رواية نسمة حائرة الفصل التاسع عشر 19 بقلم سحر السحرتي
رواية نسمة حائرة الجزء التاسع عشر
رواية نسمة حائرة البارت التاسع عشر
رواية نسمة حائرة الحلقة التاسعة عشر
فارس:خير يا دكتور
الدكتور:المدام بتدلع بس
*نسمة بكل غيظ تكاد تضرب الطبيب
:بدلع ازاي وانا اغمى على وتعبانة قوي
الدكتور:دلع اول حمل شويه وهتتعودي
*امسك فارس يد نسمة وقبلها:مش مصدق اللي بسمعه
نسمة :نعم انا سمعت كويس حمل اللي هو ازاي
الدكتور:هو انت مش متجوزة بقالك حوالي ٣ سنين وجوزك منتظم على العلاج مبروك بس لازم تاكلي كويس انت بتاكلي دلوقتي لاتنين
فارس :سامعة لازم تاكلي كويس انت والبيبي اتنين مش تاكلي لنفسك بس
الدكتور:لا بتاكل لاتنين جنين
نسمة :نعم هو انا كنت بريح السنين دى عشان اخد العلقة الكبيرة اتنين ازاي انا عاوزة واحد بس انا مقدرش على الفرهدة دي
فارس:انت هتعترضي احنا كنا لاقين احمدي ربنا
:الحمد لله بس لا صحتي ولا لياقتي تقدر عليهم دي بسمة مجننة ليلى وسولي مجنن لين هقدر انا على اتنين ازاي
:ما تقلقيش يا حبيبتي انا عمري سبتك انا هساعدك
:انت بتقول كدة بس وقت الجد هتقول يا فكيك ومش هشوف وشك
*كتم فارس ضحكته حتى لا تتعصب اكثر
الدكتور :انت محتاجه الفترة الاولى تنامي على ظهرك والحركة كثير مش كويسة عشانك
فارس :حاضر انا هريحها على الاخر
نسمة :الجملة دي اخر مرة اتقالت من ريا وسكينة عاااا
*ضحك فارس والدكتور على صدمتها
*فرح فارس جدا وقبلها من راسها وحضنها وعادا الى المنزل
:عايزك تريحي نفسك من بكره مفيش شغل في الشركة والبيت
:طب الشركة ممكن اشتغل من البيت انما شغل البيت والطبيخ مين هيعمله
:انا ممكن اطبخ و نشوف واحده تنظف ما انت كنتي بتجيبي واحده مرة كل اسبوع نجيبها ٣ ايام
:وانت بتعرف تطبخ من اين بقى ولة هتجرب فيا
:مش كنت قاعد بارة واوقات بطبخ
:يعني متجوزين بقالنا ٣ سنين ومادوقتش منك صوباع كفتة حتى ومخليني اجرب فيك طب ساعدني مرة اعملي مفاجاة ولة خفت ادبسك انت مرة وانا مرة
:ما جاتش مناسبة من زنقة الشغل يا حبيبتي بس اوعدك لو اكلي ما عجبكيش اشوفلك حد
بقلمي سحر السحرتي
:انا خايفه قوي يا فارس دي مسؤولية كبيرة وانا خيبة ما اعرفش حاجة وماما بقت مشغولة مع بسمة حاسة اني هتسوح
:يا حبيبتي ما تقلقيش نمشيها خطوة خطوة وانا هساعدك ولو ما قدرناش انقلي اقامتك مع باباك عشان طنط ليلى تقدر تساعدك ايه رايك
:حلو جدا بابا اصلا بيبني دور في الفيلا عشان لما نتجمع كلنا يبقى لكل واحد اوضه هخليه يكبر بتاعتي شوية عشان الولاد يبقوا معانا فيها الله حلوة كلمة الولاد مفكرتش فيها قبل كدة
:اهم حاجه عندي انك تقومي بالسلامه
:فاكر الحمار بتاع زمان ده اللي كان عاوز يسيبني دلوقت سلامتي اهم
:انت لسة فاكرة ما انت قلتي حمار
:دى انا هذلك ذل ايه ده شامم ….ريحة كبدة
:انت هتبدأي تشتغليني من دلوقت
:هي مش دي شهور الوحم برضة العيال نفسهم في كيدة
:عيوني للعيال ولام العيال
