رواية زوجتي الجريئه الفصل الأول 1 بقلم منة محمد
رواية زوجتي الجريئه الجزء الأول
رواية زوجتي الجريئه البارت الأول
رواية زوجتي الجريئه الحلقة الأولى
حطت ايدها ع ودانها لما حصل صوت الرعد ورجع يضرب بقوه من جديد .لمع البرق
بالسما والغرفة نورت من ضوئه بلعت ريقها وبدون مقدمات فزت من طولها ونزلت من السرير واتحركت ناحيه الباب وهي بتسحب رجولها سحب وطلعت لمكانهم المفضل ووقفت قدام بيتها تنعي فراقها الي غير حياتها امها دخلت تصحيها لصلاه الفجر ملقتهاش في فرشتها
دلال بتصرخ بفزع : الحقني ياوجدي
وجدي طلع من التوالت مخضوض : فيه ايه يا دلال
دلال جسمها بينتفض من التوتر والخوف: ريشه مش موجوده في اوضتها
وجدي : ما يمكن في المطبخ ولا في الجنينه
دلال هزت راسها برفض: دورت عليها في كل مكان مش موجوده
وجدي طبطب ع كتفها: تمام استنيني هنا هروح ادور عليها
دلال بدموع: ارجع بسرعه
وجدي بالفعل راح ولقاها واقفه زي ماتوقع قدام بيت اعز رفيقه ليها
وجدي: ريشه انا دوخت عليكي لحد امتي هتيجي هنا , هو انتي مش بتحبي نفسك طيب مش بتحبيني انا وامك عارفه قلقنا عليكي قد ايه متخيله حاله امك عامله زي المجنونه وانا مت قلق عليكي يله يا حبيتي مع ابوكي خلينا نرجع البيت وتستريحي
ريشه مشت مع ابوها وكأنها ريبورت حد لازم يحركها ودخلها نايمها مكانها وباس جبينها وطلع وقفل الباب عليها
دلال بقهر: لسه بتروح هناك كدا هتتعب اكتر
وجدي بهدوء: هي متوتره عشان كدا بيجلها صداع نصفي شديد وبتفقد الوعي الي قلقني اكتر انها حاولت تخرج من البيت واحنا مش حاسين اكيد بتشوف نيلي وللسبب ده بتروح هناك
دلال: ايوه لانها بتفتكر الي حصلها كتير عشان كدا الدكتور نصحنا نشتت انتبها
وجدي: انا عارف ده لكن ريشا مش عايزه تخرج للحياه ورافضه تروح الشركه معايا نعمل ايه
دلال: لحد امتي هنسيب بنتنا تدبل لحد امتي هترفض الخطاب الي بيتقدمولها نفسي ترتبط وتعيش حياتها
وجدي: هنعمل ايه مش هينفع نجبرها احنا اهها ندعمها لو مدعمنهاش مين غيرنا هيعمل كده
دلال عيونها غرقانه بالدموع: ربنا يشفيكي يابنتي قادر ياكريم
***************
واقف فوق الكوبري في عز الشمس منتظرها
توتا قربت عليه بأبتسامه واسعه: هاي حبيبي انا اسفه جدا كنت مشغوله كتير وكان عندي شغل مهم في المكتب
يحيي كشر بغيظ : لو مجتيش متاخره مش هيكون اسمك توتا تأخير
توتا بغيظ: وانت لو مجاتش بدري عشر دقايق مش هيكون اسمك يحيي علام بدر الدين
يحيي رفع حاجب: اه بتحاولي تتخانقي معايا
