رواية أحفاد الطوبجي الفصل الخامس 5 بقلم أميرة أسامة
رواية أحفاد الطوبجي الجزء الخامس
رواية أحفاد الطوبجي البارت الخامس
رواية أحفاد الطوبجي الحلقة الخامسة
🔥 (لقاء ليس بالحسبان)🔥
…………………
في صباح يوم جديد قبل معاد الفرح بثلاث ايام.
وصلت خلود على مكان شغلها عشان تصور الحلقه.
مشيت بهدوء كانت بتسلم على كل حد تشوفه بكل أحترام و حب وقبل ما تروح على أوضتها عشان تبدأ تجهز فجأه شافت هنادي علام قدامها
في البدايه اتصدمت من وجودها بدري لتاني مره لكن بعد كده بدلت ملامحها بإبتسامه بسيطه.
هنادي….أهلا يا خلود عامله ايه
خلود….بخير الحمد لله
هنادي….ايه حلقتك قربت
خلود…يعني شويه لسه قدامي حوالي ساعه إلا ربع .
هنادي….ربنا معاكي ان شاء الله تكون حلقه جميله انا جايه بدري انهارده عشان عندي شويه تجهيزات بس هاخد بريك وقت الحلقه بتاعتك و هتفرج عليكي😍
خلود…..بإبتسامه تنوري طبعاً ده مكانك
هنادي….بضحكه سمجه صحيح المنيو ايه انهارده🙄 خدي بالك انا واقعه من الجوع يعني هاكل معاكم
خلود….المنيو خليه مفجأه وبخصوص الاكل بألف هنا اكيد طبعا اتفضلي❣️
هنادي….بالتوفيق ان شاء الله مش هعطلك يلا روحي شوفي وراكي ايه وانا هخلص اللي ورايا لحد ما تبدأي باي😍😍
خلود….باي خدت نفس طويل وبعد كده دخلت اوضتها.
سابت شنطتها وقعدت على الكرسي وبصت لنفسها في المرايه يارب عدي انهارده على خير.🙈
الباب خبط في الوقت ده ودخل احمد المعد.
خلود…تعالى يا احمد.
احمد…ايه الاخبار كله تمام
خلود….تمام.
احمد….وده ورق الاسئله وكل حاجه جاهزه
خلود….وانا هعلملك على الاسئله وهبعتهملك.
احمد….انتي كويسه🤨
خلود….🙄🙄🙄هو انا باين عليا اني فيا حاجه
احمد…..صراحه اه وكمل بضحك عامله زي اللي جايه غصب عنها😂😂
خلود….هو انا كنت جايه كويسه بس الوقت لا🥺
أحمد….في حاجه حصلت ولا ايه؟
خلود….لا خالص بس بصراحه لما بشوف هنادي علام بتوتر🙄
احمد….بضحك ده اقل واجب دي توتر بلد بضواحيها😂
خلود…ايه الصراحه القاتله دي طيب قولي دي كيوت دي طيبه اي حاجه
احمد….اكدب يعني وبعدين انتي سايبه الخلق دي كلها وجايه تقوليلي انا كده ده انا اكتر حد عملت معاه مشاكل🙄
خلود..ايه ده بتهرج مشاكل بينك انت وهنادي طب ليه
احمد…..دي قصه طويله كنت معد لبرنامجها في وقت كده وحصل مشاكل وصلت للمحاكم أينعم انتهت بالتنازل والتصالح بس لحد الوقت اللي في القلب في القلب
خلود…بصدمه انا معرفش اصلا كل ده والله وبتكلم معاك كده عادي
احمد…..ولا يهمك انا عارف بس سيبك مني انتي في حاجه بينك وبينها ولا ايه؟
خلود…هو مش بالظبط كده يعني من كام يوم شوفتها ودي كانت اول مره اشوفها في الحقيقه فرحت في البدايه اني شوفتها وانها جات بنفسها تباركلي
احمد….🤨هنادي علام جات بنفسها تباركلك
خلود….اه جاتلي هنا في الاوضه في البدايه كلامها كان حلو وفرحني بس في لحظه اتحولت طلعتني مش محترفه بخـ ـاف عيني مش قادره تثبت على الكاميرا طريقتي اوڤر مع الناس وشايفه اني لازم احط بيني وبين الجمهور اللي بيكيموني حدود وان اكيد جوازي من يوسف ساعد في شغلي واسطه يعني وكلام كتير ضايقني حمدت ربنا انها مقالتهوش قبل الهواء وإلا كان زماني بهدلت الدنيا وظهر عليا
احمد…..تبقي غلطانه!! بصي يا خلود انتي من الناس القليله اوي اللي اشتغلت معاهم وكنت مبسوط جداً بقيتي غاليه عندي وبعتبرك اختي خديها نصيحه مني متحاوليش تبيني طيبتك دي لأي حد عشان في ناس بتستغل الطيبه دي اوي وهنادي من الناس دي خدي بالك كمان انا لسه قايل الكلام ده لسعيد كمال المخرج ان وجود هنادي في التوقيت ده غريب هو كمان أكد على كلامي
خلود….هي بتقول عندها شغل محتاجه تجهزه.
