رواية لعنة اختي والعقرب الفصل السابع 7 بقلم منة محمد
رواية لعنة اختي والعقرب البارت السابع
رواية لعنة اختي والعقرب الجزء السابع
رواية لعنة اختي والعقرب الحلقة السابعة
جميله زقت الباب وسمت بالله ودخلت
اسير وقف: دي جميله مراتي
الكل قاموا وقفوا كأن عقرب لدعهم
رباب بصدمه: انت قلت انك مش هتخذلني , لكن لما لقيت فرصه اثبت فيها انك ابن مراه ابويا
اسبر بدفاع: محصلش حاجه مقصوده قصدي كان امر طارئ وبس
خيريه بنرفزه وغضب: اسير لما عايز تعمل كده ليه عملت الفيلم ده كله
اسير: يماه معملتش حاجه انا ساعدت واحده في موقف
عادل بحزم: هايل اتجوزت بأسم المساعده ونسيت اختي, قولي لو انا الي عملت كده, يله ياماما
اسير: ياعادل استني نقعد ونتكلم
عادل: اي كلام اسمعه ,حقيقي احترامكم في قلوبنا كان غلط,, احنا بنلغي العلاقه دي
ام عادل بحتقار: يله ياعادل كفايه تمثيل علينا ,كويس اانا عرفناكم ع حقيقتكم انكم عالم رخيصه اوي كنت هدمر حياه بنتي
اسير برجاء: ياخالتي اسمعيني, اختي ملهاش ذنب ,مغلطتش بلاش تعاقبيها
عادل بنفعال :احنا الي اتعاقبنا اننا وثقنا في ناس زيكم يله يا ماما
اسير بيجري وراه: عادل استني بس رايح فين
رباب جات من وراه وشدته بعنف: انت قلت انك مش هترجع في كلامك, بس ظهرت ع حقيقتك وعرفت انك مش اخويا شقيقي وان فعلا امنا مش واحده
اسير :يارباب استني واسمعيني
رباب عيطت وجريت ع اوضتها منهاره
اسير راح واارها :رباب اديني فرصه ابرللك بيت جميله قدام الدكان
رباب قطعته بحقد: مش دي البنت الي بدئت تحبها
اسير :ايوه هي
رباب ببكاءد: حبيبي مسك ايدي بس وابوك ضربه , وطرده من البيت وعمل حادثه عربيه ومات ,والنهارده دفنت نخوتك وغيرتك لما هربت مع بنت
اسير: انا مهربتش معاها اتجوزتها وده له سبب
رباب: السبب ان قلبك فيه ضغينه من الاول , انت مكنتش عايز تتجوز عشان كدا روحت لحمو الدكان , وعملت حكايه عشان تنتقم اني اخدت منك دكان ابويا
اسير بصدق: رباب انتي غلطانه حياتي فداكي
رباب مسكت ايده :كدا تعالي معايا وهتعمل الي اقولك عليه
اسير: رباب استني
………….قصص منه محمد كاتب…………
خيريه بصت لجميله: انتي جنسك ايه اهلك نوعهم ايه باعتين بنتهم في الضلمه البنات الي بيتجوزه في الليل بيخبوا مصايبهم وايدك فاضيه انتي بنت ناس ليكي اهل اصلا
جميله: ملكيش الحق تهيني شخصيتي الحاره كلها شاهده ع الجوازه
خيريه: وقعتي ابني البريئ في جمالك كان بيجري ع صوت واحد مني عملتي فيه ايه اليوم بسببك قتل امنيتي
جميله: انا مضحكتش ع ابنك , لومي ابنك هو استغل ضعفي
خيريه: الضعفاء بيموتوا نفسهم عشان احترامهم, لكن انتي عينك منزلتش حتي دمعه واحده واضح انك كنتي مستعده تتفرجي ع الي حصل
جميله: الي اتحرقت كل احلامهم مش بيظهروا دموعهم للعالم هو بيبقي جاهز لكل امر
خيريه قعدت تعيط: اه ياحرقه قلبي
رباب سحبته من ايده قدام جميله: قلت مستعد تضحي بحياتك عشاني نفذ وطلقها وابعتها لبيت اهلها او ارميها في ملجاء
اسير اتعصب: لو قلتي كلمه كمان حدود صبري هتخلص
رباب بنرفزه وغضب : لما يموت الحب القلب بيتأذي , وانا مت في كل لحظه بسببك انت قاتل, قتلت حبيبي وقتلت سعادتي
خيريه بزعيق وغضب اسود: امشي من هنا , مش عايزه اشوف وشك, قمت بواجب الابن الوحيد بجد جبت بنت من الشارع واتجوزتها وخلتها مراه ابني غور من هنا
اسير :اماااه اسكتي
خيريه بصتله ودخلت اوضتها وهو دخل وراها ووقف
خيريه: كنت دايما عايزني انا واختك نعيش في سلام, والنهارده وقفت زي الجدار قدام سعادتها قلت هتمشي وهشوف نور الشمس ومن بكره الصبح هطلع افرق حاجه حلوه ع الشارع واقولهم شوفه ابني ضحاه بسعادته عشان اخته مفكرش في سعادته لحد ما تتم خطوبه اخته او تتجوز وشوف انت عملت ايه
اسير :عملت, و واقف قدامك عاقبيني
خيريه اتكت ع اسنانها بغيظ: انت الي عاقبتنا اتجوزت حته بت سافله في الضلمه
اسير بضيق :هي مش سافله
خيريه: الواحده الي مقدمهاش حد ولا وراها تبقي سافله
اسير: جميله بنت كويسه واخلاقها عاليه كانت هتتجوز واتلغت وانا اتجوزتها والا كانوا اهل خطيبها هانونها قدام الحاره كلها
خيريه: بجد انت مهتم اوي كده بالبت الرخيصه دي وامك الارمله مفكرتش حتي فيها كنت قادر تتصل قبل ما تاخد الخطوه المهمه دي كنت قادر تقولنا مش كده انا عملت اكل يما واشتريت حلويات وجبت هديه لخطيبتك وانت دمرت كل حاجه
اسير ايو انا دمرت ومش فاهم اعمل ايه اقف وانقذ حبي ولا ارجع البيت ,احافظ ع سمعه جميله , ولا احافظ ع جوازه اختي , ولو وقفت زي الجبان وبتفرج هلوم نفسي طول حياتي عملت الي علمتهولي اني اضحي بحياتي ومخسرش الاحترام
خيريه: بس قولتلك كمان لو البنت مش بنت ناس مش هتكلم معاها قلت ولا مقولتش
اسير لقاه النقاش معاهم مش هيجيب نتيجه اخد بعضه وخرج لجميله
………….قصص منه محمد كاتب……………
اسير قرب عليها: تشربي ميه
جميله: لاء
اسير بأصرار: هجبلك كوبايه
جميله: مش عايزه
اسير: الجمل بس هو الي بيقدر يعيش من غير ميه اشربي هجبلك
جميله بشخط :قلت مش هشرب اروح فين دلوقت, اروح فين انت سحبت الارض من تحت رجلي كنت بطل عظيم دفعت التمن وفكرت انك اخدت كل حاجه , الرجاله الي زيك يقدرو يشتروا البنت بس
اسير بصلها بهدوء: جميله الي بنشوفه مش دايما بيكون الحقيقه
جميله ربعت ايدها وبتهكم: والله والي يحصل في بيتك خيال شوفت وشك الحقيقي طالما مش هتلاقي لي مكان ليه بوظت حياتي , وانت واقف ولا القطه المبلوله
اسير :متقوليش كده عشت طول حياتي زي الاسد , بس ده اول يوم ليك في البيت بتصرف بهدوء وبحاول اصلح الامور اديني فرصه ومهمتي اني اخلق مكان ليك في البيت
جميله :مستحيل تفرض حد ملوش مكان
اسير :ازاي حكمتي واخدتي القرار انا رفعت راسك لفوق لانك ملكه قلبي
جميله: الملكه بيحطوا تاج ع دماغها مش بينزلوها من ع العرش
اسير: اوعدك اصلح كل حاجه الوقت اتاخر ( بيمكسها) تعالي
جميله ضربت ايده :اياك تلمسني اياك ,عد ما دفعت التمن متفكرش اني بقيت ملكك
اسير بنرفزه وغيط :بلاش تكرري كلمه التمن كل شويه
جميله :ليه بتزعجك اوي بس بفكرك انك تاجر شاطر قررت تشتريني بـ1000 الف قدام الناس
اسير اتنهد:لان دي الطريقه الوحيده الي نوقف بيها سعيد وابنه قدام الناس, تعالي اوريكي اوضتك
