رواية حب نادر الفصل الثالث 3 بقلم مها أسامه
رواية حب نادر الجزء الثالث
رواية حب نادر البارت الثالث
رواية حب نادر الحلقة الثالثة
تريد ان تقابله لم تعرف لماذا ولكن لم تجده ابدا استسلمت ودخلت المحاضره وهذه المره لم تركز فى المحاضره بل تفكر….
ياترى اتصل بيه ولا لا ؟
بس لو اتصلت هيقول ايه عليا
لا خلاص مش هتصل
لا هتصل واللى يحصل يحصل بقى
خلاص بعد المحاضره هتصل
بس هقوله ايه ؟!
بعد انتهاء المحاضره اتصلت بيه بالفعل
اسماء: الو
حسن : الو
اسماء لم تعرف ماذا تقول ثم قالت : كنت بتصل عشان …
عشان يعنى …انت مجتش النهارده كنت بطمن ولا فيها ازعاج
حسن : لا مفهاش ازعاج طبعااا ..شكرا على سؤالك ليا ..انا فعلا تعبت النهارده ومقدرتش اجى
اسماء : الف سلامه عليك مالك ؟
حسن : شويه برد بس تقيل حبتين
اسماء : ربنا يقومك بالسلامه
حسن : الله يسلمك
اسماء: بس شد حيلك بقى عشان الامتحانات ولو عوزت اى شرح او اى محاضرات كلمنى على طول
حسن : هتعبك معايا
اسماء: لا مفيش تعب ولا حاجه
حسن : انتى فين فى الكليه ؟
اسماء: اه فى الكليه
حسن : ركزى بقى عشان تشرحيلى هههههه
اسماء بضحكه : اكيد طبعااا من الناحيه دى متخافش
حسن بضحكه : على مسؤليتك بقى عشان انا معرفش اى حاجه خالص
اسماء: سيبها على ربنا ثم عليا هقفل بقى عشان المحاضره هتبدا عايز حاجه
حسن : سلامتك وخدى بالك من نفسك
اسماء: حاضر
واغلقت الهاتف
وهى فى سعاده لم تعرف سببها وركزت فى المحاضره جيدا لكى تشرح لحسن بطريقه جيده وكتبت المحاضره
وذهبت بيتها
وارسلت جميع المحاضرات لحسن بحجه لتكلمه فهى لم تعرف ماسبب حبها له هل هو حب ؟؟! ام اعجاب ؟!
ام ماذا كل ماتعرفه انها تكون فى قمه سعادتها وهى تحادثه
رد فى نفس الوقت
واصدر الهاتف صوت نغمه رساله ودق قلبها معها بالفرحه
حسن : شكرا اسماء متعبك معايا
اسماء : لا ابدا مفيش تعب ولا حاجه
حسن : بس فى حاجه كده
ايماء : ايه هى
حسن : بصراحه مش فاهم حاجه من المحاضرات دى زى مانتى فاهمه انا مش بحضر وكده
اسماء : حاول تزاكرها انا كتبالك شرح مبسط
حسن : احنا ممكن نتقابل
اسماء نظرت قليله فى الرساله هزت راسها بالموافقه وقالت بينها وبين نفسها : ايوه ايوه موافقه
ثم اصدرت رساله : نتقابل فى الكليه ..مفيش مشكله وافهمك المحاضرات اللى فاتك
حين : لا مش فى الكليه
اسماء حدثت نفسها : ايوه بقى يارب يقول بره ويعزمنى بقى على حاجه وجو رومنسى ويعترفلى يسلااام يبقى جات منه يسلااام لو حصل
ارسل حسن رساله اخرى : انا اسف شكلك مش موافقه
اسماء نظرت سريعه فى هاتفها وقالت لنفسها : لا طبعا موافقه
ثم ارسلت :نتقابل فين مش فاهمه
حسن : فى النادى مثلا هيبقى مكان احسن للمزاكره عندك مانع ؟!