:اطلب سندوتشات كتير بدل ما القيك كلتهم مني والدكتور قال اني باكل لاتنين جوة
:لا مش هاكل هطلب لك بس
:لا هتاكل اطلب لينا عشان مش هديلك ولا لقمة
:هههه انت عرفاني بدوق بس
:انا دلوقتي حامل وهرموناتي بتقول مفيش ولا لقمة انت حر اتقي شري
:المحل كله لك يا ام العيال
:اه يا زمن فاكر زمان كنت بتقولي على طول خاربة بيتي دلوقت المحل كله ههههههه
:ههههههه عشان العيال
:الله اللي يصبر ينول بصحيح مش قلت لك وانت ما كنتش مصدق شايف كرم ربنا
:الحمد لله انا لازم ادبح وافرق لله
:ياريت ياحبيبي قبل وبعد الولادة يلا بقى نكلمهم
*اتصلوا على العيلة كلها وفرح لهم الجميع عرض عليهم سليم الاقامة معهم الشهور الاولى لكن فارس رفض ووعده اذا لم يسيطر على الوضع سيغير رايه
*سليم عمل عزومة كبيرة وعزم كل اولاده بمناسبة حمل نسمة عشان يفرحها وكلهم قاعدين يضحكوا
نسمة :ماما هي بسمة عندها كام سنه دلوقت
لبلى:٣ ونص تقريبا
نسمة :لين هو سولي الصغير عنده كام سنه هو كمان
لين :٣ تقريبا برضة ليه
نسمة :يعني على ما اولد هيعدوا ٤ صح حلو جدا عشان تشيلوا معايا يا حلوين انا شيلاكم بقالي ٣ سنين كل واحدة تشيل واحد والجمايل تترد
لين :هو انت بتسالي عشان تذلينا افرضي اني عايزه اخلف تاني يا غلسة
نسمة:لا يا حلوة انا مرعوبة وعايزاكم معايا مش هسيبكم
لين :صعبتي على
ليلى:من عنايا يا حبيبة ماما اشيلهم الاتنين اولدي انت بس
نسمة:تسلميلي يا حبيبتي شفتي الكلام الحلو
لين:ما انت استوليتي عليها انت والست بسمة مش عارفة اقعد معاها خالص
نسمة:يا بنتي انت نقلتي اقامتك هنا هتستهبلي هههههه
مهاب:قوليلها الشقة اللي تعبت في توضيبها ما لحقناش نقعد فيها حتى
لين :خلاص راجعين الست نسمة هتنقل هنا
فارس :لا احنا قاعدين في بيتنا وهنظبط امورنا ما تقلقيش مش هنيجي غير في الطوارئ
سليم:على بال نسمة ما تولد هيكون الدور اللي فوق خلص وكل واحد هيبقي له اوضة يقعد فيها براحته
نسمة :بابا كبر لي الاوضة شوية انت شايف الزحمة ههههه
عمر:انت في اوضتك القديمه يا حلوه انا اللي هقعد في الجديد
نسمة :طب يا حبيبي اذا هتاخد العيال مني موافقة
عمر :عيال مين لا خدي البيت كله هههههه
مروان :فعلا قسمة العدل انت ولين ليكم اوض مخصوص يبقى انا وعمر الجزء الجديد
سليم :بجد هتيجوا تقعدوا معايا هعمل لكل واحد جزء خاص بيه بس حددوا عشان اكلم المهندس
مروان :يا ريت يا بابا انا كنت بهزر بس فكره كويسه نتلم هنا ونبقى مع بعض
سليم:خلاص هعمل لكل واحد جناح واللي مش هيقعد يجي فيه برضه خميس و جمعة والاعياد
نسمة :ما يحرمناش منك يا حبيبى طبق الكفتة اللي قدامك ده صعبان على هاته كده اطبطب عليه
لين:دي شهور وحم مش الاكل هتعملي ايه قدام
نسمة:انا مختلفة يا بنتي مش عارفة نفسي مفتوحة قوي كدة ليه حتي الوحم صعب كل شوية صنف ونوع
فارس: اه خربت بيتي وتتوحم في وقت كل المطاعم قفلت ولازم تاكل اصل العيال جعانة ههههه
ليلى:لا خلي بالك احسن وزنك يزيد قوي مش هتعرفي تنزليه
