رواية حلمي الفصل الثاني 2 بقلم إسراء أحمد
رواية حلمي الجزء الثاني
رواية حلمي البارت الثاني
رواية حلمي الحلقة الثانية
منار بصت وراها وكان نادر راجع تاني لان وهي بطلع الورقه اللي فيها العنوان من الشنطه كتاب مذاكرتها وقع منها وهو شافه ورجع عشان يديه لها لاقها ماشيه فالشارع
نادر : آنسة منار
منار بعيط : بصتله ومفيش رد وقعدت على استراحه كانت فالشارع وفضلت تعيط
نادر نزل من العربيه وقعد جنبها
نادر بلهفه : مالك بتعيطي ليه اهدي بس وفهميني ايه اللي حصل
منار بعيط اكتر : انا مبقاش ليا حد بعد موت ماما
نادربحزن : الباقية في حياتك ربنا يرحمها
منار بعيط مستمر: انا ليه بيحصلي كدا كل حاجه ضاعت مني ياربي انا عايزه اموت
نادر بحزن : متقوليش كدا ان شاء الله كل هاتبقي كويسه اهدي
منار بعيط جامد : هاتبقي كويسه ازاي وانا بقيت فالشارع وحتى املي اني الاقي خالتي مفقود
نادر : ازاي يعني هو انتي مقابلتيش خالتك
منار بصتله وعينها بقت حمرا من الدموع : لا العنوان طلع غلط وكملت عيط
نادر قلبه وجعه عليها وقرب منها ومسك ايدها : اهدي ان شاء الله هتلاقيها وانا هساعدك
منار بصلته ب امل : وعيطت ومن كتر التعب نمت على كتفه
نادر بصلها وهي نايمه زاي الملايكه وقلبه وجعه على عيونها اللي بقت حمرا من كتر العيط شالها ونيامها في العربيه وطول الطريق باصص عليها وقد ايه هي جميله وبريئه وبعد شويه وصل عمارة وطلع شقته بيها ودخل نيامها في اوضة وغطها وقفل الباب ونزل راح على فيلاته
في صباح جديد
في فيلات نادر
نادر صحى من النوم ودخل اخد شور وجهز نفسه ونزل وكانت ماماته واخته واخوه قعدين على السفرة بيفطروا
ناديه مامت نادر: صباح الخير يا حبيبي
نادر : صباح النور يا حبيبتي
ملك اخته : صباح الخير يا عمنا
نادر : صباحو يابا
يأمن اخوه : صباحو
نادر : صباحو
ناديه ل نادر : مش هاتقعد تفطرمعانا
نادر: لا يا حبيبتي هافطر برا يلا انا خارج
ملك بلهفه وسابت الاكل : ششش استني خدني معاك عشان عربيتي باظت ويامن مش راضي ياخدني معاه
يأمن بصلها : كل واحد ليه يوم فاكره لما كانت عربيتي بايظه ومشيتي وسبتيني
ملك بضيق : للأسف فاكره
ناديه ونادر بضحك عليهم : مجانين
نادر ل ملك : طيب يلا بسرعه اوصلك الجامعه عشان عندي ميتنج
ملك بحب : يلا انا جاهزة باي يا ماما
ناديه : مع السلامة يا حبيبتي
خرجوا ملك ونادر وركبوا العربيه ومشيوا
يأمن ل مامته : وانا كمان خارج يا حبيبتي اتاخرت على الجامعه
ناديه : مع السلامة يا حبيبي وهات اختك معاك يا يأمن
يامن بحب : حاضر يا ماما عشان خاطرك انتي بس
ناديه بحب : ربنا معاك يا حبيبي
يامن بأس ايديها : ويخليكي لينا يست الكل وسابها وخرج وركب عربيته وراح جامعته اللي هي نفس جامعة ملك
نادر ل ملك : ها يستي وصلنا
ملك بحب وباسته من جبينه : طيب يلا باي باي
نادر بحب : خلي بالك من نفسك باي
ملك بحب : حاضر ودخلت الجامعه ونادر مشي بالعربيه
في البلد بقا عند جلال اللى هانعرفه من خلال كلام منار عليه ل نادر
جلال بزعيق : انتوا يا بهايم يللي هنا
شخص : نعم يا جلال بيه
جلال : محدش جه من الرجاله من امبارح
شخص : لا يا بيه
جلال بغضب : طب غور من وشي
دخل رجل عجوز وبيزعق
جلال خرج من البيت الكبير اللي هو فالبلد
جلال بغضب : ايه الدوشة دي في ايه
رجل عجوز : عملت في منار ايه يا جلال ودتها فين حرام عليك
جلال بغضب : امشي يا عم أنس دلوقتي من وشي عشان انا الغضب ملياني
أنس : لا مش هامشي دي بنت غلبانه ودتها فين
جلال بغضب : انا لو اعرف هي فين مكنتش زماني وقف بكلمك
انس بحزن وقعد من الزعل : يعني ايه منار طفشت
جلال بغضب : هجبها حتى لو تحت الارض
انس : ماهي طفشت بسببك
جلال غضبه زاد ومشي وسابه
وهو واحد من الحراس ساعده يقف ومشي على بيته وهو حزين على منار لانه بيحبها جدا وهي بتعتبره جدها مع انه ميقربش ليها اصلا
فالقاهرة
عند منار بقا اللي لسه نايمه من كتر التعب
منار فتحت عينها وبتتقلب لاقت نفسها نايمه على سرير قامت مفزوعة ايه دا انا فين وايه اللي جابني هنا بصت حواليها لاقت جنب السرير اللي نايمه عليه صورة متبروزة شالتها وكانت صورة ل نادر ومامته وباباه واخته واخوه
منار في نفسها : الله دول عيلة باين عليها جميله بس انا عارفه الشخص دا افتكرت ايوا دا اللي ساعدني بس انا بعمل ايه هنا يكنش خطفني ياربي بقا انا اخرج من سواد الاقي اسود منه قطع كلامها مع نفسها صوت باب الاوضه بيخبط
منار بخوف ونزلت تحت السرير : اكيد هايعمل فيا حاجه
نادر خبط ومفيش رد : احم احم انا هتفتح الباب
منار تحت السرير وخايفه وبتترعش
نادر : فتح باب الاوضه ملقهاش نايمه آنسة منار انتي فين
منار :…..
نادر ولسه هايخرج من الاوضه شاف رجليها ضحك عليها : اطلعي من تحت السرير متخافيش
منار بخوف : لا مش طالعه بالله عليك متآذنيش
نادر بضحك : يابنتي وانا جيت جنبك لا اله الا الله وبعدين هاذيكي ليه انا
منار وبتخرج واحده واحده : انت مين وليه جايبني هنا
نادر: انا مجرد حد عايز يساعدك ومش في نيتي لا ااذيكي ولا حاجه
منار : وليه هتساعدني
نادر ب استغراب : انتي عبيطه يابنتي
منار بتفكير : لا بس مش طبيعي تلاقي واحده في الشارع وتساعدها
نادر بحب : لا طبيعي وبالذات لما تكون واحده هبله زايك ومش عارفه ايه حاجه وتايهه اكيد يعني مش هسيبك لواحدك في بلد متعرفيش في حد
منار ب ابتسامة امل : لا جدع الصراحه ومش عارفه اشكرك ازاي بس انت مش مضطر انك تستحملني
نادر بضحك : لا يستي انا هاستحمل ملكيش دعوة انتي المهم دلوقتي ادخلي اغسلي وشك لحد اما اعمل فطار نفطر سوا
منار بحب : ماشي بس انت ليه مش سالتني انا مين ولا ايه حاجه عني
نادر : انا مش عايز اضغط عليكي بس طبعا حابب اعرف ايه اللي حصل معاكي وايه اللي خلكي تسيبي بلدك بس وقت ما تكوني انتي جاهزة انك تتكلم
منار وحست ب اطمئنان ودمعت : بجد شكرا انك احترمت دا
نادر: لا ابدا انا معملتش حاجه
منار : انا محتاجه وقت بس عشان اقدر اكون قويه وساعتها حكيلك اللي حصل والسبب اللي خلني اسيب بلدي
نادر : دي حاجه ترجعلك وطبعا انا محترم قرارك دا
منار بحب : ماشي
نادر : طب يلا تعالي عشان تفطري
منارب ابتسامه : ماشي
نادر : طيب يستي ودلوقتي انا خارج وكل حاجه موجوده فالشقه مش هاتحسي ب ملل
منار بحزن : ازاي بقا وانا في شقه طويله عرضيه لواحدي وانا اصلا بخاف بس في حاجه واحده لو موجوده هانسي ايه خوف
نادر بفضول : وايه هي بقا الجاحه دي
منار بحب وفرحه في كلامها : أدوات رسم لاني بحب الرسم جدا وحلم عمري ابقى فنانه كبيرة ومشهورة برسمي وفني
نادربحب : والحاجه بالفعل موجودة
منار بفرحه وقمت اتنططت زاي الأطفال : بتتكلم بجد طب فين هي بسرعه
نادر بضحك : طب اهدي يا مجنونه واقعدي كملي فطارك والحاجه هتلاقيها عندك فالاوضه دي كل حاجه تخص الرسم
منار بفرحه : لا لا مش جعانه انا بس عايزه ارسم وبجد انت حد طيب وجميل
نادر بضحك : اعتبرها معاكسه دي
منار: لا مش لدرجه دي يا عم انت
نادر بضحك : والله مجنونه
منارضحكت : انت هتروح فين
نادر : عندي متينج مهم وبعد ما اخلص هاعدي عليكي نخرج نجبلك لابس لان طبعا مش هاتفضلي بهدومك دي
منار بفرحه : بجد يعني هاتخرجني
نادر بضحك : طفله اوي ايه يستي هاخرجك يلا سلام خلي بالك من ومتفتحيش لحد
منار : حاضر وانت كمان خلي بالك من نفسك
نادر خرج من الشقة موبايله رن وكان…
يتبع…
لقراءة الفصل التالي : اضغط هنا
الرواية كاملة اضغط على : (رواية حلمي)
