رواية سند لقلبي الفصل الأول 1 بقلم سلمى هيكل

رواية سند لقلبي الجزء الأول

رواية سند لقلبي البارت الأول

رواية سند لقلبي الحلقة الأولى

استفقت من تلك الذكري البعيدة إلى حد ما علي صوت غلق باب المنزل
“ازيك يا غزل عاملة ايه ”
– الحمدلله يا أسر هقوم احضر الغدا
– ماشي ..عشان هننزل بعد الغدا
– هنروح فين
– مفاجأة يا ستي باعتبار ان النهارده عيد جوازنا
– اها ..ماشي
قومت حضرت الغدا و انا بفكر المفروض ابقي فرحانة عشان النهاردة اول عيد جواز ليا ولا ابقي زعلانة عشان مش حبيبي هو اللي جوزي اول ما فكرت كده استغفرت ربنا و كملت نقل الأطباق علي السفرة
– تسلم ايدك الاكل حلو كالعاده
– الله يسلمك بالهنا و الشفا يا رب
ابتسم لي ابتسامه صغيرة و كملنا الاكل في صمت
خلصنا الاكل و قومت شيلت الأطباق و غسلتها و دخلت البس عشان ننزل
– ها خلصتي يا غزل
– ايوة خلاص اهو
نزلنا سوا و ركبت معاه العربية و انا مش عارفة هنروح فين
– يالا يا ستي وصلنا
لقيته وقف قدام النيل اكتر مكان انا بحبه
– كل السنة و انت طيبة و بخير يا زوجتي العزيزة
– و انت بخير يت زوجي العزيز
قولتها بابتسامة
– فاكرة اول يوم جواز لينا
اتوترت شوية لما افتكرت
– اا..ايوة …ليه
– متتوتريش كده ..انا بس كنت عايز اقولك ان انا لسه فاكر اليوم بتفاصيله و كمان عايز اقولك انى قد الوعد اللي وعدتهولك
افتكرت اول يوم جواز بعد الفرح و بعد ما روحنا البيت كانت الدموع مغرقة عيني
بصلي بهدوء و اتكلم بنفس الهدوء
– ممكن اعرف بس مالك بتعيطي ليه ..انا صحيح مقعدتش معاكي كرتين علي بعض من يوم ما اتقدمتلك ..بس برضو يهمني زعلك
– انت عارف ان انا كان مكتوب كتابي قبل كده و محصلش نصيب بسبب تافه جدا و واحدة وقعت بين العيلتين و للأسف كانت قريبتي
– طيب انا اه كنت عارفة ان انت كان مكتوب كتابك بس معرفش السبب فأنا دلوقتي بما اني بقيت زوجك دلوقتي فأنا احب اعرف كل حاجة عنك و لك بالمثل هعرفك كل حاجة عني
و كأن بكلمته تلك ضغط علي زر النفجار بداخلها و قصت كل شئ عليه لتصبح حياتهما واضحة من اول يوم
– انا اتقدملي سند من حوالي خمس سنين و كتبنا الكتاب بعد ما تقدملي بأسبوع لأني حسيت معاه بالأمان و كان علي خُلق و قبل الفرح بشهر كنا بننزل كتير عشان تحهزيات الفرح و كده و يوم حجز القاعة ماما طلبت مني اكلم بسمة بنت عمتي عشان تيجي معانا لأنها وحيدة و اهلها متوفيين جات معانا و قعدت تتأمر علي كل حاجة واحنا كنا متففين علي ان حجز القاعة يكون ٣٠٠ فرد بس بسمة قعدت تقول و ليه ميكونش ٥٠٠ و قت تزن علي دماغ ماما و راحت لأم سند و قعدت تسم بدنها لحد ما وصل الموضوع للطلاق
– يعني انت ماحولتيش تكلمي سند او تحاولي تهدي الموضوع
– للأسف بسمة كانت ضغطت علي ماما من ناحية ان هو كده بخيل و مش هيقدر يعيشني حياة ممتعة و ماما سحبت مني الفون وكمان امتنعت من النزول لحد ما وصلتني ورقة طلاقي انا لسه بحبه و مش هقدر احب غيره عارفة اني كده بضغط عليك بس انا حبيت تكون عارف كل حاجة عني عشان بعد كده متزعلش او تتصدم فيا
– طب و بسمة ايه اللي وصلها انها تكرهك اوي كده و اصلا هي فين دلوقتي
– اللي وصلها لكده ان هي أكبر مني بجوالي سبع سنين و كانت لسه ما اتجوزتش و غيرانة مني و من حبي انا و سند علي الرغم اني كنت بحبها زي اختي او اكتر والله بس هي مرتش ده و علي العموم هي اتجوزت واحد و سافرت معاه الكويت و سمعت ان هي أطلقت عشان طلعت مش بتخلف
– ربنا أداها عقابها ..و بعدين بس ما تقوليش عليها زي اختي عشان اختك ليها خاطر عندي مش عايز اكرها
– خاطر ليه ..اقصد ازاي يعني
– مش باسل جوز زينة اختك هو اللي عرفنا علي بعض ..المهم جه دوري بقا عشان احكي
اتكلمت بصوا مهزوز من العياط
