رواية بلد احلامي الفصل السابع عشر 17 بقلم جنا ابراهيم

رواية بلد احلامي البارت السابع عشر

رواية بلد احلامي الجزء السابع عشر

رواية بلد احلامي الحلقة السابعة عشر

*بطاطس*
«جنه»
حطيت ايدي علي راسي وانا دايخه وبفتح عيني….بصيت حواليا لقيت ان انا في مكان ضلمه….مش عارفه احدد اي حاجه من حواليا بسبب الضلمه…..قومت من علي الارض ومشيت خطوتين بس اتكعبلت في حاجه ووقعت….ايدي لمست حاجه لزجه مش قادره احدد هي اي…..بس الدوخه زادت وغمضت عيني ب استسلام
*في بيت جين*
«لينا»
لما دا تاي….يبقا جنه اتنقلت ل مين قاطع تفكيري….جين وهو بيقول ل تاي:
-مش قولت انك عندك شغل..
شوفت تاي وهو بيحط شنطه قدام جين علي الارض..وقاله:
-اها….بس انتو نسيتو الشنطه دي في عربيتي….وكده كده مكنتش بعدت كتير ف قولت اجيبهالك… خصوصا عشان مش هعرف اقابلكم الكام اليوم الجايين عشان ورايا شغل في الشركه كتير…..ف همشي انا بقا وابقا كلمني وقولي لو فيه جديد اتوصلتولو في القاعده دي
تاي مشي تحت محيلات جين انو يقعد شويه بس كان مستعجل
وجهت نظري ل جين وقولتله:
-حاسه انو جه قصد عشان يسبتلنا انو مش ورا اختفاء جنه
جين بصلي وهو بيتريق عليا وبيقول:
-وانا حاسس انك بتفكري كتير….بعدين دي اختفت من قدامنا يبقا اكيد بتتنقل زيك
قولتله:
-ايوه بتتنقل زي…..بس السؤال هنا هي بتتنقل عند مين اكيد فيه سبب
جيمين اتدخل في الكلام وهو بيقول:
-خلاص انتو هتتخانقو….بس انتو ملفتش انتباهكو حاجه….جنه مبتعرفش تكلم كوري كويس….
جيمين وجه نظرو ليا وهو بيقولي:
-هي قالتلك ان الي خطفها او اتنقلتلو دا اكلم معاها عربي ولا كوري…..ولا مكلمش اصلا
قولتله:
-اكلم معاها عربي
جيمين:
-حلو….يبقا الي انتقلتلو بيعرف يكلم عربي…..وتاي مبيعرفش يكلم عربي علي حسب ما لاحظت لما مفهمش كلام جنه برضو
قولتلو وانا بفكر:
-مش يمكن عامل نفسو مبيعرفش يكلم عربي عشان منشكش فيه
جين قاطعني وهو بيقول:
-صح مهو يمكن مخبي انه بيعرف يكلم عربي…..
جيمين:
-هو ممكن فعلا….بس ركز يا جين كده… تاي عمرو ما كان مهتم بالعربي ولا البلاد العربيه ولا في دماغه
جين:
-طب مهو مكنش مهتم بالاماكن المهجوره….وقالنا انو لفت انتباهه البيت المهجور الي لقا فيه جنه
جيمين تأفف وقال:
-خلاص انتو تستنو الراجل الي بعتو عشان يجيب معلومات عن تاي
قاطعتهم وانا بقولهم:
-طب وجنه
جين بصلي وقالي:
-مش بعيد تكون اتنقلت ل بيتها اصلا
قولتله وانا بضرب جبهتي ب ايدي:
-صح….بس انا مش متأكده…
بصيت علي جيمين الي فتح الباب وقالنا:
-ارغو بقا…..انا ماشي عشان ورايا شغل في شركتي بقالي يومين مرحتهاش بسببكو
ورزع الباب….بصيت ل جين وقولتله:
-يعني كلهم بيشتغلو في شركات….وانت ملقتش شغله غير كاتب….طب كنت اشتغل مع صاحبك يا جدع…..وبعدين داقت بيك الدنيا… ملقتش حاجه تعترف بيها ل سوهي دي غير ب انك تكتبلها روايه
جين خد مخده من علي الكنبه ملحقتش استغرب لأنو رماها في وشي وهو بيقولي:
-ما انتي مبتفهميش…انا كاتب ف لازم اعترفلها بطريقه كريتيڤ
قولتله وانا بحدفو بالمخده الي رماها عليا:
-شوفت طريقتك الكريتيڤ جابتنا فين….وياريتك اعترفت ل سوهي في الآخر
*في مكان تاني*
«جنه»
سمعت صوت… فتحت عيني مع لحظه فتح النور…قفلت عيني تاني وفتحتها وانا بعود عيني علي النور… قومت واتفجأت اني كنت نايمه علي سرير…بصيت قدامي ولقيت اني في مكان واسع وقدامي….جردل بس كبير اوي…وواسع… اتخضيت لما لقيتني بتحرك وحاجه بترفعني فوق….رجعت في نص السرير وانا خايفه اني اقع…..بصيت تحت وانا بشوف كم الارتفاع….عالي بس مش اوي… خدت بالي لما رفعت راسي ان فيه جوا الجردل الكبير دا سائل كتير ولحد نص الجردل تقريبا بس انا شاكه ان دا زيت…..قولت ل نفسي بصوت مسموع:
-يالهوي…دا لو زيت يبقا هيعملني بطاطس بجد
قاطع كلامي صوت انا عرفاه وهو بيقول:
-وقتك انتي مش دلوقتي…..بس انتي اخترتي انتي عايزه تموتي ازاي…وانا عيوني ليكي….ومش بس كده دا انا هخليكي تشوفي هتبقي عامله ازاي
شوفته وهو بيدوس علي ريموت في ايدو وسمعت صوت من تحت….بصيت تحت واتفجأت ب ان في نار اشتغلت تحت الجردل….بس جردل اي بقا دا طاسه….دا بجد طلع فيه زيت
بصيت للمقنع الي كان واقف قدامي علي حاجه رفعاه وقولتله:
-علفكره انا عاوزه ابقا شاورما مش بطاطس
اتفجأت بالمقنع بينط من فوق الحاجه الي رفعاه بس اتفجأت لما لقيتو بيطير….. لاء بجد دا بيطير
قولتله وانا بضحك:
-اي دا انت بتطير…..واو انت جني بقا وكده ولا عفريت
مكملتش كلامي لما لقيتو بيقرب مني ووقف قدامي بالظبط وهو بيقولي:
-تفتكري هيبقا شكلك اي وانتي بتتقلي زي البطاطس في الزيت
قولتله وانا بضحك:
-انت بتكلم بجد…..
سكت شويه وبعدين اتكلمت وقولتله:
-انت اهبل ولا اي….هو انت مجنون وجاي تجنن عليا….
لقيتو قرب مني جامد…..خفت ومحستش بنفسي غير وانا نازله عليه بالقلم…..بصيت علي كف ايدو الي ضربتو بيه وانا حاسه اني هعيط وقولت وانا برجع نفسي لورا:
-مكنش قصدي…انت الي قربت
المقنع بصلي وقالي:
-والله….
فجأه النور اتقفل والدنيا رجعت ضلمه كحل تاني…..كنت خايفه ل اتحرك واقع من فوق السرير…..حسيت ب حاجه بتمشي علي ايدي…. صوت برعب وانا بحرك ايدي بسرعه….وظهر قدامي فجأه وش حد مش*وه بطريقه بش*عه اتخضيت….ورجعت لورا….وقعت من علي السرير….شكلها هتنتهي بموتي في الآخر..