رواية ذات الوجهين الفصل الخامس والعشرون 25 بقلم منة محمد

رواية ذات الوجهين البارت الخامس والعشرون

رواية ذات الوجهين الجزء الخامس والعشرون

رواية ذات الوجهين الحلقة الخامسة والعشرون

محمد شاف الفيديو واتك ع فكه بغيظ وناولهولها
ضحي: شفت الحيه غوت الراجل والدليل واضح ومستحيل تنكر
محمد بضيق: مكنش المفروض تفرجيني القرف ده
ضحي: اتصل بيها حالا
محمد بصلها مستغرب: وده معناه ايه
ضحي انفعلت: قولها ان هي عملت السيناريو ده عشان يبقي مجرد عذر تفضل في بيت اختي لكن هي لمت حاجاتها وسابت البيت فجأه اظن فيه حاجه غير طبيعيه وده له علاقه بنور
محمد عقد حواجبه بتعجب: ازاي
ضحي: نور هيبقي ضحيه ليها _مدتله الموبيل_ خد اتصل بيها واسألها مشت مع مين وراحت فين
محمد هزلها دماغه برفض: مش هتصل لان كل الي قولتيه مجرد افترضات وكلام تفكيرك الخاص وانتي كمان مش متأكده ان كانت ذات عايزه توقع نور
ضحي: لو مش هتتكلم من خلال الدليل هتتكلم_ سكتت قبل ما تقوله لانها وقعته هو قبل كدا في شباكها وكملت وقالت_ من سلوك الرجاله انت معندكش احساس ان نور وذات رجعوا علاقتهم القديمه من تاني ونور هيخون اختي ويرجع لذات
محمد حط ايده فوق راسها بهزار: ده امر للكبار طفله زيك متفكرش وتوتر نفسها بالامر ده _ ضرب جبينها بحنيه_ مفهوم
ضحي حدفت ايده بغيظ: ياعم انا مش عيله انا كبيره وناضجه
محمد: حتي لو كنتي ناضجه برضو متتوتريش كدا ياسمين ست لطيفه ونور بيحبها وبيعشقها وذات لايمكن تفرق الثنائي الجميل ده ابدا عشان كدا متفكريش كتير ماشي
ضحي بصوت مخنوق حزين : لازم افكر واحده بأخلاق ذات لو حبت تغير طيبه ياسمين او تخطف نور منقدرش نوقفها
محمد بصلها وهو مقتنع بكلامها وقرر يدور وري ذات لحد ما يعرف هي مشت فعلا مع مين!!!!
………….قصص منه محمد كاتب…………..
في المطبخ في بيت نور
عزه بتشم الاكل: الله ريحته حلوه اوي يا ست نورهان
نورهان: فعلا شهد يله خديه للسفره سمسمه ورايا نرص السفره يله
طلعوا وعاملين هيصه ودوشه لكن جميله كلها سعاده ورفعت بيشرب شاي ودماغه مع نور
نور دخل بيصفر ويجري زي الطفل الصغير: الله الله الريحه جايبه لـ اخر الشارع طابخين ايه يا حلوين
نورهان بفرحه طالعه من القلب: نور وصل
نور وقف يوزع قبلات عليهم وشاورلهم كأنه نجم سيما وبيحي جمهوره: ازيكم ياحلوين بابا منور
نورهان بحنان اموي حقيقي : نور قلبي تعال يله ناكل والاكل سخن
نورفرك كفوف ايده بحماس: اممم يظهر حماتي بتحبني جيت في الوقت المناسب
رفعت بهدوء: نور تعال عندي الاول
نور أأعد جنبه: نعم يا بابا خير
رفعت بصله بجديه: خلصت الشغل مع انتصار هانم في دبي
نور ببتسامه: ايوه والشغل انتهي
رفعت: ممتاز!! _ سكت شوي وسأله بجديه_ سافرت مع مين؟
نور الابتسامه اختفت ووشه اتغير لما حس ان صوت ابوه اتغير وخاف وقال: سافرت لوحدي هسافر مع مين
رفعت ضحك بتهكم: صحيح المفروض مسألش
نور اتوتر وحب يهرب منه فقام بسرعه: نروح ناكل
رفعت قام معاه: اه يله
نور مقرب منها ببتسامه: حبي الريحه تهوس تجنن _ضمها وباس خدها_ عامله ايه
