روايات سيلا والنمر الفصل السادس عشر 16 بقلم منار مصطفى

روايات سيلا والنمر البارت السادس عشر

روايات سيلا والنمر الجزء السادس عشر

روايات سيلا والنمر الحلقة السادسة عشر

ركن بدر العربيه ونزل هو وسيلا.. كلمت سيلا علي موبايلها المصور.. وعرفت تلاقيه بسرعه.. وابتدت سيلا شغلها.. والتحقيق الصحفي اللي بتعمله. كان بدر.. باصصلها من بعيد.. ومبسوط منها…ومكنش قادر يسيطر علي ابتسامته…عدي وقت كانت سيلا خلصت شغلها.. وفجأه..
جه ظابط.من الظباط الموجودين. بيكلم.. الواء اللي واقف بيشوف الحادثه.. وكل ده دار ادام سيلا..
يا افندم يا افندم..
اللواء… خير
الظابط… في عربيه.. فيها قنبله الكاميرات بعد مراجعناها .. وشوفنا المشتبه فيهم لقيناهم بيعملو حاجه في عربيه بعد ماخرجو من المول..
ولما شوفنا العربيه لقينا فيها قنبله وادامها حوالي 13دقيقه عالانفجار…
الواء.. بزعر.. مفيش خبير مفرقعات.
الظابط… للاسف لا يا افندم…
الواء.. اتصلو حالا بالداخلبه تبعتلنا خبير مفرقعات بسرعه..مفيش وقت.
الظابط.. حضرتك زي نابتقول مفيش وقت بقول لحضرتك فاضل حوالي 13دقيقه..ومن هنا لحد ما يبعتولنا دعم هتكون انفجرت..
اللواء….يبقي تخلب المكان حالا ابعدو الناس فورا مش عايز تجمهر وكل واحد فيكم ياخد ساتر بسرعه اتحرك…
سيلا… لو سمحت..
اللواء.. مش وقته يا انسه اظن سمعتي اللي قولته ابعدو بسرعه المكان مش آمن .
سيلا.. حضرتك انا صحفيه و.. قاطعها اللواء…
صحفيه ايه ده وقته ابعدي بسرعه.
سيلا.. بعصبيه وتوتر ممكن تسمعني. انا مممن اساعدكم.
اللواء. انتي وهتساعدينا ازاي.
سيلا.. انا معايا العقيد بدر الخياط ظابط فالحمايه المدنيه..
الواء… بجد هو فين..
سيلا.. موجود حضرتك تعالي معايا.
جريت سيلا واللواء. مع بعض.. ووراهم المصور اللي مع سيلا.. وكام ظابط..
وصلو عند بدر.. اول مابدر لمح كل دول جايين ورا سيلا قلق.وحس ان في مصيبه عنلتها سيلا..
بدر… سيلا. في ايه.
اللواء…انت المقدم بدر الخياط..
بدر.. ايوه في حاجه..
اللواء..انا اللواء حافظ سلامه. الانسه بتقول انك ظابط فالامن المدني.
بدر.. تمام .خير يا سياده اللواء..
الواء.. الظباط اكتشفو فالكاميرا ان اللي فجر المول كان حاطط حاجه في عربيه ولما اتحققو من العربيه لقوها.. فيها قنبله وكان فاضل عالانفجار حوالي 13دقيفه الوقت تقريبا فاضل 8دقايق. ومفيش معانا خبير مفرقعات..
بدر… هي فين العربيه.
الظابط.. اتفضل حصضرتك بسرعه..
بدر… قلع الچاكت اللي كان لابسه فالعرض وخد حاجات من تابلوه العربيه بتاعته بيستخدمها في فك القنابل وديما بتكون معاه فالعربيه ولحسن حظهم انهم راحو بعربيه بدر
بدر.. لسيلا… خليكي هنا جمب العربيه واياكي تقربي هناك
سيلا.. انا هاجي معاك.
بدر.. سيلا متوترنيش خليكي هنا..سمعتي..اياكي تيجي ورايا…ولو حصلي حاجه خلي بالك من نوني عشان ملهاش غيري..
سيلا… بدر متخوفنيش
بدر.. مسكها من وشها بايده.. متقلقيش كله هيبقي تمام…بس عشان خاطري خليكي هنا..
سيلا.. الدموع اتجمعت في عنيها… ومسكت منه الچاكت بتاعه…
بدر. سابها.. وجري هو والظباط بأقسي سرعه وصلو لمكان العربيه…
وسيلا شيفاه من بعيد.. دخل بدر العربيه كان فاضل علي الانفجار 3دقايق…
بدر.. بأعلي صوت عنده..اخلو المكان فورا المل يبعد وياخد ساتر فاضل عالانفجار 3دقايق..
