رواية زوجتي الجريئه الفصل الخامس عشر 15 بقلم منة محمد
رواية زوجتي الجريئه الجزء الخامس عشر
رواية زوجتي الجريئه البارت الخامس عشر
رواية زوجتي الجريئه الحلقة الخامسة عشر
يوم جديد في بيت عائله رشا قربت عليه بطبق كيكه
يحيي: ها عملتنا ايه احسن انا واقع من الجوع
ريشه بمرح: اطمن يا حبيبي معملتش اي حاجه
يحيي: نعم امال هنفطر ايه
ريشه: هنفطر كيكه اصل انا نفسي فيها اوي
يحيي بص لمحتوي الطبق وقال: كيكه بالشكولاته ع الصبح كده
ريشه: ايوه تحب قطعه صغيره منها
يحيي: اوكيه
يحيي بدء ياكل وريشه منتظره يبدي رايه وسألته: ها حلوه
يحيي ابتسم: ايوه جدا بس بحبها بالكريمه
ريشه: وانا بحبها بالبطيخ والاناناس
يحيي ابتسم بتهكم : قلبي يا ناس
ريشه بمرح : لاء كده هنقطع ع بعض وهندخل ع شغل بعض
يحيي: والنبي ما تحسسنيش اني متجوز نقاش
ريشه: مالهم النقاشين بقي
يحيي: اجدع ناس يا اسطي
ريشه ضحكت وبمغازله: حبيبي تعرف الفرق بينك وبين كيكه الشوكلاته ايه؟
يحيي بصلها: ايه
ريشه: طعم الشوكولاته لذيذ بس انت الذ في عيني ( ضحكت لما جالها مسدج
يحيي بفضول: مين ده
ريشه: ده مش مهم الي قدامي هو الاهم خليني ائكلك
يحيي كشر: مفيش داعي قادر ائكل نفسي
دلال قربت: ها الكيكه طعمها حلو
يحيي: لذيذه يا طنط انتي هايله انك علمتي رشا
دلال ضمت حواجبها: بس لا عميلي ولا عمايل رشا دي جابها امجد حلوه مش كده
وجدي بحماس: حطيلي حته يادلال يحيي بيقول انها حلوه عايز ادوقها انا كمان
دلال : حاضر عارف يا يحيي كيكه الشكولاته رشا بتعشقها عشان كدا جابها امجد
وجدي: خلاص كفايه خلينا ناكل
…………………قصص منه محمد كاتب………………
في الشركه
يحيي: خلاص بيقت متأكد انها تعرف رجاله كتير غيري قبل كده طبعا ماهي منحله وجريئه مش بتتكسف والله اعلم وصلت معاهم لفين
حاتم مسح وشه بأيده: أستغفر الله يحيي هو انت بتحب تفكر في مراتك بشكل مسيئ عارف عدد الرجاله الي نفسهم في زوجه زيها بس انت بجد مختلف وبعدين هو انت تقصد انك لسه ملمستهاش
يحيي ارتبك في قعدته وقال: انا
حاتم بترقب: انت ايه؟
يحيي: وعدت توتا
حاتم ضرب ايده في بعض: لا الله الا الله يابني عندك زوجه جميله جدا وكل همها تهتم بيك وتراعيك بس انت محتفظ بيها في البيت ناوي تخللها
يحيي: انا مكنتش عايز اتجوزها
حاتم: مكنتش عايز تتجوزها بس خلاص اتجوزتها وحصل الي حصل انت مدرك ان حرام تهجرها في الفراش ليه مصمم تعصي اوامر الله ومفكر انه هيكافئك بالبساطه دي اتقي الله ياصاحبي لانك هتتحاسب وبنصحك متخليش ريشه تدور عن الحب مع راجل تاني في يوم وانت الي هتعاني وتزعل ومين الي هيقع عليه الذنب انت
يحيي بنزعاج: امممم
حاتم قلده بغيظ: امممم اسمعني
يحيي: انا سامع
حاتم : انت كبير لكن مش قادر تفكر في عواقب الامر
………………قصص منه محمد كاتب………………….