ياسمين وهي محروجه: بخير وجيت في الوقت المناسب جعان
نورمسح على وشها بنعومه: جعان اوي اوي والحمد لله السكه مكنتش زحمه بس فيه حاجه ممكن اساعدكم فيها
نورهان ابتسمت ابتسامه واسعه : اه فيه انك هتاكل الاكل ده كله فراخ بالاعشاب الطبيعيه وبعد ما تاكلها هاخد منك احفادي بسرعه
نور: لاء كدا هاكله كله ومش هشارك حد معايا
نورهان: يله وريني
نور سحب كرسي لياسمنته: اقعدي ياقلبي
ياسمين وقفت وقالت: ايه رايكم ناخد صوره عائليه الاول
نورهان بفرحه وكأنها رجعت طفله وبحماس : الله صوره
عزه اتحمست معاها: انا بحب الصور اوي
نورهان: اتصوري انتي وجوزك ع ما اعدل شعري
نور حط ايده ع كتف ياسمنته وضمها عليه: يله احنا سوي
ياسمين رفعت الكاميرا ونور في كل صور يغلس ع ياسمين مره يشدها من خدودها ومره ينكش شعرها ومره يعمل صوباعه مسدس مصوبه في خدها وهي تضحك وبعدين كلهم وقفوا جوه الكاميرا ولقطوا صور جماعيه جميله كلها حب وسعاده ونور جه في اخر صوره باسها زي بوز البطه والكل ضحك عليه ونور اخدها ورفعها ع صفحته كالعاده وكتب تحتها (هنعيش مع بعض بكل تانية مش حاتفرقنا انا وانت ياعمري اي حاجة)
ااما رفعت وقف ع جنب يبصلهم وخايف من الجاي للحب الكبير ده ينتهي
………..قصص منه محمد كاتب………
بعد العشا رفعت اخده ع جنب: انا همشي انا وامك وهنيجي تاني
نور باس كتفه: البيت بيتكم
رفعت حط ايده ع كتفه ومشي بيه بعيد شويه عنهم : عندي كلام لازم اقلهولك
نور بحترام: اتفضل
رفعت: انت كدبت عليا بس مفيش مشكله انا ابوك وممكن اسامحك لكن لو كدبت ع مراتك واكتشفت بعدين مستحيل تسامحك ابدا اما بالنسبه لسفر دبي عارف انك مسفرتش لوحدك
نور ارتبك شوي ووشه اتخطف وجاب كميه الوان
رفعت: والشخص الي حجزلك التكت انا ساعدتك وغطيت عليك بس افتكر شئ واحد انا هساعدك المره دي وبس واي ان كان الي عملته قوله لمراتك
نور بلع ريقه و اخد نفس :حاضر
رفعت بصوت عالي: نورهان يله بينا
نورهان طالعه بتمد وبتتكلم وهي متحمسه: خلصت يا رفعت والنهارده عملت اكل جميل وانا مبسوطه جدا
رفعت وهو ماسك راسه: مش هتخلص كلام وكدا مش هجيبك تاني
نورهان ضحكت ضحكه عاليه : لا والنبي يا رفعت جبني تاني وانتي يا سمسمه اوعي تنسي
ياسمين ابتسمت: لاء ده الا الفراخ بالاعشاب
نورهان: وانت يانور تاكلها كلها عشان تخلف ولاد بسرعه
نورشاورلها ع عيونه: عيوني
رفعت: ايه رايك تطبيخها عشاني حتي نجيب اخ صغير لنور
الكل ضحك بسعاده ع مزحته وراحوا ركبوا العربيه واتحركت
ياسمين شاروتلهم: باي
نور شارولهم وعزه كمان وفضل واقف في مكانه سرحان
ياسمين: يله ندخل ياعزه نرتب المكان
عزه: يله
ياسمين رجعت بصتله لقته منزل راسه وسرحان: نور
نور لف وبصلها: نعم
ياسمين : ايه الموضوع
نورحاول يجمع نفسه وابتسملها: ولا حاجه انتي روحي مع عزه وانا داخل وراكي
ياسمين حست انه فيه حاجه ومخبيها بس ما حبتش تضغط عليه: تمام
ياسمين دخلت ونور واقف ع اعصابه الي كلها هربانه منه ومش عارف ياخد نفسه!!!!!
