رواية ما يخفيه القدر الفصل الثالث 3 بقلم رحاب القاضي
رواية ما يخفيه القدر الجزء الثالث
رواية ما يخفيه القدر البارت الثالث
رواية ما يخفيه القدر الحلقة الثالثة
”فَلا تاركًا قَلْبي الأَسير وشأنهُ
ولا جامعًا شملي فَمِنكَ تُقَرِبُ” •
_رجع هاشم بيتهم واول ما دخل لقي مامته قااعده مدايقه فقرب منها هاشم وقالها بحزن..
هاشم
ما تزعليش يا ماما والله ما في حاجه تستاهل زعلك انا موافق اني اتجوز نرمين..
وفاء
هتتجوز اخت البنت اللي بتحبها، انا مش قصدي احرمك من البنت اللي انت بتحبها بس انا امك واكتر حد عايزااك مبسوط في الدنيا هي انا، والبنت دي مش مناسبه ليك ولو مش عايز اختها انا هكلمهم واعتذرلهم وو..
قاطعها هاشم وقال
انتي معاكي حق يا ماما وبعدين انتي قولتي ان عجبتك نرمين خلاص ما فيش مشكله بقي لو اتجوزت نرمين وخلاص النصيب قسم بكده..
وفااء
ايه اللي في دماغك يا هاشم يالظبط ناوي علي ايه، اصل انت امبارح كنت مصمم عليها فجأه كده ما بقيتش تحبها ومش عايزها وكمان موافق تتجوز اختها..
هاشم
عادي يا ماما صليت استخاره وربنا دلني علي الجواز منها المهم انا هدخل اغير هدومي واروح العياده وانتي كلمي النااس واحنا علي معادنا يوم الخميس..
وفاء
انت متأكد من الكلام ده يا هاشم انا مش عايزااك تظلم نفسك علي اي اختيار انا اختارته ليك، انا كل اعتراضي علي البنت اللي اسمها اميىه دي انما اختار اي واحده سليمه تانيه انا مش هعترض..
هاشم
وانا راضي باللي انتي اختارتيها يا ماما ومبسوط اوووي منها البنت دي واكيد هي زي اميره بس الفرق انها كويسه..
وفاء
تمام يا حبيبي يبقي علي بركة الله..روح شوف شغلك وانا من عينيا هكلمهم وهأكد عليهم واللي فيه الخير يقدمه ربنا هي البنت شكلها كويس واهلها كويس وربنا يجعلهالك خير الزوجه..
هاشم بنبره حزينه
ان شاءلله الله يا ماما خير انا هدخل بقي اجهز وراروح العياااده.. احسن انا من امبارح بالهدوم دي وكنت نايم في العربيه والحاله صعبه اووي..
_ابتسمت وفاء ودخل هو اوضته وغير هدومه..
ــــــــــــــ
_وفي بيت اهل عمر وصل هناك هو واميره اللي كانت قااعده محرجه جدا وقال علاء ابو عمر بهدوء..
علاء
خدي راحتك يا بنتي وكأنك قاااعده في بيتك بالظبط.، ده انتي غاليه علينا اووي..
اميره
شكرا جدا لحضرتك انا ما كنتش فاكره ان عمى بيتكلم عليا بشكل حلو كده قدامكم..
تماره
يالهوي ده مصدعنا ليل نهار ما بيتكلمش غير عليكي ده حتي بيقول لبابا علي طول ان اللي مصبره علي الشغل عند اهلك هي انتي..
مسكها عمر من قفاها وقال
ام نص لساان دي ما تصدقيهااش ولا تاخدي عليها برضو وقومي يلا قدامي نعمل عصير…
تماره
لا تعالي ننزل نجيب عصير قصب من تحت احلي، هيعجبك اووي يا اميره انا بجيب منه علي طول.
اميره
ماشي انا عايزه عصير قصب انا كمان..
_ونزل فعلا عمر مع تماره وبصت اميره لعلاء اللي قاعد علي كرسي متحرك وقالتله..
اميره
عمر قالي ان حضرتك كنت شيف كبير زمان، وقالي ان اكلك كمان حلو جدا بس يعني ليه حضرتك ما كملتش شغل في المجال ده مدام انت شاطر فيه..
علاء
لان حصلتلي حادثه وبقيت خلاص مش قادر احرك رجلي خالص وزي ما انتي شايفه بقيت قااعد علي كرسي متحرك، وقتها عمر كان بيدرس في الجامعه وكان نفسه يبقي مهندس كبير بس الظروف حرمته هو كمان من حلمه وبقي يشتغل عشان يساعدني انا وامه واخته في المصاريف ويصرف كمان علي علاجي..
