رواية حلم القاسم الفصل الخامس 5 بقلم رحاب محمد

رواية حلم القاسم الجزء الخامس

رواية حلم القاسم البارت الخامس

رواية حلم القاسم الحلقة الخامسة

قاسم قاعد ف مكتبه وبيفكر فيها واد ايه هي تعبته بفكرة انها دايما تقوله انت اخويا
حلم جت ودخلت علطول قاسم
وبصتله بستغراب كنت سرحان فى ايه
قاسم بصلها بغيظ ايه حرام اني اسرح حتي دي هتتدخلي فيه وبعدين انتي بتفتحي الباب كده علطول ليه مفيش باب تخبطي عليه
حلم ببرود والله انا متعوده اني ادخل كده وبعدين اخلص كده مترغيش كتير انا جايه اقولك انا عايزه اروح علشان تعبانه خالص ومش قادره وجايه اقول اهو علشان متعملش فيلم زي امبارح
قاسم ايووه كده ايه الشطاره دي بس يا ناس خليكي حلوه كده تاخدي عيني
حلم بصتلو باعجاب يسلمولي انا العيون الزرق دول
قاسم ابتسم وبيقرب منها ايه ده انا بتعاكس رسمي بقا
حلم بتغير الموضوع احمم بقولك ايه خلصني بقا عايزه امشي ولا امشي انا وخليك انتا براحتك
قاسم فاهم طريقتها كويس وعارف انها دايما بتعمل كده وتغير الموضوع ف اي موقف
ابتسم بقله حيله يالا يا حلم يالا
مها داخله مكتب حلم وهي بتضحك وفرحتها باينه عليها
حلم بستغراب ايه ده ايه ده ايه السعاده الي بتنط من عنيكي دي
مها بتاخد نفس عميق بحب هااا فاضل ساعات واقابل حبيبي
حلم ضحكت يعيني دي البت اتجننت كل ده علشان هتقابليه بس امال لو قالك بحبك هتعملي فينا ايه
مها بفرحه انا حاسه كده والله اعلم انه هيقولى كده النهارده
حلم بلهفه ايه ده بجد هو قالك كده يعني
مها لا مش بظبط كده يعني بس
هو قالي عايزني ف موضوع مهم ومش هينفع نتكلم هنا وكده ف انا استنتجت كده ويارب يطلع صح بقا
حلم بحزن يارب يطلع كده بجد على الاقل حد فينا يبقا مبسوط ووصل للى بيحبو
مها هو قاسم برضو مقالكيش اي حاجه
حلم بيائس وشكلو كده مش هيقول ابدا انا تعبت اووي من الي انا فيه ده بجد ولا عارفه بيحبني ولا لا شايفني اخته بجد زي ما بيقول ولا ايه والله تعبت ي مها كلامه حاجه وتصرفاته واحساسي بيه حاجه تانيه
مها بقله حيله ربنا يهديكم على بعض بقا ويعترفلك بقا ونفرح
حلم ابتسمت بحزن سيبك مني انا وخلينا فيكي انتي لازم تحكيلي كل حاجه هتقولوها
مها ضحكت اكيد ودي عايزه كلام بقولك ايه انا همشي دلوقتي علشان اجهز وكده ماشي
حلم غمزتلها ايووه يعم بقا الله يسهلك
مها بضحك وهي ماشيه اهدي بقا والنبي ومتقوريش ومشيت
حلم مسكت الفون ورنت على قاسم
قاسم ايه ده بتتصلي عليا وانتي جنبي ليه مكسله تتحركي
حلم بزهق بقولك ايه مش فايقه لسخافتك هنروح دلوقتي ولا مطولين
قاسم وهو مشغول ف الورق الي قدامه لا احنا قاعدين لبليل عندي شغل كتير وهبعتلك انتي كمان
شغل الاوتيل الجديد الي لازم يخلص احنا متاخرين فيه
حلم طيب ماشي ابعت يالا
…………………….عند امال
رجعت من شغلها وبترمي حاجتها بتعب سمعت صوت
باسم ويارا ومودي جاي من اوضه مودي بيضحكو
ابتسمت ودخلت تشوفهم بس ابتسامتها دي اختفت بسرعه من منظرهم شافت باسم ويارا حاضنين مودي وقاعدين بيتفرجو ع فيلم كارتون بس
باسم ويارا بيصو لبعض والفرحه
باينه عليهم حست انهم كده اسره من غيرها كانهم اب وام موجودين مع ابنهم وهي فين هي مش موجوده
لاول مره تحس ان يارا بتاخد مكانها ف كل حاجه ف بيتها
