روايات

رواية حب نادر الفصل الرابع 4 بقلم مها أسامه

رواية حب نادر الفصل الرابع 4 بقلم مها أسامه

رواية حب نادر الجزء الرابع

رواية حب نادر البارت الرابع

رواية حب نادر
رواية حب نادر

رواية حب نادر الحلقة الرابعة

اسماء: لما اروح اوعدك هكلمه
حسن : بقولك دلوقتى يااسماء قدامى
اسماء لم تعرف ماذا تفعل
لم تريد فعل ذلك وفى نفس الوقت لم تريد تخسر حسن
فقررت ان تتصل بنادر وتفعل مثل ماقال لها حسن
اسماء: حاضر
حسن : تتصلى بيه حالا وتقوليلى يبعد عنك نهائى وملهوش دعوه بيكى تانى
اسماء: حاضر
اجرت اتصال بنادر
نادر: الو يااسماء ايه يابنتى مش بتردى ليه قلقتينى
عنك ..عملتى ايه فى الامتحان ؟ طمنينى
اسماء متردده لم تعرف ماذا تقول
حسن ينظر لها بغضب
اسماء: نادر ممكن تبعد عنى
نادر بعدم فهم : فى ايه يااسماء حصل ايه
اسماء: وجودك هيعملى مشاكل ابعد عنى يانادر ممكن
نادر : وجودى هيعملك مشاكل ؟! …حاضر يااسماء انا اسف هبعد عنك وهريحك منى ..خدى بالك من نفسك
واغلق الهاتف

 

 

اسماء لاول مره تشعر بانها تصرفت خطا مع نادر …
لاول مره تندم انها حدثته بهذه الطريقه فهو لم يستحق منها ذلك فهو دائما بجوارها ولم يتركها وفى نفس الوقت لم تريد ان تخسر حسن فهى الان فى حيره لم تعرف ذلك التصرف صحيح ام ماذا
اسماء: حلو كده
حسن : حلو
حسن لاحظ شئ على اسماء سالها : مالك يااسماء فى حاجه؟
اسماء: لا مفيش كويسه
حسن : تمام ..هتشرحيلى امتى بقى عشان معرفش حاجه فى الماده الجايه دى خالص
اسماء: دلوقت لو حابب
*******
نادر فى صدمه شديده من كلام اسماء له …هو لم يعرف ماذا فعل لها لكى تقول له هذا الكلام الجارح ماذا فعل ؟!
لم يعرف …لماذا تفعل معه هذا …فهو يحبها بصدق …هل ذلك النهايه سيبعد عنها حقا …وكيف فهى بالنسبه له كل شئ
لم يستطيع الذهاب لعمله ظل ماكث فى فراشه
دخلت يارا غرفته : نادر اييبيييه كل ده نوم معاد شغلك انت نسيت
نادر : مش رايح سبينى واطلعى دلوقت
يارا : مش رايح ؟ وسيبنى ؟ هو فى ايه
نادر: مفيش شويه ارهاق بس وعايز انام
يارا: متاكد !!
نادر: اه يلا عايز انام
خرجت يارا ولكنها لم تصدقه فهى شعرت بان الموضوع له علاقه باسماء فهو لم يتاثر بشئ غيرها
*******
اسماء لم يكن يشغل بالها غير حسن كل يوم تشرح له بعد الامتحان ويجلسون لمده طويله مع بعضهم حتى تعلقت بيه اكثر
انتهت الامتحانات على خير
وحصلو على درجه جيده ماعدا ماده واحده التى رسبت بها بسبب الدكتور الذى اخذ منها الكرنيه لم يكن فى بالها واكملت الترم
وفى يوم خرجت اسماء من محضراتها
وجدت حسن يجلس فى الكافتريا مع فتاه مما اغضب اسماء كثيرا
اسماء: حسن مين دى
حسن : اعرفكو على بعض ..اسماء ..هند
اسماء: عايزاك ياحسن ممكن
حسن : عايزانى فى ايه ..وبعدين واقفه ليه اقعدى
اسماء: مش قاعده ..ممكن ثانيه
حسن : بعد اذنك ياهند

 

 

