رواية وحوش الأرض الفصل الرابع 4 بقلم منة ضياء

رواية وحوش الأرض الجزء الرابع

رواية وحوش الأرض البارت الرابع

رواية وحوش الأرض الحلقة الرابعة

بسم الله..
كانت وعد ماشيه و حست بالعطش و بالجوع ووقفت وقلبها دق بخوف لما لقت الجارد بيقربوا عليها..
وعد بلعت ريقها بخوف ورجعت لورا وبدات تجري باقصى سرعه بس كان الجارد اسرع منها و واحد مسكها كتفها..
وعد حاولت تقاوم علشان تهرب وتصرخ وتطلب من اي حد يساعدها بس محدش اتجرا انه يقرب.. الكل شايف السلا. ح و شكلهم المرعب محدش هيضحي بحياته..
وعد فضلت مستمره ف الحركه واحد من الجارد ضر. بها ع راسها من ورا بحيث انه يغمى عليها بس مش تتاذى..
واخدها ركبها ف العربية ورجعت لسجن عصام تاني..
____________
ياسين راح الشركه وطول الطريق بيفكر ف البنت العنيده اللي بترمي نفسها ف النار بكامل ارادتها..
وصل الشركة.. وكان الامن موجود سلم عليهم ودخل ع مكتبه..
كانت السكرتيره موجوده واول ما شافته اجى قامت جابت الملفات ودخلت عنده ع طول..
ملك السكرتيره : السلام عليكم..
ياسين : وعليكم السلام.. قلع جاكت البدله وقعد ع كرسي المكتب وكمل كلامه.. انا شايف ان الشركه فاضيه فين الموظفين؟!
ملك : احم.. اصل الكل بيقول ان الجو مش مضمون انهارده بردو..
ياسين : يعني اي.. هما مش عاملين حساب ان ف شغل متاخر ومتراكم علينا.. ولا هما اتعودوا ع القعده ف البيت؟!! ده اسمه اهمال..
ملك : انا هحاول اتواصل معاهم و هما يبلغوا بعض ويجوا ع هنا..
ياسين : اعملي اللي تعمليه المهم تتصرفي ي ملك..
مالك : تمام.. واتفضل دي الملفات بتاعت المشروع الجديد اشتغلت عليها انهارده بدري انا واستاذ معتز وحضرتك تقدر تراجع عليهم..
ياسين هز راسه بتفهم : تمام شكرا ليكِ ي ملك..
ملك : العفو.. بستاذنك هروح اكمل شغلي..
ياسين : تمام..
ملك خرجت.. وياسين بدا يشتغل ويراجع ع الملفات وبيحاول يعوض التاخير اللي حصل ده..
ملك اتواصلت مع الموظفين وفعلا راحوا الشركه و ف اللي راح و هو راضي و ف اللي راح و هو مضايق..
الكل بدا يشتغل..
_________
ف فيلا عصام..
عصام مستني دخول وعد عليه بفارغ الصبر..
دخل واحد و هو شايل وعد بين ايديه..
عصام وقف بخوف لتكون فعلا ماتت : ه. هي مش جايه واقفه ع رجليها ليه ولقيتوها فين؟؟!
رد عليه : كانت يا باشا عامله شوشره ومكناش عارفين نتصرف منها فضربناها ع راسها ضربة بسيطه هدفها انها يغمى عليها بس..
عصام : نايمها هنا..
شاهي اول ما شافت وعد ابتسمت براحه انها كده نفدت من عصام..
عصام قرب منها وفوقها..
وعد قامت مخضوضه و اول ما شافت عصام اتشهدت علشان هي عارفه انها خلاص هتموت..
عصام لما لقاها قدامه و كويسه حب يفرض سيطرته عليها من تاني..
عصام : امممم.. حمدلله ع السلامه ي لعبتي انا مش هحاسبك واقولك كنتِ فين علشان مش وقته.. وبص لشاهي وانتي ي حبيبتي يلا قومي ساعديها تاكل وتجهز نفسها علشان حفلة بالليل عايزاها تولع.. وسابها و خرج بره الفيلا يفكر ف الجر يمه الجديده.
شاهي قامت وقربت منها واتكلمت بغيظ : قومي نفذي اللي قال عليه ولا مستنيا اني اشيلك اطلعك فوق كمان.. والاهانة اللي اتوجهتلي بسببك دي انا مش هعديها لا انا هخليكِ تدفعي التمن..
وعد بصت عليها من فوق لتحت باستحقار وسابتها وطلعت بتعب..
وعد دخلت اوضتها و مكنتش قادرة تتنفس هي حاسه ان هي محبوسه ف سجن مش حره.. مفيش حاجة كويسه حواليها كل حاجه شر..
قعدة ع طرف السرير بياس وقعدة تعيط..
اجت واحده من اللي بتشتغل ف الفيلا وكانت جايبه اكل وعصير..
سناء : اتفضلي الست شاهي بتقولك كُلي كويس علشان متتعبيش ف الحفله مش عايزين شوشره وسابتها و مشيت..
وعد بصت ع الاكل و دموعها نازله ومش عارفه تعمل اي كالعادة هتحضر الحفله وترخص نفسها و حد يموت.. وصرخة بوجع : اااااااااه يااارب كون معايااا انا تعبت..
__________
ف الفيلا عند هالة..
هالة قعدة وجنبها ياسمين..
هالة : والله ي بنتي ما انا عارفه هي فين دلوقتي ولا حالتها اي.. مش كان فاتها معانا دلوقتي بامان.
ياسمين : هي يا ماما من ساعة ما ياسين قالها تتجوزه و ما تطلعش من البيت وهي مش مطمنه و عايزه تمشي ف اسرع وقت..