بس قررت تغير كل ده
امال بصوت عالي مودي حبيب مامي انا جيت
مودي جري عليها وشالتو وحشتيني اوووووي ي مامي
ونزل ع الارض بصي طنط يارا جابتلي ايه وبيفرجها لعب وهدوم يارا اشترتهملو
وكمان بصي جابت ل بابي ايه
وبيفرجها ع تشيرت احمر جابتهولو
امال بصتلهم بعد اهتمام وبتوجه كلامها ل يارا شكرا ي يارا بس بعد كده بلاش تشتري حاجه ل باسم اصلا هو مش بيحب اللون الاحمر
باسم بابتسامه ل يارا لا بالعكس انا بحبو
امال بغيظ وده من امتا ده ان شاء الله
باسم بابتسامه مش من كتير الحقيقة بس يارا اقنعتني انو حلو عليا جدا ف حبيتو بس
امال ببرود امم ماشي
يارا حست ان امال مضايقه من حاجة احمم طيب استاذن انا بقا
باسم بلهفه ايه ده ليه ماشيه خليكي قاعده معانا شويه ولا ايه ي امال
امال والله افضل نسبها ع راحتها
يارا باحراج طيب انا لازم امشي بقا وبتتحرك ناحيه الباب وهي عنيها عليه
امال اخدت بالها انو هو كمان بيبصلها ونظراتهم بتقول كلام كتير
…………………..بليل عند مها ف الكافيه
مصطفي قاعد مستنيها ومتوتر ومش عارف ازاي هيقولها
وبيبص ناحيه الباب لقاها جايه عليه وهي ف قمه اناقتها كانت جميله بحق بس جمالها ده خلاه يتكسف ويتوتر اكتر
مصطفي وقف وبيسلم عليها بارتباك ازيك ي مها
مها ابتسمت بهدوء كويسه وقعدت ع الكرسي
طلبو حاجه يشربوها وشربو وخلصو وكل ده مصطفي قاعد ساكت ومش بيتكلم
ومها زهقت وبتبص حوليها بملل ومستنياه يتكلم
مصطفي ايه رايك ف العصير حلو
مها ضحكت دي المره الالف الي تسالني ايه رايي ف العصير انتا محسسني انك انتا الي عاملو والله هو المكان ده بتاع ابن اختك ف انتا جايبني تاخدي رايي ولا ايه
مصطفي ابتسم باحرج لا والله مش كده بس انا مش عارف ابداء ازاي
مها ابتسمت وعايزه تخليه يتكلم وتفك توتورو شويه انتا مش قولتلي انك عايزني ف موضوع مهم ايه هو بقا انتا لسه مقولتهوش اوعي يكون الموضوع ده رايي ف العصير
مصطفي ضحك بصوت عالي لا لا مش للدرجه دي
مها سرحت ف منظرو وهو بيضحك وبتبصلو باعجاب طب انطق بقا جايبني ليه
مصطفي بيشجع نفسو أنه يتكلم
انا انا عايز اقولك
مها بامل هااا تقول ايه
مصطفي اني بحب
مها هااا
مصطفي بحب شغلي جدا يا مها والله انتي مش متخيله بحب المستشفي والشغل فيها ازاي
مها مسكت الكبايه الي قدامها وبتضغط عليها جامد وبتحاول تداري عصبيتها قدامو وبتضغط على شفايفها بتحب شغلك اه اه فهمت طيب مصطفى لو سمحت ممكن تروحني دلوقتي حالا
مصطفي ببرائه ليه بس محنا قاعدين
مها لو سمحت ي مصطفي انا مش قادره اقعد تاني معلش
مصطفي طيب يالا
…………………..عند حلم
حلم تعبت من كتير الشغل وبترجع بضهرها لورا على الكرسي
اووف بقا تعبت يا خربيتك ياقاسم ف كل حاجه تاعبني كده
وافتكرته وضحكت طيب والله وحشتني يا مغلبني اما اقوم اروح اعصبه شويه واجي
وقامت وراحت مكتبه لقته
واقف وضهرو للباب وكل تركيزه ف الشغل وقفت شويه عند الباب وبتتفرج عليه هي حافظه كل حركاته عارفه كل تصرف هيعملو امتا وكل رياكشن ف شه بيعبر عن ايه جواه وبتتمني انها لو تقدر تحضنه دلوقتي وتخفف عنه تعب الشغل تقرب منه وتلمسه وبعدين فاقت لنفسها وضحكت بحزن وقررت تنزل للواقع بس الي هي تقدر تعمله
وبتقرب منه براحه وهو مش حاسس بيها وبصوت عالي
