رواية رقاصة الفصل الثاني 2 بقلم آلاء الواقع
رواية رقاصة الجزء الثاني
رواية رقاصة البارت الثاني
رواية رقاصة الحلقة الثانية
ـ إلحقني يا عز
ـ فيه ايه ؟؟؟
ـ شوق مش موجودة
ـ إزاي يعني انا قافل باب الشقه بالمفتاح بايدي هتكون راحت فين؟؟!
دخل الاوضه يدور عليها بنفسه
رحيل باستغراب: بتضحك علي ايه؟؟
ـ أصلها هربت
ـ إزاي ؟؟
دخلت البلكونه لاقيت ملايه السرير مربوطه في طرف سور
رحيل بضيق: هي دي حاجة تضحك …عز انزل شوفها لتكون وقعت أو جرالها حاجه
ـ أنا لا نازل ولا طالع ؛ أنا عملت اللي عليا وروحت جبتها وهي مشيت
ردت بعصبية
ـ عز إنت معندكش دم دي بنتك ..بنتك
عز بضيق: غلطه دي غلطه حاولت بكل الطرق إن أبعدها عن حياتي علشان متبوظش
ـ غلطه !!! لو هي غلطه فعلا فهي غلطتك و إنت ولازم تصلحها بطل تهرب ..وتبقي أناني يا عز
ـ أنا أناني علشان مكنتش عايز اخسرك يا رحيل
ـ إنت هتخسرني فعلا لو مروحتش تدور علي بنتك وتلحقها
رد بضيق
ـ مش فاهمك بتعملي كدا ليه ؟؟دي مش بنتك المفروض إنتي اكتر واحده تكون مبسوطه إنها مشيت
ـ علشان أنا أم وعندي الي زيها .. اللي مش قادره أفهمه إنك عادي مش فارق معاك بجد مرعب
ـ هو ايه حوار إني عندي أخت غير سلمي ده ؟؟؟
ـ رد علي إبنك ..وسع من وشي انت التاني ـــــــــــــــــــ
ـ يبنتي إفتحي الباب … بتت يا شوق .. شوق إفتحي ياختي دا إنتي وحشتيني أوي
حسن: افتحي يا شوشو
نجوي بغضب: غور من هنا إنت الي جابك يا وش المصائب
ـ مش وقته يا خالتي ، خلينا نشوف البت .. شوق هكسر الباب لو مفتحتيش
نجوي: طب ردي علينا يا ضنايا
ـ وسعي كدا
كسر الباب ودخلوا الاوضه
نجوي بصريخ: يالهوي ….بنتي …يالهوي بنتي راحت مني.. شوق
ـ بطلي ولوله خليني أوديها المستشفي ــــــــــ
يوسف بجمود:كويس إنها رجعت ما كان ما جت ياريت كلنا ننسي الموضوع ده كمان
رحيل. بضيق: كلم طلقيتك … الوضع دا مش
عز بمقاطعة: الو يا نجوي …. ايه ؟؟؟
طيب مسافه السكه
ـ حصل ايه؟؟
رد بنبره كلها خوف
ـ شوق في المستشفي ، كانت هتموت نفسها
سابني وطلع يجري علي تحت
ـ يارب سلم ــــــــــــــــــــــــــــ
ـ غور من وشي يلا إنت
ـ هي دي جزاتي دا انا للي لحقتها
أدهم: متشكرين يلا إتفضل إمشي
باس أيدها وهي نايمه
ـ إزاي بجدع همشي من غير مراتي
نجوي :مرات مين يا ابن **** * ضحكت علي البت
ـ اضحك علي مين …دي شوشو تضحك علي محافظة .. كله بالحب وحياتك
عز قرب منه ماسك في هدومه
ـ هطلقها
ـ لا
عز بمقاطعة : طلقها حالا
ـ لا مراتي وهاخدها لما تصحي ونمشي
ـ طلقها بقولك
شوق بتعب: ااه
ـ حمد الله على سلامتك يا ضنايا
حسين:حمد الله على سلامه يا شوشو يحبيبتي
عز ضربه بقلم
شوق بتعب: إنت بتضربه ليه ؟؟ هو في ايه؟؟؟
حسن: عايزني اطلقك يشوشو بس أنا عمري ما هعمل كدا
أدهم:مش بمزاجك يروح أمك هطلقها يلا اخلص
ـ أيه التهريج ده يجماعه اتفضلوا كلكم برا البنت عندها إنهيار عصبي وانتم بتخانقوا جنبها اتفضلوا اطلعوا برا
طلعوا كلهم برا قدام الاوضه
ـ ما تسبني يراجل انت
ـ لما تطلقها
حسن بتوتر: ما هو يعني ماهو
ـ إنطق بدل ما اموتك في ايدي
ـ كاتبين ورقتين عرفي
نجوي: هو ده وقته يا عز البت بتموت
ـ اخرسي إنتي دلوقتي حسابك جاي … أدهم ادخل اقعد ما شوق .. وإنت الورقين فين ؟؟؟ـــــــــــــــــــــــ