جميله بعد دقايق دخلت وراه ووقفت ع عتبه الباب
اسير شاورلها :تعالي دي اوضتي اعتبريها اوضتك من اليوم
جميله وزعت عيونها ع الغرفه وقالت: مفيش اوضه تانيه
اسير :ده مش قصر ده بيت صغير شايفه مشكله في اوضتي
جميله :ايوه اكبر مشكله ان اثرك فيها
اسير ماشي واسف جدا مقدرش اعمل حاجه بخصوص ده ماهي اوضتي اكيد اثري فيها
جميله :متفتكرش انك ملكتني انا انجبرت اتجوزك فاهم
اسير: اليوم هديلك فرصه تتكلمي قولي الي نفسك فيه عارفه ليه لان دي بدايه حياه جديده ليكي
جميله: انت غلطان دمرت حياتي في ليله , مش هسيبك تتهنمي دقيقه واحده , اي نعم انت راجل وكل تفكيرك بيبقي محصور ازاي تطول البنت
اسير بصدق: لو اخدتها عن حب هبقي عارف قيمتها وهحترمها واحطها في عيوني الدولاب فيه درفه بتتفتح بصعوبه خدي ملايا وفوطه دول اول استعمال جداد لتفكري ريحتي فيهم هما كمان
جميله: انا فقيره بس مش لدرجه مجبش الحاجات الي هستخدمها
اسير رفع حاجب: بجد ماشي لما تخلص الحاجات الي جبتيهم من بيتكم استعملي دول ,ولا اقولك سبيهم تحبي تاكلي
جميله :اكل انا فعلا اكلت اتهام امك , وسخريه اختك واهانتهم , روت عطشي ع الاخر
اسير بهدوء: شوفي ياجميله اي ان كانت ظروف جوزنا احنا خلاص اتجوزنا ,ودلوقت لازم نمش سوي وصدقيني قريب هصلح كل حاجه
جميله بعنجهيه وكبر: عايزه استريح
اسير راح جاب كوبايه ميه :اشربيها
جميله :مش عايزه
اسير :اشربي
جميله :مش عايزه
اسير بشخط: بقولك اشربي
جميله بصراخ: مش هشرب مش بتفهم (غرقته بالكوبايه) امشي من هنا
اسير طوح كوبايه الميه واخد غيار ودخل الحمام وجميله نفخت بزهق وهو طلع بصلها واخد بعضه ينام فوق السطوح
…………..قصص منه محمد كاتب…………..
يوم جديد ذكي دخل المطبخ يعمل كوبايه شاي وطوح المعلقه سمع الموبيل بيرن
ذكي: ايوه ياجميله
جميله بدموع: بابا عايزه ارجع البيت قلتلي اتجوزي واتجوزت لكن لا يمكن افضل هنا
ذكي: انتي اتهبلتي الجواز مش لعبه
جميله: عارف ان جواز اسير واخته كان بالبدل واتفركشت بسببي واهله بيكرهوني ومش طايقين يشفوني مليش مكان هنا
ذكي: وملكيش مكان عندي هنا قصدي يعني لو رجعتي هنا الناس هتتكلم وهيقوله كلام طالع نازل ويلسنه ع تربيتي وشايفين الاب معرفش يربي بنته ومتحملتش يوم واحد في بيت جوزها
جميله ببكاء: البيت الي صعب اقعد فيه ليله واحده ,وانت بتتكلم عن عمر اعيشه هنا ,انا هنا بتخنق بموت
ذكي: ليه اسلوبك زي امك متصعبيش حياتي معاكي
جميله: اسمعني ارجوك
ذكي :انتي الي تسمعي انا مقدرتش اجهزك زي البنات ,عشان اعززك قدام اهل جوزها ,اسير خلاني عاجز اساسا ,وااخدك قصاد المبلغ دلوقت كل الي بيحصل ومهما عمله لازم تتحمليهم والا انتي عارفه ايه الي هيحصل ابوكي هيقعد في الشارع وهبيع الدكان والبيت (مثل) الو جميله مش سامعك الو
جميله: بابا استني
ذكي قفل السكه: ايه حكايتها الجديده ده ايمن كان بيهددني بالفلوس ويهني وجميله صدقت ان ابوها هيموت نفسه واسير صدق اني استسلمت لكن محدش يعرف ان التاجر غير قناعه لما اتغير الطريق
