رواية ابن الجيران الفصل الثاني 2 بقلم نانسي العربي

رواية ابن الجيران الجزء الثاني

رواية ابن الجيران البارت الثاني

رواية ابن الجيران الحلقة الثانية

العميد : ما شاء الله من اول يوم خناق وعلي بنت واحد فيكوا يشرحلي الي حصل
ملك : يا دكتور انا قبلت الاخ ده ف الكفاتريا وخبطني وانا ماشية وبدل ما يعتذر بيبجح فطبيعي اتعصبت وصوتنا علي ، علي احم خطيبي يعني سمعنا ف جيه والبيه ده استفزه اكتر فضربوا بعض ومازن جيه علي الخناقة
” يبصلها علي بصدمة لما تقول خطيبي ”
العميد: مين فيكوا خطيبها
” تخبطه ب اديها فضهره من غير ما حد ياخد باله”
علي : انا يا فندم
العميد : لا شكلك عصبي فعلا ومين الي خبطها
جاسر : انا بس احنا الاتنين خبطنا بعض هي مش بريئة
العميد : المفروض يا استاذ يا محترم حتي لو البنت هي الي خبطتك تعتذرلها ده من الذوق والاحترام لكن واضح انك متعرفوش … عموما انا مش هعملكوا حاجة المرادي عشان انهاردة اول يوم اتفضلوا علي محاضرتكوا ولو الي حصل ده اتكرر تاني مش هيبقا اقل من رفد
” يخرجوا من المكتب ويبصلهم جاسر بغيظ وعلي يبصله نفس النظرة تاخد بالها ملك وتشده وتمشي ”
” نعرفكوا علي جاسر : 19 سنة امه ميتة معندوش اخوات بشرته بيضة وشعره اسود تقيل ومرجعه الي ورا عنيه عسلي وطويل نسبيا ، نرجع ”
ملك بقلق : علي انت كويس احيه بؤك اتعور
علي : متقلقيش انا كويس محصلش حاجة انتي فيكي حاجة
ملك : لا بس انت بؤك هيفضل يجيب ف دم ياعم
علي : والله انا كويس خلاص
مازن : شايفة قلقانة عليه ازاي وصاحبته كمان مش انتي بحب فتلاجة 😒
ليلي : ما انت زي القرد اهو انت جيت علي الاخر اصلا علي هو الي خد الضرب كله بس الشهادة لله نفخه بس اه صح اي حوار خطيبي ده 😂
مازن : اه صحيح طلعت منين دي 😂
ملك بكسوف : الله كنت هقول للراجل اي صاحبي ومتربي معايا كان هيرفدنا من قبل ما نبدا 😐
” كل ده وعلي بصصلها ببتسامة ”
علي : لا بس تفكير راجل يابت قلب الليلة كلها عليه هي دي تربيتي 😊
ملك : عيب عليك يسطا وراك رجالة ..يلا شباب عشان المحاضرة هتبدأ
” يدخلوا السكشن ويبقا جاسر معاهم يبصله علي بغيظ ويقعدوا كلهم جنب بعض ، يمر الوقت واليوم يخلص مفيهوش حاجة جديدة يروحوا مازن وليلي وتركب ملك ورا علي ويمشوا وهما ف الطريق تليفون ملك يرن ”
ملك : دي ماما … اي يا سوسو
سلمي : انتي مع علي صح
ملك : اه في اي
سلمي : طيب اطلعوا علي طنط مريم علي طول سليم ويوسف هيباتوا ف المستشفي انهاردة واحنا هنبات معاهم
ملك : طيب خدتيلي هدوم طب
سلمي : احنا واحنا ف الشقة بتلبسي من هدوم علي هتلبسي من هدومك واحنا عندهم اتنيلي
” تقفل فوشها تبص ملك لتليفون بستغراب ”
ملك : نفسي مرة اسمع منها كلمة سلام
علي : قفلت فوشك بردو
ملك : اه وهنبات عندكوا 😁
علي: لو فكرتي ف البيجامة الصفرا يا ملك هطردك برة البيت
