكي … قابليني في شقتنا يا بدور دلوقتي
ـ-ـ-ـ-ـ-ـ-ـ-ـ-ـ-ـ-ـ-ـ-ـ–ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-
مؤمن وصل في وقت قليل اوي بسبب السرعه اللي كان ماشي بيها قابلته ميادة اللي كانت قاعدة تلاعب نيجار في الصاله
ــ السلام عليكم يا امي فين بدور
ــ وعليكم السلام يا حبيبي خد نفسك واهدي ف اي والله بقت كويسه ونايمة جوة
ــ اي اللي حصل بالظبط فهمني قبل ما اتكلم معااها
حكتله كل اللي حصل
ــ وبعد ما مشيو هي فضلت تعيط كتير لحد ما تعبت ونامت
ــ لا حول ولا قوه الا بالله العلي العظيم … ليه كدة بس … مش قادرين يصبرو لما تتحسن حتي … كله ورا بعضه كدة
ــ هو تفكيرهم وحبهم غريب بصراحة يا مؤمن بس هنقول اي في الاخر دول اب وام
ــ اب وام !!! ماما أنا لو علا قالت مش عايزة تشوفهم تاني هيبقي الموضوع منتهي
قاطعته ميادة
ــ هي مش هتقول كدة ولا احنا هنشجعها علي كدة تقتصر عنهم اه معاك طالما علاقتهم مؤذيه ليها لكن تقاطعهم لا دول أهلها وبرهم واجب عليها اهدي كدة يا مؤمن ومتخليش غضبك وخوفك علي مراتك يعميك يا ابني
ـــ ربنا يسهل … أنا هدخلها بعد ازنك
ــ ازنك معاك يا حبيبي ربنا يهديكم يارب انتم الاتنين
دخل عندها كانت نايمة والارهاق والحزن باين علي وشها قعد جمبها علي السرير بهدوء وفضل باصصلها وهو سرحان
ــ يا تري يا علا الصح ابعدك نهائي عنهم حتي لو وصلت اني اخيرك بيني وبينهم ولا اني اصلح بينكم ؟
ـ وهو اهلك بفكرهم ومعتقداتهم دي ينفع معاهم صلاح ؟
ـ اخدك ونبعد ؟
ـ طب وامي اسيبها ل مين مش كفايه اخويا اللي هاجر هبقي أنا وهو كمان
فضل سرحان في أفكاره وهو باصصلها لحد ما النوم غلبه هو كمان
ـ-ــ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
وصلت عربيه بهاء قدام بيت نعمه وهو بهاء بيركن اخيرا لاحظ بكر تلفونه وعدد مرات الاتصال ال عدت خمسين مرة خلته مرعوب بدون تفكير اتصل بسرعه علي فتحي اللي رد من اول جرس وقال
ــ انت فين يا باشا كل دا المستشفى مقلوبه وبيحاولو يكلموك ابوك لاقوة مدبوح في سريره وكاميرات المراقبه جابت اللي عملها وبيدور عليه وسمعت عسكري واقف بيقول أنهم هيعرفو من القسم عنوانك عشان حد يروح يبلغك هناك
ـ-ـ-ـ-ـ-ـ-ـ-ـ-ـ-ــ-ـ-ـ-ـ-ـ-ـ-ـ-ـ-ـ-ـ-ـ-ـ–ـ-ـ-ـ-ـ-ـ-ـ-ـ-ـ-ـ–ـ-ـ-
نيرة كانت قاعدة في اوضتها قلقانة من تأخير سوزي هي كل مرة بتغطي عليهم قدامهم بس سوزي بقالها فترة بتتاخر كتير وبتقول مبررات مفيش عيل صغير يصدقها
ــ وبعدين بقا في الست دي … هي كانت ناقصاكي يا ست سوزي منك لله هتبوظيلي كل حاجة … اووووف بقا طب اعمل فيها اي دي … ما أنا مش بعد كل دا تيجي الست الخرفانه دي تبوظلي الدنيا لا … اصبري عليا يعدي النهاردة بس وانا ليا تصريف تاني معاكي
تلفونها رن ردت بسرعه
ــ حبيبي وحشتني اوي
ــ وانتم كمان والله وحشتوني
ــ بجد هي فين طيب عايزة اكلمها
ــ my little princess
How are you baby?
I miss you too baby
Listen to your father’s words, my dear
I will come to visit you next week
Ok .. bay my love
_ تمام حبيبي علي معادنا أن شاء الله
ــ لا متقلقش أنا مظبطة كل حاجة خلي بالك من نادو ومن نفسك
ــ اوك بيبي باي
ـ-ـ-ـ-ـ-ـ-ـ-ـ-ـ-ـ-ـ-ـ-ــ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-
بدور متعرفش فاقت أمتي وازاي ولا حتي أمتي لبست واتحركت من البيت هي وافقه عند لحظة ما عرفت علي بركات وقرت الرساله ودلوقتي واقفه قدام شقتها القديمة اللي حصل في النص بين الأحداث دي هي متعرفوش ولا حست بيه
كانت لسه هتخبط بس سبقها امجد وفتح الباب واتقابلو بعد غياب سنين وحان وقت المواجهه المتاجله بسبب هروبه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أبيض وأسود)
