رواية أأستحق هذا العذاب الفصل الحادي والعشرون 21 بقلم ميفو السلطان

رواية أأستحق هذا العذاب البارت الحادي والعشرون

رواية أأستحق هذا العذاب الجزء الحادي والعشرون

رواية أأستحق هذا العذاب الحلقة الحادية والعشرون

وقف جبل امام قمر وهتف ..اسمعي يا جمر اني عارف انك عايزه فلوس واني جررت اديكي الفلوس .
نظرت اليه رافعه حاجبيها …هتديني الفلوس بعد ايه وليه .
هتف ..انت ليكي تاخدي الفلوس مش عايزه فلوس ومش هسالك عايزاهم ليه مع اني عارف .
قطبت جبينها ..عارف عارف عايزه الفلوس ليه .
ضحك ..ماهو اكيد عشان جوازتك عايزه شوار تزغللي عين عرفان .
ضحكت ونظرتواليه بغلب ..هزت راسها مبتسمه …..كنه ايه والله عايزاهم لاكده .
هتف ..بصي بقه اني هديكي الفلوس بس ..بس ….
قاطعته…..بس ايه ..اكيد مش لله في لله .جول احدف اللي في عبك عادي اني عايشه عشان ينحدف عليا ..جول ماتخجلش …هتشغلني خدامه في الجصر بتاعك والا همسح سلالم الشركه .
هتف…. لاه ماهعملش اكده .
نظرت اليه ..ماتجيب اللي في بطنك يا جبل وجول التمن ايه .
هتف وقلبه يخفق بشده …..تتجوزيني هديك الفلوس .
نظرت اليه ورجف قلبها.. ..لو وافجتي تتجوزيني هديكي الميت الف .
كانت تتامله تحاول ان تعرف مايقصد …همست بوجع ..عايز تتجوزني يا جبل ايه ده ليه خير يا رب .
ابتلع ريقه.. .،عشان اكتشفت اني عايزك يا جمر .
رفعت جبينها…. عايزني ..انت يا جبل عايزني ..انت ….
هتف ….ايوه عايزك فيها ايه راجل عايز واحده .
هتفت .لساتك عايزني انت …. بسهوله اكده وهتنسي اللي فات .
هتف مندفعا …..،اني عمري ماهنسي اللي فات يا جمر .
نظرت اليه بوجع ..ماني عارفه ومتوكده عشان اكده مستغربه … ..ابتسمت بسخريه .. .،امال هتجعد معايا العمر كله فاكرلي اللي عملته… هتتجوزني وانت بتكرهني هتعملها ازاي دي ..
هتف …..ومين جال انه هيبقي عمر كله .
قطبت جبينها رجف قلبها ….،امال مش جولت هتتجوزني . تاعب حالك وهتتجوزني
هتف …..ايوه بس عرفي وما حد يعرف وهديكي الفلوس اللي تعوزيها . عم صمت مطبق وكل منهم ينظر للاخر واصوات انفاسهم عاليه ..
ظلت تنظر اليه لمعت عيناها قهرا احست بزبحه في قلبها الهذه الدرجه رخيصه …ولكنها ابتسمت .،اه جصدك زي ما امير عمل تنام معايا بفلوس بس تحللها لروحك بالعرفي صوح اكده .
هتف …… اسمعي اني ماعارفش اكمل اكده ..اني اتوكدت اني عايزك وعايز تبقي ليا عايز اشبع رغبه هتموت جوايا .
هتفت..رغبه جواك .. ….،مش اني شمال هتاخد واحده اكده هتعملها ازاي .
هتف ..هعملها عادي ده ايام وهنعديها انت هتستفادي واني هشوف اللي جواتي ده اخلص منه .
هتفت بابتسامه ساخره ….،اممم يعني هتنسي اني شمال بس عشان رغبتك وبعدين تاخدني وترميني مانا مش هبقي مراتك العمر كله حاجه ماتشرفش.
هتف….مش انت عايزه زفت فلوس هديكي .