بدر.. للظابط.. ابعد يلا.
الظابط… انا هساعدك..
بدر.. بعصبيه.. قولتلك ابعد مش عايز حد مفيش وقت…
الكل جري بعيد..
سيلا.. سامعه وشايفه كل ده.. ودموعها نازله مش قادره توقفها. قلبها مقبوض…
حست بالندم. انها قالت للواء. ان معاها بدر… حست ان هي السبب وافتكرت كلام بدر.. ان هي كل مره القدر يجمعهم لازم تكون مصيبه ولازم تعمله مشاكل.. حست لاول مره انه صح.. حست انها ورطته وللمره الرابعه… وقعته في مصيبه ..حست انها هتفقده قلبها وجعها لما قالها خلي بالك من نوني… وابتدت الافكار الوحشه تجيلها كلها في وقت واحد…
معقول جه معايا عشان يموت..معقول ساب والدته والحفله وجه معايا عشان دي ساعت موته.. معقول انا وديته ..للموت بأيدي…
وفضلت.. تأنب في نفسها..وتعيط.. والمصور.. اللي معاها.. واقف يصور ..
الكل بعد وخد مكانه والمكان مره واحده بقي رايق وساكت. وسيلا واقفه هتموت..
اما بدر… فتح الشنطه اللي معاه… وفصل خالص عن كل اللي حواليه وابتدا يشتغل كان فاضل حوالي دقيقه 50ثانيه…والعد التنازلي شغال…
فضل بدر.. يشتغل بسرعه وبيحاول يبطل تشغيل القنباه.
الكل.. عينه عالساعه الوقت كان بيجري بسرعه جدا ..والقلق باين عالكل..
بدر… مكمل … بيحاول يفصل القنبله…
اللواء.. باين عليه القلق….
فاضل 50ثانيه.. ولسه بدر.. مفصلش القنبله…
اللواء.. من بعيد…بعلو صوته بدر… اخرج بسرعه مفيش وقت…
بدر… كان شبه مش سامع حد من شده تركيزه….
عينه عالعداد..العرق بينقط من كل جسمه…
اللواء… اخرج يابدر… مفيش وقت.. ثواني القنبله هتنفجر..
هنا.. دب الرعب في قلب سيلا… والدموع مش راضيه تقف.. حاضنه الچاكت بتاعه…وابتدت تحس انها مش سامعه اي حد ولا شايفه اي حد رجليها ابتدت تتحرك ببطئ ناحيه بدر.. من غير ماتحس.. مشيت سيلا كانت حاسه انها مغيبه…
المصور… سيلا.. رايحه فين ارجعي..
سيلا..بقولك ارجعي…يامجنونه..
سمعه.. اللواء. بص وراه لقاها راحه ناحيه بدر.. وخلاص هتدعديهم..جري عليها هو والموجودين…مسكوها..
سيلا… بصريخ… سيبوني .. ده هيموت بسببي..
اللواء.. خلاص مفيش وقت
الظابط.. خدو ساتر يافندم القنبله هتنفجر خلال عشر ثواني…
هنا سيلا.. وصرخت بعلو صوتها صرخه عملت صدي صوت فالمكان.
بددددددددددددددر…
بدددددددددددددر..
وفالللحظه.. دي.. كان بدر.. فصل اخر سلك فالقنبله.. وتم تعطيل القنبله…والعد التناولي وصل لواحد…
الكل مترقب الانفجار….
وعدي الوقت خمس ثواني كمان… الكل وقف.. وهما ساكتين مش عارفين حصل ايه…سيلا.. تايهه وحاسه ان نفسها بيتصارع…
بدر.. ثواني وكان لم حاجته.. وخرج من العربيه…..
بدر.. من بعيد… تمام يا افندم…كل اللي كانو بيتفرجو من بعيد … فضلو يسقفو.. ويصفرو……
سيلا.. حست انها في حلم
انا شيفاه..العربيه منفجرتش.. بدر.. محصلهوش حاجه…
لمحها بدر. من بعيد.. اللواء والظباط اللي معاه مسكينها.. حس ساعتها انه فعلا كان فاصل تماما وميعرفش حصل ايه بره..مش عارف مسكينها ليه.. شايف دموعها وخوفها اللي مرسوم علي وشها…ووشها الشاحب…. كان بيقرب.. عليهم بدر… اللواء.. ساب ايد.. سيلا…وراح لبدر…
اللواء…انت جيت في وقتك..مش عارف اشكرك ازاي.
