رواية عشقي الأبدي الفصل الأول 1 بقلم سلمى عبدالجليل

رواية عشقي الأبدي الجزء الأول

رواية عشقي الأبدي البارت الأول

رواية عشقي الأبدي الحلقة الأولى

فهد: مبروك ي اوختشي اخيرا حققتي حلمك
شهد: الله يبارك فيك ي اخوو اكيد مش حلمي لازم احققه طبعا وكله بفضل ربنا
فهد: ايوه طبعا الحمدلله عقبال م نجوزك بقا اصلك زهقتينا
شهد ف سرها: اكيد هتجوزك م انا وانت لازم نكون مع بعض
شهد: ان شاءلله بس اركز الاول ف دراستي
ـــــــــــــــــــــــــــــــــــــــــــــــــــــــــــــــ
اه نسيت اعرفكوا بنفسي انا شهد احمد القناوي عندي 17 سنه انهارده كانت شهادتي ف تالته ثانوي والحمدلله جبت 99 ف الميه وحققت حلمي وحلم بابا وماما اني ادخل كليه الطب الحمدلله كانت حلمي الاساسي بعد حلم اني اكون مع فهد حبيبي اه صحيح نسيت اقولكوا فهد يبقا ابن عمي باباه ومامته متوفيين وبيعتبر ماما وبابا كانهم والده ووالدته وفاهمين انه اخويا وكدا وهو بيعاملني كأني اخته للاسف بس انا بحبه من ساعه م اتولدت وانا بحبه مش عارفه ليه يمكن لاني معنديش اخوات انا وحيده ماما وبابا ومن ساعه م اتولدت وهو كان كل حاجه ف حياتي هو اصلا ف كليه هندسه داخل سنه رابعه عنده 22 سنه مامته وباباه اتوفو وهو عنده 7 سنين ف عاش طول الوقت معانا
ـــــــــــــــــــــــــــــــــــــــــــــــــــــــــــــ
يوم الشهاده
احمد(والد شهد): ها ي حبيبتي لسه اللينك مفتحش
شهد: لا ي بابا لسه انا مش عارفه مش بيفتح ليه انا خايفه اوي
سلوي (والده شهد): خير ي حبيبتي اهدي دا قدر ونصيب وربنا مش بيضيع تعب حد وانتي تعبتي واكيد هتلاقي مقابل لتعبك دا ي حبيبتي
فهد: مستحيل اكيد في حاجه غلط مستحيل دي تكون شهد لالالا اكيد دا مش مجموعها
(الكل ساكت وانا قاعده اعيط وخايفه طالما فهد قال كدا يبقي مجموعي وحش اكيد ياربي طب م يقول)
احمد: قول ي ابني فيه ايه هي جايبه كام وقعت قلبنا
سلوي: فيه ايه ي فهد انت ساكت ليه انجز انت مش شايفهاا عامله ازاي وبتعيط ازاي
(تقريبا استوعب الموقف واني ميته م العياط حرفيا مع اني اصلا مش عارفه مجموعي كام)
فهد: مش هتصدقوا الفاشله دي جايبه 99 ف الميه دا انا مجبتهاش ايام ثانويتي وضحك وعينيه لمعت بالدموع هو كمان م الفرحه
(لقيت نفسي زدت ف العياط بس المره دي لاني فرحانه ان ربنا مضيعش تعبي الحمدلله لقيت ماما وخداني بالحضن وبتباركلي وبتعيط هي كمان طب يجماعه المفروض حد يهديني تقوم هي تعيط هي كمان والحمدلله بعدت وهديت شويه ولقيت بابا واخدني بالحضن هو كمان وبيعيط وبيطبط عليا)
احمد: اخيرا ي قلب ابوكي حققتي حلمك وحلمي وحلمنا كلناا انا فخور بيكي ي نن عنيا
سلوي: الحمدلله قولتلك ي حبيبتي ربنا مش بيضيع تعب حد ابدااا وانتي تعبتي ي عنيا
شهد: بجد انا مش قادره اصدق والله العظيم انا فرحانه اوي اخيرا حققت حلمي ي بابا هبقي دكتوره هبقي الدكتور شهد احمد القناوي
وقمت قعدت اتنطت م الفرحه لقيتهم هما كمان فرحانين خدت ماما وبابا بالحضن تاني بس المره دي من م حد فينا يعيط كله كان فرحان وبيضحك ع تنطيطي دا