…………..قصص منه محمد كاتب……………
بيحاول يتصل بيها مش بترد عليه راح جاب علبه وفتحها وصورهالها وبعتهالها في رساله شافت الرساله اتجننت وع طول ردت عليه من اول رنه
محمد بكل هدوء: اهلا ذات وانا بدور في حاجتنا القديمه لقيت خاتم ليكي تحبي تاخديه ولا اروح ابيعه
ذات بنرفزه: انت مخبول ده بتاعي انا اشتريته بفلوسي ولو حد هيبيعه يبقي انا بنفسي رجعه حالا
محمد نبره بارده: قابليني وخديه
ذات لبست بسرعه ونزلت راحتله ودخلت أأعدت بدون سلام ولا كلام ومحمد طلع العلبه وحطها قدامها وهي اخدتها بلهفه
محمد بصلها ورافع حاجب: محتاجه فلوس عشان كدا جريتي عليا
ذات عطته نظرت احتقار: مش لازم اجاوبك ولو خلصت مهمتك انا ماشيه
قامت رفعت الشنطه على كتفها وبصتله من فوق لتحت محمد ماتحملش نظراتها وقام وقف قدامها بغضب ومسكها من دراعها: استني عارف انك مشيتي من بيت ياسمين عايشه فين دلوقت
ذات دفعت ايده وحطت عينها بعينه وواضح انها بتكره : برضو مش هجاوب ع السؤال ده كمان
محمد وقف وحط وشه بوشها والمسافه بينهم قصيره: في الحاله دي رجعي العلبه الفاضيه_ وضحك اوي_
ذات فتحت العلبه لقتها فاضيه لفت وبصتلوا ومحمد ابتسم ورفع الخاتم في وشها
ذات هجمت ع ايده: هات الخاتم
محمد خباه وري ضهره قرب منها اكتر وعيونه كلها غضب: سألتك عايشه فين دلوقت
ذات بنظرات من فوق لتحت وحبت تقهره: عايشه مع راجل بيحبني راجل يقدر يهتم بيا احسن من غيره
محمد عيونه وسعت واحمرت بشده : والراجل ده هو جوز صديقتك
ذات برفعه حاجب: هو او لاء شئ ميخصكش اديني الخاتم
محمد حطه في كف ايدها: يمكن ده شئ ميخصنيش بس يخص ياسمين ياتري الي بتعمليه فكرتي فيها وفي مشاعرها
ذات : متألفش اقتراحات انا مقولتش كلمه واحده ان روحت اعيش مع نور ولو فكرت ده من نفسك هقولك حتي لو كان كدا وعايشه مع نور اظن امر مش غريب لانه كان خطيبي وبيحبني وهو ملكي انا بس كنت محتفظه بيه عند ياسمين دي كل الحكايه
محمد بقهر: انت ازاي بتقولي كدا دي صديقتك الوحيده
ذات بكل برود: افرض !!الطيبه والحقيقه مختلفين وانا بقول الحقيقه واياك تفكر ياسمين هتاخد مني نور تاني
محمد صرخ فيها وهو بيشاور عليها : انتي شريره شيطان رجيم
ذات لفت وبصتله: اطمن كلنا فينا شر وشيطان متوقف امتي هنظهرهم _بصتله من فوق لتحت_ انت بتتكلم وكأنك طاهر بجناجين ومكنتش كدا في يوم ابدا
مشت وسابته وهو اتك ع فكه
………قصص منه محمد كاتب……….