ملك : اي يا عم العنف ده قلبك ابيض اقفلنا قدام اي مقلة ولا سوبر ماركت لحسن السهرة انهاردة صباحي😁
” يوصلوا البيت”
ملك بصوت عالي : سمو عليكووو😂
مريم : اهي موكا جت اهي يلا نقوم نحضر الاكل بقا
سلمي : هنحضر من بدري والله استني بس انا عارفة بنتي
ملك ببتسامة : حبيبتي يا سوسو 😂
” تبص علي باب اوضة علي وتبصله وهو يبصلها بقلق ”
علي بتحذير : اياكييي
” تطلع تجري علي الاوضة وتقفل وراها بالمفتاح ”
علي من برة : بقا هو ده السهرة الصباحي ما انا الغلطان ما انا لما جيت اسهر اخترت واحدة عرة اسهر معاها
ملك : البيجامة الصفرا فين ياض اوعا تكون ف الغسيل … لا خلاص لقيتها
” تطلعها وتلبسها وتنط علي السرير وتنام ، برة ”
سلمي : انا مش فاهمة اي سر حبها ف البيجامة دي
علي : عشان جبتهالي فعيد ميلادي ف بتستثمر فلوسها وكدة
مريم : تعيش وتلبس موكا حبيبتي دي هي الي معوضاني عن خلفة البنات
سلمي : امك وانت صغير كانت بتبدلك معاها 😂😂كانت بتخبط عليا تقولي هتيها وخديه 😂😂😂 واصراحة مكنتش برفض لان انا كمان كان نفسي اخلف ولد 😂
مريم : اعمل اي انا طلعت معنديش اخوات بنات مفيش غير سامح اخويا الي عايش برة ده وطول عمري كان نفسي لما اخلف اخلف بنت وانت جيت ولد واحنا جينا العمارة وهي حامل ف بنت ف قولت نبقا نبدل 😂
علي : ما كنتي تعمليلي عملية تحويل اسهل 😂
سلمي : كنت هتبقا قمر بعنيك دي 😂😂😂
” يسمعوا صوت شخيرها من جوا ”
علي : وضح ان كان نفسك فولد فعلا يا سوسو وماشاء الله مشاعرك طفحت عليها 👏
” يعدي الوقت وتقوم مريم وسلمي يحضروا الغدا ، علي يبقا عامل ديما مفتاح احتياطي بسببها يدخل عشان يجيب هدوم يغير يشوفها وهي نايمة علي دراعها ورقبتها معوجة وشكلها يفطس يفضل يضحك عليها وبعدين يطلع التليفون ويصورها وبعد ما يخلص يبصلها شوية ويقرب منها ويملس علي شعرها بحب ويعدلها ويبوس دماغها ويقوم ياخد الهدوم ويخرج وهو بيضحك ،عند سلمي و مريم ف المطبخ ”
مريم : كانت تبقا مصيبة لو كنت سمعت كلامك زمان وخليتك ترضعي علي كان زمانهم بقوا اخوات
سلمي بضحك : اه والله مكنوش هينفعوا لبعض المشكلة انهم دلوقتي بيحبوا بعض وهما مش حسين
مريم : لو علي علي فهو عارف انه بيحبها انتي مبتشوفيش بيغير عليها ازاي
سلمي : انا الي بنتي حمارة عندك حق .. هاتي الملح
مريم : خدي … لازم نلقيلهم طريقة انا لازم افرح بيهم انا ملبستش فستان من قبل ماحمل فيه
سلمي : اتنيلي انا من ساعة ما اتجوزت اخر فستان لبسته كان فستان الفرح 😂
” يعدي الوقت ويفضلوا يرغوا والاكل يجهز وعلي قاعد قدام التليفزيون بيتفرج علي الماتش ”
علي بحماس وصوت عالي : يا عم ما تبصيله يا عم هتتشل لو بصيتهاله … يلاا يلااا يلاا …جووووووووولللل
مريم : بس يا حيوان ملك نايمة
سلمي : زعق براحتك يا حبيبي ملك لو عملوا جنبها فرح مش هتصحا دي صوت شخيرها اعلي من صوته
علي : والله يا سوسو انتي واخدة قلبي من زمان ونعمة لحملك مسلسل الحب لا يفهم الكلام
سلمي : حبيبي يا لولي ربنا يخليك ليا
علي : ونبي بلاش لولي دي ملك مسكاها عليا زلة 🙂💔
مريم : ادخل صحيها طيب عشان الاكل
علي : انا عارف هتصحا ازاي
” الاكل يبقا صنية بطاطس يغرف علي طبق وياخده ويدخلها ويقرب علي السرير ويضحك علي شكلها وهي نايمة يقرب الطبق من وشها تبتدي تحس بالريحة وتشمشم وتبدأ تتكلم وهي نايمة ”
ملك : ابعد عن طبق البطاطس يا علي …علي هعورك يا علي ابعد عن الطبق سيب الفرخة سيب الفرخة يا مفجووع انا جعانة
” كل ده بيصورها فيديو يبدأ يكلمها وهي نايمة وهي ف العادة بترد عليه بتتخيل انه معاها ف الحلم يعني ”
علي : مش هسيبه لا
ملك : هخزقلك عنيك ياض والله .. بس لا بلاش عنيك انا بحبها حرام
علي : بتحبي عنيا 👀
ملك : ايوة بس ببقا عايزة اخزقهالك وانت بتبص علي البنات يا وسخ😒
علي : بتغيري يعني 😉
ملك : سيب طبق البطااطس بقااا
” يقفل الفيديو ويقرب الطبق من وشها تاني بس المرادي يصحيها ”
علي : موكاا ..موكاا يلا الاكل هيبرد قومي
” تبتدي تفوق وتفتح عنيها علي طبق البطاطس ”
ملك : تصدق كنت بحلم بيه
علي بخبث : هو بس
ملك برتباك ووشها يحمر : هاا …وانت مالك ياض قوم من هنا وبعدين انت دخلت ازاي انا قافلة الباب بالمفتاح
علي: يخربيت بجاحتك يا شيخة يعني نايمة ف اوضتي وعلي سريري ولبسة بيچامتي وبتتامري قومي يا خرا الاكل هيبرد انا جعان
“يقوم يخرج ”
ملك : هو عرف منين اني مكنتش بحلم بطبق البطاطس بس!
سلمي من برة : يلا يا نيلةةة
” تقوم تطلع من الاوضة وجري علي السفرة تحطلها مريم اكبر حتة من الفرخة وتحطلها هي ومتحطش لعلي ”
علي : يا ماما نفسي احس اني ابنك
مريم : ما انت واخد عنيا اهو عايز اي تاني احطلك رز يا حبيبتي
علي : انتي خلفتي مين فينا طيب نفسي افهم
سلمي : انا هغرفلك يا لول…
” يقاطعها وهو بيبرق ”
سلمي : خلاص هغرفلك وانا ساكتة 🙂
ملك والاكل ف بوقها : هه هتغرفلك يا لولي 😂😂
سلمي : اخرسي يا بنت
ملك : ما تتبنيني يا روكا ونبي وتنقذيني من الساحرة الشريرة دي
سلمي : انا ساحرة شريرة يا واطية خسارة فيكي تربيتي
مريم : سلمي انتي ساحرة شريرة فعلا ده لقبك من ساعة ما اتصحبنا اصلا فوقي 😂
علي : لا بقا علي فكرة سوسو حبيبتي لا ساحرة شريرة ولا حاجة دي سندريلا متجيش فيها حاجة
سلمي تبوسه من خده : حبيبي يا ناس
ملك : اسكت انت يا لولي 😂😂
” يحطلها الشوكة ف بوقها عشان تسكت”
” يعدي الوقت ويخلصوا اكل ”
سلمي وهي بتلم السفرة : يلا يا هانم انتي وهو علي المواعين
ملك تبص لعلي وتحط ايديها فوسطها : قابل 🙂
” يدخلوا المطبخ وكل واحد واقف قدام حوض وبيغسل الي فيه ”
ملك : علي متشغلنا حاجة
علي : اه وامي تيجي تطردنا
ملك : لا متخافش ما انت هتهز من غير صوت 😂
” يرشها بالمية وايديه يبقا فيها صابون تمثل انه جيه فعنيها ”
ملك : ااااه عينيي اه يا بابا عييينيي