اميره
عمر شااب هاايل وشاطر جداً، بس خلينا متفقين ان النجاح طريقه مش ساهل لازم الواحد يتعب اوووي في البدايه عشان لما يوصل يعرف ان النجاح ما كانش بالساهل..
علاء
معاكي حق وعلي فكره انا مبسوط منك جدا انك ما اتخبتيش في البيت بسبب رجلك بالعكس ده انتي بتثبتي اهو انك قادره تنجحي رغم كل الظروف اللي هتتحطي فيها..
دخل عمر في الوقت ده وقال
اتفصلي يا انسه اميره احلي عصير قصب ممكن تدوقيه في حياتك كلها، وايه يا شيف علاء مش هتدوق الدكتوره عمايل ايديك ولا ايه؟..
علاء
حالاً اهو هعملك احلي طاجن باميه لاللحمه وهعملك طبق رز انما ايه عمرك ما هتدوقي زيهم تاني وخلصي العصير وتعالي عشان تساعديني يلاا..
اميره بحماس
من عينيا يا عمو ده ليا الشرف اني هساعدك..
_واخر اليوم كانت اميره راجعه مع عمر في العربيه بتاعت باباها، وبصتله بهدوء قبل ما تنزل وقالت..
اميره
انا بشكرك جدا يا عمر، انا فعلا النهارده قضيت يوم حلو اووي من غير ما اتدايق من حاجه ونسيت المشكله اللي كنت فيها، وبجد ربما يخليلك اهلك دول طيبين اووي وبيحبوك اووي..
عمر
لا ما انا اتحب برضو يا دكتوره اميره، علي العموم انا مستعد في اي وقت لحل مشاكلك دي هو احنا نطول..
ابتسمت اميره وقالت
شكرا يا عمر يلا تصبح علي خير وما تتأخرش عليا الصبح عشان عندي محاضره مهمه الساعه 9..
عمر
ان شاء الله يا دكتوره وانتي من اهل الخير…
_ونزلت هي وطلعت شقتهم واول ما دخلت لقيت مامتها وباباها واخواتها مبسوطين جداً..
اميره
يارب ديما اشوفكم كده في احسن حال، بس خير بقالكم كتير ما بتقعدوش وانتو مبسوطين كده لا وكمان نرمين قاعده معاكم..
نرمين
اصل عقبالك يعني يا ميرو مامت هاشم كلمت ماما وقالتلها انهم هيجو يوم الخميس عشان اتعرف انا وهاشم علي بعض وان شاء الله نتفق ونقرا الفاتحه…
اميره ابتسمت وقالت
بجد الف مبروك يا حبيبتي وعلي فكره هاشم شاب كويس جدا ومحترم اوووي، وربنا بجد يتمم لكم علي خير…
وقامت دخلت اوضتها وافتكرت كلام هاشم وقالت بحزن
يارب بقي تكون عايز تتجوز نرمين يا هاشم عشانها ما تكونش عايز تكيدني انا وخلاص، استرها يارب معاها وتمملها علي خير..
_وجه فعلا يوم الخميس وكانت نرمين قاعده مع هاشم اللي كان بيحاول يبان انه مش مدايق وقالها..
هاشم
وانتي متخرجه من كلية ايه يا نرمين؟..
نرمين
انا متخرجه من تجاره انجلش بقالي تلات اربع سنين بس مش بشتغل ماليش في جو الشغل وكده..
هاشم
بالعكس ده انتي لو التزمتي بالشغل هتقدري بعد كده تتحملي مسؤليه والشغل مش حاجه وحشه..
نرمين
معاك حق مع الوقت ان شاء الله ممكن افكر انزل اشتغل، بس انا دلوقتي حابه اعيش اياامي شويه من غير ما اتقيد بحاااجه..
هاشم
اميره اشتغلت علي طول ما فكرتش زيك بس هي شخصياات يعني..
نرمين
لا مش حكاية شخصيلت اميره ظروفها اجبرتها تشتغل وتبني حياه لنفسها، لانها رافضه نوضوع الجواز او ممكن اصلا ما تتجوزش فشغلها هو الحاجه الوحيده اللي هتفضل معاها..
جه عندهم محمد وقال
كفايه بقي قعده لوحدكم وتعالو نقعد مع بعض، ولا ايه يا هاشم؟..
هاشم
اللي تشوفه حضرتك يا عمي يلا بينا مع اني مالحقتش اتكلم مع نرمين في حاجه مهمه، بس تتعوض ان شاء الله..
وطلعو قعدو بره وقاال هاشم بهدوء
طيب ايه رئيك يا عمي اننا نتفق دلوقتي علي كل حاجه، انا ونرمين اتكلمنا واتفاهمنا ولا ايه يا نرمين؟..
نرمين
اللي يشوفو بابا انا موافقه بيه…
عبدالرحمن
يبقي علي بركة الله بص يا استاذ محمد احنا مجهزين شقة هاشم هي في نفس العماره في الشقه اللي قدامنا، وكمان هو مستعد لاي طلباات منكم..
محمد
احنا مش هنطلب غير الاصول بس يا دكتور عبده…
_وفضلو يتفقو علي التفاصيل وحددو معاد الفرح انه بعد شهرين بالظبط، وبعد ما مشيو طلعت اميره قعدت معاهم وقالت..
اميره
طيب وليه استعجلتو اووي كده ما كنتو صبرتو شويه حتي يتعرفو علي بعض اكتر..
نرمين
هو انتي حد كان اخد رئيك ولا انتي بقي مدايقه عشان هتجوز هاشم، عايزاني اقعد جنبك كده علي طول..
محمد بحده
وبعدين معاكي يا بت انتي انا سكتلك كتير بس مش هسكت تاني، اختك ما غلطاش في حاجه وانا نفسي معترض علي المده دي لانها قليله..
منال
بس يا محمد احنا يعني عارفين الناس وشكلهم كويس وانت سألت وقالولك ان هاشم ده محترم وابن ناااس يبقي ليه نطول في فترة الخطوبه ويفضل داخل وطالع علينا انا بقول برضو هير البر عاجله..
محمد
بس الهانم تحترم نفسها وتكلم اختها كويس، والا والله لا هتدخل ليها في جواز ولا اي حاجه، لحد. امتي هتفضل تهين اختها بالشكل ده؟..
قامت نرمين وقالت
عجبك كده هو ده اللي انتي عايزااه يا ست اميره تنكدي عليا فرحتي، ماشي يا بابا انا مش هتكلم معاها تاني بس هي دي عادتك ولا هتغيرها انت من زمان ومفضلها عليا في كل حاجه..
قالت كلامها وسابتهم ودخلت اوضتها وقالت اميره بحزن
ليه كده يا بابا زعلتها هي ما تقصدش حاجه انت عارف كلامها كده معايا وانا مش بزعل منها..
محمد
لا انتي بتزعلي وانا عارف انك بتزعلي وبتداري زعلك، بس لحد امتي، يا بنتي اختك لازم تتعلم ان كلامها ده وسخريتها من النااس غلط وما ينفعش..
اميره
طيب عشان خاطري يا بابا ادخل صالحها هي مبسوطه النهارده ومش عايزين نزعلها مننا، ما تقولي حاجه يا ماما..
منال
اميره معاها حق يا محمد ادخل صالحها هي ما تقصدش حاجه، دي غلبااانه والله واللي في قلبها علي لسانها..
مالك بسخريه
والله ما حد غلبااان غيركم، نرمين دي من حلفااء ابو لهب وابو جهل يا بابا..
منال
شوفو اللمض عيب يا ولد تقول علي اختك كده، ربنا يحببكم في بعض ويبعد عنكم الحزن والمشاكل يااارب..
ــــــــــ #بقلم_الكاتبه_رحاب_القاضي ــــــــ
_وفي بيت هاشم كان قااعد في اوضته مدايق وهو بيقلب في موبيله ودخل عنده عبدالرحمن باباه وقال..
عبدالرحمن
مدام مش بتحبها والبنت مش عجباااك وافقت ليه عليها وكمان طلبت ان الفرح يبقي بسرعه وما تسألنيش عرفت منين ؟
هاشم
هتعود عليها يا بابا وبعدين البنت شكلها معجبه بيا وراضيه بيا، اسيبها ليه وعشان مين عشان واحده زي اميره رفضتني برغم اني كنت متمسك بيها لاخر لحظه..
عبدالرحمن
وانت كده بقي بتعاقبها بجوازك من اختها، لا يا دكتور للاسف انت كده بتعاقب نفسك لانك اصلا مش في بال اميره يا هاشم، انت في ايدك الفرصه اهو ترجع عن اللي عايز تعمله..
هاشم بجمود
انا عارف يا بابا انا هعمل ايه، ونرمين انا هتجوزها وهخليها اسعد واحده في الدنيا طول ما هي معايا ومش هخلي حاجه تكون نقصاها، وهتبقي احسن من اميره مليون مره وهتشوف يا بابا..
عبدالرحمن
يا خساره يا هاشم انت بتضيع نفسك يا ابني عشان حاجه تافهه واراهنك دلوقتي انك مش هتكون مبسوط طول ما انت بتقكر كده..
_تفتكرو هيحصل ايه؟..
ــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ما يخفيه القدر)