بدر.. تمام يا افندم…ده شغلي وانا جاهز لشغلي في اي وقت.
الوااء. ربنا معاك.. وشكرا لتاني مره وانا هبلغ الداخليه..
بدر.. ملوڜ لزوم يا افندم انت كنت بشوف شغلي وربنا بعتني فالوقت الصح.
اللواء… ازاي.. ده حقك .. انت جاي بالصدفه ومع ذلك..ساعدتنا.. لازم الداخليه تتبلغ بده.. ودي حاجه في صالحك..
بدر… شكرا يا افندم..
اللواء.. العفو المفروض انا اللي اشكرك
..
واسف اننا مسكنا الانسه.. كانت بتجري عليك…وانت عارف ان ده خطر وكانت ممكن تعرضك وتعرض نفسها للخطر..
بدر… بص ناحيتها وهو اللواء بيقوله..طبعا يا افندم شكرا لحضرتك..
بعد اذنك..
اللواء.. اتفضل..
الكل.. اتفرق تاني والظباط مشيو من جمب سيلا… وكل واحد راح مكانه…
بدر.. قرب من سيلا …شايفها دموعها مش بتقف…
فاللحظه دي سيلا.. رجلها لتاني مره.. خدتها ناحيته.. جريت عليه.. من غير ماتحس… واترمت في حضنه وانهارت من العياط..
بدر.. حضنها.. بايده بس بس في ايه..انا كويس..
سيلا.. مش عارفه تبطل عياط…
بدر.. سيلا.. اهدي.. سيلا ايه اللي حصل لده كله..انا كويس…
فضل يمشي ايده علي شعرها…
اهدي.. عشان خاطري……
ثواني.. وحس.. انها سكتت ونفسها انتظم…وحس ان جسمها بيقع من ايده…
بدر.. سيلاا…رفع وشها براحه.. حس بعدها ان جسمها بيقع منه…وفقدت سيلا وعيها…
بدر… سيلا.. شالها بسرعه.. وحطها في كنبه العربيه…
جري.. عليه المصور اللي كان شايف المشهد كله من بعيد…
المصور…سيلا. سيلا..
بدر… اجري بسرعه.. نادي اي حد من الاسعاف اللي هناك..
المصور.. طيب الكاميرا..
بدر.. بعصبيه.. حطها فالعربيه.. تجري بسرعه يلا…
المصور.. حاضر حاضر…
جري المصور علي الاسعاف..
بدر… سيلا.. سيلا. قومي عشان خاطري…سيلا. فوقي انا كويس..
ثواني وجه المصور ومعاه دكتور..
الدكتور.. خير.
بدر.. مش عارف بس اغم عليها فجأه..
الدكتور.. .. طيب ممكن تبعد لحظه..
خرج بدر . من جمبها…الدكتور.. قاسلها الضغط..
الدكتور.. خير متقلقش. ضغطها واطي جدا..
ثواني وهرجع..
جري الدكتور.. جاب حاجه من عربيه الاسعاف ورجع..
بدر… ايه دي..
الدكتور.. دي حقنه تظبط الضغط.. وهتفوقها متقلقش…
اداها الدكتور. حقنه فالوريد…وابتدي.. يحط حاجه علي قطنه.. ويشممهالها…
تبتدت.. سيلا.. تفوق.. براحه…
الدكتور… الوقت هتبقي كويسه
بس ياريت لو تشرب اي عصير
بدر.. تمام شكرا لحضرتك..
الدكتور العفو..ومشي.
المصور… لبدر… ناخدها علي مستشفي احسن.
بدر.. بجمود.. لا هي هتبقي كويسه.
المصور.. يعني نطمن عليها اكتر..
بدر… الدكتور قال انها تمام.صح
المصور.. باحراج.. ان شاء الله تبقي بخير.
المصور…طيب حضرتك هتوصلها ولا اوصلها انا.
بدر… تقدر حضرتك تمشي وزي مانا جبتها هرجعها..
المصور.. تمام بعد اذنك.
بدر.. اتفضل…
مشي المصور….
بدر… سيلا.. سيلا…
سيلا.. مسكت دماغها. وحاولت تقوم مكنتش عارفه..
بدر.. ساعدها.. .تاعد..
انتي كويسه..
سيلا.. بتهز دماغها بلا…ونزلت موعها من تاني….