اسماء: لا معنديش مانع
حسن : تمام هستناكى بكره فى النادى الساعه ٥ ..اتفقنا
اسماء : اتفقنا
اغلقت الهاتف وظلت ترقص من الفرحه
جلست على سريرها سارحه تفكر فى مقابله غد
عده الوقت ببطئ على اسماء فهى تريد ان الوقت يجرى كى تقابله وقبل المعاد بساعه تجهز نفسها امام المرايا
فى الشارع
نادر ينادى على اسماء: اسماء …اسماااااء
وقفت اسماء تنظر اتجاه الصوت
نادر ذهب اتجاهها قائلا: رايحه فين كده
اسماء: هو انت ولى امرى وانا معرفش
نادر: لا بسال سؤال عادى ..انتى اتعصبتى كده ليه
اسماء: متعصبه عشان انت بتدخل فى كل صغيره وكبيره فى حياتى رايحه فين جايه منين …انا حره يانادر فاهم
نادر: فاهم يااسماء ومكنش ليه لزوم كل ده انا بس مش متعود انك تخرجى فى الوقت ده هتخرجى فين يعنى غير الكليه قولت لو هتشترى حاجه اشترهالك انا
اسماء: لا شكراا ..فى حاجه تانى
نادر: اه معرفتش برضو انتى رايحه فين
اسماء: رايحه فى داهيه ..
وذهبت بغضب شديد
**********
اسماء : الو …انا فى النادى اللى قولتلى عليه ..انت فين مش لقياك
حسن: انا لقيتك اتمشى شويه كده هتلاقينى قصادك
اسماء : اه خلاص لقيتك
اغلقت الهاتف وقف حسن ليرحب بها
اسماء : معلش اتاخرت عليك
حسن : لا ابدا فى معادك مضبوط انا اللى جيت بدرى …تشربى ايه
اسماء: ياريت عصير
حسن : تمام مش هغيب عليكى اروح اجيب وجاى
فى هذه اللحظه جاء من خلفها صوت يقول : انتى يااسماء ..انا مصدقتش نفسى
اسماء التفتت بصدمه : نادر ..ايه اللى جابك هنا ؟!..انت بتراقبنى ؟!
نادر قابض على ذراعها بغضب : اتحركى قدامى
اسماء: اوعى ايدى يانادر
جاء حسن ومعه العصير
حسن يزيح يد نادر من على اسماء وضربه بقوه
اسماء: خلاص ياحسن سيبه …سيبه يانادر …خلاص بقى انتو الاتنين ..الناس بتبص علينا
جاءت الناس وهدأت بينهم
نادر : عجبك كده …امشى قدامى
حسن : تعرفيه ده يااسماء
اسماء لم تتكلم
نادر بغضب : متردى ساكته ليه
حسن : ملكش دعوه بيها ..اسماء تعرفيه
اسماء : ايوه اعرفه
شخص من الواقفين
يقربلك ياانسه
اسماء: لا ده جيرانى
والتانى ده تعرفيه
اسماء: اه اعرفه زميلى فى الكليه
شخص ما موجه حديثه لنادر : خدها وروحو
اسماء: لا مش هروح معاه
نادر نظر لها نظره حاده
حسن : هوصلها انا بعربيتى
نادر : توصل مين بعربيتك …امشى قدامى يااسماء وعدى يومك
حسن : عافيه هى ولا ايه
نادر : اه عافيه
وكانت هتبدأ خناقه اخرى ولكن سرعان ما نهاها الناس حولهم وقالو لنادر ان يذهب وياخذ معه اسماء وبالفعل هذا ماحصل وحسن اخذ سيارته وذهب
اسماء بعصبيه : عجبك اللى انت عملته ده
نادر بغضب شديد : انا برضو اللى عملت ..انا اللى خرجت مع واحد يااسماء
اسماء: ده مش واحد ده زميلى ف الكليه افهم بقى وبلاش تخلف اللى انت فيه ده
نادر بغضب شديد : تخلف !! ..انا تخلف يااسماء ..امشى دلوقتى قدامى حسابك معايا بعدين مش ف الشارع
اسماء : ليه كنت ولى امرى وانا معرفش
نادر يحاول كتم غضبه : امشى يااسماء وعدى اليوم ده
اسماء: انا ماشيه فعلا بس مش معاك ..سلام
قبض نادر على ذراعها بشده ثم قال بصوت واطى: اسماء بلاش عناد عشان انا على اخرى فامشى كويس وبلاش تعالى صوتك فى الشارع.. مفهوم
اسماء تنطق فهى خائفه من طريقه نادر اول مره تراه فى هذه الحاله
نادر : مبترديش يعنى ..مفهوم ؟
اسماء باستسلام : مفهوم
اوقف تاكسى وجلسو فى الخلف واسماء دموعها تنزل على خدها لاحظ نادر ذلك فحاول ان يهديها