هتفت بقهر ..بتشتريني بالفلوس يا جبل هيا دي اخرتها .
هتف بغضب .بدل مالشايب ياخدك هتعملي بيه ايه اني اهه مكانه . جمر فكري كويس هتتجوزي السايب ده ليه اني اهه عايزه فلوس هغرجك فلوس سيبيه هيديكي ادي لاه اني هديكي اكتر وفوج اكده جدع مش شايب مالوش عازه تعملي ايه بيه ده .
اقتربت منه وقالت بأسي ..انت عمرك ماهتكون مكانه. عرفان جلبه حنين وانت الغل جواك بيكوي الجلب. هجرب منك كيف وانت مغلول اكده
صرخ ..مالكيش صالح انت ليكي تاخدي فلوسك و…
هتفت ..وانام معاك بيهم صوح هتديني الميت الف عشان نومه .
هتف….،،لاه هو شهر ابقي معاكي وتاخدي الميه بعديهم .
نظرت اليه وظلت ساهمه …شهر وابقي معاك وايه كمان جول جول .
هتف ..شهر اخدك وهنسافر ماحد يعرف اني مش عايز اتفضح .
انفجرت ضاحكه ….اه صوح ماينفعش تنفضح جمر الشمال تاخدها بعيد تريح جتتك اللي بتغلي عليها صوح وبعدين ترميها وترميلها جرشينات .
هتف ..ايه مشكلتك مانت راحه للشايب زي ماني هعمل .
ضحكت .،كمان جوا جول عادي اكده . وفين شرفي ودنيتي معاك .
هتف بغضب ..مالي بيكي مش شرفي ولا حرمتي اني هجضي معاكي وجت اخلص من اللي جواتي بجرفه .
اقتربت منه …..مش شرفك ولا حرمتك .وجرفه …جول يا سيد جول ..ايه تاني لسه فيه عفاشه تانيه ماسيبتهاش …هتتجوزني عرفي بفلوس في الدرا زي بتوع الليل يا مري …حد كان جالك ان جمر ناجصه رجالهوعشان اخرتها تاجي تجولي اكده حد كان جالك اني بجيت واجعه اكده يابن العزايزه…عمال تتشرط وتودي وتجيب وانت الغل موتك وحلل جتتك .ايه ده يا مري عايش ازاي اكده ده مش ذنب ده شيطان واتحكم واتمكن ..اقتربت اكثر ..عارف يا جبل لو بزحف عالارض مالجياش بج ميه ماهرفعش وشي واطلبه منك لو النفس انت اللي هترجعهولي ماهطلبوش منك .،يا خساره يا جبل مامتخيلاش انت ازاي بقيت اكده .
صرخ ..منك ومن عمايلك .
هتفت ..لاه يا جبل مش مني اني ماجولتلكش غل وخلي شيطانك ينحر جواك اني سيبتك زي اي حد مابيسيب عيال صغيرين بس انت جلبتها تار عارف يعني ايه تار.. عايز جمر تاخد تارك منها .راجل ياخد تاره من مره ..واني بقه مره بالف راجل ..جرب تاني تجف جدامي يا جبل وتجولي اكده هتلاجي جدامك جمر تانيه جمر شبعت جهر وغل جمر استكفت يابن الناس ..ابعد غلك اني ماعتش متحمله .،
استدارت فاحس بالجنون فهو سيجن يريدها بقوه فاندفع واحتضنها ،.،طب لو طلعتلك حنيه.حنيه الجبل هتوافجي .
احست بقلبها يأن وجعا ادارها وهمس ….بصيلي بصي لجبل نظرت اليه دامعه ..كان في عيونه شوق رهيب اليها .،هتف .،تعالي ننسي انا مين وانت مين وبعد الشهر ده ما هكونش جدامك تاني جوايا بينحر عايزك مامتحمل .
تنهدت بقهر ووجع …..كفايه يابن الناس .
صرخ ….ماجادرش انت بتغلي جواتي رايدك جتتي بتنحر جوايا اعمل ايه اموتك واموت حالي جمر انا ليا حج عندك عايزه .حج وجع سنين حج رميتي بالرخيص ليا حج وماهتنازلش عنه مش اجعد انجهر وانت تعيشي وتفرحي .
نظرت اليه وضحكت ..اعيش وافرح ..مامصدجاش والله الحزن اللي انا فيه وحج جاي تجولي حج ..حجك جالك يابن الناس وغيبتك اتردت .
صرخ… ..حج ايه اللي جالي انت اهه جدامي هتفرحي مابيكيش حاجه ولا الحزن خطي عتبتك ..انت هتضحكي عليا عشت جهر سنين انت عشتيه عشت وجع انت عشتيه انت ماعشتيش حاجه من اللي انا عيشتها. انت موتي جبل وعيشتي وعايزه تكملي علي حسابي .
تنهدت ونظرت اليه بقهر ..ماعشتش جاي تجولي ماعشتش..اجول ايه كتمه الجهر حتي وجع اه والله كتمه الحزن وجع انت بجولهالك تاني وعاش يمين الله حجك جالك تالت ومتلت
صرخ.. انت عايزه تجننيني .،اسمعي بقه اني خلاص عليا حزن جولتلك هديكي فلوس عايزه فوج الميت الف هديكي وتاجي من سكات نخلص الجصه دي .
هتفت ..ويا تري يا جبل بعد ماتاخدني هتخلص الجصه .
صرخ بجنون…ماخابرش اني جتتي بتنحر جوايا ما جادرش اكمل اكده جمر اني خلاص ماعتش هكدب علي حالي اني رايد جتتك ودلوك وهديكي كيف مابدك . اني ماشي وراكي زي الجذوب ..عملت ايه يتعمل فيا اكده اني نفسي اموت بكره حالي ومش جادر انسي عايزك .
نظرت اليه بقهر ….وبتجولهالي في وشي اكده .
هتف ..وماجولهاش ليه ماهو ده اللي فاضل من جبل الجديم عايز اموته ونخلص .
نظرت اليه بوجع …..،تموته ..ماهو مات يابن الناس مات وشبع وجه مكانه حزن يكمل علي حزني بس خلاص اكده خلصت اني ماعتش عايزه حاجه اني لو طولت اموت روحي هعملها .. واستدارت الا انه لم يحتمل فشدها واحتضنها ..طب عايزه ايه طيب وتكوني ليا ..جمر بصيلي عايزه ايه هعمله والله هعمله .
تنهدت .،اني ماعايزاش حاجه الله يبعدك ويحليلك دنيتك .
صرخ ..يحلهالي معاكي عايزك هموت عليكي بتعذب انت جدامي بتعذب .
هتفت ..خلاص اني همشي هسيب الدنيا بتاعتك .
اندفع وشدها ..ساعتها اموت ماهجدرش غيابك مش هيمنع جواتي جمر اني عايزك رايده ايه وتكوني ليا اعملك ايه عايزه ايع … احس باهتياج بصيلي صرخ بصيلي ..
نظرت اليها فهتف ..هو انت خلاص عيونك ماعتش فيهم جطر الحنيه امال زمان ده كت عيونك نار ايه خلاص نسيتي جبل جوي اكده كت هوا مافيش خالص جبل اللي كان واجف في الساحه عيونك خطفت جلبه ..مافيش حبل اللي جعد سنه يعشج ويحيب ويحفي مافاكرالوش حاجه خالص ..جبل اللي جاب فستان يتمني تكوني ليه ونتشتي جلبه مافيش خالص ..جبل اللي ركع تحت رجلك وجال الحلو كله ..لاه مامصدجش كل ده مافيش راح خالص .. .
اغمضت عيونها بوجع فصرخ…. فتحيلي عيونك ماتخلنيش اموتك والله هموتك فتحت عيونها فلان وجهه فنظراتها بداخلها شيء من قمر القديمه حاوطها هامسا .،جولي ماحساش بيا طيب ماعمركيش جولتي يا تري حياتي معاه هيبقي شكلها ايه ..امبارح وانت في بيتي مافكرتيش كنا هنبقي ايه ..مافكرتيش مره جربي هيبقي شكله ايه ..راحه لعرفان ليه هيسعدك مثلا انت مالميش زي يا جمر ليه تعملي اكده جبل اهه رايدك ورايد ياخدك ويفرح بيكي وهيفرحك برضك ..اللي كت عايزه مني ما فكرتيش فيه واصل .مسك وجهها وعيونها لمعت بدموعها …كت رايده جصر مش اكده هجبلك والله هجبلك كتي رايده الماظ فاكره رايده ايوه فاكر ..كت بتجوليلي عايزهوابقي هانم هعملك والله هعملك بس تكوني ليا ..جولي طيب جمر كات رايده جبل زمان اللي كان بينا ده زمان فاكراه .. مافيش فاضل حاجه جواكي جولي جولي .
كانت تشعر بالقهر ونزلت دموعها اغمضت بوجع نتش قلبها فهذا كثير .
مسك وجهها وصرخ بصيلي نظرت اليه وبانت مشاعرها فهيا لم تنسي من الاساس حتي يذكرها كان حنانه فوق الوصف وقلبها يأن ومشاعرها صرخت من عيونها تعشقه وعلمت انها تعشقه ..ارادت ان تزيح وجهها.
فصرخ بالجنون فما راه اكل قلبه ..هتف… لاه ماتبعديش شايف بعيونك انك عايزه ايوه اني حاسس..مش مصدج ..اني حاسس بعيونك .. اه حصل مابينا اللي حصل بس لساتي بحس حاسس بيكي دلوك ..كانوسيجن …
بدات ترتجف فهمست ..بطل ارحمني .
شدها اليه بجنون ….لاه ماهبطلش اني واصل ماهبطلش يا جمر اني ماصدجت لجيت ليا حاجه لسه جواكي اني عايز الحاجه دي ادهالي ده حجي ..حجي افرح حجي اعيش ولو يومين اني مافرحتش من ساعه مامشيت بفكر فيكي كيف المجذوب رايدك وافجي يا جمر هديك والله هديكي .
دفعته بعيدا ،،اما ابقي رخيصه هوافج يا جبل ابجالك مره بالعرفي.
صرخ…. امال عايزه تبقي بالرسمي .ماهتحصلش ..امال سيبتيني زمان ليه ..
دغعته واستدارت ..اندفع وكلبش فيها بجنون …انت اعجلي اني هحجز شهر في دهب فاكره فاكره دهب كانت حلمنا..اخدك ونروح هناك فاكره كتي عايزه شاليه صغير هناك ..اني جبت فيلا وجفلتها وماعرفش جبتها ليه مابروحهاش بس عشان انتي جولتي جبت جصر يخنجني بس عشان انت جولتي جبت كل حاجه اتمنتيها تتلف حبل علي رجابتي تموتني بس عشان انت جولتي ده حلمنا جبت كلو .
سالت دموعها ،،كت حلم صوح بس عمره ماكت حلم رخيص يا جبل واسدات وخرجت والقهر ينهشها .
صرخ بالداخل .،طب اعمل ايه اطولها ازاي اجتلها اروح اجتلها عرفان ده اعمل ايه اروح اهدده مايخافشي راجل كبير رجله والجبر اروح فين يا مري ..لاه يا جبل انت حسيتها ماتسيبهاش البت بتتنفض جدامك ماتسيبهاش شاغلها بالفلوس مالهاش حل تاني .
جلست قمر بالخارج لا تعلم ماذا تفعل من اين تاتي بالمال يا رب تعبت ..انهت عملها وذهبت الي قبر اخيها تجلس امامه سالت دموعها .،ابنك في خطر يا اخوي وماعارفاش اعمل حاجه ربنا بيحط عليا وحشتني جوي جوي اعمل ايه دلوك كانت تبكي بحرقه فاذا بها تحس باحد خلفها استدارت فاذا بسليم يقف امامها ينظر اليها بحب فلم ينساها ابدا حتي بعد ان تزوج من اجل العزوه والخلف ..ابتسمت له ومسحت دموعها ..كيفك يا سليم .
ابتسم وهتف .،بخير يا ست البنات ..كيفك انت يا جمر مابتودوش البلد واصل خلاص نسيتونا .
تنهدت .،هننزل ليه يا سليم مانت عارف كل حاجه راحت .
هتف ..لاه يا جمر والله ماراحت حاجه كل حاجه كيف ماهيا محطوكه ومحطوط عليها ملس مخبيها من الجهر والكتمه .
تنهدت ولم تفهم شيء ..هتفت كيفك وكيف خالتي ومبروك ماجالك سمعت خلفك الجديد . .
هتف ..تصدجي ماني فرحان ولا شفت فرح من ساعه مامشيتي .
نظرت اليه …الدنيا مابتجعدش لحد يا سليم ربنا يسعدك واستدارت فهتف ،،انت بتشتغلي فين يا جمر اني بنزل كتير المركز .
تتهدت .،ليه بتسال .
هتف .،يعني انت عارفه ان عندنا شركه وأكده يعني مانتعاملش معاكو ليه لو بتشتغلو في مجالنا .
تنهدت .،شركتنا بتشتغل في بنا الفنادق والحاجات الكبيره والقري واكده .
هتف …..،طب ماهو حلو اني بشتغل في مواد البنا اسمها ايه .تنهدت ..وقالت له علي اسمها .
هتفت ..معلش اني اتوخرت همشي بقه واستدارت وودعت اخيها وعادت
وقف سليم ينظر في اثرها ..ولا يوم نسيتك ولا يوم يا جمر ..مكلبشه جوايا بتمناكي في حلمي ..تنهد وظل يفكر وابتسم واستدار منشغلا بتفكيره …
دخلت بيتها وذهبت لابن اخيها واحتضنته واعطته ادويته المؤقته وسلمت علي ابيها ودخلت تنام .سهمت وتذكرت جبل وما طلبه منها ..دق قلبها .،يا تري لسه جواته حاجه والا عايز جته وخلاص .،تنهدت حتي لو جواته يا جمر انت مخبوله ماعتش ينفع تاني وشوفي هتعملي ايه هعرض البيت للبيع لاي حد وخلاص ..
رن تليفونها ففتحته .،سمعت همسه ..بتفكري فيا يا جمر صوح .
تنهدت بغلب .،فيه ايه يا جبل بيه انت متصل وخري تجولي اكده .
تنهد ،،اني مش بيه ..جوليها يلا يا جمري فامره ..جبلي ..ماهو اني بفكر فيكي ماتكدبيش وتجولي انك مابتفكريش .
نظرت للفون ..هو مخبول جبلي ايه ..هتفت بجمود ..وافكر ليه فيك يا جبل .
ضحك ..عشان شفت في عيونك شوجك الجديم يا جمر .
هتفت بسخريه ..احلم احلم .
ضحك ،،اني دلوك احلامي بتتحجج زمان كت احلم انما دلوك لاه أنفذ علي طول .
هتفت ،،والله طيب ربنا معاك .
هتف .،اخرتها حضني يا جمر ماتحلميش انك تكوني لحد تاني .
هتفت ..تمام ولما تاخدني هتهدي يا جبل هتفضي رغبتك ده هيهديك .
هتف .،ساعتها اشوف هيبقي ايه الحال .
هتفت .،طب لو مامشيش الحال هتعمل ايه.
هتف ..عادي نكمل ايه المشكله راجل وهبسطك وهديكي فلوس رايده ايه تاني .
ضحكت .،الا صحيح هريد ايه تاني دا حزن ،،اعيش معاك في الدرا تاخد وتشبع واني مانطجش ماني هاخد فلوس كلبه فلوس ..روح يابن الناس الله يسهلك .
هتف .،هيسهل يا جمر هيسهل واخرتها حضني هنا لم تحتمل واقفلت الخط ،،واحست بقهر ماذا الا يكفيها عذاب.. يريد ان تكون عشيقته يفعل بها مايشاء شعرت بغضب .،انت اجفليه اكده اجفيله وسودي عيشته هو كان اشتراكي دا نصيبه ايه دي ماعتش راضي يرتدع ليه دا مرار ..