قاااسم
قاسم كان ماسك مج النسكافيه ف ايده لسه هيشرب منه ولما هي عملت كده المج كله وقع على الورق الي قدامه
قاسم بخضه ايه فى ايه في عصابه داخله تقتلنا ولا ايه
حلم ضحكت بصوت عالي عصابه عصابه ايه دي الي هتيجي هنا دي مكنتش اعرف انك عيل طري اوي كده يا قاسم
قاسم بصلها بغيظ وبيضغط على شفايفه بغل بقا انا عيل طري ها وخلتيني بوظت تصميمات شغل طلع عين اهلي فيها طب وربنا منا سايبك يا حلم
حلم بتبعد وهي بتضحك ايه يا قاسم انت هتقتلني ولا ايه وجريت منه
وهو وراها
قايم بيضحك على حركاتها الطفوليه ومن جواه مبسوط باي تصرف بتعمله بس بيحاول يبين انه متعصب منها والله ما هسيبك هتروحي مني فين
حلم وصلت عند حيطه ومفيش حته تروح فيها تاني وعارفه انه اسرع منها ومش هتعرف تهرب اكتر
قاسم بضحكت انتصار شفتي كده جبتك اهو
حلم بتضحك على تصرفاتهم الي متغيرتش من وهما صغيرين
قاسم بيبص عليها وضحكتها الي بتجننه وبتخلي قلبه يرقص مع صوت ضحكتها وابتسم لضحها انا مش عارف انتي بتضحكي ليه
هاا
حلم اصل افتكرت كل حركتنا دي واحنا صغيرين فاضحكت انك كبرت بس لسه زي ما انت
قاسم ابتسم بحب لكل ذكرياتهم مع بعض وحب يضايقها طيب ده عادي ما انتي لسه مجنونه زي ما انتي
حلم بغيظ قاسم متقولش مجنونه دي بتعصبني
قاسم بقولك ايه يا حلم بطلي تحوري كده وبتعملي نفسك هتنسيني هاا انا منستش الي انتي هببتيه من شويه ومش هسيبك بجد والله
حلم بتكتم ضحكتها احمم طيب وعايز ايه من الاخر
قاسم بثقه تقعدي زي الجزمه تعيدي كل التصميمات دي من تاني
حلم بصدمه نعم ده انتا خلصتها فى ساعات انا خلصها امتا ان شاء الله السنه الجايه
قاسم وانا مالي انا هو حد قالك تعملي الي عملتيه ده
حلم بتمثل البرائه وبتببربش بعنيها ويهون عليك تقعدني كده انت يا قاسم هتعرف تعملهم بسرعه تاني
قاسم بيبصلها وهو فاهم حركاتها دي كويس لما تكون عايزه حاجه برضو محدش هيعملهم غيرك
حلم والنبي ياقاسم علشان خاطري وانا هقعد معاك
قاسم ضحك هو ده العرض يعني ده عقاب والله انتي تقعدي معايا يساتر
حلم بتمثيل كده يعني ماشي شكرا وانا هروح اعملهم ومش عايزه اي حاجه منك وبتتحرك تطلع من الاوضه
قاسم مسك ايدها وبيضحك لا ممثله بارعه والفكره انك عارفه اني حافظ حركاتك دي كويس ف مش هتثبت
حلم بصتله بغيظ طيب اوعي ايدي كده وهمشي خالص
قاسم اتهدي بقا هعملهم ي زفته
حلم بفرحه بجد
قاسم اه يختي بجد بس عايز كبايه قهوه منك وتعمليها بمزاج كده بقالي كتير مشربتهاش من ايدك
حلم احلي كوبايه قهوه ل احلي قاسم فى الدنيا وجريت بسرعه تعملهالو
قاسم بيبص عليها بحب انتي الي أحلي حلم فى حياتي وراح مكتبه علشان يخلص شغله واندمج فيه تاني ومش حاسس باي حد حواليه
بعد شويه حس بايد بتحضنه من ضهره وبتقرب عليه وبصوت هادي
انا بحبك اوي يا قاسم بحبك اوي
قاسم ابتسم ومسك ايدها الي حضناه من غير ما يلف ويشوفها
انا كمان بحبك اوي وكان نفسي من زمان اقولك اني بحبك
صوت وقوع حاجه ع الارض
وزجاج اتكسر اثر خبطته ب الارض
قاسم بيلف وشه بفزع يشوف ايه الي حصل ووقف مصدوم من الي شافه 😲
يترا قاسم شاف ايه علشان اتصدم كده 🤔
وهل كده حلم اعترفت بحبها وهو قالها بجد ولا ايه الي حصل🤔
وامال هتعمل ايه ف االي هي وصلت نفسها ليه🤔