ريشه وهي رايحه في اتجاه الباب: مامي فين بابي؟
دلال: ابوكي راح الشركه عشان كدا خليكي معايا النهارده
ريشه: ماشي اتفرج عليكي وانتي في الاجتماع
امجد الإبتسامه ماليه وشه : مساء الخير يا شربتات
دلال: امجد ليه جاي بدري فاضي موركش حاجه
امجد ابتسم : ايوه قلبي ريشه ماسكه فيه
دلال: الست الي هتكون شريكه حياتك ربنا بيحبها عشان هيكفئها بيك
ريشه بتأيد: فعلا بس من فضلك اتعلم شويه تبقي رومانسي يعني قولها كلام يأثر عليها مش كدا يا مامي
دلال: فعلا امجد احنا كنا ماشين عندي اجتماع في اداره النادي
امجد: انا جيت اتكلم مع رشا في امر مهم
دلال: بجد في الحاله دي هروح لوحدي
امجد: بعد ما نخلص كلامنا ممكن اخدها اوصلها لحد البيت لو معندهاش مانع
ريشه: طبعا وصلني وهبلغ يحيي ان امجد هيوصلني البيت
دلال: تمام يله تشاو
ريشه سلمت عليها هي وامجد وطلعت اتحركت بالعربيه
امجد بصلها وع وشه إبتسامه : يله نقعد
ريشه: اه تعال
امجد بص للشغاله: ها يا حبيبتي الكيكه كانت حلوه
الشغاله ابتسمت: كانت تحفه يا امجد بيه
ريشه بضحكه: متتغشيش فيه هو بيقول لـ اي واحده يا حبيبتي
امجد: طبعا انتي مش عرفاني حبي للجميع في كفه وانتي في كفه لانك هبله في نفسك ومش عارفه حاجه
الشغاله ضحكت: يله اشربوا القهوه قبل ما تبرد عندي شغل كتير
امجد : ربنا معاكي يا حجا ام ابراهيم
ريشه نغزته في كتفه : قبل ما انسي مبروك ع مشروعك الجديد مع بابي
امجد: باركيلي مره تانيه
ريشه: مبررروك
امجد: شكرا بس انا جيت هنا اتكلم معاكي في حاجه تانيه
ريشه بحماس: ياتري فيه مفاجأه سبني اخمن خلاص ناويت تتجوز
امجد ضحك : لاء
ريشه : طب قول بسرعه خلتني متحمسه بسرعه
امجد ضحك ع شكالها المتحمس : تمام تمام انتي عارفه ان يحيي له حبيبه مش كده
ريشه بصت له باستغراب ووشها اتغير: وانت عرفت ازاي؟
امجد بهدوء: فاكره يوم ما تعبتي لما قابلتي والدك شوفتهم سوي
ريشه برجاء:امجد من فضلك متقولش لمامي ولا حتي بابي ارجوك خليه بينا سر
امجد :ايه حكايتك ليه بتحبي تعذبي نفسك حبي الي يحبك مش الشخص الي تحبيه وهو مش بيحبك ليه بتعملي كده في نفسك والاهم انا عارف اخلاق توتا دي كويس
……………………………………………
في بيت عائله يحيي
هاله بصدمه: مين ريشه
خديجه: ايوه ابوكي عايزنا نراقب سلوكها وتصرفاتها
هاله:بس اكيد فيه سبب عشان بابا يطلب طلب زي ده وانا عايزه اعرفه
خديجه نفخت بضجر: يا ربي راقبيها وخلاص شوفيها بتعمل ايه وبتتصرف ازاي واوعي تخليها تلاحظ انك حاطه عينك عليها فاهمه
هاله: يعني هشتغل جاسوسه بس هتجسس ع ايه في بنت كويسه زي ريشه
خديجه بتنهيده: ده متعلق بالشئ الي ابوكي بيفضل يتكلم عنه كل شويه واياك تقولي لحد
هاله : حاضر
……………..قصص منه محمد كاتب……………………
في المطبخ واقفه تغسل المواعين
يحيي قرب ليها: رشا كنت عايز اعتذرلك لاني دايما بتكلم معاكي بقسوه ومصدر الوش الخشب بس اوعدك من هنا ورايح هتكلم معاكي بلطف وادب اوعدك
ريشه: عجبني انك تتغير للافضل واتمني جوزنا يستمر للابد ونجيب اطفال ونشوف احفادنا
يحيي: بتقولي كده زي ما يكون بتحبيني وعايزه تفضلي لـ اخر عمرك معايا
ريشه بصتله وكشرت: انا فعلا بحبك ليه صعب عليك تصدق
يحيي: ريشه انتي فعلا مضحكه جدا مفيش داعي تظهري قدامي عارف انك بتخدعيني لكن اسف ممكن تحاولي المره الجايه ربما تبقي مقنعه اكتر
ريشه لنفسها: مهما حصل الراجل ده مش عايز يصدق ابدا اني بحبه ليه
يحيي: ع كلا محاوله كويسه يا مراتي الجميله
ريشه: فعلا فهمتني
يحيي حس بغضب جواه وقلبه اتعصر وابتسم غصب وقال: شوفتي قولتلك الحب مختلف لكن ميصحش نلعب بكلام الحب ( حط ع انفها رغوه صابون) انتي شقيه ومعجبه بواحد تاني مش كده
ريشه سابته وطلعت قعدت بره وفتحت الموبيل وحطت الهاند فري واتكلمت: تخيلي يا نيلي يحيي مش مصدق ابدا اني بحبه ومصدق توتا رغم هي الي بتخدعه وبتضحك عليه
نيلي: لما نواجهه مشكله مفيش داعي نتسرع نوصل للنتيجه لازم نصبر لاننا محتاجين وقت لان الحقيقه هتظهر مهما استخبت
ريشه: اعمل ايه عشان اخليه يصدق اني بعشقه مش بس بحبه لو اتجرئت عليه بيقول عني جرئيه ووقحه
يحي: رشا بتعملي ايه
ريشه خافت وقلعت السماعه ولفت بصتله: هوانت مش كنت بتعمل قهوه في المطبخ
يحيي: عملتها وشربتها بتتكلمي مع مين
ريشه برتباك : مش بتكلم مع حد كنت بسمع اغنيه تحب تسمعها
يحيي بشك: لا عايز انام اعملي حسابك رايحين بكره عند امي
ريشه: تمام
……………………………………….