في الصباح ذهبت لعملها ..استدعاها وما ان دخلت حتي قفل الباب وادارها فارتعبت ..ايه فيه ايه ..نظر اليها نظره راغبه ..حبيت اجول للجمر انه واحشني بس مش اكتر .،كانت عيونه تلتهمها فاشتعلت وزادت انفاسها رفع اصبعه وملس علي خدها ..جمر وطول عمرك جمر ..
دفعته وهتفت،،،بعد ايه المسخره دي ماتحترم حالك ايه جله ادبك دي .
ضحك ،،جله ادبي اني لسه عملت جله ادب ..اقترب وغمز لها ..بس اني ناوي اعمل جله ادب ماحد شافها .ابتلعت ريقها وهمت ان تتملم فوضع يده علي شفتيها .،ايه جبل ماوحشكيش كيف مانت وحشاه بس عموما نحسسه بينا شويه وانهال عليها وهيا مصعوقه كان لينا يصب عليا مشاعر صادقه تكويه من داخله كانت ترتجف من تحوله كم الحنان الذي بداخله لم تستجيب ولكنها كانت مستكينه ترتعش فابتعد ووضع راسه علي راسها ..حاسه بيا صوح ماجدرتيش تجفيلي عارفه ليه عشان زي ما جواتي بيغلي انت كمان جواتك بيغلي انت عايزه جبل اعترفي يا جمر انك عايزاني جولي .
دفعته بقهر ،،انت تحترم حالك بقه ايه المرار ده كت عابده عندك واعترف واتهبب..اوعي عندي زفت ودفعته ورحلت ..
تنهد وركن عالباب ..جلبي بيدج يا بنت الايه هبلتيني لاه البت جواتها ليا حاجه ايه اه جواتها ماني مش اهبل ويمين الله ماهعتج امها الا ماتصرخ وتجول اللي جواتها واندفع فوجدها تجلس غاضبه قاطبه وقف يتاملها بهيام ..هموت عليكي يا بنت الايه جواتي بينحر رايدك ومش بعد ماشوفت عيونك ابعد لاه دا علي موتي .. اقترب وجلس علي طرف المكتب عاطيا ظهره للباب .
همست ..جوم مكتبك بقه وارحمني.
همس ….رايداني وجلبك مولع… هتجولي رايداك ميته عشان اني مش هسيبك عيونك كت بتصرخ جوا وشفايفك جالت كل حاجه .
تحملت ووضعت راسها في الاوراق مد يده ولمس ذراعها بحنان احست بالجنون وبدات ترتجف فضحك ..هتفضلي كاتمه لميته ماهو اني ماههمدش جبل خلاص شاف عيون الجمر .
قامت الفتاه التي بالمكتب معها اقترب براسه من شعرها يستنشقه بهيام لترتعد وتحس انها لم تعد تحتمل.
هبت وقامت ودفعته فصدحت ضحكته ..وهربت منه لم تعلم اين تذهب ..دا انخبل منك لله عايز ايه عرفي اني بالعرفي .تنهدت وسمعت خطواته اتجهت للمصعد ودخلت وبدا يقفل وضع يده فارتعبت وهمت ان تخرج وقف امامها اراد ان يستفرد بها يغازلها ولكن دخل معهم بعض الاشخاص ركن هو للخلف وسهم فيها وهيا متجمده لم يستطع ان يمنع نفسه مد يده يداعب ذراعها فخبطته علي كتفه فضحك .
