رواية ستات للبيع الفصل الثالث 3 بقلم مي علي
رواية ستات للبيع الجزء الثالث
رواية ستات للبيع البارت الثالث
رواية ستات للبيع الحلقة الثالثة
زياد كتف بابا بحبل وحط بلاستر علي بوقه وانا عماله اعيط فقلي متخافيش انا مش هعمل حاجه ليه انا كتفته عشان اعرف احكيلكو ….. وابتدي يحكي
ابو نادر صحبي …..
واحد من الناس اللي ليها وزنها في البلد
وف يوم نادر صحبي كلمني وقلي ابويا اليومين دول بيتأخر كتير اوي بره وساعات بيبات ودي مش عادته المهم راح يراقبه قالي انو لقاه بيروح عماره ف المهندسين بيقعد هناك الفتره اللي بيتأخر فيها عن البيت ولما سأل البواب مدلوش اي عقاد نافع زي ميكون حد منبه عليه ميتكلمش وحاول يعرف هو مين بس هو سابه بسرعه ومشي عشان ميعلقش ف دماغه
قلتله….. ومال بابا ومال الكلام ده يازياد
قال…. اسمعيني للأخر
بعد اما ساب البواب ومشي نادر فضل يراقب وقالي انو لاحظ بعدها ان ابوه خف المرواح هناك فتره عرف كده ان البواب لي علاقه بيه ومنبه عليه إن ميجبش سيره مين فوق او اي اللي بيحصل……. فكلمني عشان اساعدو قعدت اراقب معاه فتره طويله…. وف مره كنت عند ابوكي ف المكتب لقيت محمود ماهر ابو نادر صحبي عند ابوكي ف المكتب بس انا هو ميعرفش اني صاحب ابنه وانا عملت نفسي مشفتوش قبل كده ….. لما دخلت عليهم قطعو كلام والراجل قام يمشي فبابا عرفه بيا وقاله ده ابني …… قال… ماشاء الله عندك راجل
بابا راح كمل كلامه وقال .. خلاص انا هديهم خبر انهارده يستنوك وهحصلك عشان نخلص شغل
قاله… ماشي خلاص ومشي
خلصت مع بابا وخرجت بسأل نفسي ١٠٠سؤال هما مين دول اللي هيقلهم يستنوه؟!
وشغل اي اللي بينهم ؟!ده شغلهم ملوش علاقه ببعضه
روحت اراقب الراجل كالعاده وفجأه…… لقيت بابا هو اللي طالع العماره والبواب بيسلم عليه وبابا بيتلفت وبيديلو حاجه تقريبا كانت فلوس
انا احترت وبقيت هتجنن هو في اي فوق ؟! واي اللي بيجيب الراجل ده وبابا هنا ؟!
شويه ولقيت ابو نادر طالع …. فضلت تلت ايام اراقب والحال علي الوضع ده بابا يطلع والراجل ده وراه علي طول … لحد متعرفت علي شاب ساكن ف العماره اللي جمبهم اسمو احمد اتعرفت عليه ف القهوه اللي قدام العماره بس بعيد شويه مكان كويس للمراقبه كنت بروح اقعد فيها عشان كانو بياخدو وقت طويل اوي علي مينزلو
طب هو لو شغل. شغل اي اللي ف شقه
المهم جرجرت احمد ف الكلام عن مين اللي ساكن ف العماره دي قالي .. العماره دي ساكن فيها واحده ف الدور التالت متجوزه … والدور الخامس واحده ست عجوزه خالص هيا وابنها وبقيت الادوار فاضيه صحاب الشقق مسافرين او الشقه فاضيه
قولتله…. متأكد من الكلام ده
قالي… اه يسطا عيب عليك احنا علي طول ف الشارع ف عارفين اي اللي داير
قلتله… طيب انت مبتلاحظش اي حاجه غريبه ف العماره دي ؟!
ضحك ضحكه خبيثه وسكت شويه وقالي…. حاجه زي اي ؟!