عمر:اه وتقلبي درفيل وجوزك يبص بارة
بقلمي سحر السحرتي
نسمة :غلس قوي سديت نفسي
عمر : هو انت سيبتي لنا حاجه ناكلها سديت نفس مين
فارس :كلي يا بطتي مالكيش دعوه بيهم
نسمة :بطتك دي انا لسة في اول شهرين قدام هبقي جاموستك لا بطلت اكل
*الكل كان بيناقر في بعض واليوم كان حلو وقرروا يتقابلوا كل اسبوع
*تجري الايام ونسمة تتدلل ومستغلة فارس وهو مستسلم وفرحان ولا يحس بتعذيبها له كان عقابا له لانه فكر بتركها
:فارس اصحى انا حاسة بوجع جامد قوم اااه اااااه
:نسمة نامي انت في السابع وكل يومين تعملي الحركة دي ابوس ايدك نامي
:لالالالا فارس بجد وجع جامد مش قادره هموت
:طب كلمي طنط ليلى اساليها كده لسة بدري
:يا ساتر عليك مفيش احساس بيا ابدا هات الزفت. ….. الو ايوة يا ماما تعبانة قوي وحاسه بوجع جامد في ظهري استني استني في مية تحتي ده بيبي هو انا عملت بيبي من غير ما احس عااااا
ليلى:اديني فارس
:ايوة يا طنط ازيك معلش دايما بنزعجك
:خودها بسرعة واطلع على المستشفى يظهر انها بتولد ماء الجنين نزلت
:بتولد ايه يا طنط دي لسة في السابع
:اسمع زي ما بقولك كدا هيكون خطر عليها
:حاضر انا رايح بسرعه اهوه حصلوني
*حاول حمل نسمة لكنه لم يستطيع فسقط من الضحك ضربته في كتفه
:حرام عليك بموت وصيتك العيال
:بعد الشر ما تقوليش كدة بس بجد مش قادر اشيلك وزنك زاد قوي
:مش شايلة اتنين انت ايه هتقر من دلوقت
:طب انزلي معايا بالراحة وانا هساعدك معلش استحملي وكويس ان المستشفي قريبة
:انا خايفة علي العيال لو الدكتور خيرك اختارهم
:بطلي هبل هختارك انت طبعا هما يتعوضوا من واحده تانية
:واحده تانية في عينك ده وقت غلاسة وانا بموت
:ياحبيبتي بهزر معاك عشان تفكي شوية لاني شايفك خايفة قوي اي حاجة من غيرك ملهاش طعم
:بجد يا فارس لسة بتحبني زي الاول بعد ما بقيت مكبرة
:يا قلبي الحب ملوش دعوه مكعبرة ولة مقلوظة ههههه ده وضع مؤقت وهساعدك ترجعي تاني وانزلك الجيم معايا كلها حاجات محلولة بس تقومي بالسلامة
:طب بسرعة احسن مش قادرة استحمل الوجع فظيع
*وصلوا المستشفي ودخلت غرفة العمليات لانها حالتها خطيرة
*فارس منتظر في الخارج زي المجنون من القلق عليها
*خرج الدكتور على وصول سليم وليلى وتبعه فخر
فارس :خير يا دكتور هي كويسه عامله ايه
الدكتور:الحمد لله هي بخير دلوقت بس الاطفال محتاجين يقعدوا شويه في الحضانة
فارس :مش مهم المهم هي
الدكتور: كلهم كويسين الحضانة بس للوقاية عشان مولودين بدري مبروك
ليلى:هي جابت ايه يا دكتور عشان ما كانتش عايزة تعرف كانت عيزاها مفاجاة
الدكتور :هي فعلا مفاجاه جابت
بنت وولدين كان في واحد مستخبي مش ظاهر في السونار العادي
*الجميع في نفس الوقت: مبروك يا فارس يا حبيبي ربنا يحفظهم
*خر فارس ساجدا شكر لله
:الحمد لله ٣ بس نسمة ممكن تتخض
سليم :ولا يهمك احنا معاكم
ليلى :ما تشيلش هم يا حبيبي وممكن تيجوا تقعدوا في الجناح بتاعكم لو حتى الفترة الاولى عشان هتبقي صعبة على نسمة