توتا: اه اظن عارف ان مديري التنفيذي كان في اجازه مرضي والشغل زاد عليا ومعرفتش اتعامل معاه وللسبب ده مقدرتش ابص حتي في تلفوني
يحيي : ولا حتي الساعه
توتا عوجت بؤها: انت عارف بحب شغلي
يحي : وايه عن علاقتنا سوي ابويا وامي بيسالوني عن اخر علاقتنا بستمرار
توتا مسكت كتفها واتالمت بخبث
يحيي بقلق: فيه ايه
توتا : دراعي بيوجعني تعرف بالليل كان عندي اجتماع لحد الساعه اتنين صباحا وفضلت اكتب تقارير لان الشركه بتطور نشاط السياحه
يحيي: لو كنتي مراتي كنت دلكتلك كتفك توتا ايه رايك نكتب الكتاب وتبقي علاقتنا رسمي
توتا :رسمي
يحيي : ايوه نكتب كتابنا وبعدين نبقي نحدد معاد الجواز مش عايز كل شويه اهلي يسالوني عننا من فضلك
توتا مثلت الوجع ومسكت بطنها
يحيي : فيه ايه تاني
توتا: انا جعانه ياحبيبي بجد جعانه اوي امبارح مأكلتش طول اليوم لان كان عندي شغل كتير وخلال لحظات هيبقي عندي اجتماع
يحيي: لما تبقي مراتي مش هسمحلك تبقي مشغوله ابدا للدرجادي
*****.قصص منه محمد كاتب******
في بيت يحيي تحديدا ع السفره هاله انضمت متاخره لعده ثواني
علام بصلها بشراسة : الاكل اتحط ع السفره فين انضباطك
هاله بخوف : كان عندي درس اون لاين وخلص متاخر يا بابا
علام خبط ع التربيزه بأسلوب حاد : انا معرفش الكلام ده لو وراكي ايه باللذي الاكل يتحط تترزعي بس انتي بتعملي الي ع مزاجك
منه حفيدته خافت من صوته والمعلقه وقعت منها وعلام برقلها بنظرةٍ قوية
ليلي بخوف من ابوها : يابنتي مش كده قومي نغسل ايدينا يله
علام بص لخديخه امهم الي مش عاجبها الوضع وهاله قامت وري اختها ويحيي اضايق وجه يقوم
خديجه بهدوء: يحيي استني عايزه اتكلم معاك
يحيي قعد مكانه : اتفضلي
خديجه: انت شايف لو اتجوزت توتا بعدين هتعرف تطبخلك اكله حلوه ذي دي
يحيي عاقد حاوجبه: مش فاهم تقصدي ايه
خديجه :لاء انت فاهم
يحيي : ايه الي هيحصل يعني لو جيت هنا لما اجوع حتي بعد ما اتجوز انتي عارفه ان توتا مش بتعرف تطبخ وهي مشغوله دايما بشغلها
خديجه: في الحاله دي ليه عايز تجوزها
يحيي: يمكن تتعلم واحده واحده مش كده
خديجه: يابني المشكله هي معندهاش رغبه تتعلم حاجه هي تعرف بس تلبس كويس تحط ميكب فاقع ومستفز و ناجحه ترهنك جنبها سبع سنين ودي مدة مش قصيره بالعكس عطلتك كان زمانك متجوز ومخلف عيل عنده ع الاقل تلات سنين لحد امتي هتفضل مستني عشان تتكرم وتبقي جاهزه تبقي مراتك قولي
يحيي: بتتكلمي عن ايه انا مش فاهم
خديجه: شوف يابني احنا فقدنا الامل في توتا دي واتمني تقبل كل الاحتمالات
………………..