– اتفضل
– انا يا ستي وحيد ابويا مات في حادثة من عشر سنين و امي هي اللي فضلت معايا و بتساندني كنت لسه في الجامعه اشتغلت مع الدراسة لحد ما خلصت هندسة و اشتغلت في شركة كبيرة كنت بتدرب فيها مع الدراسة و الحمدلله اترقيت لحد ما بقيت مدير القسم بتاعي و بقا عندي ٢٨ سنة و امي فضلت تزن عليت عشان اتجوز و انا كنت رافض الجواز من واحدة مش عارفها او مش بحبها لس لما باسل عرفنا ببعض امي وافقت و أصرت عليا اني كبرت و نفسها تشوف عيالي قبل ما تموت و كلام الأمهات ده
قاطعه وانا بقوله – نفس الكلام اللي ماما قالته
-المهم انا عايزك تعرفي اني بصراحة محبتكيش و ده مش معناه اني بكرهك والله انا كل مشاعري ناحيتك الاحترام و انت ليك مطلق الحرية براحتك ده بيتك و انت ممكن تنامي في اوضة النوم و انا في اوضة الأطفال
– لا..لا انت ممكن تنام في اوضة النوم وانا في اوضة الأطفال..وانا محترمة صراحتك اوي ولو جه اليوم اللي تقولي فيه انك حبيت واحدة صدقني اني هبقي اول واحدة هتفرح ليك و ممكن ننفصل بهدوء خالص
– تمام ولنا هوعدِك ان احنا يبقي بنا احترام متبادل و اعتبرنا أصدقاء او اخوات اللي تحبيه
– شكرا ليك بجد ..والله كلامك ريحني جدا وانا ان شاء الله ربنا يقدرني و اقوم بواجبي في البيت
– ماشي يا ست الكل قومي نامي بقا ..اصل اليوم كان متعب اوي
رجعت من ذكرياتي
– سرحتي في أيه
– مفيش انا معاك اهو
– طيب اتفضلي هديتك
كان جايبلي انسيال رقيق من الدهب
– الله ..شكله حلو اوي ..اتفضل هديتك انت كمان
اخدها و فتحها- الساعة ديه حلوة ازي انت ازاي عرفتي زوقي
– من الساعات اللي عندك و كمان انت كنت مشير بوست علي الفيس علي شكل الساعة ديه فجبتها
– تسلم ايدك يا غزل
*****************************
عند سند
– يا أمي انا مش هتجوز
– يا بني ما غزل اتجوزت و شافت حالها شوف حالك بقا
– انا مليش دعوة بحد يا ماما ..بعد اذنك انا هنزل الشغل
************
بعد مرور اسبوع
عند أسر في الشركة
– انا مش موافقة يا أسر كل واحد يروح لحاله احسن
– يعني ده آخر كلام عندك يا سارة
– ايوة ..انا مقدرش اخد واحد من مراته ..او ابقي سبب في أذية ست زي
– بس هي موافقة
– و ايه اللي يجبرها علي الموافقة ..يعني ان جوزها يتجوز عليها و هي ممكن توافق بس من جواها بتتقهر
– طيب يا سارة بعد اذنك
رجع أسر المنزل و كان وجه حزين
– مالك يا أسر فيه ايه
– مفيش يا غزل
– لاء فيه انت شكلك مضايق اوي
– طيب بعد الغدا هحكيلك
بعد الغدا
– بصي انا هقولك علي حاجة بس مش عايزك تزعلي و لو اللي هقوله هيدايقك انا ممكن امنعه والله
– فيه ايه بس انت كده قلقتني
– بصراحة كده ..فيه واحدة زميلتي في الشركة حبيتها و عرضت عليها الجواز بس لما عرفت اني متجوز رفضت
رديت بسرعه- لو هي عايزاك تطلقني انا موافقة و مش هبقي زعلانة والله المهم تبقي مبسوط في حياتك كفاية اللي عملته معايا
– لاء والله ..هي بس متعرفش طبيعة العلاقة بينا و مفكرة انها كده توجع بنت زيها عشان نفسها
– شكلها طيبة …يعني هو ده اللي مزعلك
– يعني اه …انت مش زعلانة
– لاء والله خالص ..بس عندي طلب
– اؤمري
– عايزة رقمها
– للأسف مش معايا ..انا و هي رفضنا ان احنا نتكلم عشان محسش بخيانة ناحيتك
– اممم .يعني مش هتعرف تجيب رقمها خالص
– ممكن اجيبه من الفايل بتاعها في الشركة بس انت عايزاه ليه .
– هتعرف عليها بس هات الرقم بقا
– ماشي استني ادخل اشوفه في الفايلات اللي علي اللاب
بعد مدة كام جاب رقمها
– اتفضلي يا ستي الرقم اهو
– تسلم يا أسر
– طيب انا هنزل مع اصحابي شويه هتعوزي حاجة من بره
– لاء شكرا ..سلامتك
بعد ما نزل
مسكت الفون
و رنيت علي الرقم
– الو
– الو ..الانسه سارة معايا
– ايوة مين حضرتك
– انا غزل مرات أسر