في منزل عائله يحيي تحديدا ع السفره
ريشه: بجد المكرونه الي بتعمليها يا ماما خديجه طعمها يجنن بشكل مش كده يا يحيي
يحيي: رشا متتكلميش اثناء الاكل
ريشه: يعني مقدرش اعبر عن رأي واقولها تسلم ايدها
علام خبط ع السفره بغضب وقال: لان اللاسره دي ليها قوانين ممنوع الكلام ع الاكل لو كنتي عايزه تعبري وتتكلمي اعملي اجتماع عائلي لكن مش هنا يحيي مقلكيش
ريشه: بس المنطقي ان الوقت العائلي هو افضل وقت نشارك فيه راينا او مشاكلنا مش كده
يحيي بحزم: رشا
علام حدف الشوكه وقام زعق فيها : انتي مش مؤدبه ومحدش رباكي ابدآ
يحيي اتعصب : ده بيت ابويا وهنا عندنا قواعد ثابته متقارنيش اهلك بأهلي مفهوم
إرتجفت من زعيقه وصوتع العالي ودموعها تهدد بالنزول من الصدمه والاهانه
يحيي شخط فيها: ردي مفهوم
ريشه قامت بسرعه ودخلت الحمام وانهارت في البكاء وكلمت نيلي: ليه فجأه بابا علام بدء يكرهني بس مينفعش اسيب يحيي في الوقت الحالي توتا تلعب بيه هيحصل ايه لو انسحبت هيقدر يواجهه كل ده قلبي بيوجعني اوي لما اتخيل انها ممكن تاخده مني بعد كل الحب ده انا عارفه ان الطريق من الاول غلط بس مجبره اكمل وادفع تمن غلطتي بهدوء مع نفسي عشان محدش اجبرني احبه وللسبب ده هستحمل واعدي كل ده من غير ما ازعل حد مني
………………………
حاتم: ايه الي انت عملته ده انا مش موافق ع الطريقه الي اهنت فيها مراتك قدامنا وبعدين كنت لازم تراعي ان ليها اسلوب في تربيتها مختلف عننا
يحيي قال بغضب : وهي زودتها زياده عن اللزوم ونسيت حدودها ازاي قدرت ترد ع بابا ده ابويا مستني مني اقعد ساكت وهي المفروض تقدر لولا ابويا مكنتش هتبقي مراتي ولا هتدخل البيت هنا
حاتم اتغاظ منه : مظبوط بس مش شايف ان رده فعلك مبالغه رغم هي عاديه , احنا عيلتنا الي مش طبيعيه
يحيي بنفعال: عايز تقول ان بابا زودها عن حده
حاتم اتنهد بعمق: مش ده الي اقصده بس انت عارف غرورك وغرور ابوك هما نفس الشئ اكبر من دماغكم
يحيي نطقت الغيره من عيونه : حاتم انا بجد مش فاهم سبب دعمك لرشا الكتير قولي ليه واقف دايما في صفها
حاتم: اسمع انا مش بدعم حد انا عايزك تفهم احنا ولاد خاله واصحاب من سنين طويله مظبوط بتفضل تقول انك بتكرهها لكن قلبك الوحيد انت الي تعرفه اوزن الامور قبل ما تبهوق منك يا صاحبي وتضيعها بغيائك واسلوبك
حاتم سابه وقام ويحيي ضم راسه بإيديه لانه خايف ليكون في حياتها شخص تاني وهنا وقع قلبه من الخوف
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