اثناء لعبه بالفلوس الـ30 الف الي اخدهم من اسير سمع خبط ع الباب
ذكي انزعج: مين الي جاي(خباه الفلوس) انا جاي انت هتكسر الباب
الي ع الباب خبط اكتر وذكي زعق فيه وفتح لقاه ايمن قدامه
ذكي برق عيونه بخوف: هو انت
ايمن زقه ودخل وسحبه: تعال فكرت ايه ياعمي هدخل القسم ومش هخرج منه تاني
ذكي: ده بيتك
ايمن بحده: اسكت اقف ساكت بص كويس ده توقعيك 30 الف دين عفيت عنك في مقابل سبعين الف كمان وتجوزني جميله
ذكي قرب من الورقه بمكر: وريني اه توقيعي بص وراك
ايمن بص وراه وذكي قطع الورقه بسرعه وايمن انفعل عليه: عملت ايه رجل قذر عملت ايه بتغشني انا هدمرك
ذكي: ليه هتضربني انا ميت فعلا اسير دفع الفلوس واخد بنتي
ايمن: ايه الهبل ده جميله خطيبتي اخدها فين
ذكي: كانت خطيبتك وانت دخلت القسم واهل الحاره بقوا اعدائي فكتبوا كتابهم
ايمن بصدمه: كتبوا كتابهم انت ابوها ازاي تسيب الجوازه تتم
ذكي: انا اب مش مصارع وانت دخلت القسم كانت خطيبتك وهتتجوزها قريب بس انت استعجلت واتاذيت كمان ووقعت نفسك في مشكله
ايمن مسكه من رقبته بغل: مش هسيبك
ذكي مثل الخوف: اسلخ جلدي واعمل منه جزمه مش هتاخد حاجه مني محلتيش اللضا, انتقم من اسير
ايمن: اكيد هسلخ جلدك(زقه وحدفه ) اسير مش هسيبك
ذكي قام بسرعه قفل الباب وراه بعد ما خرج وقال: ايه المشاكل الكتير دي
………….قصص منه محمد كاتب…………….
خيريه: روحي خرجيها
رباب طلعت تهبد ع بابا جميله: افتحي الباب
خيريه: افتحي الزفت واخرجي هنا
جميله لقت نفسها بتتسحب عيونها وسعت بدهشه : بتعملوا ايه
خيريه : خرجيها وهجيب هدومها انا اسير يجيب لي بلوه
رباب بتزق جميله من ع السلم: هنا مش ملجاء ده بيتي , بيت ابويا ,ملكيش مكان فيه ,يله امشي من هنا
خيريه حدفت الشنطه: امشي وخدي هلاهيلك معاكي
رباب: انتي حرمتيني من سعادتي مش هتحملك ثانيه
خيريه: اطرديها بره
اسير نزل يجري ع السلم: انتي مش بتتكسفي يارباب انتي وامي انتم ستات ومع ذلك ترفعوا غطاء الامان والسقف من فوق راس ست تانيه
خيريه” اسكت لان انا بعرفها مقامها كفايه سبتها يوم هنا مش هتفضل طول حياتها اطردها
اسبر: دي مراتي واتجوزتها برغبه مني وجبتها البيت
رباب: انت مش مكسوف ع دمك , دمرت حياتي وفرحان بحياتك
اسير زعق فيها: انتي الي معتبره حظك السيئ انتقام ,خلوني اشوف مين فيكم هيتجرء يخرج جميله من البيت
خيريه: انا هخرجها انا صاحبه البيت ده بيتي مقدرش اتحملها هنا مشيها
اسير رفع الشنطه من ع الارض: ماشي لو خرجت جميله من البيت انا كمان خارج مع السلامه
خيريه مسكته: اسير ايه الي حصلك بقيت لعبه مراتك في يوم واحد نسيت حب امك نسيت سهري طول السنين
اسير بنفعال: منستش حاجه انا بفكرك ان جميله مراتي وده بيتها
رباب بحقد: ده مش بيتها , معرفش جبتها من انهي داهيه ,وهي شكلها لا ليها اهل ولا من الشارع بعتوها بشنطه هدومها
اسير رفع السبابه بتحذير: اسكتي يارباب اسكتي
رباب لاء بقي هكمل البت الي جايه من غير جهاز تبقي رخيصه وسمعتها بطاله
جميله صرخت فيها: قبل ما تتهميني في اخلاقي , كنتي ربيتي اخوكي كويس كان احسن