أحمد….شغل ايه اللي تجهزه الفرق بين حلقتك و حلقتها 6 ساعات عمرك شوفتي حد بيجي قبل معاد شغله
الوقت ده كله وبعدين اشمعني الوقت دي عمرها ما عملتها وانا كنت شغال معاها وعارف نظامها عارف بتيجي امته وبتخلص امته وبعدين حوار التجهيزات ده شغله الاعداد
خلود….عموماً الله اعلم بالنوايا
أحمد….وعشان بعتبرك اختي بقولك خليكي بعيد عنها خالص عشان عارف نوايها كويس هنادي وجودها هنا مش صدفه ولا شغل دي حاجه مترتبالها خدي بالك كويس واوعي تثقي فيها واوعي تسكتلها لو حبت تضايقك
خلود…ربنا يستر شكراً يا احمد بدل ما تطمني بتقلقني😒
احمد….انا بنبهك مش اكتر اللي وصلتيله لحد الوقت حلو اوي حافظي عليه واوعي تستسلمي مهما حصل
خلود…..ماشي يا أحمد.
احمد…..يلا هسيبك تجهزي نفسك
خلود…..اوك.
…………………….
في مجموعه الطوبجي داخل مكتب راجح.
راجح….انا تعبت
سالم…..خلاص ياباشا هانت ما كل ده ورق محتاج أمضتك وانت مأجله.
راجح….قصدك ايه بأني مأجله ايه خلاص مبقتش شايف شغلي يا سي سالم😡🤨
سالم…..لا اله الا الله هو انا نطقت😒
وبعدين انا مقولتش مش شايف شغلك انا بقول ان الورق محتاج امضتك وانت ممضتش😒
راجح…شوف بيكررها تاني 😡
مراد…بضحك يا راجح ميقصدش وبعدين هو في حد بيشتغل قدك
سالم….انا مش فاهم الباشا جاي فايق عليا ليه انهارده 🤨
راجح….وانا هفوق عليك ليه 😡
سالم….بضحك لا انا هسكت احسن عشان واضح ان الباشا متعصب ومش في احسن حالاته😂😂🙈
راجح….انت بتتريق 😡😡 طب خد يلا ورقك ومش ماضي اي حاجه
سالم…..مش ماضي ده ايه ده انا قتـ ـيل عليك انهارده 😂
راجح….انا قولت مش ماضي يعني مش ماضي وامشي من قدامي بدل ما اقوم افرج عليك الموظفين
سالم…..شكل كده روح منكده عليك😂
روح…..امشي يالا من هنااا يلا اخرجج😡
مراد…بضحك اخرج يا سالم متضايقهوش بقى متبقاش رخم😂
سالم….طب والورق يا مراد انا والله مش بهزر انا محتاج الورق ده اوي🤨
مراد….يا جدع متبقاش زنان بقى قولتلك عندي انا يلا اتكل على الله
سالم….😉اجبلك ليمون يا باشا
راجح…..شايف ولما اقوم أهزقه يبقى كويس😡
سالم….😂😂خلاص خلاص خارج
خرج سالم وهو بيضحك وقفل وراه
مراد….في ايه يا راجح مالك قلبت على الواد ليه ده بيهرج معاك
راجح….عيل ابن كلب مترباش 😡
مراد….ماشي هعديها عشان عارف ان سالم مش هو اللي مضايقك قولي بقى في ايه
راجح….في ايه انت التاني ما انا زي الفل اهو🤨
مراد….فل ايه انا هتهوه عنك يا راجح انت في العادي مش بتتعصب بسهوله
راجح….انا مش فاهم انتوا عايزين تعصبوني ليه ما انا زي الفل اهو😡
مراد….طريقتك لوحدها بتقول ان في حاجه مضيقاك
راجح…هي ليله سوده ومش باينلها ملامح على دماغك انت وسالم😡🔪
مراد….😂😂طب خلاص خلاص هسيبك ومش هزن بس الاول امضي الورق ده متعطلين على امضتك بجد
راجح….هات الزفت خلصني😡
مسك منه الورق حط أمضته عليه كله وحط القلم بغضب فوق الورق
راجح….يلا اتفضل هوينا بقى😡
مراد….ماشي بس هرجعلك😉
خرج مراد لقى سالم واقف مع قاسم وزيد
مراد….امسك ياعم سالم جبتلنا الكلام😂
سالم….مضي🙄
مراد…اه كله تمام
قاسم….في ايه الباشا ماله
مراد….مش عارف مزاجه مش رايق ليه
سالم …والله مش مني اديك شوفت اللي قولته ميعصبش😂
مراد…لا هو في حاجه مضيقاه
قاسم…على فكره هو مزاجه مش رايق من ساعه الفطار الصبح حتى روح كمان كانت ساكته ومضايقه
مراد….ساكت ليه يا زيد شكلك عارف ابوك ماله
سالم….اكيد ده سوسه🤨
زيد…😒اه عارف ومش هقولك يا رخم
سالم…عيب عليك انا حبيبك😉
زيد….مش قايل🤨
مراد….يا جدع ما تقول في ايه متبقاش رخم زي اخواتك.
قاسم….ما تتكلم يا سي زيد جبتلنا الكلام
زيد….الباشا زعلان مني 🤨
قاسم….منك انت ليه عملت ايه؟
زيد….بقولكم ايه ده حوار طويل كده يطول شرحه
مراد….استنى هنا ماتقول في ايه
سالم…عملت ايه يا عاقل
زيد…هحكيلكم والله بس خلينا نخلص الشغل الاول وبعدين نبقى نتكلم
مراد….ماشي بس ابقى شوف ابوك يا زيد عشان اول مره اشوفه متعصب بالشكل ده
زيد….ماشي يا مراد هشوفه يلا هسيبكم الوقت سالم متنساش تبعت نسخ من الورق اللي اتمضى
سالم….اشطا
زيد….الوقت على طول يا سالم
سالم….ياعم قولت طيب خلاص بقى
زيد…اما نشوف قاسم معلش ابقى خلي داوود يجيلي على المكتب هو ويوسف
قاسم…هبعتلك داوود يوسف خرج من شويه
زيد…راح فين ده ؟
قاسم….تقريباً لخلود.
زيد….طيب تمام ابعتلي داوود.
………….
وصل يوسف مكان التصوير كانت خلود خلصت الحلقه خلاص
دخل جوه في الاستديو الموجودين سلموا عليه لمحته خلود من بعيد ابتسمت وراحت عليه على طول
خلود….ايه المفجأه الحلوه دي😍
يوسف….ابداً كنت قريب منك وقولت اعدي اشوفك واجبر بخاطرك🙄
خلود….لا يا شيخ والورد اللي في ايدك ده لمين🤨
يوسف….ده؟
خلود…اه ده🙄
يوسف….ابداً اشتريته لنفسي🤪
خلود…بقى كده طب وسع بقى عشان متعطلنيش لو سمحت😡
يوسف….استني يا مجنونه😂
خلود…نعم😒
يوسف…..وحشتيني ❣️
خلود….يعني مش جاي صدفه
يوسف….والله ما حصل انا جاي مخصوص عشانك ولو زيد عرف هيعلقني على باب الشركه لانه كان محتاجلي انهارده في شغل كتير وانا قومت خرجت من الشركه وجتلك❣️
خلود….يبقى الورد ده بتاعي😍
يوسف….اه يا ستي الورد كمان بتاعك❣️
خلود….طيب قولي ايه سبب الزياره المفجأه دي ❣️
يوسف….ولا اي حاجه عايز أتغدى انا وانتي مع بعض ده لو وقت الشيف القمر بتاعتي يسمح كمان عايزك تيجي معايا نجيب شوز للفرح ونروح نعمل بروڤا على البدله بتاعتي ممكن🤨
خلود….بس كده عيوني لحبيبي😍
بس تعالى سلم على الناس قبل ما تمشي
يوسف…اكيد يلا بينا
راحوا مع بعض يسلموا عليهم كانوا بياكلوا كلهم من الاكل اللي خلود جهزته و كانت معاهم هنادي
هنادي….اهلا يا يوسف باشا
يوسف….اهلا بحضرتك يا استاذه هنادي
مبسوط اني شوفتك
هنادي….انا اكتر والله وعايزه اقولك انك محسود على الشيف خلود
يوسف…بحب بص لخلود وابتسم بفخر طبعاً خلود مفيش زيها❣️
خلود….بابتسامه ميرسي يا هنادي ده من ذوقك❣️
احمد….لا على فكره انتي اكلك حلو فعلاً يعني الكلام ده لا في جمايل ولا ذوق دي حقيقه😒😉
ابتسمت خلود و بصت في الارض
هنادي….واضح انك غاليه على احمد اوي😉
بصلها احمد بغضب😡
يوسف….بغيره🤨🤨طيب يا جماعه انا كان نفسي اقف معاكم اكتر من كده بس مستعجل و مضطر أسرق منكم خلود.
هنادي….ابقى خلينا نشوفك
يوسف…..اكيد ان شاء الله يلا باي
الجميع….باي
خلود….براحه مالك بتشدني ليه🙈
يوسف….ماله الظريف ده😡
خلود….مين ده؟
يوسف…..انت بتستعبطي صح😡
خلود…..والله ما فاهمه بتتكلم على ايه
يوسف….الزفت اللي اسمه احمد بتاع الاعداد
خلود…ماله بس ده محترم و جدع جدا
يوسف….لا والله و ايه كمان 🤨
خلود…هو عمل ايه غلط بس ؟
يوسف…ابداً بس فجأه كده اتحمس وبقى يقول فيكي اشعار🤨 وشكله مش واخد باله اني واقف
خلود….طب ممكن تقف لحظه بس.
يوسف….الشمس حاميه خلينا نروح على العربيه الاول
خلود…بغضب بسيط لا خليك لحظه بس اولا بعيداً عن السبب اللي خلاه قال كده هو مقالش حاجه وحشه ولا حاجه تضايقك والاهم انه قال قدامك ثانيا بقى السبب اللي خلاه يقول كده هو هنادي علام لانه على خلاف معاها وحذرني منها
يوسف….وليه ان شاء الله هتاكلك ماهي الست لطيفه اهي و واقفه كمان تاكل من اكلك مع ان انتي المفروض بقيتي منافسه ليها لانكم شغالين في نفس القناه😡
خلود…..طيب تمام هحكيلك وبدأت خلود تحكيله كل اللي حصل مع هنادي وكلام احمد عليها وتحذيره ليها وكلام البنات وبالاخص مريم عنها
يوسف…..بصدمه طيب وليه مقولتليش كل الكلام ده من وقتها
خلود…عادي محبتش أضايقك و أشغلك مش اكتر😞 انا حكيتلك بس عشان افهمك احمد ليه قال كده واعرفك ان الجمله اللي هنادي قالتها قالتها بس عشان تعمل بينا مشكله
يوسف….حتى لو زي ما بتقولي هي هتستفاد ايه لما تعمل بينا مشكله؟
خلود…هي استفادت خلاص ونجحت في انها تنكد عليا واضح اني كلهم معاهم حق وانا اللي عبيطه 😞
يوسف….استني يا خلود رايحه فين؟
خلود….مش رايحه هركب العربيه ومن فضلك روحني يا يوسف.