فاطمة: وجدو من ساعه ما عرف من أدهم هو مش طايق نفسه ودخل أوضته وإنتي عارفه بقا بيطلع منها عامل إزاي رحيل ….رحيل
ـ بطه أنا دماغي مش فيا روحي بيتكم دلوقتي
ـ ماشي بس هاجي اشوفها لو رجعت ــــــــــــ
ـ أنا مبقاش ورايا حاجة غير اني اشيلك
ـ محدش قالك شلني يا خرع .. لو تقليه عليك نزلني
ـ يبت اتلمي شويه
لفت دراعها السليم علي رقبته
ـ لمني لو تقدر عليا
أدهم بتوهن:عينكي جميلة أوي
ردت بارتباك
ـ شلني وانت ساكت يلا أما نشوف اخرتها هترسي علي أيه
نجوي بعياط:بس دي بنتي سبهالي يا عز أنا ماليش غيرها …جتالك لما غلوبت سنه أحاول ارجعها ومعرفتش تجي تاخدها إنت
ـ أنا قولت إللي عندي سلام
ـ منك الله يا عز ــــــــــــــــــــــــ
ـ هو إنتي فعلا متجوزه حسن دا
ـ ااه وهخليه يجي ياخدني من عندكم انا مش عايزكم ليه ظهرتوا
ـ إحنا أهلك يا شوق
ردت بنبره كلها سخريه
ـ سلامات يا أهلي كنتوا فين وأنا بتعاير إن ماليش لا أب ولا أهل زي الخلق … أهل ايه ونبي خليني ساكته قال أهلي قال ــــــــــــــــــــــــ
حامد : مش عايز حد يفتح بوقه بكلمه سامعين
يوسف: بس يا جدي
ـ من غير بس
عز : سلام عليكم
ردوا السلام مع نظرات لشوق وأدهم
ـ تعالوا إنتوا التلاته عايزكم جوا
عزه: يا ترا بابا هيقولهم أيه ؟؟
ـ جدو اكيد مش هيراضي بالظلم
يوسف بجمود : يعني ايه هيخلي البت للي من الشارع دي تقعد معانا في بيت واحد
رحيل بزعيق: يوسف عيب ـــــــــــــــ
حامد: حمد الله علي سلامتك
شوق : الله يسلمك … هو إنت الكبير بتاعهم هنا
عز :بس
حامد: اسكت إنت ..ايوا أنا
ـ طب يحج إبنك دا لطخ سابني ٢٠ سنه و امبارح جه يقولي هو والواد دا انه أبويا وعايش الدور
حامد بضحك: بنت نجوي فعلا
ردت بضيق
ـ مالها أمي يعني
ـ مالهاش …إنتي معاكي حق إن ابوكي دا ندل علي فكره محدش فينا كان يعرف بوجودك إحنا يبنتي مبنرميش لحمنا
ـ وأنا مش منكم وعايزه امشي
ـ هتروحي علي فين؟؟
ـ هروح لحسن إبن خالتي
ـ الواد الصايع للي مخليكي رقاصه وعايش علي قفاكي
ـالواد الصايع دا أنا معرفش غيره طول حياتي وبعدين إحنا متجوزين
ـ الورقيتن معايا وأنا قطعتهم ، إنتي خلاص هتفضلي عايشه معانا وأنا أسف بالنيابه عن للي إبني عمله فيكي زمان
شوق بعياط: رجعوني لأمي
ـ ما إنتي كنتي سابيها ، بعدين هي ممكن تجليك هنا تشوفك عادي يا شوق
شوق بعياط:إنتم ناس وحشين وأنا بكرهكم
ـ خدها يا أدهم دخلها ايه اوضه هنا تستريح ــــــــــــ
علا: يارب نص صبرك يا رحيل
ـ هعمل ايه يعني ــــــــ
ـ خلاص بطلي عياط إنتي تعبانة
ـ ونبي خليك في حالك واطلع برا
ـ تصدقي أنا غلطان اتفلقي ـــــــــــ
حامد بغضب: طول عمرك عيل تعمل العمله وتجري من ايه مسئوليه روحت واتجوزت نجوي من ورانا وانت عندك ٢٠ سنه ولما عرفنا طلقتها …. إزاي قدرت تعيش العمر دا كله وإنت عارف إنك ليك بنت
عز بتوتر: خوفت لو حد عرف
ـ بطل تقول مبررات ملهاش لازمه …البت دي هتعيش معاك وتحاول تعوضها عن اللي فات سامع ..غور من وشي الساعه دي ــــــــــ
ـ جبتالك أكل أكيد جعانه
ـ ماليش نفس
ـ هتاكلي بردوا دا أكل رحيل تحفه
ـ إنتي مين؟؟؟
ـ فاطمة بنت عمك أنا اخت أدهم .. عارفة أنا مبسوطة أن طلع عندي بنت عم قمر زيك أصل كلهم هنا ولاد الا أنا طبعا وسلمي
ـ إنتي رغاية
ـ ايوة كلهم بيقولوا كدا بس اصل
شوق بمقاطعة: لا أنا دماغي هتتفجر خدي اكلك دا واطلعي برا عايزه أنام