علي بخضة : في اي يابت انا رشيتك بمية نار
ملك : عنيا يا مفتري عليك ربنا اااهه
” يتخض ويصدقها ينشف ايده ويقرب من وشها ”
علي : طب وريني
” يجي ينفخهالها تملي كوباية ماية من الحنافية وتلف ايديها من ورا ضهره وتدلقها علي دماغه وتطلع تجري ويجري وراها😂”
ملك وهي بتجري : الحقيني يا روكااا 😂😂ابنك اتحول وهيكلناااايي
علي بغيظ : انا هلحسك المواعين الي جوا دي هغسل بشعرك المواعين هنشف بوشك الاطباق يا عيلة
مريم : عملتلك اي يا مفتري
سلمي تيجي من جوا : مالك يا حبيبي اي الي غرقك
علي: بنتك يا سلمي هتكون مين هو انا في حد قرفني فحياتي غيرها
ملك: علي قلبك زي العسل😌😌
” يبقا هيقرب عليها تمسكه سلمي ”
علي : ده زفت ونيلة علي دماغك 😡
ملك : كل ده يا روكا عشان دلقت عليه شوية ماية وكانها ماية نار 😒
مريم : معلش يا حببتي هو كدا مفتري زي ابوه 😒
علي : هردهالك يا ملك … هردهالك 🙂🙂
” بعد شوية يعدي الوقت ويقعدوا وماسكة تليفونه بتتصور بيه بقالها ساعة”
علي : بنسبة للتليفون الي مسكاه بقالك ساعة
ملك : ماله
علي : بتاعي 🙂
ملك : بتاعناا 😂😂
علي : طب تعالي نتصور سوا طيب 😂
” يتصورا وملك بتعمل بوشها حركات غريبة 😂 ، تمسك الفون وتشوف الصور تلقي التغفيلات بتاعتها ”
ملك بغيظ : يا علي يابناااللل
علي يشد منها الفون : هااا بلاش قلة ادب 😂
ملك : بتغفلني وانا نايمة يا علي ماشي ونعمة لفضايحك كلها تبقا علي استوري الواتساب انهاردة 😡
علي : اما نشوف
” يعدي الوقت واليل يجي ويبقا كلهم قاعدين قدام التليفزيون وسلمي ومريم بيعيطوا ”
مريم : هالوك ده لو ربنا خده هنرتاح والله
سلمي : يعيني عليك يا سافاش يابني هو واخته مدمرينله حياته
ملك : لا ده انتوا الي المسلسل دمر حياتكوا ولو مقومناش من جنبكوا دلوقتي هتدمر حياتنا احنا قوم يابني وهاتي اللب ده يا ماما انتي بتعيطي ولا بتاكلي لب
علي : علي السطح ؟
ملك : علي السطح
” ياخدوا اللب والشيبسي ويطلعوا علي السطح ويقعدوا علي الكنبة ”
ملك : قال هو واخته دمرله حياته قال بنات شمس ده انا حفظته اكتر من اسمي والله
علي : وانا امي حفظتني حب ابيض و اسود
ملك : بغض النظر عن ان المسلسلات حلوة فعلا بس يوك ارتك يا اخي يعني
علي يخبطها علي دماغها : اتعدلي بقا
ملك : طب شغلنا فيلم طيب
علي : لا انا دماغي صدعت تاملي النجوم … ” يفكر بخبث ” او تاملي عنيا عادي مش هضايق
ملك : اتلهي
علي : بجييااادد
ملك بارتباك : امم هات اللب
علي : لا
ملك : ياض هات الب ياض بلاش برود
” يبعد الطبق عنها تمد ايديها وتبقا قريبة اوي منه تسرح ف عنيه وهو كمان يفضل بصصلها بحب يفضلوا كدا كام ثانية وبعدين تفوق ملك ”
ملك برتباك ووشها يحمر جدا : اا اا هات الطبق ولم نفسك بقا لضربك
علي برتباك وبيبعد عنيه عنها : خدي
” يديها الطبق وتبقا ضربات قلبه سريعة جدا ، تتعدل وتعدل الزنط وتقعد تاكل اللب “