هالة اخدت نفس واتكلمت بقلق: يارب احفظها بعينك التي لا تنام.
ياسمين : يارب..
___________
ف الشركه عند ياسين..
ياسين واقف بعصبيه و كان واقف قدامه معتز و حاتم و دول اكتر اتنين عارفين كل كبيرة وصغيرة ف الشركه..
ياسين مسح ع وشه : ازاي؟ انا موافقتش ع الشروط دي ازاي تتكتب ف العقد.. ومكتوب ان ده حسب اتفاق..
معتز : ايوه انا فاكر ان حضرتك قولت لو دي الشروط انت هتنهي الشراكه اللي بينكم.. وهما غيروا ف الشروط وانت وافقت ع الشروط الجديدة..
حاتم بتاكيد : ايوه فعلا.. بس حصل كده ازاي..
ياسين اتكلم بغيظ : انا مش هشترك معاهم ف المشروع ده..
حاتم : بس مكتوب ان حضرتك وافقت ع الشروط يعني انت هتخسر كتير جدا لو عملت كده..
ياسين : انا قولت من الاول اني مش موافق ع الشروط لكن بردو حصل العكس.. و تغور الفلوس والشركه اهم حاجه عندي الصدق والامانه ف الشغل..
معتز : تمام احنا هنكلم ايهاب ونقوله ان خلاص احنا استغنينا عن شراكته معانا ف المشروع و ياخد فلوسه و يغور..
ف الوقت ده خبطت ملك ع الباب..
ياسين : ادخلي ي ملك..
ملك : مستر ياسين.. مستر ايهاب بره وعايز يشوف حضرتك..
ياسين : دخليه ي ملك..
ملك : تمام..
ملك خرجت و ايهاب دخل..
ايهاب : اي ده هو ف اجتماع ولا اي..
ياسين : لا اجتماع اي ده احنا كنا بنتفق ع انهاء الشراكه اللي بينا يا ايهاب..
ايها مط شفايفه ببرود : اممم.. كويس بس ممكن اعرف ده ليه..
ياسين خد الورقه من الملف و حطها قدامه ع المكتب : انا اهم حاجه عندي ف الشغل هو الصدق.. ومش بقبل بالحوارات.. ف احب اقولك ان خلاص كده ملكش مشروع عندي انت فلوسك هتوصلك ع حسابك ف البنك بس ياريت تجيب المحامي وانت جاي علشان نخلص..
ايهاب حاول يبقا بارد اكتر : اهااا.. وانت بقا يا ياسين بيه هتقدر تحقق مشروع كامل لوحدك..
ياسين بتاكيد : انت اكتر واحد عارف اني ممكن اعمل بدل المصنع تلاته..
ايهاب وقف واتكلم و هو ماشي تمام انت الخسران ومشى..
جاسر اجى وياسين قاله ع كل حاجه.. وجاسر اضايق من ايهاب و دعم ياسين ع تصرفه و قعدوا يفكروا مع بعض هيعملوا اي ف اللي جاي..
______
بقلمي/منة ضياء♡
بعد مرور كام ساعه وكانت الساعه 10 بالليل..
شاهي جهزت و عد علشان الحفلة..
وعد كانت لابسه فستان احمر قصير و جزمه بكعب و فرده شعرها وميكب خفيف.. نزلت وعد و هي مش طايقه نفسها و بتفكر انها هتحاول تهرب منهم..
عصام : واو.. قمر كالعادة ي وعدي.. عايزك انهارده تنبسطي و تنسي كل حاجه عيشي يومك ي حلوتي.. ولسه هيحط ايده ع كتفها هي سابته و مشيت ع العربية من سكات ووصلوا مكان الحفلة..
______
اول ما وعد نزلت من العربية خطفت الانظار و الكل عينيه عليها..
دخلت و قعدة ع تربيزة و دموعها نزلت بقهر..
قرب شاب منها وقعد جنبها : تسمحيلي بالرقصه دي..
كانت هترفض بس شافت اشارة من الجارد انها توافق..
وعد هزت راسها بالموافقه وقامت معاه ورقصة غصب عنها و هي بتحاول تكون بعيده عنه ع قد ما تقدر.. ايده اللي ع وسطها مخلياها كرهه نفسها و كل الناس.. الشاب بدات يقرب منها اكتر.. وهي اخر ما زهقت زقته بعيد عنها واتكلمت بانهيار بس بقااا خلاص ابعد بعيد.. عصام قرب منها و مثل الحب : اي ي حبيبتي مش مبسوطه ف الحفلة ولا اي احنا متفقناش ع كده..
وعد : بّـــــــس بقااا كفاية كدب لحد كده انا تعبت..
عصام مسك ايديها و ضغط عليها : وعد ارجعي لعقلك الناس كلها بصت علينا..
وعد بعياط : سيبني ف حالي ابوس ايدك.. والله هسيبلك كل حاجه الفيلا و الفلوس وكله بس سيبني بالله عليك..
عصام اتعصب واخدها من ايدها ع العربية: انتي مُصره تشوفي وشي التاني و داس بنزين وراح ع المخزن اللي بيتفق فيه ع كل جرا.يمه..
وصلوا واخد وعد من ايدها و دخلها و زقها و هي وقعت ع الارض بس قامت بسرعه من الخوف..
عصام بشر: انتي هتنفذي اللي بقولك عليه ومعندكيش خيار تاني..
وعد : انا مش هعمل حاجه.. وسيبوني امشي بقا..
عصام : انسي.. ده انتي ورقتي الربحه..
عصام مسك فونه ورن ع واحد وقاله انه يجيله..
وبعد شوية وقت الشخص ده وصل..
عصام : الكلام ع مين..
الشخص ده طلع صورة من جيبه..
عصام:…