حسن اخذ اسماء بعيد عن الكافتريا
حسن : ها عايزانى ليه خير
اسماء: والله مش عارف عايزاك فى ايه
حسن : لا مش عارف والله
اسماء: مين اللى انت قاعد معاها دى
حسن : صحبتى
اسماء: صحبتك ؟؟ …وتقعد معاها ازاى يعنى ..مش المفروض متعملش كده من ورايا
حسن : من وراكى ؟؟ انتى هبله من وراكى ايه انا قاعد انا وهى قدام الناس كلها
اسماء: بس المفروض تحترمنى
حسن : مش فاهم قصدك
اسماء: تحب انا اقعد مع حد غيرك
حسن : برحتك
اسماء: برحتى ؟! …ازاى يعنى
حسن : انتى اوفر اوى كده ليه …
اسماء: انا اوفر ياحسن ..اوفر عشان بحبك وبغير عليك
حسن : ايه قولتى ايه بتحبينى ؟!
اسماء: اه انت مستغرب كده ليه مش ده الطبيعى بين اتنين مرتبطين
حسن : هو الطبيعى اه لو كانو مرتبطين
اسماء: يعنى ايه
حسن : يعنى احنا مش مرتبطين
اسماء: مش مرتبطين !! ..واللى بينا ده تسميه ايه
حسن : ايه اللى بينا؟
اسماء: يعنى مش عارف ايه اللى بينا ..انك تقولى اكلم مين ومكلمش مين ده اسمه ايه ؟! .. لما تقولى البسى ومتلبسيش ده اسمه ايه؟! … لما اليوم كله نبقى مع بعض ياما فى الجامعه ياما فى التلفون ده اسمه ايه ؟! ..لما يبقى فى اهتمام …لما يبقى فى مشركه بينى وبينك فى ادق تفاصيل حياتى …لما تقولى انك بتحب وجودى ف حياتك ..لما بغيب عنك بتقولى ان فى حاجه نقصاك ده اسمه ايه …ده مش حب بالنسبالك ؟!
حسن : لا مش حب ده صداقه مش اكتر وبعدين انا عمرى قولتلك انى بحبك!!
اسماء: مقولتش بس تصرفاتك كانت بتقول كده

 

 

حسن : انا مليش دعوه اذا كنتى فهمتى ده من دماغك بس انا مقولتش يبقى ميلزمنيش
اسماء : يعنى ايه ياحسن ؟!
حسن : يعنى انتى صحبتى مش اكتر وملكيش انك تقوليلى اكلم مين والهبل ده وارتباط مش برتيط يابت الناس عجبك كده اهلا وسهلا مش عاجبك برحتك
اسماء مصدومه من كلامه لها ودموعها على خدها وتركته وذهبت لمنزلها
دخلت غرفتها نامت على سريرها باكيه
مصدومه فهى ظنت انه يحبها مثل ماهى تحبه ..لماذا تخلى عنها بذلك السهوله …
وجاء على بالها فى ذلك الوقت كلام نادر لها : اسماء عايز اقولك ان مفيش حد هيحبك ادى
ظلت تبكى اكثر وتحدث نفسها : صح يانادر صح
ثم فاقت من البكاء قالت : نادر !!
تريد ان تذهب له تحكى له وتبكى حتى ترتاح
فهى تشعر معه بالراحه عندما تحكى له فاى شئ كبير ام صغير تحكى له وهو يخفف عنها ولكنها متردده كيف تذهب له بعد ماقالته اخر مره !!
ظلت متردده تتصل بيه ام لا حتى قامت بالاتصال بيه مره لم يرد فهمت انه لم يريد ان يكلمها
ارسلت رساله صوتيه تقول فيها وهى تبكى: نادر انا عارفه انى زعلتك كتير ومكسوفه اوى منك بس يانادر محتجالك اوى وظلت تبكى وارسلت الرساله وانتظرت الرد ولكن لم يوجد اى رد
لم ياتيها النوم هذه الليله قضتها بين البكاء والندم على مافعلته
ظلت تراقب الساعه حتى يطلع الصباح وتذهب له والوقت يمر ببطئ شديد
حتى دقت الساعه السادسه صباحا

 

 

فهذا الوقت يرجع نادر من عمله ذهبت له ودقت الباب لا يوجد احد يرد عليها ظلت تدق وتدق دون فائده
جيران نادر فتحت بابها : مين بيخبط كده على الصبح
اسماء: انا ..معلش بس كنت جايه ليارا عشان تروح كليه
ردت: كليه ايه …دول فى المستشفى بقالهم يومين هى مقالتلكيش
اسماء : مستشفى ليه …مين تعبان ..ممتهم صح
ردت: لا نادر
اسماء بصدمه : نادر؟؟!….ماله
ردت: معرفش يابنتى بيقولو تعب وراح المستشفى الله اعلم
اسماء تركتها وذهبت لم تعرف ماذا تفعل قامت بالاتصال بيارا حتى تفهم
اسماء: الو
يارا: انتى عايزه ايه يااسماء مش كفايا اللى حصل بسببك عايزه ايه تانى حرام عليكى
اسماء: انا مش فاهمه حاجه فهمينى حصل ايه ماله نادر
يارا : ملكيش دعوه بيه لو حصله حاجه هتبقى انتى السبب
اسماء: يارا لو سمحت فهمينى …قوليلى انتو فين وانا جايه
يارا: تيجى ايه بقولك مش عايزه اعرفك تانى مش عايزه يبقى ليكى اى صله بيه عايزه تكملى عليه منك لله
واغلقت هاتفها
اسماء ظلت تبكى نادر لم يستحق منها ذلك …ماذا تفعل تريد ان تبقى بجانبه مثل ماكان يفعل معها لم يتركها ابدا فى اى محنه لها ولكن كيف تعرف مكانهم وكيف تذهب له ويارا لا تريدها ماذا تفعل ؟
اسماء لم تهدأ ظلت تساءل الجيران حتى عرفت مكانهم لم تتاخر ذهبت مسرعه
اسماء : لو سمحت فى مريض هنا اسمه نادر عيطاوى ممكن اعرف. فى اى غرفه لو سمحت
ردت عليها موظفه الاستقبال : نادر عيطاوى امممم فى غرفه ٩
اسماء انطلقت نحو الغرفه وفتحتها دون ان يستاذن لها احد
يارا : اسماء!! ايه اللى جابك هنا عرفتى المكان ازاى اصلا
اسماء لم ترد عليها اتجهت نحو نادر وهو ملقى على السرير والاجهزه حوله
اسماء تبكى موجهه حديثها ليارا : نادر ماله حصله ايه؟!
يارا : من امتى نادر كان يهمك؟ ..انتى هتمثلى؟! اطلعى بره
اسماء تبكى جالسه بجواره على ركبتيها ثم قالت وهى تمسح دموعها : يارا كفايا كلامك ده …طمنينى قوليلى ماله ..الدكتور قالكو ايه