نادر : بتعيطى ليه دلوقت ؟
اسمااء: ملكش دعوه بيا لو سمحت
نادر : لا ليا طبعاا
اسماء: ده ليه بقى
نادر : عشان بحبك يااسماء وهفضل احبك طول عمرى
اسماء: بس انا مبحبكش افهم بقى وسببنى فى حالى
نادر: مش هسيبلك يااسماء انتى ليا انا
اسماء : عافيه يعنى
نادر: لا طبعا عمرى معمل حاجه غصب عنك…بس عايزك تعرفى ان مفيش حد فى الدنيا هيحبك ادى
وقف التاكسى ونزلو امام بيتهم
نادر : استنى يااسماء
اسماء: ايه تانى مش عايزنى اطلع الشقه
نادر : امسحى دموعك دى عشان محدش يعرف
اسماء: خايف
نادر: عليكى
اسماء: متخفش
وسارت لتصعد شقتها اوقفها نادر امسك ذراعها بحنيه وقال : اسماء متزعليش منى ..انا اسف مكنش قصدى انا بس اتعصبت
اسماء افتكرت ماحدث فنزلت دموعها مره اخرى على خدهها
والتى ازالها نادر باصابعه بحنيه وقال : انا اسف
متزعليش ..مقدرش على زعلك
نادر: مش همشى غير لما تقوليلى مش زعلانه
اسماء: امشى يانادر
نادر: لا قوليلى الاول انك مسمحانى
اسماء: مش هقول
وتركته وصعدت سلم بيتهم وهو مازال واقف تحت حزين لحزن حبيبته اسماء
نظر فى ساعته وجد انه تاخر فذهب مسرعا لعمله
********
والده اسماء: ايه اللى رجعك بدرى لحقتى تزاكرى انتى وصحبتك
اسماء: خدت منها مزكره تلخيص ورجعت على طول
والدتها: ماشى ياحبيبتى …ادخلى زاكرى بقى وشدى حيلك
اسماء: حاضر ياماما
دخلت غرفتها امسكت هاتفها اجرت اتصال بحسن
اسماء: الو
حسن : الو
اسماء: انا بعتزر خالص على اللى حصل
حسن : تعتزرى ؟؟.. انتى مشفتيش ان كان موجودين اصحابنا هناك… وهتلاقى مليون حكايه واشاعات
اسماء : المفروض انا اللى اضايق من كده انا بنت وانت ولد
حسن : ولما يطلعو اشاعه انى مرتبط بيكى
اسماء: ده يضايقك ؟
حسن : مش حكايه يضايقنى ..بس احنا اصحاب
اسماء: عارفه ان احنا اصحاب وعلى العموم كنت متصله اعتزرلك
حسن : انتى قلبتى كده ليه ..انا مش قصدى اضايقك
اسماء: مقلبتش ولا حاجه ..بس طرقتك كانك بتوجهلى انا اللوم
حسن : طبعا اوجهلك اللوم مش ده تبعك
اسماء: لا مش تبعى ..هو فارض نفسه عليا
حسن : وتقدرى توقفيه عند حده
اسماء: حاولت بكل الطرق وبرضو مش عارفه
حسن : ماشى يااسماء
اسماء: انا اسفه متزعلش منى على اللى حصل
حسن : مش زعلان حصل خير…انا هقفل بقى عشان ورايا مشوار
اسماء: ماشى اتفضل
واغلقت الهاتف وكملت مزاكرتها
الساعه السابعه صباحا
نادر: الو اوعى يكون راحت عليكى نومه …طيب معاكى كتير انا مستنيكى تحت متتاخريش
بعد دقائق
نزلت اسماء وجدت نادر ينتظرها فى العماره
اسماء: فى ايه يانادر؟
نادر : غمضى عينك
اسماء: اغمض عينى ليه ..وايه اللى ورا ضهرك ده
نادر: غمضى وانتى تعرفى
اسماء: اهو غمضت
نادر : فتحى بقى
اسماء: ايه ده ؟
نادر : بوكس افتحيه كده
اسماء بفرحه : ايه ده كله ..كل الشيكولاتات دى بتاعتى انا
نادر: اه طبعا بتعتك انتى
اسماء: شكرا ..بس بمناسبه اي
نادر: بمناسبه انى زعلتك وميهنش عليا زعلك وبعدين عندك امتحان النهارده فعايزك تركزى بقى وتطلعى الاولى
اسماء: الاولى مره وحده ههههه
نادر: خلاص التانيه ههههههه
اسماء: تمشى التالته هههه
نادر: لا متمشيش ههههه ..ويلا بقى عشان اوصلك الجامعه
اسماء: لا بلاش
نادر: السبب
اسماء: بلاش وخلاص
نادر: اعرف السبب
اسماء: السبب كفايا اللى حصل امبارح ممكن حد يشوفك معايا يفتكر فى حاجه بينى وبينك
نادر: وده يضايقك ؟!