شهد: ايه يعم فهد مش هتباركلي ولا ايه
فهد وهو بيمسح دموعه الي نزلت غصب عنه: مبروك ي اوختشي اخيرا حققتي حلمك
شهد: الله يبارك فيك ي اخوو اكيد مش حلمي لازم احققه طبعا وكله بفضل ربناا
فهد: ايوه طبعا الحمدلله عقبال م نجوزك بقا اصلك زهقتينا
شهد ف سرها: اكيد هتجوزك م انا وانت لازم نكون مع بعض
شهد: ان شاء الله بس اركز الاول ف دراستي
احمد: اكيد طبعا الدراسه اهم شيئ ايه رايكوا نخرج بمناسبه نجاح شهد
كلنا طبعا وافقنا
دخلت لبست دريس بيبي بلو ف اوف وايت ولبست بونيه اوف وايت وخمار بيبي بلو ونزلت لقيتهم مستنيني تحت ركبت انا وماما ف الكنبه الي ورا وبابا قعد جنب فهد قدام وهو سايق
روحنا الملاهي طبعا دا اهم واول حاجه المفروض اعملها لاني كان نفسي اروح الملاهي بعد تعب السنه دي قعدت العب كاني طفله والله بس لعبت الالعاب الي هي لايقه بسني يعني بيت الرعب والشوايه والساقيه وكدا
خلصنا الملاهي وبابا اخدنا اتغدينا بره ورجعنا البيت
فهد: انا هطلع شقت بقا ي عمي تصبحوا ع خير
كلنا: وانت من اهل الخير
وصلنا شقتنا اول م دخلت قومت دخلت جوه جري ع اوضتي غيرت هدومي واتوضيت وصليت ونمت م صدقت اصلا اليوم كان طويل وخاصه لما خرجنا تعبت اوي بس كان احلي يوم ف عمري
ـــــــــــــــــــــــــــــــــــــــــــــــــــــــــــــــ
تاني يوم…….
شهد: ايه ي مامتشي عامللنا فطار ايه انهارده الواحد جعان موت والله
سلوي: حد ف الدنيا بيصحي م النوم جعان الناس بتصحي تقول صباح الخير تدخل تاخد دش حتي انما انتي جعانه ي ماما فين الاكل ي ماما اهدي شويه ي حبيبتي
(كل دا طبعا والبرنس فهد قاعد وشايف وعمال يضحك اتغاظت من ماما ف مشيت ومردتش)
فهد: حرام عليكي ي سوسو دي اكيد جعانه مكنش لازم تقولي كدا حتي قدامي احترموني شويه وضحكوا كلهم
(دخلت اخدت دش وسرحت شعري ولبست العبايه والطرحه عشان الواد البشمهندس الي معانا دا)
شهد: ايه دا قلبي صحي ي ناس ايه الحلاوه دي انا لو مكان الست الوالده امي كنت كل يوم احمد ربنا انك ف حياتي والله ي ابو حميد خد بوسه
(قعدوا يضحكوا عليا وع طريقتي الي مش بتتغير ابدا من سنين لاني بعامل بابا كانه صاحبي مش بابايا ابداا طب والنبي بابا دا قلبي من جوه)
احمد : ايه ي حبيبتي عامله ايه ف الاجازه لازم ترتاحي عشان انتي داخله كليه مش سهله لازم تتفوقي فيها زي م تفوقتي ف السنين الي فاتت ي روحي
شهد: طبعا ي ابو حميد انا اقدر اعمل حاجه غير كدا راسك لازم تفضل مرفوعه بتفوق بنتك طب والنبي انا شطووره وضحكت
فهد: ايوه طبعا اختي اشطر كتكوت
(سكت لاني بتدايق جدا من كلمه اختي دي ي عم ابو شكلك بقا انتي تقولي اختي وانا اصلا بقول عليك قره عيني والله حرام)
خلصنا اكل وهو نزل راحه شغله اصل هو بيشتغل مع صاحبه ف شركه للمهندسين وكدا بجانب دراسته عشان ميتقلش علينا او هو فاكر انه متقل علينا منعا للاحراج يعني
ــــــــــــــــــــــــــــــــــــــــــــــــــــــــــــ
وقت الغدا…….