الصبح ياسمين صحت من النوم ملقتش نور جنبها قامت بسرعه لقته سايبلها رساله ع المخده( عندي اجتماع بدري وكنت لازم اروحه محبتش ازعجك هتوحشيني حبي) ياسمين ماتت قهره وقامت بسرعه واتصلت بضحي تجيلها
ضحي ماسكه الكارت وبتقلب فيه: اظن الامر كدا غريب فجأه تمشي ذات وترفض ترد ع مكالماتك ومترجعش تتصل بيكي كمان ودلوقت نور بيتصرف تصرفات غريبه زي مبقاش يقرب منك لا كدا نور مخبي حاجه او عارف هي مشت راحت فين
ياسمين بتسرح شعرها في المرايا ومقتنعه بس بتكابر: لو عارف كان قالي مفيش سبب عشان يخبي عني
ضحي: فيه لو نور وذات بيتقابلوا اكيد مش هيبقوا عايزينك تعرفي متنسيش كانوا في حكم مخطوبين وبنهم مشاعر يمكن حنلها ورحلها وهي مث*يره
ياسمين وصلت حد الانهيار..خلاص حاسه مبقاش في ايديها أي شيء ممكن تعمله..والخوف محاصرها من كل اتجاه
ضحي كملت: ونور في الفتره الاخيره بقي يكدب عليكي والي يأكد الشك ليله ما اختفوا سوي من القاهره في نفس الوقت وفيه كاميرا بتقول ان ذات الي اتحرشت بالراجل بصراحه انا مش واثقه
ياسمين خلاص هنا ومبقتش قادره تتحمل اكتر صرخت فيها بصوت عالي : كفايه كفايه ياضحي كل ما هتتكلمي اكتر هتجنن اكتر وانا مش عايزه اسمع لو عايزه فعلا تساعديني بطلي كلام عن نور انه مع ذات او ارجعي البيت
ضحي قامت ضمتها بقوه : انا اسفه يا ياسمين انا بس قلقانه وحاضر مش هتكلم بس ابقي معاكي
ياسمين لقت موبيلها رن بصورتها مسحت دموعها وقامت ترد زي الاسد الي لقاه الفريسه: فكرتك مسحتي رقمي
ذات بتقلب في الدولاب: اصلي كنت مشغوله ومقدرتش اتصل بيكي
ياسمين: كنت ممكن تردي برساله ع الاقل
ذات: المهم اني ممسحتش رقمك لانك الصديقه الوحيده الي بملكها ازاي اقدر امسحك
ياسمين: كويس انتي فين وليه مقولتليش عنوانك
ذات: الموضوع جه بسرعه بس النهارده جايه ولازم اشوفك عندي حاجات كتير لازم اقولهالك انتي في الشغل
ياسمين: شويه ورايحه عندي تصوير ع الهواء
ذات: جميل جيالك اشوفك بايفي الاستوديو كلهم واقفين منتظرنها تحضر عشان تسجيل الحلقه
معتز ماسك الموبيل وبيتفرج ع الفيديو: واضح انها تمثليه ده انا لسه فاكر وش ذات في اليوم ده فضلت تصرخ وتنتحب وادعت انه اعت*دي عليها بجد قدرت تخدعنا كلنا في منتهي السهوله
هبه: انا فرجتك الفيديو عشان تحذر نور منها انها حبت تفضل اطول وقت ممكن في بيت ياسمين معني كدا ان عندها هدف
معتز نبره كلها ثقه : ونور عارف ومستحيل يتورط مع ذات ده بيحب مراته بجنون
حنان ربعت ايدها قدام صدرها : شوفت ده بعيوني الي هيكلهم الدود وعشان كدا عملنا مجموعه الزوجات المفغلين
معتزبصلها بعدم فهم: مجموعه المغفلين ده ايه ده؟؟!!