مسك يوسف أيدها بحب باس كف ايدها بهدوء
يوسف….ايده انتي رجعتي في كلامك بقى مش هنتغدى سوا❣️
خلود…مش جعانه😞
يوسف….مش هتختاري الشوز معايا🤨
خلود….لا اختار انت😞
يوسف…..طيب ومش هتشوفي البدله حلوه ولا لا
خلود……بردوا لا انا عايزه امشي
يوسف….طيب خلاص انا اسف وحقك عليا وبعدين انا مش من حقي اغير عليكي يعني🤨
بصتله خلود وسكت🥺
يوسف….مكنتش فاهم والله وبعدين جملتها بعد ما اتكلم عنك كويس ضايقتني
خلود…وهو اي حد يضايقك تطلعه عليا
يوسف…..اكيد لا بس والله غيرت عليكي وعموما اسف بقى مش كفايه اني جايبلك ورد🤨
خلود…خده مش عيزاه😞
يوسف…..طيب هصالحك بس المهم متبقيش زعلانه
خلود….ماشي يا يوسف يلا امشي
يوسف….طيب هتاخدي الورد ولا ادخل اديه لهنادي 🤨
خلود….تديه لمين اوعى سيب كده😡
يوسف….بضحك طيب ما كان من الاول😂😂😂😂
خلود….اوعى كده 😡
……………….
مساءاً في قصر الطوبجي
منذر….🙄🙄😂😂😂
فيروز….انت بتضحك على ايه؟
منذر….ابداً بس شكلك حلو وانتي متعصبه😂
فيروز….بضحك انت شمتان فيا صح بزمتك ينفع اللي هما عاملينه فيا ده
منذر…..اه ينفع😂😂
فيروز….يعني انت يرضيك 😳
منذر…..اه يرضيني ادام اللي بيتعمل ده في مصلحتك خلاص
فيروز…..مصلحتي ايه ده انا همـ ـوت من كتر الاكل🥺
منذر…😂😂😂بعد الشر عنك ياحبيبي
بصتله فيروز بصدمه وركز منذر اكتر في الكلمه اللي خرجت منه من غير ما يحس
ارتبكت فيروز وفضلت تلعب في شعرها
منذر…اااا طيب بقول ايه تعالي يلا ادخلي جوه وانا هسلم عليهم وامشي واضح ان زيد والشباب هيتأخروا
فيروز…ااا🙄 قاسم ادام جه يبقى هما الوقت هيظهروا خليك استناهم
منذر…ااا بكره عندي شغل كتير فا لازم ارتاح انتي عايزه حاجه
فيروز…..لا شكراً… اهم وصلوا
زيد…..على فين كنت ماشي ولا ايه؟
منذر…اه بقالي يجي ساعه مستني من وقت ما قولت انك خارج من الشركه
زيد….استنيت شويه كان في ورق بنخلصه انا ومراد
مراد….امال فين البشر اللي هنا
منذر….جوه كلهم وقاسم وصل من شويه
زيد….حبيبه قلبي عامله ايه انهارده
فيروز….بخير يا حبيبي
زيد….والقمر حبيبه خالها
فيروز…..نامت في حضن منذر و روح خدتها على فوق
زيد….بقولك ايه متحاولش فيروز هتحبني انا اكتر 🤨
سالم….ولو بترسم عشان تجبلها عريس فا عريسها عندي في المستقبل ان شاء الله
قرب قاسم من بعيد
قاسم…حيلك حيلك انت وهو ومستقبل ليه ما عدي باشا موجود واهو اكبر منها
سالم….لا يا اخويا محدش هيتجوزها غير ابني
مراد….ولا انت ولا هو انا هجيبلها ولد اهو يبقى اخو امير ويبقى عريس القمر الصغنن ومسأله السن دي مش مهم
منذر…ايه خلصتوا التقسيمه خلاص 😒
بنلعب احنا فاكرين البت كده اي حد ياخدها
زيد…لا بقولك ايه دي بنت اختي🤨
فيروز…..بس كلكم خلاص كبرت وبتدوروا على عريس😡 انا بنتي تقعد وتختار بمزاجها قال حاجزينها قال وسع كده انت وهو
زيد….ايه ده القلبه دي 🙄فيروووز
سالم….خدي يابت اتغيرتي من ساعت ما بقيتي ام😂😂
قاسم….كانت كيوت بقت بلطجيه😂
مراد…هو اللي يعرفكم بيفضل على وضعه.