شهد: هو لازم يعني الاكل يبقي لما البشمهندس فهد ييجي بسلامته يعني والله ي ماما حرام بصي ابقي اديني اكل وبعدين ابقي اكمل معاكوا عصافير بطني بتنونو
(طبعا ضحكت اصل مقولكوش انا بجوع بسرعه رهيبه يعني انا اصلا مش بيبان عليااا وهما مستغربين ان باكل الاكل دا كله ومش بيبان)
المغرب اذن دخلت انا وماما وبابا نتوضي وبعدين طلعنا بابا صلي بينا وبعدين خلصنا وقومنا لقينا البرنس جاي
شهد: حمدالله علي سلامه سيادتك كل يوم تيجي متاخر لما بكون بفرفر م الجوع منك لله ي اخي
فهد: طب انا مش هرد عليكي عشان انتي مفجوعه اصلاا ي بنتي دا انتي مش بتبطلي اكل ايه بلاعه
احمد: دايما كدا من صغركوا وهتفضوا اطفال كدا لحد امتي اعقولوا بقا
سلوي: اه والله ي احمد شغالين ناقر ونقير
شهد: الظاهر اني تقيله عليكوا سموا عليكوا وسيبتهم ودخلت اوضتي بابا لاحظ اني اتدايقت ع الرغم من اني بحب اهزار والضحك بس بزعل بسرعه ومش بحب ابين ف بسكت وبدخل اوضتي وخلاص
ساعه م دخلت اوضتي لقيت الباب بيخبط بقول مين قالي انا فهد قومت فتحت الباب وسيبته مفتوح وهو دخل قعد ع الكنبه الي عندي ف الاوضه وانا قعدت ع الكرسي
فهد: مش هتبطلي تتقمصي ي شهد اكبري شويه احنا بنبقي بنهزر انا عارف انك رقيقه وحساسه ع الرغم من مشاغبتك وهزارك وضحكك بس بتزعلي بسرعه تمام كل دا عارفه بس نفسي تتغيري انتي المفروض داخله كليه هتتعرضي لمواقف هتختبر قوتك وصبرك وحكمتك كل دا ي شهد والله انا خايف عليكي لازم تبطلي تزعلي كدا من اتفه الاسباب
(كلامه كله كان صح انا فعلا بزعل من اقل حاجه بس اعمل ايه اتعودت ان محدش بيزعلني ابداا دايما الكل بيحاول يسعدني ويفرحني ولما بيقولوا حاجه بسيطه مش عجباني بلاقيني اتقمصت بس لازم اتغير عشان نفسي وعشان الحياه مش دايما هتكون سعيده هيبقى في مواقف مش حلوه وبطبعي دا مش هعرف اتصرف لازم اسمع كلامه)
شهد: كلامك كله صح انا لازم اتغير ي فهد عشان ابقي قويه انت وبابا وماما مش هتفضلوا معايا دايما عشان تواسوني لو زعلت او تفرحوني لازم اتغير
فهد(بفرحه انه اقنعها): اشطا كدا اتفقنا يلا بقا اصل سوسو وابوحميد هيخلصوا الاكل
ضحكت وهو طلع وانا طلعت بعده
احمد: كنت عارف انه هيقنعك عشان كدا بعتهولك
فهد (بفخر): عيب عليك دا انا تربيتك
ضحكنا كلنا واليوم عدي بسلام
عدت الايام كالعاده مناقرتي انا وفهد وهزارنا مع بعض والايام عدت بسرعه لدرجه ان بكره اول يوم ف كليتي