اسير بصلها وشدها ودخلها وقفل عليها الباب ونزل يجبلها فطار وطالع لقاها ماشيه
اسير : رايحه فين جبتلك فطار
جميله : كله انت واحتفل بالاهانه, احتفل انك قطمت رقبتي قدامك همش لـ اي مكان ارض الله واسعه
اسير مسك ايدها بقوه: تعالي جوه دلوقت
جميله بنفعال وغضب: سيب ايدي ايدك جامده بتوجعني
اسير بصوت مخنوق: كلامك بيوجعني , وانا محترم وطالما جيبتك زوجه ليا هنا فممكن اخليكي بطريقه محترمه
جميله بسخريه: اي زوجه واي حترام انت غشاش وخداع انا مكنتش اعرف لكن انت كنت عارف ان محدش منهم هيقبلني في بيتك وكنت عارف ان جواز اختك بالتبادل مع جوازك ورغم كل ده انت حقير لدرجه دمرت حياه تلات اشخاص عشان ترضي رجولتك دمرت حياتي وحياه اختك والبنت الي كنت هتتجوزها
اسير: ايوه انا حقير وقذر متوقعه من بلطجي وتاجر رخيص ايه , انا مش محترم في نظرك لدرجه روحت اجبلك لقمه بالليل تاكليها لقيتك قفلتي الباب بالمفتاح ومفكرتيش ان دي اوضتي وفيها كل حاجاتي الي بحتجلها
جميله: الي مش بنحبهم لا يمكن نثق فيهم , مش ده كلامك فاكر, وانا ماشيه واستعمل اوضتك زي ماتحب
اسير شدها بغيظ وهي صرخت من الالم
اسير بنرفزه: انتي مراتي ومش هتمشي
جميله بحمقه : الجواز علاقه حب وثقه ومفيش حاجه من الاتنين ما بينا
اسير مسك اعصابه واتنهد بقهره: شوفي ياجميله لو عطيتي فرصه للعلاقه الي بينا ممكن تتحسن
جميله قربت عليه بحقد: بكرهك كتير لدرجه لا يمكن تتخيلها , ابويا قفل عليا الباب لانك اغريته بالفلوس عارف كنت بكرهك الاول من شكلك وتصرفاتك لكن النهارده مفيش فرق بين السماء والارض بالنسبه لي مفيش اسوء منك انت وحش طلبت تساعدني لكن انت انتهازي استغليت ضعفي
جميله نزلت وبتفتح باب المدخل واسير نزل وراها وهبد الباب وخطف من ايدها الشنطه
جميله: سيب الشنطه
اسير بوش جامد: الاول جاوبي ع سؤالي وبعدها امشي , انتي لما كنتي عارفه اني انتهازي ليه طلبتي مساعدتي
جميله: كنت خايفه ولقيتك انت الي قدامي
اسير: ولما طلبت منك قدام المأذون لو مش عايزه تتجوزيني قلت لك ارفض ليه مرفضتيش
جميله: النفس الاخير الي بيحتاجه الغريق للنجاه انا اخدته وقولتلك اني اتجوزتك لاني عاجزه ولو ابويا مش خايف ع سمعته كنت رفضتك ومستحيل اوافق بس انت شطحت بخيالك وقلت تستغل الفرصه او تكون بينا علاقه زوج وزوجه
اسير بخنقه : مش بتتعبي تظهريلي كرهك
جميله :اسمع خليني امشي لو سمحت ولو خايف ع احترامك طلقني
اسير رفع ايده يضربها :جمييييله
جميله اتعصبت: اضرب, يله اضرب , انتم كدا الرجاله واخدين ان الرجوله بمد الايد اضرب
اسير: في عيلتنا مهما حصل مش بنطلق ,ولو مفيش علاقه زوج وزوجه ممكن يبقي فيه علاقه العبد والسيد ,نفذي الي اقولك عليه ,مفكره اني دفعت تمنك هقول حاجه الشئ الي بتشتريه بنحتفظ بيه مش بنرميه في الشارع ,وانتي هتفضلي هنا ع اي وضع, ولو عايزه تمشي ادفع لي ميه الف وامشي ( شدها من درعها بيجري بيها ع السلم) يله تعالي
جميله بتحاول تتحرر منه: سيب ايدي يامعتوه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