منذر….😎 المهم انها معلقتش عليا وروقتكوا انتوا
زيد….انت ياض مش كنت ماشي😒
منذر….بقى كده بتطردني😂😂
زيد….اه بطردك 😡
منذر….ياعم خلاص ماشي كنت جاي بس اشوف فيروز و اطمن عليها و أكد عليك في حوار السبوع قولتلهم صحيح
زيد….اه كله تمام
قرب جلال من بعيد وهو ييغني كان لسه داخل هو وامير وياسين
جلال…..طب ليه بيداري كده ولا داري كده ولا داري ليه حيرني ليه وبيشغلني وانا مجيش على باله كده كده💃
منذر….اهلا روبي😉
جلال….يا فضيحتي راجل😉
زيد…ما تظبط ياض🤨
قاسم….الواد ده لو كان جه بنت كان هيبقى مزه😂😂
جلال….مش كده يا ابو عُدي😉
قاسم….كده يا مزه بس نزل ايدك من على صدري عشان متزعلش😂😂
ياسين…..مش انت اللي نكشته يا ابو عدي اتحمل بقى😂😂
امير…..انتوا واقفين هنا ليه مطرودين ولا ايه 🤨
زيد….مطرودين ايه يا بغل انت احنا لسه واصلين قدامكم
امير…..طب ايه هتفضلوا هنا انا همـ ـوت من الجوع
منذر…ادخل يا طفس جلال بهت عليك وانا ماشي😒
جلال….بتنادي عليا يا حلو😉
منذر…😂😂ياض اعقل وخليك محترم
جلال….محترررم😏 وانا هعمل ايه بالاحترام يا اسمك ايه
ياسين….في ايه ياض انت اتحولت ما تظبط بدل ما اكشف عليك😡
مراد….جبته لنفسك ابو لهب ظهر😂
سالم…يارب ابوه يخرج وهو مش طايق نفسه كده يروقه
جلال….لا ابوه ايه وابو لهب ايه وانا بخـ ـاف😏 قرب من منذر حط ايده على صدره والشباب واقفين ميتين من الضحك
جلال…الحق يا اسمك ايه بيخوفني بأبو لهب اللي عمري ما سمعت عنه في طبق اليوم شكله مش واخد باله من عضلاتك وميعرفش انك ممكن ترفد ابو لهب اللي عامل فيها أبليس ده😉
ياسين….مين ده اللي يرقدني يا سوسن منذر 🤨 اتسندت على حيطه مايله اخر مره قلعته الشورت في البيسين😏
منذر….في ايه ياسي زفت انت كمان😡 وانا كلمتك
ضحكوا كلهم على منذر
بص منذر لزيد ما تنطق يا اخويا بدل ما تضـ ـرب انت واخواتك في يومكم الاسود ده😡
زيد….وانا مالي 😂😂😂😂
ياسين….واضح اني فكرته بذكرى سوده😂😂😂😂حقك عليا يا ابو الصحاب
منذر….سوده على دماغك وانت يا اخويا ابعد ايدك كفايه تحسيس على صدري 😒😒🔪
سالم….😂😂😂😂😂😂😂😂
قاسم….سيبك منهم دي عيال مش متربيه تعالى ادخل معايا
منذر….ادخل معاك فين انت كمان🤨
امير….وربنا منذر خايـ ـف منكم🙈
منذر….انت بتقول فيها 🙄
زيد….ياجدع تعالى يلا نتعشى وبعدين نتكلم في حوار السبوع
منذر….اوعى ياعم ايدك انت كمان اللي بينا هيبقى تليفون 🤨
مراد…..ياواد تعالى سيبك منهم نتعشى مع بعض طيب
منذر…ابداً وخد بالك من نفسك يا مراد😒😒😒
زيد….طب تعالى هقولك والله😂😂😂
منذر….من بعيد🙄
جلال….هو ايه مفيش ثقه🤔😏
منذر….لا يا سوسن😂😂
دخل نادر ومريم في الوقت ده بعد ما ركنوا لمحوا منذر واقف بيكلمهم من بعيد وهما بينادوا عليه وبيضحكوا
نادر….ايه كباتن مضايقكم في حاجه الكابتن ده اقفشه
منذر…جرب يا صايع تمسكني هلعب في وشك البخت اتلم انت عريس😂😂
مريم…..ويبقى ابو ادومه الطوبجي بدل نادر الطوبجي😂😂😂
ضحكوا كلهم على مريم
نادر…..ايه يا ظريفه😡😡
مريم….الله هو اللي بيقول انا مالي😂😂 وبعدين وسع كده انا همـ ـوت واعمل بيبي🏃🏃🏃
نادر….ماشي مع بنت اختي 😒😒😒🔪
مريم….كمان مش عاجبك مشحططني معاك ومضايق اني عايزه اعمل بيبي
نادر…انا يا بت اللي مشحططك ده انتي مش هتوردي على جنه
منذر….اهم قلبوا على بعض😂😂
جريت مريم وسابتهم ودخلت على جوه.
نادر….بقولك ايه بعد بكره انت معانا عرفت ولا
منذر….اه زيد قالي 😉
جلال…..نادر هيعمل حنه😂😂
نادر….حنه في عينك يا حيوان احنا بتوع الكلام ده كل الحكايه ان دي فكره البنات هما حابين يعملوا حنه بناتي كده بعض بعض واحنا بقى نسهر سهره حلوه
منذر….ماشي انا معاكم بس ابقوا اربطوا جلال 🙄
جلال…..يربطوني شكلك بتحب العنف يا اسمك ايه😉😂😂
منذر….لا كده كتير وربنا لا انا ماشي😒😒😒😒😒
زيد….ياض امك عندنا ومعندكش اكل في بيتكم😂😂😂
منذر…انام من غير اكل ولا اني اقعد معاكم ثانيه ابو معرفتكم يا شيخ😡
ركب منذر عربيته وهما وقفوا جمب بعض وماتوا من الضحك عليه😂
……………………..