قلتله… ضحكتك دي أكدتلي إن في حاجه
قالي.. وانت شاغل بالك لي يامعلم
قلتله…. عادي يعم
قالي … لا فهمني اي الحوار عشان افهم واقولك
حكتله اللي حصل
وبعد مخلصت قولتله … طبعا انا حكيتلك عشان بثق فيك احنا اي نعم لسه عارفين بعض من فتره قليله اوي بس انا استجدعتك وارتحتلك وعاوزك تساعدني
قالي… من غير الكلام المزوق ده يسطي انا هساعدك وهقولك اللي اعرفه
قلتله تمام … استني بقي اما اكلم نادر عشان يبقي علي نور باللي بيحصل …. قال … طيب
كلمت نادر جه والواد ابتدي يحكي …. قال بصراحه الست دي اللي ساكنه ف الدور التالت شفتها كتير اوي بقالها كتير ساكنه هنا بس كان في تلاته قبلها كل فتره بلاقي واحده هنا بس جوزهم نفس الراجل انا قولت ده بيتجوز كتير …. بس دي اكتر واحده طولت معاه كنت بشوفها ف البلكونه علي طول لان البلكونه بتاعت قوضتي بتطل علي بلكونتها … كنت كل اما اخرج الاقيها واقفه ف البلكونه بس بصراحه مزه يعني نظارتها ليا كان فيها حاجه غريبه كنت بعمل نفسي مش شايفها بس عارف انها بتبصلي زي مببصلها من تحت لتحت كانت كل يوم تطلع لابسه لبس شكل وغالبا بيبقي عريان .. بصراحه حاولت الاغيها ولما قررت اتكلم حظي كان زفت خرجت البلكونه لقيت جوزها هو اللي واقف كان بقالي كتير مشوفتوش فكبرت دماغي منها انا مش ناقص مشاكل بس هيا بردو فضلت تلاغي وف يوم وانا نازل من العماره قابلتها بصتلي وقالت ازيك انا استغربت روحت جبت حاجات وطلعت وشويه ونزلت اقعد ع القهوه وانا نازل من العماره سمعت عم رجب البواب بتاعنا قاعد مع بواب عمارتهم عم محمد وبيتودودو بس انا سامعهم لقيت عم رجب بيقولو …. بس رجاله طالعه ورجاله نازله اللي هيجنني أن جوزها ساعات بيبقي موجود فوق
عم محمد قاله.. ملناش دعوه المهم الفلوس أحنا مالنا اي اللي بيحصل فوق ومين يطلع ومين ينزل
رجب قاله… ياعم انا بقول بس عشان سمعتنا احنا اللي ف الوش وساعات الرجاله بتطلع وهو مش هنا…. الواجب بردو لو في حاجه دايره من وراه نقوله
رد محمد وقاله …. علي اساس انو مش عارف لو مش عارف ياخويا مكنش ف الطالعه والنازله يدينا فلوس الناس دي تجيله جوي وليهم مصالح مع بعض ملناش احنا دعوه بيهم قوم اعملنا شاي ….قوم
انا طبعا سمعت ونسيت انا كنت طالع ولا نازل وابتديت اراقبها ولاحظت انها بتفضل ف البلكونه طول الوقت ولما جوزها بيجي تروح داخله او حد من الرجاله اللي بتطلع ولاحظت انو اوقات يجي لوحدو وساعات يجو معاه ناس وساعات ميبقاش موجود ويطلعو وهو مش هنا….. بس الأكيد يإما الست دي بتخون جوزها يأما في حاجه تانيه احنا منعرفهاش
نادر راح قايله طب وانا اي علاقه ابويا بالكلام ده كله
قلتله ياعم اصبر وانا بردو اي علاقه ابويا بالشقه والست دي
بصيت لأحمد وقولتلو قولي ياصحبي انت شوفت جوزها طالع الشقه النهارده
قال.. اه قبل مانزل اقابلك علي طول
قولتلو … طب شكلو اي
قال… بص هو طويل … لاقصير … بص ياعم انا اما ينزل هوريهولك
عدي ساعه ويمكن اكتر ولقينا ابويا وابو نادر نازلين
قلتلو ها يسطي اهم نزلو مين فيهم جوزها؟!
قال .. اللي بيسلم ع البواب
قلتلو .. انا مش شايف استني لما يطلعو وشورلي عليه ….. اهم خرجو
قالي…. اهو الطويل اللي ع الشمال
نادر قاله … انت بتقول اي انت متأكد
قال اه يسطي والنعمه ده جوزها
قلتله ازاي ده
الراجل دا يبقي ابويا …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ستات للبيع)