 

 

والدتها : ده مكان للخناق حرام عليكو ابنى بيروح منى
واخذت تبكى بشده يارا ظلت جمبها حتى هدأت
يارا : اسماء عايزاكى فى كلمتين بره
اسماء: عايزه ايه
يارا نظرت لوالدتها : بقولك عايزاكى فى كلمتين مش هينفع هنا
خرجت اسماء مع يارا
اسماء: نعم
يارا : بصى بقى الشويتين بتوعك دول مش عليا فوفريهم وامشى ..وياريت مشفش وشك تانى ..
وكملت حديثها باكيه : حرام عليكى نادر عملك ايه عشان تعملى كده فيه ؟!
اسماء: انا عملت ايه ؟؟! نادر ف ايه متقولى بدل مانتى مبتقوليش غير انا السبب عايزه اعرف انا السبب ف ايه
يارا : نادر حكالى كل حاجه حصلت بينكم اخر مره من وقتها وهو ولا بياكل ولا بيشرب كانت صدمه كبيره بالنسباله حبس نفسه فأوضته وكمان مبقاش ياخد دوا السكر بتاعه لحد مدخلت عليه لقيته مرمى فى الارض ولما جبناه هنا الدكتور قال عنده غيبوبه بقاله اكتر من ٤ ايام فى الحاله دى والدكتور قال لو كترت عن اسبوع فى خطر عليه
وكملت باكيه : بيقول فى احتمال يموت …لو حصل مش هسامحك ابدااا منك لله …منك لله
وظلت تبكى واسماء ايضا
حتى قالت اسماء : يارا ممكن تخلينى اصلح اللى عملته وتخلينى جمبه ارجوكى يا يارا …انا عرفت غلطى وعايزه اصلحه
يارا : تصلحيه ازاى ؟!
اسماء: تسبينى جمبه …يمكن يحس بوجودى جمبه ..عشان خاطرى
يارا : ماشى
اسماء : شكرا اوى يا يارا .يلا بقى خدى طنط وروحوا وارتاحوا وانا هفضل جمبه
يارا : انا وافقت اه تبقى جمبه ..لكن آمنك عليه لوحدك لا طبعاااا
اسماء: يارا انا اتغيرت وندمت متخافيش والله متخافيش عشان خاطرى وصدقيتى المرادى
يارا شعرت بان اسماء صادقه هذه المره
اسماء: ساكته ليه ؟!
يارا: ماشى يااسماء …انا هروح ماما عشان تعبانه وهسيبك مفيش فى ايدى حل …بس هرجعلك بليل
اسماء: شكرا اوى يارا

 

 

وبالفعل ذهبو وجلست اسماء بجوار نادر تبكى وتتحدث معه بآمل ان يشعر بوجودها قائله : نادر سامحنى ..انا غلطت فى حقك كتير اوى ..انا عارفه …وانت متستهلش ده …..بس انا ندمانه ….نادر انا اكتشفت انى بحبك من زمان بس يمكن وجودك جمبى على طول خلانى محسش بده …اول مبعدت عنى حسيت قد ايه بحبك اووووى يانادر …..يلا بقى كفايا كده وقوم …كفايا نوم بقى ….انت وحشتنى اوووى …ووحشنى كلامك اوى يانادر …..مش قادره اشوفك كده يارتنى كنت انا مكانك ….يلا بقى قوم وخدنى فى حضنك ونمشى من هنا ….صح يانادر …يلا بقى قووووووم كفايا كده …مش قادره اشوفك كده …يلااااا قوووووم يانادر
حتى دخلت عليها الممرضات موجهين الكلام لاسماء : انتى عملتى ايه ؟؟!
اسماء بتوتر وخوف: انا …انا معملتش حاجه
حاولو يقوموا بانعاش للقلب اسماء لم تستحمل
سقطت على الارض مغم عليها

يتبع…

لقراءة الفصل التالي : اضغط هنا

الرواية  كاملة اضغط على : (رواية حب نادر)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى