رواية يمكن صدفه الفصل الثاني 2 بقلم سلمى محمد

رواية يمكن صدفه الجزء الثاني

رواية يمكن صدفه البارت الثاني

رواية يمكن صدفه الحلقة الثانية

عدى اسبوع من اخر حاجه حصلت
اتخطيت
عشت حياتي
نسيت
كذابه
مش عارفه انسى
مش عرفه اتخطى
مش قادرة اكمل حياتي من غيرهم كنت اديتهم كل مشاعري
خايفة من الناس خايفة اشوفهم
مش بصلي بعد اخر كلام الشخص الغريب دا قلهولي حولت اقرب من ربنا يمكن حاجة تهون عليا
مجتش بقالها فتره كنت بشوفها كل يوم تيجي على البحر تقعد تسرح وانا اسرح معاها كانت جميله ملامحها مفهاش غلطه
حبيتها مش عارف ازاى بس دا الي حصل برتاح لما بشوفها معا أن مش بنتكلم لحد اخر مره شوفتها
دبلانه عينيها مش بتبطل دموع صوت شهقتها كسر قلبي هاين عليا اخدها في حضني اقولها انا موجود معاكي متخافيش
روحت ليها اتكلمت معايا مكنتش مصدق نفسي
أنها شافتني اخيرا مش متاكد اصلا هيا اخدت بالها مني ولا كانت بتتكلم وخلاص بس كنت مبسوط مش بشوفها من اسبوع
قررت انزل بعد زن من ماما اني لازم اغير جو
روحت على البحر اكيد
روحت قعدت على الكرسي الي بقعد عليه على طول
طلعت مني تنهيده طويله وكاني بشكي للبحر الموج علي سمعني بجد ولا ايه دا
كنت سرحانه تاني في الأفكار الي مش بتسبني قد ايه اني مغفله
لحد ملقيت حد بيكلمني بصيت طلع الشخص الي قابلته قبل كده
= بقيتي احسن
– اه الحمدلله كانت فتره مكلكعه وعدت
= طيب كويس يا ليلى
افتكرت اني معرفتش اسمه
– انت اسمك ايه صح بدل مانا لما افتكرك اقول الشخص الغريب الي كان على البحر دا
لا لا ثواني هيا فكراني عرفه اني انا الي كنت بكلمها اقوم أحضانها طيب ابو حلاوتك
رجعت لتركيزي تاني
= احمد اسمي احمد
– عاشت الاسامي
= انتي كويسه
والله ياخي سوال مش في محله خالص ينفع اعيط تاني
عيني دمعت عيوطه معروفه
– الحمدلله
ينفع اهون عليها
= انتي لو عايزة تتكلمي انا موجود يعني بس يعني هوا كل مهتعوزي تفضفضي هاتيجي هنا عشان تحكيلي
– انت خلتني هاجي واحكي كل دا امتى
= يابنتي احنا في عصر السرعة ف انتي هتيجي لاني شخص مستمع جيد بس هنتكلم ازاي
– مش عارفه
= هاتي رقمك
والله كنت كاريزما مش عارف راح فين دا
– لا والله انت بترمي لكده يعني
= هوا باين
– جدا
= طيب بتتعبي قلبي ليه هاتي الرقم بقى
-لا
وقامت مشيت
= ايه الهبل دا تعالي ياما هنا
– ايه
= يابنتي رقمك
– قولت لا لو عوزت احكي هاجي هنا عن ازنك
كان لازم امشي كنت خايفه منه
مش عارفه وصلت كده ازاي بس بقيت اخاف من الناس البشر وحشين اوي ممكن اعيش في كوكب تاني مع قطط عشان انا اتفه من كدا بكتير
كنت عارف ان دا الي هيحصل بس كان عندي امل والله
روحت البحر تاني شوفته اتكلمنا كتير مش هكذب واقول اني كنت شايله هم حاجة بلعكس في سحر في كلامه مش طبيعي لا لا ياخواتي مينفعش اتسحل ب السرعه دي والله
اتكلمنا اسبوع كمان كنت مرتاحة اوي. اوي والله
= مش هتجيبي رقمك يعني
– لا
= يابنتي ارحمي امي بقى انا بقالي اسبوع بتحايل عليكي انتي ليه مش موفقه طيب
– مش واثقه فيك
دا تكسير قلبي دا ولا ايه
= احم ليه طيب
– مش عارفه بس خايفه منك خايفه تطلع وحش تطلع شبهم مش عايزه حد في حياتي تاني خايفه منكم كلكم والله
كانت بتقول وهيا بتعيط والله انا الي هعيط دلوقتي
= طيب ممكن تهدي خلاص خدي راحتك انا اسف مش هضغط عليكي تاني انا اسف
اوف هوا كل شويه هعيط قدام الواد الغلبان دا
والله على عيني اقولك لا
– انا همشي بقى
=تمام
– احمد انت كنت عايز الرقم مش كده
= لا خلاص يعني عادي
– طيب انا كنت هديك الرقم بس خلاص
= لا لا استني اه عايزه
– تمام اكتب عندك******** يلا باي
= باي
يلهوي عليا هوا كل دا من رقم امال لو جيت اتقدم ايه الي هيحصل
– يماما عشان خاطر ربنا مش عايزه اقابل العريس دا
*اتهدي يابت الناس اخدت معاد هيبعتلك الوكيشن وروحو اتعرفو
– لوكيشن لا لا يماما مش عايزه مش هروح ابدا
– الو ياستاذ انت قاعد فين
اكيد روحت شبه الكلبه
دخلت الكافيه ايه التحفه دا مجتش هنا ليه قبل كده
لقيته قاعد عريس الغفلة
– السلام عليكم
~ وعليكم السلام
كان شكله حلو مش هكدب لابس نضيف ريحة البرفان تحفه خرمت منخيري
قعدنا نتكلم يجي نص ساعة
مش مريح خالص عيونه مرعبه
~بس شكلك لذيذ ياليلى
-لذيذ ازاي ياستاذ يوسف
مد أيده مسك ايدي
~ لا استاذ ايه دا احنا هنبقي أهل
– انت اتجننت ازاي تمسك ايدي كده
لقيته بيبص بصات غريبه وهوا لسه ماسك ايدي جامد حسيت اني هتكسر
~ اهدي متعليش صوتك وبعدين دي مسكت ايد يعني عادي
مستفز
محستش بنفسي غير بايدي على وشه
قمت وقفت ولسه همشي كان وقف مسك دراعي وقال~ دانتي نهار ابوكي اسود
مالك ياحبيبي هتعملها ايه يعني