رواية فيروز الفصل الأول 1 بقلم ذات النقاب

رواية فيروز الجزء الأول

رواية فيروز البارت الأول

رواية فيروز الحلقة الأولى

بعد ما دخلت السكن ورتبت حاجتي اصلي طالبه جامعيه وبتعلم بعيد عن بلدي دخلت البلكونه وعملت كوبايه قهوه ومسكت كتابي ولسه هذاكر لقيت واحد طالع من البلكونه اللي قدامي
=صباح الخير
_صباح النور
=انتي سكنتي هنا جديد؟
_اه
=نورتي المكان
_شكرا
=انتي منين؟
_ليه هيفرق مع حضرتك ف حاجه؟؟
=لا بس قولت اتعرف على البنوته الجميله اللي واقفه ف البلكونه دي!
_من فضلك بلاش الكلام دا وعن ازنك ورايا مذاكره سلام = لا لا لا استني استني انا هدخل جوا بس قوليلي القمر اسمها ايه؟؟
_وبعدين معاك يا جدع انت
= مقصدش حاجه مالك قفوشه كدا ليه هو انتي فلاحه؟
-بقولك ايه اللعب بعيد يا شاطر انا مبتعرفش على ولاد سلام
=شاطر؟طب يستي انا اسمي سامر وجارك هنا لو احتجتي حاجه انا موجود
-شكرا
دخلت جوا وفضلت قاعده وعيني ع البلكونه اصلي كنت هموت واقعد فيها وهو من ساعة منا دخلت وهو واقف ببص شويه بشويه لقيته مشغل اغاني وصوت الاغاني عالي اوي قولت ما بدهاش بقى انا هروح اقوله يسمع على قده انا مش عارفه اذاكر منه
طلعت البلكونه
-معلش حضرتك ممكن توطي الاغاني اصلي عايزه اذاكر ومش عارفه اذاكر منك
= عنيا ليكي
_شكرا
=طب حتى اسمك ايه؟
اسمي فيروز
= اسمك حلو زيك
_بقولك ايه يا جدع انت متحترم نفسك
=اما انك لسانك طويل بصحيح بقى دا رد ترديه على واحد بيقول اسمك حلو؟
– واكل لحمك بسناني كمان لو فضلت تسمعني مجاملات ملهاش لزمه
=مش بجاملك بس اسمك حلو وشكلك حلو انا قولت الحقيقه
_طب يسيدي شكرا، وهو انت بقى قاعد للجيران اللي شكلها حلو؟ واسمها حلو؟
=انتي لمضة اوي وبعدين هو في جيران حلوه زيك!
-بقولك ايييه دنت لا تطاق بالمره، انا داخله اذاكر سلام
=طيب سلام
تاني يوم الصبح نزلت الجامعة دخلت المحاضرة لقيت سامر هو الدكتور ، ينهار ازرق دنا هزقت الراجل وهو الدكتور!! دنا يومي مش معدي😹😲