اسماء لم تجاوب
نادر اعاد كلامه : ده يضايقك يااسماء ..لما يبقى فى حاجه بينى وبينك ؟!
اسماء: اه يضايقنى يانادر عشان مفيش حاجه اصلا
نادر اضايق من كلامها فدائما لم تكتمل فرحته وتصده بكلامها
نادر: ماشى يااسماء ..ركزى فى الامتحان وهبقى اطمن عليكى ولا ده كمان فى مشكله ؟!
اسماء: لا مفيش مشكله …سلام بقى
نادر: استنى هتروحى بالبوكس
اسماء: اه صح نسيت …هطلعه فوق وماشيه
نادر: تمام وانا طالع مش هنام غير لما اطمن عليكى فى الامتحان يلا سلام عشان متتاخريش وخدى بالك من نفسك
اسماء: حاضر
*********
خرجت اسماء من الاختبار تبحث عن حسن حتى وجدته جالس ف الكافيه بمفرده ذهبت اتجاهه مسرعه
اسماء: حسن اخبارك
حسن ببرود : تمام
اسماء: عملت ايه ؟
حسن : فى ايه ؟
اسماء: فى الامتحان
حسن : ربنا يستر
اسماء جلست بجواره وقالت : ايه مالك محلتش كويس ولا ايه
حسن: والله المفروض كنت معتمد عليكى فى موضوع المزاكره دى
اسماء: انا بعتزر خالص …
حسن : اوك
اسماء: خلاص بقى فك كده ..الامتحانات الجايه سيبها على ربنا ثم عليا
حسن : وده ازاى بقى والمتخلف ده موجود
اسماء: قصدك مين
حسن : والله ؟!..هو فى متخلف غيره
اسماء: قصدك نادر
حسن : اه زفت
وفى هذه اللحظه رن هاتف اسماء
حسن : مين بيرن
اسماء بتوتر : ماما
حسن : ورينى
اسماء : قفلت خلاص
حسن : خفتى ليه كده بقولك ورينى موبيلك
اسماء: مش خايفه بقولك الرنه خلصت يعنى
رن هاتف اسماء مره اخرى
خطف حسن منها الهاتف بقوه وبغضب : ماما صح ..خدى تلفونك
وقف ليذهب اوقفته اسماء : رايح فين
حسن : مبكلمش كدابين
اسماء: انا مش كدابه …انا بس خفت تضايق
حسن : لو خايفه انى اضايق فعلا كنتى قطعتى معاه بسبب اللى عمله امبارح ده ..ده لو انا اهمك فعلا
اسماء: تهمنى ياحسن طبعاا ..بس اعمل ايه يعنى
حسن : متعمليش حاجه بااسماء ..باى
اسماء : استنى ياحسن …ايه اللى يرديك
حسن : اللى يردينى انك تقطعى معاه نهائى
اسماء: حاضر
حسن: دلوقت
اسماء: لما اروح اوعدك هكلمه
حسن : بقولك دلوقتى يااسماء قدامى
اسماء لم تعرف ماذا تفعل
لم تريد فعل ذلك وفى نفس الوقت لم تريد تخسر حسن فقررت ان …………..
يتبع…
لقراءة الفصل التالي : اضغط هنا
الرواية كاملة اضغط على : (رواية حب نادر)