نظر الرجل اليه فهتف جبل ..معلش اصل السخونه بتخليني اضحك ….انفتح الباب خرج الرجل فاندفعت للخارج ظل يسير خلفها وهيا تلف في المكان ..ظلت تدور لفتره الي ان غاب عنها وقفت ترتاح بعيدا عن ملاحقته .. وده هعمل معاه ايه ..سهمت قليلا ووقفت تتذكر مداعباته .،هو هو بيعمل ليه اكده ركنت عالحائط .،ايه بيجول جواته حاجات..بطلي حاجات ايه دي رغبه وجرف وهم ..تذكرت لمساته …ومدت يدها تتلمس شفتيها ..وتذكرت كلامه ..عمركيش فكرتي قربه منك هيبقي ايه ..دمعت عيونها ..عمريش فكرت ..دانا عايشه افكر واعض علي يدي بس خلاص انت رحت واني مت يا جبل واخرتها عرفي ..اجول ايه يا رب تعبت ..وقفت تتلفت حولها وتبحث عنه بعيونها.
فسمعته يهمس ..جمري جبلك اهنه بتدوري علي ايه كت هيمانه فيا صوح اجيلك اني اهه جنبك بدل ما الحلو هيمان لوحده كت بوسه نار مش اكده …
نظرت اليه بغضب ..بطل جله ادب …انت مخبول مين دي .اللي بتفكر .
هتف ..امال كتي حاطه يدك علي شفايفك الجمر ليه ..اقترب اكثر فهتفت بغيظ ..انت انت ..وتركته ورحلت .
فضحك ..اني بتاعك من اهنه ورايح… وهتليني يا واكل جتتي هعملك اللي مايتعمل وهتليني .
تنهد وسهم وهتبقي ليا ..اطولك بس وماهتخرجيش من حضني واصل .
قطب جبينه ..ماهتخرجش هو شهر انت بتجول ايه .
هتف… اتسخمط شهر ايه انت لو طولتها هتنهبل .،لاه نكمل ايوه ماهسيبهاش اني .،تنهد ماعتش عارف حاجه اني تعبت واستدار وعاد للمكتب كان يراقبها من الزجاج ولا يكف عن مغازلتها لتقوم بغضب وتقفل الستار فلم تعد تحتمل .اني هغور وهمشي كفايه حزن اكده اني تعبت بقه هو انخبل.
شعر بالغيظ ..طب يا جمر برضه مش هسيبك .،، ..
مر الوقت دخلت عليه تعطيه بعض الاوراق
هنا سمعا طرقا عالباب لتدخل السكرتيره الاخري ..فيه حد بره عايز يجابلك .
هتف .،مين ده .
هتفت ..سليم المرغني .
قطبت هيا جبينها سليم …ماجالش انه جاي .
هنا اشتعل ونظر اليها .،مين..سليم مين ..سليم وماجالش ماجالش ايه ..سليم ..سهم قليلا ..توقف قلبه ….هاج مره واحده .. جصدك سليم ابن العمده .(الواد هيفطس 😁).
صرخ ..جاي ليه ويعني ايه ماجالش انه جاي نهارك طين انت بتجابليه يا مري انت هتحلجي علي رجاله البلد اجتلك دلوك . كلمتيه ميته والا كتي بتكلميه وجاي ليه وبيسال عليكي ليه انطجي من ميته بتشوفيه…كان كالمجذوب ..سليم ابن العمده بره بيسال عليكي ليه يادي المرار هو اني لحجت اني … .عرفان مره وسليم مره طب ماني اهه ماتاخديني معاهم ..
(خديه الزوحليقه 😆😆😆)
نظرت اليه بغلب احست ان عقله انتهي ….،جبل بدعيلك ربنا يشفيك انت حالتك بقت مرار. واستدارت وخرجت .
وجدت سليم ابتسمت له ..ماجولتش انك جاي .
هتف .،لاه جولتلك ان حابب اتعامل مع شركتكو .،هو انت بتشتغلي مع جبل اول مره اعرف .
ابتسمت .،اهو نصيب..
اقترب سليم ونظر اليها بشوق .،نصيب .،والنصيب بيلاجي نصيبه ويروح منه ويرجع ياخده اني متوكد اني هاخده ..
هنا سمع صوت جبل الغاضب…
ماهي كت ناقصاك ..😁😁😁👊👊👊👊يلا كان طيب وعبيط ..😁😁😁