رواية حبيب أيامي الفصل الثالث 3 بقلم هاجر نور الدين
رواية حبيب أيامي الجزء الثالث
رواية حبيب أيامي البارت الثالث
رواية حبيب أيامي الحلقة الثالثة
_إي دا!!
إتكلم محمد بعد ما رمى مروة علي الأرض وقال:
=إستني هفهمك، هي وقعت الشاي غصب عنها وكان هيقع عليها وهي بتقع فأنا روحت ألحقها عشان الشاي ميتدلقش عليها
بصيتلهم بغيرة وبصيت لمروة بغيظ وتوعد وهو بصيتله بنظرات قا*تلة وروحت حطيت الكتاب علي الطربيزة وقعدت علي كرسي الطربيزة من غير كلام، إتكلمت مروة بعدها بمياعة وقالت:
_شكرًا بجد يا ميدو، من غيرك كان زماني إتحرقت دلوقتي
إتكلم وهو باصصلي وقال:
=العفو يامروة عن إذنك
راح وقعد علي الكرسي اللي جنبي ومسك الكتاب والقلم وقال وهو مبتسم:
_تحبي نبدأ منين بقي في اللي واقف معاكي
بصيتله بصة شر وقولت:
=من الشاي اللي إتدلق بالقصد
بصيت لمروة وكملت:
=قصدي غصب
بصتلي مروة وإبتسمت بإستفزاز، إتكلم محمد عشان يدارى علي كل اللي حصل وقال:
_طب تعالي نعمل شاي ليا وليكي مع بعض يلا
كنت هرفض بس لما شوفت مروة متوترة وافقت وقومت معاه:
_تحبي بقي نعمل شاي بالنعناع ولا من غير
=بنعناع
_طب بُصي حطي إنتي المقادير بتاعت الكوبايات وأنا هحط فيهم ماية
بصيتله ورفعت حاجبي وقولت:
=وإنت كدا هتبقي عملت إي بقي
_مانتي عارفة إني مش بعرف أعمل شاي، وبعدين نزلي حاجبك دا وإنتي بتكلميني
مسمعتش كلامه وفضلت رافعاه عند فيه وقولت:
=طب وسع كدا
أتكلم بعصبية خفيفة وقال:
_هو أنا مش قولت نزلي حاجبك?
إتكلمت انا كمان بعصبية أكبر وقولت:
=هو إنت حضرتك تحضن مروة وتقرب منها وتساعدها إنها تقرب منك وبعدين تتعصب ليك عين تتعصب كمان انا سكتالك من بدري بس خلاص بقي
إتكلم وهو مبتسم إبتسامة بيحاول يخفيها بس معرفش وقال بمكر:
_وإنتي اي اللي مدايقك?
إتوترت علي الغباء اللي قولته وقولت بسرعة:
=قصدي إنه حرام تقرب منها بالشكل دا وحافظ علي نفسك يعني
_احافظ علي نفسي دا اي هو أنا بنت، وبعدين دي متعتبرش إني قرب منها انا كنت بنقذها بس
إتكلمت وأنا بصاله بقر*ف وقولت:
=بتنقذها أه أديك عملتلها اللي هي عايزاه
كان فاهم أنا بقول إي بس مردش وإكتفي بإبتسامة بس وقال:
_بتغيري عليا?
=لأ طبعًا إنت مين إنت عشان أغير عليك
قرب وشه من وشي شوية وقال:
_خطيبك مثلًا
إتوترت من قربه وقولت وانا ببعد وبجيب الكوبايات:
=لسة مش خطيبي دا مجرد كلام بيقولوه من وإحنا صغيرين مش أكتر
_الكلام بعد الثانوي يبقي واقع
بصيتله بصد*مة وكمل هو بإبتسامة جميلة زيه وقال:
=حددنا ميعاد الخطوبة خلاص، بعد إمتحاناتك
إتوترت أكتر وخرجت وسيبته في المطبخ وقعدت علي الطربيزة وأنا في غاية ساعدتي ومبتسمة الإبتسامة اللي حاولت أخبيها أول ماقالي وحاطة إيدي علي خدودي اللي سخنت، طلع بعد شوية وأنا أتعدلت ومسكت الكتاب وكأني بذاكر، كان في إيديه صينية الشاي ومبتسم إتكلم وقال:
_أما بما كوبايتين شاي يستاهلوني والله
بصيتله بإستغراب وقولت:
=هو إنت بتعرف تعمل شاي أصلًا!
_عيب عليكي أنا اصلًا قهوجي قديم
=ماشي ياعم القهوجي أقعد يلا عشان تشرحلي الأسئلة دي
حط الشاي وقعد وشرحلي أول مسألة واللي كانت سهلة جدًا ومش فاهمة إزاي وقفت معايا أو مكنتش سهلة بس أنا مش بفهم غير منه مش عارفة بقي، حليت أول مسألة إداهالي ومسكت كوباية الشاي. ونسيت ان هو اللي عاملها وبشرب بعشم شرقت ورجعت كل اللي شربته وهو بصلي بصد*مة وقال:
_في اي!
=إشرب كدا الشاي
بصلي بتريقة كدا وبيشرب الشاي بفخر وفجأة برق ورجع هو كمان الشاي اللي شربه وهو بيكح وقال:
_إي دا!!!
بصيت عليه وأنا فطسانة علي نفسي من الضحك علي شكله وقولت:
=أنا مالي أنا، هو أنا اللي عملاه ولا إنت
_دا ملح بدل السكر?
رديت عليه بسخرية:
=أيوا، ياقهوجي ياشاطر
قبل مايتكلم دخل جدي ومعاه عمي وبابا وهما بيضحكوا وكانوا راجعين من صلاة العشا أتكلم جدي وقال:
_قاعدين قرفانين من بعض كدا ليه
إتكلم محمد وهو متدايق وقال:
=نِرمين حطت ملح في الشاي
بصيتله بصد*مة وقولت:
_ياكداب إنت اللي عملت الشاي
ضحك جدي وقال:
_لأ هو انا اتأكدت خلاص ان محمد هو اللي عامله
بصله محمد وقال:
_كدا ياجدي
=أيوا اومال حفيدتي القمر دي
_أه ماهو أنا مش حفيدك زيها
إبتسم جدي وقال:
=لأ كلكم حبايبي
عدا اليوم بين ضحك وهزار ونظرات غل من مروة اللي قاعدة علي جنب وأمها الحرباية اللي نزلت علي العشا
*تاني يوم*
نزلت وروحت الدرس وبعد ماخلصته كان في حتة في الشرح مش فهماها أوي ف وقفت وسألت المدرس عليها ونزلت هدير قبلي عشان تشتري حاجة تشربها عقبال ماأنزل خلصت ونزلت لاقيت محمد واقف متدايق وهدير قدامه بتعيط روحتلهم ووقفت قدامهم وانا مش فاهمة حاجة ولسة هتكلم إتكلم محمد وقال:
يتبع…
لقراءة الفصل التالي : اضغط هنا
الرواية كاملة اضغط على : (رواية حبيب أيامي)