هبه صقفتلهم: ابدؤا
حنان شدت المساعد وقفته جنبها ومسكت موبيل وهمي ومثلت كأنها بتتكلم: الو ازيك يا معتز ياتري جوزي جه عندك ليله امبارح اصله قالي انه معاك بس مش عارفه اتصل بيه
المساعد انضم ومثل معاها لانه منحاز بعد الفيديو لياسمين: ايوه هو كدا بس نايم بعيد ولما يصحا هخاليه يرجع يتصل بيكي
حنان: شكرا
المساعد:مش عايزك تقلقي
حنان حطت ايدها ع قلبها برتياح: ارتاحت دلوقت مع السلامه
المساعد مثل انه بيتصل: معتز انت فين مراتك اتصلت بيا سألت عنك وقلتلها انك بايت عندي بسرعه اتصل بيها وقولها انك معايا قبل ما تخربيتك
هبه: ها ايه رايك في خداع وكدب الرجاله
معتز: ما هو لما تبقوا بأسلوبكم ده الامر لازم يكون كدا والصديق لازم يساعد صديقه امال يرمي بيه للتهلكه وبأيده
حنان بنفعال: طبعا لما الموضوع يوصل تحموا بعض عكس احنا الستات قلبنا ع قلب بعض
معتز: لان انتم تخوفوا جدا يا ستير ع قلبتكم علينا تعملوها ح*رب اهليه
حنان: احنا بالعكس ع راي سعاد حسني احنا الطف الكائنات
هبه بجديه: لو فعلا عايز تساعد صديقك يبقي متقفش جنبه في الغلط وع فكره ذات مش سهله وانا قلقانه جدا ع ياسمين ولو في امكانك تساعد نور ده هيبقي افضل
معتز هزلها دماغه بهدوء: حاضر يا هبه
حنان اتعدلت بسرعه: هش ياسمين جايه
ياسمين قربت عليهم هي وضحي وسلموا وهما بدلوهم السلام
هبه بقلق من شكلها الواضح: مالك ليه وشك متوتر كدا
ياسمين بتحاول تبتسم: ولا حاجه
معتز بجديه: اوك لو جاهزين يله نصور الحلقه
هبه وياسمين مشوا معاه وهبه وياسمين رحبوا بضيفه الحلقه لما وصلت وقعدوا وبدؤا بأول سؤال ع الشاشه
الضيفه ردت عليهم ببتسامه: للاسف المجتمع متوقع ان الست مننا لازم تتحمل وتصبر ع اي ابتلاء وكأنهم مش بني ادمين من لحم ودم
هبه مبتسمه: وده الي خلاكي تأسسي جروب معنا لتحمل معاناه الستات
الضيفه: ايوه اظن الست لما تمر بمشكله متتعصبش وتفقد قوتها وتستخدم المنطق عشان تقدر تتخطاها صح لكن لو اتعصبت هتجهد قلبها لحد المعاناه وعارفه ان ده مرهق عليها جدا لاني قابلت ستات معندهمش قوه صبر وتحمل لكن قابلت العكس
هبه مبتسمه: واضح من كلام حضرتك
ياسمين الي خرجت بسؤالها عن النص :التغاضي والقوه والثبات واتصرف كأن ولا حاجه حصلت ده بيظهر اننا اغبياء في عيون الناس التانيه الي بتستغل طيبتنا وفطرتنا الي حاولنا نبينها ونشوف الحلو قبل الوحش واتعاملنا بفطرتنا وطيبتنا لكن هما اخدوها ع اننا مغفلين ياتري تغميض العيون هيخلينا نكمل عادي ونبقي سعداء
الضيفه اتوترت لان السؤال خارج نص الحلقه
معتز وقف وشاور لهبه كات وهبه هزتله دماغها بـ لاء
الضيفه ردت: لازم ناخد كل نقطه بعين الاعتبار واوعي تاخدي قرار من غير ما تفكري بمنطقيه حتي لو الحقيقه دي هتألمك ده مش معناه اننا نغمض بس قبل ما نهاجم نشوف الغلط عند مين ونفكر كويس مين الي خلق المشكله ومين المتسبب فيها لكن من غير ما تخدعي نفسك هل انتي هتقبلي الحقيقه دي او مش هتقبليها وشوفي هتقدري تتغاضي الامر ولا هيبقي اللامر فوق طاقتك
ياسمين نزلت راسها لان خنقتها الدموع: ولو خايفه تواجهي الحقيقه تخدعي نفسك وتغمضي عيونك
الضيفه :لو هتقضي عليك ايوه
ياسمين بصت للضيفه وفجأه بكت :ليه الناس تبقي بالضعف ده
معتز لما شافها بتعيط بنهيار وقف وشاور لهبه تاخد فاصل
هبه: سؤالك مهم جدا يا ياسمين بس بنعتذر هنطلع فاصل ونرجع نتكلم تاني اوعوا تروحوا في اي حته
معتز بصوت عالي: كااااات
ضحي نزلت دموعها زي السيل الجارف: اختي انهارت
حنان بحزن عميق: وخرجت عن نص الحلقه الاساسي وسالت كأنها بتسال عن موقف حقيقي حصلها اظن الامر متعلق بذات
ضحي مسحت دموعها: فعلا هي اتصلت بياسمين النهارده الصبح وقالت انها جايه هنا تشوفها
المساعد بقرفه: واهي وصلت وشرفت واو
ذات قربت عليهم وبتشاورلهم: هاي ياجماعه امال فين ياسمين
الكل بعد ما اتأملوا فستانها المستفز معتز شاورلها: هناك
ذات لمحتها ..راحت تجري عليها
معتز وقفها بحده: استني رايحه فين احنا لسه في تصوير وياسمين بتظبط مكياجها عشان هنكمل الحلقه
ذات بصتله ببتسامه مصطنعه ولفت لياسمين والحقد ماليها انها مذيعه لامعه في عالم الاضواء
حنان بتحوم حواليها بنظرات من فوق لتحت: بس فستانك شيك بس من عند الصدر عريان ومكشوف كله اوي
المساعد بنظرات احتقار : يمكن اكتر فستان سافل ووقح شوفته في حياتي
ذات شخطت فيه:فعلا هو سافل ووقح اوي
ياسمين انهت الحلقه بشكر للمشاهدين في البيوت وذات الحقد مولعها
ذات جريت عليها وضمتها بحراره :ياسمين وحشتيني كتير انتي كويسه
ياسمين واقفه كأنها تمثال اتحنط
ذات بعدت عنها لما لاحظت جمودها ووشها سألتها: مالك عطشانه اجبلك تشربي
ياسمين بملامح جامده صالبه: ملوش لزوم
ذات عوجت بؤها: براحتك_لفتلها_ ازيك ياهبه
هبه بقتضاب: اهلا
الضيفه الي عيونها بتتأمل الفستان: يظهر صديقتك يا ياسمين لابسه فستان غالي اوي
ذات بصتلها من فوق لتحت بحتقار ولعبت في خصل شعرها
هبه لحقت الموقف بسرعه: اتشرفت بوجود حضرتك في الحلقه اتفضلي
الضيفه بصتلها بنفس نظراتها ومشت مع هبه
ذات : ياسمين ياتري وحشتك بقالي ايام وليالي ما شوفتكيش وحشتيني وحشتيني كتير يله ضميني حضن
ياسمين رفضت تضمها لكن هي ضمتها بكل برود واخدتها اعدتها وقعدت جنبها: طبعا انتي زعلانه عشان مشيت بس لقيت شقه جميله وخفت تتاخد اسفه لاني مقولتلكيش
ياسمين: وجبتي فلوسها منين وانتي كنتي بتشتكي ومعكيش فلوس