بدر… طيب بصي اهدي انا هطلع من هنا عشان المكان زحمه والناس راحه جايه.. هوصلك عالبيت عشان تهدي وترتاحي…
قام من جمبها…. وراح الكرسي بتاعه.. ودور العربيه وطلع بيها…وسابها مرتاحه ورا فالكنبه…
سيلا.. رجعت راسها لورا وسندت بدماغها عالكرسي.. وفضلت دموعها تنزل في صمت…
بدر.. كان مراقبها فالمرايه…
فضل سايق من غير ولا كلمه….
ولاحظ الكاميرا بتاعت المصور… جمبه..
شافها وسكت…
وكمل سواقه… ووقف قدام كشك فالشارع فاتح…ركن.. ونزل جبلها عصير وشوكلاته…
بدر… اشربي العصير الدكتور قال ان ضغطك واطي..
سيلا.. هزت دماغها بلا…
بدر… فتح العصير واداعولها.. امسكي ده وبلا ش دلع.. اشربيه…
وركب.. تاني.. وساق لبيت سيلا..
فضلت سيلا ماسكه العصير .. ملهاش نفس تشرب… ودموعها مش مبطله…
وصل . بدر.. اخيرا.. للڤيلا بتاعتها…
بدر… ركن العربيه… ونزل…سيلا..سيلا يلا وصلنا..
فتح الباب…ومدلها ايده..تعالي…
سيلا.. فضلت بصاله…
بدر… يلا..انزلي.
سيلا….مدت ايدها براحه لبدر..ومسكت ايده.. ونزلت
وايدها التانيه.. كانت لسه ماسكه الجاكت بتاعه..
بدر… بيحاول يضحكها…ايه هتفضلي مسكاه كده لو عجبك خديه بس ميتهيأليش هيجي مقاسك انتي مقاسات اطفال.
سيلا.. انتبهت لكلامه.. وعرفت انه يقصد الچاكت.. حست بأحراج ونزلت عينها … مسكها بدر. من ايدها.. وراحو ناحيه الڤيلا….دخلو. جوه…
كان فيه جنينه جميله… وحمام سباحه صغيره…
ومكان في ترابيزه وكراسي شكله جميل…
خدها بدر.. واعدها… واعد ادامها…
بدر… لسه تعبانه…
سيلا.. بتهز دماغها لا..
بدر… سيلا.. ممكن تتكلمي قولي اي حاجه. انتي من اول الطريق وانتي ساكته.. انا كويس صدقيني.. انا مش طلعت ادامك اهو..وبعدين مكنتش اعرف انك خوافه كده…ولااحسن تكوني ابتعيطي عشان طلعت سليم ومموتش..كان بيحاول يضحكها..
هنا.. سيلا. اتجمعت الدموع تاني في عينها…وابتدت تنزل..
قام.. بدر.. واعد جمبها…سيلا… ممكن تهدي شويه.. ومسك ايدها…
سيلا.. طيب خلاص اهدي…
وشدها لحضنه.. وحط دقنه علي راسها وايده في شعرها..وايده التانيه ماسكه ايدها..
بدر.. ممكن تقوليلي بتعيطي ليه..
سيلا… اهيرا اتكلمت خفت عليك.. خفت يجرالك حاجه…
بدر… حس ان قلبه بيدق هي في حضنه وبتقوله انها خافت عليه حاسس بحبها دموعها اللي موقفتش هيعوز ايه تاني من غير ما يحس.. حضنها اكتر كان عايز يدخلها جوه صدره ..عايز يطمنها.. عايز يقولها انه بيحبها..
بدر.. بس انا اكويس…
سيلا.. لا يابدر.. انت مش كويس..وخرجت من حضنه
انت كان عندك حق… من اول مره شوفتني وانت ديما في مشاكل بسببي… ديما بأذيك من غير ما احس…
خبطك بالعربيه وصممت انك انت اللي غلطان.
اضربت بالرصاص بسببي…
عملت مشكله في شرم واتخانقت بسببي..
كل حاجه بتحصلك بسببي.. حتي انهرده انت كنت هتموت بسببي.. انا اللي قولتلهم انك معايا انا اللي خليتك تروح تفك القنبله وانت مش جاهز.للشغل..حتي. كنت هتموت بسببي.. كل ثانيه كانت بتعدي كنت بموت انت وجودك في حياتي مش صح ليك يا بدر… انا خطر علي اي حد بحبه.. انت موت امي يابدر كانت بتموت ادام عيني ومعرفتش انقذها.. فضلت اعده جمبها. وهي ميته ومش عارفه اتصرف كان ممكن انقذها لاكن فضلت اني اعد وانا وخداها في حضني…عن اني انقذها بابدر… حتي نناه ماتت ومعرفتش انقذها.. ديما بيحصل مشاكل بسببي بس مش قصداها ولله انت لازم تبعد عني يابدر.. انت كنت صح.. انا حياتي كلها مشاكل انا بأذي كل اللي بحبهم..