فخر :او تعالوا اقعدوا معايا وهجيب لكم احسن المربيات
فارس :لما تفوق نسمة ونتفق هي ما كانتش بتحب تسبق الاحداث كانت خايفة طول الوقت يجرالهم حاجة
ليلى:ليه التشاؤم ده بعد الشر
فارس :انت عارفه نسمة دكتوراة نكد هههههه
لين :سمعتك وهقول لها هي الارنبة لسة ما فاقتش
فارس:لسة واوعي كلمة توصل لها هشغل جوزك ٢٤ ساعه
لين:براحتك انت مديره وحر معاه ههههه
فارس :خلاص بعتيه بسرعة كدة طب هديله اجازة يقعد على قلبك في البيت
لين :لا مش هفتح بقى نهائي يا جوز اختي يا سكرة هههههه
بقلمي سحر السحرتي
*خرجت نسمة لتتجه الى غرفة عادية اسرع فارس وامسك يدها وقبلها
نسمة :فارس الولاد كويسين
:اه الحمد لله بس راحوا الحضانة شوية عشان مولودين بدري
:انا عايزة اشوفهم انا جبت ايه
:اما تفوقي هقولك
:حد جراله حاجه وانت مخبي على
:اهدي يا حبيبتي عشان الجرح اصل في مفاجاه مستنيك تفوقي عشان تستوعبي
:مفاجأة ايه نوعهم يعني مش فاهمة
لين :حمد الله علي سلامة الارنوبة بتاعتنا ايه يا بنتي جايبة عيل على كل سنة تاخير
نسمة :هي البت دي بتقول ايه مش فاهمة
فارس:ما تحطيش في بالك دي لين
لين:يعنى ايه دي لين هي لسه ما عرفتش
نسمة:اعرف ايه ماما الحقيني انا دماغي بتلف لسة
ليلى : ما تقول لها بقى يا فارس عايزين نعرف هتسمي ايه
فارس :انا هسمي البنت وانت الباقي
نسمة : باقي ايه هو انا جبت ايه خلصوني
*ضحك الجميع على رد فعلها صرخت بصوت ضعيف
:انا مصدعة ومش فايقة اخرجوا بارة مش عايزه حد هنا اما افوق هقوم اوريكم اااه ااااه
فارس : سلامتك حاسة بايه
:الجرح بيوجعني وانتو بتتريقوا على
*حضنها وقبل راسها
:لا يا حبيبتي احنا بنهزر معاك طب اهدي عشان اقولك جبنا ايه
:هكون جبت صراصير يعني
: الحمد لله ربنا رزقنا ببنت وولدين ايه رايك
: بنت وولد الحمد لله
:هي العملية كانت في الودان بنت وولدين (وزعق شوية)
: لا بنت وولد انا كنت حامل في اتنين هو عرض اولد اتنين واخد التالت مجانا
*ضحك الجميع عليه
:مش قلت لكم هتتخض حفظتها كان في واحد يا حبيبتي مستخبي وراهم ومش باين عشان كدة السونار كان موضح انهم اتنين بس وانت رفضتي تعملي سونار رباعي الابعاد ورفضتي تعرفي نوعهم
:كويس كانوا ٢ وكنت قلقانة طول الحمل امال لو كنت عرفت انهم ٣ وكمان كنت تعبانه ومش عارفه هوصل التاسع ازاى والحمد لله ولدت في السابع تقوموا نزودوا عيل طب رجعوهم وانا هستنى الشهرين دى انا كنت بقول هتتمرمطي يا بت يا نونو باتنين اعمل ايه ب ٣ دى انا كنت هوزع واحد على ماما وواحد على لين وال٣ ده اعمل فيه ايه
*الجميع متابعها وهي تحدث نفسها وتخرف من البنج
ليلى :اهدي يا حبيبتي كلنا جمبك ومش هنسيبك وفكري انت وفارس تقعدوا معانا في الجناح بتاعكم عشان يبقى سهل نساعدك الفترة الاولى على الاقل
نسمة :الفترة الاولى قولي لغاية الجامعة انا مش هسيبكم اه يا لوزة يا صغيرة منك لله يا فارس
:ليه بس كده
:مستعجل على ايه عاوز عيال شيل بقى