دخل الشباب جوه
كاريمان….هو منذر مشي ولا ايه
زيد….اه روح
كاريمان …ليه وبعدين مجاش قال ليه انه ماشي.
زيد…بإبتسامه بسيطه ابدا بس قال هيرتاح عشان بكره عنده شغل كتير😂
سالم….قولها انه خـ ـاف من اخوك😂😂
زيد…اتلم بقى اسكت يا سي زفت😂
صبا….طب ايه هتغيروا ولا هناكل
زيد….بما ان الاكل لسه مجهزش نغير الاول
ليلى….طيب يلا وبلاش لكاعه ❣️
زيد….بس كده عيونا ليكم يا لولا😉
طلعوا الشباب خدوا حمام سريع ولبسوا ونزلوا كان الاكل جهز كلهم قعدوا كلوا مع بعض وبعد الاكل اتقسموا كل واحد راح قعد في مكان.
قام زيد وراح حط ايده على كتف روح
وباسها من خدها
روح…😒😒🥺🥺
زيد….القمر بتاعي هيفضل مبوز وزعلان كده
روح….مين قال اني زعلانه يا زيد وهزعل ليه؟
زيد….عايزه تقعنيني انك مزعلتيش من الكلام اللي سمعتيه بيني وبين بابا
روح….لا مزعلتش انت حر يا زيد وبعدين انت ماشاء الله بقيت راجل يعني مقدرش اقولك تعمل ايه ومتعملش ايه🥺
زيد…..اولاً لو مزعلتيش كنتي لما سمعتي رديتي بس من وقت ما سمعتي وانتي ساكته وكل ما عيني تيجي في عينك الاقيكي زعلانه و متبصيش عليا اصلا ثانياً بقى انا راجل على الدنيا كلها بس مش عليكي يا روح انا مش عايز اشوفك مضايقه كده انتي عارفه اني لما بشوفك زعلانه الدنيا بتقفل في وشي
روح….وانا مش زعلانه يا حبيبي زي ما قولتلك انت معملتش ولا قولت حاجه غلط واللي بتطلبه ده حقك ربنا يسعدك يا زيد
وقبل ما تمشي مسك زيد كفها
زيد….استني هنا هو ايه اللي ربنا يسعدني روح انا ربنا مش هيرضى عني وانتي مش راضيه عني
روح….ومين قال اني مش راضيه عنك يا زيد
زيد….انا اللي بقولك كوني اني اشوفك زعلانه يبقى انا قصرت معاكي في حاجه يا روح او ضايقتك وح لو قلبك راضي عني بس كفايه انه شايل حزن وظاهر على ملامحك قوليلي عايزه ايه وانا هعمله او حتى اتناقشي معايا ومتسبنيش كده
روح…..بتنهيده طويله وابتسامه هاديه رغم الحزن اللي في عينها حطت ايدها على خده معنديش حاجه أقولها يا حبيبي غير اني مش مضايقه ولا زعلانه و بتمنالك السعاده انت و أخواتك ممكن تسبني بقى أروح اعملهم القهوه.
زيد….روح يا روح💔
سابته روح ومشيت وفضل زيد واقف هيتجنن
……………..
زهره….هتنزل معايا بكره
قاسم….فين؟
زهره….محتاجه اجيب شويه حجات قبل الفرح وانت عارف انا بحب أخد رأيك
قاسم….لا مش هاجي😒
زهره….ليه ان شاء الله🤨
قاسم….مش فاضي😏
زهره…..مش فاضيلي😳
قاسم…اه هي يعني جات عليا ما انتي مبقتيش فضيالي😒
زهره….لا يا راجل امال فاضيه لمين 🤔
قاسم…..فاضيه لعُدي باشا فاضيه للكل إلا انا
زهره….على فكره بقى انت ظالـ ـم ومفتري🙄😂😂
قاسم….بتنهيده وعلى فكره بقى انا بتكلم بجد مش بهزر
بصتله زهره بتوتر وصدمه و أبتسمت ابتسامه بسيطه
زهره….انت بتتكلم جد يا قاسم
قاسم…..اه بتكلم جد.
زهره….انت شايف اني مش فضيالك ومقصره معاك
قاسم….انا مقولتش انك مقصره انا قولت مش فضيالي
زهره….و هتفرق ايه الاتنين نفس المعنى🥺
قاسم….لا مش نفس المعنى مقصره يعني في عيب عندك وانا ابقى راجل ظالـ ـم بجد لو قولت انك مقصره لان دي عمرها ما حصلت لا معايا ولا مع اهلي بس مش فضيالي ده معنى تاني خالص
زهره….وايه هو المعنى التاني خالص ده بقى
قاسم…..محتاجك يا زهره وحشاني نفسي اقعد معاكي و اخدك في حضني نفسي نفضل نرغي لحد الصبح اي وقت احتاجك فيه ملاقيش عُدي او اي حد وخدك مني
زهره….بس انت عارف انه غصب عني عُدي مش بيسكت وانا أتشغلت كتير مع روح والبنات في الافراح اللي بتحصل والظروف اللي بنتحط فيها
قاسم….عارف بس انا غصب عني بردوا حاسس بفراغ تقدري تقولي عليا اناني ومش براعي تقدري تقولي عليا بغير تقدري تقولي أي حاجه مش هنكر ولا هقول لا لو ده هيخليكي ترجعي لحضني تاني💔
ابتسمت زهره ابتسامه هاديه كلها حب ومسكت ايده بهدوء
زهره…..مكنتش عارفه اني بعيد عنك اوي كده❣️و مش هكذب عليك تصورت انك هتقدر اللي انا فيه و تعذرني بس كمان بعد اللي انت قولته وانك بتعترف انك لا هتراعي ولا هتقدر فاجأتني وخلتني اتبسطت اكتر
قاسم….بإبتسامه سخريه اتبسطتي عشان اعترفت اني لا بقدر ولا براعي وكمان اناني😏
زهره….لا اتبسطت عشان حسيت قد ايه انت بتحبني وقد ايه انا وحشاك وقد ايه حبيبي مهما كان في نظري ونظر الناس احسن راجل في الدنيا بس كمان هو قدامي وبيني وبينه هو طفل صغير محتجني ديماً معاه وبيغير كمان من ابنه❣️🙈
قاسم…..بنظره حزن على فكره يا زهره انا بجد غيرت منه وبجد انتي وحشتيني اوي 💔
زهره…..حقك عليا وأوعدك ياروحي مش هبعد عنك لحظه ❣️
قاسم….و هتاخديني انا في حضنك وعُدي من انهارده ينام مع الناني بتاعته مش فاهم انا هي لازمتها ايه لما انتي لا مخلياها تهتم بيه ولا تنيمه😡
زهره….😂🙈🙈خلاص بقى قولتلك مش هبعد عنك تاني
قاسم….ماشي اما اشوف🤨
………………..
في الجنينه بره
شمس…..مريم اخر كلام الحنه دي هتكون فين
مريم…في البيت عندي والشباب يسهروا براحتهم مع بعض
نادر….طب لما احنا هنسهر مع بعض ومش هتخلونا نقعد معاكم لزمتها ايه تعمليها عندك ما تخليكوا هنا في القصر
سالم…ايوه صح ما تخليكوا هنا.
مريم…..طيب سؤال سهرتكم هتبدأ امته🤨
نادر…..يعني هنتحرك على عشره كده وزي ما نقعد بقى
مريم…..طيب عشره دي بالنسبالنا متأخر احنا عايزين نلحق شويه في النهار عشان نتصور و بعد كده في فرقه هتيجي على الساعه 8 يعني من الاخر احنا هنبدأ قبلكم بكتير ومش هينفع نبدأ وانتوا هنا وتشوفونا😒
نادر….والفرقه دي ان شاء الله تشوفكم واحنا لا🤔
مريم….دي فرقه بنات 😂😂
زيد….يا جدع انت رخم ليه ما تسيبهم براحتهم
نادر…..ياعم براحتهم يعملوا اللي عايزينه انا الحق عليا😒
ملك….كمان في حاجه بابا مش هيرضى يقعد في وسطنا ولا هيرضى يخرج معاكم فا كده هيفضل محبوس فوق فا خلونا عند مريم افضل والڤيلا حلوه على قدنا.
نادر….طيب تمام زي ما تحبوا
مريم….احنا هنسهر كا بنات مع بعض عندي انتوا بقى هتروحوا فين🙄🙄😒
مراد…لا دي بتاعتي انا بقى وسالم
سالم…..سهره من الاخر
مريم….شوفي جوزك انتي وهي يا اختي 😒😒
تقى…..خليهم يتبسطوا اشمعنى احنا
مريم….احنا هنتبسط في الببت واخده بالك يا طيبه هانم😒😒
شمس….ايوه ماهما مش هيعرفوا يقعدوا في البيت زينا هما خروج بالنسبالهم وسهر يعني بره البيت
مريم….خلاص كلكم بقيتوا زوجات صالحات😡
زيد…..تصدقي بالله اهو انا مش خايـ ـف غير منك يا مريم😂😂
ياسين….والله لسه كنت هقولها هتيجي تقلب كيانهم وتقويهم علينا وتعمل جمعيه حقوق المرأه😂😂
مريم….اصدق أصحيهم من الغيبوبه😒
جلال….ايه يا أشول هتمضي بردوا ولا تفكر احسن 😂😂😂
امير…انا لو مكانك انفد بجلدي دي بلطجيه اسمع مني😂
نادر…..انا خايـ ـف🙄🙄😂😂😂
مريم….انت بتعوم على عومهم بتستقوي بيهم يعني😒 لا ما انا بردوا ورايا جيش ولا ايه يا بنات😡
صبا….معاكي😂😂
زيد….صبا انضمت خـ ـوف😂😂
صبا…..دي شرانيه اسمع مني🙈
مريم….😂😂😂😂
خلود….لا والله دي السكر بتاعنا عارفين مريم بتفكرني بمين