بدر.. باصصلها بنظره حب.. بتأذي كل اللي ايه..
سيلا… حست بالجمله اللي قالتها نزلت عينها لتحت..
بدر.. رفع وشها بايده.. ومسح دموعها…
اولا.. مش عايز اشوف دموعك دي…ثانيا.. لو قولتلك انك انهرده عملتي حاجه صح جدا هتصدقيني.
سيلا.. صح انك كنت هتموت بسببي.
بدر…. اولا الموت مفيهوش سبب ده قدر ياسيلا.. بس انتي تملتي حاجه صح ونيتك كانت كويسه ..وانا عملت شغلي.. ماهو اكيد مكنش ينفع اقف اتفرج عالانفجار وحد بيتأذي وانتي مكنتيش هتسامحي نفسك لو حد مات وانتي واقفه تتفرجي عليه من بعيد..
ثانيا. بقي انا مش مضايق وعايز اقولك ان اللي شوفتيه انهرده من شغلي ده جزء بسيط من اللي بيحصل اصلا فالشغل..وياستي ياريت اي عمليه تحصل تكون بسهوله انهرده..
سيلا.. بدموع بس كده مينفعش. انت كده هتموت.
بدر… ياستي عمر الشقي بقي.. وبعدين هو انا اطول اموت شهيد.
سيلا… بدر.. اسكت من فضلك.
بدر.. طيب ممكن تبطلي عياط بقي عشان خاطري..
سيلا.. انت كنت هتموت صح..
بدر… شدها في حضنه تاني والمره دي سيلا حضنته جامد…
حس بدر.. بحضنها…
بدر… انا ادامك وعايش ومش فيا خدش.. خلاص بقي
سيلا.. مسحت دموعها حاضر.. يعني مش زعلان مني.
بدر.. لا زعلان طبعا..
سيلا.. ليه..
بدر… اولا زعلان لسببين.. اول سبب..
انك بتقوليلي اطلع من حياتي انتي مش طيقاني اوي كده 🤨🤨🤨
سيلا.. بابتسامه.. لا والله بس حقيقي انا بحس اني خطر علي اي حد يقرب مني.
بدر… ملكيش دعوه انتي انا ياستي راضي..ولو عالكلام العبيط اللي كنت بقوله الاول كنت بتعصب منك مش اكتر.
سيلا… طيب والسبب التاني..
بدر… انك بصراحه معندكيش دم..
سيلا… انا😳
بدر… ايوه كل ما اجي اوصلك مفيش مره تقوليلي تشرب ايه..
سيلا.. ضحكت… والله مش مقصوده.
بدر.. لا خلاص بقي ظهرتي علي حقيقتك مين في عيلتكم بخيل..
سيلا… مفيش ولله..
بدر… اه يعني انتي زرع شيطاني يعني..
سيلا… يعني…تشرب ايه…
بدر… لا يا ستي انا بضحك انا يادوب اقوم اروح انتي مش واخده بالك ان الساعه 3ونص وانا المفروض عندي شغل وبصحس الساعه 7
سيلا… انا اسفه بجد اخرتك.
بدر… ولا اخرتيني ولا حاجه.
سيلا.. ماشي بس بردو مش هتمشي انهرده غير لما تشرب حاجه..
بدر.. مصممه يعني.
سيلا.. ايوه..
بدر.. اممم طيب قهوه مظبوط..
سيلا…🙄🙄🙄ماتشرب نسكافيه احلي.
بدر… ليه معندكيش بن..
سيلا.. لا عندي.. بس بصراحه مش بعرف اعمله روكا اللي بتعرف.
بدر.. ابتسم عبيطه كمان ومش بتعرفي تعملي..
سيلا.. ماهي روكا مش بترضي تعلمني..😔
بدر.. تحبي اعلمهالك…
سيلا.. بتعرف
بدر.. بعرف انا استاذ يابنتي..تعالي ومسكها من ايدها.. فين المطبخ…
سيلا.. تعالي هوريهولك…
بدر… علي فكره الڤيلا جميله..
سيلا.. بجدد.
بدر.. يعني مش بطاله..
سيلا.. رخم.. ودخلو مع بعض عشان بعملو القهوه..