سليم :يا حبيبتي قولي الحمد لله بس انا مش عارف هقعد في المورستان ده ازاي
نسمة :حتى انت يا سولي تيجي منك بس مش هنسهالك بدل ما تقول اعز الولد وهشيلهم في عنيا
سليم:انا بهزر معاك يا حبيبتي بس مفيش مانع افضفض شويه هههههه
فخر :سيبك منه بيتي مفتوح اول العيال ما تنام تعالوا هههههه
بقلمي سحر السحرتي
*تبكي نسمة :فضفض بعيد عني انا اروح فين واجي من اين والتاني يقول اما العيال تنام دول هيشقطوني لبعض
فارس:اهدي يا حبيبتي ما تخافيش كلنا جمبك اهوه انت مش فرحانة
:فرحانه بس انا ما عنديش خبرة وحاسة انه هيكون حمل تقيل عليا وهما صغيرين قوي محتاجين رعاية دى بسمة مطلعة عنينا
ليلى :ربنا كريم وهتعدي وهتضحكي على اللحظة دي هتسميهم ايه بقى بس بلاش سليم عشان عندنا ٢ اشقى من بعض
فارس :البنت زينة
نسمة :اشمعنى يعني زينة حب قديم ولة ايه
:على اسم ماما لانها ماتت وهي زعلانة علي ممكن يا حبيبتي
:طبعا يا حبيبي تصدق كل ده ما اعرفش اسم مامتك اصلي ما دعتش عليك قبل كدة ههههه
*ادمعت عين فخر :انت لسة شايل في قلبك هي ماتت وهي بتدعيلك وراضية عنك
سليم :اسم حلو زينة ربنا يجعلها زينة حياتك
لين:يلا يا ارنبة كلنا هنساعدك هنسيبك ترتاحي بقى
:احسن انصرفي انت قلق ودوشة وانا مش نقصاكي مصدعة
ليلى: خلاص يا حبيبتي ارتاحي فارس جاي معانا
:لا قاعد معاها مش هسيبها لوحدها
*ذهبوا جميعها جلس فارس بجانب نسمة حضنها وقبل يديها وانتقل الى شفتيها كانت قبلة تطمئنها قبلة حب واشتياق قبلة شكر قبلة تحمل اسمى المعاني وكانت نسمة في احتياج لهذه القبلة وهذا الحضن
*حقا ان الرجل يستطيع امتلاك المراءة بابسط الاشياء
:اطمني يا حبيبتي انا معاك ومش هسيبك بس تقومي بالسلامه
*تبكي وهي داخل حضنه وتختبئ فيه
:هو ده وقت عياط ده وقت فرحة استنيناها كتير
:كنت عايزه اهتم بيهم واغرقهم حب ورعاية وانت كمان بس خايفه حد يقع من دائرة اهتماماتي وانا مش قاصده مهاب بيشتكي ان لين اهملته وهي معاها واحد بس وماما بتساعدها طب انا هعمل ايه الحب اللي بينا ممكن يتغير
:ابدا الحب اللي بنا هيكبر وبعدين انا اخدت ٣ سنين حب واهتمام وسعادة ابقى طماع لو قصرتي وزعلت والولاد مش مسؤوليتك لوحدك دي مسؤوليتنا احنا الاتنين
:طب هنعمل ايه دلوقت هنروح نقعد عند بابا
:مش حابب اتقل على حد عايز نعتمد على نفسنا الكام يوم اللي الولاد فيه فى الحضانة هنشوف دادة تساعدك مع الاولاد وحد يبقى مسؤول عن الاكل والتنظيف الفترة الاولى وقت ما تحبي نمشيهم
:ليه يا حبيبي ماما هتساعدني ولين كمان
:ماما عندها بسمة ولين انت لسه قايله مهاب بيشتكي انها مشغولة عنه نقوم نزعله بزيادة منها
:بس كنت هبقى مطمنة وماما جمبي واكيد اامن من اي حد غريب
:اي حد منهم مش عاجبك يمشي ويجي غيره وبعدين دول هيبقوا متخصصين واحدة في التربية والثانية في شغل البيت
:انت شايف كده خلاص بس شغل الشركة هسيبه خالص
: هتاخدي اجازة وهتابع معاك طبعا كل اللي بيحصل واول اما تحسي انك تقدري انزلي