الجميع…مين
خلود….ديما في اي عيله اخر العنقود تحسيه بلطجي كده ومتشرد😂😂
مريم….قصدك ايه يابت😂😂
خلود……قصدي انك اخر العنقود🙄
داوود….ماجمع الا ما وفق يعني هو نادر عاقل ومفيش زيه ماهو أجن منها😂
نادر…بقول ايه سيبكم من العيال الرخمه دي خلينا احنا كده شباب مع بعض انا عاملكم حتت سهره انا ومراد وسالم😉
بصوا البنات للشباب وهما رافعين حواجبهم🤨
داوود….ايه بتبصيلي ليه انا محترم😂
ليلى….انا بقول يا مريم ننكد عليهم ونلغي الحنه بتاعت البنات دي ونسهر كلنا سوا
صبا…..وانا بأيد الاقتراح ده🙄
ملك….وليه خليهم يروحوا ويصورولنا المكان🤨
زيد….اعوذ بالله 🤨😉 ربنا ما هيحكمكم على ظالـ ـم
ياسين…..اتفقوا علينا خلاص
جلال….بيقولك 100 شيطان ولا دماغ ست🥴🥴 حبايبي يا اخواتي والله حزين عليكم
نادر….بكره تقعد جمبنا يا اخويا 😂
جلال….بعد الشر عليا😂
بصتله ميار بطرف عينها
جلال…..بضحك والله هو ممكن في حاله لو اللي اتجوزتها تبقى متوقعه اي مصيبه مني 😂😂😂
زيد….انت ربنا يكون في عون اللي هتتجوزك انت والبلوه اللي جمبك ده
امير….طب وانا مالي 😡
زيد….ما انتوا زي بعض 🤨🤨 بقول ايه صحيح بما ان فيروز فوق كلكم عرفتوا خلاص المفجأه
صبا….كله تمام سيبها علينا😎
جلال…. ربنا يستر🙄
صبا…قصدك ايه😒
جلال….ياستي انا نطقت بقول ربنا يستر
امير….بقول ايه عايزين نسافر كده كلنا بعد الفرح يعني ناخد اجازه ونروح اي مكان نفك شويه
سالم…..اتفقوا وانا اشطا
مراد….وانا كمان معاك
امير…بس يبقى الرحله دي عندي والكل لازم يسافر🤨❣️
يوسف…خلينا بس نخلص من حاجه حاجه يعني فرح نادر وبعدين السبوع ونشوف حوار السفر ده
أمير….ماشي اشطا❣️
………………
قبل الفرح بيوم اتفق البنات خلاص على الحنه عند مريم في الڤيلا بتاعتها واتفق الشباب يقضوا مع بعض سهره متتنسيش.
البنات راحوا من بدري على الڤيلا والشباب جابولهم كل حاجه هيحتاجوها
وفي المساء اتقابل الشباب مع منذر ووصلوا على مكانهم الخاص اللي متعودين يسهروا فيه بحضور نجم السهره طبعاً رضا البحراوي😍
منذر……فين رضا البحراوي ياعم
سالم….ساعه و هيبدأ
منذر…حافظ 😂😂
زيد….ده صايع ده 🤨🤨🤨
قاسم….بقول ايه انا هخرج بره ارد على زهره مش سامعها هنا خالص والشبكه بتقطع
نادر…..لا الشبكه دي من عند مريم في الڤيلا هنا الشبكه تمام
منذر….عارف انت ان الشبكه تمام😒
زيد….ماهو نفس النسخه واطي زي سالم
ياسين….بقولك ايه فك كده يا عم زيد انهارده يوم مبروك مش عايزين صداع🤨
زيد…الله يبارك فيك يا اخويا ايه انضميت ليهم يا ابو لهب 😡
مراد….والله انت وداوود طيبين اوي ياسين معانا من زمان هو بس اللي خلقته تحسها جد😂😂😂
منذر…افهم من كده ان قاسم معاكم😂😂
سالم….لا حرام قاسم طيب😂😂😂
مراد….معانا اسمع مني بس هو سوسه ميبانش عليه😂😂
امير…..ما تجيب سيجاره
مراد…فين سجايرك🤨
امير…نسيتها في العربيه😍
زيد…..محتاجين تربيه الجوز دول😂😂
امير…خليك في حالك احنا صحاب😂
جلال….عقبال ما الاقي ليا صاحب🙄
زيد…بضحك قاعد على قلبك انا انهارده😉😉😉
جلال….😂😂😂🙈ياباشا قلبي ملك انا اطول اقعد مع زيد باشا
منذر….من قلبك يا فوزي😂😂
جلال….اه بس انت هتلاهيه عني هو وداوود الله يباركلك😂😂
داوود…..عايز تشرب سجاير طبعا اشرب يا اخويا يعني هي اول مره
ياسين….طب والله داوود طيب
جلال….ماهو طيب بس مبعرفش اعملها قدامه😂😂😂
نادر…..هو فين قاسم كل ده
مراد…تلاقيه بيقدم تقرير لزهره😂😂😂😂😂
سالم…قلب امك يا قاسم😂😂
جلال….صحيح هو الواد هشام مش جاي
امير….لا جاي في الطريق قرب خلاص
مراد …واحشني الواد ده والله
امير…اهو زمانه جاي❣️
…………
في الخارج
خلص قاسم مكالمه مع زهره ودخل على المكان جوه وهو داخل خبط في واحده
قاسم…..اسف اسف جداً مخدتش بالي والله
لا ابداً مفيش حاجه حصل خير بعد أذنك واول ما ادتله ظهرها ومشيت خطوه
قاسم….بصوت مسموع و صدمه باينه على نبره صوته فريده لاشين😳😳😳😳😳
وقفت فريده ولفت بنظرات كلها انوثه و جاذبيه وبصتله شويه من غير ولا كلمه
قاسم…..فريده😳
فريده….قاسم الطوبجي😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