في غرفه ريشه الي قاعده ع الارض سانده راسها ع حرف السرير وعيونها بتحدف في دموع
دلال دخلت وقعدت ع السرير: لسه مش عايزه تاكلي طيب اخدتي علاجك
ريشه : ايوه
دلال تمسح ع راسها بحنية :طيب وصنيه الاكل
ريشه : خديها هنزل اكل بعدين
دلال مسحت ع شعرها برفق: طيب قومي صلي العصر وخليكي قريبه من ربنا وقتها مش هتحسي بالوحده طول ما ربنا في قلوبنا , وانا وابوكي دايما معاكي
وجدي: لسه برضه مأكلتيش يابنتي هيجيلك دوخه وصداع ايه رايك نسافر اي بلد تختاريها
دلال:او ممكن ترجعي الشغل مع ابوكي مره تانيه ع الاقل تخلصي من التوتر والملل
ريشه هزت دماغها شمال ويمين : مش عايزه اعمل اي حاجه
دلال: خلاص اشتغلي في البيت من ع الاب توب بقالك فتره مفتحتهوش او ممكن تكتبي شعر او تكملي روايتك
ريشه :معنديش افكار حاليا
دلال : تمام نفتح بوتيك او نادي صحي وتتعرفي ع ناس جديده
ريشه هزت دماغها بيأس: لاء
وجدي: خلاص تعالي معايا نصطاد سمك بقالنا كتير مروحتيش انا وانتي
…………….قصص منه محمد كاتب……………
في الشركه بعد الاجتماع
حاتم بأعجاب: بجد عرضك كان هايل
يحيي مسك ياقته بغرور مصطنع : طبعا يابني الشغل ده لعبتي, بكره الصحف الاجنبيه تتكلم عني
حاتم ضحك: اكيد بقولك كنت عايز اسالك عن توتا لسه امك زعلانه
يحيي اتنهد بضيق : لسه زعلانه بس زعلها هيهدا مع الوقت وبعدين ما انت عارف خالتك
حاتم : وعشان كده بقولك بلاش تبقي واثق , قولي هتعمل ايه لو اتحكمت تجوزك متنساش انك بعد ما بقيت معيد واتوظفت هنا مفيش اسباب تخليك تأجل انك تتجوز
يحيي : فعلا ده الي قاله جوز خالتك وقالي استعد
حاتم: معني كده الكلام حقيقي
يحيي : هو ايه الحقيقي
حاتم ضربه ع كتفه وهو ماشي: انك هتتجوز قريب استعد
يحيي : حاتم خد هنا
حاتم ضحك: استعد
يحيي حرك ايده بحيره: ايه المجنون ده
…………………..قصص منه محمد كاتب……………
وقت شروق الشمس ع شط البحر
يحيي رماه السناره في الميه وقال: حبيبي
توتا: ايه
يحيي لف وبصلها:عارفه اليوم هو اسعد يوم بالنسبه لي
توتا وهي بتعدل الميكب اب في المرايا: اشمعني
يحيي مبتسم : لانك جيتي معايا للصيد بعد وقت طويل لو بابا عرف انك معايا هيفرح جدا
توتا :معني كده ابوك بيحب الصيد
يحيي: ايوه كان بيقعد بلايام يصطاد وخصوصا بعد ارتفاع اسعار السمك الغاليه جدا
توتا : وبطل
يحيي : ايوه لانه بقي بيحس بدوار في البحر وبقي يخاف جيت انا
توتا : بس انا احنا هنا من مده امتي هنرجع البيت انا حرانه ومش مرتاحه
يحيي :انا حاجز هنا ساعتن ومكملناش نص ساعه اصبري شويه مطلعناش ولا سمكه
توتا نفخت بملل :يحيي الشمس بدئت تظهر وانا بشرتي حساسه والشمس هتحرقها شوف مكياجي ساح مقدرش اتحمل لازم ارجع البيت هسيح هنا
يحيي: تمام استني عشر دقايق اصطاد سمك وبعدها هرجعك البيت اوعدك
توتا قامت: قلت لاء عايزه ارجع ولا اقولك خليك هرجع لوحدي
يحيي بيلم العده بسرعه: خلاص استني راجع معاكي
………………
ريشه رجعت من النادي لقت شوكلاته محطوطه ع التربيزه في الجنينه اخدتها لقت مكتوب كارت اميرتي افتكرت ان دي كلمته الشهيره
امجد ظهر : هالو
ربشه جريت عليه بفرحه: امجد
امجد :عامله ايه يا برنسيسه
ريشه :كنت فين وحشتني بقالي مده مش شيفاك_ زقته وقع ع الكرسي) انت اتغريت صح
امجد : معرفش انك جامده كده فوق كده مقدرش اتغر ع اميرتي
ريشه : انت لطيف خالص بجد وحشتني اوي
امجد :وانتي اكتر
ريشه: كنت فين وبتعمل ايه
امجد : انا ياستي فتحت شركه في المانيا بس بقيتي جميله اجمل من الاول عملتي ايه
ريشه لعبت حواجبها: ده سر
امجد ضحك اوي: ايه هو السر
ريشه ضحكت بصوت عالي وامجد شاركها في ضحكها
وجدي من بعيد: الحمد لله شايفه بتضحك ازاي
دلال : اخيرا شوفناها بتضحك ووشها مبتسم
وجدي: امجد جه في الوقت المناسب
دلال : ماهو صديقها المقرب
وجدي : عشان كدا سمحت له يجي ويحاول
دلال : تمام ع الله يحاول
……………………..