ذات: راجل اعرفه طلع جنتل ولطيف وسلفني تمنها
ياسمين بسؤال كله لهفه: مين
ذات شافت القلق بعيونها فقالت: حتي لو قولتلك مش هتعرفيه بس نقول ساعدني لانه بيحبني وصعبت عليه فمفيش الي تقلقي عشانه
ياسمين :وفين شقتك ممكن اشوفها
ذات سكتت شويه: وماله بس انا مقدرش اشرح العنوان وغير كدا الشقه لسه مكركبه بس اول ما ارتبها هاخدك من ايدك تشوفيها
ياسمين بحده : بس قبل كدا لما اخدتي شقه وكانت مكركبه اتصلتي بيا عشان ارتبهالك بس دلوقت رافضه تاخديني مكانها لانها مكركبه فعلا اتغيرتي
ذات نقرت ع التربيزه: انا متغيرتش يا ياسمين انا طول عمري كدا ودايما ليا طريقي والمره الي سمحتلك فيها تيجي بس المره دي مش هسمحلك عشان كدا مينفعش تيجي انا دايما طريقتي كدا ولازم تكوني اتعودتي ع الوضع
ياسمين بدئت تغضب : وجريك وري نور للمكتب والتمثليه الي مثلتيها انك اتعرضي للتح*رش عشان تفضلي عندي في بيتي عملتي ده كله لانك دايما عارفه طريقك ولا عوزتي تاخدي حاجه تانيه
ذات: لو عوزته هتدهولي
ياسمين مره واحده خافت والحروف مش قادره تطلع معاها
ذات: بلاش تجاوبي لاني لو عوزته هاخده حتي لو انتي رفضتي انا هاخده اما بالنسبه لجري وري نور في المكتب وتأليف سيناريو اني اتعرضت للتحر*ش معنديش عذر لانه حصل بس انا عملت ده عشان انجي نفسي ونجتها فعلا والي عملته كان الصح
ياسمين بصلها بصدمه والدهشه ماليه ملامحها من صديقه طفولتها غمضت عيونه وحست قلبها هيطلع من بين ضلوعها
ذات مستمتعه لصدمتها: حبيت ابلغك ده بنفسي بس طالما عرفتي مبقاش فيه اي متعه
ياسمين بصتلها بصدمه اكبر مش معقول مش ممكن وجع الناس وجرحهم بقي عندها هوايا ومجرد متعه
ذات قامت وقفت وضحكت وضحكت وبعدين كشرت وقالت: اه فيه حاجه واحده ولازم تعرفيها
ياسمين من الخوف والي ممكن تقوله مسكت في حرف التربيزه : هي ايه
ذات فتحت الشنطه وطلعت جرافته نور وياسمين جحظت عيونها
ذات حطتها قدامها: جرافته نور خديها ورجعهالوا
ياسمين اللي جاتلها الضربه الكبرى شدتها منها : وليه هي معاكي
ذات رفعت حاجب: غلطه يظهر اخدتها في حاجاتي غلط ولقتها في هدومي عشان كدا رجعتهالك
ياسمين الدموع بدئت تملي عيونها وبنفعال وعصبيه: غلطه بتقولي غلطه ياتري فيه حاجه تانيه اخدتيها غير الجرافته بالغلط معاكي
ذات رفعت عينها عليها ومطت شفايفها بستهزاء: معرفش دي الي شوفتها بس لو فيه اكتر من دي هقولك بس لو عوزتيه مش هرجعهولك
ذات شربت شفطه من العصير وابتسمت بحقد وقامت ووقفت تبصلها ومستمتعه لدموعها ولفت ومشت! وياسمين النفس بقي شبه معدوم من دموعها الي حاصرتها..ومش قادره توقف عياط
…………..قصص منه محمد كاتب…….