:اهم من ده كله ارجوك لو قصرت معاك نبهني واعذرني انا اهم حاجه عندي علاقتنا وحبنا
:معقولة يا حبيبتي هتقصري وانت بتهتمي باولادي وحبنا عمر حاجة ما هتغيره دى هيكبر ويزيد كل اما ولادنا يكبروا
:طب ايه رأيك نسمي الصبيان فارس وامير
:هههههههه فارس تاني ليه بقى
:عشان بحبك قوي وعايزة يبقى عندي فارس الصغير
:طب واشمعنى امير
:عشان الفارس بيكون معاه امير ايه رايك
:انا وعدتك اسمي البنت وانت الولد بس اوعي تشتمي فارس الصغير هههههه
:ده انا مسمياه مخصوص عشان كده ههههههه
*مرت الايام وخرج الاطفال واحد تلى الاخر من الحضانة وبدأت نسمة تحمل المسؤولية مع المساعدات الذي احضرهم فارس وقام باختيارهم بعناية وكان دائما يساعد نسمة ومهتم بها
*الخميس الجمعة كانوا دايما مرة عند سليم ومرة عند فخر
*نسمة وفارس يحضرون حفلة عيد ميلاد اطفالهم اول سنة لهم اصر سليم ان يقام عنده
نسمة:شكرا بجد لاحلى عيلة احتوتني وساعدتني مش عارفة السنة دي كانت هتعدي عليا ازااي بحبكم كلكم وطبعا جوزي حبيبي اكتر واحد استحملني وهو بيكلمني كنت بروح في النوم من التعب ههههه
ليلى:احنا ما عملناش حاجة انت شلتي المسؤولية كلها ولما بتطلبي مساعدة كنا بنساعد
نسمة:كفايه اني لما كنت بحتاجكم كنت بلاقيكم جمبي
مروان :بس انا زعلان منك تسمي فارس وما تسميش مروان دى حتى اسمي جميل
نسمة: كفايه علينا مروان واحد وبعدين انا بضحك على جوزى عشان يحبني زيادة هههههه
فارس:انا هنا وسامعك هههههه
نسمة:ما انت فاهمني وعارف اصلا بتنكر ليه
بسمة: وانا كمان زعلانة ليه ما سمتيش بسمة
نسمة :عشان عندنا احلى بسمة في الدنيا
سليم:انا فرحان بيكم وباللمة دي قوى اوعدوني تتلموا كده على طول حتى بعد ما اموت
*كلهم :بعد الشر عنك يا حبيبي
سليم:الموت حق بس حبكم لبعض اوعوا اي حاجه تغيره وتاخدوا بالكم من بسمة دي لسه صغيره
نسمة :ليه بتقول كده يا حبيبي ان شاء الله تجوزها بس للاسف مش هتلاقي حد زي فارس
*فارس حضنها وقبل يدها
:لسة بتحبيني يا نسمتي
:طبعا انت حياتي
لين :كفايه حب وشكر هنطفي الشمع امتى معاكم واحده حامل عاوزه تنام ارحموني
مهاب :ده اللي انت فالحة فيه طب كلمتين حلوين تتعلميهم من عصافير الحب دول
لين :انت زي القطط تاكل وتنكر مش لسه قيلالك ربنا ما يحرمني منك
*ضحكوا جميعا على لين ومهاب
*اطفئوا الشمع وفارس اخذ ليلى يكلمها بمفردهم بعيدا عن الجميع
ليلى:خير يا فارس في ايه
:طنط ممكن طلب هتقل عليك شويه
:اتفضل يا حبيبي لو اقدر مش هتاخر
:نسمة مضغوطة بقالها فتره طويلة ممكن تاخدي الولاد يومين ومعاهم المربية نروح السخنة ونرجع
:بس كده طبعا ده اسمه كلام خليها اسبوع
:لا كفاية يومين هي مش هتقدر تبعد عنهم اكتر من كدة
*اخذ فارس نسمة واعاد ذكرياتهم مع بعض لاحلى ايام بينهم مليئة تفاهم وحب ومودة وظلت الحياة بينهم كل منهم يحاول اسعاد الاخر ويساعده ويقدر مجهوده واي مشاكل بينهم كان دائما يذيبها الحب …..
تمت
لقراءة الرواية كاملة اضغط على : (رواية نسمة حائرة)