قاعد وفاتح موبيله ع صورتها الجميله وبيتمعن فيها
خديجه: هو انت ناويت تتجوز عليا
علام: دي صوره بنت واحد صاحبي وكنت بشوف حسابه ع الفيسبوك وفجأه شوفت صوره بنته
خديجه: بسم الله ماشاء الله دي جميله اوي وصغيره مين صاحبك ده
علام : اسمه وجدي وعرفت انه رجع عاش هنا في فيلا في التجمع الخامس
خديجه : هو غني اوي كده
علام : فوق ما تتخيلي كان في المنطقه هنا بيجدد الجامع الي بناه وبالصدفه قابلته
خديجه: سبحان الله ربنا بيجمع الناس لسبب
علام : فعلا هو راجل خلوق وطيب وراجل اعمال كبير وعنده شركه اه لو ابنك قدر ينجح ويبقي حر نفسه بس صمم يبقي معيد وبعدين راح اشتغل عند ابن اختك
خديجه: ماله حاتم اظن مقصرش وعطاله مدير تنفيذي بلاش تقول كلام عليه وتبقي جاحد
علام :ع فكره حاتم نفسه يكمل نص دينه عامل زينا
خديجه :اه نفسي اجوز يحيي واشوف ولاده بصراحه توتا دي واقفه في زوري شوفت الي حصل امبارح رغم اننا حذرناه هو اتجاهل كلامنا ومصمم ع الي في دماغه البت دي مش عايزه تتجوز
علام: وانا زيك عايزه عايز اشوف حفيدي
خديجه: يوه ما ليلي عندها منه حفيدتك
علام : بس مش شايله اسمي وليلي خلفت طفله واحده وشكلها مش ناويه ومنعت الخلفه بمزاجها
خديجه :وليه تعمل كده بس؟!
علام الله اعلم ليه ابقي اساليها
خديجه : واسالها ليه ما تسالها انت
يحيي دخل : مساء الخير عليكم
خديجه : اصطاد سمك
يحيي: لاء حظي مكنش موفق
خديجه: طيب اقعد
علام: ايوه اقعد شويه
خديجه : فيه موضوع مهم هكلمك فيه
يحيي قعد : اتفضلي
خديجه: بصراحه عايزين نجوزك واحده من اختيارنا
يحيي وشه اتغير :لاء انا بحب توتا وانتم عافين كده وبقالي سنين معاها ليه تجبروني ع واحده تانيه
خديجه شخطت فيه : يابني هي مش مستعده تتجوزك افهم بقي
يحيي اتنهد بضيق : وعرفتي ازاي انها مش مستعده
خديجه : كل تصرفاتها بتقول مش مستعده تبقي جزء من عيلتنا فاهم الي اقصده
يحي الضيقه واضحه عليه: لاء مش فاهم لان الي اعرفه ان توتا مراتي المستقبليه وشايف مش من حقكم تزعجوا نفسكم واتجوزوني واحده غيرها _ حب يقطع النقاش قام وقال_ اسف
خديجه بصوت عالي وعصبية : يحيي انا لسه مخلصتش كلامي
علام: سبيه ياخديجه وانا هعرف اتصرف معاه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