ذات طلعت برا في الشارع واتصلت بنور الي رد عليها بعصبيه ونرفزه: عايزه ايه
ذات: عايزه سلامتك السكرتيره جابتلك الخط الارضي مش هتيجي تركبهولي
نور وواضح من نبرته انه مضايق: طب هبقي اجي
ذات: مستنياك ولو مش هتيجي بنفسك هبعتهولك ع البيت
نور بدون اي رد اغلق في وشها السكه
حنان لمحتها وهي خارجه مروحه: العقربه ماشيه
ضحي: يله نروح وراها لازم اعرف ساكنه فين
حنان وضحي طلعوا يجروا ع برا في الشارع لمحوها
ضحي: هنعمل ايه عايزه اعرف دي عايشه فين ومع مين
حنان: استني لما تتحرك من قدامنا شويه ونروح وراها
ضحي: دي ركبت تاكسي العمل ايه
حنان بتسحبها من ايدها: ودي محتاجه لسؤال وراها طبعا
ضحي لمحتهم خارجين من باب تاني ندهت عليهم: معتز هبه استنوا
معتز شافهم داخلين عليا بهلع اتخض: فيه ايه حصلت حريقه
ضحي بتتكلم بسرعه وبتشاور في كل الاتجاهات: تاكسي قصدي ذات ركبت تاكسي وعايزه اعرف هي ساكنه فين ساعدني يا معتز
معتز مد بخطواته السريعه: يله طيب
ضحي: معتز وري التاكسي الي قدامنا ده ع طول وراه واياك يغيب عن نظرك يله وراه
معتز اتنرفز: منا وراه اهو امال قدامه
ضحي زقته في كتفه: ماهو التوكتوك ده هيخش عليك
هبه: التاكسي بيلف وراه واوعي تفقده
معتز وقف وراه التاكسي لكن عن بعد مسافه صغيره وذات نزلت للمحلات السكهند جنب بيتها
حنان شهقت: دي بتاخد هدوم من المستعمل
معتز :فيه لبس بيبقي زي الجديد
ضحي: ياتري هي عايشه هنا
هبه مركزه عيونها ع ذات زي الصقر:عيونا عليها لتزوغ مننا
معتز بيحود بعينه شاف عربيه نور داخله عليهم برق وبصدمه وبيبص عليهم شافهم مشغولين بذات
معتز مره واحده صرخ : مش قادر حموت عايز اي حمام
وحرك العربيه بسرعه جنونيه وحنان وضحي يصوتوا من سرعته وهبه بصتلوا بشك
…………قصص منه محمد كاتب…….
نور دخل وأأعد مع السكرتيره يوقع ع الاوراق
السكرتيره: وقع هنا كمان
نور: تمام
نزلتله ذات ولابسه فستان قصير جدا وبعلاقه ع الرقبه : نور ممكن تطلع تساعدني
نور بصلها وهي طالعه السلم بضهرها العاري اوي وتنح والسكرتيره بصتله فابتسم بنص ابتسامه وهو مقهور من جوا : امضي هنا
السكرتيره: ايوه ودي اخر ورقه
نور خلص وطلعلها و بنظراته الغلويه: فيه ايه
ذات بدلع وغنج: ابدا بسألك ياتري الفستان ده يناسبني _ واستعرضت بجسمها قدامه
نور وشه جاب كميه الوان وبسرعه لف الناحيه التانيه ووشه حطه في الحيط ولا يشوف الاشكال المقرفه دي
ذات مشت لعنده لحد ما قربت منه وحطت عينها بعينه: اشتريته من الاوكازيون لقيته جميل عشان كدا اشتريته ها مقولتليش حلو عليا
نور بدون نفس :حلو
ذات مسكت دقنه :واشتريته باللون الي انت بتحبه وغير اللون سهل يتخلع
نور شد ايدها بحده: يتخلع ايه تتخلع رقبتك من ع صدرك
ذات صرخت في وشه : هو انت ايه جماد تمثال مبتحسش
نور حط ايده في جيوبه وبكل برود: والله الكلام ده المفروض تقوليه لنفسك وانا ماشي كتك داهيه في وقحتك
ذات حست انها وصلت لحد الجنون: يعني مصمم تمشي
نور من غير حتى ما يرفع عينه عليها:امال هقعد عندي شغل
ذات مسكت وشه بين ايديها وعيونها مليانه دموع :انت ليه مش شايفني ليه بتعاملني ع اني نكره
نور مال عليها كأنه هيبوسها لكنه همسلها: كويس انك عارفه نفسك
ذات بصتلو بتحدي ونور بدالها بنفس نظراتها ومشى وسابها شايطه وهي قلبت التربيزه بكل الي عليها وتكلم نفسها!!!!