ـ هسكت بس إنتي لازم تاكلي لجدو يدبحني ــــــــــــــــــــــ
بعد مرور أسبوع علي وجود شوق معاهم في بيت واحد
ـ لا تاني مش عارفه اعملها
ـ بصي هزة يمين وهزة شمال كدا
سلمي: كدا صح
ـ صح يا اوختشي
عز دخل الاوضه هو بيزعق
ـ أيه هتقلبي البيت كباريه
ـ ايوه تعالي نقط بقا هيهيهي
سابهم وطلع من الاوضه هو متعصب
رحيل ابتسمت: براحه يا عز هجليك الضغط يحبيبي من أول أسبوع
ـ بت قليله الادب
شوق: ملقتش إللي يربيني معلش
ـ إبعدي عن وشي
قعدت قدامه علي الكرسي باستفزار
ـ والله جدي قالي اقعدي فحته للي تعجبك ولا نروح نقوله إنك
عز بضيق:خلاص أنا هغور ياكش اغور من الدنيا كلها
رحيل: براحه عليه شويه ؛ عارفه بشوفه بليل واقف قدام اوضتك متردد مش عارف يدخل ولا لا
ـ بتقولي ايه كلام دا مش طايقني ولا بيحبني
ـ مش مضطره اكدب عليكي هو بس عز كدا مش بيحب يواجه حاجه عملها ..تعرفي اتخض عليكي لما عرف إنك في المستشفي وطلع جري ..مهما كان إنتي بنته حته منه غصب عنه بيخاف عليكي وبيحبك حتي لو بيظهر العكس
بصلتها باستغراب
ـ مش المفروض تكرهيني فيه علشان أمشي من بيت يا مرات ابويا
ـ سيبك من جو الافلام ده ومتقوليش يا مرات ابويا دي تاني أنا اسمي رحيل لو حابه تقوليلي زي سلمي مفيش مشكله …واتفضلي البسي علشان كلنا هنتغدي تحت النهارده
قامت حضنتها
ـ إنتي خساره في الراجل ده
رحيل بضحك: مبحبش حد يتكلم وحش علي الراجل بتاعي غيري
ـــــــــــــ
نزلت تحت لاقيت ناس كتير كلهم عارفين بعض بيتكملوا سوا فضلت واقفه شويه مش عارفه المفروض أعمل أيه
ـ تعالي ادخلي اقعدي
ومسك ايدي
ـ بتعمل كدا علشان أبوك صح
ابتسم
ـ علشان إنتي بنتي ؛ ارحميني شويه
ـ ارحمك ؛ هو انا بطفي سجائر تحت باطك
ـ باطك!!!! لا يستي بس كلامك زي السكاكين بتغرز فيا
سكتت وقعدت جنبه وأنا بفكر في كلامه أنا بعمل كدا علشان مضايقه منه مجروحه واللي عملته في الاسبوع دا جزء بسيط من للي ناويه اعمله … فوقت من دوامه أفكاري علي ايد عز هو بيقومني علشان نروح ناكل وجه قعد جنبي الواد أدهم
أدهم:بطلي لعب في الطبق وكلي
ـ وانت مالك يا حشر
ـ بتخليني كل مره اندم اني كلمتك
ـ أحسن متكلمش تاني بقا
شدني من شعري خلاني صوتت وكلهم بصولي فتحرجت وقومت طلعت برا
ـ كدا تطلعي برا يقولوا ايه دلوقتي
شوق بانفعال: إنت ليك عين تتكلم دا هطلع متين
أدهم: ايه هتطلعي عليا شغل الراقصات بتاعك هنا ولا ايه
بصتله وسكتت
أدهم :لسانك راح فين؟؟
شوق بانفعال: تعرف تسبني في حالي بطل تنكش فيا بطل كلامك دا
ـ للاسف مش ممكن أنا بحب أرخم عليكي
ـ ليه ؟؟؟
ـ هو كدا
ـ إنت دماغك تعبانه وبتحب التهزيق ومالوا يحبيبي
ابتسم
ـ قوليها تاني
ـ هي ايه دي
ـ حبيبي
بصلته بقرف
ـ عيل خرع وملزق وسع كدا ــــــــــــــــــــ
ـ كنتي واقفه مع أدهم ليه؟؟
ـ إنتي مالك وبعدين مين انتي؟؟
ـ انا مرام بنت عمتك عزة وحبيبه أدهم فابعدي عنه
ـ أهلا يعسل ، إبقي لمي حبيبك يقلبي أصله مدبقني في رايحه والجايه خليه يركز معاكي أحسن
سلمي:جدو عايزك يا شوق
ـ ماشي ،لميه ها لو إحتاجتي مساعدة أنا في الخدمه يمزه ـــــــــــــــــــــ
ـ نعم
حسن: وحشتيني يا شوق
عز :اتلم يلا
حسن : خدي يا شوشو ابننا انا جبته علشان اكيد وحشك مش كدا
ردت بارتباك
ـ إبن .. إبننا ــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رقاصة)
